ZiyoUz - Haqiqiy o'zbekona forum

Umumiy bo'lim => Islom => Mavzu boshlandi: Muhammad Amin 12 Noyabr 2007, 18:45:48

Nom: ISLOM VA AYOL
Yuborildi: Muhammad Amin 12 Noyabr 2007, 18:45:48
"Alloh shundayin zotki, Sizlarni bir jondan (Odamdan) yaratdi va u orom osoyish topsin, deb uning o’zidan juftini vujudga keltirdi”. (A’rof,189)
Nom: Re: ISLOM VA AYOL
Yuborildi: Muhammad Amin 12 Noyabr 2007, 18:46:09
Ayol – Alloh nuri 
Alloh taolo birinchi ayol – Havvoni erkak, ya’ni Odamning qovurg’asidan yaratgan. Men bu holatdan ham bir ilohiy hikmat tuyaman. Inson tanasini qovurg’asidan ajratib bo’lmaganiday, erkakni ham ayoldan ayirish juda qiyin! Alloh taolo insoniyat silsilasini davom ettirish uchun ayolga onalik baxtini, imkonini bergan. Ayol erkak uchun lazzatli hayot va taskin, osoyishtalik timsoliga aylangan. Qur’oni karimda shunday deyilgan:
“Alloh shundayin zotki, Sizlarni bir jondan (Odamdan) yaratdi va u orom osoyish topsin, deb uning o’zidan juftini vujudga keltirdi”. (A’rof,189) Yana Qur’oni majidda shunday deyiladi: “Ular (ayollar) Sizlarning libosingiz. Sizlar ular uchun libossiz (ya’ni, er-xotin bir-biriga kishi libosga muhtoj bo’lgani kabi muhtojdirlar)”.(Baqara,187)

Insoniyatning oxirgi Payg’ambari Muhammad alayhissalom ayol nomini ulug’lash, uning sha’nini ko’tarish, xotin-qizlarning huquqini belgilab berishda faqat Islom ummatigagina emas, balki kishilik jamiyatiga ibrat va namuna bo’lib kelyaptilar. U zotdan rivoyat qilingan hadisni bir eslang: “O‘z xotiniga mehr-shafqatli bo’lgan kishilar oralaringizdagi eng yaxshi kishilardir”. Payg’ambar alayhissalomdan «Nimani yaxshi ko’rasiz?» deb so’rashganida: «Ayolni, xushbo’y narsalarni va namozni», deb javob qaytarganlar. Buni shoir chiroyli satrlarga shunday muhrlagan:

Xotin-qizlar, xushbo’ylar mehri,
Bu dunyoda dilga bo’ldi jo.
Ko’nglim xushi, ko’zim qorasi,
Dil yupanchi namozda ammo.

Payg’ambar alayhissalomning ayollari ham u zotga nisbatan cheksiz hurmat, sadoqat, itoat, muhabbat namunalarini ko’rsatishdi. Birinchi zavjalari Xadichai Kubro qabilaning eng baobro’, badavlat, nasabli va go’zal ayollaridan edi. Bu oqila ayol Muhammad alayhissalomning to’g’ri so’z, halol, xushhulq va rostgo’yliklari tufayli o’zi sovchi qo’yib, u zotga turmushga chiqdi. Butun boyligini, mehr-muruvvatini qo’sh-qo’llab tutdi. U zotning Islom dinini yoyish yo’lidagi mashaqqat-azoblariga sherik bo’ldi, qiyin kunlarda yupanch, dalda berdi, chinakam safdosh va sirdosh bo’ldi. Kenja zavjalari hazrati Oisha (r.a.) Payg’ambar alayhissalomdan eng ko’p rivoyat qilgan safdoshlaridan bo’ldilar. U zotning ko’rsatma va da’vatlarini Islom ummatiga yoyishda eng ko’p jonbozlik qildilar. Payg’ambar alayhissalomning qizlari Fotimai Zahro ham imom Hasan va Husaynlarday tabarruk insonlarni hayot bergan, tarbiyalagan eng oliyjanob ayol sifatida tarix qatlariga muhrlanganlar.

 
Nom: Re: ISLOM VA AYOL
Yuborildi: Muhammad Amin 12 Noyabr 2007, 18:46:43
Islomda ayolning o’rni va qadr-qimmati

   
Musulmon ayolga xushxabarlar ko’pdir. Allohning Habibi (s.a.v.): “Bir ayol o’z eriga itoat etsa, Allohning oldidagi burchini ado qilsa va vazifalarini bajarsa, unga shahidning savobi qadar savob yoziladi”, deganlar. Yana Payg’ambarimiz (s.a.v.) boshqa bir hadisi shariflarida: “Uchta qizni shar’iy qonunlardan chiqarmay, tarbiya qilib voyaga yetkazgan ona jannatda men bilan birgadir”, deb marhamat qiladilar
Nom: Re: ISLOM VA AYOL
Yuborildi: Muhammad Amin 12 Noyabr 2007, 18:47:22

 
Islomda ayolning haqlari quyidagicha ado etilishi lozim:
1. Ayollarga yaxshi muomalada bo’lish, ularga nisbatan xushmuomala, shirin so’z, muloyim munosabatda bo’lish, nohaqlik va qo’pollik qilmaslik kerak. Bu xususda Payg’ambarimiz (s.a.v.) shunday marhamat qilganlar: «Mo’minlarning eng to’la ishonchlisi xushxulqlisidir. Sizlarning yaxshilaringiz ayollarga, zavjalariga yaxshi muomalada bo’lganlaringizdir».
Payg’ambarimiz (s.a.v.): «Ayollar xususida Allohdan qo’rqingiz. Zero, siz ularni Allohdan omonat o’laroq olgansiz», deganlar.

Hadislarda kelishicha, Payg’ambarimiz (s.a.v.) ayollarga va bolalarga duch kelganlarida, salom berardilar, ya’ni salom bilan muqobalada bo’lgandilar.

2. Ayollarni urmaslik. Qur’oni karimning: «Xotinlarning itoatsizligidan qo’rqsangiz, avvalo ularga nasihat qilingiz, so’ng (bu ta’sir qilmasa,) ularni yotoqlarida tark etingiz, so’ngra (bu ham kor qilmasa,) ularni (majruh bo’lmagudek darajada) uringiz. Ammo sizlarga itoat qilsalar, ularga qarshi (boshqa) yo’l axtarmangizlar.* Albatta, Alloh juda oliy va ulug’ zotdir»* («Niso», 34) oyatida aytilganidek, itoatsiz ayolni tarbiya va so’nggi chora sifatida qattiq og’ritmasdan urishga izn berilgan. Lekin, Muhammad (s.a.v.) o’zlari ayollarini urmaganlar va xotin kishini urganlarga ham qarshi turganlar. «Ne bo’ldi erkaklarga, xotinlarini qul kabi uradilar, holbuki, ayni kun so’nggi (tun)da latiflashadilar», degan hadis ham so’zimizning isbotidir.

Shuningdek, ayollarga ham erlariga ozor bermaslik amr etilgan. Maoz ibn Jabaldan (r.a.) aytilganiga ko’ra, Rasululloh (s.a.v.) shunday marhamat qiladilar: “Qaysi bir ayol (mo’min) eriga ozor berganda, u kishining hur jufti (bu ayolga): «Alloh sening joningni olsin, u kishiga ozor, aziyat berma. Chunki, shubhasiz, u sening yoningda mehmon-musofirdir, sendan ayrilib, tezda yonimizga keladi», deydi”.


3. Islomda ayol va bolalarni o’ldirish ma’n etilgan. Qur’oni karimda shunday marhamat qilinadi: “(Ey insonlar), bolalaringizni qashshoqlikdan qo’rqib o’ldirmangiz, ularga ham, sizlarga ham Biz rizq berurmiz. Ularni o’ldirish, shubhasiz, katta xatodir” («Al-Isro», 31). “O‘z bolalarini ilmsizlik qilib, johilona o’ldirgan va Allohga tuhmat qilib, ular uchun Alloh rizq qilib bergan (hayvonlar)ni haromga chiqarganlar, albatta, (o’zlariga) ziyon qildilar. (Ular) haqiqatdan adashdilar va to’g’ri yo’lga yuruvchi bo’lmadilar” («An’om», 140).

Islom huquqida, hatto, urush vaqtida ayol va bolalarni o’ldirish taqiqlangan. Hazrat Payg’ambar (s.a.v.): “Kimki ikkita qizni voyaga yetguncha boqsa, jannatga men bilan birga kiradi”, deb o’rta va ishora barmoqlarini yonma-yon qilib ko’rsatdilar”.




 
Nom: Re: ISLOM VA AYOL
Yuborildi: Muhammad Amin 12 Noyabr 2007, 18:48:00
Islomda ayolning haqlari quyidagicha ado etilishi lozim:
 

4. Ayollarning ilm olishlari. Ayol va erkak musulmonlarga ilm o’rganmoq farzi ayndir. Qur’oni karimda faqatgina ayollarning o’ziga xos, fitratiga muvofiq kelgan Allohning xitoblaridan tashqari (masalan, avratlarini to’sish, bola emizish, idda muddati, taloq to’g’risida va hokazo) qolgan barcha oyatlar Alloh taoloning bashariyatga, erkag-u ayolga qilgan xitoblaridir. Ilm haqidagi chaqiriqlar ham shular jumlasidandir. Islomda iymondan keyingi farzi aynlardan biri ilm olishlikdir (“farz” bajarilishi shart degan ma’noni ham anglatadi). Zero, Jabroil (a.s.)ning Payg’ambarimiz (s.a.v.)ga yetkazgan birinchi kalomi ham “O‘qi!” bo’lgan. Alloh taolo bandasini tafakkur qilib, borliqqa qarab, tahlil bilan O‘zini tanishini xohlaydi. Ko’r-ko’rona, taqlidiy iymon keltirishlikni xush ko’rmaydi. Payg’ambarimiz (s.a.v.) “Ilmni Chinda bo’lsa ham borib, olinglar”, deganlar. Vaholanki, o’sha paytda Chin (Xitoy) butlar va butparastlar o’lkasi bo’lgan. Lekin ular bunday deyishga qo’rqmadilar, chunki borliqda Allohning qudratini namoyon etib turguvchi son-sanoqsiz dalillarni aqli bilan taammul qilgan inson Uning vahdoniyatiga iymon keltirgach, Robbisiga shirk keltirmaydi, aksincha, Haq talabida bo’ladi. Hozirda musulmonlar orasida ilm deganda, faqat diniy ilmlar tushuniladi. Bu xato tushuncha. Islomda diniy, dunyoviy, degan gaplar bo’lmagan. Ilm sohalarga bo’lingan, xolos: fiqh, hadis, faroiz, tib, handasa, tarix, falakiyot ilmlari va hokazolardir. Musulmonlar Qur’on va sunnatga amal qilgan vaqtlarida ularning orasida ilmning barcha sohalarida dunyoga tanilgan allomalar yetishib chiqqan. Bunga o’zimizning vatandoshlarimiz Al-Xorazmiy, Abu Ali ibn Sino, Abu Rayhon Beruniy, Ulug’bek, Zamaxshariy va boshqa ko’plab olimlarning nomlarini keltirish mumkin.

5. Ayollarning haqlari. Hazrat Payg’ambar (s.a.v.) aytganlar: “Ayollarning erkaklar zimmasidagi haqqi yaxshi taom va kiyim berishlaridir”.

Qur’oni karim deydi:
“Robbingiz Uning O‘zigagina ibodat qilishlaringizni hamda ota-onaga yaxshilik qilishni amr etdi. (Ey, inson) agar ularning biri yoki har ikkisi huzuringda keksalik yoshiga yetsalar, ularga “Uf...” dema va ularni jerkma! Ularga (doimo) yoqimli so’z ayt!” (Al-Isro, 23). Qur’onda marhamat qilingani kabi hazrati Payg’ambar (s.a.v.): «Eng ko’p kimga yaxshilik ko’rsatish kerak?, deb so’ragan bir sahobiyga “Onangga”, deya uch bor takrorlaganlaridan so’ng, “Otangga”, dedilar.

Islomda ona yoki ayol haqqiga e’tibor shu qadarki, ona mushrik bo’lsa-da, bu haqqini yo’qotmagan bo’ladi. Faqat ota-ona farzandiga yo er xotiniga Islomdan tashqari, ya’ni Islomga zid amr va talqinda bo’lsalar, u holda ularga itoat qilinmaydi. Allohga isyon qiluvchilarga itoat etilmaydi. Bu hadisi sharifda ochiq aytilgandir: “Allohga isyon etgan kimsaga itoat etish yo’qdir”.



 
Nom: Re: ISLOM VA AYOL
Yuborildi: Muhammad Amin 12 Noyabr 2007, 18:48:21
Islomiy oila farog’ati

   
Musulmon ayolga xushxabarlar ko’pdir. Allohning Habibi (s.a.v.): “Bir ayol o’z eriga itoat etsa, Allohning oldidagi burchini ado qilsa va vazifalarini bajarsa, unga shahidning savobi qadar savob yoziladi”, deganlar. Yana Payg’ambarimiz (s.a.v.) boshqa bir hadisi shariflarida: “Uchta qizni shar’iy qonunlardan chiqarmay, tarbiya qilib voyaga yetkazgan ona jannatda men bilan birgadir”, deb marhamat qiladilar.
 
Nom: Re: ISLOM VA AYOL
Yuborildi: Muhammad Amin 12 Noyabr 2007, 18:48:47
Ayollarni yuksaklarga ko’targan va sharaf tojini kiydirgan Islom dini oila masalasiga ham jiddiy e’tibor beradi. Naslni saqlash, nafsni tiyish, jamiyatni turli axloqiy buzuqliklar va fahshdan asrash, tinch va farovon hayotni vujudga keltirish uchun kurashadi. Islomiy tarbiya er-xotin va farzandlar o’rtasida chinakam muhabbat va mehr-oqibat rishtalarini bog’lash asosiga qurilgan. Payg’ambarimiz Muhammad (s.a.v.): «Uylaninglar va ko’payinglar. Chunki haqiqatan men boshqa payg’ambarlar oldida ummatimning ko’pligi bilan faxrlanaman», deganlar. Boshqa bir hadisda Rasuli akram (s.a.v.) shunday buyuradilar: «Kimki uylanishi uchun sharoiti bo’laturib uylanmasa, u bizdan emasdir».

Madaniyat haqida qoloq tushunchaga ega bo’lganlar dunyoning rohati-yu, nafs istaklarini ma’bud darajasiga ko’targanlar. Unday odamlar bir tarafdan huzur-halovatini buzmaslik, boshqa tomondan esa boylik orttirish xayolida oila qurishni ortiqcha ish, deb biladilar. Bunday kishilar koshonalarda yashaydilar. Xalq oldida biologik ochlik haqida gapiradilar, nufusni ozaytirmoq yo’llarini talqin qilib, oilaga qarshi chiqadilar. Holbuki, bu Shaytoni lain tavsiyasidir.

Dunyo nufuzi har qancha ortmasin, ozuqa javhari tuganmasdir.
Yaratgan Alloh rizq berishga ham qodir. Quruqlikdagi butun ozuqa tugagan taqdirda ham, dengizlardagi ozuqa insoniyatni boqishga yetarli.


 
Bugungi kunda Ovro’pa diyorlarida nufuzning ko’p qismi keksayib qolganligidan, aholining navqiron qismi ozligidan xavotirga tushish kuzatilmoqda.

Bugun Amriqo Qo’shma Shtatlarida har soniyada bir jinoyat sodir etilayotir. Har olti soniyada bir ayolga tajovuz qilinayotir. Faranglar ham eng ko’p xavfsiraydigan hodisalari tajovuzdir.

Islom oila masalasiga jiddiy e’tibor bilan qarar ekan, begona erkak va ayolning bir-birlari bilan iloji boricha yuzlashmasliklarini talab qiladi. Zero, musulmon banda nasli va nafsini asrash bilan butun dunyo lazzatlariga - huzur-halovatga erishadi.

Turli din va qavmlarning qonun-qoidalariga e’tibor qilsak, ayol inson qatoriga qo’shilmaganligini ko’ramiz. Masalan, Hindistonda ayol kishi harom va u poklanishi mumkin emas, deb talqin qilinadi.

Islomda esa ayol hassos do’st va turmushda rafiqadir. Biz jannatni onalarning oyog’i ostidan qidiramiz. Ayolni tuzatishga harakat qilar ekanmiz, unga qattiq ozor yetkazishdan ehtiyotlanamiz.

Yangigina oila qurgan yoshlarimiz o’z oilalarining mustahkam va barqaror bo’lishi uchun kurashmoqlari zarur. Solih yigitimizga bir soliha qizni izlar ekanmiz, uning go’zalligi, mol-mulki, martabasini emas, balki taqvosini, axloqi va tarbiya topgan oilasini hisobga olishimiz lozim. Kuyov tanlashda ham xuddi shu xususiyatlarga e’tibor berishimiz zarur. Bir onlik go’zallikka, martabaga uchmoq halovatni buzadi, oxir-oqibatda oila inqirozga yuz tutadi.

Muhtaram Payg’ambarimiz (s.a.v.): “Hadrai dimandan uzoq turing”, deb buyurganlarida, sahobalar “hadrai diman”ning ma’nosini so’raydilar. U kishi: “Zalolatda o’sgan go’zal ayol”, deb javob beradilar. Yaxshi, islomiy tarbiya olmagan moddiy go’zallik zil ketadi. Bizdan biror yigit yoki qizning axloqi so’ralsa, u haqdagi haqiqatni aytish burchimizdir. Zero, to’g’ri so’zlamaslik, haqiqatni yashirish hollari ham uchrab turishi tabiiy. Go’yo bu bilan biz yaxshilik qilmoqchi bo’lamiz. Holbuki, bu yolg’onchilik hayot bilan o’ynashishdir. To’g’ri, kishi bilganni yashirmaydi. Payg’ambarimiz (s.a.v.) “Soliha bir ayolga uylangan kishi diniy vazifasining yarmini bajargan hisoblanadi, endi dinning yarmini ham bajarsin”, deb buyuradilar.

Zamonamizda ayrim musulmon oilalar sep, qalin va boshqa sarf-harajatlarni haddan oshirib, turmushni mushkullashtiradilar. Rasuli Akram (s.a.v.): “Nikohning eng xayrlisi oson bo’lganidir”, deb marhamat qiladilar.

Shuni ham unutmaylikki, balog’at yoshidan o’tgan har bir yigit-qizning turmush qurishiga ota-ona javobgardirlar. Payg’ambarimizning qizlari Fotima (r.a.)ning seplari ko’rpacha, yostiq, ko’za, mesh, piyola, elak, sochiq, po’stin, gilam, ikki kiyim va bir ko’rpadan iborat bo’lgan. Ro’zg’oriy ashyolar ehtiyojga ko’ra keyinchalik asta-sekin xarid etilaverishi mumkin.

Dinimiz ijozatiga ko’ra, nikoh marosimida uzuk taqilib, hadyalar berilishi mumkin. To’ylarimizda ziyofat berilishi Allohga shukrona aytishday sunnat amallar bilan bir qatorda dinimizda bo’lmagan turli odatlar ham qorishtirib o’tkazilmoqda.

Erkakning o’zi ayoli oldidagi vazifalari – yedirmoq, kiydirmoq, salomatligini saqlamoq, boshpana bilan ta’minlamoq, kelishib ziyorat va xorijga chiqmoq, nomusini himoya qilmoq, ayolini begona ko’zdan asramoq. Ayolning o’z eri (turmush o’rtog’i) oldidagi burchi esa Islomdan chiqmaslik sharti ila itoatli bo’lmoq, hatto, ibodat qilishida ham izn olmoq, unga mutashakkir bo’lmoq, begonalar bilan gaplashmaslik, bolalarni tarbiya qilmoq va erining mol-mulkini qo’riqlamoqdan iboratdir.


Musulmon ayolga xushxabarlar ko’pdir. Allohning Habibi (s.a.v.): “Bir ayol o’z eriga itoat etsa, Allohning oldidagi burchini ado qilsa va vazifalarini bajarsa, unga shahidning savobi qadar savob yoziladi”, deganlar. Yana Payg’ambarimiz (s.a.v.) boshqa bir hadisi shariflarida: “Uchta qizni shar’iy qonunlardan chiqarmay, tarbiya qilib voyaga yetkazgan ona jannatda men bilan birgadir”, deb marhamat qiladilar.

G‘arb hazorasining ayolga bo’lgan munosabati ayollarga hurriyat, baxt-saodat berish niqobi ostida uni bir hovuch puldorlar va buzuqlarning ermagiga aylantirib qo’ygani, dunyo sarmoyadorlari ayolning Alloh ato etgan go’zalligidan g’arazli maqsadlarda, nari borsa, o’z molini reklama qilish uchun foydalanayotgani haqida ko’p yozish mumkin. Hurlik, chiroyli hayot va’da qilish bahonasida ayollarning fitriy mashg’ulotlaridan, oila farog’atidan, farzand tarbiyasidan uzib olib, erkaklar bajarishga erinadigan og’ir, mashaqqatli, xo’rlovchi yumush va mehnatlarga solinayotgani haqida ham ko’plab misollar keltirish mumkin. Ammo bu bilan ayolni baxtli qilolmaymiz, o’ksik dillariga taskin berolmaymiz. Asosiy gap ayolning asl maskani – oilasi bag’riga, farzandlari quchog’iga qaytarishda! Unga onalik baxtini, ayol mukarramligini, uning go’zalligi va nazokatini, hayo va iffatini qaytarib berishda qoldi!


 
Nom: Re: ISLOM VA AYOL
Yuborildi: Muhammad Amin 18 Mart 2008, 19:05:06
 Kishini sinashga bir on ko’rsa bas,
Sevar-sevmasin so’z ila so’rsa bas.
Kishi mis va oltinni farqlolmasa,
Olib ozgina sir toshni sursa bas.
                                 Yusuf Xos Hojib

Ishqki jon mulkida sulton erur,
Shoh-u gado anga chu yakson erur.
                                          Durbek
Nom: Re: ISLOM VA AYOL
Yuborildi: Muhammad Amin 18 Mart 2008, 19:05:26
 Ayol, bil, lutf-u himmatga sazovor,
Go’dakdek mehr-u shafqatga sazovor.
                             Abu Abdullo Rudakiy

Gul yuz yor hehc kimga nasib etmas ekan,
To uning diliga sanchilmay tikan.
Taroqqa nazar sol, yorning sochiga-
Yetguncha yuz bo’lak bag’ri tilingan.
                                  Umar Xayyom
Nom: Re: ISLOM VA AYOL
Yuborildi: Muhammad Amin 18 Mart 2008, 19:05:48
 Yorsiz yo’l bo’lmaydi ravon,
Suv bo’lmasa – suv oqarmi, qachon?
                                  Abulmajid Sanoiy

Parvona otashdan huzur topsa gar,
Kuysa ham hech qachon etmaydi hazar
                               Farididdin Attor

Vafoda o’xshama bulbulga also,
Har on ul o’zga gul boshida shaydo.
                               Nosir Xisrav
Nom: Re: ISLOM VA AYOL
Yuborildi: Muhammad Amin 18 Mart 2008, 19:06:06
 Ming xil odobni ishqdan o’qir jon,
Ularni maktabdan topolmas inson.
                                Jaloliddin Rumiy

Chehrasi kulgan go’zalning barchasi dilbar emas,
Oynasi bor kishilarning barchasi Iskandar emas.
                                                              Hofiz Sheroziy

Ikkovlon bir-birlaring bilan janjallashmang- ikkovingiz ham mag’lub bo’lasizlar.                                                                                                               Amir Temur
Nom: Re: ISLOM VA AYOL
Yuborildi: Muhammad Amin 18 Mart 2008, 19:06:22
 Kishikim, yo’qturur mehru vafosi,
Agar xursheddur, andin ne hosil.
                                         Abdurahmon Jomiy

Bo’lmasa ishq ikki jahon bo’lmasun,
Ikki jahon demaki, jon bo’lmasun.
                                           Alisher Navoiy

Sen gulsen-u men haqir bulbuldurmen,
Sen shu’lasen-u ul shu’lag’a men kuldurmen.
Nisbat yo’qdur deb istijnob aylamakim,
Shohmen elga, vale senga quldurmen.
                                           Bobur
Nom: Re: ISLOM VA AYOL
Yuborildi: Muhammad Amin 18 Mart 2008, 19:06:41
 Oshiq xudbinlikka bo’lsa giriftor,
Bo’lur doim ma’shuq eshigida zor.
                                           Zebunniso

Jamoling quyoshdir, qamardir yuzing,
Shakkardir lablaring, shirindir so’zing.
Beomon mujgoning, jodugar ko’zing
Jallod kabi g’amzang qasddadir, ey qiz!
                                             Voqif

Uyat- erkaklarning viqori bo’lsa, ayollarning bezagidir.
                                                                Abdulqodir Bedil

O’zga birovlarni saylab yo’ldoshing,
Oqizma o’z dilbaringning ko’z yoshin.
Yomon bo’lsa ham u umrlik sirdoshing,
Vaqtincha qo’l bergan hurdan yaxshiroq.
                                                      Berdaq
Nom: Re: ISLOM VA AYOL
Yuborildi: Muhammad Amin 18 Mart 2008, 19:07:01
 Muhabbat hech qachon hech narsa talab qilmaydi, balki o’zini bag’ishlaydi. U hamisha iztirob chekadi, lekin hech qachon shikoyat qilmaydi, qasos olmaydi.
                                                    Mahatma Gandi


Ayollarning kichkina kamchiliklarini kechira olmaydigan erkaklar ular baxshida etadigan buyuk ne’matlarga ham sazovor bo’lolmaydilar.
                                                       Xalil Jabron
Nom: Re: ISLOM VA AYOL
Yuborildi: Mubashshir Muhammad 20 Mart 2008, 13:12:29
Assalamu alaykum
juda go'zal lahzalar ekan Alloh rozi bo'lsin...
Nom: Re: ISLOM VA AYOL
Yuborildi: Muhammad Amin 05 Sentyabr 2009, 22:50:39
Dardim sig’mas dunyoga.        


Ona, desam, yig’lar bo’lsa armonlar ham,
Ona, desam, ifor to’ksa rayhonlar ham,
Dardim sig’mas bu dunyoga, ko’zimda nam,
Onajonim, kim oladi dardlarimni?
Yuragiga yetmay qolib toatlarim,
Sevar yor ham tinglamasa hasratlarim,
Yuzni qaro qilib ketsa ulfatlarim,
Onajonim, kim oladi dardlarimni?



Aro yo’lda qolib, baxtga yetolmayman,
Sizsiz hayot yo’llaridan ketolmayman.
Shu so’roqning azobiga chidolmayman:
Onajonim, kim oladi dardlarimni?

İshq azobi mening uchun qiynoq emas,
Hatto, oftob mehringizdek qaynoq emas,
Yo’q, maqsadim - sizga ta`na qilmoq emas,
Onajonim, kim oladi dardlarimni?

Esga olib sho’xlik - shirin damlarimni,
Artganingiz ko’zimdagi namlarimni.
Jiydalarga so’ylayinmi g’amlarimni,
Onajonim, kim oladi dardlarimni?

Bag’ringizda uxlab qolgim kelar, ona,
Allangizni yodga olgim kelar, ona.
Dunyo menga bo’lib qoldi bir g’amxona,
Onajonim, kim oladi dardlarimni?

Nahot sizni sog’inganim bilmasangiz?
Erkalatib bag’ringizga olmasangiz?
Qandoq qilay, siz yonimda bo’lmasangiz,
Onajonim, kim oladi dardlarimni?

 
Nom: Re: ISLOM VA AYOL
Yuborildi: Muhammad Amin 10 Sentyabr 2009, 06:04:07
"Yosin" sutining xosiyati     

 
Oliyjanob, muslima bir ayol chaqalog'i emadigan vaqt kelganda, avval xuddi namozdan ilgari tahorat olganday poklanar, so'ng chaqalog'iga ko'kragini  tutib, u emishni boshlaguncha: "Bismilloh Yosin val-Qur'onul Hakim" deya surani boshidan oxirigacha o'qirdi.  "Yosin" ni o'qib bo'lgach, chaqaloq ham emishdan to'xtardi, onasidan o'zini tortardi.
O'g'illarining axloq va fazilatda yetuk inson bo'lganlarini ko'rganda ona doimo Allohga hamd aytar, shukur qilar va o'g'illariga:
- Ey o'g'lim, barcha yaxshiliklarning hammasini o'zimdan deb o'ylama. Men seni "Yosin" surasi bilan emizar edim. "Yosin" surasi ila o'stirdim! - deb onalik burchining FARZANDga bo'lgan ta'sirini tushuntirardi. . .
Nom: Re: ISLOM VA AYOL
Yuborildi: Muhammad Amin 10 Oktyabr 2009, 06:44:11
al-Hamdu-Lillaahi Rabbil-'Aalameen was-Salaatu was-Salaamu 'alaa Ashrafil-Anbiyaa.e wal-Mursaleen, wa ba'd:

Islomdagi ayol va qizlarning o’rni juda ham yuqori, buyuk va ularning har bir musulmon hayoti uchun ta’siri juda kattadir. Darhaqiqat, muslima ayol haqgo’y jamiyat qurishdagi boshlang’ich o’qituvchi.
U Qur’onning hidoyati va Rasululloh (sallallahu ‘alayhi vasallam)ning sunnatlari ketidan ergashadi. Qur’onga va sunnatlarga sodiqlik kishini, xoh ayol bo’lsin, xoh erkak, adashishdan saqlaydi. Ba’zi bir halqlarning to’g’ri yo’ldan adashishlari va noto’g’ri yo’lga kirib ketishlari Alloh (subhanahu wa taolo) va Uning payg’ambarlari (alayhis salam)dan uzoqda bo’lganidan boshqa sabab orqali kelib chiqmaydi. Payg’ambarimiz (sallallahu ‘alayhi vasallam) aytganlar:

“Men o’zimdan keyin ikkita masala(narsa) qoldirib ketayapman- Qur’on va mening sunnatlarim. Kimki shularga qattiq chirmashsa qoqilmagay(adashmagay).” [Hasan: Maalik tomonidan al-Muvatta (2/899) va al-Haakimda (1/93) jamlandi; Ibn ‘Abbaas (radiyallaahu ‘anhu)dan.]
Nom: Re: ISLOM VA AYOL
Yuborildi: Muhammad Amin 10 Oktyabr 2009, 06:45:15
Muslima ayolning mavqeyi- xoh xotinlik, opa-singillik, qizlik va xoh unga berilishi kerak bo’lgan huquqlar yoki undan talab qilinadigan huquqlar tarzida bo’lsin- Qur’oni karim va Rasululloh (sallallahu ‘alayhi vasallam)ning sunnatlarida yaqqol tushuntirilgan.
Uning (ayolning) muhimligining siri unga yuklangan bahaybat bir yuk, javobgarlik, yelkasiga qo’yilgan qiyinchiliklar va hatto erkaklar ham bardosh bera olmaydigan sinovlar tagidadir. Shuning uchun onalarga mehr-muhabbat ko’rsatish, ulardan minnatdar bo’lish har bir kishi uchun zarurdir va shu masalada ular har doim otadan birinchi qo’yiladi. Alloh subhanahu va taolo aytadiki: 
”Biz ota-onasini(ya’ni ularga yaxshilik qilishini) amr etdik. Onasi unga ojizlik ustiga ojizlik bilan homilador bo’ldi(ya’ni qornidagi homila kattargan sari onaning madori qurib, zaiflasha borur), uni(ko’krakdan) ajratish(muddati) ikki yilda (kelur). (Biz insonga buyurdikki):”Sen Menga va ota-onagga shukr qilgin!Yolg’iz O’zimga qaytajaksan”. Luqmon surasi 31:14
Nom: Re: ISLOM VA AYOL
Yuborildi: Muhammad Amin 10 Oktyabr 2009, 06:48:00
Alloh subhanahu va taolo yana aytadiki:
 
”Biz insonni ota-onasiga yaxshilik qilishga buyurdik.Onasi unga qiynalib homilador bo’lib,qiynalib tuqqandir. Unga homilador bo’lish va uni(sutdan) ajratish muddati o’ttiz oydir.” Al-Ahqof surasi 46:15
Nom: Re: ISLOM VA AYOL
Yuborildi: Muhammad Amin 10 Oktyabr 2009, 06:48:33
 Bir kuni Rasululloh (sallallahu alayhi vasallam)ning oldilariga bir kishi kelib shunday dedi:
“Ey, Rasululloh! Insoniyat ichida (orasida) kim menga eng yaqin do’st bo’la oladi?” U(sallallahu ’alayhi va sallam) javob berdilar:
“Onang.” Shunda haligi kishi so’radi:
“Keyin kim?” Javob berdilar:
“Onang.” Keyin yana so’radi:
“Keyin kim?” Dedilar:
“Onang.” Yana so’radi:
“Keyin kim?” Shunda dedilar:
“Otang.”
[Al-Buxoriy (#5971) va Muslim (7/2) tomonidan jamlandi; Abu Hurayrah (radiyallaahu ‘anhu)dan.]
Nom: Re: ISLOM VA AYOL
Yuborildi: Muhammad Amin 10 Oktyabr 2009, 06:51:03
Bundan shunday xulosa kelib chiqadiki, ona uchun otaga nisbatan uch marotaba ko’proq yaxshilik va hushmuomalalik ko’rsatish kerak.
Zavja va uning har bir qalbni sokin va hotirjam qila olishiga kelsak, bu haqda quyidagi oyatda yaqqol tushintirilgan:
 
“Uning oyatlaridan (yana biri) – U zot sizlar hamdam bo’lishlaringiz uchun o’zlaringizdan juftlar yaratishi va o’rtalaringizda oshnolik va mehr-muhabbat paydo qilishidir. Albatta, bunda tafakkur qiladigan qavm uchun oyat-ibratlar bordir”. Rum surasi 30:21
Nom: Re: ISLOM VA AYOL
Yuborildi: Muhammad Amin 10 Oktyabr 2009, 06:51:34
Al-Hofiz Ibn Kasir (vafoti 774 H.) (rahimahullah) yuqoridagi oyatda uchraydigan “muvaddah” va “rahmah” so’zlarini tushuntirayotganda shunday dedilar:
“Al-muvaddah muhabbat va oshnolik degani, ar-rahmah mehr-muhabbat va rahm degani. Erkak kishi ayolni unga bo’lgan muhabbati, oshnoligi, yoki rahmi kelganidan oladi va o’zidan unga bola qoldiradi…” [Al-Hofiz ibn Kasirning Qur’oni Karim tafsiri.]
 Payg’ambarimiz (sallallahu ‘alayhi vasallam) birinchi bor Hiro g’orida Jabroil (alayhis salom)ni ko’rganlarida vahimaga tushganlar. Shunda ayollari Xadicha (radiyallaahu ‘anhaa) ularni ovutishda katta hissalarini qo’shganlar. Qur’on birinchi nozil bo’la boshlaganda Payg’ambarimiz (sallallahu ‘alayhi vasallam) Xadicha (radiyallaahu ‘anhaa) oldilariga titrab-qaqshagan holda kelib, shunday deganlar:
“Meni o’ra! Meni o’ra!”
Shunda Xadicha (radiyallaahu ‘anhaa) toki Payg’ambarimiz (sallallahu ‘alayhi vasallam)ning qo’rquvlari tarqaguncha o’rab o’tirdilar. Payg’ambarimiz (sallallahu ‘alayhi vasallam) bo’lgan voqeani boshdan oyoq gapirib berganlaridan so’ng dedilar:
“Menga bir narsa bo’lishi mumkin deb qo’rqayapman.”
Shunda Xadicha (radiyallahu ‘anhaa):
“Hech ham! Alloh nomi bilan aytaman, U(Alloh) seni hech qachon yolg’izlatib qo’ymaydi. Sen qarindosh-urug’lar bilan yaxshi munosabatingda, qashshoq va nochorlarga yordam berishda, mehmonlaringga yahshi hizmat qilib qiyinchiliklarga uchraganlariga yordam qo’lini cho’zishda davom etaver.” [Al-Buxoriy (1/22) va Muslim (1/139) tomonidan jamlandi; Oysha (radiyallahu ‘anhaa) ning uzun rivoyatlaridan.]
Nom: Re: ISLOM VA AYOL
Yuborildi: Muhammad Amin 10 Oktyabr 2009, 06:52:10
Bundan tashqari, Oysha (radiyallahu ‘anhaa) ni ham yoddan ko’tarmaylik. Hatto payg’ambarimiz (sallallahu ‘alayhi vasallam) ning eng buyuk hamrohlari ham hadis bilimlarini shulardan olishgan. O’sha davrdagi ayollar bo’lsa ayollar masalalari xususida ulardan(Oysha onamizdan) ko’p narsa o’rganganlar.
Ishonchim komilki, onam - unga Allohning rahmati yog’ilsin - meni o’qishga, bilim olishga undab, menga juda katta yordam ko’rsatgan. Allohning o’zi uning oxiratini obod qilib, menga qilgan yaxshiliklari uchun unga mukofotlarning eng buyugini in’om etsin.

Yana ishonch bilan aytamanki, yaxshiliklarga, mehr-muhabbatga va to’g’ri islomiy tarbiyaga boy bo’lgan honadonlarni odam uchun ta’siri katta. Allohning xohishi bilan u, xoh bilim olish, savdo-sotiq yoki boshqa yo’l bilan tirikchilik qilish orqali istagan masalasida omadi chopadi. Shuning uchun men faqat Allohdangina bizga omad berishini va O’zi uchun ma’qul bo’lgan yo’lga boshlashini so’rayman. Payg’ambarimiz (sallallahu ‘alayhi vasallam), ularning oilalari, hamrohlari va ergashuvchilariga Allohning marhamatlari yog’ilsin.
Nom: Re: ISLOM VA AYOL
Yuborildi: Muzayyana 10 Oktyabr 2009, 11:51:32
(http://i058.radikal.ru/0910/68/4d32ae6087b6.jpg) (http://www.radikal.ru)
(Bugungi kundan lavhalar) Автобус. Одам кўп, радиодан “Сен ҳамиша муқаддассан, муқаддас Аёл!”, хонанда хиргойиси қўлоққа чалинади. Кўчани кузатаман. Бозор, йўл четида бир тўда аёллар. Келиб тухтаган машинанинг ёнига югурушади. Ҳайрат, аввал бу касбни эркаклар қилишарди, энди аёллар... бу аёллар тўдасида ёш қизлар ҳам, катта ёшли аёллар ҳам бор. Баъзиси базмга кетишга ҳозирлангандек, ясан тусан қилиб олган, баъзиси эса қишлоқ аёлига хос соддалик билан турибди.

Вой, бирам кўпайиб кетди булар, - дейди кимдир.
Ҳа, айтманг, аслида нима иш қилишини ҳамма билади.
Иш баҳона…
Қандай “айри” бир иш эканки, сўзловчининг овозида жирканиш оҳанги бор? Бекатда тушаман, орқага юриб, ўша аёллар тўдасига яқинлашаман.

Ҳа, синглим қандай ишчи қидираяпсиз? Ёнимга бир қанча аёллар тизилиб туришади.
Менга ишчи керак эмас, фақат бу ерда нимага тўпланиб турганларингга қизиқдим, холос.
Вой нимага тўпланардик, қишлоқда иш йўқ, пул йўқ. Шунинг учун уй-жойимизни ташлаб шу ерда юрибмиз, - дарров ўзини оқлашга тушади бири.
Бир сўм икки сўм топамизми, деб юрибмиз. Сизга яхши шаҳарда турасиз, бу ерда “любой” ишдан пул қилса бўлади, - дея сўзга аралашади иккинчи аёл. Ҳайрон бўламан, шунча пулга бой шаҳарда юрган эканману, шуни билмаган эканман-а.
Худдики ҳамма пулларни ўзимга олиб, уларни пулсиз қолдиргандек қарашади. Ўзимни бироз айбдордек ҳис қиламан, бунга аёлларга нисбатан ачиниш ҳам қўшилади.

Фарзандларингиз борми? – суроққа тутаман тўда ичидаги бир аёлни.
Ҳа, 4 фарзандим бор.
Ҳозир улар қаерда?
Қишлоқда.
Ким қарайди уларга.?
Ўзларини ташлаб келганман. Қариндош уруғлар кўз қўлоқ бўлиб туришади.
Эрингиз йўқми?
Бор, лекин Россияга ишлагани кетган.
Бу ерда айрича бир иш қилишади деб эшитгандим, Ñ‚Ñžғрими шу?
Ҳа, баъзи аёлларлар шунақа ёмон ишлар ҳам қилашади. Аммо мен эмас, - лекин аёл бу сўзларни айтар экан кўзларини яширади.
Яна бир иккитаси билан сўзлашаманда, улар олдидан узоқлашаман. Бекатга ўтганимда мени кузатиб турган бир онахон ёнимга келади, бироз суҳбатлашамиз.

Эх, болам, пул йўқ бўлса нима қилай деб ўзига баҳона қилади холос. Мана уруш замонларида ўша пайт ҳам тузук-қуруқ пул йўқ эди. Одамлар бир коса ун учун ишлашарди. Ҳалигидай “бир магизни 40 бўлиб еган”миз. Лекин ҳеч бир аёл мана шундай қилиб кўчага чиқиб пул топаман деган эмас. Бир эркакка қўл бериб сўрашсанг уят бўларди, буларни туришини қара. Яна уялмасдан етти Ñ‘Ñ‚ бегона киши билан мошинага ўтирадида бемалол кетаверади.
Ризқни берган Аллоҳ, тўкин сочин ер бўлса, помилдори эк, буғдой эк, очингдан ўлмайсан. Сув бўлса бор, ер бўлса бор. Мол, қўй боқ, гўшт бўлади. Болаларингга тарбия бер. Аслида ҳамма гап мана шу аёлларнинг дангасалигида! Бу ерга келсаю, бировдан тезгина бир икки минг сўм топсаю, кейин таралла бедод қилиб юрса. Топганини гаштагу, туйда сочиб мақтанса. Эй замон ўзгарди, аёлларда қаноат-сабр деган нарсалар камайиб кетди.
Онахон сўзларини тугатиб келган автобусга чиқиб кетдилар. Мен эса бу “айри”ча ишчиларга узоқ тикилиб турдим. Энди уларга ачиниш билан эмас ижирғаниш билан боқардим. Ҳақиқатан ҳам ёнига келган эркаклар билан худди “бирга ош еган ошна”сидек гаплашишарди. Ҳа, аёл имондан узоқлашибсан, деб ўйлаб қўяман. Автобусга чиқар эканман, радиода яна “Сен ҳамиша муқаддассан, муқаддас Аёл!” куйи таралади. Ҳаёлимда шу сўзлар чарх уради: “Эҳ, Аёл, Исломдан узоқлашган, ўз қадрини кундан кун йўқотиб бораётган Аёл, номинг улуғу, аммо...

Мадина ЗАРИПОВА
Nom: Re: ISLOM VA AYOL
Yuborildi: Muhammad Amin 05 Noyabr 2009, 07:20:19
al-Hamdu-Lillaahi Rabbil-'Aalameen was-Salaatu was-Salaamu 'alaa Ashrafil-Anbiyaa.e wal-Mursaleen, wa ba'd:

Islomdagi ayol va qizlarning o’rni juda ham yuqori, buyuk va ularning har bir musulmon hayoti uchun ta’siri juda kattadir. Darhaqiqat, muslima ayol haqgo’y jamiyat qurishdagi boshlang’ich o’qituvchi.
U Qur’onning hidoyati va Rasululloh (sallallahu ‘alayhi vasallam)ning sunnatlari ketidan ergashadi. Qur’onga va sunnatlarga sodiqlik kishini, xoh ayol bo’lsin, xoh erkak, adashishdan saqlaydi. Ba’zi bir halqlarning to’g’ri yo’ldan adashishlari va noto’g’ri yo’lga kirib ketishlari Alloh (subhanahu wa taolo) va Uning payg’ambarlari (alayhis salam)dan uzoqda bo’lganidan boshqa sabab orqali kelib chiqmaydi. Payg’ambarimiz (sallallahu ‘alayhi vasallam) aytganlar:

“Men o’zimdan keyin ikkita masala(narsa) qoldirib ketayapman- Qur’on va mening sunnatlarim. Kimki shularga qattiq chirmashsa qoqilmagay(adashmagay).” [Hasan: Maalik tomonidan al-Muvatta (2/899) va al-Haakimda (1/93) jamlandi; Ibn ‘Abbaas (radiyallaahu ‘anhu)dan.]
Nom: Re: ISLOM VA AYOL
Yuborildi: Muhammad Amin 05 Noyabr 2009, 07:21:39
Muslima ayolning mavqeyi- xoh xotinlik, opa-singillik, qizlik va xoh unga berilishi kerak bo’lgan huquqlar yoki undan talab qilinadigan huquqlar tarzida bo’lsin- Qur’oni karim va Rasululloh (sallallahu ‘alayhi vasallam)ning sunnatlarida yaqqol tushuntirilgan.
Uning (ayolning) muhimligining siri unga yuklangan bahaybat bir yuk, javobgarlik, yelkasiga qo’yilgan qiyinchiliklar va hatto erkaklar ham bardosh bera olmaydigan sinovlar tagidadir. Shuning uchun onalarga mehr-muhabbat ko’rsatish, ulardan minnatdar bo’lish har bir kishi uchun zarurdir va shu masalada ular har doim otadan birinchi qo’yiladi. Alloh subhanahu va taolo aytadiki: 
”Biz ota-onasini(ya’ni ularga yaxshilik qilishini) amr etdik. Onasi unga ojizlik ustiga ojizlik bilan homilador bo’ldi(ya’ni qornidagi homila kattargan sari onaning madori qurib, zaiflasha borur), uni(ko’krakdan) ajratish(muddati) ikki yilda (kelur). (Biz insonga buyurdikki):”Sen Menga va ota-onagga shukr qilgin!Yolg’iz O’zimga qaytajaksan”. Luqmon surasi 31:14
Nom: Re: ISLOM VA AYOL
Yuborildi: Muhammad Amin 05 Noyabr 2009, 07:22:55
Alloh subhanahu va taolo yana aytadiki:
 
”Biz insonni ota-onasiga yaxshilik qilishga buyurdik.Onasi unga qiynalib homilador bo’lib,qiynalib tuqqandir. Unga homilador bo’lish va uni(sutdan) ajratish muddati o’ttiz oydir.” Al-Ahqof surasi 46:15

 Bir kuni Rasululloh (sallallahu alayhi vasallam)ning oldilariga bir kishi kelib shunday dedi:
“Ey, Rasululloh! Insoniyat ichida (orasida) kim menga eng yaqin do’st bo’la oladi?” U(sallallahu ’alayhi va sallam) javob berdilar:
“Onang.” Shunda haligi kishi so’radi:
“Keyin kim?” Javob berdilar:
“Onang.” Keyin yana so’radi:
“Keyin kim?” Dedilar:
“Onang.” Yana so’radi:
“Keyin kim?” Shunda dedilar:
“Otang.”
[Al-Buxoriy (#5971) va Muslim (7/2) tomonidan jamlandi; Abu Hurayrah (radiyallaahu ‘anhu)dan.]
Nom: Re: ISLOM VA AYOL
Yuborildi: Muhammad Amin 05 Noyabr 2009, 07:24:08
Bundan shunday xulosa kelib chiqadiki, ona uchun otaga nisbatan uch marotaba ko’proq yaxshilik va hushmuomalalik ko’rsatish kerak.
Zavja va uning har bir qalbni sokin va hotirjam qila olishiga kelsak, bu haqda quyidagi oyatda yaqqol tushintirilgan:
 
“Uning oyatlaridan (yana biri) – U zot sizlar hamdam bo’lishlaringiz uchun o’zlaringizdan juftlar yaratishi va o’rtalaringizda oshnolik va mehr-muhabbat paydo qilishidir. Albatta, bunda tafakkur qiladigan qavm uchun oyat-ibratlar bordir”. Rum surasi 30:21
Nom: Re: ISLOM VA AYOL
Yuborildi: Muhammad Amin 05 Noyabr 2009, 07:25:56
Al-Hofiz Ibn Kasir (vafoti 774 H.) (rahimahullah) yuqoridagi oyatda uchraydigan “muvaddah” va “rahmah” so’zlarini tushuntirayotganda shunday dedilar:
“Al-muvaddah muhabbat va oshnolik degani, ar-rahmah mehr-muhabbat va rahm degani. Erkak kishi ayolni unga bo’lgan muhabbati, oshnoligi, yoki rahmi kelganidan oladi va o’zidan unga bola qoldiradi…” [Al-Hofiz ibn Kasirning Qur’oni Karim tafsiri.]
 Payg’ambarimiz (sallallahu ‘alayhi vasallam) birinchi bor Hiro g’orida Jabroil (alayhis salom)ni ko’rganlarida vahimaga tushganlar. Shunda ayollari Xadicha (radiyallaahu ‘anhaa) ularni ovutishda katta hissalarini qo’shganlar. Qur’on birinchi nozil bo’la boshlaganda Payg’ambarimiz (sallallahu ‘alayhi vasallam) Xadicha (radiyallaahu ‘anhaa) oldilariga titrab-qaqshagan holda kelib, shunday deganlar:
“Meni o’ra! Meni o’ra!”
Shunda Xadicha (radiyallaahu ‘anhaa) toki Payg’ambarimiz (sallallahu ‘alayhi vasallam)ning qo’rquvlari tarqaguncha o’rab o’tirdilar. Payg’ambarimiz (sallallahu ‘alayhi vasallam) bo’lgan voqeani boshdan oyoq gapirib berganlaridan so’ng dedilar:
“Menga bir narsa bo’lishi mumkin deb qo’rqayapman.”
Shunda Xadicha (radiyallahu ‘anhaa):
“Hech ham! Alloh nomi bilan aytaman, U(Alloh) seni hech qachon yolg’izlatib qo’ymaydi. Sen qarindosh-urug’lar bilan yaxshi munosabatingda, qashshoq va nochorlarga yordam berishda, mehmonlaringga yahshi hizmat qilib qiyinchiliklarga uchraganlariga yordam qo’lini cho’zishda davom etaver.” [Al-Buxoriy (1/22) va Muslim (1/139) tomonidan jamlandi; Oysha (radiyallahu ‘anhaa) ning uzun rivoyatlaridan.]
Nom: Re: ISLOM VA AYOL
Yuborildi: Muhammad Amin 05 Noyabr 2009, 07:30:30
Bundan tashqari, Oysha (radiyallahu ‘anhaa) ni ham yoddan ko’tarmaylik. Hatto payg’ambarimiz (sallallahu ‘alayhi vasallam) ning eng buyuk hamrohlari ham hadis bilimlarini shulardan olishgan. O’sha davrdagi ayollar bo’lsa ayollar masalalari xususida ulardan(Oysha onamizdan) ko’p narsa o’rganganlar.
Ishonchim komilki, onam - unga Allohning rahmati yog’ilsin - meni o’qishga, bilim olishga undab, menga juda katta yordam ko’rsatgan. Allohning o’zi uning oxiratini obod qilib, menga qilgan yaxshiliklari uchun unga mukofotlarning eng buyugini in’om etsin.

Yana ishonch bilan aytamanki, yaxshiliklarga, mehr-muhabbatga va to’g’ri islomiy tarbiyaga boy bo’lgan honadonlarni odam uchun ta’siri katta. Allohning xohishi bilan u, xoh bilim olish, savdo-sotiq yoki boshqa yo’l bilan tirikchilik qilish orqali istagan masalasida omadi chopadi. Shuning uchun men faqat Allohdangina bizga omad berishini va O’zi uchun ma’qul bo’lgan yo’lga boshlashini so’rayman. Payg’ambarimiz (sallallahu ‘alayhi vasallam), ularning oilalari, hamrohlari va ergashuvchilariga Allohning marhamatlari yog’ilsin.
Nom: Re: ISLOM VA AYOL
Yuborildi: ossiyobinti 05 Noyabr 2009, 17:00:23
Ey, insonlar, hammangizni bir jondan yaratgan va undan o’z juftini ham yaratgan va shu juftlardan jamiki erkaklar va ayollarni tarqatgan Parvardigoringizdan qo’rqinglar”. (Niso surasi, 1-oyat)
Nom: Re: ISLOM VA AYOL
Yuborildi: Mahdiyah 04 Noyabr 2012, 11:44:44
(http://cs304301.userapi.com/u163332635/-7/x_96b5f28a.jpg)
Nom: Javob: ISLOM VA AYOL
Yuborildi: MUSLIM_uz 05 Avgust 2013, 20:16:44
islom dinimzda ayol kiwini mawina miniwiga ulamolarizmz qanday patvo berwgan iloj bulsa aniq malumot bersangz iltimos!