forum.ziyouz.com

Jamiyat va inson => Oila va jamiyat => Mavzu boshlandi: Muslimа 14 Mart 2007, 12:55:04

Nom: Ota - onalarni e'zozlab...
Yuborildi: Muslimа 14 Mart 2007, 12:55:04
Assalomu alaykum!
Bu mavzuda hayotimizni mazmuni, qalbimizga eng yaqin bo'lgan insonlar - ota-onalarimiz haqidagi o'zimizga manzur bo'lgan sh'er va qoshiqlar matnini joylashtiramiz. Albatta ota - onamiz haqida qancha gapirsak va ularni qancha e'zozlasak oz. Ba'zan ularni ko'ngillarini ranjitamiz, qalblariga ozor beramiz. Ular bizga yaxshilikni ravo ko'rayotganlarini tushunmaymiz. Lekin bir zum ularsiz hayotimizni tasavvur qilishimiz qiyin! Bahtimizga onalarimiz va otalarimiz doimo sog' bo'lishsin!
Alloh taolo barchalarini O'z panohida asrasin! Omin!
Nom: Re: Ota - onalarni e'zozlab...
Yuborildi: Muslimа 14 Mart 2007, 12:59:52
Olamdagi eng go’zal ayol

Yulduz Usmonova qo'shig'i

Har qancha kuylamay zo’r berib ovoz
Tushgan sochingizga arzimaydi rost.
Sizga muhabbatim bayon etish uchun,
Onajonim kuylar ojiz, so’zlar esa oz.
Orzuim ne qilsam sizga o’xshasam,
Qovog’im uysam ham o’ylansam kulsam.
Hayoti o’rnagim, Luqmonu Hakimim
Ham Nodirabegim ham Bibihonim

Olamdagi eng go’zal ayol,
Nigohingiz nur sochar zilol.
Kaftingizda tuproq ham halol,
Azizim onajon yorug’ yulduzim,
Sog’inchim, quvonchim, ovozim, sozim

Sizni bir ismingiz Hazrati inson,
Ko’nglingizni olish osondan — oson.
Osmondagi Oyni olib bersamda oz,
Qo’limdan kelgani go’zal qo’shiq halos.
Lekin, Har qancha kuylamay zo’r berib ovoz
Tushgan sochingizga ham arzimaydi rost.
Sizga muhabbatim bayon etish uchun,
Onajonim kuylar ojiz, so’zlar esa oz.
Jajji qo’lchalarim ol yuzingizda
"œBismillo" o’rgandim jo’r bo’lib sizga.
Tarbiyalab mendek shaddod qaysar qizni
Onajonim ona bo’lib tushundim sizni.

Olamdagi eng go’zal ayol,
Nigohingiz nur sochar zilol.
Kaftingizda tuproq ham halol,
Azizim onajon yorug’ yulduzim,
Sog’inchim, quvonchim, ovozim, sozim

Onajonim ona bo’lib tushungim sizni"¦
Nom: Re: Ota - onalarni e'zozlab...
Yuborildi: Muslimа 14 Mart 2007, 13:11:57
Ota — onang o’tgandan keyin"¦

Yulduz Usmonova qo'shig'i

Davlating ham, ishongan bog’ing,
Bo’lsa agar suyangan tog’ing.
Bilasan ham bu bahtli chog’ing
Ota — onang o’tgandan keyin"¦

Keng dunyo ham goho tor bo’lar,
Ko’ngli sog’inchlarga zor bo’lar.
Orzu emas, armon yor bo’lar
Ota — onang o’tgandan keyin"¦

Qalbing g’amga berilib qolar,
Do’st — dushmaning terilib qolar.
Osmon boshing egilib qolar,
Ota — onang o’tgandan keyin"¦

Topolmaysan dardingga malham,
Uy to’rida faqat ular kam.
Kiprigingni tark etmaydi nam
Ota — onang o’tgandan keyin"¦
Ota — onang o’tgandan keyin"¦

Nom: Re: Ota - onalarni e'zozlab...
Yuborildi: Foniy 21 Mart 2007, 13:18:18
Onangni esla

Dildora Niyozova ijrosida

Elga manzur bir ish qilsam Ona sizni esladim
Bilmaganim agar bilsam yana sizni esladim
Qo'lim baland, baxtim kulsa Ona sizni esladim
Yo'ldan toyib xato qilsam yana sizni esladim


Do'sting qilmishidan alam o'tganda
Xiyonat ko'zasi sitam to'kkanda
Ilhom orom bermay sozin tutganda
Onangni eslagin duo qilganmi?!.
Otangni eslagin duo qilganmi?!.

Olqishga burkansang vujuding sarmast
Yulduzga qo'l cho'zsang yetganida dast
Ulkan maqsadlarga qilganingda qasd
Onangni eslagin duo qilganmi?!.
Otangni eslagin duo qilganmi?!.

O'g'ling oshiq bo'lsa bir qalam qoshga
Uyingga to'lsa gar to'y-u tomosha
Sochingga oq tushsa yillardan osha
Onangni eslagin duo qilganmi?!.
Otangni eslagin duo qilganmi?!.

Do'stim o'ylab ko'rgin issiq tanangga
Tirnoq botirmayman eski yarangga
Termulib qaro ko'z shirin bolangga
Onangni eslagin duo qilganmi?!.
Otangni eslagin duo qilganmi?!.
Nom: Re: Ota - onalarni e'zozlab...
Yuborildi: Muslimа 26 Mart 2007, 12:43:33
Tavallo

To’ra Sulaymon

Nelardandir ko’ngil bo’lib g’ash,
Ham egilib, bu egilmas bosh,
Ko’zlarimda qalqib tursa yosh,
Bu holimga berolmay bardosh,
   Bir mushtipar Onam yig’laydir,
   Qolganlari yolg’on yig’laydir.

Qaytar bo’lsam quruq qo’l ovdan,
Qora qozon qolsa qynovdan,
Ham ayrilib o’lja, ulovdan,
Qarzga botar bo’lsam birovdan,
   Taskin berib Onam yig’laydir,
   Qolganlari yolg’on yig’laydir.

Birda haqdin, birda nohaqdin,
Jabr ko’rsam bir betafiqdin,
Ortda tursam qalbi quroqdin,
Qabrim harob bo’lsa tuproqdin,
   Ohlar urib Onam yig’laydir,
   Qolganlari yolg’on yig’laydir.

Og’a-ini o’rtasida gap"¦
Alhol, kelib chiqsa ixtilof,
Biri izzat, bir mulk talab,
- Bu oq sutim, mehrimga hilof,-
   Deya sho’rlik Onam yig’laydir,
   Qolganlari yolg’on yig’laydir.

Sinalmoqning gali kelganda,
Nogoh mag’lub bo’lsam maydonda,
Nomim qolmas bo’lsa jahonda,
Kim do’st-dushman bilinear onda
   Ahvolimga Onam yig’laydir,
   Qolganlari yolg’on yig’laydir.

G’anim bir yon, men bir yon bo’lsam,
U ustuvor men uryon bo’lsam,
Bu ham kamday nogiron bo’lsam,
Yog’och ot(tobut)ga yonma-yon bo’lsam,
   Oy tutilib, Onam yig’laydir,
   Qolganlari yolg’on yig’laydir.

Bo’lsam gumroh, bo’lsa gunohim,
Vujudimga solmasdan vahm,
Qabul aylab tavallo — ohim,
Darig’ tutma mehring, Ilohim,
   Yig’latmagin mushfiq Onamni,
   Volidayi muhtaramamni.
Nom: Re: Ota - onalarni e'zozlab...
Yuborildi: oyqiz 04 Aprel 2007, 22:01:36
Assalamu alaykum.
Man avvallari yoshlik qilibmi yoki erkalikmi uzoq-uzoqlarga ketishni, boshqacha hayotda yashashni orzu qilardim. U vaqtlarda adamla hayot edi(olloh rahmat qilsin),mani juda erkalatardi. Oyijonim mani kunglimga qarar nimani xoxlasam shuni bugun bulmasa ertaga muhayyo qilardi.
Hozir adamla olamdan utdi, uzim esa orzu qilganimdek uzoqlardaman.
Oyijonimni juda soginaman, kunda tel.da gaplashsam xam.
Xar narsani vaqtida qadriga etish kerak ekan.
Man baxtliman lekin buni adamla kurmadi, shu mani qiynaydi.
Jamiyki Onalarni,Oyimlani xam umrlari uzun bulsin.
Adajonlarni xam umrlari uzun bulsin.
Nom: Re: Ota - onalarni e'zozlab...
Yuborildi: Mahdiyah 06 Aprel 2007, 08:03:14
ONAMGA

Muhammad Yusuf she'ri

Oh, mening ortimdan ovvora onam,
Bir parcha yuragi ming pora onam.
Bir baloni ko`rib yorug` dunyoda,
Toshkanni ko`rmagan bechora onam,
Bolang bo`lib bir bor boshlab keldimmi,
Endi men ham senga farzand bo`ldimmi!..

Deysan: olislarda omon yursang bas,
Yodingga tushsam goh yo`qlab tursang bas,
Bolam, senga hamma qiladi xavas...
Axir, mening dardim qo`shiqmas faqat,
Men mashhur hofizmas — mashhur beshafqat,
Endi men ham senga farzandmanmi, ayt?...

Sha`ningga kuy bitdim. U seni topsin,
Poyingga tiz cho`kib, qo`lingni o`psin.
Undan ham ulug`im borligin ko`rsin,
Men uchun ham aziz holingni so`rsin,
Sensiz g`arib ko`nglim ko`ngilmi, onam,
Endi men ham senga o`g`ilmi, onam!..
Nom: Re: Ota - onalarni e'zozlab...
Yuborildi: Mahdiyah 06 Aprel 2007, 08:03:53
OTA

Muhammad Yusuf she'ri

Armonim bor, bu dunyoda armonim bor,
Qoq dalada o'tlar bosgan o'rmonim bor.
Qizg'aldoqday boshim egik bu makonda,
Yonib yashab o'tmagan otajonim bor.

Ota desam, bag'ri-dilim yonaverar,
Kunim yonar, oyu yilim yonaverar,
Mozoriga qo'ygan gulim yonaverar,
Tutunlarga to'lib ketgan osmonim bor.

Esaversin jannatlardan kelgan nasim,
Momo yerim, o'zingsan eng muqaddasim,
Bag'ringda jim tinglab bu tun jon nafasim,
Ruhimni allalab yotgan jahonim bor.

Odam bo'lib bir odamni tushunmaslar,
Ko'zingda yosh ko'rib ham goh o'kinmaslar,
Bosgan izim poylab yurgan ey, nokaslar,
Qabrdan qo'l cho'zib turgan qalqonim bor...

Men otamdan qolgan erkin sado-sasman,
Qonimga yot navolarga qayrilmasman,
O'lgunimcha endi undan ayrilmasman -
O'z otamdek bo'lib qolgan imonim bor.

Armonim bor, bu dunyoda armonim bor,
Keng dalada gullar bosgan o'rmonim bor,
Qizg'aldoqlar bosh egib qon yig'lab turgan
Bu makonda mening ham nurjahonim bor
Nom: Re: Ota - onalarni e'zozlab...
Yuborildi: Mahdiyah 06 Aprel 2007, 08:05:09
ONAJON

Yulduz Usmonova

Dunyoda eng toza suvni qidirib,
Onamning dardiga shifo so’radim
Yuzimdan ko’zimning yoshin sidirib,
Onamning dardiga shifo so’radim
Tiz cho’kdim eng avval yolg’iz hudoga
Dard bergan  qodirdir o’zi davoga
Yolvordim yana Momo Havoga
Onamning dardiga shifo so’radim

Onajon, onajon dardingiz o’zim olay
Makkayu Madinam siz
Onajon, onajon dardingiz o’zim olay
Dunyoda borlig’imsiz mening

Tangriga yaqinsiz oyu yulduzlar
Har bemor erta tong quyoshni izlar
Bo’g’zimda qamardir nolayu bo’zlar
Onamning dardiga shifo so’radim
Bulbullar bir nafas gulni uniting
Dunyoda bor gulni Tangriga tuting
Bizdaylarga jo’r bo’lin dodiga yeting
Onamning dardiga shifo so’radim

Onajon, onajonim dardingiz o’zim olay
Makkayu Madinam siz
Onajon, onajonim dardingiz o’zim olay
Dunyoda borlig’imsiz mening

Onajon, onajonim dardingiz o’zim olay
Makkayu Madinam siz
Onajon, onajon dardingiz o’zim olay
Dunyoda borlig’imsiz mening

Onajon, onajonim dardingiz o’zim olay
Makkayu Madinam siz
Onajon, onajonim dardingiz o’zim olay
Dunyoda borlig’imsiz mening

Na na na na "¦.
Makkayu Madinam siz
Na na na na "¦.
Makkayu Madinam siz mening
Dunyoda borlig’imsiz mening
Makkayu Madinam siz mening
Nom: Re: Ota - onalarni e'zozlab...
Yuborildi: Mahdiyah 06 Aprel 2007, 08:06:04
ONA

Yulduz Usmonova

Yor uyida mast yurgan kunim
Onam qadrin nechun bilmasdim?
Do’stlar bilan davron surardim,
Onam dardin ko’zga ilmasdim
Onam esa borardi qarib,
Dard qo’lida indamay erib.
Ko’zlarida ba’zan yosh ko’rib,
Men beaql parvo qilmasdim.

Tushunsaydim, bilsaydim koshki,
Vaqt orqaga qaytsaydi yoki,
Jonimni ham men berib balkim,
Saqlab qolar edim onamni.

Yashayabman kunimga yarab,
Ich-ichimdan o’zimni qarg’ab.
Bo’lmasmidi o’lsaydim Yo Rab!
Armon bugun ichim tilmasdi.

Yomon boshlab ketguncha ketay
Bag’ringizga yetguncha yetay
Sog’inchlarim bisyordur netay?
Onajon, avval bilmasdim

Tushunsaydim bilsaydim koshki,
Vaqt orqaga qaytsaydi yoki,
Jonimni ham men berib balki,
Saqlab qolar edim onamni.
Nom: Re: Ota - onalarni e'zozlab...
Yuborildi: Mahdiyah 06 Aprel 2007, 08:07:07
"œHayr Onajon"

Anvar Sanaev

Bugun mana shodlik kunda do’stlarim ham yonimda
Bugun mana baxtli kunda o’z yorim ham bag’rimda
Yana sizni esga oldim meni sho’rlik onamey onamey onamey
Onamey onamey onamey
Meni mehribon, munis onajonim

Hotirangiz yod eturgan to’planur do’stlaru yorlarim
Sizni ko’rgan sizni bilganlar budir mexmonlarim
Bor savobi sizga tegsin aylayin exsonlarim
Joyingiz jannatda bo’lsin kamtarim jonim Onam

Onajon Onajon Onajonginam
Onajon Onajon mehribonginam

Uydagi har bir giyohda ko’zlaringiz aksi bor
O’g’ilngiz va qizingizda yuzlaringiz aksi bor
Uyimiz ostonasida izlaringiz aksi bor
O’g’ilgizman bu tanamda aylanar Onam Onam

Onajon Onajon Onajonginam
Onajon Onajon mehribonginam

Onajonim kettingiz siz qoldi ko’nglim tosh bo’lib
Ichdagi dardu alamlar qoldi ko’zda yosh bo’lib
Farzandlarni o’stiribsiz yurmadingiz bosh bo’lib
Joyingiz jannatda bo’lsin bebaho jonim Onam

Onajon Onajon Onajonginam
Onajon Onajon mehribonginam
Onajon Onajon Onajonginam
Onajon Onajon mehribonginam
Nom: ONA QIMMATI
Yuborildi: Muhammad Amin 08 May 2007, 16:26:59
 ONA QIMMATI
Ona qimmatini tariflash uchun
So’zlar xazinasin mulki etmaydi
Hayotimni hadya etaman deyman
Bu kichik jonimning o’zi etmaydi

Chunki mening kab qancha farzandni
Tug’ib, tarbiya ham qilolgan ona
Kichkina qalbini bo’lak-bo’laklab
Har bo’lakka jon ham bo’lolgan ona

Har bir to’lg’anog’i-o’lim bilan jang
O’limlardan qo’rqmay, janga kirdi u
Ona, qanday ulug’, jonin hisobiga
O’limlarni haydab hayot berdi u

Ononing farzandga mehri beqiyos
Farzand qanday oqlar ona haqqini
Ona rozi bo’lir bergan sutiga
Hayotim deb bilsang Vatan, xalqingni.
 
                         Shukurullo ijodidan                    
Nom: Re: Ota - onalarni e'zozlab...
Yuborildi: mutaallimah 21 Sentyabr 2007, 10:43:59
Assalomu alaykum!

"Bismillah"dir har bir ish uchun hidoyat
Allohga hamd-sano bo'lsin benihoyat
Rosuliga ergashib topdim men hidoyat
Muhammad ummati bo'lgan o'g'lingizman
Zindonlarda qolib ketgan o'g'lingizman.

O'zbek uchun o'ttizinchi qatog'on yillar
Sho'ro kelib dindorlarni qilgan qirg'inlar
Shunda sizga "din fazli" deb deb bobom buvim
Nom bersalar xursand bo'lgan o'g'lingizman
Zindonlarda qolib ketgan o'g'lingizman.

Bolalikdan ilm-u fanga meni ko'p chorlab
Ham jismonan kuchli, jasur bo'lishim istab
Fozil inson bo'lishimni Hudodan tilab
Ulg'aytirib katta qilgan o'g'lingizman
Zindonlarda qolib ketgan o'g'lingizman.

Yoshligimdan yaxshi ko'rib hurmat qilardim
Men uchun eng buyuk inson siz deb bilardim
Ammo bir kun yo'qotishdan qattiq qo'rqardim
Balki shundan soch oqargan o'g'lingizman
Zindonlarda qolib ketgan o'g'lingizman.

Kiyinishda, ko'rinishda, yurish-turishda
Yoshu-qari, erkak-ayol tilin topishda
Uzoq yaqin ham aqrabo holin so'rashda
Doim sizdan ibrat olgan o'g'lingizman
Zindonlarda qolib ketgan o'g'lingizman.

Dunyo ilmini egalladim qurbim yetguncha
Diniy ilm-ma'rifat ham ololdim ancha
Yana kitob o'qidim, men bilmadim qancha
Siz tufayli kitob ko'rgan o'g'lingizman
Zindonlarda qolib ketgan o'g'lingizman.

Kimdir meni olim sanab ko'rsatar hurmat
Koshki ondek bunda bo'lsa haqiqat
O'zni olim ta'n olishga qilolmam jur'at
Olim emas hanuz tolib o'g'lingizman
Zindonlarda qolib ketgan o'g'lingizman.

Yana kimdir dushman sanab qo'yar tuzoqlar
Orzusida mening jonim zindon-qamoqlar
Shu vaj bilan balki zolim qilmishin oqlar
Zulmu isyondan ko'p yiroq o'g'lingizman
Zindonlarda qolib ketgan o'g'lingizman.

Yetgan ilmim shu bo'ldi-ki ey otajonim!
Sizga hizmat qilolmasdan qiynalar jonim
Bu ahvolda qiyomat kun ne kechar holim
Rizoingiz umid etgan o'g'lingizman
Zindonlarda qolib ketgan o'g'lingizman.

Eslatay sizga shu on Yoqub qissasin
Yo'qotganda ul zot Yusuf hamda kenjasin
Bir kun kelib jamladi-ku Alloh barchasin
Yoqub sabrin sizga tilar o'g'lingizman
Zindonlarda qolib ketgan o'g'lingizman.

Bilaman sizga ho'b qiyin bo'ldi otajon
G'ariblikda yursa nega navqiron o'g'lon
Lekin bir kun qoshingizda turar besh ovlon
Yusuf kabi tushlar ko'rgan o'g'lingizman
Zindonlarda qolib ketgan o'g'lingizman.

Ota - Jannat darvozalar o'rtasi bilgil
Eplayolsang shu yerdan sen Jannatga kirgil
Yo'qsa faqat yutqazibsan ey nodon o'g'il
Shu ma'noda hadis ko'rgan o'g'lingizman
Zindonlarda qolib ketgan o'g'lingizman.

Orzuim - Shu darvozani qo'lga kiritmoq
Sizni rozi qilish uchun yelib-yugurmoq
Bunga fursat yetar yo yo'q bilmasman biroq
Xizmatingiz ho'b sog'ingan o'g'lingizman
Zindonlarda qolib ketgan o'g'lingizman

Onajonim sizga aytar dil so'zlarim bor
Yuzlaringiz sog'indim oppoq beg'ubor
Allohdan so'ng menga sizdan g'amho'rroq kim bor?
Kech bo'lsa-da anglab yetgan o'g'lingizman
Zindonlarda qolib ketgan o'g'lingizman

Kechalari alla aytib, silab yuzlarim
Kunduzlari najas tekkan yuvib kirlarim
Aqlim tanib, endi kuchga kirgan onlarim
Hizmatingiz qilolmagan o'g'lingizman
Zindonlarda qolib ketgan o'g'lingizman.

Tobim qochsa uyqu bilmay tunlari bedor
Shay bo'ldingiz joniz xatto bermoqqa ming bor
Endi mening galim kelsa, loaqal bir bor
Holingizni so'rolmagan o'g'lingizman
Zindonlarda qolib ketgan o'g'lingizman.

Yeb ichishda, kiyinishda bilmadim hech g'am
Onam bor-ku degan o'y-la yayradim beg'am
Ziyoratga farzandlarim borsalar har dam
Qoshingizga borolmagan o'g'lingizman
Zindonlarda qolib ketgan o'g'lingizman.

Ko'zlarimga qaniy sursam qo'llaringiz
O'zim artib yoshdan namli yuzlaringiz
Tushlarimda ko'rsam ma'yus ko'zlaringiz
"G'amgin bo'lmang Hudo yor" der o'g'lingizman
Zindonlarda qolib ketgan o'g'lingizman.

Ko'p eslayman so'nggi marta uchrashganlarim
To'yib-to'yib ko'z yoshi-la gaplashganlarim
Sezganmikan judolikni o'shal on qalbim
Xotiralar saqlab qolgan o'g'lingizman
Zindonlarda qolib ketgan o'g'lingizman.

Odamzotga sajda uchun bo'lganda ruxsat
Yiqilardim oyog'ingiz o'pib men albat
Bekorgamas bu oyoqlar ostida Jannat
Qarzlaringiz uzolmagan o'g'lingizman
Zindonlarda qolib ketgan o'g'lingizman.

Chaqirsangiz namozim ham buzaman alhol
Ota-onang tirik ersa duolarin ol
Yo'qsa Jannat degan rosul sen uchun muhol
Duo qiling! - Duo talab o'g'lingizman
Zindonlarda qolib ketgan o'g'lingizman.

Doim shu asragin ey Parvardigorim
Panohingda otam hamda onaizorim
Shuning uchun kerak bo'lsa berayin borim
Jonim fido bo'lsin sizga o'g'lingizman
Zindonlarda qolib ketgan o'g'lingizman...
Nom: Re: Ota - onalarni e'zozlab...
Yuborildi: AbdulAziz 22 Sentyabr 2007, 07:28:15
Assalomu alaykum!
Judayam ta'sirli she'r ekan. Alloh rozi bo'lsin!
She'r muallifi kim?
Nom: Re: Ota - onalarni e'zozlab...
Yuborildi: Munira xonim 24 Sentyabr 2007, 11:18:41
Ona!!!

Do'ppisini otsin osmonga,
Ko'zi kulib boqsin zamonga.
Qo'lin butun uzatsin nonga,
Hayot bo'lsa kimning onasi.

Sovqotmaydi qor bo'ronda ham,
Qoqilmaydi tosh yo'llarda ham,
Turtolmaydi hech bir muttaham,
Hayot bo'lsa kimning onasi.

Yulinmaydi nohaq bir pati,
Yahshi bo'lar doim ulfati,
Issiq turar doim ovqati,
Hayot bo'lsa kimning onasi.

Mehr izlab ko'chib yurmaydi,
O'z uyida cho'chib yurmaydi,
Rangi quti o'chib yurmaydi,
Hayot bo'lsa kimning onasi.

Farzand uchun ona bir me'mor,
Poyidadir onaning jannat,
Yetsin uning qadriga faqat,
Hayot bo'lsa kimning onasi.
Nom: Re: Ota - onalarni e'zozlab...
Yuborildi: mutaallimah 25 Sentyabr 2007, 12:57:28
Assalomu alaykum!
Judayam ta'sirli she'r ekan. Alloh rozi bo'lsin!
She'r muallifi kim?
Va alaykum assalom!
Sizdan ham Alloh rozi bo'lsin!
She'r muallifi Ruhiddin Fahruddinov...
Nom: Re: Ota - onalarni e'zozlab...
Yuborildi: Muslimа 26 Oktyabr 2007, 08:05:41
Taskin

Rangi yaproqdayin siniq onama,
Ruhim bandi bo’ldi, tanam oldida.
Mening ishim faqat Xudoda qolgan,
Tiz cho’kmam na but, na sanam oldida.

Onamga ne berdim ko’z yoshdan bo’lak,
Ko’ksim ezib yotgan shu toshdan bo’lak.
"œBAHTLIROQ BO’LARDI MENI TUG’MASA"
BOSHIM MANGU EGIK SHU G’AM OLDIDA.

Kimdan gul, kimdandur pul qarzdorman,
Ey bundoq narsadan mo’l qarzdorman.
Qarzdorman deb ko’ngil cho’ktirmoq nechun,
Odam qarzdorku odam oldida.

Garchi u chorladi, unga bormadim,
Borsam ishq o’ladi, shunga bormadim.
Afsus, bekor bo’ldi ming mil yurganim,
O’sha qo’yilmas bir qadam oldida.

ONAM BU DUNYODA HALOLIK BERDI,
YUZLARIMNI TOZALAB ZILOLLIK BERDI.
ONAMNING QARZI YO’Q dunyodan, lekin,
DUNYONING QARZI BOR ONAM OLDIDA.
Nom: Re: Ota - onalarni e'zozlab...
Yuborildi: Muslimа 26 Oktyabr 2007, 08:06:44
Ikki qo’rg’on

Onang ketsa savlatlaring ketgaydir,
Otang ketsa davlatlaring ketgaydir,
Shu ikkala qo’rg’oningdan ayrilsang,
Manglaydagi zar xatlaring ketgaydir.

Otasi yo’q cho’lda qolgan giyohday,
Onasi yo’q rangi ro’yi siyohday.
Kimning agar qo’rg’onlari yiqilsa,
To’rt tomondan to’rt ming ozozr yetgaydir.

Nari borsa to’rt yil kutar dildoring,
O’n yil kutar sadoqatli do’st-yoring.
Otang shunda sabr toshga aylanar,
Onang qiriq yil ko’z yummayin kutgaydir.

Otang o’lsa, o’ldi dema hayot u.
Ko’ksingdagi so’nmaydigan bayot u.
Nogoh agar yo’llaringda qoqilsang,
Onang ruhi qo’llaringdan tutgaydir.

Boshigga ish tushganida sinab ko’r,
G’amingga g’am qo’shganida sinab ko’r.
Kimlaringdir sen deb ko’z yosh yutar lek,
Otang qilich, onang qonlar yutar.

SHON — SHUXRATING KETSA KETAR DO’STLARING,
MOL — DAVLATING KETSA KETAR DO’STLARING.
OTA — ONANG QOLAR SENLA, QOLGANI
SHUNCHAKI"¦ko’changdan bir-bir o’tgaydir.
Nom: Re: Ota - onalarni e'zozlab...
Yuborildi: Muslimа 26 Oktyabr 2007, 08:07:09
Iltijo

Mayli, mayli uyimizning g’aribligi,
Goh botartib, gohida betartibligi,
Yaraldikki dunyo g’ami aribdimi?
MENI UYDA ONAM KUTIB TURSA BO’LDI.

Mustarginam ko’zlarida yoshi qalqib,
Boshlarida tursa ro’mollari salqib,
Bu qorong’u umrim aro NURDEK balqib,
MENI UYDA ONAM KUTIB TURSA BO’LDI.

Oyoqlarin mehnat yuki og’ritmasa,
Qarimasa, bundan boshqa qarimasa,
Shu joniga g’amu dardlar dorimasa,
MENI UYDA ONAM KUTIB TURSA BO’LDI.
Yodlab etti yot, aqrabo, heshlarini,
Boshlaridan otib dunyo ishlarini,
Otam bilan kutib yozu qishlarini,
MENI UYDA ONAM KUTIB TURSA BO’LDI.

Bu dunyosin ishi bilan ishim yo’qdir,
Tishlashayin desam sinmas tishim yo’qdir,
KUYSAM ONAMDAYIN KUYAR KISHIM YO’QDIR,
MENI UYDA ONAM KUTIB TURSA BO’LDI.

Birodarlar bilmaysiz bu shunday g’amki,
Va shundayin ko’ngil quvnar bir bayramki,
Qishlog’imga ming yil o’tib borsam hamki,
MENI UYDA ONAM KUTIB TURSA BO’LDI.

Guljamol Asqarova
"œUyg’otuvchi alla" she’rlar to’plamidan.

Nom: Re: Ota - onalarni e'zozlab...
Yuborildi: shoir 27 Oktyabr 2007, 16:13:06
ONAJON

Onam Turdi Erdona Karvon qizi xotirasiga

I

Necha kunki yo`q oromim
Kelolmayman hushimga.
Onajonim kechalari
Kirib chiqar tushimga.

Qo`llarida oq elpig`ich
Oy nurida yaltirar.
Onajonim imlab meni
Qoshlariga chaqirar.

Keltirarlar goho beshik
Ko`zlarida hayajon.
Yotar payting bo`ldi-ku der,
Kela qol, der, bolajon.

Qaylargadir yuguraman,
Fig`onimdan chiqar dud.
Yig`lama, deb qo`llarimga
Tutqazarlar so`ng tobut.

Tongda ruhsiz ko`z ochaman,
Qovurilar tanda jon.
Onajonim, bunday qilma,
Bunday qilma, onajon.

Axir o`zing der eding-ku,
Silab o`ksuk boshimni:
- Endi senga bersin umr,
Senga bersin yoshimni.

Afsus, o`zing erta ketding,
Erta ketding olamdan.
Ukalarim bag`rim ezar,
Ajradik deb onamdan.

Bevaqt xazon bo`lmay har kim
Yoshab o`tsin dunyoda.
Onajonim, har kim oshin
Oshab o`tsin dunyoda.

Garchi fano har kimsaga
Azaliy bir qismatdir.
Lekin, ona, tiriklik ham
Bilsang, yarim hikmatdir.

Tushlarimda, mayli, boshim
Silab turgin, onajon.
Qolganlarga endi umr
Tilab turgin, onajon.
Nom: Re: Ota - onalarni e'zozlab...
Yuborildi: shoir 27 Oktyabr 2007, 16:13:29
II

U kun chetda oh chekardim
G`ussalarning dastidan.
Sen otamga pul beribsan
Yostig`ingning ostidan.

Aytibsanki, onasizlik
Kelmasin hech o`yiga.
Sarf qilingiz, menga emas,
Abdullaning to`yiga.

O, o`g`lingga sen shafqatni
Bilarding-ku, onajon.
Bundan ko`ra bag`rim o`ysang
Bo`lardi-ku, onajon.

Zarragina rahm etgali
Sabring menga yo`qmidi?
Onajonim, bundan o`zga
Jabring menga yo`qmidi?

Yo`qmidi hech o`zga gaping, -
Nola qilib so`ylasang.
Nahot, axir so`nggi dam ham
Farzandingni o`ylasang.

Axir orzu qochib ketmas,
Bitkazar-ku tiriklar.
Onajonim, bir kunini
O`tkazar-ku tiriklar.

Unutilar g`ussalar ham,
Orzular ham cho`zar bo`y.
Onajonim, balki bir kun
Aytganingday bo`lar to`y.

Balki sening qabring uzra
Ko`karganda gul, chechak,
Ostonamga qadam qo`yar,
Sen istagan kelinchak.

Kimdir uning yo`llariga
Balki gul ham sochadi.
Balki munis opajonim
Kel, deb, quchoq ochadi.

Balki do`stlar davrasida
Kamim bo`lmas hech qachon.
Lekin seni o`sha damda
Qaydan topay, onajon.
Nom: Re: Ota - onalarni e'zozlab...
Yuborildi: shoir 27 Oktyabr 2007, 16:13:55
III

Esimdadir, titrar edim -
G`amgin, bolish pastida.
Kitobimni ko`rdim nogoh
Boshginangning ostida.

Toshday qotdim o`shal oni
Bor toqatdan ayrilib.
- Shoir o`g`lim, - deding menga
Sekingina qayrilib.

Onajonim, so`ng bor menga
Nafas qilding u zamon.
Shoir bo`lgin, deya balki
Havas qilding u zamon.

Onajonim, balki men ham
Bir kun shavqqa to`larman.
Balki men ham aytganingday
Bir kun shoir bo`larman.

Kuylay desam hurmatingni
Ushbu kunda tilim lol.
Balki faqat shu sababli
Shoir bo`lsam ehtimol.

Balki sarson-arosatda
Qolib ketmas bu tanim,
Kamolimni ko`rar balkim,
Yurtim, ona Vatanim.

Payti kelib to`lar bir kun
Paymona ham beomon.
Kuzatarlar meni ham so`ng
Senga tomon, sen tomon.

Balki u kun boshim uzra
Do`stlar bosh ham egadir.
O`sha damgi iqbolim ham,
Onajonim, sengadir.

Dilda neki jur'atim bor,
Dilda neki hayajon,
Bari, bari senga bo`lsin,
Senga bo`lsin, onajon.

Senga bo`lsin bor hayotim,
Nomim, shonim bir yo`la.
Xotirangga ushbu she'rni
Yozdi o`g`ling Abdulla.

Abdulla Oripov
Nom: Re: Ota - onalarni e'zozlab...
Yuborildi: Munira xonim 28 Oktyabr 2007, 10:26:16
Ko'pdan beri ko'rmadim yuzingizni,
Meni xarob qilar bu holat, ona!
Holimni kelganu ketgandan emas,
Issiq qo'llaringdan so'rab bila, ona!

Ona, g'urbatdaman, g'am o'chog'ida,
Sevgim, yuragimni qo'rida yasha.
Meni sog'inar bo'lsang, yo quchog'inda
Yohud ko'zyoshingda xayol qil, ona!

Ayriliq qismatim ekan, netarman,
Faqat Yaratgandan umid etarman,
Balki shu yerlarda o'lib ketarman,
Ne bo'lsa ham mendan rozi bo'l, ona!

A.Oqkunduz.
Nom: Re: Ota - onalarni e'zozlab...
Yuborildi: Muslimа 02 Noyabr 2007, 08:03:58
Yolg’on so’zlab nima topdim bu dunyoda,
Armonlarim jon-jonimga sanchilgan o’q.
Umidim ko’p Tangrim O’zing qil ziyoda,
Men onamni hali rozi qilganim yo’q.

Avval Hudo haq deganni qo’llaydigan,
Yaxshi yomonimni O’zi xil laydigan.
Duogo’yim, baxt iqbolim tilaydigan,
Men onamni hali rozi qilganim yo’q.

Davlat topsam dedim "œO’g’il, qizimgadur!"
Zo’rligim ham g’o’rligim ham o’zimgadur.
Hayolimda bir o’y — hadik halak mangir,
Men onamni hali rozi qilganim yo’q.

Dard bersa ham shifoli dard bersin Egam,
Necha yilki ozurda jon mushfiq onam.
O’shanda ham "œKuyinma qo’y bolam!" degan,
Men onamni hali rozi qilganim yo’q.


Bahodir Mamajonovni "œOna" qo’shig’idan.
Nom: Re: Ota - onalarni e'zozlab...
Yuborildi: Muslimа 02 Noyabr 2007, 08:05:13
Taqdir menga yozganida balolar,
Oyog’imdan chalganida hatolar.
Yi’qilmadim, egilmadim, sinmadim,
Onalar bor qilib turgan duolar.

Mehir to’la kafti boshimni silar,
"œBolam" deya ko’zu qoshimni silar.
Shomu sahar bahtu kamolim tilar,
Onalar bor qilib turgan duolar.

Men savobni izlamadim uzoqdan,
Men tavofni izlamadim uzoqdan.
Manzilim shu kelsam yaqin yiroqdan,
Onam borku qilib turgan duolar.

Yarashadi savlat to’kib yurganim,
Davlat topib, ko’ngil to’lib turganim.
Peshonamda Alloh qaytib berganim,
Onajonim bor qilib turgan duolar.

Peshonamda Qodir Xudo berganim,
Onajonim bor qilib turgan duolar.

Ozodbek Nazarbekovni "œOnajon" qo’shig’idan.
Nom: Re: Ota - onalarni e'zozlab...
Yuborildi: Foniy 02 Noyabr 2007, 12:17:02
Assalomu alaykum!

Baxtimiz - Onajon...

Tunda yozibman kimgadur she`rlar
Kimgadur o`zimni bag`ishlab har on
Muhabbat desalar berardimku jon
O`shanda unutdim sizni onajon.

Do`stimga ishonib sirim ham aytdim
Dushmanni hamma vaqt do`stim deb bildim
Yomonlik, razillik barchasin qildim
Sizni o`ylamadim bir dam onajon.

Do`st sirimni olamga yoyib ham bo`ldi
Ishonganim ustimdan kulib ham bo`ldi
Nahotki quvonib yi`glagan chog`da
Sizni o`ylamadim bir dam onajon.

Yuz o`girdi hatto o`z  Do`stim
Va`dasin unutdi bevafolar ham
Boshimga tushdiku malomat toshi
Yolg`iz boshginamda yig`ladi onam.

Ko`zimni ochib qarasam shu choq
Yig`lab turar munis bir inson
Qo`llaridan tutib so`rayman
Gunohkor o`g`lingni kechir  ONAJON"¦

Muallifi noma'lum
Nom: Re: Ota - onalarni e'zozlab...
Yuborildi: Foniy 03 Noyabr 2007, 13:11:33
***
Beshigimni quchoqlab yotgan
Shirin-shirin allalar aytgan
Sabo yanglig o’pib uyg'otgan
Onajonim, sizga to’ymadim!

Siz ketdingiz, manzil- lomakon
Hamma ketar, ketar begumon
Ammo qoldi dilda bir armon:
Onajonim, sizga to’ymadim!

Yo’lingizda ko’zlarim qoldi
Aytilmagan so’zlarim qoldi
Ko’zimda yosh, bo’zlarim qoldi
Onajonim, sizga to’ymadim!

Der edingiz: "œOna qo’rg'oshin
Erib ketar ko’rsa ko’z yoshing"
Toshdan bo'lsin derdingiz boshing
Onajonim, sizga to’ymadim!

Orzulagan kunlariz keldi
Siz aytgan ul qut fayz keldi
Lek tilim lol dil ma'yus keldi
Onajonim, sizga toymadim

Yashayapman yaxshi yo yomon
Boshga tushsa ko’narkan inson
Mehringizga tashna bo'ldi jon
Onajonim, sizga to’ymadim!

Umid birlan yashaydi banda
Eh, ochilib bu sirli parda
Ko’rishtirsin endi mahsharda
Onajonim, sizga to’ymadim!
***

Muallifi noma'lum (http://forum.ziyouz.com/index.php?topic=141.msg85543#msg85543)
Nom: Re: Ota - onalarni e'zozlab...
Yuborildi: Mahzunabonu 03 Noyabr 2007, 20:28:12
Sog'inch

Uzoqdaman bu kun uyimdan,
Sog'inchlarim bo'ldi bir jahon.
Bunda kutib student o'g'lin,
Yashaydi bir mo'tabar inson.

U onamdir, onajonginam,
Mehridaryo volidam - Ona!
Uyim ostonasidan chiqyotganimda,
Peshonamdan o'pgan dil mehri yona.

Oyga borib omon qayt, deya,
Duo qildi peshonam silab.
Ko'zin tikib ortimdan uyda,
Qoldi onam menga baxt tilab.

Asadbek.
Nom: Re: Ota - onalarni e'zozlab...
Yuborildi: Muslimа 06 Noyabr 2007, 09:44:12
Onajon siz mening yolg’iz do’stimsiz,
Faqat sizgagina ishonish mumkin.
Yorug’ kunlardagi yorug’ baxtimsiz,
Yolg’iz sizgagina yorilish mumkin.

Dasturxoningizga bugun sevinib,
Shodlik mevalarim to’kib solaman.
Men sizni avaylab, sizga ilinib,
O’zim mehringizdan lazzat olaman.

Lekin shunday qutlug’, keng dasturxonga,
Hasrat taomlarin to’kmoqlik — gunoh.
Sabolar aylansa kuchli bo’ronga,
Aytib bag’ringizni qilmayman siyoh.

FAQAT SIZ HIYONAT QILMAYSIZ MENGA,
SADOQAT TUYG’USI BUNCHALAR NOYOB!
KO’RSATGIM KELMAYDI KO’Z YOSHIM SIZGA,
OPPOQ SOCHLARINGIZ SHUNDOQ HAM SEROB.

MENGA DO’ST KERAKMAS — YIG’LAGANIMDA,
SIZDEK SODIQ DO’STNI TOPMAM HECH QACHON.
QUVONCHIMGA SHERIK IZLAGANIMDA,
SEVINCH YOSHLARIMNI ARTING, ONAJON!


Zamira Egamberdievaning "œDadamning duosi" she’rlar to’plamidan.
Nom: Re: Ota - onalarni e'zozlab...
Yuborildi: Foniy 07 Noyabr 2007, 16:20:15
Onam

O‘g‘lim bor deb suyungan onam,
Har dardimga kuyungan onam.
Orzusini ko‘rolmay menda,
Armonlarga ko‘milgan onam,
Yurak-bag‘ri o‘yilgan onam.

Dunyo ko‘r deb chetga yo‘llagan,
Har qadamda meni o‘ylagan,
Vaslim kutib zor-zor yig‘lagan,
Hijronlarga ko‘milgan onam,
Yurak bag‘ri o‘yilgan onam.

Dunyo kezib baxtimni izlab,
Jon qurbonim onam yolg‘izlab,
Safarlarga ketsam olislab,
Hijronlarga ko‘milgan onam,
Yurak bag‘ri o‘yilgan onam.

Hur hayotga izn so‘rayman,
Ota-onam izin so‘rayman.
Yaratgandan to‘zim so‘rayman,
Har dardimga kuyungan, onam,
O‘g‘lim bor deb suyungan, onam.

Javlon Abdullo
Nom: Re: Ota - onalarni e'zozlab...
Yuborildi: Munira xonim 07 Noyabr 2007, 20:46:06
Ka'ba eshigida turgan ey, posbon,
Avval onalarning ochgin yo'llarin.
Onalar poyiga tiz cho'k o'shal on,
Tavof qil, ko'zga sur, o'pgin qo'llarin.

Hojar onamizning nidosi ila,
Ka'bada ko'z ochgan obi zam-zam ham.
Bir umar talpinmish onaga qarab,
Ne-ne payg'ambar ko'zlarida nam.

Qavmimni ranjitib qo'ymayin,ammo,
Tobut tutib kelgan er zoti doim.
Onalar bag'riga faqat beshik jo,
Hayotbaxsh allalar aytgan muloyim.

Sho'rlik odamzodning tole'si uchun,
Eng avval onalar qilsin ibodat,
Zora, gunohlardan pok bo'lgan, on chin,
Onalar duosi bo'lsa ijobat.
Eng avval onalar qilsin ibodat...
Nom: Re: Ota - onalarni e'zozlab...
Yuborildi: Munira xonim 07 Noyabr 2007, 20:55:26
ONA!!!

Do'ppisini otsin osmonga,
Ko'zi kulib boqsin zamonga.
Qo'lin butun uzatsin nonga,
Hayot bo'lsa kimning onasi.

Sovqotmaydi qor bo'ronda ham,
Qoqilmaydi tosh yo'llarda ham,
Turtolmaydi hech bir muttaham,
Hayot bo'lsa kimning onasi.

Yulinmaydi nohaq bir pati,
Yaxshi bo'lar doim ulfati,
Issiq turar doim ovqati,
Hayot bo'lsa kimning onasi.

Mehr izlab ko'chib yurmaydi,
O'z uyida cho'chib yurmaydi,
Rangi quti o'chib yurmaydi,
Hayot bo'lsa kimning onasi.

Farzand uchun ona bir me'mor,
Poyidadir onaning jannat,
Yetsin uning qadriga faqat,
Hayot bo'lsa kimning onasi.
Nom: Re: Ota - onalarni e'zozlab...
Yuborildi: Muslimа 08 Noyabr 2007, 13:43:23
Onajon

Bir parcha go’sht edim tug’ilgan chog’da,
Shunchalar sevildim issiq quchoqda,
Asraldim jondayin jonda, qarog’da,
Onajon, sevmoqni sezdan o’rgandim.

Osminni keng desam o’zing undan keng
Qalbingda bir emas, quyosh balki ming,
Oydayin balqishing olamlarga teng,
Olamni sevmoqni sendan o’rgandim.

Oy ko’ka o’rlaydi, yulduzlar g’ujg’on
Bedorlik ko’shkida tunlar ham yolg’on
Subhidam ko’ksidan gul terar mujgon,
Tonglarni sevmoqni sendan o’rgandim.

Sahrolar bag’rida kezganda ko’ngil
Sahroyi dilimda bir gul undi — gul
Deding sen "œBu gulga hayotni sungil"¦"
Bahorday gullashni sendan o’rgandim.

Ko’zimga tor kelib tursa-da olam,
Dastim yetmaganda ezgularga ham,
Sabru matonatni o’zga etib jam,
Sabotu kenglikni sendan o’rgandim.

Jonim tig’ ustida halok bo’lgan dam,
To’lg’oqlar tishlarim to’kib bo’lgan dam,
Bolam, deb jonimdan kechib turgan dam,
Hayotga qaytmoqni sendan o’rgandim.

Dunyo bir aylanib kelganda hatto,
Bor tirik mavjudot o’zgarsa hatto,
Bilaman! Shunda ham bo’lmaydi xato —
Bolam, deb olamni quchasan masrur,
Onajon, sen bilan shu baxt, shu surur!

Robiya Yo’ldosheva.
"œHilol" taqvimi 3/2007/1428
Nom: Re: Ota - onalarni e'zozlab...
Yuborildi: shoir 09 Noyabr 2007, 12:09:00
Oh, mening ortimdan ovvora onam,
Bir parcha yuragi ming pora onam.
Bir baloni ko'rib yorug' dunyoda,
Toshkanni ko'rmagan bechora onam,
Bolang bo'lib bir bor boshlab keldimmi,
Endi men ham senga o'g'il bo'ldimmi!..

Garchi bisotingda "bayram" so'zi yo'q,
Bilaman, kutasan sandal to'la cho'g',
Menda yurak deganlarin o'zi yo'q:
Men sovg'a bermagan qiz yo'q bu oqshom,
Senga na gul berdim, na shirin kalom,
Endi men ham senga o'g'ilmi, onam?..

Deysan: olislarda omon yursang bas,
Yodingga tushsam goh yo'qlab tursang bas,
Bolam, senga hamma qiladi xavas...
Axir, mening dardim She'r emas faqat,
Men mashhur shoirmas — mashhur beshafqat,
Endi men ham senga o'g'ilmanmi, ayt?..

Sha'ningga she'r bitdim. U seni topsin,
Poyingga tiz cho'kib, qo'lingni o'psin.
Undan ham ulug'im borligin ko'rsin,
Men uchun ham aziz holingni so'rsin,
Sensiz g'arib ko'nglim ko'ngilmi, onam,
Endi men ham senga o'g'ilmi, onam!..

Muhammad Yusuf
Nom: Re: Ota - onalarni e'zozlab...
Yuborildi: Munira xonim 23 Noyabr 2007, 09:24:40
* * *
Ona bo'lib o'zim ham o'ylab qoldim onamni,
Kuylamoqqa dil tashna, qo'lga oldim qalamni.

Qizalog'im quvnasa, ona sizni o'ylayman,
Orom bermay qiynasa, ona sizni qo'msayman.

Bir bolaning azobi shuncha bo'larmi, hay-hay,
Barchamizga onajonim bardosh berdingiz qanday!?

Men bilaman shu tobda men haqimda o'ylaysiz,
Qiynaldimi, bolajonim, deb otamga so'zlaysiz.

Onajonim toleyim keng, nasib bo'lmish menga ham,
Bu azoblar shirin azob, gashtli bo'lmish menga ham.

Ona bo'lib o'zim ham, baxtdan to'lib boryapman,
Kundan-kun qadringizga, ona yetib boryapman.
Nom: Re: Ota - onalarni e'zozlab...
Yuborildi: Muslimа 30 Noyabr 2007, 16:08:12
ONAJON

Sizning so'zingizda ajib ma'no bor,
Bag'ringizga tortar so'zingiz sehri.
Men bildim sizningsiz keng duyo ham tor,
Jo'shar qalbingizda onalik sehri.

Shoir o`g`lim deysiz, sho'x o`g`lim deysiz,
Onajon erkalang olam quchaman.
Issiq yuzim deysiz, yulduzim deysiz,
Yuksak parvoz tilang baland uchaman.

Orzularim ro'yob duo qilsangiz,
Doimo yo'limda bo'lgaydir madad.
Qalbimda bir istak agar bilsangiz,
Allohim asrasin sizni toabad.

Onajonim mening, oftobim mening,
Aytay boringizga ming bora shukur.
Mehribonim, mohim, tobonim mening,
Bosh egib aylayin sizga tashakkur.

Muallifi nomalum
Nom: Re: Ota - onalarni e'zozlab...
Yuborildi: Foniy 04 Dekabr 2007, 20:10:14
NOLA: ULAR YO'Q

Yuragimda dardim boru choram yo'q,
Bu taqdirga mening boshqa nolam yo'q.
Ketib qolgan karvonlarim qaytmaydi
Xizmatida turay desam onam yo'q.
Hurmatini qilay desam otam yo'q.
Borligida kelmay davlat kechikdi,
Yosh edima baxtu-omad kechikdi,
Mehrim sarson bo'ldi, mehrim ichikdi,
Xizmatida turay desam onam yo'q.
Hurmatini qilay desam otam yo'q.

Duo bilan sulton edim, shoh edim,
Mehri bilan yashab turgan bog' edim,
Duo bilan sulton edim, shoh edim,
Mehri bilan yashab turgan bog' edim,
Endi ko'nglim yetim bo'ldi, men yetim,
Xizmatida turay desam otam yo'q.
Hurmatini qilay desam onam yo'q.
Xizmatida turay desam otam yo'q.
Hurmatini qilay desam onam yo'q.

Qayga qo'lim cho'zsam yetadi endi,
Qani otam? Qani onam? Yo'q! Qani?
Haj yo'liga kuzataman men kimni?!.
Imkonim bor, ammo endi otam yo'q.
Yig'layman goh mehribonim onam yo'q,
Yig'layman goh mehribonlarim ular yo'q,
Xizmatida turay desam otam yo'q,..

Adhambek Yo'ldoshev (http://forum.ziyouz.com/index.php?topic=294.msg92513#msg92513)
Nom: Re: Ota - onalarni e'zozlab...
Yuborildi: Foniy 17 Dekabr 2007, 13:05:21
Monrealning sovuq tunida
Sizni qo'msab yig'ladim ona.
Begona yurt sovuq qo'ynida
Suratingiz bo'ldi parvona.

Onajonim, sizni keladi ko'rgim
Sizni chaqiraman alahlab tushda.
Bag'ringiz hidiga keladi to'ygim,
Uchib borolsaydim bir zumda qushdek.

Qush qanotlarini menga bersaydi
Olis Toshkentimga uchib ketardim.
Barcha tushlarimchi, o'ngidan kelsa,
Ettinchi osmonga bahtdan yetardim.

Sizni ko'p o'ylayman sovuq tunlari
Ko'zimdan o'tadi bir-bir yoshligim.
Hafa qilganlarim, dil ozorlarim,
Ahmoqlik sababi-bag'ritoshligim...

Qaltirib teraman uyim raqamin.
Go'shak ko'taradi sog'ingan onam.
Hol-ahvol so'rayman. Qarindosh-urug'
Hammasi salomat deb aytar onam.

Bir sukut saqlayman labimni tishlab,
Ko'zlarimdan oqar qatra-qatra yosh.
Onam gapiradi: "Bir so'z ayt, bolam.
Seni o'ylamagan kunim yo`q, bolam.

Bugun ketganingga bo'ldi uch yuz kun,
Kelishingga qoldi atigi uch kun.
Yuragim hamriqib seni kutadi.
Duolab chiqarman, yolg'izim, har tun.

Umring uzoq bo'lsin, deb yig'lar onam.
Mening qo'shilishib yig'lagim kelar.
Jonim onam bilan, bu murda tanam
Goh-gohi yig'idan silkinib ketar.

Ikki minut qoldi, deyman baqirib,
Jonholatda onam derlar hapqirib:
Allohim umringni ziyoda qilsin,
Peshonangdan ming bor o'pib qolarman.

Yana uvvos solib yig'i boshlayman.
Bu gal ham aytmadim, men ahmoq farzand:
Sizni olamlardan aziz ko'raman
Sizdan hayotim chun umrbod qarzman.

Yana uch kun qoldi sizni ko'rishga
Yana uch kun berdi Alloh sinovga
Uch kunlik sog'inchim, onajonginam
Uch asrlik bo'lib tuyular menga...

Manba (http://www.ayol.uz/index.php?option=com_content&task=view&id=115&Itemid=64)
Nom: Re: Ota - onalarni e'zozlab...
Yuborildi: Munira xonim 22 Dekabr 2007, 12:09:23
Onamga maktub
   
Erta-indin yelar izg’irin,
Yiqiladi bog’larga tuman.
Anglagani yashashning sirin,
So’zlashaman yomg’irlar bilan.

Mastu alast, beg’am do’sti yor,
Toliqtirar qalbimni manim.
Shunda birdan bo’ladi oshkor,
Yolg’izlardan yolg’iz ekanim.

Derazaga ho’l bag’rin bosib,
Kuzak tuni surganda xayol —
Men eng go’zal she’rimni yozib,
Sizni eslab yig’lashim ayon.
 

Usmon Azim
Nom: Re: Ota - onalarni e'zozlab...
Yuborildi: Munira xonim 22 Dekabr 2007, 12:13:20
O'zbek onasi...
   

Mushtipar ham o'zing, buyuk ham o'zing,

Kuyunchak ham o'zing, kuyuk ham o'zing.

Olamda tatirlik suyuk ham o'zing,

Payt krldi aytmoqqa, gapning xonasi,

Ey, O'zbek onasi, O'zbek onasi.


Seni To'maris deb, maqtaganim bor,

Sen Temur beshigin tebratgan bedor,

Sensan Bibixonim, Nodirai zor,

Payt keldi aymoqqa, gapning xonasi,

Ey, O'zbek onasi, O'zbek onasi.

 
Vatanni Ona deb bekor aytilmas,

Ona buyurganda yo'ldan qaytilmas,

Sen o'zing Ka'bamsan, Baytul muqaddas,

Payt keldi aymoqqa, gapning xonasi,

Ey, O'zbek onasi, O'zbek onasi.

 

Boshingdan nimalar o'tmadi axir,

Vatandek taqdiring bo'ldi goh taxir,

Bobur shoh bo'lsada, qoshingda faqir,

Payt keldi aymoqqa, gapning xonasi,

Ey, O'zbek onasi, O'zbek onasi.

 

Gohida balqiding Barchindek to'lib,

G'o'zadek quriding Tursunoy bo'lib,

Timsoling yalovda yulduzdek kulib,

Payt keldi aymoqqa, gapning xonasi,

Ey, O'zbek onasi, O'zbek onasi.

 

Farzanding quvonsa - sen ham quvonding,

Faqat bolam deding, yashading, yonding,

Nokasi uchrasa, o'rtanding, tonding,

Payt keldi aymoqqa, gapning xonasi,

Ey, O'zbek onasi, O'zbek onasi.

 

Kelajak toychog'u toyingizdadir,

Jannat ham, albatta, poyingizdadir,

Vatan-ku Siz turgan joyingizdadir.

Payt keldi aymoqqa, gapning xonasi,

Ey, O'zbek onasi, O'zbek onasi.

 

Sizga ta'zim qilib turibman bu payt,

Sizga baxshidadir eng shoxona bayt,

Aziz yurtboshimga duolaring ayt,

Payt keldi aymoqqa, gapning xonasi,

Ey, O'zbek onasi, O'zbek onasi.

 Abdulla Oripov
Nom: Re: Ota - onalarni e'zozlab...
Yuborildi: Mahzunabonu 22 Dekabr 2007, 15:39:47
Onajonim, Sizni juda sog'indim Men!
Boringizda eng baxtliga yaqindim Men,
Hatto 'Baxt Yurt' taxtlarida tag'indim Men,
Endi esa yo'l yo'qotib qoqindim Men,
Onajonim, Sizni juda sog'indim Men!

Meni oldga yetaklagan qo'lsiz qoldim,
Endi yolg'iz odimlashdan holsiz toldim,
O'chib Quyosh, chiqmayin Oy, yo'lsiz qoldim,
Onajonim, Sizni juda sog'indim Men!

Onajonim, Egam Sizni afuv etsin!
Duom tinglab gunohingiz mahv etsin!
Biror dona gunoh qolmay o'chib ketsin!
Onajonim, Sizni juda sog'indim Men!

Egam Sizga jannatidan joylar bersin!
Bog' va uning atrofida soylar bersin!
Menga Sizla bo'lish uchun oylar bersin!
Onajonim, Sizni juda sog'indim Men!

Xizmatingiz keragicha qilolmadim,
Duongizni istagandek ololmadim,
Uzoq yillar Sizla birga bo'lolmadim,
Onajonim, Sizni juda sog'indim Men!

Jasur hamda matonatli edingiz Siz,
Bizga doim "To'g'ri bo'ling!" dedingiz Siz,
Sizsiz ona, qolib ketdim Men dengizsiz,
Onajonim, Sizni juda sog'indim Men!

Hayot ekan, yana olg'a yuraman Men,
Neni buzib yana nelar quraman Men,
Sizsiz ammo, doim kamdek turaman Men,
Onajonim, Sizni juda sog'indim Men!

Ketdingizu, Menga duo qilguvchi kam,
O'g'lingizni Sizdek sira bilguvchi kam,
Sizdan keyin yuzlariga kulguvchi g'am!
Onajonim, Sizni juda sog'indim Men!

Sog'indim Men Sizda bo'lgan zakovatni,
Sog'indim Men so'zi shakkaru - novvotni,
Tili, dili hamisha poku - obodni,
Onajonim, Sizni juda sog'indim Men!

Duo etgum Sizni jannatda ko'ray deb,
To'g'ri yurgum, toki jannatga kiray deb,
So'ragum Siz birla jannatda turay deb,
Onajonim, Sizni juda sog'indim Men!

Bilingizlar, Ona qimmat - bebahodir,
Hayotlikda hurmatin etgan dahodir,
Rizosin olganchi? Bu - yutgan bahodir!
Onajonim, Sizni juda sog'indim Men!

Ulug'bek.