ZiyoUz - Haqiqiy o'zbekona forum

Ilm va ziyo => Ma'rifat => Mavzu boshlandi: 1abdulaziz1 29 Dekabr 2016, 10:43:05

Nom: oila mustahkamligi 7
Yuborildi: 1abdulaziz1 29 Dekabr 2016, 10:43:05
Оила мустаҳкамлиги

Жамиятнинг энг муҳим булаги ҳисобланган оила мустаҳкамлиги никоҳ воситасида юзага келиши, куп асрлар мобайнида халқимиз орасида риоя қилиниб келинаётган никоҳ асл умуминсоний қадриятлар асосида оилани мустахкамлашга қаратилгани, никоҳ туфайли оилада барқарорлик ва соғлом муҳит хукм суриши, бу эса жамият ва давлат тараққиётининг асосий эканига катта эътибор қаратиш мақсадга мувофиқдир.
Фарзанд келажакда гўзал ахлоқли ва чиройли тарбияли бўлишида ота-она фарзанди ҳақига қиладиган хайрли дуоларнинг ўрни беқиёсдир. Чунки ота-онанинг фарзанди ҳаққига қилган дуоси мустажобдир. Абу Ҳурайра (розияллоҳу анҳу)дан ривоят қилинган ҳадиси шарифда Пайғамбар (соллаллоху алайҳи ва саллам): “Уч кишининг дуоси қабулдир: отанинг фарзандига қилган дуоси, мазлумнинг ва мусофирнинг дуоси” - деганлар.
Тарбия борасида Имом Ғаззолийнинг “Иҳёу улумад-дин” китобида шундай дейилади: “Бола ота-она қулида бир омонат. Қалби турли нақш ва расмлардан пок нима нақш солинса, қабул қилади, нимага мойил қилинса, мойил бўлаверади. Агар яхшиликка ундалса ва ўргатилса, унинг устида ўсаверади, дунё ва охиратда саодатли бўлади, ота-онаси ҳамда одоб, таълим-тарбия берганлар барчаси савобига шерик бўлишади. Агар ёмонликка ундалса ва буш қўйилса, ёмонликка учрайди, ҳалок булади ва унга қараб турган киши зиммасига гуноҳ тушади”.
Фарзанд одобли, ота-онаси, оиласи, Ватани, дини ва халқига муносиб хизмат қиладиган комил инсон булиб улгайиши учун оиладаги назорат жуда муҳимдир.


(Манбалар асосида)
Найнаво жомеъ масжиди имоми  Р.Омонов