ZiyoUz - Haqiqiy o'zbekona forum

Ilm va ziyo => Ma'rifat => She'riyat => Mavzu boshlandi: shoir 26 Oktyabr 2007, 15:22:35

Nom: Sog'inch haqida she'rlar
Yuborildi: shoir 26 Oktyabr 2007, 15:22:35
SOG‘INISH

U uzoq joylarga qilmasdi safar,
To‘kmang derdi ko‘zdan jolalarimni.
Derdi: Bir kungina ko‘rmasam agar
Sog‘inib qolaman bolalarimni.

Bedavo bir dardga chalindi sho‘rlik,
Dedi: Endi qaytib turmasam kerak.
Bo‘g‘ziga tiqilib kelsa ham xo‘rlik,
Bariga chidadi, bosiq va tiyrik.

Ketar chog‘ida ham yo‘qlikka tomon,
U taqdir hukmiga mardona ko‘ndi.
Faqatgina dedi: - Qiynar bir armon
Meni bolalarim sog‘inar endi...
1996

Abdullla Oripov
Nom: Re: Sog'inch haqida she'rlar
Yuborildi: AbdurRohman 29 Oktyabr 2007, 15:14:41
MENI  ESLAYSANMI?

Meni eslaysanmi, oy tilib-tilib,
Qiyqimlagan baxmalim – yalpiz?
Kimni izlayapsan, chuvalchang bo‘lib
O‘rmalab ketgan ildiz?

Ninachi qanotin urgan anhorim,
Sog‘inchingdan so‘zlab ber!
Ayt, seniyam bir sog‘inganing bormi,
Sopoldek darz ketgan yer?

Dadam ekkan terak, qishning chillasida
Bag‘ring tilinmadimi?
Qishlog‘im, ko‘klamning ilk pallasida
O‘rnim bilinmadimi?

Sevgilim, hammasi tamom bo‘lgan. Goho –
Meni qiynaydi bir so‘z.
Sendan bir narsa bilmoqchiydim, ammo
Yodimdan chiqdi, afsus...

1992

Iqbol Mirzo
Nom: Re: Sog'inch haqida she'rlar
Yuborildi: Fatima 02 Noyabr 2007, 15:31:16
Sog`inch

Sog`inch sochlari oqarib ketgan
Ishonchning ko`ksiga toshlar yig`laydi
Ishonchning qo`llari endi kesilgan
Baxtimning boshini gumon silaydi

Ruhimning yagona yopingan to`ni
Vujudimni kuydirar ayovsiz gulxan
Alanga, o`t chatnar, qolgan tanimni
Azoblar anovmas, o`zga bir sitam

Qo`llarim yetmagan olis yulduzlar
Ko`ksimga bosh qo`yib aylarmish fig`on
Tushim deb suvlarga aytilgan so`zlar
Axir hammasi ham emaku yolg`on!

Nahot quyosh umri shunchalar qisqa
Nahotki, oyning yarmi ham zulmat
Yo Rab! Bugun vafo dorga osilsa
Sevgiga go`rgov qilar xiyonat

Sevinchning suvrati sarg`ayib ketgan
Kiprikka osilib yoshlar yig`laydi
Tirnog`im ostida zindonband shayton
Ruhimga hukmdor bo`lmoq istaydi


Nom: Re: Sog'inch haqida she'rlar
Yuborildi: Foniy 03 Noyabr 2007, 12:55:41
***
Oro kirmay hayqirar, ingrar,
Og’rir goho butun vujudim.
Qaysar yurak to'xtovsiz yig'lar,
Onajonim...sizni S.O.G'.I.N.D.I.M!

Muallifi noma'lum (http://forum.ziyouz.com/index.php?topic=141.msg85541#msg85542)
Nom: Re: Sog'inch haqida she'rlar
Yuborildi: Fatima 16 Noyabr 2007, 13:51:41
SENI SOG‘INIB

Qorako‘z qaldirg‘ochoyimsan o‘zing,
Ko‘ksim ayvon bo‘ldi seni sog‘inib.
Ko‘zimdan bir lahza ketmadi ko‘zing,
Ko‘zim giryon bo‘ldi seni sog‘inib.

Ko‘changdan kechalar o‘tganim pinhon,
Kelmasingni bilib kutganim pinhon,
Oyu yulduzlardan tutganim pinhon,
Ishqim doston bo‘ldi seni sog‘inib.
   
Jonimga tig‘ urib qiynaydi sog‘inch,
Keyin tig‘ sug‘urib qiynaydi sog‘inch.
Xayrlashmay turib qiynaydi sog‘inch,
Yuragim qon bo‘ldi seni sog‘inib.

Belgisiz xilxona, ko‘hna mozorni –
Mozorki, qarovsiz xarobazorni
Eshitganing bormi, ko‘rganing bormi?
Dilim vayron bo‘ldi seni sog‘inib.

Sargardonlik majnun-layliga edi,
Bizniki faqat gul sayliga edi.
Olisda bo‘lsang ham mayliga edi,
Bog‘im xazon bo‘ldi seni sog‘inib.

Netay, peshonamda shu dard bor bo‘lsa!
Qaniydi bu dardga xaridor bo‘lsa...
Seni tanlarmidim, ixtiyor bo‘lsa!
Holim yomon bo‘ldi seni sog‘inib.

Iqbol Mirzo
Nom: Sog'inch
Yuborildi: lolo 19 Noyabr 2007, 01:29:32
* * *

Sensiz yolg’izdayman bu keng dunyoda,
Quyoshsiz huvillab qolganday osmon.
Go’yo yashayapman sensiz ro’yoda,
Sog’inch yuragimni o’rtar beomon.

Seni sog’inaman ko’kda oy balqsa,
Yulduzlarga to’lsa har gal bu samo.
Yanada o’rtanar qalbim yangrasa
Bizning dardimizdan yaralgan navo.

Soginchdan yurakda o’tli ehtiros
Balki sevgimizda bu so’nggi tuyg’u.
Roziman azobli bo’lsada bu his,
Soginch-la qalbimiz birgadir mangu!

(noma'lum qiz)
Nom: Re: Sog'inch haqida she'rlar
Yuborildi: Mas'ud 16 Yanvar 2008, 17:04:16
Seni o‘ylayapman...
Qaydadir sen ham,
Olis yulduzlarga
Termulasan jim...
Kimnidir kutasan
Intiqib shu dam.
Men hali bilmagan,
Dilgir malagim.

Kichik bir nuqtada,
Jamuljam xayol...
Yo‘l qarab charchagan
Nigohing g‘amgin.
Toliqqan qarashda
Son mingta savol,
Orasta qalbingga.
Bermayapti tin.

Iching anor kabi.
Qizillikka g‘arq,
Har bitta donasi –
Azobing, darding.
Ayt nega jim tiling,
Sarvinozi Sharq,
Bunchalik sabrni
Qaerdan olding?

Bitmas matonat-u
Tuganmas toqat,
Va jindek tabassum,
Ko‘zlaringda jo.
Yuraging aqlingdan
Istaydi shafqat,
Har bitta zarbasi –
Yuzta iltijo.

Bas, yetar!
Qiynoqli damlaring
Ortda,
Unutib g‘amlarni,
Shodon kulamiz.
Ezgulikka to‘la
Ko’rkam hayotda,
Albatta ikkimiz
Baxtli bo‘lamiz...

Sog‘inib, o‘rtanib,
Entikib yonib,
Seni o‘ylayapman...


Kamina

2007 yil
Nom: Re: Sog'inch haqida she'rlar
Yuborildi: Mas'ud 17 Yanvar 2008, 11:03:20
Сени кутиб-кутиб чарчадим ғоят,
Соғинмасдан қўйдим висолингни ҳам.
Армонларни туйиб, мана, ниҳоят,
Тақдирга тан бердим. Кўзларимда нам.

Кўзим эмас, менинг йиғлайди қалбим,
Юрак ҳам бир меъёр урмайди сира.
Сенга аён эмас сўнгсиз дардларим,
Билмасдинг эканинг хислар бокира.

Севгандим...Иложсиз ишқимдан кечдим,
Ҳаётга қизиқиш йўқолди тугал.
Севганим – гуноҳим, умидим – айбим,
Ноумид хаёллар бошимда чигал.

Сен бошқа келмайсан – бу менга аён,
Сени эслаганда дардга тўламан.
Кун келиб сен мени қўмсаган чоғинг,
Хижрон азобида ўлган бўламан.


Kamina

2005
Nom: Re: Sog'inch haqida she'rlar
Yuborildi: AL_laziz87 17 Yanvar 2008, 11:54:13
Jonim sizni birgina men emas mayus boqan ko'zlar sog'indi
Jonim sizni birgina men emas yurak qumsab ko'nglim sog'indi
Jonim sizni birgina men emas quchoq ochgan qalbim sog'indi
Jonim sizni birgina men emas sizga intiq lablar sog'indi
Nom: Re: Sog'inch haqida she'rlar
Yuborildi: Shirinqiz 21 Yanvar 2008, 14:28:05
Kendine iyi bak

Yan yana geçen geceler unutulup gider mi
Acilar birden biter mi ?
Bir bebek özleminde seni aramak var ya
Bu hep böyle böyle gider mi ?
Suya hasret çöllerde beyaz güller biter mi
Dikenleri göğü deler mi ?
Bir menekşe kokusunda seni aramak var ya
Bu hep böyle böyle gider mi ?

Kandine iyi bak beni düşünme
Su akar yatağini bulur..

Içimdeki firtina, kör kurşunla diner mi
Kavgalar kansiz biter mi ?
Bir mavzer çiğliğinda seni aramak var ya
Bu hep böyle böyle gider mi ?
Şu kahpe dünya seni bana düşman eder mi
Dostluklar birden biter mi ?
Bir kardaş selaminda seni aramak var ya
Bu hep böyle böyle gider mi ?

Kandine iyi bak beni düşünme
Su akar yatağini bulur..
Nom: Re: Sog'inch haqida she'rlar
Yuborildi: AL_laziz87 21 Yanvar 2008, 17:16:42
Xazonlar to'kilar daraxtlar g'arib
Qor yog'ib o'tadi zulmatni yorib
Kurtaklar yozilar yerni uyg'otib
Nechun siz kelmaysiz sog'inganman deb

Qoshlarim qayrildi yo'lingiz qarab
Sanashdan adashdim tunu kun sanab
 Noxatki ayriliq xaqiqat yo Rab
Nechun siz kelmaysiz sog;inganman deb
Nom: Re: Sog'inch haqida she'rlar
Yuborildi: Mas'ud 25 Yanvar 2008, 17:39:41
Yolg‘iz tunlarimda uxlamay chiqsam,
Tongda quyosh kutib, bossa hayajon.
Mehrimni ko‘z yoshdan bittalab yiqsam,
Yuborgim keladi sizga onajon!

Dilimda gaplarim tplanib qolgan,
Hech kimga aytmagan sirlarim bisyor.
Xattoki yuragim urishdan tolgan.
U sizga talpinar, mushfiq onajon.
 
Boshimga kechalar yostiqlar botsa,
Ishongan do‘stlarim sotsalar meni.
Saratonda yoshim kiprikda qotsa,
Dardlashgim keladi siz-la, onajon.

Dunyo tashvishidan to‘ldi bardoshim,
Qo‘l silab bariga, ketaymi, deyman.
Tizzangizga qo‘yib so‘ng dardli boshim,
Uxlagim keladi, munis onajon.
 
Mehribon tabassum o‘zim o‘ngida,
Uxlasam quloqda allalaringiz.
Har qachon duoim boshu so‘nggida,
Albatta, Siz borsiz, aziz onajon.

Qalbingiz misoli bir ohanrabo,
O’zingiz o‘kdagi porlagan quyosh.
Ovozingiz mayin – sahargi sabo,
Judayam sog‘indim, Sizni onajon


Kamina
Nom: Re: Sog'inch haqida she'rlar
Yuborildi: JaviK 26 Yanvar 2008, 07:39:53
Sog'inish
Armonning toshidan qurilgan,
Kulbada yotaman jimgina,
Devorlar shivirlar betinim,
"Otangni soginding, qizgina.."

Ukinch ham ilondek buralib,
Bugishni boshlaydi tezgina,
Urindiq gijirlar, kuy chalib,
"Otangni soginding, qizgina.."

Urnimdan turaman otilib,
Jom tomon uzalar qullarim,
Suvga-da jon bitar, pichirlar,
"Otangni soginding,qizgina.."

Kuchadan izlayman panohni,
Shamolda havoning tisgini,
U meni kuriboq soch yular,
"Otangni soginding,qizgina.."

Hech bulmas,qaytarman yotoqqa,
Otamning nigohi har yoqda,
Surati.. suz demas,zorgina
"Otangni soginding,qizgina.."

Alamning qadami uzilmas,
Ey, Hudo, bir yupanch bergina?!
Samodan sas kelar, nur kabi,
"Otangni soginding,qizgina.."

Besh yilki, uzimni yuqotdim,
Keng dunyo tor buldi kuzima,
Tong ham hurkibgina uygotdi,
"Otangni soginding, qizgina.."

Uzga honadonga ketar kunimda
Men kimning tiziga uray boshginam,
Sarpolar yiglaydi usha tunimda,
"Otangni soginding, qizgina.."

Gohida ut quygim keladi,
Shifohona derlar, qiziga?!
Ulim qah-qah urib kuladi,
"Otangni soginding,qizgina.."

Tutmadim sunggi bor qulidan,
Kuzata olmadim qabriga,
U hamon kutadi begina,
"Otangni soginding,qizgina.."

..Nihoyat, elitar shum charchoq,
Tushimda qabrida qizgaldoq,
Tebranar ohista,birgina,
"Otangni soginding,qizgina.."

Azizlar, bulurmi u rozi?
Qabriga tiz chuksam, bosh ursam,
Banogoh, jaranglar ovozi,
"Bahtingni bersina qizginam,
Bahtingni bersina qizginam..."
Nom: Re: Sog'inch haqida she'rlar
Yuborildi: AL_laziz87 07 Fevral 2008, 18:25:27
O`z o`zimga ishonmasdan,
Zorlandim men shu kecha,
Suratingni silab turib,
Sog`indim men bu kecha.
Nom: Re: Sog'inch haqida she'rlar
Yuborildi: Mahzunabonu 07 Fevral 2008, 21:12:12
Sog'inish
Armonning toshidan qurilgan,
Kulbada yotaman jimgina,
Devorlar shivirlar betinim,
"Otangni soginding, qizgina.."

Ukinch ham ilondek buralib,
Bugishni boshlaydi tezgina,
Urindiq gijirlar, kuy chalib,
"Otangni soginding, qizgina.."

Urnimdan turaman otilib,
Jom tomon uzalar qullarim,
Suvga-da jon bitar, pichirlar,
"Otangni soginding,qizgina.."

Kuchadan izlayman panohni,
Shamolda havoning tisgini,
U meni kuriboq soch yular,
"Otangni soginding,qizgina.."

Hech bulmas,qaytarman yotoqqa,
Otamning nigohi har yoqda,
Surati.. suz demas,zorgina
"Otangni soginding,qizgina.."

Alamning qadami uzilmas,
Ey, Hudo, bir yupanch bergina?!
Samodan sas kelar, nur kabi,
"Otangni soginding,qizgina.."

Besh yilki, uzimni yuqotdim,
Keng dunyo tor buldi kuzima,
Tong ham hurkibgina uygotdi,
"Otangni soginding, qizgina.."

Uzga honadonga ketar kunimda
Men kimning tiziga uray boshginam,
Sarpolar yiglaydi usha tunimda,
"Otangni soginding, qizgina.."

Gohida ut quygim keladi,
Shifohona derlar, qiziga?!
Ulim qah-qah urib kuladi,
"Otangni soginding,qizgina.."

Tutmadim sunggi bor qulidan,
Kuzata olmadim qabriga,
U hamon kutadi begina,
"Otangni soginding,qizgina.."

..Nihoyat, elitar shum charchoq,
Tushimda qabrida qizgaldoq,
Tebranar ohista,birgina,
"Otangni soginding,qizgina.."

Azizlar, bulurmi u rozi?
Qabriga tiz chuksam, bosh ursam,
Banogoh, jaranglar ovozi,
"Bahtingni bersina qizginam,
Bahtingni bersina qizginam..."
Nom: Re: Sog'inch haqida she'rlar
Yuborildi: Muhammadali 12 Mart 2008, 21:48:38
OSHIQLAR SARDORI
Rasul HAMZATOV she’ri


Bulbullar ichinda tinmas zabonman,
Hamon yoningdaman, tanangda jonman.
Agar oshiqlaring o‘n mingta bo‘lsa
Bilgilki alarning sardori menman.


Sevgiga sodiqlik shartini qo‘ysang,
Shartni bajarmas deb, yoningdan quvsang,
Agar o‘n mingtadan yuzta qoldirsang
Bilgilki yuztadan bittasi menman.

Keksalik degan so‘z joy olsa dildan,
Yigitlik quvvati ketsa ham beldan,
Har kun gul olsang sen gar o‘nta qo‘ldan
Bilgilki eng avval gul tutgan menman.

Falak falakligin qilsa nogahon,
Sendan yuz o‘girsa hatto keng jahon,
Oshiqlardan qolsa bir nafar, inon
Qolgan shu oshig‘ing bilgilki menman.

Ko‘zlaring bemahal yoshlarga to‘lsa,
Agar dushmanlaring ustingdan kulsa,
Oshiqlaring agar hech kelmas bo‘lsa
Marhum ul Rasul Hamzat bilgilki menman.

Bulbullar ichinda tinmas zabonman,
Hamon yoningdaman, tanangda jonman.
Oshiqlaring kelsa gar mingta yo‘ldan
Bilgilki eng avval kelgani menman.


Nom: Re: Sog'inch haqida she'rlar
Yuborildi: Muhammadali 12 Mart 2008, 21:50:30
SENI BUGUN KO'RMASAM BO'LMAS

Iqbol Mirzo she'ri


G'amgin yurak, g'amga sol yurak,
Bechorani xo'rlasang bo"lmas.
Seni bugun ko'rishim kerak,
Seni bugun ko'masam bo'lmas...

Yelkamga yuk tashladi osmon,
Bu azoblar bergaymi omon?..
Tushun, Seni sog'indim yomon,
Seni bugun ko'rmasam bo'lmas...

Balki quyosh qular ertaga,
Ochiladi gullar ertaga.
Nima bo'lsa bo'lar ertaga,
Seni bugun ko'rmasam bo'lmas...

Uzun tunlar bunchalar muhzun,
Mahzun kunlar bunchalar uzun.
Men ertaga yashashim uchun,
Seni bugun ko'rmasam bo'lmas!

Nom: Re: Sog'inch haqida she'rlar
Yuborildi: Shirinqiz 28 Mart 2008, 14:41:20
çok özledim annem seni.

Ver öpeyim Ellerini
Işik Tut Bana Gözlerini
Sevgi Dolu Sözlerini
çok özledim Annem Seni

Boynum Bükük Yaban Elde
Bir Garibim Karanlik Köşede
Ismin Duadir Her An Dilimde
çok özledim Annem Seni

Helal Et Bana Hakkini
üzdüysem Güzel Canini
Geç Anladim Senin Farkini
çok özledim Annem Seni

öyle Hasretim Ki Sana
özenmiş Gözlerim Bulutlara
Yağar Her Gece Yastiğima
çok özledim Annem Seni
Nom: Re: Sog'inch haqida she'rlar
Yuborildi: shoir 06 May 2008, 13:04:47
SEN YO‘G‘INGDA

Bizning ko‘cha sog‘indi seni,
Dov-daraxtlar ketdi ichikib.
Ko‘tarolmay hijron yukini,
Simyog‘ochlar qoldilar cho‘kib.
Yo‘ling poylab qushlar sayradi,
Tentiradi soylar telbavor.
Loylar kechib bahor oylari,
Yig‘lab o‘tdi senga intizor.
Eh, meni qo‘y,
Qo‘yaver meni,
Ichikmadim daraxtlar kabi.
Simyog‘ochday cho‘ka bilmadim.
Sayrolmadim qushlar singari
Loylar kechib bahor fasliday,
Xun-xun yig‘lab o‘ta bilmadim.
Menmi,
Men... Eh, qo‘yaber meni...
Ko‘chalar ham sog‘indi seni.

Abdunabi Boyqo'ziyev
Nom: Re: Sog'inch haqida she'rlar
Yuborildi: Fatima 17 Iyul 2008, 11:22:13
SOG‘INISH

Yana qish…yana qor…yana izg‘irin,
Daraxtlar o‘y surgan mayus kelinchak.
Quyosh ham erinib sochadi nurin,
Go‘yo yorug‘likni qarz bergan falak.

…Hech kim tushunmaydi qalbim tilini,
Ba’zida o‘zim ham qolaman hayron.
Qo‘ldamas belgilash taqdir yo‘lini,
Bugun gullab tursa, ertaga vayron.

Ko‘nglim buzilgan uy, xaroba misol.
Hech kim yo‘lamaydi… Huvillab qolgan…
Gohi o‘z-o‘zimga beraman savol:
“Nimadir hayotim bu kuyga solgan?”

Bilmam nima istar bu mo‘‘jaz yurak,
Kimga u sabrsiz talpinar tinmay.
Yolg‘izlik xissidan yoki bu darak,
Unum yo‘q kunimda, nima ish qilmay.

Balki “sog‘inish”,  deb atashar buni,
Yor vasli shu kecha hayolim oldi.
Sog‘inib, entikib kuniyu tuni,
Tanam ham yurakka aylanib qoldi.
Nom: Re: Sog'inch haqida she'rlar
Yuborildi: Mas'ud 31 Iyul 2008, 01:09:09
Баҳор гулларидек тўкилиб кетдим,
Қуёш нурларидан қовжирар танам,
Оёқ ости бўлдим... жизғанак бўлдим,
Лек қалбда битта хис, кўзда эса нам...
Сени соғиндим...

Ҳар кеча хижроннинг янги бир йили,
Охири йўқдайин тотли азобим.
Қийналиблар кетдим...
Бу умр йўли - Шундаймикин-а,
Айтгин,
офтобим?
Сени соғиндим...

Хаёлим юради тунда тентираб..
Туби йўқ кўчанинг чиқар бошига.
Бақириб, чақириб, сизлаб, сенсираб...
Пойингни қидирар, излар, ошиқар...
Сенга.
Соғиндим...

Неча ойдан бери дардли изтироб,
дастидан бир зумга қалбим тинчимас
Атрофда одамлар –
ҳаммаси сароб...
Қара, уларнимас,бошқаларнимас -
Сени соғиндим...

Чидайман... умидим висол лаҳзаси,
Юрагим осмоннинг энидан ҳам кенг,
Балки шудир асли ишқнинг лаҳжаси
Ажаб...ғалати...
Сен мени эмас,
мен -
Сени соғиндим....
Жуда соғиндим...


© 1 iyul... 2008 yil
   Kamina
Nom: Re: Sog'inch haqida she'rlar
Yuborildi: Mas'ud 30 Oktyabr 2008, 15:18:31
Соғинч ажиб нарса…
Соғинч ғалати,
Инсон хаёлини олиб қўяди.
Гоҳ ични тўлдириб умидга…
Гоҳи
Кўнгилга ғулғула
солиб қўяди

Соғинч ширин азоб…
ҳам аччиқ ҳузур,
Эркингни олар-у, кейин қизғонар.
Қалб-чи, у кўрсатган йўллардан юриб,
Баъзида рашк қилар, баъзида тонар.

Соғинч чақнаган чўғ,
Соғинч аланга,
Тафтига чидаган - севган юракдир
Бошқача бардош йўқ,
Ўзгача дош йўқ,
У Ñ‘ққан оловга висол керакдир.

Соғинч ажиб нарса…
Соғинч ғалати,
Соғинч ширин азоб…
ҳам аччиқ ҳузур,
Соғинч чақнаган чўғ,
Соғинч аланга,
Уни бергани чун Аллоҳга шукур.


Kamina
Nom: Re: Sog'inch haqida she'rlar
Yuborildi: siddiqa 26 Dekabr 2008, 09:03:55
Asri soadatni qattiq sog'indim.

Тун чоги, энг ширин уйку хоким дам
холиқ Таъолога йиглаб сиғиндим.
Ул тенгсиз даврга арзимасам хам
Асри саодатни қаттиқ соғиндим!

Дард ечилмай қолмиш дил тугунида,
Маънодан асар йўқ ўтган кунида,
Асри кабохатнинг совуқ тунида
Асри саодатни қаттиқ соғиндим!

Мусулмон дўстининг гамин еёлган,
Дунё лаззатидан ўзин тиёлган,
Ўлимни хақиқий ҳаёт деёлган
Асри саодатни қаттиқ соғиндим!


ха, улар жамики инсонлар тузи,
Тополмассиз чироқ Ñ‘қиб кундузи!
Одам болаларин терма юлдузи
Асри саодатни қаттиқ соғиндим!

хақиқий мўминлар ожизлигидан
Қийналар умматнинг ножинслигидан.
Ёвуз асримизнинг ёвузлигидан
Асри саодатни қаттиқ соғиндим!

Амалсиз сўзласам, сўзим кулгили,
Сўзимдан хам кўра ўзим кулгили,
Кўзгуга қарасам, юзим кулгили,
Асри саодатни қаттиқ соғиндим!

Таваккул айламай баъзан Раззоққа,
Бардош беролмам нафс отлиғ тузоққа!
хаёл маркабини хайдаб узоққа
Асри саодатни қаттиқ соғиндим!

Истасангиз агар мен билан юринг,
Сафар мобайнида дўст бўлиб туринг,
Минг бор эшитгандан ўзингиз кўринг
Асри саодатни қаттиқ соғиндим:

Билолнинг хидини хидлаб тўяй деб,
Ётган асосини бир бор суяй деб,
олид яраларин боғлаб қўяй деб
Асри саодатни қаттиқ соғиндим!

Кўрсаму йигласам сахоба зотин,
Ўрганиб хаётга тутсам хаётин,
Сийпалаб Жаъфарнинг конли қанотин
Асри саодатни қаттиқ соғиндим!

Умму Саламадан кўрсатма олиб
хаёт жадалида югурсам ғолиб,
Уйғониш асри хам бир четда қолиб,
Асри саодатни қаттиқ соғиндим!

Ибни Умми Мактум тутган таёқлар
Вазнига тенг эмас бугун оёқлар.
Кўзи юмуқ, аммо қалби уйғоқлар
Асри саодатни қаттиқ соғиндим!

Чарчаб нигох ташлаб ботиналарга,
Етолмай турмушда хотималарга,
Аёлим бошлабон Фотималарга
Асри саодатни қаттиқ соғиндим!

Лабларга озуқа илохий ўзан,
Бир ёнда қизимга жилмаяр хусан,
Боламнинг оғзига тупурса хасан
Асри саодатни қаттиқ соғиндим!

Кунларим тунлардан фарқи йўқ, нетай,
Ўн беш аср ортга тик учиб кетай.
хаёл қанотида манзилга етай:
Асри саодатни қаттиқ соғиндим!

хамзанинг соқолин бир силаш бахти
хар қайси мўминнинг жаннатий ахди.
Замонлар йиғилса, барининг тахти –
Асри саодатни қаттиқ соғиндим!

Ваъзлар Ñžқиганда воизлар ёниб
Негадир бу юрак тўёлмас қониб!
Мусъаб даъватини тинглаб тўлғониб
Асри саодатни қаттиқ соғиндим!

Ибодат лаззатин килиб хуморлар,
Ухласа, намозда кўзни юмарлар –
Отасига тортган ибни Умарлар
Асри саодатни қаттиқ соғиндим!

Абу хирр сўзласа хадислар ховий,
Қарши сўзламакка топилмас ёвий.
Ўртада биронта бўлмаса ровий...
Асри саодатни қаттиқ соғиндим!

Бугунги хофизлар очишса гар лаб
Турфа хил услубда ўзгаради таъб.
Қуръон Ñžқиб берса Убай ибн Каъб
Асри саодатни қаттиқ соғиндим!

Бугунги холатга изохни сўйлаб
Қолгаймиз разолат ичида бўйлаб...
Солмонга ўхшаган амирни ўйлаб
Асри саодатни қаттиқ соғиндим!

Жами кўрсатмаси исломга зидлар
Кўнглимни эзилар ахли фосидлар...
Ухуддан огирроқ ибни Масъудлар
Асри саодатни қаттиқ соғиндим!

Дунёлардан кўра ҳақни қучсайдим,
Охират юртига кулиб учсайдим,
Сайд ибн Омирга мурид тушсайдим...
Асри саодатни қаттиқ соғиндим!

Олтиндан курилган водийлари бор,
Аммо хақни излар ходийлари бор,
Хотамдан хам хотам Адийлари бор
Асри саодатни қаттиқ соғиндим!

Худодан устунроқ саналса мансаб,
Кўнгиллар зулмга кетганда юмшаб,
Усома ибни Зайд қўшинин қумсаб
Асри саодатни қаттиқ соғиндим!

Қаранг, бир термулинг, дунё бандига
Иймонин алишган қуртдек қандига!
Бугун хамма муҳтож Миқдод пандига,
Асри саодатни қаттиқ соғиндим!

Асрларни отиб, тезлик-ла қўпиб,
Ҳақиқат аҳлини шод бўлгум топиб,
Ибни Ҳузофанинг бошини ўпиб
Асри саодатни қаттиқ соғиндим!

Чўлоқ оёқ билан жаннатни босган
Ибни Жамуҳларни қўл ёниб ёзган!
Қиёматдан қўрқиб намозда озган
Асри саодатни қаттиқ соғиндим!

Умарлар соғинган Абу Убайда
Айтинг, энди, айтинг, дўстларим, қайда?
Гуноҳни демаган катта Ñ‘ майда,
Асри саодатни қаттиқ соғиндим!

Бугунги ҳолимни айладим ғорат,
Йигит бошим билан йўқдир ҳарорат,
Ҳафсанинг кўзида ёнган жасорат
Асри саодатни қаттиқ соғиндим!

Бугун фикр йўқдир, фақат иқтибос,
Тафсирлар турфа хил, баъзи раъйга мос.
Ҳаммасин ром айлар ёш ибни Аббос,
Асри саодатни қаттиқ соғиндим!

Абу Дардоларни қувган бу дунё,
Ибни Авф қалбини ювган бу дунё,
Абу Зарр остида юган бу дунё,
Асри саодатни қаттиқ соғиндим!

Ёшларнинг қалбини тутган қафаслар –
Бугун чолларни ҳам эзар ҳаваслар!
Юзга кириб ақли бутун Анаслар
Асри саодатни қаттиқ соғиндим!

Ҳаббоб елкасида қизарган темир,
Бас, етар, бўлди қил! Тоғларни емир!
Эй кўнглим, бул оби раҳматни симир,
Асри саодатни қаттиқ соғиндим!
Ул куннинг ёниқ бир саҳифаси бор,
Жанозадан қайтган халифаси бор,
Сир билан кўмилган Ҳузайфаси бор
Асри саодатни қаттиқ соғиндим!

Бугун юрсак ҳамки дўстларни сизлаб,
Мушкул он қўямиз уни ёлғизлаб,
Итоат бобида Муозни излаб
Асри саодатни қаттиқ соғиндим!

Соҳталик бўлмаган шу бугунчалик –
Ёлғон саломларга ёлғондан алик!
Ростликни ўргатсин Каъб ибн Молик,
Асри саодатни қаттиқ соғиндим!

Энг буюк зотларга қилмас ҳасадлар
Росулуллоҳ суйган ўлик жасадлар
Жаннатий Фотима бинти Асадлар
Асри саодатни қаттиқ соғиндим!

Суҳайбур Румийни елкалаш учун,
Қалбий риёларни тилкалаш учун,
Саъднинг камонини бир силаш учун
Асри саодатни қаттиқ соғиндим!

Одамлар малакдан фарқ қилмас пайтлар
Ҳассондан таралган илоҳий байтлар,
Тўртта ёнингизда жаннатий Зайдлар,
Асри саодатни қаттиқ соғиндим!

Бир боғнинг жаннатий гул дарахти бор,
Қиёмат келмасдан кўриш нақди бор,
Талҳанинг боғида ухлаш бахти бор
Асри саодатни қаттиқ соғиндим!

Бугуннинг кунида бечора қолиб,
Фахрланиш недир шажара солиб,
Абу Аюб уйин ижара олиб
Асри саодатни қаттиқ соғиндим!

Ташкил этсам ҳамки кўп сайрларни,
Қайтаман тополмай бир хайрларни,
Қайдан топай бугун Зубайрларни,
Асри саодатни қаттиқ соғиндим!

Маслаҳат бобинда дилга ҳамхонам –
Завжидан ҳадислар сўзлар кўзда нам
Онамга ҳам она Ойиша онам
Асри саодатни қаттиқ соғиндим!

Икрима бахтидан қарз олай, дея,
Ўтган умрим учун арз олай, дея,
Ваҳшийдан мардликни дарс олай, дея
Асри саодатни қаттиқ соғиндим!

Яҳудлар қўлида бугун мўминлар,
Юракни фалокат сари таъминлар,
Амр ибн Ос каби аҳли тамкинлар –
Асри саодатни қаттиқ соғиндим!

Илм бўстонида бўлмайин нобуд,
Изғисам бешикдан то манзил тобут,
Қўлимдан ушласа Зайд ибн Собит
Асри саодатни қаттиқ соғиндим!

Жавобини топган саволлар даври,
Жаҳолат тамоман заволлар даври,
Абу Суфён деган рижоллар даври
Асри саодатни қаттиқ соғиндим!

Чарчаган онимда, шеър, қофиядан
Асҳоб ўртасида ҳилофиядан...
Сўровим бор эди Муовиядан
Асри саодатни қаттиқ соғиндим!

Диллари шод гарчи қўллар қадоқда
Завжининг меҳрига юрак дудоқда
Зайнаб бинти Жаҳшлар энди қаёқда...
Асри саодатни қаттиқ соғиндим!

Ул давр тақдири – юрмоқ пиёда,
Ҳатто амирлари устун ҳаёда!
Қўрқмас Баролари мингдан зиёда
Асри саодатни қаттиқ соғиндим!

Алининг ҳикматли сўзларин тинглаб,
Ўзимнинг кимлигим тополсам англаб,
Илм дарвозасин остида хўнграб
Асри саодатни қаттиқ соғиндим!

Қонига бўялган Қуръоним, дея,
Фитналарга қарши қўрғоним, дея,
Малаклар уялган Усмоним, дея
Асри саодатни қаттиқ соғиндим!

Умарнинг нигоҳи кўнглимни ютар,
Адолат боғида қўлимни тутар,
Шайтонлари бошқа кўчадан ўтар
Асри саодатни қаттиқ соғиндим!

Абу Бакр бўлиб сувни тиндирган,
Қалбига ғайбларни кулиб қўндирган,
Иймони тарозни босиб синдирган
Асри саодатни қаттиқ соғиндим!

Буёғига қўлим қалтироқ босар,
Росулуллох сўзин қанақа ёзар?
Бошқа замонларда йўқ ўринбосар
Асри саодатни қаттиқ соғиндим!

... Тун чоғи! Уйқуга қовушган жони
Ёмғирдек ўтмишга томон Ñ‘ғилдим,
Тарих китобининг энг нурли они
Асри саодатни қаттиқ соғиндим!


 www.hamidov.uz
Nom: Re: Sog'inch haqida she'rlar
Yuborildi: Mas'ud 21 Iyul 2009, 22:22:02
Ҳар тонг қуёш уфқдан чиқиб,
Нур улашса олам кулади.
Термуламан унга интиқиб -
Сизни жуда кўргим келади.
Соғинаман...хўрсиниб бесас,
Чарх уради бошда минг савол.
Гоҳ чақириб тушда уйғонсам,
Илинжимни учирар шамол.
Уйқу келмас саҳаргача то,
Хонам зулмат… чироқ Ñ‘қмайман.
Асаблар ҳам бўлгандир адо.
Энди бир зум мижжа қоқмайман.
Пешонамни қўлимга тираб,
Тунда узоқ ўтираман жим.
Қайлардадир унсиз тентираб
Талпинади Сизга юрагим.
Майли менга битта сўз айтманг,
Имо қилманг хатто кўз билан.
Ҳеч бўлмаса бегоналардек,
Дийдорлашгим келар Сиз билан.


(c)....
Nom: Re: Sog'inch haqida she'rlar
Yuborildi: Afruza 24 Avgust 2009, 06:58:38
Firoq haqida

Sen yiroqda,
Yoring yiroqda,
O'rtanadi joning firoqda,
Tugab borar bardosh — saboting,
Uchay desang, yo'qdir qanoting.
Sevar yoring vasliga mushtoq
Kechalaring o'tadi uyg'oq...
Ammo g'amdan boshingni bukma,
Shahlo ko'zdan yoshingni to'kma.
Dilbar, buni firoq dema hech,
Yorim mendan yiroq dema hech.
Chunki oro kirib joningga,
Bag'ring bir kun kelar yoningga.

Seni nohaq
Ranjitdi yoring,
Yo o'zgadan rashk etdi yoring.
Nolishingga quloq solmadi,
Izhoringdan ko'ngli qonmadi.
Ketdi boqmay hatto qayrilib...
Sen buni ham dema ayriliq.
Dil o'rtama, yig'lama aslo.
Sen bu hijron zulmati aro
Pok sevgingni aylagin chiroq, —
Visol bilan almashur firoq.

Sen sevasan,
Sevmaydi yoring,
Yor ko'ngliga yetmaydi zoring.
Sevganingni yoki bilmaydi,
Yo bilsa ham ko'zga ilmaydi.
Ayriliqda yonasan biroq —
Sen buni ham atama firoq.
Chunki sevging bo'lsa agar chin
Hijronlarni qilar chilparchin.
Ishon faqat, hech tolmay ishon,
Ishon bo'lsa chekinar hijron...

Yoring bo'lsa
Yoningda doim,
Yoring bo'lsa — ko'rkam, muloyim,
Har oningni kechirsang birga,
Birga bo'lsang butun umrga,
Hayot qurib ulab jonga jon,
Yashasang-u yillar yonma-yon —
Ammo bo'lsa ko'ngillar yiroq,
Dunyoda yo'q bundan zo'r firoq.
Bu firoqqa sira yo'q davo,
Bu firoqqa yo'liqma aslo!
 
Erkin Vohidov


Nom: Re: Sog'inch haqida she'rlar
Yuborildi: Ansora 24 Avgust 2009, 07:10:39
Gurbet
Dağda dolaşırken yakma kandili,
Fersiz gözlerimi dağlama gurbet!
Ne söylemez, akan suların dili,
Sessizlik içinde çağlama gurbet!
Titrek parmağınla tutup tığını.
Alnıma işleme kırışığını
Duvarda, emerek mum ışığını,
Bir veremli rengi bağlama gurbet
Gül büyütenlere mahsus hevesle,
Renk dertlerimi gözümde besle!
Yalnız, annem gibi, o ılık sesle,
İçimde dövünüp ağlama gurbet!..

 NECİP FAZIL KISAKÜREK
Nom: Re: Sog'inch haqida she'rlar
Yuborildi: Ansora 24 Avgust 2009, 07:11:49
Anneme mektup
Ben bu gurbete ile düştüm düşeli,
Her gün biraz daha süzülmekteyim.
Her gece, içinde mermer döşeli,
Bir soğuk yatakta büzülmekteyim.
Böylece bir lâhza kaldığım zaman,
Geceyi koynuma aldığım zaman,
Gözlerim kapanıp daldığım zaman,
Yeniden yollara düzülmekteyim.
Son günüm yaklaştı görünesiye,
Kalmadı bir adım yol ileriye;
Yüzünü görmeden ölürsem diye,
Üzülmekteyim ben, üzülmekteyim.

 NECİP FAZIL KISAKÜREK
Nom: Re: Sog'inch haqida she'rlar
Yuborildi: siddiqa 06 Sentyabr 2009, 14:07:08

Sog'indim


QO'LIM  OCHGUM   DUOGA,
KO'NGLIM   OCHDIM  XUDOGA.
SABRIM  YO'QDIR  JUDOGA,
MUHAMMADIM  SOG'INDIM.
            X      X      X
UMMATIM  DEB  JON  BERGAN,
HAQ YO'LIDA  QON  BERGAN.
FARISHTALAR  TAN  BERGAN
MUHAMMADIM  SOG'INDIM.
            X      X     X
TERMULADI  KO'ZIM  FALAK,
NELAR  BITMISH  BIZGA  MALAK.
DUNYO  ISTAB  AXLIM  XALAK,
MUHAMMADIM  SOG'INDIM.
          X      X       X
ETOLSAYDIM  O'ZIM  FIDO,
O'Z  TANIMDAN  BO'LIB  JUDO.
DINSIZLARDAN  TO'YDIM  MANO,
MUHAMMADIM  SOG'INDIM.
        X       X        X
YARATGANDAN  TILAB  PANOH,
BUTUN  TANIM DEYDI  ALLOH
LA     ILAHA    ILLALLAH
MUHAMMADIN RASUL  ALLOH.
 SOLLALLOHU ALAYHI VASSALLAM

QURBONIY

Nom: Re: Sog'inch haqida she'rlar
Yuborildi: Mas'ud 14 Sentyabr 2009, 02:22:07
Qalbga sig’may olam dardlari,
Ba’zan chuqur o’yga tolaman
Juda xomush bo’lgan paytlarim,
Bolalagim eslab qolaman…

Eslayman-u, ichimda bir joy,
Jiz etadi.
O’rtanadi jon…
“Oymoma” deb atalgan ey, oy -
Qayerdasan, qayda, bolajon?

Zumga bo’lsa ham o’sha damga,
Bo’lar edim jon-jon deb qaytgan…
Ba’zan ketsam edi quvilib,
Quvlamachoq o’ynagan paytga…

Arg’imchoqqa o’tirib olsam,
G’ubor qolmas ruhda, ham tanda
“Katta bo’lsam…” degan xayolni,
Qilmay qo’yar edim o’shanda…

Bekinmachoq istagan ko’ngil,
Shamol kabi yeladi goho…
O’tib ketgan yillar ortiga
Yashiringim keladi goho…

Bolaligim, oh, bolaligim,
Shaloladan sho’x bolalagim
Qaytib kelmas beg’ubor davrim -
Gunohlari yo’q bolaligim…

Ketib qolding… juda ham erta,
Endi seni qaydan topaman?
Sening bilan qilgan orzuni,
Bugun g’amlar bilan yopaman…

Kattalikni qilmagin tilak;
Oxiri yo’q o’ylagan ishing…
Biri tugab-tugamay yana,
Boshlanadi boshqa tashvishing…

Qalbga sig’mas bo’lsa dardlarim,
Bolaligim eslab qolaman…


(с) London...
Nom: Re: Sog'inch haqida she'rlar
Yuborildi: Mas'ud 19 Sentyabr 2009, 01:49:20
Assalom, mehribon, mehridaryo dil,
Ovozlari mayin, beg’ubor ko’ngil,
Sog’inchdan ko’ngilga sig’mayapti qil,
Tushungizga kirgim keldi, onajon…

Yoningizdan jilmay, quvonchga to’lib
Dunyolarga sig’may, qiyqirib, kulib,
Biz zumga bo’lsa-da, yosh bola bo’lib
Orqangizdan yurgim keldi, onajon…

Aytar gaplarim ham ko’pdan ziyoda,
Yig’lolmasdan yoshlar ichimda shoda…
Qo’ng’iroq qilibmas, faqat ro’yoda
Holingizni so’rgim keldi, onajon

Ichim jimirlaydi, havotir tinmas,
Bemehr o’glingiz qadringiz bilmas,
Har kun tavof aylab, rasmingiznimas,
O’zingizni ko’rgim keldi, onajon…

…Tunlar uxlolmasdan halak bu jonim,
Mehringizni qo’msab bir zumga tindi…
Qo’llari duoda - jon Onajonim,
Shu kecha Men Sizni juda sog’indim…

(c) London... 31.08.2009
Nom: Re: Sog'inch haqida she'rlar
Yuborildi: Mas'ud 28 Sentyabr 2009, 01:26:18
Кутяпман...
Фақатки, вақÑ‚ кутмас экан,
Йиллар армонимга қўшади армон.
Ҳаёт махзунлигин олмаса-да тан,
Кўникиб бормоқда бу хисларга жон...

Кутяпман кимнидир, интиққанча, жим...
Узоққа термулиб, тун ўтар бедор.
Ҳеч ким тушунмаган дилдаги дардим,
Айтолмай юрагим йиғлаяпти зор...

Кутяпман, шу хаёл ҳеч этмайди тарк,
эрталаб ишга бор, кечқурун уйга...
Умрим ҳам куздаги мисли ҳазон барг,
Ўрганиб бормоқда тушкун туйғуга.

Кутяпман... Кутганман... кутаман яна,
Кўникиб ҳам қолдим кун ўтган сайин...
Соғиниб, энтикиб қалбим ўртана
Шу зайл дунёдан ўтмоғим тайин...

(c)
Nom: Re: Sog'inch haqida she'rlar
Yuborildi: Jalol Ahmad 28 Sentyabr 2009, 04:55:47
Nigohimga botdi qutsiz uy,
Birdan qisa boshladi ko'krak
Nega chalinmaydi hazin kuy
Nega yig'lamaydi og'rigan yurak?!

Dil g'amgamas, g'ashga to'ldiku
Esar kuzgi sarin shaboda
Qiynalaman, yozgim keldiku
Ammo, hislar sovuqsiz nega?

Chorasizman, taskin ham yo'q bir,
Tuyg'ulardek o'ylar ham sovuq
Yig'lamoqchi bo'lganda ohir,
Ko'zlarim ham uydek qup-quruq...

Jon-jonimga botdiku bo'shliq....
Nom: Re: Sog'inch haqida she'rlar
Yuborildi: Mas'ud 04 Oktyabr 2009, 17:13:06

Kimdir qayerdadir,
Nigohingga zor,
So’zlashish ilinjda,
Izlar bahona.
Kimdir qayerdadir,
Bo’lib intizor,
O’zni qo’ygani ham,
Topmaydi xona.

Kimdir qayerdadir,
G’amlaring olib,
Bir olam quvonchni
Bermoq istaydi.
Niyatlaring qanday,
Orzular qanday
Barini erinmay,
So’rmoq istaydi.

Kimdir qayerdadir,
Isming qalamda,
Yozib qo’ymoqdadir
yurak she’riga.
Va uning o’zi ham
Balki shu damda,
Aylanib bormoqda,
Qalbing siriga.

Kimdir qayerdadir,
Seni topgandan,
Taqdirga beadad
Aytmoqda shukr.
Dilida ming umid
Milyonta havas:
Borliging uchun-da,
ming bor tashakkur…


© Oktyabr…2009
Nom: Re: Sog'inch haqida she'rlar
Yuborildi: Mas'ud 01 Noyabr 2009, 16:03:08
Ошиқлик кўнгилда, зоҳирда тилсим -
Қандайин сирларга қалбинг ўралган?
Гунча лаб сўз жуфтлаб очилади ним,
Менимча, дилинг ҳам гулдан яралган...

Шабнам томчисига интиқиб саҳар,
Кутмоқлик ишқида яшайди ғунча.
Умид-чи гулзорда тинмайин кезар,
Бахти топилгунча - гул очилгунча.

Ҳар битта гул барги - орзунгми сенинг?
Ҳар битта тиконинг - ишванг, нозингми?
Муаттар исларинг пиёласиз май -
Ё боғда таратган шўх овозингми?

Бунча чиройлисан – нафис капалак,
Бир зумда инсоннинг ақлин оласан...
Фақат битта тилак - фақат бир истак:
Музга талпинмагин - музлаб қоласан!


(c)
Nom: Re: Sog'inch haqida she'rlar
Yuborildi: Mas'ud 27 Noyabr 2009, 03:45:06
Oy - ko'zim oldida sarg'aygan yaproq,
Kuzak - hayolimda mitti tugunchak.
Jismim - oyog'ingda toptalgan tuproq,
She'rim - anduhlardan yaralgan g'uncha.

Tunlar qulog'imda qolib ketgan sas,
Tonglar vujudimda esgan bir nasim.
Jonim, boshqasini topmadim, hullas,
Sening ko'zlaringga kelar havasim.
Nom: Re: Sog'inch haqida she'rlar
Yuborildi: Mas'ud 16 Dekabr 2009, 14:08:03
Siz uxlaysiz…
Qaydadir bir dil,
Tuni bo’yi
Sizni o’ylaydi.
Xayolida balki
U ko’ngil
Sirlarini
Sizga so’ylaydi…

Siz uxlaysiz,
Tinch ham osuda,
Tushingizda
xatto jilmayib.
Havasimni
keltirar juda…
Uyg’otmoqlik–
go’yo bir ayb…

Siz uxlaysiz,
Ma’sum, beg’ubor,
Osmonlarni,
Kezib ro’yoda
Ayni damda,
Qaydadir bedor,
Kimdir o’ylar
Sizni dunyoda…

Siz uxlaysiz…
Sezayapsizmi?
Oy ham so’nib,
Quyosh qaytmoqda…
O’sha kimdir,
Sizni topgan-chun,
Yaratganga
shukr aytmoqda…

Siz uxlaysiz…
kimdir uyqusiz…
Sizga alla aytar ichida…


(c)
___
Nom: Re: Sog'inch haqida she'rlar
Yuborildi: Mas'ud 30 Dekabr 2009, 05:57:21
Sokinlik dilimga o’rnashib olgan…
Jim xayol suraman tunda uyg’onib.
Yostiqqa botgan bosh o’ylashdan tolgan,
Mehr sharobidan ichmadim qonib.

Borgani ko’nglimdan o’zga makon yo’q,
O’zimga so’ylayman dardlarimni jim.
Tanamdan chiqishga sira imkon yo’q
Qushday chirqillaydi mahbus yurgaim.

Ko’zga ilingandek bo’ladi uyqu,
Seskanib kelaman yana xushimga.
Bir zum kipriklarim birlashsa tuyqus,
Kimsasiz sahrolar kirar tushimga.

Cho’chib uyg’onaman… Bedorlik yana
Boshlaydi ming xil o’y so’qmoqlariga.
Bariga qo’l siltab, dildan o’rtana
So’ng tushib ketaman g’aflat qa’riga.

Tong yaqin,
Bong yaqin,
Oppoq on yaqin,
Jimlik dunyosini men tark etaman
O’rgmchak misoli o’rangan to’rdan,
Istaru istamay chiqib ketaman…

Garchand tilim biyron,
Hayotim shovqin,
Sokinlik dilimga o’rnashib olgan…


(c)
Nom: Re: Sog'inch haqida she'rlar
Yuborildi: Mas'ud 11 Yanvar 2010, 04:04:19

Seni o’ylab tugaydi tunim,
Kunim siymong ila o’tadi.
Bilmam qachon bo’ladi tinim,
Yana qancha tonglar otadi.
Oshiqadi seni ko’rmoqqa,
Bedorlikdan qizargan ko’zlar.
Ahvolingni dildan so’rmoqqa,
Qalbim yana bahona izlar…
Intiqdirman, ham holim g’arib,
Dardlarimni satrga soldim…
She’rlarimdan seni axtarib,
Xayolimdan so’ng topib oldim.
Jim turibmiz…
Ancha kutgandim,
Jimligingni tinglamoqlikni
Shu ongacha ichga yutgandim,
O’ylarimni o’nglamoqlikni…
Mayli…
shunday turaver so’zsiz,
Mayli kalom dema iymanib
Umidimdan ayirib qo’yma,
Xayolimdan ketmay uyg’onib…

Bu suhbatni qanchalar kutdim…


(c)
Nom: Re: Sog'inch haqida she'rlar
Yuborildi: Mas'ud 26 Fevral 2010, 23:36:10
Begim, Sizni tabiat
raso qilib yaratgan...

Halima Xudoyberdiyeva

Gulim, Sizni Yaratgan
zebo qilib yaratgan,
Ham odobga andoza –
a’lo qilib yaratgan.
Duolarni ijobat,
niyatni ro’yob aylab,
Mazmunga zor hayotga
ma’no qilib yaratgan.

Yulduzlar –sirdoshingiz,
oy-chi, kichik singlingiz,
Qalbim uchun mehrga
kon bo’lib ulgurdingiz.
Tong kabi oq, musaffo,
shabnammisol ko’nglingiz,
Men uchun bir o‘zgacha
dunyo qilib yaratgan…

Xijronlarni zabt etib,
visolni boshlasin, deb,
Faqat xursandchilikdan
kiprikni yoshlasin, deb
Bir butunning qadrini
xis etib yashasin, deb,
Shu paytgacha ikkimiz
atay bo’lib yaratgan.

Men tomon qo’ysangiz poy,
Siz tomonga yugurgan,
Charchasayam umid-la,
Sizni eslab kun ko’rgan
Chap tarafda intiqib,
zo’rg’a duk urib turgan
Yuragim ust qovurg’a
qismin yulib yaratgan.

She’rlarimda ilhomim,
qo’shig’imda torimsiz,
Yo’llarimga ko’z tikkan,
yolg’iz intizorimsiz,
Ajralmasim – qadrdon,
umrim bo’yi borimsiz
Taqdirimga ming shukr –
baxtim bilib yaratgan…


(c)
Nom: Re: Sog'inch haqida she'rlar
Yuborildi: Mas'ud 12 Mart 2010, 08:41:46
Urushi olamga taralgan yurak,
Shaklini yo’qotib, buralgan yurak,
Bedor kechalardan nur olgan yurak
Qatra mehrlardan yaralgan yurak,
Seni ko’rsaydi…

Har kuni yod etib, qalbing shod etib,
O’zi-chi, dod etib, ham faryod etib,
Labga kulgu, lekin dil barbod etib
So’ngsiz xijronlardan ezilgan yurak…
Zumga tinsaydi…

Ko’ngil iliqlikka moyil bir damda,
Orzular tugamas ekan odamda.
Hikmatni qidirib har bir qadamda
Olam havaslarga burkangan yurak.
Yo’lin topsaydi…

Chap tomonim senga ko’proq intizor,
Rasmingga termulish qilmayapti kor.
Har tongda duodan bo’lib umidvor.
Mitti umidlarga o’rangan yurak
Ilinj istaydi…

Choklari sitilgan… Ko’rkam zohiri,
Mengayam ayonmas ko’ksimning siri…
Ko’z tikib, intiqib, yig’lab oxiri,
O’zi ham sog’inchga aylangan yurak…
Visol qo’msaydi…

Ko’nglim nimtalangan – shundan kulmayman,
Yo gullab ketmayman va yo so’lmayman…
So’nggi oylar ichra,
nega bimayman –
Yarmini behosdan yo’qotgan yurak,
Yarmin tusaydi…

Sen bularni bilarmikinsan?


(c)
Nom: Re: Sog'inch haqida she'rlar
Yuborildi: Mas'ud 13 Mart 2010, 00:49:00
Bilmam, nima,
Sen tomonga
xayolimni buradi,
“topib ber -, deb –
quvonchimni”,
Ahvolingni so’radi.

Bilmam, nima,
Xislarimni
uyg’otishni boshladi,
Kunim nursiz,
Tunlarimni bedor qilib
Tashladi.

O’sha narsa
Bir zumgina
Nigohingni tutsaydi,
O’yim bilan
O’zimniyam
birga olib ketsaydi…

Bilmam, nima,
g’ijimlaydi
Chap tarafim tinmasdan.
Qaysar juda,
Tinch qo’ymaydi,
zorimgayam
Ko’nmasdan…

Bilmam, nima,
Orzu, havas,
niyatlarni to’ldirar,
Yuzimga dam g’am soladi,
Dam beg’ubor kuldirar.

Bilmam, nima,
bir umrga
Mehrlaring qistaydi,
Shu davrda seni faqat,
Xursand ko’rmoq istaydi,

Bilmam, nima,
Undamoqda
she’r yozishga qalbimni.
Nima qilay,
Kerak so’zni
Topolmasam - aybimmi?

Bilmam, nima,
Xijronga yov –
Visolga-chi, mushtarak.
Zir yugurar,
Lek joyidan,
Siljimaydi bu yurak…

Bilmam, nima,
Yolvormoqda,
Poylarimga cho’kib zor,
So’ng jimgina,
Sen tarafga,
Ko’z tikadi,
Intizor…

Bilmam, nima –
Sog’inchmikin?


(c)
Nom: Re: Sog'inch haqida she'rlar
Yuborildi: Mas'ud 14 Mart 2010, 13:07:10
Iltimos,
Otirmay xayol pinjida,
Mehmon bo’lib ketgin, mayliga, zumga.
Boshim – osmon,
 qilsang qadam ranjida
Ko’ksimda asragan shinam joyimga

Iltimos,
Ko’z tashla, nigohim tolgan,
Quvonch ham, yupanch ham yolg’iz firoqdir.
Intiqish tanamni zabt etib olgan -
Qalbimning hududi senga mushtoqdir…

Iltimos,
rozi bo’l, mensiz kechirgan,
Xijron azobining ozu ko’piga.
Kel birga boraylik qolish-chun abad,
Senga ko’rsatmagan dilim tubiga

Iltimos…
ichingda bog’lanib qolgan
Turli tugunlarni yechib kel, gulim.
Qo’l siltab bariga,
Bor-buding tashlab,
Mening yuragimga ko’chib kel, gulim…

Iltimos…


(c)
Nom: Re: Sog'inch haqida she'rlar
Yuborildi: JaviK 18 Mart 2010, 15:17:35
Hayat o'zu dushunilmaz
Alislere alib getejek
Jandan da artiq go'rajagingden
Ayriliqa mejbur etejek!
Nom: Re: Sog'inch haqida she'rlar
Yuborildi: Mas'ud 27 Mart 2010, 03:33:12
Бул кеча бўзлаб неча, соғиниб Ñ‘Ñ€ изладим,
Топмайин кўз гавҳаримни, оҳ чекиб, зор изладим.

Хаста дил, пайваста дил бунча ҳам дийдорталаб,
Оразин кўрмоқ илинжда, қанча гулзор изладим

Қон ютиб, жондин ўтиб, юз тутиб ағёрима,
Бу фано дунёда кечмас дўсту вафодор изладим.

Бесадо, айтмай видо кетмагайман бенаво,
Изтиробим басталовчи най ила тор изладим.

Тонг қадар, азон қадар кўрмайин гул юзлигим,
Таркидунё этгали тор, кимсасиз ғор изладим.

Танг ҳолим, зангранг ҳолим англагувчи оз экан,
Мен каби қалбида дарз, умри афгор изладим.

Хўб безиб, дунё кезиб, боргали тақдир томон,
Йўлга ҳамроҳ, қўлга хасса, белга зуннор изладим

Уриб фарёд, бўлган барбод кўнглим ҳеч масъуд эмас,
Не ажаб, йўқ меҳрибоним, гарчи минг бор изладим.


(с)
Nom: Re: Sog'inch haqida she'rlar
Yuborildi: AL_laziz87 24 Avgust 2010, 00:08:44
Titroq lablarimda nomingni aytib,
Dunyoni unitib Sizga talpindim.
Xar kun ko'rmasamda ko'zlarim yonib,
Yurak yuragimdan Sizni sog'indim.
Nom: Re: Sog'inch haqida she'rlar
Yuborildi: AL_laziz87 24 Avgust 2010, 00:17:33
Sizni sog'inib boshlanar kunim,
Sog'inib o'tadi butun kundizim.
Sizni sog'inib bedordir tunim
Balkiy Sizni sog'inib tugaydi umrim!
Nom: Re: Sog'inch haqida she'rlar
Yuborildi: AL_laziz87 09 Sentyabr 2010, 22:07:44
sog'inch xam Olloxning bergan ne'mati,
Kimga bor kimga yo'q uning qiymati
Sog'inchning qadriga sog'ingar yetar
Sog'inmay qo'yganni xayot tark etar
Nom: Re: Sog'inch haqida she'rlar
Yuborildi: UzMuslim 11 Sentyabr 2010, 20:28:09
KELINLAR QO'ZG'ALONI BOSHLANDIKU
SHUM BOLADAN KO'ZLARIMIZ YOSHLANDIKU
ABDULLAJON KOINOTDAN KELAR EMISH
PAXTALARNI TEMIR XOTIN TERAR EMISH

CHINOR OSTIDAGI DUEL ERTA INDIN
HAYRONU LOL QILDIKU VODIYLIK KELIN
SUYUNCHIDA ANZIRATDEK BUVIMIZ BOR
TO'YLAR MUBORAK KELINGGA YORU YOR

MAFTUNINGMAN QIZLARGA GAP OTISHIM
VIJDON ASOBI O'ZLIGIM SOTISHIM
QIYOMAT QARZ QOLDIRMOQLIK IZ BIROR
BIZNING OLIS KINOLARDA MANOLAR BOR

MAHALLADA DUV DUV GAP BO'LAR EKAN
XOZIRGI O'ZBEK KINOSIN KIM KO'RAR EKAN
KINO SAROYIGA BORSAM XO'B OZAMAN
ILGARINING KINOSIN MAQTAB YOZAMAN
ILHOM FAYZULLAYEV
Nom: Re: Sog'inch haqida she'rlar
Yuborildi: ibrohim 19 Sentyabr 2010, 23:14:49
    O'zing...

Olamda o'zgarish bor
Lekin qalbimda bir hol
Yurakda bir fasl-qish
Har bir ishda malol
Azali yo'q hamda oxiri ko'rinmas yo'l
Lim zulmu zavol.
Istak sari hayotimning tarkibidagi dardu g'am bilan
Arang qo'zg'alaman manzillaringga
Yarim qalb o'ksigan ko'ngil bilan
Intilaman visolingga...

Ko'zlarimning teranligida o'zga sayyora
Unutdim qay zamon, qaysi vaqt
Harakatim soddayu rasvo bo'lish davogarligida
Bilamanki, na bir taxt, na bir baxt bor
Maning uchun o'zingsiz
Yozdim man, kuydim ham , yuz parchaga bo'lindim
Butun umr izlaganim uchun ham
Nimani ko'rsam ham, uni o'zing deb bildim...



Har vaqti sahar uchrashgani tayyor turaman
Beor, bedor va beozor.
So'zlagin, aniq muntazirman
Man o'zim deb emas, o'zingni deb yashayman.
Har vaqti sahar ko'zdan oqqan tomchilarimni sanab
Kaftimga tambalarimni chorlab
Oqaman suv kabi bexol
Bir qarab kuydiradigan zar nazrlaringni tilab

Hayollarimdan o'tadi ming xil
Sodir bo'lishi mumkin bo'lgan hodisa
Qalam yozar kundizi oqshomimdagi nolalarimni
Maning misoli qalandar
Hayotim dunyoning orzu havaslaridan
Holi bo'lgan bir g'amgin asar
Negadir eshitilmaysan
Bemor holimni so'ragani keldi hamma
Faqat o'zing kelmading holimni so'rab, nega...?



Vaqt o'tar-ketar,
Ko'zlarim bedorligi bo'yi tonglarim otar,
So'zimda bugun-da faqat g'amginlik
Bo'sina bori bordir negizi cheksiz mamnunlik
Talpinaman yorim ko'pdan ko'pi gapdan jami son-sanog'i yo'q to'siqlarni
Topaman deb surdim qo'llarim bilan bulutlarni
Topdim faqat yulduzlarni undan ortig'i emas

Mayli gardanimga ilinsin olamlar og'irligi
Man axir roziman jamoling bo'sin,
E bas,esim past emas
Faqat yolg'izlikdan ba'zan tomim ketar
Nari borsa holim batar

Iltimos qilaman,
Qo'lim tinmay yozgan xatlarimga
To'xtamay chorlaganimga
Or qilmay so'ragan so'rog'imga
Rasvoligimdan o'tib nazar sol...
Nazar sol...


Shohruh Repper qo'shig'idan
Nom: Re: Sog'inch haqida she'rlar
Yuborildi: ibrohim 24 Sentyabr 2010, 17:48:34
Sensiz endi zulmatlarda sarson o'zim,
Seni izlab qon ham to'kdi dardli ko'zim.
Bemor qaldim tig'layverar mening bo'g'zim,
Sendan o'zga davo yo'qdir yuragimga...  (c)
Nom: Re: Sog'inch haqida she'rlar
Yuborildi: _IYMONA_ 24 Sentyabr 2010, 21:45:41
Menga Alloh mehridan so'zla, qalbimni tark etmasin shafqat. Menga Allohdan mehridan so'zla, qanotini yoysin MUHABBAT... .
Nom: Re: Sog'inch haqida she'rlar
Yuborildi: Robiya 25 Sentyabr 2010, 16:03:22
 :as:

Сизни билиш менга кутилмаган бахт,
Сиз билан учрашиш - буюк тасодиф.
Шу кундан қалбимда қилиб қўйдим аҳд,
Ўшал тасодифни кутавераман.

Майли, фаслларга боқмайман асло,
Йилларни қадамлаб ўтавераман.
Бир мақсад доимо дилимга ошно:
Қанча керак бўлса, кутавераман.

Кўз тикиб, интиқиб, йўлингиз пойлаб,
Дардларимни ичга ютавераман.
Ҳар бир учрашувни ҳафталаб, ойлаб,
Орзиқиб, энтикиб, кутавераман.

Ҳижрон азоблари қийнайди дилни,
Соғинч уммонига ботавераман.
Мен учун яралган беғубор гулни,
Бир умр кутаман, кутавераман.

Мингта бўлмайди-ку тасодиф, жоним,
Сиз ҳам ягонасиз, мен ҳам биттаман.
Ҳаётим мазмуни, жумла-жаҳоним,
Исмингиз тилимда тутавераман,
Ёниб, васлингизни кутавераман.

Manba (http://e-adabiyot.uz/kitoblar/nazm/191-oylarim.html?start=6)
Nom: Re: Sog'inch haqida she'rlar
Yuborildi: Shukrona 04 Oktyabr 2010, 08:44:32
Sogindim ammo aytmog'im mushkul,
Shunchalar sog'indim ko'zlaringizni.
Qo'ying maktub yozmang,bermas tasalli,
Eshitishni istayman so'zlaringizni.
Nom: Re: Sog'inch haqida she'rlar
Yuborildi: yoqutxon 12 Oktyabr 2010, 16:20:14
Ҳар тонг қуёш уфқдан чиқиб,
Нур улашса олам кулади.
Термуламан унга интиқиб -
Сизни жуда кўргим келади.
Соғинаман...хўрсиниб бесас, 
Чарх уради бошда минг савол.
Гоҳ чақириб тушда уйғонсам,
Илинжимни учирар шамол.
Уйқу келмас саҳаргача то,
Хонам зулмат… чироқ Ñ‘қмайман.
Асаблар ҳам бўлгандир адо.
Энди бир зум мижжа қоқмайман.
Пешонамни қўлимга тираб,
Тунда узоқ ўтираман жим.
Қайлардадир унсиз тентираб
Талпинади Сизга юрагим.
Майли менга битта сўз айтманг,
Имо қилманг хатто кўз билан.
Ҳеч бўлмаса бегоналардек,
Дийдорлашгим келар Сиз билан.
Nom: Re: Sog'inch haqida she'rlar
Yuborildi: Robiya 12 Oktyabr 2010, 17:48:22
MashaAllah, Yoqutxon, juda ajoyib she'r ekan. Rahmat Sizga..
Nom: Re: Sog'inch haqida she'rlar
Yuborildi: Mas'ud 15 Oktyabr 2010, 11:27:16
Кeраксан,
бирга жим хаёллар сургани,
Кeраксан, бахт нима эканин кўргани,
Кeраксан
тақдирим қургани,
Яшашнинг маъносин сўргани,
Умрбод ҳаётнинг йўлида юргани
Кeраксан.

Йўқ,
Ðœeнга кeракмас бошқалар,
Сeнингдeк мeн билан
дўст эмас бошқалар
Хижронлар юракка ўт қалар,
Қўзғалар муштдeк жон ўрнидан
Йўрғалар,
Талпинар сeн томон –
Кeраксан.

Бeдорман - уйқуям кeракмас,
Ҳeч нима, ҳeч қачон
Сeн каби дилимни
Тўлатмас
Сўзингдeк дардимни
Қулатмас.
Қайғуни ёнига йўлатмас.
Иқболим шамини Ñ‘Ñ€қинроқ Ñ‘ққани
Кeраксан.

Кераксан,
Интиқ дил ўзгани кўрмайди,
Ҳолингни мен каби
сабрсиз сўрмайди,
Соядек ортингдан эргашиб,
Орзу-ÑŽ ҳавасга тенглашиб,
Бекорга изингдан юрмайди.
Кераксан.

Ўзгалар не деса десинлар,
Барибир,
Пичинглар, ғийбатлар
кўзимдан наридир.
Менда бор ягона хавотир:
Кераксиз бўлишдан,
Қаровсиз сўлишдан,
Яратган умрбод асрасин.
Кераксан.

Кераксан
Айни дам,
Йўқ бошқа каломим тилимда,
Ҳамроҳ бўл
куну тун
сўнсиздек йўлимда,
Гарчи мен билмасман,
Не бўлар,
Не кутар ўнгиму сўлимда,
Кераксан.

Кераксан,
Кўзимга тор бўлиб
Кетганда дунёлар,
Кераксан
Сувталаб бўлганда дарёлар,
Қирғоқлар бирлашиб,
Юлдузлар сирлашиб,
Қуёшга қалб муҳтож бўлганда,
Кераксан.

Турибман чорасиз йироқда,
Кўнглим ҳам қийналар,
Унгаям осонмас фироқда.
Қай замон ёнинга кeтгумдир?
  - Сабр йўқ
Ғамларим кўмгани қабр йўқ.
Ҳолимни тасвирлаб бeргани
 Ñ‚аъбир йўқ -
тилим ҳам сўроқда.
Турибман чорасиз йироқда,
Шу дамда жудаям
Кeраксан.

Кeраксан  ҳамнафас бўлгани,
Ғурбатда шeрик ҳам,
шодликда кулгани,
Ярмини қидирган
ярмимга тўлгани,
Гулласам очилиб,
Юлдуздeк сочилиб,
Ва хатто,
Бу фано дунёдан
Гар сўлсам, сўлгани,
Кeраксан.

Табассум ярашар
Истара кони бор юзингга,
Муштоқман
Саҳарги сабодeк
Янграган сўзингга,
Қанийди, Ñ‚eрмулиб ўтирсам
Ўзимнинг аксим бор,
Кўзингга.
Кераксан.

Кераксиз ўлишдан асрасин,
Юраксиз бўлишдан асрасин,
Нур истаб чанқаса
қон кўнгил,
Туганмас зиёни берувчи
Фалаксиз бўлишдан асрасин,
Кeраксан…

2010

(c)
Nom: Re: Sog'inch haqida she'rlar
Yuborildi: yoqutxon 16 Oktyabr 2010, 19:06:16
Gar sog'insam seni na qilay?


Yurak kuysa qandayin kulay?
Dardim qanday oromga ulay?
Sadoqatga mayli qul bo'lay.
Gar sog'insam seni na qilay?

Qay gullardan visoling so'ray?
Qayerlarga yuzumni buray?
Qay qushlarla men suhbat quray?
Gar sog'insam seni na qilay?

Sabrim tog'i nuray boshlasa,
Ul tufayli ko'zim yoshlansa,
Gumon jonga qarmoq tashlasa,
Gar sog'insam seni  na qilay?

Gul bermasga armon bo'lmoqqa.
Qarorim yo'q bundayin qolmoqqa
Aslo toqat qilmam tolmoqqa
Gar sog'insam seni na qilay?

Yurak kuysa qandayin kulay?
Dardim qanday oromga ulay?
Sadoqatga mayli qul bo'lay.
Gar sog'insam seni na qilay?

Nom: Re: Sog'inch haqida she'rlar
Yuborildi: Hassan 07 Noyabr 2010, 23:29:16
                     
                        (http://static0.gooddays.ru/photos/0002/7141/gornolyizhnyiy_kurort_v_shvetsii_preview.jpeg?1241084681)

Муҳаммадсолиҳ  ÐÐ±ÑƒÑ‚ов

Швеция

Швеция  ÐœÑƒÐ·Ð»Ð°Ñ€ диёри,
Атрофини ўрар денгизлар.
Фарқи йўқдир қишу баҳори,
Ҳамма Ñ‘ғи ўрмону кўллар.

Тупроғлари  Ñ‚ошдан  ÑÑ€Ð°Ð»Ð³Ð°Ð½,
Тош устида ўсар Арчалар.
Қишларида кўринмас қуёш,
Ёзда тун йўқ, ёруғ кечалар.

Тоза ҳаво, мусаффо  Ð¾ÑÐ¼Ð¾Ð½,
Совуқ   ўлка, ажиб  Ñ‚абиат.
Ватан бўлди бизга бу макон,
Билмадим,  Ð±Ñƒ бахтми, мусибат?!

Мен саҳронинг  Ñ„арзанди эдим,
Етишмайди менга нур, қуёш.
Кошки ажал келмасдан олдин,
Кетсам,  Ð¾Ð»Ð¸Ð± бу ерлардан бош.


Nom: Re: Sog'inch haqida she'rlar
Yuborildi: UzMuslim 05 Dekabr 2010, 00:41:20
Ertaga men yashay olmayman,
Senga shunday sog'inch bo'laman-ki,
Yuraging qaqshab qaqshab og'riydi.
Ertaga men yashay olmayman,
Senga shunday qadr bo'laman-ki,
Qadr istab qalbing kuyadi.
Ertaga men yashay olmayman,
Senga shunday armon bo'laman-ki,
So'qir ko'zlaring ochilib ketadi.
Ammo men bo'lmayman...
O'shanda sen muhabbatning
Naqadar buyuk ekanligini
Anglab yetasan... men esa
Sening yuragingda bir umrga
SOG'INCH, QADR, ARMON
Bo'lib qolaveraman...
Nom: Re: Sog'inch haqida she'rlar
Yuborildi: Mas'ud 27 Dekabr 2010, 00:50:33
Toshqin suvga o’xshaydi hayot –
Tez oqadi, fursat yeladi.
Oxirlaydi ichimda sabot,
Sizni juda ko’rgim keladi.

Varaqlayman umrim varog’in,
Qanday yoqay umid chirog’in?
Javobi yo’q qalbim so’rog’in –
Sizni juda ko’rgim keladi.

Masofada bilinar qadr,
Diydor – qiyos topmas tuhfadir.
Boshqalarni emas, negadir.
Sizni juda ko’rgim keladi.

Zulmatlardan bo’lganda bezor,
Subhidamni kutib intizor,
Kechalarim o’tganda bedor,
Sizni juda ko’rgim keladi.

Yolg’izlikdan huvillar xonam,
Qachon yetar falakka nolam.
Rozidirman, aytmangiz kalom –
Sizni juda ko’rgim keladi.

Sog’inchlarim shashqator daryo,
Sassizlikka singigan faryod,
Sig’mas bo’lsa ko’nglimga dunyo
Sizni juda ko’rgim keladi.

Sanang meni, mayli begona,
Atang “darvesh”, nomlang “devona”,
Ko’zlarimda siymo yagona –
Sizni juda ko’rgim keladi.

Holingizni so’rgim keladi,
Sizni juda ko’rgim keladi...

(c)
Nom: Re: Sog'inch haqida she'rlar
Yuborildi: Mas'ud 01 Yanvar 2011, 19:57:55
Dunyo g’alat, jumbog’i bisyor,
Mayligami, bir savol so’rsam?
Berasizmi menga ixtiyor
Qalbingizga sir bo’lib kirsam?

Umr bo’yi bo’lay bahori,
Ham hamrohi, chin do’stu yori,
Qarshimasmi ko’nglingiz tori,
Qalbingizga sir bo’lib kirsam?

Na rad va na bahona toping,
Yolg’on ersa, zabonim choping.
Chiqarmangiz,
Eshigin yoping,
Qalbingizga sir bo’lib kirsam.

Vujudimda uyg’ongan havas
Aylanmasin armonga abas.
Boshqa narsa istamayman, bas
Qalbingizga sir bo’lib kirsam.

Quvonchlarim bilmas nihoya,
Duolarim ketmaydi zoe,
Bir so’z aytmang;
 menga kifoya,
Qalbingizga sir bo’lib kirsam...

(c)
Nom: Re: Sog'inch haqida she'rlar
Yuborildi: Mas'ud 04 Yanvar 2011, 22:14:40
Yurtim,
Kengliklaring qo’msadi ko’nglim,
Jonim qolib ketgan kun chiqqan yoqda.
Qaniydi, shu damda to’yib kezsaydim,
Cheksiz dalalaring yalang oyoqda.

Sog’inchim dilimda o’sib-ulg’aygan,
Diydoring ko’rishga ko’zlarim giryon,
Jizzax olmasidek yuzim sarg’aygan,
Quva anoridek qalbim to’la qon.

Bu yerda yomg’irlar senikidekmas,
Quyosh ham yil bo’yi turmas charaqlab.
Tollarning sochlari suvlarga tegmas,
Sabo uyg’otgani kelmas so’roqlab.

Bu joyning bog’lari gullamas tugal,
Qushlarning sayrashi ezmas yurakni.
O’nlab o’rmonlardan bilaman afzal,
Yo’ling chetidagi mirzaterakni...

Bu yer...,
Yo’q gapirmay, so’yla o’zingdan,
Tog’laring halitdan qor qoplagandir?
Hozir mevalarga rosa boydirsan?
Obi nonlaringga to’lganmi tandir?

Gulzorin bezarmi atirgul, rayhon
Past-baland bo’y chozgan fayzli uylarin?
Butun qishloq ahlin to’plarmi hamon,
Gumburlab o’tajak xalqim to’ylari?

Ming turli savolga to’lgandir ichim,
Kutishdan yo’l qarab tolgandir ichim,
Yurtim, seni o’ylab bedor tunimda,
Ichim timdalaydi tilsiz sog’inchim...

Jizzax olmasidek yuzim sarg’aygan,
Quva anoridek qalbim to’la qon.


2010 yil, kuz
(c)
Nom: Re: Sog'inch haqida she'rlar
Yuborildi: Saliha 05 Yanvar 2011, 00:14:44
Yomgir yogayabdi, yuragim ezib,
Soginching qiynaydi meni onajon.
Uydan ketganimga o'n yil bo'lgandek,
Go'yoki qalbimda, tuganmas hijron.....
Nom: Re: Sog'inch haqida she'rlar
Yuborildi: AL_laziz87 07 Yanvar 2011, 12:31:09
Men ketaman.
Afsuslarga bosh urasiz.
Terib oling,
singan dilni to`kib ketgum.
Ko`zingizdan ikki tomchi yosh oqqanda-
O`shal sog`inch yoshlariga cho`kib ketgum..
Nom: Re: Sog'inch haqida she'rlar
Yuborildi: Mas'ud 10 Yanvar 2011, 03:16:48
Кўнгил яшилликка интиққан чунон,
Юринг, баҳорларни кутайлик бирга.
Зиёга талпиниб типирлайди жон,
Орзулар юртига кeтайлик бирга.

У ерда асрдeк чўзилмайди тун,
Кутиш онлари ҳам бундан бошқача.
У жойда ҳар жуфтнинг юраги бутун,
Қуёш ҳам чарақлар шомдан тонггача.

У юртда саробга айланмагай ишқ,
Вафо ўз маъносин тўлиқ оқлайди.
Фано ҳeч кимсага бўлмайди ташвиш,
Ҳeч ким ҳасад билан ортдан боқмайди.

Ғамдан фориғ  гўзал ўшал заминда
Армон, дeган ёвга қўйишган тузоқ.
Ишонч ва садоқат гуркирар унда -
Ҳижрон азоблари жудаям узоқ.

Оқибат бeзайди барча шаҳарин,
Ðœeҳрдан яралган ҳар битта қишлоқ.
Азон бошлаб бeрар эрта саҳарин,
Инсонлар қалблари қор мисол оппоқ...

Юринг,
     ÑžÑˆÐ° Ñ‘ққа кeтақолайлик,
Мавҳум дунёларда нима қиласиз?

(c)
Nom: Re: Sog'inch haqida she'rlar
Yuborildi: Mas'ud 03 Mart 2011, 07:32:39
Сeнинг фаслинг кeлди
Дeрзангдан боқ,
Кўнглингдeк оқ гулга ўралган олам.
Ðœeн уни сeндан ҳам кутгандим кўпроқ,
Балки Яратганга етибди нолам.

Сeнинг фаслинг кeлди,
Қара, табиат
Бeзанмиш кeлинчак мисоли гўзал.
Аллоҳга шукр-ла, қиламан ният:
Бахтинг кўклам мисол гулласин тугал.

Сeнинг фаслинг кeлди.
Диллар шод-хуррам,
Истаранг мисоли исимоқда кун.
Бойчeчак гулининг юзларида нам -
Қор остида қолиб, бўлганди забун.


Сeнинг фаслинг кeлди;
Мусаффо, нафис.
Тонгги ҳаволардан ютаман қониб.
Қалбимнинг тубида йил бўйи ётган,
Энг нозик туйғулар чиқар ийманиб.

Сeнинг фаслинг кeлди.
Орзу-ҳаваслар
Энди азиз бошинг узра бўлар тож.
Имкони бўлса гар, топиб бир илож,
Шу баҳор баҳона юрагингни оч.

Нeга жимсан?

(c)
Nom: Re: Sog'inch haqida she'rlar
Yuborildi: Umidvor_Banda 03 Mart 2011, 10:30:11
Sevgi Nima ? Ayriliq , hijron,
Yoki tushga aylangan sevgi,
Sen ketding-u yuragim vayron,
Qaytmas qushga aylangan sevgi.
Nom: Re: Sog'inch haqida she'rlar
Yuborildi: Mas'ud 12 Mart 2011, 08:42:20
Юрагим сиз томон кетмоқликка шай,
Қай замон, билмадим, боғланди риштам.
Саҳарги шабнамдек секин, билдирмай,
Келинг, кипригимга қўнинг, фариштам.

Нигоҳингиз маъюс, қарашлар маҳзун,
Кўзингиз афсусдан ҳеч кўрмасин нам.
Бахтни чиндан туйиб яшашингиз чун,
Қалбим керак бўлса, олинг, фариштам.

Ғам нима, қайғу-ÑŽ, дарднинг барчасин,
Унутиб шодликка сингиб кетар дам,
Ҳис қилиб қовурғам битта парчасин,
Ёнимда тоабад бўлинг, фариштам.

Ҳаёт хаёлотдан ўзга тушунча;
Баъзида тотли ҳам, баъзан аччиқтаъм.
Қанча умр берса, тинмай ўшанча
Ойдек, осмонимда тўлинг, фариштам.

Оҳим кўкларгами бормоқда етиб?
Ёки ниятларим тоза, саришта...
Зулматларни кундек чароғон этиб,
Тунимда қуёшдек кулинг, фариштам.

Соғдек кўринсам-да, шу дилим хаста,
Фақат ташрифингиз жонимга малҳам.
Саҳарги шабнам Ñ‘ ёмғирдек аста,
Келинг, кипригимга қўнинг, фариштам.

(c)
Nom: Re: Sog'inch haqida she'rlar
Yuborildi: Mas'ud 27 Mart 2011, 11:51:32
Shodligim ichimga sig’amagan onim,
Dardlardan siqilib ketganda jonim,
Baxtdan kalovlanib qolsa zabonim,
Yelkangizga boshim qo’ysam, maylimi?

Boshingizdan nelar kechar, bilgani,
Sog’inchlarga to’lib orom olgani,
Umrbod Siz bilan birga qolgani,
Yelkangizga boshim qo’ysam, maylimi?

Do’stlardan topmayin oxir ilojim,
Nogoh ketsa hamki iqbolning toji,
Bir chimdim mehrning bo’lib muhtoji,
Yelkangizga boshim qo’ysam, maylimi?

Yurakdan istasam halovati chin,
Tuyib ich-ichimdan tuyg’uning kuchin,
Dunyolardan zumga olmoq uchun tin,
Yelkangizga boshim qo’ysam, maylimi?

(c)
Nom: Re: Sog'inch haqida she'rlar
Yuborildi: azizbek_mx 08 Aprel 2011, 14:22:28
Sog'inch nima? Siz bilmaysiz, his qilmaysiz,
Sog'insamda holim so'rab bir kelmaysiz.
Mening telba sevgim nazarga ilmaysiz,
Beparvoyim, hayolimdan ham jilmaysiz...

Sizni o'ylab necha yilki, devonaman,
Taqdiridan noligan sho'r peshonaman.
Yo'llaringiz poylab mushtoq parvonaman,
Bilmam, nechun bu sarobga ishonaman.

AzizBEK (R) 08.04.2011 y.
Nom: Re: Sog'inch haqida she'rlar
Yuborildi: AL_laziz87 07 Iyun 2011, 15:18:31
Aytgil, hamon bormi shirin arazlaring?
Salomatmi orzularing, havaslaring.
Qulogimdan ketgani yoq nafaslaring...
Seni yana bir korishga ulgursaydim,
Kozlaringga termulsaydim, termulsaydim.
Nom: Re: Sog'inch haqida she'rlar
Yuborildi: Rabella 25 Iyun 2011, 11:02:00
Xayollar parishon, o’y daydi,
Nigohim ko’klarni alqaydi,
Tanda jon sog’inchdan sarg’aydi,
Ko’zimni sog’indim, ko’zimni.

So’zlardan so’ndi-ku ishtiyoq,
Ro’yodan charchadim, dil siyoh,
Berganim va’damni al-miysoq –
So’zimni sog’indim, so’zimni.

Go’daklik chog’imda ufurgan,
Onamga ifordek tuyulgan,
Balog’at obida yuvilgan –
Isimni sog’indim, isimni.

Nafs otda, ruhim-chi, piyoda,
Savobdan gunohim ziyoda,
Unutib qo’yganim dunyoda –
O’zimni sog’indim, o’zimni…
                                                                         Nurmuhammad Shoyoqub
Nom: Re: Sog'inch haqida she'rlar
Yuborildi: Muhammad Yusuf 25 Iyun 2011, 11:38:44
Sizni juda ham sog'indim Rasululloh
Hamisha ummatim der edingiz
Sizni buyuk darajalarga yetkazsin
Olloh
Faqat ummatingiz g'amin yer edingiz.

Dunyoda munosib ummat bo'lib yashagim keladi
Yo Rasululloh, ikki dunyoda ham faqat sizga o'xshagim keladi.
Nom: Re: Sog'inch haqida she'rlar
Yuborildi: AL_laziz87 21 Oktyabr 2011, 20:08:20
Kel dunyoning g'amlarin unut
Baxt quyoshing to'smasin bulut,
Saqlamasdan qarshimda sukut
Bir ayt meni sog'inganingni.

Hayajondan qizarsa yuzlar,
Bir-biriga to'ymasa ko'zlar,
Izlamasdan chiroyli so'zlar,
Bir ayt meni sog'inganingni.

Shunda baxtni yetay men
anglab,
Ololmasdan hushimni o'nglab ,
Mast bo'layin shu so'zni tinglab,
Bir ayt meni sog'inganingni.

Men- umringning bahor,
yoziman,
Muhabbatning dardli soziman,
Sevishingni aytma roziman.
Bir ayt meni sog'inganingni!!!
Nom: Re: Sog'inch haqida she'rlar
Yuborildi: Dostonbek 10 Yanvar 2012, 09:19:08
Bilmagani, sorab organgan olim,orlanib suramagan uziga zolim. Deganlariday men ham bir kongil quliman menham oz sherlarimdi biror joyda sizlarga taqdim qisam boladimi? Iltimos maslahat bering.
Nom: Re: Sog'inch haqida she'rlar
Yuborildi: Mas'ud 29 Yanvar 2012, 12:29:42
Соғиндим,

Меҳрибон кўзингни,

Дилимга Ñ‘қувчи cўзингни,

Ўзингни,

Табассум порлаган юзингни,

Ҳаммасин соғиндим.


Тунлари бедорман – интиқман,

Қайгадир кетади хаёлим

Яқинлар ҳол сўрар – инжиқман,

Уларга келади малолим...

Не қилай,

Тушунмас бўлсалар бошқалар,

Ичида устимдан кулсалар бошқалар,

Индамай,

Парво ҳам қилмасдан,

Ғийбатни қулоққа илмасдан,

Мен сенга мунтазир,

Соғиндим.


Маҳталман,

Эшитмоқ истайман шу дамда

(Орзиқиш шу қадар бўларми одамда?)

Саратон ёмғирни кутгандек,

Қаҳратон кунга кўз тиккандек,

Кўклам илк гулини туккандек

Интизор,

Умидвор бўлганча,

Соғиндим.


Илҳақман,

Илинжим йўқолмас бир зумга,

Шамоллар қулоғин тутади арзимга.

Тўлқиндек гупирар юрагим,

Сабрни супирар юрагим,

Бардошга қадрдон тутиниб,

Васлингни тилайман ўтиниб

Худодан,

Дарагинг сўроқлаб ҳар касдан;

Шоҳдану, гадодан,

Исингни келтирган сабодан –

Соғиндим.


Шунчалар бўларми телбалик? –

Хайронман,

Лабимда кулги-ю,

Қалбимда вайронман,

Гоҳи шер, гоҳда-чи, жайронман,

Мажнунман,

Фарҳодман,

Баҳромман,

Баъзида шунчаки инсонман...

Соғиндим


 ÐœÑƒҳтожман,

Ҳолимни тушунар кимсага,

Дўстга ё ўзидан ошинар кимсага.

Бошқаси аҳволим билмайди,

Билса-да, парволар қилмайди,

Муштоқлик шунчалар

 қийнарми кўнгилни?

Ёки ишқ атайлаб синарми кўнгилни? –

Ноаён... Аёни шу эрур –

Шу дамда

Доимдан ортиқроқ соғиндим.


Билмадим,

Биларсан, билмассан,

Балки сен у қадар

Дилингни тилмассан,

Ўзингга айтгани оғриндим,

Мен сени жудаям соғиндим...

(с)
Nom: Re: Sog'inch haqida she'rlar
Yuborildi: Ansora 29 Yanvar 2012, 14:12:33
* * *

Соғиндим мен сени.
Кўргим келади,
Лекин айтолмайман ҳеч кимга буни.
Шаҳар ғуж тош ўрмон. Бошимга тушган
қуёшга талпинган огочнинг куни.
Соғиндим. Кун-тунлар қатланди қалбда
Рангин ипаклари соғинчнинг.
Агар
ёйсам йўллардаги симёгочларга
зорланиб етарди Самарқанд қадар.
Соғиндим, жаҳонда балки ҳеч бир тил
ҳижронни мукаммал ёзганмас ҳали.
Қадим ёзмалардек ул кунлар йитди,
бир сўзингни эслаш олам тасалли...
Дарахтман. Мен миллион япроғим билан
боқаман зор титраб сен келар кунга.
Соғиндим мен сени.
Кўргим келади,
Лекин айтолмайман буни ҳеч кимга.


Omon Matjon
Nom: Re: Sog'inch haqida she'rlar
Yuborildi: Mas'ud 21 Mart 2012, 09:31:20
Деразангдан мўралаб аста,
Гул юзингдан бўлиб шикаста,
Узун қишга силтаб қўлини,
Ҳам қалбингдан бошлаб йўлини,
Тўққиз ойки, елармиш баҳор,
Бугун тунда келармиш баҳор...

Қору музни сувга ғарқ қилиб,
Изғиринни буткул тарк қилиб,
Эшитгандек менинг ноламни,
Гулдастага ўраб оламни -
Тушда бошинг силармиш баҳор,
Бугун тунда келармиш баҳор...

Гўзалликни элтиб жаҳонга,
Сано айтиб ҳар ўтган онга,
Жамолингга бўлиб маҳлиё,
Истарангдан олганча зиё-
Бизга иқбол тилармиш баҳор,
Бугун тунда келармиш баҳор...

Ҳиссиётга тўлдириб дилни,
Кенгайтириб кичик кўнгилни,
Дуоларга ижобат етиб,
Табиатни чаманзор этиб,
Бахтимиздек кулармиш баҳор,
Бугун тунда келармиш баҳор...


(c)
Nom: Re: Sog'inch haqida she'rlar
Yuborildi: Mas'ud 21 Mart 2012, 09:35:01

Барча кечмиш, ўтмишни ташлаб,
Тан берганча азал тақдирга,
Эзгуликнинг этагин ушлаб,
Юрагимга кетайлик бирга.

Гумонларга душман тутиниб,
Ҳар қултумда бахтни ютиниб,
Дуо қилиб, Ҳақдан ўтиниб,
Юрагимга кетайлик бирга.

Толе юкин тортганча аста,
Дунёлардан бўлиб сарбаста,
Дилни дилга этиб пайваста,
Юрагимга кетайлик бирга.

Ақл ила таяниб ҳисга,
Барчасини тушириб изга,
Бу ерлардан жуда олисга –
Юрагимга кетайлик бирга.

Аламларга малҳамдир калом,
Сабрга жуфт яралмиш инъом,
Қуёшлари чарақлар мудом,
Юрагимга кетайлик бирга.

Ортга ташлаб Андуҳ чўлини,
Кечиб икков Ғусса кўлини,
Биласан-ку, ахир йўлини –
Юрагимга кетайлик...

(с)
Nom: Re: Sog'inch haqida she'rlar
Yuborildi: Bekzod92 21 Iyul 2012, 20:01:11
Jonim sizni birgina men emas mayus boqan ko'zlar sog'indi
Jonim sizni birgina men emas yurak qumsab ko'nglim sog'indi
Jonim sizni birgina men emas quchoq ochgan qalbim sog'indi
Jonim sizni birgina men emas sizga intiq lablar sog'indi