ZiyoUz - Haqiqiy o'zbekona forum

Ilm va ziyo => Ma'rifat => She'riyat => Mavzu boshlandi: Kumushbibi 16 Iyun 2006, 21:59:13

Nom: Ota-onalarimiz haqida she'rlar
Yuborildi: Kumushbibi 16 Iyun 2006, 21:59:13
Yaqinda internet olamidan bir sher topgandim.Ammo afsus avtori kimligini topolmadim.Juda ham ta'sirli va ma'noli sher ekan.

Ota meni o'ylab g'am ema,
Ko'nglim kuhna ovchining saydi
Meni bandi aylagan kema ,
Haliveri to'xtash bilmaydi

Kamalakka aylanar yo'lim
Goho g'amnok gohida sho'xman,
qaytishimni o'ylash kulgili,
Men miltiqdan otilgan o'qman

Manzilim qay kimning yuragi,
Xudo bilar qildingmi tusmol,
Qo'rqma mening sinmas kuragim
Qo'rqma mening o'ylarim halol.

Garchi qadah tuta boshladim,
Garchi qizlar tilin bilaman.
Meni mayxo'r deyolmas hechkim
Oshiqlari berib qo'ygan tan.

Ketmon emas qalamim ila
Kiprigimga ilaman erni,
Kechir meni otajon illo..
Portlab-portlab yashagim keldi.

Ketganim yo'q qishloqdan to'yib,
Ildizimni yaxshi bilaman.
Men zaminni kaftimga qo'yib
Bitta ulkan qishloq qilaman..

Faqat meni o'ylab g'am ema
Guldirakman ko'ngling bo'lsin to'q
Ota bo'lsang bilasan dema ,
Ota bo'lib ko'rganimcha yo'q
Nom: Re: Ikki qo'rg'on
Yuborildi: Kumushbibi 16 Iyun 2006, 21:59:56
**Onamga hat**

Men sizni o'ylayman shomu saharda,
Ona, sog'insam ham bora olmayman,
Tunlari charog'on shunday shaharda,
Hech kimga ko'nglimni yora olmayman.

Men siz aytgandayin hammani sevdim,
Hammaga ishondim, mana oqibat:
O'z do'stim uyiga ko'mildi sevgim,
Kun bo'lib ko'ksimni kuydirdi nafrat.

Boshimdan o'tgani ko'kka ham ayon,
Yulduzlar qiqirlab kular oqbadan:
Men - zangor yaylovda olis, bepoyon,
Uyuridan ajrab qolgan qulunman...

Mana, ketayapman tosh yo'lda ko'zim,
Qadamim moshinlar yo'rg'asiga mos.
Yig'lasam yupatib o'zimni o'zim,
Pishqirib qo'yaman toychoqlarga xos.

Va sizni o'ylayman shomu saharda,
Ona, sog'insam ham bora olmasdan.
Tunlari charog'on shunday shaharda
Hech kimga ko'nglimni yora olmasman...

Ha, sevgi haqida. U dilga ne zeb,
Kuyinmang, ne iloj qilmasa nasib.
Baxtimga hamisha omon bo'ling deb,
Sog'inib qoluvchi qizingiz Kumush...
Nom: Rauf Parfi
Yuborildi: Kumushbibi 16 Iyun 2006, 22:00:41
Nimadir u, ko'zingga kelgan,
Xayolingga, ona, ne keldi?
Yig'lab turib hattoki kulding,
Nimadir u, ko'zingga kelgan?

Menga juda o'xshaydi, ona,
Ko'zlaringda yaltiragan yosh.
Menda o'sha ko'zu, o'sha qosh,
Menga juda o'xshaydi, ona.

Ona, uni to'kma, iltimos?
Ko'zlaringdan to'kilay agar.
Sevinchingdan bermasam xabar,
Ona, uni to'kma iltimos.
Nom: Re: Ikki qo'rg'on
Yuborildi: Kumushbibi 16 Iyun 2006, 22:01:29
Oh, mening ortimdan ovvora onam,
Bir parcha yuragi ming pora onam.
Bir baloni ko'rib yorug' dunyoda,
Toshkanni ko'rmagan bechora onam,
Bolang bo'lib bir bor boshlab keldimmi,
Endi men ham senga o'g'il bo'ldimmi!..

Garchi bisotingda "bayram" so'zi yo'q,
Bilaman, kutasan sandal to'la cho'g',
Menda yurak deganlarin o'zi yo'q:
Men sovg'a bermagan qiz yo'q bu oqshom,
Senga na gul berdim, na shirin kalom,
Endi men ham senga o'g'ilmi, onam?..

Deysan: olislarda omon yursang bas,
Yodingga tushsam goh yo'qlab tursang bas,
Bolam, senga hamma qiladi xavas...
Axir, mening dardim She'r emas faqat,
Men mashhur shoirmas — mashhur beshafqat,
Endi men ham senga o'g'ilmanmi, ayt?..

Sha'ningga she'r bitdim. U seni topsin,
Poyingga tiz cho'kib, qo'lingni o'psin.
Undan ham ulug'im borligin ko'rsin,
Men uchun ham aziz holingni so'rsin,
Sensiz g'arib ko'nglim ko'ngilmi, onam,
Endi men ham senga o'g'ilmi, onam!..

Muhammad Yusuf
Nom: Re: Ikki qo'rg'on
Yuborildi: Kumushbibi 16 Iyun 2006, 22:02:38
Yetmish yulduz yog'ilib,
Yarim oycha to'lolmas,
Yeti yanga yig'ilib,
Bitta ona bo'lolmas,
Ona tirik eshikka
G'urbat yaqin yo'lolmas,
Mening esa, bag'rim qon,
Vayronaman onajon.

Garchi biz yosh, g'o'r edik,
Siz bor - biz ham zo'r edik,
Bir mayizni besh o'g'il
Teng bo'lishib yer edik,
Goh talashsak, haq so'zni
Onam aytsin der edik,
Tushmi endi u zamon,
Hayronaman, onajon.

Tirik yursa volidang
Toqqa kuching yetarkan,
Onang o'lsa, boshingdan
Oftob o'tib ketarkan,
Jindekkina alam ham
Tog'dek botib ketarkan,
Ko'ksim to'la ming armon,
To'lg'onaman, onajon.

Onasiz uy - oysiz tun
Ekan endi o'ylasam,
Qalbni o'rtar dardlarim,
Qay birini so'ylasam?
Sizsiz ko'cham befayz,
Halovat yo'q uyda ham,
Farishtasi tark etgan
Ostonaman, onajon

O'zing uchun o'l yetim!
O'rda ham men, qirda ham.
Ko'ylagimda tugma yo'q,
Tugma bo'lsa, kir -yoqam.
To'rt yangamga qo'shilib
Turtkilaydi to'rt og'am,
O'z uyimda jonajon,
Begonaman, onajon.

Ko'ngil o'zin tutingan
Bir mehribon qo'msaydi,
Dunyoda bir odamga
Siring aytib bo'lsaydi,
Onasizni do'sti ham,
Dushmani ham aldaydi,
Ayting axir, men kimga
Ishonaman, onajon?.

Yo'qligingiz qadamda
Turar shunday bilinib,
Non yopmaysiz tonglari
Menga kulcha ilinib,
Sarg'ayarman sarg'aygan
Rasmingizga termulib,
Ziyo istab zor qaqshar
Parvonaman, onajon.

Uy to'rida tolbeshik -
Akam yotgan, men yotgan,
Sherdek-sherdek kelbatli
Besh o'g'ilga asqotgan,
Qaytib kirib bo'lsaydi
Bo'lardim jon deb qaytgan!
Men bu joyni hammadan
Qizg'onaman, onajon.

Yashayapman sharpadek
Sezilmay goh, sezilib.
Gohi ko'kka intilib,
Gohi yerga egilib,
Sog'inganda she'r yozib
Yuraklarim ezilib -
El ichra bir shoiri
Devonaman, onajon

Muhammad Yusuf
Nom: Re: Ikki qo'rg'on
Yuborildi: Kumushbibi 16 Iyun 2006, 22:03:09
Sog’inmoq bor,ko’rishmoq endi dushvor,
Oramizda poyonsiz daryolar bor.
Bir ko’rishga biz intizor mushtoqmiz,
Biz ikkiga bo’lingan bitta tog’miz.

Dunyolari bevafo xilqat ekan,
Baxt degani bir oily fursat ekan.
Taqdir azal oldida ojiz otang,
Ayro yashash bizga bir qismat ekan.

O’ksimagin jon o’g’lim,polvon o’g’lim
Seni tashlab ketganim,yolg’on o’g’lim
Sensiz mening bag’rim ham butun emas
Sensiz mening ko’nglim ham vayron o’g’lim.


Ko’zim oqu-qorasi sensan bilsang
Yuragimnimng nolasi sensan bilsang
Buni hayot deydilar qil ko’prik bu,
Tushunarsan bir kuni yigit bo’lsang.

Mayli men ne bo’lsam ham omon bo’l sen!
Onang orzu qilgandek o’g’lon bo’l sen!
Otangni qayg’urmay yashasang ham,
Yurti uchun qayg’urgan inson bo’l sen!

O’ksimagin jon o’g’lim,arslon o’g’lim,
Seni tashlab ketganim yolg’on o’g’lim.
Topmoq joyda yo’qotmoq ham bor ekan.
O’z holimga o’zim ham hayron o’g’lim.
Nom: Re: Ikki qo'rg'on
Yuborildi: Kumushbibi 16 Iyun 2006, 22:03:43
IKKI QO‘RG‘ON

Onang ketsa savlatlaring ketgaydir,
Otang ketsa davlatlaring ketgaydir.
Shu ikkala qo‘rg‘oningdan ayrilsang,
Manglaydagi zar xatlaring ketgaydir.

Otasi yo‘q cho‘lda qolgan giyohday,
Onasi yo‘q rangi ro‘yi siyohday.
Kimning agar qo‘rg‘onlari yiqilsa,
To‘rt tomondan to‘rt ming ozor yetgaydir.

Nari borsa to‘rt yil kutar dildoring,
O‘n yil kutar sadoqatli do‘st-yoring.
Lekin otang sabr toshga aylanar,
Onang qirq yil ko‘z yummayin kutgaydir.

Otang o‘lsa, o‘ldi dema hayot u,
Ko‘ksingdagi so‘nmaydigan bayot u.
Nogoh agar yo‘llaringda qoqilsang,
Onang ruhi qo‘llaringdan tutgaydir.

Boshingga ish tushganida sinab ko‘r,
G‘amingga g‘am qo‘shganida sinab ko‘r.
Kimlaringdir sen deb ko‘z yosh yutar lek,
Otang qilich, onang qonlar yutgaydir.

Shon-shuhrating ketsa ketar do‘stlaring,
Mol-davlating ketsa ketar do‘stlaring.
Otang-onang qolar senla, qolgani
Shunchaki... ko‘changdan bir-bir o‘tgaydir.

Guljamol Asqarova
Nom: Re: Ikki qo'rg'on
Yuborildi: Kumushbibi 16 Iyun 2006, 22:04:23
Otalar sha'niga loyiq so'z demoq
Tabarruk bir kitob yozish bilan teng.
Ularning mehri-ku,bamisli charoq,
Bag'ri ham yulduzli osmon kabi keng.

Sharqona tashbehni olsam gar yodga,
Bir nomi buzurgu bir nomi faqir.
Zaminni kaftida tutib,avlodga
Bus-butun yetkazgan otalar,axir.

Yuksak-yuksaklarga uchgan sor lochin
Nazar uzmagandek polaponidan.
Bardavom naslini asramoq uchun
Axir ota qavmi kechgan jonidan.

Non,degan farzandning dardli xitobi
Goh uni tiriklay chohlarga tiqqan.
Bardoshli umrning zaqqum zardobi
Sochlari qirovdek ko'pirib chiqqan.

Taxti Sulaymonddan balanddir beshak
Ota deb atalgan martabayu baxt.
Farzand bunyod bo'ldi,o'lim yo'q demak
Otaning ilgida zamon bilan vaqt.

Men ko'kka termulib kutmasman madad
Do'st izlab har yonda kezmasman sarson.
Do'stu madadkor ham otadir abad,
Shoni-shoning erur,armoni-armon.

Abdulla Oripov
Nom: Re: Ikki qo'rg'on
Yuborildi: Kumushbibi 16 Iyun 2006, 22:05:02
Ka'ba qopqasida turgan,ey posbon,
Avval onalarning ochgin yo'llarin.
Onalar poyiga tiz cho'k o'shal on,
Tavof qil,ko'zga surt,o'pgin qo'llarin

Hojar onamizning nidosi sabab
Ka'bada ko'z ochgan Obi Zam-zam ham.
Bir umr talpinmish onaga qarab,
Ne-ne payg'ambarlar ko'zlarida nam.

Qavmimni ranjitib qo'ymayin,ammo
Tobut yasab kelgan er zoti doim.
Onalar bag'riga faqat beshik jo,
Hayotbaxsh allalar aytgan,muloyim.

Sho'rlik odamzodning tolei uchun
Eng avval onalar qilsin ibodat.
Zora,gunohlardan pok bo'lgay ochun,
Onalar o'tinchi topib ijobat.

Ka'ba qopqasida turgan,ey posbon,
Avval onalarning ochgin yo'llarin.
Onalar poyiga tiz cho'k o'shal on,
Tavof qil,ko'zga surt,o'pgin qo'llarin.
Nom: Re: Ikki qo'rg'on
Yuborildi: Kumushbibi 16 Iyun 2006, 22:05:27
Kimdir savol berdi:-Aytgil,Muhammad,
Yolg'iz sen Rasulsan butkul olamga.
Kimga ko'p yaxshilik aylay,o'zing ayt,
Ota-onamgami yoxud bolamga.

Rasul javob qildi:-Tingla birodar,
Gapimni bir bora quloqqa ilgil.
Imkon topa olsang dunyoda agar,
Eng avval onangga yaxshilik qilgil.

Shu hikmat sharhini o'yladim uzoq-
Rostdan ona erur qiblai olam.
Garchi barchamiz ham padarmiz,biroq
Onadan tug'ilgan payg'ambarlar ham.

Abdulla Oripov
Nom: Re: Ikki qo'rg'on
Yuborildi: Kumushbibi 16 Iyun 2006, 22:05:56
Sizning so'zingizda ajib ma'no bor,
Bag'ringizga tortar so'zingiz sehri.
Men bildim sizningsiz keng duyo ham tor,
Jo'shar qalbingizda onalik sehri.

Shoir qizim deysiz, sho'h qizim deysiz,
Onajon erkalang olam quchaman.
Issiq yuzim deysiz, yulduzim deysiz,
Yuksak parvoz tilang baland uchaman.

Orzularim ro'yob duo qilsangiz,
Doimo yo'limda bo'lgaydir madad.
Qalbimda bir istak agar bilsangiz,
Allohim asrasin sizni toabad.

Onajonim mening, oftobim mening,
Aytay boringizga ming bora shukur.
Mehribonim, mohim, tobonim mening,
Bosh egib aylayin sizga tashakkur.

Nafosat Sodiqova
Nom: Re: Ikki qo'rg'on
Yuborildi: Kumushbibi 16 Iyun 2006, 22:06:19
Otajon so'zingiz ajib bir hikmat,
Hech bir kitoblardan topmam qidirib.
Umr yo'lingizda yashaydi qat-qat,
Halollik ustuni turar bilinib

Yusingiz sahnida yashirin yillar,
Mehringiz bosadi oftob taftini.
O'sha siz o'tqazgan daraxtlar bilar,
Mehnatkash qo'lingiz qadoqlarini.

Nafosat Sodiqova
Nom: Re: Ikki qo'rg'on
Yuborildi: Kumushbibi 16 Iyun 2006, 22:07:15
Onamga maktub

Erta-indin yelar izg’irin,
Yiqiladi bog’larga tuman.
Anglagani yashashning sirin,
So’zlashaman yomg’irlar bilan.

Mastu alast, beg’am do’sti yor,
Toliqtirar qalbimni manim.
Shunda birdan bo’ladi oshkor,
Yolg’izlardan yolg’iz ekanim.

Derazaga ho’l bag’rin bosib,
Kuzak tuni surganda xayol –
Men eng go’zal she’rimni yozib,
Sizni eslab yig’lashim ayon.   

Usmon Azim
Nom: Re: Ikki qo'rg'on
Yuborildi: Kumushbibi 16 Iyun 2006, 22:07:46
ONAga talpinib...

Bir mehring olamni to'ldirib turar,
Bag’ringdan hayotga talpinib keldim.
Bir dunyo bolalik sho’xliklarimni,
Onajon, qoshingga etaklab keldim…

Kitobni ushlatib, maktabga eltding,
Maktabdan har kuni uy tomon yeldim.
Gohida bir maqtov, gohida tanbeh,
Onajon, qarshingga yetaklab keldim…

Faxr-la, g’urur-la oq yo’l tilading,
Ilm deb eng katta shaharga keldim.
Har safar “Dunyoda sendan ulug’ zot,
Onajon, also yo’q!”, demak-la keldim...

Fashist-la kurashib, qo’ldan ayrildim,
Afg’onda oyoqning qadrini bildim.
Bir nidong doimo chorladi meni -
Onajon, huzringga emaklab keldim…


Bek, 20.12.2005

http://www.htwm.de/truziboy/adabiyot/animak.htm
Nom: Re: Ikki qo'rg'on
Yuborildi: Kumushbibi 16 Iyun 2006, 22:08:29
Ko'zlaringiz tushimga kiribdi bugun
Soginibman sizni, juda onajon!
Bo'sh qalbimga joylashdi motamsaro tun
Ovozingiz yuragimga kiribdi shu on...

Bu erlarda yuribman, nimalar izlab?!
Issiq qo'llaringiz qumsar dimog'im
Talpinadi yurak nimalar istab?!
Bir shirin so'zingiz istar qulog'im.. 
 :'(
Nom: Re: Ikki qo'rg'on
Yuborildi: Kumushbibi 16 Iyun 2006, 22:09:01
Hayot tashvishlari chulg’ab boshimni,

Sinamoqchi bo'lib sabr, bardoshimni.

Goh sevinch, goh g’amdan to'ksa yoshimni,

Sizni axtaraman, onajon.

Nuroniy keksalar davrasin ko'rsam,

Yurakda bir armon dardini tuysam,

Bafurja kimgadir gapirmoq bo'lsam,

Sizni axtaraman, onajon...
Nom: Re: Ikki qo'rg'on
Yuborildi: Mohinur 17 Iyun 2006, 12:10:44
OH, NETAYIN UMRIM SENI

Behuda kechirdim kunni,
Oh netayin umrim seni,
Sening-la bo‘lmadim g‘ani,
Oh, netayin umrim seni.

Keldimu kechdim bilmadim,
Yig‘lab bag‘rimni tilmadim,
Ketar jafosin qilmadim,
Oh, netayin umrim seni.

Xayrim, sharrim yoziladur,
Umrim ipi uziladur,
Surat mendan buziladur,
Oh, netayin umrim seni.

Ketnb, ketib turolmasang,
Kelib meni ko‘rolmasang,
Davru davron surolmasang,
Oh, netayin umrim seni.

Ishonganim qani o‘zing,
Tolpinganim shodon so‘zing,
Qozonganim qolur to‘zib,
Oh, netayin umrim seni.

Miskin Yunus ketdi sarson,
Ajab safar etdi sarson,
Qoldi hasrat, ketdi sarson,
Oh, netayin umrim seni.

Yunus Emroning she'rlari judayam mazmunli va ta'sirli ekan. Sizlarga ham tavsiya qilardim...
Nom: Re: Ikki qo'rg'on
Yuborildi: Mohinur 17 Iyun 2006, 12:11:07
Muhammad Yusufdan:

Topmoq - yo‘qotmoqdir,
Yo‘qotmoq – topmoq,
Sen so‘lib,
Men yashab,
To‘lishimga boq.
Sensiz topganimdan
Ko‘proq yo‘qotdim –
Sen meni yupatding,
Seni yig‘latdim,
Sen meni yaratding,
Seni tugatdim.
Uyalmay ONA deb,
Kelishimga boq!..
Sog‘inch haqda she’rlar
Yozdim o‘zimcha,
Mendan peshonangda
Dog‘lar tizimcha.
O‘g‘il bo‘lmay o‘lay,
Attangb ming attang.
Qiz tug‘sang netardi,
Ko‘proq qiz tug‘sang!..
Tirgak bo‘lolmadim
Bitta qizingga
Uyalmay shoirman
Deyishimga boq.
Joningdan aylanay,
Turgil jonajon,
Yo‘l qarab bo‘ldimi
Jigarginang qon?
Boqma, ko‘zlarimga
Bemajol, xasta,
Mening topganlarim
Gulmi bir dasta,
Yo‘qotganim senmi
Endi ONAJON?..
O‘z etimni o‘zim
Yeyishimga boq.
Bilsang yuragimni
Bir alam elar.
Buyursang qo‘limdan
Kelmaydi nelar,
Ayt,
Pichan yig‘aymi,
O‘tin yoraymi,
Yerni haydayinmi,
Ko‘k ag‘daraymi?..
Itdek oyog‘ingga
Suykalgim kelar –
Uchib-uchib, mana
Qo‘nishimga boq.
Hech narsa kerakmas,
Bolam, hech deysan.
Endi kech deysan-da,
Endi kech deysan.
Yuzimni bosaman
Muzday yuzingga,
ONAJON,
Zor qilib ketma izingga!
O‘lim oldida ham
G‘amimni yeysan,
Men-chi, jim, taqdirga
Ko‘nishimga boq.
She’rim bitdi,
Xayir,
Do‘stlar xush qoling.
Bedil yashamakka
O‘rganmang menday
Boring,
Volidangiz
Ko‘nglini oling,
Ertaga
Kech qolib
O‘rtanmang menday.
Nom: Re: Ikki qo'rg'on
Yuborildi: Mohinur 17 Iyun 2006, 12:11:29
SOG‘INCH

Sog‘inaman va bu sog‘inchdan
Ruhim ma’yus tortib ketadi.
Hijron esa yigit boshimga.
G‘am yukini ortib ketadi.

Kimdir ko‘nglim ko‘tarmoq bo‘lib,
Dardim bilmay aytadi davo,
Jilmayadi kiftimga qoqib,
O‘kinma, der bu bir kam dunyo.

Ko‘zlarimga ishora etib –
Essiz yigit, deydilar pinhon.
Bilmaydilar: ko‘zlar dard emas,
Sendan ayru o‘rtaguchi jon.

Kayga boqmay seni ko‘raman,
Qayga bormay xayoling yo‘ldosh.
Faqat o‘rning bosolmas, hatto —
Qalbim ichra yoqsalar quyosh.

Abdukarim Jumaboyev
Nom: Re: Ikki qo'rg'on
Yuborildi: Mohinur 17 Iyun 2006, 12:12:21
Onamni sog‘inib

«Bir pasgina yonimda o‘tir,
Bir kungina yotib ket, qizim»
Atrofimda aylanib gir-gir,
Takrorlardi onam shul so‘zin.

-Bu gal, -derdim yuragim toshib,
-Endi kelsam qolaman, ena...
Shafqati yo‘q bu kunlar shoshib,
Meni olib ketardi yana.

Topganini tuguncha qilib,
Qo‘llarimga tutqazar edi.
Meni zo‘rg‘a bag‘ridan yulib,
Mashinaga o‘tqazar edi.

Bazmlarga topar edim vaqt,
She’r o‘qirdim yona va yona.
Davralarni bilar edim baxt,
Sizga vaqtim yo‘q edi, ena.

Siz tog‘imni cho‘ktirib qo‘yib,
Ketar edim toqqa, lolaga.
Sizga azob chektirib qo‘yib,
Yayrar edim yashil dalada.

Majnuntolday egdirib Sizni,
Ketar edim terak bo‘lay deb.
Sizdan ayab bir tunlik so‘zni,
She’r yozardim yurak bo‘lay deb.

Chaqqon edim, roziydi mendan,
Ham uy, ham ish, ham majlisxona.
Shunchalar band edim-ki, chindan,
Sizga vaqtim yo‘q edi ena.

Kechiksam, ish kechirmas edi,
Koyinardi kechiksam, uyim.
Davralarning chiqardi dudi,
Faqat enam kutar edi jim.

Sha’n davralar ketdilar tarqab,
Bayramlari mensiz ham obod.
Goh dardlarim yig‘ilar qop-qop,
Yolg‘izlikdan solgim kelar dod.

Shunday g‘amlar bo‘lar ekanki,
Tushunmas ekan onangdan boshqa.
Tinglamaydi seni birovlar,
Boshlaringni ursang ham toshga.

Qabringizga chopaman bot-bot,
So‘zlashay deb qona va qona.
So‘ramaysiz holimni xayhot,
Endi Sizda vaqt yo‘qdir, ena...

Xosiyat Bobomurodova
Nom: Re: Ikki qo'rg'on
Yuborildi: Mohinur 17 Iyun 2006, 12:12:43
ONAM

Onam! Seni qutqarmoq uchun jonmi kerakdir?
Nomusmi, vijdon bila imonmi kerakdir?

Temur ila Chingiz qoni toshdi tomurimda -
Aytgil,Seni qutqarmoq uchun qonmi kerakdir?

Yov suqg'ali kelgach,qilichini yuragingga,
Tush oldiga,ol ko'ksumi - qalqonmi kerakdir?

Boq,boq,mana turk tengizi toshqun qila qoldi,
Turon yovini quvg'ali to'fonmi kerakdir?

Turon, yigiting,barchaga boq,qalqdi oyoqg'a,
Yurtda qorovul qo'yg'ali arslonmi kerakdir?

Fitrat 
Nom: Re: Ikki qo'rg'on
Yuborildi: Mohinur 17 Iyun 2006, 12:13:00
MEHRIBON ONAM

Jamoling ko’rgali keldim, ayo ey mehribon onam,
Mening uchun ado bo’lg’an yuragu bag’ri qon onam.

Xo’tan dashtiga tushtum bul falakning gardishi birlan,
Eshitkil arzi holimni, men aytay senga, jon onam.

Ajoyib mehribonimsan, meni oromi jonimsan,
Murodi du jahonimsan, bihishti jovidon onam.

Meni bir jodu ko’zluk bul jahon ichra xarob etti,
Qadi sarvu sanavbar, qoshlari misli kamon, onam.

Boshimga tushti bul savdo, bo’lubman bulbuli shaydo,
Shabistoni jahonda qumridek shakkarfishon onam.

Bu ishq o’ti xarob etti, yurak-bag’rim kabob etti,
Meni xoki turob etti yuzi mohi tobon onam.

Seni ko’p intizor ettim firoq o’tig’a, ey Ka’bam,
Tavofi Ka’bayi maqsuda keldim, dilkashon onam.

Iloho, avf qilg’aysan bu Mashrabning gunohini,
Tufayli onayi zorim, g’aribu notavon onam.

Mashrab
Nom: Re: Ikki qo'rg'on
Yuborildi: Mohinur 17 Iyun 2006, 12:13:18
ONAM YODI

Bolaligim. Avji saraton
Dala. Tog‘u toshlar kuymakda.
Onam ishga otlanadi tong,
Rangi o‘ngib ketgan ko‘ylakda.

Naq taqimda sochini sochib,
Boyovutning shamoli sang‘ir.
Vafo qildi birgina sochi
Eplayolmay ro‘molda tang‘ir.

Borar baland bo‘yli, kulcha yuz,
Bo‘y-bo‘y juvon, sirli siyoqda.
Suyolmadik uni qilcha biz
Xudo suysin endi u yoqda.

Eshitaman tovushlarini
Borar jannat malaklariday.
Tuproq to‘la kovushlari-yu
Rangi o‘nggan ko‘ylaklarida...

Ruhim ko‘taradi bayroqlarini...
Dunyo kambag‘alni kamsitib, g‘ajib
Tag‘in boyitarkan boyroqlarini
Ruhim olib qo‘yar boshimdan tojni

Halima Hudoyberdiyeva
Nom: Re: Ikki qo'rg'on
Yuborildi: Mohinur 17 Iyun 2006, 12:13:42
ONAMGA

O‘n sakkizga to‘lgan paytim,
Askar yigit bo‘lgan paytim —
«Xush, oy borib, omon qaytgin!»
Degandingiz non tishlatib.

Keng ko‘ksimga qo‘ygancha bosh,
Yuzingizni yuvgancha yosh,
«Burching o‘ta, berib bardosh»
Degandingiz ont ishtirib.

Harbiy xizmat o‘tib omon,
Burchim o‘tab qaytganim on —
«Yuzim yorug‘ etding, o‘g‘lon!»
Degandingiz dil xushlatib.

Zayniddin NORMAN
Nom: Re: Ikki qo'rg'on
Yuborildi: shoir 26 Oktyabr 2007, 15:00:38
O’ZBEK ONASI

Mushtipar ham o‘zing, buyuk ham o‘zing,
Kuyinchak ham o‘zing, kuyuk ham o‘zing,
Olamga tatirlik suyuk ham o‘zing,
Payt keldi aytmoqqa, gapning xonasi,
Ey, o‘zbek onasi, o‘zbek onasi.

Seni To‘maris deb, maqtaganim bor,
Sen Temur beshigin tebratgan bedor,
Sensan Bibixonim, Nodirai zor,
Payt keldi aytmoqqa, gapning xonasi,
Ey, o‘zbek onasi, o‘zbek onasi.

Vatanni Ona deb bekor aytilmas,
Ona buyurganda yo‘ldan qaytilmas,
Sen o‘zing Ka’bamsan, Baytul muqaddas,
Payt keldi aytmoqqa, gapning xonasi,
Ey, o‘zbek onasi, o‘zbek onasi.

Boshingdan nimalar o‘tmadi axir,
Vatandek taqdiring bo‘ldi goh taxir,
Bobur shoh bo‘lsa-da, qoshingda faqir,
Payt keldi aytmoqqa, gapning xonasi,
Ey, o‘zbek onasi, o‘zbek onasi.

Kelajak toychog‘u toyingizdadir,
Jannat ham, albatta poyingizdadir,
Vatan-ku, Siz turgan joyingizdadir,
Payt keldi aytmoqqa, gapning xonasi
Ey, o‘zbek onasi, o‘zbek onasi.

Sizga ta’zim qilib turibman bu payt
Sizga baxshidadir eng shohona bayt,
Aziz Yurtboshingga duolaring ayt,
Payt keldi aytmoqqa, gapning xonasi
Ey, o‘zbek onasi, o‘zbek onasi.
1999 yil, 6 mart

Abdulla Oripov
Nom: Re: Ikki qo'rg'on
Yuborildi: shoir 26 Oktyabr 2007, 15:06:17
ONA

Ka’ba qopqasida turgan, ey posbon,
Avval onalarning ochgin yo‘llarin.
Onalar poyiga tiz cho‘k o‘shal on,
Tavof qil, ko‘zga surt, o‘pgin qo‘llarin.

Hojar onamizning nidosi sabab
Ka’bada ko‘z ochgan Obi Zam-zam ham.
Bir umr talpinmish onaga qarab,
Ne-ne payg‘ambarlar ko‘zlarida nam.

Qavmimni ranjitib qo‘ymayin, ammo
Tobut yasab kelgan er zoti doim.
Onalar bag‘riga faqat beshik jo,
Hayotbaxsh allalar aytgan, muloyim.

Sho‘rlik odamzodning tolei uchun
Eng avval onalar qilsin ibodat.
Zora, gunohlardan pok bo‘lgay ochun,
Onalar o‘tinchi topib ijobat.

Ka’ba qopqasida turgan, ey posbon,
Avval onalarning ochgin yo‘llarin.
Onalar poyiga tiz cho‘k o‘shal on,
Tavof qil, ko‘zga surt, o‘pgin qo‘llarin

Abdulla Oripov
Nom: Re: Ikki qo'rg'on
Yuborildi: shoir 26 Oktyabr 2007, 15:06:50
ONA

Kimdir savol berdi: - Aytgil, Muhammad,
Yolg‘iz sen Rasulsan butkul olamga.
Kimga ko‘p yaxshilik aylay, o‘zing ayt,
Ota-onamgami yoxud bolamga?

Rasul javob qildi: - Tingla, birodar,
Gapimni bir bora quloqqa ilgil.
Imkon topa olsang dunyoda agar,
O’ng avval onangga yaxshilik qilgil.

Bu hikmat sharhini o‘yladim uzoq .
Rostdan ona erur qiblai olam.
Garchi barchamiz ham padarmiz, biroq
Onadan tug‘ilgan payg‘ambarlar ham.

Abdulla Oripov
Nom: Re: Ikki qo'rg'on
Yuborildi: shoir 26 Oktyabr 2007, 15:19:10
OTA DUOSI

O’g‘lim so‘ramasman sendan mol-dunyo,
Uy ham qurib berma, mayli, alomat.
Mayli, ko‘zlarimga bo‘lmagil ziyo,
Yonimda yursang bas sog‘u salomat.

Mayli, ko‘tarmagil meni yelkangda,
Qalqon ham bo‘lmagil yog‘sa malomat.
Bir kuni yostiqqa boshim tekkanda,
Tepamda tursang bas sog‘u salomat.
1998

Abdulla Oripov
Nom: Re: Ota-onalarimiz haqida she'rlar
Yuborildi: Foniy 03 Noyabr 2007, 12:33:16
Baxtimiz - Onajon...

Tunda yozibman kimgadur she`rlar
Kimgadur o`zimni bag`ishlab har on
Muhabbat desalar berardimku jon
O`shanda unutdim sizni onajon.

Do`stimga ishonib sirim ham aytdim
Dushmanni hamma vaqt do`stim deb bildim
Yomonlik, razillik barchasin qildim
Sizni o`ylamadim bir dam onajon.

Do`st sirimni olamga yoyib ham bo`ldi
Ishonganim ustimdan kulib ham bo`ldi
Nahotki quvonib yi`glagan chog`da
Sizni o`ylamadim bir dam onajon.

Yuz o`girdi hatto o`z  Do`stim
Va`dasin unutdi bevafolar ham
Boshimga tushdiku malomat toshi
Yolg`iz boshginamda yig`ladi onam.

Ko`zimni ochib qarasam shu choq
Yig`lab turar munis bir inson
Ko`zlaridan tutib so`rayman
Gunohkor o`g`lingni kechir  ONAJON!..

Muallifi noma'lum
Nom: Re: Ota-onalarimiz haqida she'rlar
Yuborildi: Foniy 03 Noyabr 2007, 12:36:17
***
Oro kirmay hayqirar, ingrar,
Og’rir goho butun vujudim.
Qaysar yurak to'xtovsiz yig'lar,
Onajonim...sizni S.O.G'.I.N.D.I.M!

Atrofimga alanglab tinmay,
"Kelarmikin..." uzoq kutaman.
Ursalar ham egilmay, sinmay,
Dardlarimni ichga yutaman.

Eshik qoqib o'tadi yillar,
Hayqiradi sog'ingan ko'ngil.
Boshim faqat shabboda silar...
Onajonim...sizni S.O.G'.I.N.D.I.M!

Meni kutar qabrim, bilaman,
Kovlashmoqda hozir tuprog'im.
Nahot,.. xayrlashmay ketaman...
Onajonim...sizni S.O.G'.I.N.D.I.M!
***

Muallifi noma'lum
Nom: Re: Ota-onalarimiz haqida she'rlar
Yuborildi: Foniy 03 Noyabr 2007, 12:40:26
***
Beshigimni quchoqlab yotgan
Shirin-shirin allalar aytgan
Sabo yanglig o’pib uyg'otgan
Onajonim, sizga to’ymadim!

Siz ketdingiz, manzil- lomakon
Hamma ketar, ketar begumon
Ammo qoldi dilda bir armon:
Onajonim, sizga to’ymadim!

Yo’lingizda ko’zlarim qoldi
Aytilmagan so’zlarim qoldi
Ko’zimda yosh, bo’zlarim qoldi
Onajonim, sizga to’ymadim!

Der edingiz: “Ona qo’rg'oshin
Erib ketar ko’rsa ko’z yoshing”
Toshdan bo'lsin derdingiz boshing
Onajonim, sizga to’ymadim!

Orzulagan kunlariz keldi
Siz aytgan ul qut fayz keldi
Lek tilim lol dil ma'yus keldi
Onajonim, sizga toymadim

Yashayapman yaxshi yo yomon
Boshga tushsa ko’narkan inson
Mehringizga tashna bo'ldi jon
Onajonim, sizga to’ymadim!

Umid birlan yashaydi banda
Eh, ochilib bu sirli parda
Ko’rishtirsin endi mahsharda
Onajonim, sizga to’ymadim!
***

Muallifi noma'lum
Nom: Re: Ota-onalarimiz haqida she'rlar
Yuborildi: Foniy 03 Noyabr 2007, 12:47:21
ONAJON

Onajon ruhingizda sog’inchlar kezmadimu,
Qabringizga bosh qo’ysam chechaklar sezmadimu,
Onajon jismingizni kesaklar ezmadimu,
Onajonim giryonim, g’arib ko’ngli vayronim,
Volidai sultonim mehribon onajonim.

Samolarda sor lochin, ayt nelarni izlaydi,
Ruhi ravon zabonim faqat sizni so’zlaydi.
Yuragimda bir qushcha onajon deb bo’zlaydi,
Onajonim giryonim, g’arib ko’ngli vayronim,
Volidai sultonim mehribon onajonim.

Siz baxsh etgan mehrni endi kimdan yig’ay man,
Siz sig’magan dunyoga endi qanday sig’ay man,
Davosi yo’q bu dardga endi qanday chiday man,
Onajonim giryonim, g’arib ko’ngli vayronim,
Volidai sultonim mehribon onajonim.

G’arib dunyo, g’o’r dunyo, peshonasi sho’r dunyo,
Sitamlaring bu jonga ozor bo’ldi, ko’p dunyo.
Onam yurgan yo’llarni gulga ko’mib yur, dunyo
Onajonim giryonim, g’arib ko’ngli vayronim,
Volidai sultonim mehribon onajonim.

Sarson qushim jon ko’nglim, buncha bo’lding qon ko’nglim,
Izingizdan zar to’kib, topolmay armon ko’nglim.
Sizni bir bor ko’rishga aylagum qurbon ko’nglim,
Onajonim giryonim, g’arib ko’ngli vayronim,
Volidai sultonim mehribon onajonim.

Fasli fano o’todir hayot otliq yelkanda,
Qabringizga bosh qo’ysam, tafti yonar yelkamda.
Qalb qo’ringiz, umringiz o’g’il-qizim erkamda,
Onajonim giryonim, g’arib ko’ngli vayronim,
Volidai sultonim mehribon onajonim.
***

Muallifi noma'lum
Nom: Re: Ota-onalarimiz haqida she'rlar
Yuborildi: Robiya 10 Yanvar 2008, 11:47:14
         Fozil qori Yosin o'g'li
Sen hayotlik chog’ida ota – onangni rozi qil,
Dunyodan o’tgach ular, so’ngra pushaymon aylama.
Olmading ko’nglin alarning, sen hayotlik chog’ida,
Endi afsus,nadomat,ohu afg’on aylama.

Intizor bo’lib kutardi, kelishing mushfiq onang,
Ko’rmoqqa vaqt topmading, endi armon aylama.
Qarisak boqqay debon, sendan umidvor erdilar,
Bir kelib hol so’rmadingku, endi giryon aylama.

Bor erdi imkon qo’lingda, ko’ngillarin shod etgali,
Qilmading rozi alarni, endi armon aylama.
Gar rizo qilsang alarni, bo’lg’ay edi Olloh rizo,
Rozilik so’rma Egamdin chashmi giryon aylama.

Bebaho bo’lgan duolarga xaridor bo’lmading,
Baxt bilan omadni endi,sen umidin aylama.
Bir ro’mol birlan choponga ota – oangnni olmading,
Go’riga marmar qo’yib,soxta saxovat aylama.

Ba’zi farzandlar kabi, xaizmatlarin sen qilmading,
Boy berib qo’yding bu imkonni, nadomat aylama.
To’rtta issiq non bilan ota – oangnni yo’qlamay,
O’lganida doshqozon osibon, riyoni sen aylama.

Bormi dunyoda ota birla onadek, mehribon,
Bilmading qadrin ularni, endi oh – voh aylama.
Qilmading hurmat va izzat ota birla onaga,
Endi sen ham hurmatu xizmatni orzu aylama.

Bor jahonda baxtiyor hurmatda bo’lgan zotlar,
Bil rizo qilgan otasin, sen hasratlar aylama.
Fozilo ota – onangning ruhini shod aylagin,
Hech qachon ota – onang ruhini muhtoj aylama.
Nom: Re: Ota-onalarimiz haqida she'rlar
Yuborildi: Mas'ud 16 Yanvar 2008, 17:00:35
Yolg‘iz tunlarimda uxlamay chiqsam,
Tongda quyosh kutib bossa hayajon.
Mehrimni ko‘z yoshdan bittalab yiqsam,
Yuborgim keladi Sizga onajon!

Dilimda gaplarim to‘planib qolgan,
Hech kimga aytmagan sirlarim bisyor.
Hattoki yuragim urishdan tolgan,
U Sizga talpinar, mushfiq onajon.

Boshimga kechalar yostiqar botsa,
Ishongan do‘stlarim sotsalar meni.
Saratonda yoshim kiprikda qotsa,
Dardlashgim keladi Siz-la , onajon.

Dunyo tashvishidan to‘ldi bardoshim,
Qo‘l siltab bariga, ketaymi, deyman.
Tizzangizga qo‘yib so‘ng dardli boshim,
Uxlagim keladi, munis, onajon

Mehribon tabassum ko‘zim o‘ngida,
Uxlasam quloqda allalaringiz.
Har qaqchon duoim boshu so‘ngida,
Albatta, Siz borsiz, aziz onajon.

Qalbingiz misoli bir ohanrabo,
O’zingiz ko‘kdagi porlagan quyosh.
Ovozingiz mayin, sahargi sabo,
Judayam sog‘indim, Sizni onajon.


kamina

2007 yil
Nom: Re: Ota-onalarimiz haqida she'rlar
Yuborildi: Robiya 31 Yanvar 2008, 10:59:16
Ota – ona duosi

Olmasam gar ko’nglim to’lmas,
Ota – onam duosini.
Olmasam gar yo’lim bo’lmas,
Ota – onam duosini.

Qayda bo’lmay yo’qlagayman,
Mehrin asrab saqlagayman,
Axir, qanday oqlagayman,
Ota – onam duosini.

Umrim bo’yi g’amin yerman,
So’zin durga alishtirmam.
Siymu zardan ortiq derman,
Ota – onam duosini.

Safo Ochil, holin so’rgum,
Mudom boshim egib turgum,
Qancha bo’lsa ham oz ko’rgum
Ota – onam duosini.

           Safo Ochil
Nom: Re: Ota-onalarimiz haqida she'rlar
Yuborildi: Robiya 18 Fevral 2008, 17:10:04
Дийдор киёматга колган Отажон!

Каламимга гариб сузлар жойланган,
Мехринг таъриф айламокка йук имкон.
Согинч дилга чуккан куюк ок туман,
Дийдор киёматга колган Отажон!

Йиллар аро ишонмадим руёга,
Бир кун сени кайтар дедим дунёга,
Куз олдимда йиллар утди пиёда,
Дийдор киёматга колган Отажон!

Тиззангга бош урмай кетдим уйимдан,
Ачик ёшлар хотирадир туйимдан,
Сен утганда кичик эдим углимдан,
Дийдор киёматга колган Отажон!

Уша куни билдим ота кадрини,
Келин булган отасизлар дардини,
Курсанг эди юрагимнинг рангини,
Дийдор киёматга колган Отажон!

Укинч нима мен биламан, армон не,
Суйиб, сийлаб ташлаб кетиш ёмон-эй,
Етти ховли тулди сендай инсон-эй,
Дийдор киёматга колган Отажон!

Жойинг билдирмай деб гам чекди онам,
Аммо оталиклар килганда байрам,
Айтгин, нечун менга килмасин алам,
Дийдор киёматга колган Отажон!

Чарклатиб ёкдик ортингдан чирок,
Етим эмас, Онам бизни килди тог,
Мухаббатдан яралганмиз кукси бог,
Дийдор киёматга колган Отажон!

Киёматга биздай мушток яна ким,
Жойнамозда дуойим бор куну-тун,
Жойинг жаннатларда булсин илойим,
Дийдор киёматга колган Отажон.

Дилсора Фозилова
Nom: Re: Ota-onalarimiz haqida she'rlar
Yuborildi: Robiya 21 Fevral 2008, 16:32:55
Monrealning sovuq tunida
Sizni qo'msab yig'ladim ona.
Begona yurt sovuq qo'ynida
Suratingiz bo'ldi parvona.

Onajonim, sizni keladi ko'rgim
Sizni chaqiraman alahlab tushda.
Bag'ringiz hidiga keladi to'ygim,
Uchib borolsaydim bir zumda qushdek.

Qush qanotlarini menga bersaydi
Olis Toshkentimga uchib ketardim.
Barcha tushlarimchi, o'ngidan kelsa,
Ettinchi osmonga bahtdan yetardim.

Sizni ko'p o'ylayman sovuq tunlari
Ko'zimdan o'tadi bir-bir yoshligim.
Hafa qilganlarim, dil ozorlarim,
Ahmoqlik sababi-bag'ritoshligim...

Qaltirib teraman uyim raqamin.
Go'shak ko'taradi sog'ingan onam.
Hol-ahvol so'rayman. Qarindosh-urug'
Hammasi salomat deb aytar onam.

Bir sukut saqlayman labimni tishlab,
Ko'zlarimdan oqar qatra-qatra yosh.
Onam gapiradi: "Bir so'z ayt, bolam.
Seni o'ylamagan kunim yo`q, bolam.

Bugun ketganingga bo'ldi uch yuz kun,
Kelishingga qoldi atigi uch kun.
Yuragim hamriqib seni kutadi.
Duolab chiqarman, yolg'izim, har tun.

Umring uzoq bo'lsin, deb yig'lar onam.
Mening qo'shilishib yig'lagim kelar.
Jonim onam bilan, bu murda tanam
Goh-gohi yig'idan silkinib ketar.

Ikki minut qoldi, deyman baqirib,
Jonholatda onam derlar hapqirib:
Allohim umringni ziyoda qilsin,
Peshonangdan ming bor o'pib qolarman.

Yana uvvos solib yig'i boshlayman.
Bu gal ham aytmadim, men ahmoq farzand:
Sizni olamlardan aziz ko'raman
Sizdan hayotim chun umrbod qarzman.

Yana uch kun qoldi sizni ko'rishga
Yana uch kun berdi Alloh sinovga
Uch kunlik sog'inchim, onajonginam
Uch asrlik bo'lib tuyular menga...

Manba (http://www.ayol.uz/index.php?option=com_content&task=view&id=115&Itemid=64//Manba)
Nom: Re: Ota-onalarimiz haqida she'rlar
Yuborildi: Mahzunabonu 07 Mart 2008, 18:15:41
Onajonim, Sizni juda sog'indim Men!
Boringizda eng baxtliga yaqindim Men,
Hatto 'Baxt Yurt' taxtlarida tag'indim Men,
Endi esa yo'l yo'qotib qoqindim Men,
Onajonim, Sizni juda sog'indim Men!

Meni oldga yetaklagan qo'lsiz qoldim,
Endi yolg'iz odimlashdan holsiz toldim,
O'chib Quyosh, chiqmayin Oy, yo'lsiz qoldim,
Onajonim, Sizni juda sog'indim Men!

Onajonim, Egam Sizni afuv etsin!
Duom tinglab gunohingiz mahv etsin!
Biror dona gunoh qolmay o'chib ketsin!
Onajonim, Sizni juda sog'indim Men!

Egam Sizga jannatidan joylar bersin!
Bog' va uning atrofida soylar bersin!
Menga Sizla bo'lish uchun oylar bersin!
Onajonim, Sizni juda sog'indim Men!

Xizmatingiz keragicha qilolmadim,
Duongizni istagandek ololmadim,
Uzoq yillar Sizla birga bo'lolmadim,
Onajonim, Sizni juda sog'indim Men!

Jasur hamda matonatli edingiz Siz,
Bizga doim "To'g'ri bo'ling!" dedingiz Siz,
Sizsiz ona, qolib ketdim Men dengizsiz,
Onajonim, Sizni juda sog'indim Men!

Hayot ekan, yana olg'a yuraman Men,
Neni buzib yana nelar quraman Men,
Sizsiz ammo, doim kamdek turaman Men,
Onajonim, Sizni juda sog'indim Men!

Ketdingizu, Menga duo qilguvchi kam,
O'g'lingizni Sizdek sira bilguvchi kam,
Sizdan keyin yuzlariga kulguvchi g'am!
Onajonim, Sizni juda sog'indim Men!

Sog'indim Men Sizda bo'lgan zakovatni,
Sog'indim Men so'zi shakkaru - novvotni,
Tili, dili hamisha poku - obodni,
Onajonim, Sizni juda sog'indim Men!

Duo etgum Sizni jannatda ko'ray deb,
To'g'ri yurgum, toki jannatga kiray deb,
So'ragum Siz birla jannatda turay deb,
Onajonim, Sizni juda sog'indim Men!

Bilingizlar, Ona qimmat - bebahodir,
Hayotlikda hurmatin etgan dahodir,
Rizosin olganchi? Bu - yutgan bahodir!
Onajonim, Sizni juda sog'indim Men!
Nom: Re: Ota-onalarimiz haqida she'rlar
Yuborildi: Robiya 28 Mart 2008, 12:06:06
Eng ulug’lardan ulug’ insonlar insoni ona!
Oyu kundan ham munavvar husni nuroniy ona!

Mehribonlar mehriboni yaxshilarning yaxshisi,
Mehru shafqat olamining yuksak osmoni ona!

Garchi nomidir ayolu qudratidir bemisol,
Tarbiyat mulkin zabardast mardi maydoni ona!

Qalbi daryo, oliyhimmat, har saxiydan ham saxiy,
Ya’ni g’amxo’rlik diyorin toza vijdoni ona!

Bag’ri bog’ sahniyu, farzand sunbulu rayhonu gul,
Bu hayot dunyosining eng katta bog’boni ona!

Arzimas bir jon uni ming jon fidosi bo’lsa ham,
Sadqai farzandlarin har lahza qurboni ona!

Onadek farzandin qadriga yetar olamda kim?
Har qadrdondan qadrdonroq qadrdoni ona!

Yaxshi farzand onasin aylar rizo, aylar rizo,
Davlati ham baxti ham, darmoni ham joni ona!

Onajon deb sayragay qushlar chamanda, Chustiyo,
Sayragin bulbul dilimning she’ru dostoni ona!
Nom: Re: Ota-onalarimiz haqida she'rlar
Yuborildi: Robiya 07 Aprel 2008, 16:03:30
Onam – a

Sendan o’zga mehribonni ko’rmadim,
Sensiz yorug’ bu jahonni ko’rmadim,
Sendan buyuk or-vijdonni ko’rmadim,
Sensiz to’kis yer-osmonni ko’rmadim,
Bugun yana yodga tushgan onam – a.

Ko’rishamiz, bolam, qiyomatda deb,
Yig’layverma, bo’tam, nadomatda deb,
Sen yakkasan, yasha diyonatda deb,
Umring o’tkaz halol, ibodatda deb,
Bildirmasdan mendan qochgan onam – a.

Ulushing bor dasturxonda, o’zing yo’q,
Ko’z oldimda surating bor, so’zing yo’q,
Ko’zlarimga qarab turgan ko’zing yo’q,
Yig’lamagan o’g’ling hamda qizing yo’q,
Ro’zg’orimda shamday o’chgan onam – a.

Ertayu kech o’gitlaring tilimda,
Hasratlaring ko’zimdagi selimda,
Ko’pga qilgan onaliging elimda,
Sen bog’lagan shohi belbog’ belimda,
Kelmaslikka qushday uchgan onam – a.

Sendan qolgan uyni obod ayladim,
Suting haqqi, ruhingni shod ayladim,
G’arib edim, o’zni kushod ayladim –
Yolg’izingni uch pahlavon ayladim,
Yurtga uchta o’g’il qo’shgan onam – a.

Ko’rganingda bo’lar edi – shu alam,
Dunyo ishi shundoq ekan, biri kam,
Shu boisdan yig’lab o’tar el-olam,
Armonlaring mana men tutgan qalam –
Shoir bo’lib qaynab-jo’shgan onam – a.

Yaratgansan piri imonim bo’lib,
Qaratgansan tabib insonim bo’lib,
Yayratgansan bog’u bo’stonim bo’lib,
Sayratgansan ulug’ Turonim bo’lib,
O’zbekiston kabi quchgan onam – a.

To'lan Nizom
Nom: Re: Ota-onalarimiz haqida she'rlar
Yuborildi: Robiya 07 Aprel 2008, 16:05:23
Tushimga kirdi onam.

Tushimga kirdi onam:
Hassasiga tayanib
Ostonada turibdi.

Sochlari oppoq, tol-tol,
Va boqadi jovdirab –
Bir xavotir ko’ribdi.

Kiygan libosi g’arib,
Indolmayman, zabon yo’q,
Tilim qaqshab, quribdi.

Qo’lingni och, der shu dam,
Qo’ynig’imga yashirdim –
Bilmam nedir beribdi.

So’ngra alqadi rosa,
Yana bir razm solsam,
Hovlimizda yuribdi.

Cho’chib turdim, bolish nam,
Ko’zlarimda achchiq yosh,
Yurak bejo uribdi.

Qabriga bordim tongda,
Atirgulga suv quydim –
Bitta bargi quribdi.

Kechiring, deb yolvorib,
Sag’anaga tikilsam,
Mangulik o’y suribdi.
Nom: Re: Ota-onalarimiz haqida she'rlar
Yuborildi: Robiya 07 Aprel 2008, 16:06:09
Onam surati.

Bugun yana termulaman, Onajon,
Sen tomonga intilaman, Onajon,
Aytgil, endi ne qilaman, Onajon,
Ne o’tganin men bilaman, Onajon,
Sado chiqmas, sog’inaman, surat jim.

Shoir bo’ldim hasratingni aytgani,
Armoningni men bolamga bitgani,
Vaqtim yetmas uxlagani, yotgani,
Opam kelar yig’l;ab-yig’lab ketgani,
Siqilaman, o’kinaman, surat jim.

Ziyoratga bordim kecha qabringga,
Zor yig’ladim, kirolmadim bag’ringga,
Rahming sira kelmasmi sag’iringga,
Bilasan-ku, tayyor edim amringga,
Yolvoraman, o’tinaman, surat jim.

Mehnat bilan endi topdim e’tibor,
Bunyod, Ozod o’g’lim va to’rt qizim bor,
Men yashayman izlaringga intizor,
Sog’inganda O’zbekiston menga tor,
Yurak bosib yutinaman, surat jim.

Ko’z yoshim –suv, bog’ unar chaman-chaman,
Oq suting deb ilhomimni ichaman,
Sen – Turkiston, Ona-Yer, Ona-Vatan,
O’zingdadir, o’zing bergan jonu tan,
Bosh qo’yaman, sig’inaman, surat jim.

To'lan Nizom
Nom: Re: Ota-onalarimiz haqida she'rlar
Yuborildi: Robiya 07 Aprel 2008, 16:06:48

Onam ruhi.

Onam o’lgan. Bo’ldi necha yil.
Hayotimning shami-ku so’ngan.
Chidab keldim, ohkim, sag’ir dil,
Hijron g’ami yurakda to’ngan.

Mozoriga boraman gohi,
Tiz cho’kaman, tizzamda titroq.
Eshitmas u o’g’lining ohin,
Oramizda so’ngi yo’q qirg’oq.

Poyiga oq gullar qo’yaman,
Ko’nglim ko’tarilar tog’larday.
O, mehriga qachon to’yaman,
Onam edi to’kin bog’larday…

Peshonamni silagan u qo’l,
Tirikmanki, chiqmas esimdan.
Men onamsiz bosdim qancha yo’l,
Bolalarim kelar izimdan.

Tonglarimni yoritar u nur,
Men-la yashar o’sha ulug’ ruh.
Onajonim, ming bora shukur,
Mening baxtim, Siz buyuk shukuh…

Onam o’tgan. Bo’ldi necha yil,
Hayotimning shami-ku so’ngan.
Uni qo’msar yetim shoir dil,
Hijron dardi ko’ngilda to’ngan.


To'lan Nizom
Nom: Re: Ota-onalarimiz haqida she'rlar
Yuborildi: shoir 24 Aprel 2008, 10:47:57
ONAIZOR

Ko`nglim qolsa bulbuldan ham guldan ham,
Qolar bo`lsam bir kun axir tildan ham…
Agar bir zot yig`lasa chin dildan ham –
Onam yig`lar, onam yig`lar, onam u…

Sig`may qolsam shunday keng bu jahona,
Osmonlarga ruhim bo`lsa ravona,
Jonsiz tanim ustida ham parvona –
Onam yig`lar, onam yig`lar, onam u…

Tonar bo`lsa qo`limdagi tor, dunyo,
Uch kun o`tmay unutgay do`st-yor, dunyo.
Yeru ko`kni titratib zor-zor, dunyo –
Onam yig`lar, onam yig`lar, onam u…

Gulday kulib yurmasmidi, o`g`lim deb,
Ko`rib ko`nglim to`lmasmidi, o`g`lim deb,
Onang o`lsa bo`lmasmidi, o`glim deb
Onam yig`lar, onam yig`lar, onam u…

Ko`nglim qolsa bulbuldan ham guldan ham,
Qolar bo`lsam bir kun axir tildan ham…
Agar bir zot yig`lasa chin dildan ham –
Onam yig`lar, onam yig`lar, onam u…

Muhammad Yusuf
Nom: Re: Ota-onalarimiz haqida she'rlar
Yuborildi: shoir 24 Aprel 2008, 10:52:14
OTA

Armonim bor, bu dunyoda armonim bor,
Qoq dalada o'tlar bosgan o'rmonim bor.
Qizg'aldoqday boshim egik bu makonda,
Yonib yashab o'tmagan otajonim bor.

Ota desam, bag'ri-dilim yonaverar,
Kunim yonar, oyu yilim yonaverar,
Mozoriga qo'ygan gulim yonaverar,
Tutunlarga to'lib ketgan osmonim bor.

Esaversin jannatlardan kelgan nasim,
Momo yerim, o'zingsan eng muqaddasim,
Bag'ringda jim tinglab bu tun jon nafasim,
Ruhimni allalab yotgan jahonim bor.

Odam bo'lib bir odamni tushunmaslar,
Ko'zingda yosh ko'rib ham goh o'kinmaslar,
Bosgan izim poylab yurgan ey, nokaslar,
Qabrdan qo'l cho'zib turgan qalqonim bor...

Men otamdan qolgan erkin sado-sasman,
Qonimga yot navolarga qayrilmasman,
O'lgunimcha endi undan ayrilmasman -
O'z otamdek bo'lib qolgan imonim bor.

Armonim bor, bu dunyoda armonim bor,
Keng dalada gullar bosgan o'rmonim bor,
Qizg'aldoqlar bosh egib qon yig'lab turgan
Bu makonda mening ham nurjahonim bor.

Muhammad Yusuf
Nom: Re: Ota-onalarimiz haqida she'rlar
Yuborildi: Robiya 02 Fevral 2009, 13:27:42
Men onamni  almashtirdim shaharlarga

Men onamni almashtirdim shaharlarga,
Qo’llariga suv quymadim saharlarda,
Shoir bo’lgin,qizim deya jo’natuvdi,
Lek she’rlarim qolib ketdi daftarlarda.

Men onamni almashtirdim shaharlarga,
Umrim berdim vafosi yo’q go’zallarga,
U-chi borliq yoshligini menga berdi,
Endi bir tish topolmaydi gavharlarga.

Men onamni almashtirdim shaharlarga,
Bir boychechak keltirmadim bahorlarda,
Men qiz bo’lib ko’ylagini bir yuvmadim,
Lek qoldirdim uni hijron-zaharlarda.

Men onamni almashtirdim shaharlarga,
Bir kuyuk non izin quvdim nahorlarda
Bir ko’rayin deya meni yo’qlaganda,
Dedim: “Vaqt yo’q, kuting boshqa safarlarda”

Bu savlatlar kimga kerak, bu davlatlar,
Ul hashamning border bir kun hasratlari,
Do’stlar ayting, bu yer qanday ko’taradi,
Onasini zor qilganda farzandlari?!

Yuragimni almashtirdim shaharlarga,
Duo qilgin, ona, meni saharlarda.
Oyog’ingga oyoq bo’lay, qo’lingga qo’l,
Axir seni topolmasman gavharlarga!

Gulandom Tog’ayeva

Nom: Re: Ota-onalarimiz haqida she'rlar
Yuborildi: siddiqa 04 Fevral 2009, 23:21:58
Onamga deb…..
Bozorlardan savdo qildim bolamga deb ,
Shirinligu novvot oldim bolamga deb ,
Go’zla gullar sarpo oldim yorimga deb ,
Men bag’ritosh nima oldim onamga deb,

Hashamatli uylar qurdim bolam uchun ,
Dabdabali to’ylar qildim bolam uchun ,
Oyoq osti qo’ylar so’ydim kimlar uchun ,
Men notavon  nima qildim onam uchun
Yolg’izgina bir mehribon onam uchun .

O’zi yemay yedirgan ham onam edi ,
O’zi kiymay kiydirgan ham onam edi ,
Bu dunyoda chin do’stim ham onam edi .
Menga chin do’st chuyanchig’im onam edi ,
Farzand bolib nima oldim onamga deb ,
Men bag’ritosh nima oldim onamga deb .
yolg’izgina mehribonim onam uchun ………..


Nom: Re: Ota-onalarimiz haqida she'rlar
Yuborildi: siddiqa 04 Fevral 2009, 23:22:25
Duogo’yim Onamni …………..
Yetim farzandingga quloq sol dunyo ,
Kechalar to’lg’onib yig’lab yotaman ,
Bir kun baht omadni toparman ammo ,
Duogo’y onamani qaydin topaman.

Do’stlar kelib ketar halol va sotqin ,
Alardan goh shodlik jabr tortaman ,
dushman ham do’stimga aylanar lokin ,
duogo’y onamni qaydin topaman .

Bir kun sekinlashar hayot kemasi
Nogoh langar tashlab suvga botaman ,
Yuzimga urilsa o’lim sharpasi
Duogo’y onamni  qaydin topaman.

Fano sayri tugab qil ko’prik bu dam ,
Gunohim ko’p manim  qandoq o’taman,
Ey,voh ey sadoyi gunohkor bo’lsam ,
Duogo’y onamni qaydin topaman .
Duogo’yim …….onamni men qaydin topaman …………

Nom: Re: Ota-onalarimiz haqida she'rlar
Yuborildi: Robiya 02 Aprel 2009, 11:06:13
Baxtimiz — Onajon!

Tunlari yozibman kimgadur she’rlar,
Kimgadur o‘zimni bag‘ishlab har on.
Muhabbat desalar berardimku jon,
O‘shanda unutdim sizni Onajon.

Do‘stimga ishonib sirim ham aytdim,
Dushmanni hamma vaqt do‘stim deb bildim.
Yomonlik, razillik barchasin qildim,
Sizni o‘ylamadim bir dam Onajon.

Do‘st sirimni olamga yoyib ham bo‘ldi,
Ishonganim ustimdan kulib ham bo‘ldi.
Nahotki quvonib yig‘lagan chog‘da,
Sizni o‘ylamadim bir dam Onajon.

***

Yuz o‘girdi hatto o‘z do‘stim,
Va‘dasin unutdi bevafolar ham.
Boshimga tushdiku malomat toshi,
Yolg‘iz boshginamda yig‘ladi Onam.

Ko‘zimni ochib qarasam shu choq
Yig‘lab turar munis bir inson.
Ko‘zlaridan tutib so‘rayman
Gunohkor o‘g‘lingni kechir ONAJON!..

www.uzforum.com dan olindi.
Nom: Re: Ota-onalarimiz haqida she'rlar
Yuborildi: Robiya 02 Aprel 2009, 11:08:14
Отасидан дуо олганлар

Оролмирза Сафаров ижроси

Лафзи ҳалол, ростгўй бўлурлар,
Эзгуликка ошно юрурлар.
Файзли давру-даврон сурурлар
Отасидан дуо олганлар,
Волидасин ризо қилганлар.

Ёмонликни этмас ихтиёр,
Етказмаслар дилларга озор.
Аҳдларида мудом устивор
Отасидан дуо олганлар,
Волидасин ризо қилганлар.

Улуғларга ҳурматдадурлар,
Кичикларга иззатдурлар.
Эл-юрт учун хизматдадурлар
Отасидан дуо олганлар
Волидасин ризо қилганлар.

Хиёнатдан ҳазар қилурлар,
Мискинларга назар қилурлар.
Ҳам халқидан дуо олурлар
Отасидан дуо олганлар,
Волидасин ризо қилганлар.

Мирзо олгил улардан ибрат,
Куйла, шеър ёз, қаламинг тебрат.
Бўлсин сенга мудом дўст, улфат
Отасидан дуо олганлар,
Волидасин ризо қилганлар.

Manba (http://blog.fonus.uz/2009/03/otasidan-duo-olganlar/#more-454)
Nom: Re: Ota-onalarimiz haqida she'rlar
Yuborildi: Muhyiddin 04 Aprel 2009, 15:12:27
Ona...

Halima Ahmedova

Qaynoq bo’sa ta’mi chiqdi yodimdan,
Yirtib tashlaganman ishqning xatini.
Buncha qo’msagayman, bilmayman nega,
Ona, qo’llaringiz haroratini.
Quvnoq davralardan qochaman sekin,
Sezmayman hayotning muhabbatini.
Injiq bola kabi sog’ingaydurman,
Ona, qo’llaringiz haroratini.
Go’zal bir tushdayin o’tdimi kunlar,
Tinglamayman tongning bashoratini,
Yo’lsiz sog’inch misol ichikdim bugun
Istab qo’llaringiz haroratini.
Karaxt soyamanmi, sezmayman nechun
O’tgan kunlarimning tilovatini?
Ayting, qay dunyodan tilab olayin,
Ona, qo’llaringiz haroratini.

Nom: Re: Ota-onalarimiz haqida she'rlar
Yuborildi: siddiqa 14 Aprel 2009, 07:05:42
Onamga xat
Men sizni o'ylayman shomu saharda,
Ona, sog'insam ham bora olmayman,
Tunlari charog'on shunday shaharda,
Hech kimga ko'nglimni yora olmayman.

Men siz aytgandayin hammani sevdim,
Hammaga ishondim, mana oqibat:
O'z do'stim uyiga ko'mildi sevgim,
Kun bo'lib ko'ksimni kuydirdi nafrat.

Boshimdan o'tgani ko'kka ham ayon,
Yulduzlar qiqirlab kular oqbadan:
Men - zangor yaylovda olis, bepoyon,
Uyuridan ajrab qolgan qulunman...

Mana, ketayapman tosh yo'lda ko'zim,
Qadamim moshinlar yo'rg'asiga mos.
Yig'lasam yupatib o'zimni o'zim,
Pishqirib qo'yaman toychoqlarga xos.

Va sizni o'ylayman shomu saharda,
Ona, sog'insam ham bora olmasdan.
Tunlari charog'on shunday shaharda
Hech kimga ko'nglimni yora olmasman...

Ha, sevgi haqida. U dilga ne zeb,
Kuyinmang, ne iloj qilmasa nasib.
Baxtimga hamisha Siz sog' bo'ling deb,
Sog'ingan o'g'lingiz - Muhammad Yusuf.
 Muhammad Yusuf
Nom: Re: Ota-onalarimiz haqida she'rlar
Yuborildi: siddiqa 14 Aprel 2009, 07:06:38
Onaizor
Ko`nglim qolsa bulbuldan ham guldan ham,
Qolar bo`lsam bir kun axir tildan ham…
Agar bir zot yig`lasa chin dildan ham -
Onam yig`lar, onam yig`lar, onam u…

Sig`may qolsam shunday keng bu jahona,
Osmonlarga ruhim bo`lsa ravona,
Jonsiz tanim ustida ham parvona -
Onam yig`lar, onam yig`lar, onam u…

Tonar bo`lsa qo`limdagi tor, dunyo,
Uch kun o`tmay unutgay do`st-yor, dunyo.
Yeru ko`kni titratib zor-zor, dunyo -
Onam yig`lar, onam yig`lar, onam u…

Gulday kulib yurmasmidi, o`g`lim deb,
Ko`rib ko`nglim to`lmasmidi, o`g`lim deb,
Onang o`lsa bo`lmasmidi, o`glim deb
Onam yig`lar, onam yig`lar, onam u…

Ko`nglim qolsa bulbuldan ham guldan ham,
Qolar bo`lsam bir kun axir tildan ham…
Agar bir zot yig`lasa chin dildan ham -
Onam yig`lar, onam yig`lar, onam u…

Muhammad Yusuf
Nom: Re: Ota-onalarimiz haqida she'rlar
Yuborildi: Robiya 29 Aprel 2009, 14:35:04
Onamga        

Monrealning sovuq tunida
Sizni qo'msab yig'ladim ona.
Begona yurt sovuq qo'ynida
Suratingiz bo'ldi parvona.

Onajonim, sizni keladi ko'rgim
Sizni chaqiraman alahlab tushda.
Bag'ringiz hidiga keladi to'ygim,
Uchib borolsaydim bir zumda qushdek.

Qush qanotlarini menga bersaydi
Olis Toshkentimga uchib ketardim.
Barcha tushlarimchi, o'ngidan kelsa,
Ettinchi osmonga bahtdan yetardim.

Sizni ko'p o'ylayman sovuq tunlari
Ko'zimdan o'tadi bir-bir yoshligim.
Hafa qilganlarim, dil ozorlarim,
Ahmoqlik sababi-bag'ritoshligim...

Qaltirib teraman uyim raqamin.
Go'shak ko'taradi sog'ingan onam.
Hol-ahvol so'rayman. Qarindosh-urug'
Hammasi salomat deb aytar onam.

Bir sukut saqlayman labimni tishlab,
Ko'zlarimdan oqar qatra-qatra yosh.
Onam gapiradi: "Bir so'z ayt, bolam.
Seni o'ylamagan kunim yo`q, bolam.

Bugun ketganingga bo'ldi uch yuz kun,
Kelishingga qoldi atigi uch kun.
Yuragim hamriqib seni kutadi.
Duolab chiqarman, yolg'izim, har tun.

Umring uzoq bo'lsin, deb yig'lar onam.
Mening qo'shilishib yig'lagim kelar.
Jonim onam bilan, bu murda tanam
Goh-gohi yig'idan silkinib ketar.

Ikki minut qoldi, deyman baqirib,
Jonholatda onam derlar hapqirib:
Allohim umringni ziyoda qilsin,
Peshonangdan ming bor o'pib qolarman.

Yana uvvos solib yig'i boshlayman.
Bu gal ham aytmadim, men ahmoq farzand:
Sizni olamlardan aziz ko'raman
Sizdan hayotim chun umrbod qarzman.

Yana uch kun qoldi sizni ko'rishga
Yana uch kun berdi Alloh sinovga
Uch kunlik sog'inchim, onajonginam
Uch asrlik bo'lib tuyular menga...

www.ayol.uz
Nom: Re: Ota-onalarimiz haqida she'rlar
Yuborildi: Robiya 29 Aprel 2009, 14:36:33
Onamning qo’llari

Keltiray bir ta’rifin onamning qo’llarini,
Ham habib, ham tabibim – onamning qo’llarini.

Ko’targan ro’zg’or yukin, qilt etmay biror tuki,
Ham buyuk, ham suyukli onamning qo’llarini.

Kaftida tutgan bizni – besh o’g’il, ikki qizni,
Quyoshday issiq yuzi onamning qo’llarini.

Biz deb o’t – suvga kirgan, nonlar yopib, kir yuvgan,
Qattiqligi temirdan, onamning qo’llarini.

Goh suyib, goh alqagan, oq yuvib, oq taragan,
Kunimizga yaragan onamning qo’llarini.

Soyabon panoh bo’lgan, kaftlari qadoq bo’lgan,
Oling “sadqa - sadoq” bo’lgan onamning qo’llarini.

Goho tushimga kirgan, ko’z yoshim artib turgan,
So’rang men musofirdan onamning qo’llarini.

Bargday titradim yozib, go’yo bag’rimga bosib,
Novdaday ozgan, nozik onamning qo’llarini.

Sizlar – aka-ukalar,
Tizlar bukib – cho’kkalab,
Ko’zga suring siypalab,
Xohi shom, xoh ertalab,
Bolangizday erkalab,
Onamning qo’llarini,
Onamning qo’llarini!

Dilshod Rajab

Hilol taqvimi, 2009, 1430/mart,aprel,may,iyun//Rabi’us-soniy,Jumodul-avval,Jumodus-soniy.

Nom: Re: Ota-onalarimiz haqida she'rlar
Yuborildi: Muhammad Amin 22 Oktyabr 2009, 07:49:08
QARO KO`ZLAR SIZGA QARAB QOLDIKU,
SIZSIZ ONAM BAXTIM YARIM BO`LDIKU.
BU DUNYODAN DUOGO`YIM KETDINGIZ,
OXIR CHOG`DA KO`RISH ARMON BO`LDIKU.

DUNYO DEYA KEZDIM O`ZGA YURTLARDA,
XIZMATIM HAM SIZGA ARMON BO`LDIKU.
O`G`IL BO`LIB QO`YOLMASAM QABRGA,
SHU FARZIM HAM BIROVLARGA QOLDIKU.

O`ZIM ASLO KECHIRMAYMAN ONAJON,
FARZAND BO`LIB NE HAM QILDIM ONAJON.
KECH BO`LGANDA OCHILDIKU KO`ZLARIM,
XIZMATINGIZ QILOLMADIM ONAJON.



Nom: Re: Ota-onalarimiz haqida she'rlar
Yuborildi: Muhammad Amin 22 Oktyabr 2009, 07:49:40
TOPINGANIM, TALPINGANIM O`ZLARINGIZ,
SUYANGANIM, SUYANCHIG`IM O`ZLARINGIZ.
BOSHIM UZRA KELSA AGAR MING TASHVISHLAR,
DUO QILGAN,DUO GO`YIM O`ZLARINGIZ.
-------------------------------------------

Onajon bu sira yurak so`zimni
Senga bag`ishladim senga Onajon.
Yo`q-yo`q so`zim emas balki o`zimni,
Senga bag`ishladim-senga onajon.


Nom: Re: Ota-onalarimiz haqida she'rlar
Yuborildi: Muhammad Amin 22 Oktyabr 2009, 07:50:27
ONAJON

Topmoq - yo‘qotmoqdir,
Yo‘qotmoq - topmoq,
Sen so‘lib,
Men yashab,
To‘lishimga boq.
Sensiz topganimdan
Ko‘proq yo‘qotdim -
Sen meni yupatding,
Seni yig‘latdim,
Sen meni yaratding,
Seni tugatdim.
Uyalmay ONA deb,
Kelishimga boq!..
Sog‘inch haqda she’rlar
Yozdim o‘zimcha,
Mendan peshonangda
Dog‘lar tizimcha.
O‘g‘il bo‘lmay o‘lay,
Attangb ming attang.
Qiz tug‘sang netardi,
Ko‘proq qiz tug‘sang!..
Tirgak bo‘lolmadim
Bitta qizingga
Uyalmay shoirman
Deyishimga boq.
Joningdan aylanay,
Turgil jonajon,
Yo‘l qarab bo‘ldimi
Jigarginang qon?
Boqma, ko‘zlarimga
Bemajol, xasta,
Mening topganlarim
Gulmi bir dasta,
Yo‘qotganim senmi
Endi ONAJON?..
O‘z etimni o‘zim
Yeyishimga boq.
Bilsang yuragimni
Bir alam elar.
Buyursang qo‘limdan
Kelmaydi nelar,
Ayt,
Pichan yig‘aymi,
O‘tin yoraymi,
Yerni haydayinmi,
Ko‘k ag‘daraymi?..
Itdek oyog‘ingga
Suykalgim kelar -
Uchib-uchib, mana
Qo‘nishimga boq.
Hech narsa kerakmas,
Bolam, hech deysan.
Endi kech deysan-da,
Endi kech deysan.
Yuzimni bosaman
Muzday yuzingga,
ONAJON,
Zor qilib ketma izingga!
O‘lim oldida ham
G‘amimni yeysan,
Men-chi, jim, taqdirga
Ko‘nishimga boq.
She’rim bitdi, Xayir,
Do‘stlar xush qoling.
Bedil yashamakka
O‘rganmang menday
Boring,
Volidangiz
Ko‘nglini oling,
Ertaga
Kech qolib
Muhammad Yusuf  
Nom: Re: Ota-onalarimiz haqida she'rlar
Yuborildi: Muhammad Amin 22 Oktyabr 2009, 07:51:07
Ota-onam uchun !!!

-Bozor-o'char savdo qildim kimga, bolam uchun,
Borin muhayyo paydo qildim kimga, bolam uchun.
Dabdabali to'ylar qildim kimga, bolam uchun,
Hashamatli uylar qurdim kimga, bolam uchun.
Lekin nima qildim meni tuqqan onam uchun,
Dunyodagi eng yaxshi odam otam uchun.
Kimga dasturhon yozdim bolam uchun,
Ba'zida semirdim, ba'zida ozdim bolam uchun.
Aqldan ham ozayozdim bolam uchun,
Ex kimlarga yalinmadim bolam uchun.
Lekin hech narsa ilinmadim onam uchun,
Dunyodagi eng yaxshi odam otam uchun.

Aylandim, o'rgildim, ado bo'ldim bolam uchun,
Sog'lig'imdan ham judo bo'ldim bolam uchun.
Bola shoh men go'yo gado bo'ldim bolam uchun,
Danagidan mag'zi shirinda ota-ona uchun.
Lekin nima qildim o'zim bola bo'lib onam uchun,
Dunyodagi eng yaxshi odam otam uchun.

O'zi yemay-ichmay menga yedirgan ham onam edi,
Yupun yursa ham meni kiyintirgan otam edi.
Omon bo'lsang bo'ldi bolam derdi,
Ayting men ham odammanmi endi.
Nima qildim bir mushtipar onam uchun,
Dunyodagi eng yaxshi odam otam uchun...
Nom: Re: Ota-onalarimiz haqida she'rlar
Yuborildi: Muhammad Amin 22 Oktyabr 2009, 07:52:01
Bahtimiz - Onajon...

Tunda yozibman kimgadur she`rlar
Kimgadur o`zimni bag`ishlab har on
Muhabbat desalar berardimku jon
O`shanda unutdim sizni onajon.

Do`stimga ishonib sirim ham aytdim
Dushmanni har vaqt do`stim deb bildim
Yomonlik, razillik barchasin qildim
Sizni o`ylamadim bir dam onajon.

Do`st sirini olamga yoyib ham bo`ldi
Ishonganim ustimdan kulib ham bo`ldi
Nahotki quvonib yi`glagan chog`da
Sizni o`ylamadim bir dam onajon.

Yuz o`girdi hatto o`z Do`stim
Va`dasin unutdi bevafolar ham
Boshimga tushdiku malomat toshi
Yolg`iz boshginamda yig`ladi onam.

Ko`zimni ochib qarasam shu choq
Yig`lab turar munis bir inson
Ko`zlaridan tutib so`rayman
Gunohkoringizni kechirning ONAJON…
Nom: Re: Ota-onalarimiz haqida she'rlar
Yuborildi: Muhammad Amin 22 Oktyabr 2009, 07:52:51
Duo qiling, duoyingiz men uchun tumor,
Deysiz: "Bolam, Allohimdan bir tilagim bor:
Dog`laringni ko`rmay o`tsam,o`zi kifoya,
Axir, mening dilimda ham niyatim bisyor"
Sizni baxtli etolsaydim qaniydi, onam,
Poyingizga dunyolarni tortiq qilsam kam.
Nom: Re: Ota-onalarimiz haqida she'rlar
Yuborildi: Muhammad Amin 22 Oktyabr 2009, 07:53:45
Onang ketsa savlatlaring ketgaydir,
Otang ketsa davlatlaring ketgaydir.
Shu ikkala qo‘rg‘oningdan ayrilsang,
Manglaydagi zar xatlaring ketgaydir.
Otasi yo‘q cho‘lda qolgan giyohday,
Onasi yo‘q rangi ro‘yi siyohday.
Kimning agar qo‘rg‘onlari yiqilsa,
To‘rt tomondan to‘rt ming ozor yetgaydir.

Nari borsa to‘rt yil kutar dildoring,
O‘n yil kutar sadoqatli do‘st-yoring.
Lekin otang sabr toshga aylanar,
Onang qirq yil ko‘z yummayin kutgaydir.

Otang o‘lsa, o‘ldi dema hayot u,
Ko‘ksingdagi so‘nmaydigan bayot u.
Nogoh agar yo‘llaringda qoqilsang,
Onang ruhi qo‘llaringdan tutgaydir.

Boshingga ish tushganida sinab ko‘r,
G‘amingga g‘am qo‘shganida sinab ko‘r.
Kimlaringdir sen deb ko‘z yosh yutar lek,
Otang qilich, onang qonlar yutgaydir.

Shon-shuhrating ketsa ketar do‘stlaring,
Mol-davlating ketsa ketar do‘stlaring.
Otang-onang qolar senla, qolgani
Shunchaki... ko‘changdan bir-bir o‘tgaydir.

Guljamol Asqarova
Nom: Re: Ota-onalarimiz haqida she'rlar
Yuborildi: Muhammad Amin 22 Oktyabr 2009, 07:55:36
Oh, mening ortimdan ovvora onam,
Bir parcha yuragi ming pora onam.
Bir baloni ko`rib yorug` dunyoda,
Toshkanni ko`rmagan bechora onam,
Bolang bo`lib bir bor boshlab keldimmi,
Endi men ham senga farzand bo`ldimmi!..

Deysan: olislarda omon yursang bas,
Yodingga tushsam goh yo`qlab tursang bas,
Bolam, senga hamma qiladi xavas...
Axir, mening dardim qo`shiqmas faqat,
Men mashhur hofizmas — mashhur beshafqat,
Endi men ham senga farzandmanmi, ayt?...

Sha`ningga kuy bitdim. U seni topsin,
Poyingga tiz cho`kib, qo`lingni o`psin.
Undan ham ulug`im borligin ko`rsin,
Men uchun ham aziz holingni so`rsin,
Sensiz g`arib ko`nglim ko`ngilmi, onam,
Endi men ham senga o`g`ilmi, onam!..  


Nom: Re: Ota-onalarimiz haqida she'rlar
Yuborildi: Muhammad Amin 22 Oktyabr 2009, 07:56:30
O`g`lim, jigargo`sham, aytgin-chi, nahot,
Achinmaydi joning onang holiga.
Meni to`shaklarga mixlab qo`ydi bod,
Kelsang bir ko`rsamu… o`lsam mayliga.
Nom: Re: Ota-onalarimiz haqida she'rlar
Yuborildi: Muhammad Amin 22 Oktyabr 2009, 07:57:25
Men sizni o`ylayman shomu saharda,
Ona, sog`insam ham bora olamayman,
Tunlari charog`on shunday shaharda
Hech kimga ko`nglimni yora olmayman.
Men siz aytgandayin hammabni sevdim,
Hammaga ishondim, mana oqibat:
O`z do`stim uyiga ko`mildi sevgim,
Kun bo`lib ko`ksimni kuydirdi nafrat.
Boshimdan o`tgani ko`kka ham ayon,
Yulduzlar qiqirlab kular oqbadan:
Men –zangor yaylovda olis, bepoyon,
Uyuridan ajrab qolgan qulunman…

Mana, men ketayapman tosh yo`lda ko`zim,
Qadamim moshinlar yo`rg`asiga mos.
Yig`lasam yupatib o`zimni o`zim,
Pishqirib qo`yaman toychoqlarga xos.

Va sizni o`ylayman shomu saxarda,
Ona, sog`insam ham bora olmasman.
Tunlari charog`on shunday shaharda
Hech kimga ko`nglimni yora olmasman…

Ha, sevgi haqida. U dilga ne zeb,
Kuyinmang, ne iloj qilmasa nasib,
Baxtimga hamisha Siz sog` bo`ling deb,
Sog`ingan o`g`lingiz – Muhammad Yusuf.  

Nom: Re: Ota-onalarimiz haqida she'rlar
Yuborildi: Mas'ud 22 Oktyabr 2009, 12:23:20
**Onamga hat**

Men sizni o'ylayman shomu saharda,
Ona, sog'insam ham bora olmayman,
Tunlari charog'on shunday shaharda,
Hech kimga ko'nglimni yora olmayman.

Men siz aytgandayin hammani sevdim,
Hammaga ishondim, mana oqibat:
O'z do'stim uyiga ko'mildi sevgim,
Kun bo'lib ko'ksimni kuydirdi nafrat.

Boshimdan o'tgani ko'kka ham ayon,
Yulduzlar qiqirlab kular oqbadan:
Men - zangor yaylovda olis, bepoyon,
Uyuridan ajrab qolgan qulunman...

Mana, ketayapman tosh yo'lda ko'zim,
Qadamim moshinlar yo'rg'asiga mos.
Yig'lasam yupatib o'zimni o'zim,
Pishqirib qo'yaman toychoqlarga xos.

Va sizni o'ylayman shomu saharda,
Ona, sog'insam ham bora olmasdan.
Tunlari charog'on shunday shaharda
Hech kimga ko'nglimni yora olmasman...

Ha, sevgi haqida. U dilga ne zeb,
Kuyinmang, ne iloj qilmasa nasib.
Baxtimga hamisha omon bo'ling deb,
Sog'inib qoluvchi qizingiz Kumush...

Singlim, bu rahmatli Muhammad Yusufning she'rlari...Uni o'zgartirish yaxshimikin?
Nom: Re: Ota-onalarimiz haqida she'rlar
Yuborildi: Abdulhafiz 04 Dekabr 2009, 07:09:57
Yelkangiz o'parkan quyosh ham bota,
Qarshilab barchani bir-bir uyg'ota,
Bolangiz ko'ngliga paxtadan yumshoq,
Temirdan qattiqroq qalqonim, ota!
Zalvorli yuklar-da yuqtirolmas gard,
Oldingizga tushmas biron bitta mard.
Zardobga aylangan ichga yutar dard,
Yurakdan portlagan vulqonim, ota!
Gullar titrasada bo'ston vahmida
E'zozlab yashagay sizni rahmida!
Biz deya hayotning achchiq sahnida
O'zin yer aylagan osmonim, ota!
Bolam deb nigohi g'unchadek so'lgan,
Og'ir sinovlarda ne bo'lsa-bo'lgan...
Yuzi qayg'ursa-da, ko'zlari kulgan
Jannat hidi kelar rayhonim, ota!
Biror lug'ati yo'q yig'lab nolishda,
Asta hordiq olgan qattiq bolishda!
Qalbida erkalab, yig'lagan tushda
Yillarga ulg'aygan armonim, ota!
Sizga men shu bukun qo'shig'im aytdim,
Qadringizni o'ylab hovliga qaytdim,
Mehringizda qolgan bo'lsa gar qaytim,
Men uchun bir umr darmonim ota!

Mahmud Asror
Nom: Re: Ota-onalarimiz haqida she'rlar
Yuborildi: ibrohim 20 Sentyabr 2010, 14:13:18
                 ÐœÐÐœÐ


Прости меня, мама, за то, что вырос рано
За то, что боль причинял за раной рана
Прости меня мама, я во многом виноват
Прости, что я не стал таким как старший брат

Моя жизнь мама, как черно-белое кино
Все вроде бы неплохо, но всегда есть одно "НО"
Понять не легко почему все именно так
Именно так и не иначе. Что это значит ? Пожелай мне удачи, Мама!

Меня зовет дорога, ты слезы прячешь, Мама, меня не будет долго
Я знаю, знаешь, Мама, я знаю веришь, мама, ты верила и веришь в меня
И это не мало и когда сбивала судьба меня с ног
Сквозь боль и отчаяние слышал голос: "Вставай, сынок!"
Эту балладу я посвящаю всем матерям, что свою любовь дарят нам

Скажи мне, Мама, сколько стоит моя жизнь
Моя жизнь - это драма, моя душа несется ввысь
Скажи мне, Мама, сколько стоит моя жизнь
Моя жизнь - это драма, моя душа несется ввысь

В самые трудные минуты моей жизни, когда смерть подходила очень близко
Звезды искрами падали с неба и мысли о тебе, Мама, как лучик света
В поисках ответа, в поисках пути
Я собираю все силы и продолжаю идти
За все прости меня, Мама, я был во многом виноват
Но все осталось в прошлом - время не вернуть назад

Пытаюсь встать с колен, немного приподняться
Но что-то мне мешает от земли оторваться
Молюсь.. Дай мне сил Боже понять, что меня тревожит, кто мне поможет
Быть может, Боже, моя вера слаба, но где бы я не был я помню эти слова
Прости за то, что я тебе их редко говорю: МАМА Я ТЕБЯ ЛЮБЛЮ!

Скажи мне, Мама, сколько стоит моя жизнь
Моя жизнь - это драма, моя душа несется ввысь
Скажи мне, Мама, сколько стоит моя жизнь
Моя жизнь - это драма, моя душа несется ввысь



Баста
Nom: Re: Ota-onalarimiz haqida she'rlar
Yuborildi: yoqutxon 21 Sentyabr 2010, 00:00:53
ONAM

Men nima topibman,dunyoga kelib?
Sizdan-da sevimli,sizdan-da aziz.
Ko'z-ko'z qilmoqlikka,maqtashga arzir,
Savlatim ham sizsiz,davlatim ham siz!

Oftobim onama,oyim onama,
Nomusim onama,orim onama!

Bedor o'tqazgan har tuningiz haqqi,
Meni deb kuyingan kuningiz haqqi.
Oylaringiz haqqi,yilingiz haqqi,
Sizga fido bo'lsin,jonim onama!

Oftobim onama,oyim onama,
Dardlarim oqizar,soyim onama!

Sizdan boshqa xarkim aldagani rost,
Alam quzg'un bo'lib talagani rost.
Yer bosib yuribman,osmonni ko'rib,
Sizni duoingiz asragani rost!

Kuni kecha bilib-bilmay ranjitib qo'ydim.
Bugun ich-ichimdan afsuslansam kam!
Negadir,negadir uzrlarga tilim bormadi.
Ertaga,ertaga ruhim tilga kirganda qanday javob beraman?

Onamsan! Onamsan! Qalbimni mehringga to'ldir,
Garib farzandingga shuldir inoyat!
O,munosib kuyching bo'lish mushkildir.
Seni kuylamaslik esa jinoyat!!!

Nom: Re: Ota-onalarimiz haqida she'rlar
Yuborildi: UzMuslim 25 Sentyabr 2010, 21:02:19
 Hayot karvonini tortib o`tamiz
Umrni sarhisob qilib o`tamiz
Kimnidir dunyoda aldab o`tamiz
Bu dunyoda bormi o`zi diyonat
Ey birodar ota-onang g`animat

Inson yashar yolg`on kunning ostida
Inson yashar qil ko`prik ustida
Inson yashar ko`cha-ko`yning qo`ynida
Topgan boylik molu-dunyong xiyonat
Bu dunyoda ota-onang g`animat

Ba`zan do`stdan chiqib qolar dushmaning
Ko`zlab urar yashnab turgan chamaning
Agar bo`lsa sevgan yoring yomoning
Ota-onang yonidasan xijolat
Bu dunyoda ota-onang g`animat

Otang hayot xonadoning charog`on
Onang hayot baxting to`kis farovon
Ular borki bosgan qadaming ravon
Har ne borki saqlay olgin qanoat
Bu dunyoda ota-onang g`animat

Mehr bergin ayolingga, gulingga
Mehr bergin ,farzandlaring yo`lingga
Mehr bergin jigaring-u qoshningga
Atrofingda yaqinlaring tumonat
Bu dunyoda ota-onang g`animat

Farzand uchun yemagan-u yedirgan
Dilband uchun kiymagan-u kiydirgan
Qaro ko`zim kam bo`lma deb o`stirgan
Ular uchun qilolmasak inoyat
Bu dunyoda ota-onang g`animat

Yashayapsan bu dunyoda kimni deb
Olomasang duosini onam deb
Tiriklikda yo`qlolmasang otam deb
O`tgandan so`ng qilma bekor dod -faryod
Tushun axir ota-onang g`animat
Nom: Re: Ota-onalarimiz haqida she'rlar
Yuborildi: Rons 29 Mart 2011, 02:13:54
Она
Фарзандига булиб парвона
Тунлар алла айтар усгин оппогим
Оналик завкига кона ва кона
Юпатар,эркалар умр чирогин
Йигласа гам чекар шодланар кулса
Дилига пайванддир хар бир нафаси
Бола тез улгайса чин одам булса
Шудир онаизор орзу хаваси
Шу ният йулида тунлари бедор
Фарзанди мехрига гарк булар аёл
Бола усган сари сочга куниб кор
Узин кексайганин килмайди хаёл...

Муаллифи номаълум
Nom: Re: Ota-onalarimiz haqida she'rlar
Yuborildi: Rabella 20 Iyun 2011, 15:27:55
Do’ppisini  otsin osmonga,
Ko’zi kulib boqsin zamonga..
Qo’lin butun uzatsin nonga ,
Hayot bo’lsa kimning onasi..

Sovqotmaydi qor bo’ronda ham,
Qoqilmaydi tosh yo’llarda ham..
Turtolmaydi xech bir muttaham,
Hayot bo’lsa kimning onasi..

Yulishmaydi  nohaq bir patin,
Yaxshi bo’lar doim ulfati..
Issiq turar doim ovqati,
Hayot bo’lsa kimning onasi..

Mehr izlab ko’chib yurmaydi,
O’z uyida cho’chib yurmaydi..
Rangi quti o’chib yurmaydi,
Hayot bo’lsa kimning onasi..

Farzand uchun ona bir me’mor,
Poyidadir jannat onaning..
Yetsin uning qadriga faqat,
Hayot bo’lsa kimning onasi..
Nom: Re: Ota-onalarimiz haqida she'rlar
Yuborildi: azizbek_mx 21 Iyun 2011, 11:18:50
Do’ppisini  otsin osmonga,
Ko’zi kulib boqsin zamonga..
Qo’lin butun uzatsin nonga ,
Hayot bo’lsa kimning onasi..

Sovqotmaydi qor bo’ronda ham,
Qoqilmaydi tosh yo’llarda ham..
Turtolmaydi xech bir muttaham,
Hayot bo’lsa kimning onasi..

Yulishmaydi  nohaq bir patin,
Yaxshi bo’lar doim ulfati..
Issiq turar doim ovqati,
Hayot bo’lsa kimning onasi..

Mehr izlab ko’chib yurmaydi,
O’z uyida cho’chib yurmaydi..
Rangi quti o’chib yurmaydi,
Hayot bo’lsa kimning onasi..

Farzand uchun ona bir me’mor,
Poyidadir jannat onaning..
Yetsin uning qadriga faqat,
Hayot bo’lsa kimning onasi..


Alloh rozi bo`lsin, bu she'rga bitta rahmat kamlik qiladi... ichimdagini aytishga so`z topolmayapman...
Nom: Re: Ota-onalarimiz haqida she'rlar
Yuborildi: Абдурроҳман 21 Iyun 2011, 23:15:02
ИНСОФ БЕР!

Бир ўтинч сузадур ҳаёларимда,
Ғамгинлик ҳукмрон наволаримда.
Тинмай сўрайдурман дуоларимда:
Отамга инсоф бер, Парвардигорим!

Айтишга тилларим бормас нетайин?!
Қўрқаман, тик боқиб қўйишим тайин!
Лек юрак сиқилар кун ўтган сайин,
Отамга инсоф бер, Парвардигорим!

Номардлик сари қўл тутмасман асло,
Ҳақ қўйган сарҳаддан ўтмасман асло,
Зиёда меҳрни кутмасман асло,
Отамга инсоф бер, Парвардигорим!

Аламлар дастидан куйиб ёнди дил,
Ҳаммасин айтишга дош беролмас тил!
Дўстлар даврасида бошимни тик қил -
Отамга инсоф бер, Парвардигорим!

Кўз ёшимни тўкдим жазо ўрнига,
Раҳматларинг юбор сазо ўрнига!
Суянчиқ бўламан асо ўрнига,
Отамга инсоф бер, Парвардигорим!

Ишонч йўқ дунёда йўқдир беғубор,
Ҳолимга кулгувчи неча минг кўз бор.
Олтмишдан ошганда айлама абгор -
Отамга инсоф бер, Парвардигорим!

Ҳаммаси қўлингда, Ўзинг билгансан!
Кимга меҳр бериб, кимдан кулгансан!
Қизин кўмган зотни Умар қилгансан,
Отамга инсоф бер, Парвардигорим!

Қиёмат тонгида оҳлар урмасин,
Белгиланган жойин йиғлаб кўрмасин,
Абу Толибларга сафдош турмасин,
Отамга инсоф бер, Парвардигорим!

Гулгун чеҳрасини кўрганда боғда
Маломат қилганлар қолсинлар доғда!
Йиғлаблар тўймасин Каъбатуллоҳда
Отамга инсоф бер, Парвардигорим!

Оқсоқол бобога ўхшаши учун,
Лаган ости ошин ошаши учун,
Волидам одамдек яшаши учун
Отамга инсоф бер, Парвардигорим!

Эшит бу бандангнинг ғариб тилагин:
Кўнгил ўтинчини Ўзинг қўллагин,
Юбормасдан туриб Ўлим малагин
Отамга инсоф бер, Парвардигорим! (Хайрулла Ҳамидов)

P.S. Эй аҳли ислом сизлардан ўтинаман! Аллоҳ розилиги учун ота-онамнинг хаққига уларга Аллоҳдан ҳидоят сўраб дуо қилинг...
Nom: Re: Ota-onalarimiz haqida she'rlar
Yuborildi: Muhammad Yusuf 25 Iyun 2011, 11:45:12
O'g'lim jigargo'sham, qalbim sururi
Ko'p e'tibor berma g'amgin izlarga
Hayotning chiroyli eng tezko nuri
Namoz o'qib duo yubor bizlarga

Aza ham o'tadi, o'tar zavqli to'y
Soching oqarmasdan sajdaga bosh qo'y
Boshqa hech bir ish foyda bermas
Yaxshi bilib qo'y
Namoz o'qib duo yubor bizlarga!
Nom: Re: Ota-onalarimiz haqida she'rlar
Yuborildi: Muhammad Sanjar 08 Dekabr 2011, 13:34:47
ONAJON - Haydar Yahyoyev g'azali

Onajon, noming dilimda, jism aro tanho o'sha,
Shafqaring bitmas xazina, menga ming tillo o'sha,
Har nafas mehring bulog'i toshsa bir dunyo o'sha,
Ko'z ochib ko'rdim o'zingni, menga bir dunyo o'sha,
Onajon, ka'bam o'zing, sensiz jahonni na qilay,
Tanda mehring yonmasa, behuda jonni na qilay!

Tark etib oromu sabring, menga baxt berding mudom,
Ham jigarporam deya, chekding alamlar subhu shom.
Toza qalbing bo'ldi qancha - qancha qayg'ularga jom,
Sendan o'rgandim buyuk imlo bila shirin kalom,
Onajon, ka'bam o'zing, sensiz jahonni na qilay,
Etmasa nomingni yod - o'tkir zabonni na qilay!

Mehribon, mushfiq, murabbiy, buncha beozorsan,
Jonajon, munis, azizim, shodligimga yorsan,
Xasta bo'lsam, jonga darmon, har safar bedorsan,
Gar yiroq ketsam, tunu kun izlarimga zorsan,
Onajon, Yahyo dedi: sensiz jahonni na qilay,
Bo'lmasang boshimda sen, bu oshyonni na qilay!
Nom: Re: Ota-onalarimiz haqida she'rlar
Yuborildi: Muhammad Sanjar 28 Dekabr 2011, 22:11:08
ASSALOM, MEHRIBON....

Assalom, mehribon, mehridaryo dil,
Ovozlari mayin, beg‘ubor ko‘ngil,
Sog‘inchdan ko‘ngilga sig‘mayapti qil,
Tushingizga kirgim keldi, onajon.

Yoningizdan jilmay, quvonchga to‘lib
Dunyolarga sig‘may, qiyqirib, kulib,
Biz zumga bo‘lsa-da, yosh bola bo‘lib
Orqangizdan yurgim keldi, onajon.

Aytar gaplarim ham ko‘pdan ziyoda,
Yig‘lolmasdan yoshlar ichimda shoda.
Qo‘ng‘iroq qilibmas, bugun ro‘yoda,
Holingizni so‘rgim keldi, onajon

Ichim jimirlaydi, xavotir tinmas,
Bemehr o‘g‘lingiz qadringiz bilmas,
Har kun tavof aylab, rasmingiznimas,
O‘zingizni ko‘rgim keldi, onajon.

Tunlar uxlolmasdan halak bu jonim,
Mehringizni qo‘msab bir zumga tindi.
Qo‘llari duoda - jon Onajonim,
Shu kecha men Sizni juda sog‘indim.

Mas'ud MAXSUDOV
Nom: Re: Ota-onalarimiz haqida she'rlar
Yuborildi: Dostonbek 17 Yanvar 2012, 02:12:05
Tunlar yurdim,ko'chada sang'ib bevafo guzallar kuchasin poylab, shu mahal uyda o'tirar onam, ikki ko'zi eshikda bir meni o'ylab.Tunlar urushdim, kimlarbilandur sevganim shu tomon ovumasin deb,bu paytda uyda o'tirar onam bolamni ovqati sovumasin deb.Yarim kech go'zallar uyda uhlaydi, meni ko'nglim visol ko'zlaydi,shu mahal uyda otamga onam o'g'ligiz uyda deb yolg'on so'zlaydi.
Nom: Javob: Ota-onalarimiz haqida she'rlar
Yuborildi: muzaffar.uz92@yahoo.com 24 Mart 2013, 06:33:47
Jahongashta shumqorim, musofirim sog`indim
Horijlardan ilm istagan bolajonim sog`indim,
Yuragimni parchasi og`lonimni sog`indim ,
Onajon degan seni bo`ylaringni sog`indim
Yurt dovrug`in dunyolarga taratgin-ey bolama
El korga yaraydigan inson bo`lgin bolama,
Ota -onang qariganda kiftlaringda ko`targin-ey bolama
Qalbim to`la quvonch hamda sog`inchlarga bolama,
Qo`lim ochib duolarga yolvoraman ollohimga
Qayda bo`lsang seni olsin panohiga bolama.

muallif:
Mening Ojiz Onajonim