ZiyoUz - Haqiqiy o'zbekona forum

Jamiyat va inson => Salomatlik => Tibbiy kutubxona => Mavzu boshlandi: AbdulAziz 19 Aprel 2010, 12:31:22

Nom: Sedana barcha dardlarga shifo
Yuborildi: AbdulAziz 19 Aprel 2010, 12:31:22
Sedana barcha dardlarga shifo

(http://ziyouz.com/images/books/sedana.jpg) (http://www.ziyouz.com/index.php?option=com_remository&Itemid=57&func=fileinfo&id=721)

To'plovchi: Ahmad Muhammad Tursun
Hajmi: 165 Kb
Fayl tipi: pdf, zip
(http://www.ziyouz.com/components/com_remository/images/download_trans.gif) Saqlab olish (http://www.ziyouz.com/index.php?option=com_remository&Itemid=57&func=fileinfo&id=721)
Online o'qish (http://forum.ziyouz.com/index.php?topic=4615.0)
Nom: Re: Sedana barcha dardlarga shifo
Yuborildi: Ansora 19 Aprel 2010, 20:15:53
СЕДАНА
БАРЧА ДАРДЛАРГА
ШИФО


Тўплаб, нашрга тайёрловчи:
Аҳмад Муҳаммад ТУРСУН

«Voris» нашриёти
Тошкент
2007 йил


Дардни берган Парвардигор унинг шифосини ҳам берган. Шифони эса асосан набототда, ҳайвонотда ва табиат қўйнидаги бошқа неъматларда қилиб қўйган. Ана шундай шифобахш неъматлардан бири юртимизда ҳам кўп учрайдиган седанадир. Ҳадиси шарифда седана ўлимдан бошқа барча хасталикларга шифодир, дейилган. Ушбу китобчада седананинг хосияти, седана ва унинг Ñ‘ғи қандай касалликларга шифо бўлиши, халқ табобатида уни қўллаш усуллари ҳақида сўз юритилади.

Nom: Re: Sedana barcha dardlarga shifo
Yuborildi: Ansora 19 Aprel 2010, 20:17:10
СЕДАНА ҚАНДАЙ ЎСИМЛИК?

Ўзбекчада седана, арабчада шуниз, форсчада "сиёҳдона", яъни қора дона, русчада чернушка посевная, лотинчада Nigella sativa деб аталади. Седана ўлимдан бошқа барча хасталикларга шифодир, бу ҳақда Пайғамбаримиз Муҳаммад алайҳиссаломдан ҳадиси шариф ривоят қилинган.
Седана бўйи 70 сантиметрга борадиган бир йиллик ўт ўсимликдир. Пояси текис, юмалоқ, тукдор, тик қадли бўлиб, баргалари 2-3 сантиметр узунликда патсимон бўлинган, Поячанинг пастки барглари бандли, устки барглари бандсиз, кетма-кет ўрнашган бўлади. Гуллари йирик, 5-8 гулбаргларга эга. Улар шохчаларнинг учида алоҳида-алоҳида жойлашган. Меваси ғилофли баргча. Уруғлари уч қиррали, ғадир-будур, қўнғир ёки қора доначалардир.
Седана май-июн ойларида гуллайди, уруғлари июл-августда етилади. Седана меваси пишиб етй-лишига яқин қолганда ўриб олинади. Уни яхшилаб қуритиб, янчиб, уруғлари элакдан ўтказилади ва қуруқ жойларда сақланади.
Седана таркибида 0,4-1,5 фоиз эфир мойқ 40 фоизгача Ñ‘ғ, мелантин ва нигеллин гликозидлари бор.
Седанадан шарқ халқлари тадбиркорлик билан фойдаланиб келишган. У кўпинча куядори сифатида ҳам қўлланилган. Седананинг сирка билан аралашмаси ҳуснбузарларни, ўсмаларни йўқотишда ишлатиб келинган.
Буюк хозиқ табиб Абу Али ибн Сино седана билан айрим кўз касалликларини даволаган. Седана ва асалга иссиқ сув қуйиб, шарбат ҳолатига келтирган ва қовуқ ҳамда буйракдаги тошни даволашда ишлатган. Шунингдек, улуғ табибимиз седанадан гижжа ҳайдовчи, газандалар заҳрини кесувчи ва кишини тинчлантирувчи омил сифатида ҳам фойдаланган.
Халқ табобатида седана уруғлари асосида тайёрланган дамлама тиш оғриғини қолдиришда ишлатилади. Шунингдек, у меъда оғриқларида ҳам тавсия этилади.
Седана ўзбек пазандачилигида ҳам қўлланилади, уни нон устига сепилади, бу нонни чиройли қилибгина қолмай, шифобахш дори сифатида ҳам ҳар куни истеъмол қилинади. Бундан ташқари седана зиравор сифатида ҳам ишлатилади. Бодринг, карам, тарвузларни тузлашда ундан фойдаланиш мумкин.
Шуни айтиб ўтиш керакки, айрим жойларда уни хушманзара ўсимлик сифатида ҳам экишади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:18:04
СЕДАНАНИНГ ФОЙДАСИ

"Тибби Набавий" (Пайғамбаримиз табобатлари)да келтирилишича, "Седана билан нон бодларни суради. Бошнинг ярми оғришини ва ич кетишини тўхтатади. Юзнинг қийшайиши, сакта, қийналиб ва босинқираб ухлаш, хотира фаромушлиги, бош айланиши, кўз тиниши ва кўз олдининг қоронғилашуви каби хасталикларда седана жуда фойдалидир".

Nom: Re: Sedana barcha dardlarga shifo
Yuborildi: Ansora 19 Aprel 2010, 20:18:38
* * *

Жолинус ҳаким унинг фойдалари ҳақида бундай деган: "Седананинг фойдаси кўпдир:
Қориндаги дамни ҳайдайди.
Меъдадаги қуртларни ўлдиради.
Кўзда пайдо бўлган сувни даф қилади.
Агар уни товада қовуриб, латтага олиб ҳидласа, зуком хасталиги (грипп) да фойда қилади.
Агар майдалаб эзиб, пешонага боғланса, бош оғриғини қолдиради.
Сурма каби кўзга суртилса, унинг қизиллигини кетказади.
Агар сирка билан қўшиб боғланса, обила (қадоқ)ни кетказади.
Қичима касалида ёрдами тегади. Балғамли шишларни қайтаради.
Эмизикли она седана еса, сутини келтиради ва пешобни суради.
Уиинг мойи инсонни ёшартиради, соқол ва сочнинг ўсишини тезлаштириб, рангини қорайтиради.
У танадаги заҳарларни тортиб олиш хусусиятига эга.
Седана шаҳват қувватини орттиради".
Nom: Re: Sedana barcha dardlarga shifo
Yuborildi: Ansora 19 Aprel 2010, 20:19:30
* * *

Атоқли олимлардан Муҳйиддин ал-Арабий айтади: "Амалдорлардан бири жузом (мохов) касалига дучор бўлган эди. Табиблар унинг дардига чора юполмай, бу дардга даво йўқ, дейишди. Иймони мустаҳкам, суннатга комил ихлос қўйган бир киши Пайғамбар алайҳиссаломнинг "Седана барча дардларга шифодир", деган ҳадисларини далил ўлароқ келтириб,табибларпииг сўзларини инкор қилди. У седана ва асални қўшиб, дори тайёрлади ва беморни муолажа қила бошлади. Табиблар амалдорнинг тез шифо топганига ҳайратда қолишди".

Nom: Re: Sedana barcha dardlarga shifo
Yuborildi: Ansora 19 Aprel 2010, 20:20:12
ИБН СИНО СЕДАНА ҲАҚИДА

Улуғ ҳаким Абу Али ибн Синонинг "Тиб қонун» лари" китобида (2-жилд, 590-591-бетлар) седананинг хоссалари ва давоси ҳақида шуидай ёзилган:
Седананинг табиати учинчи даражада иссиқ ва қуруқдир. У ўткир балғам кўчирувчи, тозаловчи, ел ва дамни шимдирувчидир. Хусусан унинг тозалаш хусусияти етарли даражададир.

* * *

Седана зийнат бобида осилиб турувчи сўгалларни, холларни, доғни, айниқса песни кетказади.

* * *

Шиш ва тошмаларда уни сирка билан қўшиб, "сутли тошмалар"га босилади. У шиллиқли ва қаттиқ ўсмаларни ҳам шимдириб йўқотади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:21:18
* * *

Жароҳат ва яраларда сирка билан қўшиб, шилимшиқ яраларга ва ярага айланган қўтирга қўйилади.

* * *

Бош аъзоларида бўладиган турли хасталикларга ҳам седана энг яхши даводир. Масалан, у тумовга фойда қилади, айниқса унинг қовурилганини каноп латтага ўраб ишлатса, фойдаси катта.

* * *

Седанани совуқ бош оғриғи билан касалланган кишининг пешонасига суртилса, шифо бўлади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:22:44
* * *

Агар уни кечаси сирка билан ивитиб қўйиб, эрталаб янчилса ва касалнинг бурнига торттирилса ҳамда касал уни ҳидлаши учун бурни олдига қўйилса, сурункали бош оғриқлари ва юз фалажида фойда қилади.


* * *

Седана ғалвирсимон суякдаги тиқилмаларни очишда жуда яхши воситадир.

* * *

Унинг сиркада қайнатилгани билан, айниқса санавбар чўпи билан бирга қайнатилгани билан оғиз чайқалса, тиш оғриғига яхши фойда қилади.

Nom: Re: Sedana barcha dardlarga shifo
Yuborildi: Ansora 19 Aprel 2010, 20:25:44
* * *

Кўз касалликларини даволашда ҳам у шифодир. Агар унинг янчилганини марсин дарахтининг Ñ‘ғи билан бурунга тортилса, катарактанинг бошланишини қайтаради.

* * *

Нафас ва кўкрак аъзолари касалликларида: седанани натрун билан қўшиб ичилса, "тикка нафас олиш" касаллигида фойда қилади.

* * *

Чиқариш аъзолари касалликларида: седана ингичка гижжани ва қовоқ уруғига ўхшаш гижжани ўлдиради; бир неча кун киндикка суртиб юрилса, ҳайз қонини юриштиради. Уни асал ва иссиқ сув га қўшиб ичирилса, қовуқ ва буйракдаги тошларга фойда қилади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:27:06
* * *

Иситмани, хусусан балғам билан савдодан бўлган иситмаларни қолдиради ва йўқ қилади.

* * *

Седананинг тутунидан газандалар қочади. Бир гуруҳ табиблар седанани кўп истеъмол қилса у ҳалок этади, дейишган. Ундан бир драхмий миқдорида ичилса, қорақурт чаққанида фойда қилади.

Nom: Re: Sedana barcha dardlarga shifo
Yuborildi: Ansora 19 Aprel 2010, 20:27:44
ҲУСАЙН ИБН БАЙРАМХОННИНГ "ТУҲФАИ ҲУСАЙНИЙ" АСАРИДАН

Иккинчидир қуруқ-иссиқ седана,
Бод кесади, жило беради яна.
Қорин қуртларини ўлдирар ҳар он,
Киши сийдигини қилади равон.
Қовурилгач уни ҳидланса агар,
Тумов учун яхши фойда келтирар.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:28:03
ҲАКИМ ДАВОИЙНИНГ "ФАВОЙИД АЛ-ИНСОН" АСАРИДАН

Қовуриб ҳидланса седана агар,
Тумоқ иллатида фойда келтирар.
Яна пес дардига фойдаси бордир,
Баҳаққа боғланса кўп нафи бордир.
Илон қони агар қўшилса унга,
Тери доғи кетар суркаса танга.
Қуруқ-иссиқликда иккинчи миқдор,
Барча заҳар учун манфаати бор.

Nom: Re: Sedana barcha dardlarga shifo
Yuborildi: Ansora 19 Aprel 2010, 20:29:02
ХАЛҚ ТАБОБАТИДА СЕДАНАНИ ҚЎЛЛАШ

Ибн Сино тавсиясига кўра, седана ва асалдан тайёрланган дамлама буйрак ва пешоб йўлларидаги тошни майдалайдиган дорига айланади. Дамлама тайёрлаш учун ярим литрли чойнакка бир чой қошиқдаги қора ёки кўк чой солиб, устига 25-35 дона седана ташланади, қайноқ сув қуйилгач оловда 3-4 дақиқа дам едирилади. Сўнг ширинликлар билан истеъмол қилинади, агар асал билан ичилса, шифобахшлиги янада кучаяди.


* * *

Қоринда димланиш ёки ел кучайиб кетса, ёки ичак йўлларини тозалаш учун седана дамламаси энг яхши шифодир. Дамламани тайёрлаш учун ярим литрли чойнакка 20-25 дона седана ташлаб, кейин бир чой қошиқ кўк чой солинади, устидан иссиқ сув қуйиб, 4-5 дақиқа оловда дам едирила-ди. Дамламани ширинлик, айниқса асал билан ичиш тавсия этилади.

* * *

Седана дамламаси овқат ҳазмини яхшилашга ҳам ёрдам беради. Бундай дамламани тайёрлаш учун ярим литрли чойнакка озгина қора чой солиб, сўнгра 20-25 дона седана ташлайсиз. Устидан қайноқ сув қуйиб, оловда 3-4 дақиқа дам едирилади. Ҳазм қилиш учун чойга ўхшатиб ичилади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:30:12
* * *

Халқ табобатида пешоб (сийдик) ҳайдовчи восита сифатида седанали чой тавсия қилинади. Буни тайёрлаш учун ярим литрли чойнакка 20-25 дона седана солинади ва озгина чой қўшиб оловда дам едирилади. Сўнгра уни чойга ўхшатиб ичилади.


* * *

Седанадан етти дона олиб уни аёл сутида бир соат ивитиб қўйиб, ундан бурунга томизилса, сариқ касаллиги ва кўз касаллигида фойда беради.

* * *

Киши танасида ҳўллик устун келса, исириқ ва седана уруғини туйиб, унга бирор хил ширинлик қўшилади ва ҳаммомга кириб, шу аралашмани баданга, бармоқлар орасига яхшилаб суртиш тавсия этилади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:31:36

* * *

Одам тумов бўлганида ҳам седанали чой ичиш яхши фойда қилади. Седанали чой тайёрлаш усулини ÑŽқорида келтириб ўтдик, фақат бунда унга кўк ёки қора чой солинишининг аҳамияти йўқлигини эслатиб қўймоқчимиз.

* * *

Иммунитет (тананинг ташқи таъсирларга дош бериши) сусайишида уни кучайтириш учун седанани янчиб, уни асалга аралаштирилади ва ҳар куни наҳорга шундан нўхатдай миқдордагисини истеъмол қилинади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:32:41
ЗУФУНУН ТАБОБАТИ СЕДАНА ҲАҚИДА

Седананинг бир марталик ичиш миқдори катталар учун 5 грамм, бир кунлиги эса 15 граммдир. Седана Ñ‘ғини истеъмол қилиш миқдори ярим маҳал (бир маҳал 4,414 грамм), бир марталиси 2,2 грамм, кунлик ичиш миқдори 6,5 граммдир.

* * *

Седана ўз мижозидан келиб чиқиб балғам хилтини кўчиради, ел ва дамни шимдиради, оқ ва қора доғларни кетказади.

* * *

Шамоллашда хозиқ табиб тавсияси билан қуриган седана уруғидан 5 грамми овқатдан олдин кунига уч маҳалдан ичилса, фойда қилади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:33:36
* * *

Соч тўкилишида (тулки касаллигида) седананинг 15 грамми 50 мл. узум сиркасида бир кунга қолдириб бўктирилади, сўнг сузиб олинган седана ҳавончада яхшилаб туйилиб, соч тўкилган жойга қўйилади.

* * *

Мижозидаги совуқлик туфайли пайдо бўлган бош оғриғида седананинг 15 грамми 50 мл. узум сиркасида бир кунга қолдириб бўктирилгач, седанаси сузиб олиниб ҳавончада туйилади ва яхшилаб сиқилса суви чиқади, шу сув 3 маҳал бурунга томизилади. Седананинг туйилганидан уч маҳал 10-14 кун давомида ичиб борилса ҳам бош оғриғида фойда қилади.

* * *

Буйракда ва қовуқда тош пайдо бўлса, седананинг туйилганидан 5 граммига 15 грамм тоғ асалини қориб, иссиқ сув билан кунига уч маҳалдан овқатдан олдин ичиш тавсия қилинади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:34:13
* * *

Қовоқ уруғига ўхшаш гижжаларда седананинг 15 грамми туйиб-майдаланиб, Абу Жаҳл тарвузи шарбати (суви) билан қуюқроқ масса тайёрланади ва кунига бир мартадан кечқурунлари киндикка қўйилади. Агар киндик атрофида қизариш бўлмаса, бу муолажа 10 14 кун давом эттирилади.


* * *

Ун каби туйилган седананинг бир миқдори эмадиган бола сийдиги билан аралаштирилиб, қуюқроқ масса гайёрланади ва сўгал чиққан жойга қўйилса, уни туширади.

* * *

Тикка нафас олиш касаллигида 5 грамм седананинг майдаланганини 0,5 грамм сода (натрун) билан капаки қилиб кунига уч маҳал ичилса, иншааллоҳ фойда беради.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:37:50
* * *

Сурункали бош оғриқларида седананинг 15 грамми 50 мл. узум сиркасида бир Қун бўктирилиб, сузиб олинган седана ҳавончада яхшилаб туйилади. Седананинг сиқиб олинган суви ҳидланса ёки пешонага суртилса, тана мижозидаги совуқлик туфайли пайдо бўлган бош оғриғидан халос қилади.

* * *

Юз фалажида седананинг 60 грамми 200 мл. узум сиркасида бир кунга бўктириб қўйилади, сўнг сузиб олинган седанани ҳавончада яхшилаб туйиб сиқилгандаги суви ҳидланса ёки бурун тагига қўйилса ёки яланса, юз фалажига шифо бўлади. Туйилган седанадан 2-5 граммдан уч маҳал истеъмол қилса ҳам мақсадга эришилади.

* * *

Седананинг туйилган 15 грамми 25 мл. узум сиркасида бир кунга қолдириб бўктирилади, сўнг шиллиқли яраларга ва яраланган қўтирларга кунига 1-2 мартадан қўйилса шифо бўлади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:40:36
* * *

Тиш оғриғида седананинг 15 грамми 50 мл. узум сиркасига бир кун бўктирилади, сўнг сузиб олинган седана ҳавончада яхшилаб туйилади-да, уни сиқилгандаги суви тиш оғриган жойга озгина пахтага шимдириб қўйилади.

* * *

Седанани туйиб, унинг 20 грамми санавбар чўпининг 25 грамми ва узум сиркасининг 100 мл. билан бирга қайнатилади, сўнгра сузилади ва оғиз чайилса, тиш ва милк оғриғига фойда қилади. Бу даво усулларини хозиқ табиб маслаҳати билан амалга оширса бўлади.

* * *

Сариқ касаллигидан сўнг бемор кўзининг оқида сариқлик сақланса, уни йўқотиш йўли шундай: седананинг 7 донаси бир кунга аёл сутида сақланиб, сўнг сузиб олинади, седанани туйиб, сиқиб олинган суви кўзга томизилса, унинг сариқлиги кетади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:42:32
СЕДАНАНИНГ ЁҒИ ҲАҚИДА

Седана Ñ‘ғининг халқ табобатида олиш усули қуйидагича: седананинг туйиб элакдан ўтказилган унидан 20 мисқоли (100 граммчаси) ва ширин бодом мағзи пўстининг ун каби туйилганидан 30 мисқоли (150 граммчаси) тагидан олов билан қиздирилган мис лаганга солиб, 5 мисқол (25 граммча) оққанд ёки шакар билан илиқ сувда биргаликда хамирга ўхшатиб ишланади, ишланиш давомида ҳосил бўлган Ñ‘ғи олинади.

* * *

Шарқ табобати маркази томонидан тавсия этилган янгича усул қуйидагича: седананинг туйиб элакдан ўтказилган унидан 100 грамми солинган идишга керакли миқдордаги узум сиркаси седанани кўмадиган қилиб қуйилади, етти кун қоронғи жойда чайқатиб-чайқатиб сақланади. Сўнгра 500 мл. зайтун Ñ‘ғи ёки ширин бодом Ñ‘ғи билан биргаликда то узум сиркаси буғланиб кетгунча буғли сувда қайнатилади, лекин бунда Ñ‘ғ доғ бўлиб кетмаслиги керак. Сўнгра сузиб олинади.

* * *

Седана Ñ‘ғи юз фалажида бурунга икки-уч ой давомида томизиб турилади.

Nom: Re: Sedana barcha dardlarga shifo
Yuborildi: Ansora 19 Aprel 2010, 20:44:22
* * *

Эмизикли онадан сут чиқишини кўпайтиради. Бунинг учун икки-уч ой давомида 2 граммдан уч маҳал ичилса ёки шу Ñ‘ғдан кўкракка суртиш керак бўлади.

* * *

Қовоқ уруғига ўхшаш ва ингичка гижжаларни ҳайдаш учун седана Ñ‘ғидан икки-уч ой давомида 2 граммдан кунига уч марта ичиб туриш тавсия этилади.

* * *

Яна шу муҳлатда шунчадан миқдорда истеъмол қилинса ва киндик ости қовуқларға суртилса, ҳайз қонини ҳайдайди ва ўлик ҳомилани туширади.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:46:05
* * *

Бавосир (геморрой) да седана Ñ‘ғидан икки-уч ой давомида 2 граммдан кунига уч маҳалдан ичиб турилса, фойда беради, шунчасини йўғон ичак оғзига суртилса ҳам давоси бор.

* * *

Қораталоқ қаттиқлигини кетказиш учун ÑŽқоридаги усулда истеъмол қилиш ёки ташқаридан суртиш тавсия қилинади.

* * *

Седана Ñ‘ғидан 2 граммини кунига уч маҳалдан тизза кўзига суртилса, унинг оғриқларига даво бўлади.

Nom: Re: Sedana barcha dardlarga shifo
Yuborildi: Ansora 19 Aprel 2010, 20:46:42
* * *

Совуқдан бўлган иситмада седана Ñ‘ғидан икки-уч ой давомида 2 граммдан кунига уч маҳалдан ичилса, фойда қилади. Юқоридаги ҳолатларнинг барчасида хозиқ табиб билан маслаҳатлашиб иш тутилса, мақсадга мувофиқ бўлади.

* * *

Седана Ñ‘ғи танага суртилса, газандалар яқин келолмайди ва чақмайди.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:48:53
СЕДАНАНИНГ ҒАЙРИТИББИЙ ХОСИЯТИ ҲАҚИДА

Седана Ñ‘ғи жигар учун ножўя таъсирга эга. Жигарида оғриқ бўлган ёки унинг фаолиятида ўзгариш бўлган беморларга седана Ñ‘ғи истеъмол қилиш ман этилади. Ташқаридан суртиш мумкин, бу фақат хозиқ табиб ёки шифокор тавсияси билан бажарилади.

ХАЛҚ ТАБИБИ САФАР МУҲАММАД ТАВСИЯЛАРИ

Қовурилган седанани зайтун Ñ‘ғига аралаштириб, тумов бўлган кишининг бурнига томизилади.

* * *

Ҳайз келмай қолганида 15 грамм седана, 30 грамм арпабодиён бир стакан сувда қайнатилиб, уч маҳал бир ош қошиқдан етти кун давомида ичилади. Бу қайнатма шамоллашда ҳам ёрдам беради.
Nom: Re: Sedana barcha dardlarga shifo
Yuborildi: Ansora 19 Aprel 2010, 20:50:24
* * *

Седана уруғини куйдириб, Ñ‘ғ ёки хинага аралаштириб бошга суртилса, соч тўкилишининг олдини олади.

* * *

Седана уруғини аччиқ тарвуз (ханзил) сувига қўшиб киндик остига суртилса, қориндаги қурт-гижжаларни туширишга ёрдам беради.

* * *

Исириқ ва седана уруғини туйиб, бирор ширинликка (асал ёки новвот) аралаштирилади. Сўнг иссиқ баданга суртиб, ўраниб ётилса танадаги намликни камайтиради.

* * *

Бавосирни даволашда седана уруғидан кунига 0,5-1 граммдан икки-уч маҳал истеъмол қилиб юрилади. Вазелин ёки мол Ñ‘ғига аралаштириб касал жойга суртилса ҳам ёрдам беради.

Nom: Re: Sedana barcha dardlarga shifo
Yuborildi: Ansora 19 Aprel 2010, 20:51:17
Фойдаланилган адабиётлар

1. Абу Али ибн Сино. «Ð¢Ð¸Ð± қонунлари», II китоб, Тошкент, «Ð¤Ð°Ð½» нашриёти. 1982 йил, 590-591 бетлар.
2. Ðœ.Набиев, Ð’.Шалиёв. А.Иброҳимов, «Ð¨Ð¸Ñ„обахш неъматлар», Тошкент. «ÐœÐµҳнат», 1986 йил, 75-бет.
3. «Ð¢Ð°Ð±Ð¾Ð±Ð°Ñ‚ дурдоналари», Тошкент, Ибн Сино. 1990 йил, 75-бет.
4. Ш.Эргашев, «Ð¢Ð°Ð±Ð¸Ð°Ñ‚нинг ўзи табиб», Тошкент, Ибн Сино, 2003 йил.
5. Ж.Жўраев, Ðœ.Жўраев, «Ð—уфунун табобати», Тошкент, «Ð˜ÑÑ‚иқлол», 2007 йил, 124-129-бетлар.
6. «Ð¢Ð°Ð±Ð¾Ð±Ð°Ñ‚ хазинаси дурдоналаридан», Тошкент «ÐœÐµÐ´Ð¸Ñ†Ð¸Ð½Ð°», 1987 йил.
7. Алихонтўра Соғуний, «Ð¨Ð¸Ñ„о ул-илал». Тошкент, «ÐœÐ¾Ð²Ð°Ñ€Ð¾ÑƒÐ½Ð½Ð°ҳÑ€», 2004 йил.