forum.ziyouz.com
Ilm va ziyo => Ma'rifat => She'riyat => Mavzu boshlandi: Kumushbibi 16 Iyun 2006, 22:24:55
-
Assalomu alaykum forum ahli.Siz bu mavzu orqali O'zbek sheriyatidan ,Buyuk shoir va shoiralar ijodidan namumalar,shu bilan birga roman yoki hikoyalardan bahramand bo'lishingiz mumkin.Agar o'zingiz sevgan sher yoki hikoyalar bo'lsa biz bilan baham ko'rsangiz g'oyat mamnun bo'lar edik.
Sheriyat mulkining sultoni Alisher Navoiy ijodidan...
Gurbatda garib shodmon bulmas emish,
El anga shafiku, mehribon bulmas emish.
Gar oltin kafas uchra kizilgul bitsa,
Bulbulga tikondek oshion bulmas emish.
-
O'rik shohlariga qo'ngan qormikan,
Qo'llaring xinomi yo gulgun chechak,
Xanuz masrurmisan baxtiyormisan
Marghilon bogida qolgan kelinchak.
Kimni aziz tutib ketding azizam,
Kimning haroridan gullading o'sding,
Bir laxza ko'zingni kurayin desam
Kipriklaring bilan ko'zingni to'sding.
Boshingda daryodek mavjlangan ro'mol,
Shamol qulogidan tortar barglarni,
Xanuz uchirolmay dilgirdir shamol
Ro'molingga qo'ngan kapalaklarni.
Olam bir alamdir sim-siyoh cheti,
Alam bir olamdir endi sevarim,
O'rik gullaridek to'kilib ketti
Kaftimdagi bir juft setoralarim.
Orik shohlariga qo'ngan qormikan,
Qo'llaring xinomi yo gulgun chechak,
Meni eslaysanmi omon bormisan
Mening tushlarimda qolgan kelinchak.
Iqbol Mirzo
-
Sarvim, arazlabsiz, hijob tutibsiz,
Bizni qora ko'rib, simob yutibsiz,
O'lib bo'larmidi bizsiz, bilmabsiz,
Ahvolimiz o'xshash, hech o'ylamabsiz.
Mijgonda quyoshni bandi saqlabsiz,
Sho'rlikni kimga asrandi saqlabsiz,
To'zonni sovutib g'avg'oga boshlabsiz,
Sarvim, xatomasmi, bizni tashlabsiz.
Gardun iqbol sari yurmasa yurmabdi,
Mayxona changini qormasa qormabdi,
Shungayam shunchami, xo'rlasa xo'rlabdi,
Baribir ko'nmaymiz, zo'rlasa zo'rlabdi.
Oqshom kulbasida biz-da mehmonmiz,
Avjlansak, yalang'och mohitobonmiz,
Xijolatlar bo'lmang, gul-gulistonmiz,
Biz shunday ayonmiz, shunday tamommiz.
Oh, orzu orzumi beomonlikda,
Oh, darmon darmonmi bedarmonlikda.
Sizdan so'rovimiz, ilinjimiz shu:
Sarvim, bizga qayting - sargardonlikka
Abduvali Qutbiddin
-
Xazon lashkari kelgan-
Yaproqlar to'kiladi.
Eng so'nggi o'qi bilan
Sadoqlar to'kiladi.
Muhabbat borasida
Biz hanuz norasida.
Bulutlar orasidan
Saboqlar to'kiladi.
Loylar qordim yoshimdan
Somon qildim sochimdan
Uyga kirsam, boshimdan
Tuproqlar to'kiladi.
Senga tegmadi nafim,
Ichimda qoldi gapim.
Tegib-tegmasdan labim
Qadahlar to'kiladi.
Eslamaysan kelmasam,
Jilmayasan yig'lasam,
Sochlaringni silasam
Nigohlar to'kiladi.
Xazon lashkari kelgan-
Yaproqlar to'kiladi.
Yonoqlaru barmoqlar,
Dudoqlar to'kiladi..
Ey gul, qaytgin izingga
Rahming kelsin o'zingga.
Yuzingni qo'y yuzimga-
Gunohlar to'kiladi..
http://www.htwm.de/truziboy/adabiyot/iqbolmirzo.htm
-
Kani ayt maksading nimadur sening
Nega tilkalaysan bagrimni ohang
Nechun kerak boldi senga koz yoshim
Nechun kerak ,rubob, senga shuncha gam!
Eshlib ,tolgonib ingranadi kuy
Kaylardan kelmokda bu ohu faryod
Kim u yiglayotgan,Navoiymikan
Yo may kuychusi Hayomimikan, dod!
Abdulla Oripov
-
Oq yo`rgakka o`ragansan o`zing bizni,
Oq yuvib, oq taragansan o`zing bizni.
Beshigimiz uzra bedor ona bo`lib,
Kunimizga yaragansan o`zing bizni.
Fidoying bo`lgaymiz seni, O`zbekiston,
Hech kimga bermaymiz seni, O`zbekiston!..
Qalqoningmiz, qasd qilsa kim gar joningga,
Alpomishlar ruhi yor har o`g`loningga.
Asragaymiz giyohing ham gulday o`pib,
Yovlar yaqin yo`lolmagay qo`rg`oningga.
Adoying bo`lgaymiz seni, O`zbekiston,
Hech kimga bermaymiz seni, O`zbekiston.
Tuzing totib, unutganlar xor bo`ladi,
Ko`zlariga ikki dunyo tor bo`ladi.
Tinch kuningni ko`rolmagan yurtfurushlar
Bir kun bir kaft tuprog`ingga zor bo`ladi.
Adoying bo`lgaymiz seni, O`zbekiston,
Hech kimga bermaymiz seni, O`zbekiston!..
http://www.htwm.de/truziboy/adabiyot/myusuf.htm#kap45
-
Yolg'iz sen uxlaysan,yolg'izim,bolam,
Maysalar shivirlar,hayqiradi tog'.
Shovullar daryolar,dalalar uyg'oq
Qasamga botirar tubi yo'q olam.
Umidning ko'zi ko'r, achchiqdir firoq,
Axir men alamman - chinqirar alam.
Bu g'olib turkuda bo'lmish edi jam,
Ona yurtim,elim,toptalgan tuproq.
Uyg'on,uyg'on,bolam,uyg'ongil, ey dil,
Uyg'ondan iborat uyg'otlik dunyo.
Inon,seni o'ylab ketmakdaman,bil.
Sengadir jon bolam,mushkilot, g'avg'o,
Uyg'on,uyg'on, deya ingraydi navo -
Senga bu Vatandir, senga turkiy til.
PS.Bu sher o'zbek adabiyotida o'chmas iz qoldirgan,xalq sevgan,ajoyib sherlari bilan o'zbekning dardini kuylagan,ajoyib inson,O'zbekiston xalq shoiri Rauf Parfi ijodidan.Shoirning oxirati obod va joylari jannatda bo'lsin!!!
-
O`n sakkiz ming olam oshubi agar boshindadur,
Ne ajab, chun sarvinozim o`n sakkiz yoshindadur.
Desa bo`lg`aykim, yana ham o`n sakkiz yil husni bor,
O`n sakkiz yoshina muncha fitnakim boshinadur.
O`n sakkiz yil dema, yuz sakson yil o`lsa, uldurur,
Husn shohi, ul balolarkim, ko`zu qoshinadur.
Hayrat etmon husni naqshidaki, har hayratki, bor,
Barchasi ezid taolo sun`i naqqoshinadur.
Tan anga siymu ichina tosh muzmar ko`nglidin,
Aqlg`a yuz hayrat, ul oyning ichu toshinadur.
May ketur, ey mug`ki, yuz hayrat aro qolmish Masih,
Bul ajablarkim, bu eski dayr xuffoshindadur.
To Navoiy to`kti ul oy furqatidin bahri ashk,
Har qachon boqsang, quyosh aksi aning yoshindadur.
Alisher Navoiy
-
Uxlamaydi tunlari,
Oy nurlari taralgan.
O'zbekning ayollari
Farzand uchun yaralgan.
Yildan uzun kunlari,
Kim ko'nglini so'rolgan.
O'zbekning ayollari
Mehnat uchun yaralgan.
Qirq yil qirg'n bo'lsa ham,
O'z ahdida turolgan.
O'zbekbning ayollari
Toqat uchun yaralgan.
Yot oldidan sal nari
Qachon kokil o'rolgan.
O'zbekning ayollari,
Iffat uchun yaralgan.
O'zbekning ayollari,
Suvdan halol,
Guldan pok,
Qo'llari oltinlari,
Qay tomonga bursa yuz,
Yo'llari oltinlari-
Izzat uchun yaralgan!
Muhammad Yusuf
-
Shamolning bag'rida bog'man-devorim yo'qqa o'xshaydir,
Dovullar silkitib ko'rdi- g'uborim yo'qqa o'xshaydir.
Bu sahrodir mening qasdimda har dam bostirib kelg'on,
O'zimman bir biyobonda-qatorim yo'qqa o'xshaydir.
Yashil bargim qanot yozsa, xazon fasli kelib yetgay,
To'kil ey barg! To'kil ey barg!-bahorim yo'qqa o'xshaydir.
Kunim yomg'ir kutib o'tkay, tunim bir qatra shabnamni,
Yoniq qumzordin yaqinroq-xumorim yo'qqa o'xshaydir.
Qaydadir sohiling, daryo?Seningsiz bu biyobonda
Xazon bo'lg'ay tanim, ammo madorim yo'qqa o'xshaydir.
Xiyonat bog'iga uchdi u qo'rqoq bulbuli rasvo,
Bu sahro rastasi ichra bozorim yo'qqa o'xshaydir.
Nigorim kel, nazar tashla,mening qutlug' xazonimg'a,
Olov bo'lmoqdin o'zga hech shiorim yo'qqa o'xshaydir.
Usmon Azim
-
Kokulung anbar durur, jon ichida jonon qiz,
Ko'zlaring axtar durur, yuzi mohi tobon qiz.
Lablaring erur la'ldek, yuzlaring qizil guldek,
Barcha sengakim quldek,xizmatingga qurbon, qiz.
Tar orazing gul, soching sunbulki, tishlaring dur,
Sarv qadlig', qosh ko'rung oftobi davron qiz.
Bir ko'rib seni, zolim, qolmadi mening holim,
Tang bo'lubdur ahvolim, bilmadingmu,nodon qiz?
Oy yuzingni ko'rganda, lablaringni so'rganda,
Mashrabing bo'lur banda, qilsang ani mehmon qiz
http://www.htwm.de/truziboy/adabiyot/mashrab.htm
-
Uvaysiyman
Mehnatu alamlarga mubtalo Uvaysiyman,
Qayda dard eli bo’lsa, oshno Uvaysiyman,
Istadim bu olamni, topmadim vafo ahlin,
Barchadin yumub ko’zni muddao Uvaysiyman.
Uz diling taalluqdin, band qil xudo sori,
To degil kecha-kunduz: "œMosivo Uvaysiyman!"
Kechalar fig’onimdin tinmadi kavokiblar,
Arz to samo uzra mojaro Uvaysiyman.
To ko’rib xarobotin ta’na etma, ey zohid,
Bir nafas emas xoli iqtido Uvaysiyman.
Faqr borgohiga qo’ysa gar qadam har kim,
Bosh agar kerak bo’lsa, jonfido Uvaysiyman.
Vaysiy beriyozat deb sahl tutma, ey orif,
Ishq aro nihon dardi bedavo Uvaysiyman.
Jahon Otin Uvaysiy
-
Meni shaydo qiladurg'on bu ko'nguldur,bu ko'ngul,
Xoru rasvo qiladurg'on bu ko'nguldur,bu ko'ngul.
O'qdayin qomatimizni qora qoshlig'lar uchun,
Muttasil yo qiladurg'on bu ko'nguldur,bu ko'ngul.
Meni yozg'urma "sevar" deb,ki mening haddim emas,
Ul tamanno qiladurg'on bu ko'nguldur,bu ko'ngul.
Borma derlar eshiki sori damo-dam,netayin,
Ko'p taqozo qiladurg'on bu ko'nguldur,bu ko'ngul.
Qora mo'yin havasi birla qorong'u kechada,
Jonni savdo qiladurg'on bu ko'nguldur,bu ko'ngul.
Dushmanu do'st orasinda meni g'ofilni mudom
Be saru po qiladurg'on bu ko'nguldur,bu ko'ngul.
O'zgadin ko'rma,ki ko'zung yoshini, ey Lutfiy,
Ayni daryo qiladurg'on bu ko'nguldur,bu ko'ngul.
-
Oy yuzida tillarang jilo,
Sambitguldan taralar hushbo'y,
Kezmoq na soz, quvnoq va hushro'y
Moviy o'lka sukuti aro.
Yiroqlarda Bog`dod. Bir zamon
Shahrizoda yashagan diyor.
Ul sanamga endi ne darkor,
Hazon bo'lmish jannat guliston.
Ul sharpalar singibdi yerga,
Dev, parilar bo'lmishdir tuproq,
Bosh egma, ey sayoh, qabriga,
Arvohlarga solmagin quloq.
Atrofga boq, qanchalar barqut!
Dudog`ingni tortar chechaklar.
Dushmanga ham do'stlik qo'lin tut,
Yorug` bo'lsin ko'nglim, desang gar.
O'yna, sendan ne qolur o'lsang,
Visol aylab ishq boliga to'y,
O'liklarga sig`inmoq bo'lsang ,
Tiriklarni o'z holiga qo'y.
Shunday degan Shahrizoda ham,
Barglar aytar yana bir bora.
Bu dunyoda armonsiz odam
Bechoralar ichra bechora.
Erkin Vohidov
-
Shivirlaydi oyog'imda yashab o'tgan xazonlar,
Ko'zlarimga igna yanglig' sanchilmoqda mezonlar.
Huvillagan qishloq uzra quyuq tuman cho'kmoqda,
Yiroqlarda nay ko'nglini so'nggi bora to'kmoqda.
Dala bo'm-bo'sh, ko'milgandek unga ko'hna savollar,
Faqatgina kezib yurar, izg'zib yurar shamollar.
Faqatgina ko'rinadir kuygan daraxt mung'ayib,
Qayda qoldi mangu bahor, qayga bo'lding sen g'oyib?
Rauf Parfi
http://www.htwm.de/truziboy/adabiyot/raufparfi.htm
-
Ishqing otashidin men tomchiga zor,
Xayoling tushlarimda manga yodgor.
Suving sharob yanglig' yondirdi mani,
Charxpalakdek aylanurman nolakor.
Jaloliddin Rumiy
-
Yu'q, bu she'r shubha haqida emas!
Aslida shubha degan narsa yu'q.
Yarador ishonchlar bor,
Majruh ishonchlar bor..
Men sening lablaringdan
U'pmoqdan qu'rqmayman,
Ammo qu'rqamanki, bu lablardan u'zgalar
U'pmaganmikan, deb.
Sen men uchun ku'ngil ermagi emas,
Sen mening fojeam, sen mening baxtim,
Sen mening qog'ozga tushmagan she'rim.
Talpinib yashayman shu gu'zal she'erga.
U'ylagin, jonginam, mening nimam bor,
Nima aziz menga she'rim va sendan?
Aslida she'rku, bu qu'llarimdadir:
Shu yurak berarkan tomirimga qon,
Xiyonat qilmasman she'rim hech qachon!
Ammo sen boshqacha... Sendan qu'rqaman...
Onang ato etmish senga bir husn,
Eh, kimlar yu'lingga qu'ymagan tuzoq!
Sen kulib quvonib bir kimsa bilan
Quyuq suhbat qilsang ku'chayu ku'yda,
Yalinib-yolvoraman men Xudoga:
-Xudoyo, shu yigit bu'lsin beparvo,
Xayrlashgin jonim tezroq, jonginam..
Ammo bekor ketur tilovatlarim!
Sen kulaverasan, u-chi gapirar,
Bu shayton bu'lmasa bunchalar gapdon!
Yuragim bu'lsa qonlarga botib
Tu'lg'anur, ingranur yarador ishonch.
Yu'q, bu she'r shubha haqida emas,
Shubha ojiz tuyg'u, arzimas tu'fon..
Tushun Yer sharida osilib turibman!
She'rni mahkam tutib bir qu'lim bilan,
Biri bilan seni mahkam quchoqlab,
Ammo bugun qalbda yarador ishonch,
Sitilib ketyapsan qu'llarimdan sen.
Sensiz ham yashamoq balki mumkindir..
She'rimga hassadek suyanib olib,
Seni tafting qolgan qu'llarim bilan
Bu'shliqlarni ku'r kabi paypaslab,silab..
Tushun, Yer sharida osilib turibman!
Qancha yopishmayin hayotga, she'rga,
Sen meni tashlama, quchog'imda tur,
Hayotning bu'yniga chirmashib ketsin,
Ikkala qu'lim ham chirmovuq misol!
Yu'q, bu she'r shubha haqida emas....
Yaxshisi kela qol, meni seva qol,
Sevgingni qoldirmay zarrasigacha,
Quvonchi, ishonchi, hayrati bilan
Menga topshira qol, menga beraqol,
Tushun, Yer sharida osilib turibman...
Usmon Azim
-
Iqbol Mirzo
Ko'zlarida g'am gardidan surmalari,
Uchib ketdi bu ku'ngilning turnalari
Ey siz, mening g'aribgina kulbalarim,
Sizni tashlab samolarga ketolmayman.
Gulyuzligim yuz noz ila burdi yuzin,
Men ko'z yumsam, kipriklarim su'ydi ko'zim.
U'z-u'zimga azon aytib, qu'ydim ism..
Endi o'shal zebolarga ketolmayman.
Kecha qadah tu'qishtirib hilol bilan
Gulob ichtim yolg'iz du'stim Iqbol bilan
Bugun qo'lda ikki bu'lak safol bilan
Iqbollarga, safolarga ketolmayman.
Endi faqat sabolarni sog'inish bor,
Elas-elas navolarni sog'inish bor,
Olis-olis ziyolarni sog'inish bor,
Aks u'zimman, sadolarga ketolmayman.
Onasidan arazlagan bola kabi
Bu olamdan burilgandir mening labim.
Ey, onamdek g'aribgina kulbalarim,
Sizdan go'zal dunyolarga ketolmayman.
-
Erkin Vohidov
RASHKIM
Seni yotlar tugul, hatto
Qilurman rashk o'zimdan ham.
Uzoqroq termulib qolsam,
Bo'lurman g'ash ko'zimdan ham.
Ko'zim yongay senga nargis
Ko'zin tiksa chamanlarda.
Yashirmam, lolaga rashkim
Ayon bo'lgay yuzimdan ham.
Degaylarki, charosu
Ol gilos olmish labingdan rang.
Labing tegsa xasad qilgum,
Gilos birlan uzumdan ham.
Seni jonim, dedim yolg'iz,
Seni qalbim, dedim tanho.
Chimirding qosh, pushaymonman,
Qo'pol aytgan so'zimdan ham.
Visol onida ko'z ochsa,
Ne tong, tongdan ko'ngilda ranj.
Judo qilgay meni oy yuz,
Xumor ko'z yulduzimdan ham.
Senga o'n to'rtda bog'landim,
Hanuz erkin bo'lolmas dil.
O'zim dog'man, aql kirmas,
To'zimsiz o'ttizimdan ham.
-
YORILGAN HARAKAT BAYONI
Shavkat Rahmondan
Bir odam izladim...
izladim g`arib,
jufti yo`q burgutday xunuk qishladim.
Kezdim armon to`la bir jom qidirib,
malaklar yig`ladi,
itlar tishladi...
Umring uzoq bo`lsin,
ey daryojonim,
husningga hirs bilan nazar solmadim.
Zanjirlar tovshiga to`lganda yodim
o`zingdan o`zga bir dildor qolmadi.
Qolmadi bir ilinj,
ishonch qolmadi,
vahshiy daholarning makri bilindi.
It bazmi qizigan oysiz shomlardan
qizg`onib opqochdim daryo dilimni.
Bu chirkin og`izlar...
singan kallalar...
ig`vodan, bo`htondan osilgan tillar...
hirslar lashkarlari bosgan pallada
shohlarin bo`g`izlab tishlagan dillar.
Bu quyosh xo`rlangan...
bu oy zo`rlangan...
zarlari talangan bu sodda jabal.
Qon, aroq, peshobni emib to`ralgan
buvaklar bo`kirib yig`lagan mahal
yo xudo dedimu
nurlar o`ynagan
peshonam ilk bora tuproqqa tegdi,
yo xudo dedimu
erkin gullagan
daryodil samoga dilimni berdim.
Umring uzoq bo`lsin,
ey, daryojonim,
kechalar qa'rida bir gul yig`ladi,
yuzimga sachradi bir bulbul qoni.
ko`nglimga bu dunyo
nechuk sig`madi?!
Nechuk bag`ringdaman,
kimning ishqida?
Nechuk yolvoraman umringni tilab?
Ulkan jasadimni toshlar ichida
yuvarsan eng nozik qo`llaring bilan.
Aytgil, ey darojon,
bormidi zulm?
Tog`lar silsilasin buzvordi nola:
"Gullarning bargini emagan, gulim,
bulbullar qonini ichmagan, bolam".
-
Ushbu she'r yosh o`zbek shoirlaridan Behzod Fazliddinga tegishli:
MENSIZLIK
Yulduzlari ichikib qoldi,
Mahzun endi Oysiz osmonim.
Sensizlikka ko‘nikib bo‘ldim,
Qanday ekan mensizlik, jonim!
Ana, ko‘zim ko‘zingdan o‘tdi,
Qo‘y, yashirma titroqlaringni,
Xato qilding, o‘zingdan o‘tdi,
Tishlayapsan barmoqlaringni.
Endi nurga begona yuzing,
Quyoshingning ranglari qani?
Sig‘mayapsan o‘zingga o‘zing,
Hayotingning tonglari qani?
Yuragingning yarmi yo‘q endi,
Mening bilan butun ekansan.
Kech tushunding. Dimog‘ing sindi,
Yongan g‘amga o‘tin ekansan.
Kechalaring o‘zingdan g‘arib,
Armonlaring osmondan katta.
Yuragingga termilib turib,
Yig‘layapsan birinchi marta.
Uxlab qolgan tunlarning haqqi,
Mening o‘rnim boshqa — bo‘lakman.
Yig‘lab qolgan tunlarning hag‘g‘i,
Men, bari bir, senga kerakman!
-
Muhammad Yusuf
Alloh go`zal
Orazi gul, husni hilol,
Alloh go`zal, Alloh go`zal.
Mutlaq kamol, mutlaq jamol,
Allog go`zal, Alloh go`zal...
Arsh arkida sulton o`zi,
Beaybu benuqson o`zi.
Poyiga cho`k, ul Zuljalol,
Alloh go`zal, Alloh go`zal.
Diydori bir shirin umud,
Azal vujud, abad vujud.
Kimga ayon, kimga xayol,
Alloh go`zal, Allog go`zal.
Narxi zilol, bag`ri bahor,
Gul chehra yor, nur chehra yor.
Oramijon, oshuftahol,
Alloh go`zal, Alloh go`zal.
Tuproqqa jon etmish ato,
Momo havo, Odam Ato.
Loydan odam yasar kulol,
Alloh go`zal, Allog go`zal.
Shoir tilak-ta`bim o`shal.
Ruhim o`shal, Rabbim o`shal.
Alloh akbar, ey Bilol,
Alloh go`zal, Alloh go`zal.
-
Erkin Vohidov:
OY O'RTANAR, KO'ZLARIDA YOSH,
KO'KSI DOG'U YURAGI QIYMA.
DER:" EY FALAK, MEN EDIM QUYOSH,
NEGA MENI QILDING TARJIMA?
-
SHOIRU SHE'RU SHUUR
To tirikdirki tabiat,
To quyosh sochgayki nur,
Uch egiz bordir tushuncha,
Uch bu so`z yondosh bo`lur:
Mohiru mehru mahorat,
Olimu ilmu amal,
Oshiqu ishqu mashaqqat,
Shoiru she'ru shuur.
Yana Erkin Vohidovdan
-
KAMTARLIK HAQIDA
Garchi shuncha mag`rur tursa ham,
Piyolaga egilar choynak.
Shunday ekan, manmanlik nechun,
Kibru havo nimaga kerak?
Kamtarin bo`l, hatto bir qadam
O`tma g`urur ostonasidan.
Piyolani inson shuning-chun
O`par doim peshonasidan.
Erkin Vohidov
-
QARO QOSHING
Qaro qoshing, qalam qoshing,
Qiyiq qayrilma qoshing, qiz.
Qilur qatlima qasd qayrab —
Qilich qotil qaroshing, qiz.
Qafasda qalb qushin qiynab,
Qanot qoqmoqqa qo`ymaysan.
Qarab qo`ygil qiyo,
Qalbimni qizdirsin quyoshing, qiz.
ERKIN VOHIDOV
-
BIZ BAXTLI BO`LAMIZ
Mayli-da, kimgadir
Yoqsa,
Yoqmasa,
Ularga qo`shilib
Yig`lasharmidik.
Biz baxtli bo`lamiz
Xudo xohlasa,
Xudo xohlamasa
Uchrasharmidik"¦
Rayhon hidlaringni
Yo`llarimga sep,
Kut meni,
Har oqshom,
Ko`kka oy chiqqan.
Faqat,
Yig`lamagin,
Gunohim ne deb,
Aybing —
Onang seni
Chiroyli tuqqan!..
Menga
Bir tabassum
Hadya et, ey yor,
Nur tomsin
Lablaring
Sohillaridan.
O`zing ayt,
Senday qiz
Yana qayda bor,
Kipriklari uzun —
Kokillaridan?..
Iymanib yashama
Xayol pinjida,
Yoyil,
Yayra jonim,
O`rtanma g`amda.
G`iybatlarga chida,
Tuhmatga chida,
Sen bittasan, axir,
Yorug` olamda.
Men esa
Oshig`ing sening —
Eng g`arib.
Tundan so`z
Qarz olib,
Tongga tutguvchi.
Sening yonimda ham
Seni axtarib,
Sening yoningda ham
Seni kutguvchi.
Ista,
Tiz cho`kaman
Hozir oldingda.
Sevdim,
Sevganimdan
Uyalmoq nechun.
Barcha farishtalar
Sening qalbingda
Ijarada turgan
Qizlar men uchun!..
Biz baxtli bo`lamiz
Xudo xohlasa,
Xudo xohlamasa,
Uchrasharmidik?!
Muhammad Yusufdan
-
Abdukarim jumaboyev:
SAN'ATIM
Ko`zimga qatra yosh ilingan chog`lar,
Ko`ksim tikanlarga tilingan chog`lar,
Ayriliq azobi bilingan chog`lar,
Suyanchim sen bo`lding, aziz san'atim.
Dunyo g`amlaridan sabrim bitsa ham,
Qalbimni quzg`unlar zog`lar titsa ham,
Ishongan do`stlarim tashlab ketsa ham,
Ishonchim sen bo`lding, aziz san'atim.
Telba dunyo mani ming kuyga solsa,
G`arazli nigohlar yoqamdan tutsa,
Bechora bu ko`nglim yolg`izlab qolsa,
Tayanchim sen bo`lding, aziz san'atim.
Boshimga yog`dirib turfa balolar,
Ko`nglim siyoh qilsa ko`ngli qarolar,
Mehribon onamdek qilib duolar,
Yupanchim sen bo`lding, aziz san'atim.
San'atim qadringni ayt kimlar bilur,
Ko`ngli ishq dardidan yarimlar bilur,
Seni jondan sevgan Karimlar bilur,
Quvonchim sen bo`lding, aziz san'atim.
-
YURAK
Yurak,sensan mening sozim,
Tilimni nayga jo'r etding.
Ko'zimga oyni berkitding,
Yurak,sensan ishqibozim.
Senga tor keldi bu ko'krak,
Sevinching toshdi qirg'oqdan,
Tilim charchar, ajab,gohi
Seni tarjima qilmoqdan.
Sen, ey sen - o'ynoqi dilbar,
Zafardan izla yoringni.
To'lib qayna, toshib o'yna,
Tirikman, kuyla boringni!
Itoat et!
Agar sendan
Vatan rozi emas bo'lsa,
Yoril,chaqmoqqa aylan sen,
Yoril! Mayli, tamom o'lsam!
Usmon Nosir
-
GO'ZAL
Qorong'u kechada ko'kka ko'z tikib,
Eng yorug' yulduzdan seni so'raymen.
Ul yulduz uyalib, boshini bukib,
Aytadir:"Men uni tushda ko'ramen.
Tushimda ko'ramen, shunchalar go'zal,
Bizdan-da go'zaldir, oydan-da go'zal!.."
Ko'zimni olamen oy chiqqan yoqqa,
Boshlayman oydan-da seni so'rmoqqa,
Ul-da aytadirki:"Qizil yong'oqqa
Uchradim tushimda, ko'milgan oqqa.
Oqqa ko'milganda shunchalar go'zal,
Mendan-da go'zaldir, kundan-da go'zal!.."
Erta tong shamoli sochlarin yozib,
Yonimdan o'tganda so'rab ko'ramen.
Aytadir:"Bir ko'rib, yo'limdan ozib,
Tog'u toshlar ichra istab yuramen!
Bir ko'rdim men uni - shunchalar go'zal,
Oydan-da go'zaldir, kundan-da go'zal!.."
Ul ketgach kun chiqar yorug'liq sochib,
Undan-da so'raymaen sening to'g'ringda.
Ul-da uyatidan berkinib, qochib,
Aytadir:"Bir ko'rdim, tushdamas o'ngda.
Men o'ngda ko'rganda shunchlar go'zal,
Oydan-da go'zaldir"¦ mendan-da go'zal!.."
Men yo'qsil na bo'lub uni suyibmen?!
Uning-chun yonibmen, yonib-kuyubmen.
Boshimni zo'r ishga berib qo'yubmen,
Men suyub"¦men suyub"¦kimni suyubmen?
Men suygan "suyukli" shunchalar go'zal,
Oydan-da go'zaldir, kundan-da go'zal!!!"
Cho'lpon
-
SENSIZ
Mana, bir umrni yashadim sensiz,
Qaytmas shodliklarning qaytishin kutib,
Tobuting boshida cho’kkanimda tiz,
Farzandlar ko’tardi qo’limdan tutib.
Shundan beri tikman. Har nega qalqon,
Baxtga, bahorga ham, qishga, qayg’uga.
Birov azasida yig’layman qon-qon,
To’yida yayrayman o’xshab ohuga.
Lekin qolganimda qalbim-la tanho,
Tuyg’ular zoriga solganda quloq.
O’zni zaif, chanqoq sezganda goho,
Alamdan beraman javobsiz so’roq:
Tirik ekan nega tashlab ketmading?
Mendan nafisroqning husniga oshiq,
Mendan yoniqrog’i tortmadi sani,
Edi nigohingga bor jannat ochiq,
Seni majnun etib bir yer go’zali,
Nega meni tashlab ketavermading?
Tirik ayrilishning dog’I og’irmish,
Xo’rlik kemirarmish umrni chaynab!
Bu-mudhish egovga berardim turish,
Ketsang ham menga jon tuyg’ungdan aynab.
Bilardim, qaydadir olasan nafas,
Murakkab bu dunyo sen-chun ham tirik.
Senga yot-noshudlik, tund ruhlik, qafas,
Bugungi qadaming kechadan yirik.
Nega, nega meni tashlab ketmading?
Bilaman, rashk meni etardi halok,
Afzal ko’rganingni qarg’ab o’tardim,
Izingdan yurmasdim soyaday g’amnok,
Hayotda men uchun qolarding tirik,
Qalaming mujdasin kutardim mushtoq.
Ma’yus taqdiringga yashab men sherik,
Mushkul bo’layotir shodlik yaratmoq.
Nega tirik ekan tashlab ketmading,
Tashlab ketmading-da, boshlab ketmading?!
Zulfiya
-
MIRRIX YULDUZIGA
Go'zal yulduz, yerimizning eng qadrli tuvg'oni,
Nega bizdan qochib muncha uzoqlaiga tushibsan?
Tuvg'oningga nechun sira gapurmasdan turibsan,
So'yla, yulduz, holing nadir, nechuk topding dunyoni?
Bizning yerda bo'lib turgan tubanliklar, xo'rliklar,
So'yla, yulduz, sening dag'i quchog'ingda bo'lurmi?
Bormi senda bizim kabi insonlar,
Ikki yuzli ishbuzarlar, shaytonlar,
O'rtoq qonin qonmay ichgan zuluklar,
Qardosh etin qo'ymay yegan qoplonlar?
Bormi senda o'ksuz yo'qsulning qonin
Gurunglashib, chog'ir* kabi ichkanlar?
Bormi senda butun dunyo tuzugin*
O'z qopchig'in to'ldirgani buzganlar?
Bormi senda bir o'lkani yondirib,
O'z qozonin qaynatg'uvchi xoqonlar?
Bormi senda qorin-qursoq yo'lida
Elin, yurtin, borin-yo'giin sotqonlar?
Abdurauf Fitrat
-
G’amzasin sevding, ko‘ngil, joning kerakmazmi sanga?
Teg‘a urding, jismi uryoning kerakmazmi sanga?
Otashin ohimla aylarsan banga taklifi bog‘,
Bog‘bon, gulbargi xandoning kerakmazmi sanga?
Yela verma dog‘idub, hardam oyoqlardan ketur,
Ey pari, zulfi parishoning kerakmazmi sanga?
Ey kamonabro‘, raqiba verma g‘amzangdan nasib,
O‘q odarsan dosha, paykoning kerakmazmi sanga?
Yondurub jonim, jahonso‘z etma barqi ohimi,
Osmon, xurshidi toboning kerakmazmi sanga?
Kufri zulfindan bani man’ aylamak loyiqmidir,
So‘fi, insof ayla, iymoning kerakmazmi sanga?
Tutalimkim, ashk selobina yo‘g‘dir e’tibor,
Ey Fuzuliy, chashmi giryoning kerakmazmi sanga?
Fuzuliy
-
Mening yuragimga ketaylik
Yasatib qo'yibdi senga bir dunyo,
Orziqib kutadi bugun yuragim.
Mening yuragimga kelgil, marhabo,
Mening yuragimga kelgil, malagim.
Muhabbat baxtini topadi unda,
Kelgil, afsonalar aytmoqda bog'lar,
Aziz boshing uzra yaltirab kunda
Oltinga aylanar kuychi yaproqlar.
Mehribon yellarning qanotlarida,
Qani, yur, boraylik lola tergali.
G'aroyib gullarim bordir narida,
Gulim, ko'rmagansan umringda hali.
Qaragil, naqadar tiniqdir osmon,
Uning huzuriga yurgil, boraylik.
U yerga qaro tun yo'lamas aslo,
Bulutlar qayg'udan ketmas qorayib.
Qani, qo'llaringni qo'limga qo'y-chi,
Mening yuragimga ketaylik birga.
Sira ham u yerdan ketmaylik ko'chib,
Achchiq tajribalar ortib taqdirga...
Rauf Parfi: http://www.htwm.de/~truziboy/adabiyot/raufparfi.htm
-
Bilaman bu kuzdan bo'lmaydi u'tib-
Uning qayg'ulari- tentaklik qadar,
Uning hasratlari-yuksaklik qadar.
Qalbingga men qanday boraman yetib,
Axir, o'rtamizda bir fasl kadar.
Kim yozda qoldiyu, kim qishda qoldi-
Gapirma. U'zgarmas qismat tartibi,
Haq shukum, u'rtada tu'qson kun yondi,
Xazonda u'rtandi uch oy tarkibi.
Nafasim qaytmoqda- ufqlarni och,
Parishon dunyoni kuzak etsin tark.
Qimtingan lablarga boqib beiloj,
Yong'in va muz aro bu'lmasimdan g'arq.
Umrimiz o'tmoqda sahnada kabi,
Azoblar- eng qiziq tomoshaga teng.
Sendirsan bu kuzni yaratgan nabi,
Kuzga abadiylik muhrin bosgan men.
Bilaman, bu kuzdan bo'lmaydi o'tib-
Uning hasratlari yuksaklik qadar,
Uning qayg'ulari-tentaklilk qadar,
Bizni yubordiku yuksaklik yutib..
Vo ajab, yuksaklik naqadar xatar!
Yur, ketdik. Xazonrez dilni horitdi,
Bizni sig'dirmadi bu yuksak tanglik.
Yuragim pastlikka yetmasdan qotdi..
Evoh, bu-pastlikmas.
Evoh, teranlik..
Usmon Azim
-
Biz uchrashmadik"¦
Tong chog'i tun bilan kunduz uchrashdi,
Tunda armon bilan yulduz uchrashdi,
Bahor bilan kuzak - baxtxush uchrashdi,
Toshlar uchrashdilar, biz uchrashmadik.
Bulut zamin bilan yig'lab uchrashdi,
Shamol kurtaklarni ilg'ab uchrashdi,
Visol hijron bilan minglab uchrashdi,
Yoshlar uchrashdilar, biz uchrashmadik.
O'lik zil tuproqni otdi ko'tarib,
G'ofil tiriklarni topdi axtarib,
Yo'qlik va borlikni oralab, g'arib -
Boshlar uchrashdilar, biz uchrashmadik.
Sarxush ari bilan uchrashdi gullar,
Erka shodlik bilan uchrashdi munglar,
Nigohlar, bag'irlar, lablaru qo'llar,
Qoshlar uchrashdilar, biz uchrashmadik.
Yoningda turibman dalli devona,
Yorim-a, ketdimi ishq yona-yona?
Men seni quchaman"¦ Sovuq, begona -
Loshlar uchrashdilar, biz uchrashmadik.
Usmon Azim
-
Siz qarg'aysiz taqdiringizni,
Va aytasiz unga tashakkur:
-Biz yo'q qildik bir-birimizni...
Biz yo'q qildik.... Hudoga shukur!...
Siz yurakni qilmaysiz tejam,
Olgin!- borni tortiq qilasiz.
Su'ngra xafa bo'lasiz mendan-
"Qaytmayman", deb yig'lab ketasiz.
Izlab yana kelasiz bir kech,
Jilmayasiz:-Baxtlimanmi boq!...
Kulgingizga yarashmaygay hech,
Xitobingiz o'rtagan titroq.
Hijrondan so'ng savollar teran,
Hijrondan so'ng javob- daf'atan..
Men hammadan pinhon saqlagan
She'rlarimni Sizga aytaman...
Ayblamaymiz bir-birimizni,
Tilda so'zlar tug'iladi-hur.
...Qarg'amaysiz taqdiringizni
Va aytmaysiz unga tashakkur....
Usmon Azim
-
Saratonda gullar o'ladi,
Sarg'yadi egasiz tuzlar.
Hali qayg'urmasang bo'ladi-
Hali kuzlar keladi, kuzlar.
Anglanmagan dardlarday to'zib,
Kunlar asta qiladi parvoz.
Xotirangdan chiqaru suzib,
Qaytmas bu'lib ketar bizning yoz.
Daraxtlarda junun suzadi,
Boshlanadi qovjirash, yonish...
Hali yig'lamasang bo'ladi-
Bu-kuz. Hali qish keladi, qish.
Hali qorlar o'par labingni,
Izg'irinlar belingdan quchar,
Muzlatadi ayoz taningni-
Xotirangdan kuzak ham u'char.
Shunda bir barg qiladi isyon,
Boqqa qaytar unut bo'lgan burch,
Biz bahorga chiqqani peshvoz,
Topolmaymiz o'zimizda kuch..
Sen yig'laysan. Nolangdan cho'chib,
Uchay deru qo'zg'ololmas vaqt.
Olislarda boradi u'chib,
Bahoridan mangu ayri baxt.
Usmon Azim
-
Xayrlashmoq kerak sen bilan,
Ko'ngillarni uzmoqlik kerak,
Kechmoq kerak g'arib umiddan,
Dunyomizni buzmoqlik kerak..
Boshqalarga bermoqlik kerak
Kuzgi oqshom charchoqlarini,
Endi mayus termoqlik kerak
Sevgimizning aldoqlarini..
Bizga do'zax va'dalar etib,
Tepamizdan jim boqar xudo,
Seni saqlay, sevgidan ketib,
Ishqda qolib sen bo'lma ado.
Muncha shirin bu kuz oqshomi
Labingdagi charchoq kalomlar:
-Men do'zaxdan qurqmayman jonim,
Do'zaxdaman allaqachonlar...
-
Qizgaldoq bargidek uchar dildan gam,
Toshqinlar kiradi qalbimga manim,
Bahoring muborak bolsin ushbu dam,
Mening Uzbekiston - dilbar Vatanim!
Faqat sen qalbimga choktirmay malol,
Charchagan ruhimga ilhom solursan,
Umr ham, hayot ham otar ehtimol,
Faqat sen dunyoda mangu qolursan!
Abdulla Oripov
-
O'ylayman, ochilsa har yil navbahor,
Moviy kengliklarda alvon lolalar,
Bular lola emas,mangulikka yor
Lolaga aylangan askar bolalar.
O'ylayman oftob uygonib sahar
Kunchiqar ufqiga tikkanda yalov,
Bu gulgun shafaqmas,osmonga qadar
Bevalar ohidan tutashgan olov.
O'ylayman har kech shams yetsa zavolga
Borliqning tugamas motami rostdir,
Tun emas,onalar egnida qolgan
To mahshar yechilmas qora libosdir.
Yur, bolam maydonga boraylik bugun
Qo'lingda dona gul yanog'ingdek ol.
Bu gul sening baxting, shod kulgung uchun,
Fido bulgan bobong qalbiga timsol.
Yo'q, sen o'zing gulsan, Vataning chaman,
Ulg'ay, asl zoting unutma sira.
Bilki, qadr bilmak aslida Vatan
Vatanning ma'nosi boqiy xotira.
Erkin Vohidov
-
Samoda kezadi hanuz tanho oy,
Yolg'izlik qiynaydi uni hoynahoy.
Yo'qlikdan izladim sening vaslingni,
Men qayga tikilsam, Ka'ba usha joy.
Abdulla Oripov
-
Qulab tushdi iroda-zindon,
Erkka chiqdi bu so'z-"Sevaman!"
Men junatdim uni sen tomon,
Simyogochlar karvoni bilan.
Simyogochlar karvoni ketdi,
Tun bag'rini sekin oralab...
U so'z tongda shahringga yetdi,
Eshigingni bordi qoralab.
Shitirladi hovling to'la kuz,
Shitirladi xazonlar - jonli.
Ostonada kichkina bir so'z-
Sen seskanib yig'lading, jonim.
Ro'parangda u bosh egdi jim,
Horib keldi- uzoq edi yo'l...
Sen yoshingni arta bilmading.
"Salom" deb ham uzatmading qo'l.
Men kutaman... Kuz bo'lar abas,
Qor, izg'irin bilan bu'zlashib-
Ko'chalarda tentirayman mast,
Xotiralar bilan su'zlashib.
Yo'q, sen meni juda sevasan!!
Faqat yomon qishning to'foni-
Balki simlar uzilib qolgan,
Balki adahsgandir karvoni....
Usmon Azim
-
Sen qaydasan yuragim...
Zulfiya
Qalb bo’lganda yiroqda
Iroda ekan ojiz.
Do’stlar ham ko’p atrofda,
Ammo men yakka-yolg’iz...
Birdan qalbim keksarib,
Qon ham qochdi yuzimdan.
Sen, sirdoshni axtarib,
Xayol ketar izingdan.
Qayga ketding, yuragim,
Bitdi bardosh va toqat.
Suhbatingdir tilagim,
Tilda hasratim qat-qat.
Ko’pdir aytajak so’zim,
O’gitlaringga zormen,
Yig’laysan deb do’stlarim
Ta’na qilar. Netay men?
Sovush bermaydi menga
Yoqib ketganing olov.
Netay, yetmayman senga,
O’rtaga tashlangan g’ov.
Ishqqa maskan yuragim,
Topib ber deb qistaydi.
Nima qilay, berahm-
Ruhim seni istaydi
http://zulfiya.edunet.uz/lirika.html
-
Ne baloga etding mubtalo
Zulfiya
O’tdi oylar g’am bilan oqib,
Dil topmadi zarra tasallo.
Firoqingda qoldim tutoqib,
Ne baloga etding mubtalo!
Ko’z ochgani qo’ymaydi alam,
Boshim qo’ysam kuydirar bolish.
Yupatolmas kitob va qalam,
Misralarim ko’tarar nolish.
Nahot shuncha mas’um, shuncha pok
Sevishmoqda alam bor shuncha?
Bardosh bermas iroda, idrok,
Tamoman lol aql, tushuncha.
Tog’day bor deb bilgan yuragim
Qush boshicha qolmadi chog’i?
G’amni yengarman deganim sarim
Yana ortar alami, dog’i.
Erib ketmagandim sevgingdan,
Bo’lmaslik-chun baxtingdan judo,
Birga qolish uchun sen bilan
Kuyaman-u, bo’lmayman ado.
-
Bir gul eding- shamol bo'lib
Chamaningni ku'rib ketdim.
Shamolligim darding bilan
Ado bo'ldi-qurib ketdim...
Bir gul eding-bahoringda
Borligimni sezganing yo'q-
Do'zax sari o'zim yig'lab
Karaxtlikda yurib ketdim.
Do'zaxning o'tida kuydim,
Do'zaxning o'tida kuldim-
Jamoling shu'lasi tushgach,
"Yo, Olloh!" deb turib ketdim!
Sening hijrongda gar u'lsam-
Tiriklikda ne armondir-
Seni hayron etib yu'lni
Ayriliqqa burib ketdim...
G'ururim izmida, yorim,
Bu dunyodan borodurman-
Keta-ketguncha ko'ksimga
Urib ketdim, urib ketdim...
Visoling yo'q erur Yerda,
Samoga yetmadim,garchi
Go'zal tushlar quchog'ida
Go'zal u'ylar surib ketdim ...
Kelar avlod, qayg'u tortsang,
Meni qarg'a! Meni qarg'a!-
Bu dunyoni uzim yoshga
Qorib, gamdin qurib ketdim
Usmon Azim
-
Goh gujum shovullar, goh shitirlar tok,
Bu - bog'da adashgan parishon shamol.
Bormisan olamda, yuribsanmi sog',
Shamolday yo'llarni yo'qotgan ayol.
Sensiz - bahorlarim kuz bo'ldi manim,
Men sensiz sarg'aydim,
Men sensiz kuydim,
Bir tirik gulxanga aylandi tanim,
Shu olov ichida bir seni suydim.
Sen - bog'lar qo'ynida qiynalgan shamol,
Senga yo'l bermaydi shoxlar chalkashib...
Yam-yashil bog'larda adashgan ayol,
Men olov ichida qoldim adashib...
Usmon Azim
-
OFFTOP!
Muhtaram forum ahli! Kimda Hamid Olimjonning "Vodiylarni yayov kezganda..." deb nomlanuvchi she'rning to'liq matni bor?...Iltimos, kimda bo'lsa post qilinglar iltimos...Sizlardan Olloh rozi bo'lsin...
hurmat ila...
-
OFFTOP!
Muhtaram forum ahli! Kimda Hamid Olimjonning "Vodiylarni yayov kezganda..." deb nomlanuvchi she'rning to'liq matni bor?...Iltimos, kimda bo'lsa post qilinglar iltimos...Sizlardan Olloh rozi bo'lsin...
hurmat ila...
OFFTOP!
Muhtaram forum ahli! Kimda Hamid Olimjonning "Vodiylarni yayov kezganda..." deb nomlanuvchi she'rning to'liq matni bor?...Iltimos, kimda bo'lsa post qilinglar iltimos...Sizlardan Olloh rozi bo'lsin...
hurmat ila...
Menga esa Hamid Olimjonning "Eng gullagan yoshlik chog'imda.." degan she'ri kerak edi...
-
Bu ko'nguldir, bu ko'ngil
Meni shaydo qiladurg'on bu ko'nguldur,bu ko'ngul,
Xoru rasvo qiladurg'on bu ko'nguldur,bu ko'ngul.
O'qdayin qomatimizni qora qoshlig'lar uchun,
Muttasil yo qiladurg'on bu ko'nguldur,bu ko'ngul.
Meni yozg'urma "sevar" deb,ki mening haddim emas,
Ul tamanno qiladurg'on bu ko'nguldur,bu ko'ngul.
Borma derlar eshiki sori damo-dam,netayin,
Ko'p taqozo qiladurg'on bu ko'nguldur,bu ko'ngul.
Qora mo'yin havasi birla qorong'u kechada,
Jonni savdo qiladurg'on bu ko'nguldur,bu ko'ngul.
Dushmanu do'st orasinda meni g'ofilni mudom
Be saru po qiladurg'on bu ko'nguldur,bu ko'ngul.
O'zgadin ko'rma,ki ko'zung yoshini, ey Lutfiy,
Ayni daryo qiladurg'on bu ko'nguldur,bu ko'ngul.
Mavlono Lutfiy
-
YURAGIMNI OLOLSANG
11.05.2007 22:27
Senga tog‘lar va’da qilmayman,
Senga bog‘lar va’da qilmayman,
Tilagancha mehru muhabbat
Yuragimni beraman faqat.
Unda tog‘lar yaratish mumkin,
Unda bog‘lar yaratish mumkin,
Bo‘lsa agar bardosh, sadoqat
Va ololsang yuragim faqat.
-
HOLAT
Sog‘inch vujudimga in qurib olgan,
Ming bor haydasam ham sira ketmaydi.
Ko‘zim yo‘llariga bosh qo‘yib olgan
Kelaman degan yor hamon kelmaydi.
Kutaman, borlig‘im poyondoz bo‘lib,
Hijron yuragimni qiynayveradi.
Xayol dengizida suzib boraman
Visol qirg‘oq bo‘lib imlayveradi.
Sobirjon AKBAROV
-
Muhammad Yusufning "Yig'lasharmidik" ua Navoiyning "Mehribonet topmadim" she'rlarini qo'yinglar.
-
Ishq ila men xastaman,bu dardima davo yo'qdur,
Qora qismat bitilmishdir,visoldan hech vido yo'qdur.
Vasl yo'qdur,faqat bordur alam,hasrat ila kulfat,
Tovushingni kutarman zor,biroq sandan sado yo'qdur.
Asir qushman - go'dak panji g'ijimlaydi berib ozor,
O'lim yordur vujudima,xudoyimdan panoh yo'qdur.
Bola dastida giryona - qanoti qonolud qushman,
Qutilmoqqa biror chora,azoblarga ado yo'qdur.
Axir,man qush emasman,yor,qutilmoqqa yo'lim bisyor,
Biroq ishqqa chalingan dil uchun erkin samo yo'qdur.
MAJNUN
(arab mumtoz shoiri)