ZiyoUz - Haqiqiy o'zbekona forum

Jamiyat va inson => Salomatlik => Mavzu boshlandi: Farida 25 Mart 2008, 09:32:40

Nom: Oyoq tomiri nega tortishadi?
Yuborildi: Farida 25 Mart 2008, 09:32:40
ОЁҚ ТОМИРИ НЕГА ТОРТИШАДИ?

Оёқ томири тортишиши сиртдан қараганда енгил хасталикка ўхшайди. Аммо у баъзи сурункали касаллик белгиси бўлиши ҳам мумкин. Умуман оёқ томири турли, яъни қон томир, умуртқа поғонаси бўғимларида туз йиғилганда, бод (ревматизм), склероз, асаб хасталикларида, организмнинг мускул ҳужайраларига микроэлемент кальций тузи етишмаслигидан тортишади.

Мускул ҳужайраларида модда алмашинуви, сув ҳамда туз мувозанатларининг бузилиши, айниқса қаттиқ жисмоний меҳнат қилган пайтда моддалар алмашинувидан сўнг пайдо бўладиган айрим чиқиндилар ҳам томир тортишишига сабаб бўлади.

Айрим ҳолларда спиртли ичимликлар ичиш, тамаки, нос чекиш оқибатида ҳам томир тортишади.
Nom: Re: Oyoq tomiri nega tortishadi?
Yuborildi: Farida 25 Mart 2008, 09:33:51
Тортишиш асосан мускулларда кузатилади, бунда болдир мушаги қисқариб, тошдек қаттиқ бўлиб қолади ва оғрийди. Бу оғриқ шунчалик қаттиқ бўладики, ўтирган одам ўрнидан туришга ҳаракат қилади, уйқуда бўлса уйғониб кетади ва оғриётган жойни силашга тушади, қисқарган мускул секин-аста бўшашади. Лекин баъзи томир тортиши оғриғи бир неча кунгача давом этади ҳам. Шунингдек, оёқ мускулининг битта ёки бир неча жойида қисқа вақÑ‚ томир тортишади. Бу асосан жисмоний чарчаш натижасида юз бериши мумкин. Бунда оғриқ унчалик қаттиқ бўлмайди.

Баъзи ҳолларда соппа-соғ одам пиёда кўп юрса, айниқса оёғини бирдан совуқ сувга солганда томири тортишади, аммо бундан сира чўчимаслик керак, негаки бу жуда тез ўтиб кетади. Тортишиш оёқ совуқ қотганда ҳам бўлади. Бундан ташқари дарёда, анҳорда чўмилганда томир тортишиб, кутилмаганда оғир аҳволга, ҳатто чўкиб кетишгача олиб келади. Шунинг учун имкон қадар чуқур ҳавзали жойларда камроқ чўмилиш керак. Имкон қадар булоқ сингари сув ҳавзаларида кўп ўтириш, сузиш ҳам мақсадга мувофиқ эмас.
Nom: Re: Oyoq tomiri nega tortishadi?
Yuborildi: Farida 25 Mart 2008, 09:34:40
Агар инсон ўтирганда, юрганда томири тортишиб қолса, бир қўли билан оёқ панжаларини ёзиб, болдир мускулларини аста-секин пастга томон қараб силаш лозим. Шунда тортишиш аста бўшашади ва асл ҳолига қайтади.

Мободо ётган жойда томир тортишса, дарҳол ўрнингиздан туриб, томир тортишган оёғингизни ёзинг, сўнгра товонни қаттиқ, текис жойга ёки полга тираб, болдир мускулларини силанг. Дарвоқе, сувда чўмилаётган пайтда эса, бирдан оёқ томири тортишса, дарҳол сузишни тўхтатиб, қирғоққа чиқиш лозим.

М.Ахунбоева,
3-болалар поликлиникаси шифокори.

Экспресс Инфо
Nom: Re: Oyoq tomiri nega tortishadi?
Yuborildi: The_Alchemist 12 Oktyabr 2008, 18:52:23
Judayam yaxshi maqola ekan, iloji bulsa kuproq malumotlar berib borilsa...

The Alchemist
Nom: Re: Oyoq tomiri nega tortishadi?
Yuborildi: yoqutxon 12 Sentyabr 2010, 15:41:39
Tomir tortishishining oldini olish uchun umumiy tavsiyalar quyidagicha : kun tartibiga amal qiling, keskin jismoniy yuklamalar, kuchli hayajondan qoching va tabiiy tinchlantiruvchi preparatlarni qabul qiling (uxlashdan oldin pustirnik, valeriana, yalpizli va jo'kali (lipoviy) damlama qabul qilish lozim). Agar tomir tortishishi onda-sonda xuruj qilib, tezda o'tib ketsa, unda bunga organizmdagi mineral-tuz muvozanatining buzilishi sababchi bo'lgan bo'lishi mumkin. Bu holatda ko'proq sut mahsulotlarini (ularda kaltsiy moddasi ko'p), banan, apelsin, o'rik (kaliy manbalari), yashil sabzavot va mevalarni va kepakli nonlarni (ular organizmga magniy soddasini yetkazib beradi) iste'mol qiling.

Agar xastalik sababi haqiqatan ham mineral muvozanatning buzilishida bo'lsa, yuqoridagi ratsionga amal qilsangiz, bir-ikki haftadan keyin tomir tortishishi qoladi va u sizni bezovta qilmaydi.
Nom: Re: Oyoq tomiri nega tortishadi?
Yuborildi: yoqutxon 12 Sentyabr 2010, 15:56:16
Agar oyoqlaringizdagi tomirlar tez-tez tortishsa. Mustaqil ravishda quyidagi muolajalarni bajarishingiz mumkin :  to'satdan oyoqda tomir tortishishi boshlanganini his qilsangiz, karavotga o'tiring, oyoqlaringizni pastga tushiring va o'rningizdan turing. Bu paytda oyog'ingiz tagida yumshoq gilamcha emas, balki salqin pol bo'lgani yaxshi. Bir necha soniyadan so'ng oyoqlarning sezgirligi yana tiklanadi. Shuningdek oyog'ingizning uvushib qolgan joyini yengilgina chimchilash, boldirlarni shapatilash, tovonlarni uqalash, oyoqlarni biroz ko'tarish ham mumkin. Ko'tarilgan oyoqlarni taxminan 60 gradus burchakda ushlab turing. Bunday holat qon aylanishini yaxshilaydi va tomir tortishishi takrorlanishining oldini oladi.

- oyoq barmoqlarini buking , ularni 10 gacha sanaguncha shu holda ushlab turi ng , keyin esa to'g'ri holatga keltirib yana 10 gacha sana ng ;
(http://s45.radikal.ru/i108/1009/fd/9e664aba9e93.jpg) (http://www.radikal.ru)