forum.ziyouz.com
Umumiy bo'lim => Madaniyat => Mavzu boshlandi: Margilanets 07 Sentyabr 2006, 07:09:13
-
Otabek;
Assalomu alaykum!
Barcha jurnalistlar va ushbu sohaga qiziquvchilarni taklif etamiz... O'z fikr- muloxazalaringizni biz bilan o'rtoqlashing...
-
Dilshod:
Ahiyri ham ochibsizde shu mavsuni. Yahshi mavzu: ancha narsa fikr almashib, ko'p narsada bahslashish mumkin. Ayniqsa bugungi kun o'zbek jurnalistikasiga oid bir qator muammo va yutuqlar echimini hal qilsa arziydi. Forumchilar bu mavzuga ham be'etibor bo'lishmaydi deb umid qilamiz.
-
Otabek;
Qaysi jurnalistlarning faoliyatiga yuqori baho berasiz?
-
AbdulAziz:
Xurshid Do`stmuhammad, Shuhrat Armon, Minhojiddin Mirzo...
-
Mohinur:
Radio DJlar haqida ham mavzu ochsak-chi?
Ularni ham muammolari talaygina.
-
Otabek;
Jurnalistikadan xabari bor odam radio, televideniya, gazeta - jurnalistikaning tarmoqlari ekanligini yaxshi biladi. Shuning uchun manimcha radio DJlar haqida alohida mavzu ochish shartmas. Harqalay, DJlarning deyarli hammasi o'zlarini jurnalist deya hisoblaydi. Shunday ekan, djlar haqida ham bemalol fikr bildiraverishingiz mumkin.
-
OtabeK;
Hozirgi o'zbek matbuotida qanday mavzular keng yoritilayapti?
-
Aziz:
Hozirgi o`zbek matbuoti judayam "sarg`ayib" bormoqda!
Undan istagan mavzuingizni topishingiz mumkin.
-
Otabek;
Qanday yangi gazetalar chiqmoqda? (2004 yil noyabrdan keyin)
-
AbdulAziz;
Sanab adog`iga yetolmaysiz
Muhabbat
Muvozanat
yana balo-battarlar
Ishqilib juda ko`p!
-
Otabek;
Biz "sariq", deb atayotgan gazetalardan ma'noliroqlari ham bordir...
-
AbdulAziz:
ha, bor lekin bunichun kunduz kuni chiroq yoqib qidirish kerak.
Qaysidir yunon olimi aytgabndi : Odamni qidiryapman, deb aslida qarasez hamma yoq to`la odam lekin u odamni qidiryapti.... :D
-
TA'LIM VAZIRLIGI XOMIYLIGIDAGI TELEKANAL
Televideniya jurnalistikaning yetakchi tarmoqlaridan biri hisoblanadi. Televideniye odamlarni axborot va yangiliklar bilan ta'minlashda muhim ijrochi vazifasini bajaradi. Xo'sh, hozirgi kunda Janubiy Koreya televideniyesi haqida nima deya olamiz? Telekompaniyalar qanday tarixiy yo'lni bosib o'tgan?
Zamonaviy koreys televideniyesi to'rtta yirik telekompaniyadan iborat. Bular: KBS, MBS, EBS va SBS.
"Eng keksa" koreys telekompaniyasi KBS 1961 yilda tashkil etilgan. KBS telekompaniyasi kanallari Koreyada "birinchi kanal" maqomiga ega. Telekompaniya rasmiy Seulning "ovozi", deb e'tirof etiladi. Darhaqiqat, telekompaniyaning koreyscha tarjimasi:" Koreys Davlat telekompaniyasi", degan ma'noni bildiradi. KBS1 kanali yagona "reklama va e'lonlardan holi" kanaldir. KBS2 esa bir qancha kompaniyalar va tashkilotlarning reklama minbariga aylangan.
MBS telekompaniyasi uzoq yillar davomida KBSning soyasida edi. Telekompaniyaga 1969 yilda asos solingan. Dastlabki yillari telekompaniya asosan madaniy-ma'rifiy dasturlar ni namoyish etish bilan cheklanar edi. Keyinchalik boshqa kompaniyalar singari shou-dasturlar va ko'ngilochar ko'rsatuvlarga ham keng o'rin ajrata boshladi.
EBS telekompaniyasi 1990 yilga qadar KBS tarkibida faoliyat yuritib keldi. Hozirgi kunda kanal Ta'lim vazirligi xomiyligida ish olib bormoqda. Kanal ta'lim va ma'rifiy dasturlarga asoslanadi.
SBS Koreyadagi to'la ma'nodagi xususiy telekompaniyadir. Lekin u "yagona xo'jayin"ga qarashli emas. Kompaniya aksiyalariga yigirma to'qqizta bir-biridan farqli firmalar egaliik qilishadi. Koreys qonunlariga muvofiq, bitta jismoniy yoki yuridik shaxs telekompaniya yoki radiostansiyaning 30% dan ko'p aksiyasini olishi mumkin emas. Shuning uchun yigirma to'qqizta firmadan birortasi ham telekompaniyaning nazorat paketi egasi hisoblanmaydi.
Darhaqiqat, zamonaviy koreys televideniyesi eng so'nggi texnik jixozlar bilan ta'minlangan holda samarali faoliyat ko'rsatmoqda. Koreyada kabel televideniyesi ham ancha rivojlangan. Pullik xizmatga asoslangan kanallarda ko'ngilochar dasturlarga e'tibor kuchli. Bu tomoshabinlar talab va istaklaridan kelib chiqadi.
OTABEK Yo'ldoshev, Janubiy Koreyaning Chung-Ang Universiteti talabasi
-
KOREYS RADIOSI TARIXIDAN
XX asr texnika va kompyuterlar taraqqiy etgan davrga to'g'ri keldi. Bu rivojlanish jurnalistikaning televidenie va radio kabi tarmoqlariga ijobiy ta'sir ko'rsatdi. Eng birinchi radiodastur 1921 yilda AQSHda havo to'lqinlari orqali taqdim etilgan edi. Bir qancha yillardan keyin boshqa mamlakatlar ham o'z radiostansiyalarini barpo etishdi. Koreya yarimoroliga radio 1927 yil fevralida kirib keldi. Koreys radiosining rasmiy "tug'ilgan kuni" 16 fevral hisoblanadi. Eng birinchi radiostansiya bo'lgan "Kyonson" mustamlaka Seulning rasmiy radiosi edi. Albatta, dastlabki yillarda radio tinglovchilari juda ozchilikni tashkil etgan. Buni statistik ma'lumotlar ham tasdiqlashi mumkin: 1927 yilda Koreya aholisi 20 million kishi bo'lgan holda butun mamlakat bo'ylab bor-yo'g'i 1440 tagina radiopriyomnik bo'lgan, xolos. Radioni boshida asosan, yaponlar va chetdan kelgan muhojirlar tinglashgan. 1933 yili "Tyosen general-gubernatorligi radiosi" o'z dasturlarini koreys va yapon tillarida uzata boshladi. Shu yilning aprelidan koreys va yapon dasturlari ajratilgan holda namoyish etildi.
Yapon mustamlakachiligining oxirgi yillarida Koreyada mahalliy radiostansiyalar ko'paya boshladi. Koreyani mustaqil mamlakatga aylantirish masalasi asosiy o'ringa chiqdi. 1945 yilning oxirlariga qadar JODK Seul radiostansiyasi yapon tilida eshittirishlar berib bordi.
Koreys urushi davrida Busan shahri mamlakatning vaqtincha poytahti vazifasini bajardi. Chunki Busan Shimoliy Koreya bosib olmagan yagona shahar bo'lib qoldi. 1950 yil oxirlarida radiopriyomnik ishlab chiqarish "Kimson" va "LG" kompaniyalari tomonidan amalga oshirila boshlandi.
XX asrning 60-yillarida Koreyada televizorlar juda kam, bori ham qimmat edi. Radio esa o'ziga xos qulay va arzonligi radiostansiyalar faoliyati jonlandi. Koreys tinglovchilari asosan radioseriallar tinglashni xush ko'rishardi. Shuning uchun radiostansiyalar serial eshittirishlarga ko'p vaqt ajratishgan. 1966 yilning o'zida Koreya radiostansiyalari 160 ta radioserial taqdim etgan. Vaqt o'tgan sari texnika taraqqiy etdi. 1970 yilga kelib, koreys radiosi jurnalistikadagi "birinchilik" rolini tezlikda rivojlanayotgan televideniega topshirdi.
Hozirgi kunda koreys radiosi asosan ko'ngilochar dasturlar namoyish etadi. Televidenie har qancha rivojlangan bo'lsa-da, radio tinglovchilar ham ko'pchilikni tashkil etadi.
OTABEK YO'LDOSHEV, JANUBIY KOREYANING CHUNG-ANG UNIVERSITETI TALABASI
-
Otabek;
Koreys televideniyasida 'MBC Game", degan kanal bor. Bu kanal uzzukun kompyuter o'yinlarini ko'rsatadi. Koreyada kompyuter o'yinlari bo'yicha maxsus liga tuzilgan. Ana shu liga qatnashchilarining kompyuter o'yinlari to'g'ridan-to'g'ri olib ko'rsatiladi.
-
Kamol:
Hozirgi jurnalistikamiz maqtarli darajada emas.
Savolni konkretroq qo'ying.
- TV
- Radio
- Matbuot
- Internet
- Ko'cha jurnalistikasi
- Reklama
qaysi biri haqida?
-
JURNALIST. JUR'AT. JASORAT
"O'zbekiston ovozi" gazetasi rasmiy saytidan olindi
Nomoz SA’DULLAYEV, «O‘zbekiston ovozi» gazetasining ijtimoiy hayot va iqtisodiyot bo‘limi mudiri, O‘zbekiston Respublikasida xizmat ko‘rsatgan jurnalist:
— ... Bugun matbuot erkin. Bu imkoniyatni qadriga yetish kerak... Bizning vazifamiz va burchimiz, eng avvalo, mana shunga yo‘l ochib bergan Istiqlolni, uning milliy g‘oyalarini turli mavzu va janrlarda mazmunli yoritish.
Jurnalist qachonki, har bir voqea yoki hodisaning ijtimoiy, siyosiy, ma’naviy va ma’rifiy mohiyatini o‘z Vatanining jahondagi mavqei, oriyati va hamiyati uyg‘unligida tushunsagina yaxshini ham, yomonni ham ziyrak ajrata oladi... Chunki, hozir dunyoda shunday siyosiy «o‘yin»lar borki, «bir balosi bo‘lmasa, shudgorda quyruq na qilur» naqliga o‘xshash...
Mana, Andijon voqealarini oling: fojia ijrochilari ortida kimlar turibdi? Ular oldiniga «hamkormiz» deya o‘zlarini bizga xayrixoh ko‘rsatishgandi... Mayli, ular-ku, begona. Ammo, o‘zimizdan chiqqan birga baqamti yashayotgan tomoshabin, loqayd, ayg‘oqchi, ikki yuzlamachilarga nima deysiz? O‘zga davlatlardan va hatto okeanlar ortidan o‘z Vatanining hasadgo‘ylari-yu g‘arazgo‘ylaridan panoh so‘rasa, dodingni kimga aytasan? Balki bugungi ayrim xamelionlarga ham aytar gapimiz bordir?
Shu bois, har bir millat jurnalisti — eng avvalo, oriyatli, nafsoniyatli, hushyor, jasur, fidoyi, xolis va hozirjavob bo‘lmog‘i shart!
Ayni chog‘da u mohir notiq, kuchli siyosatchi va nozik diplomat ham bo‘lmog‘i kerak...
Umida FAYZIYEVA, «Xalq so‘zi» gazetasining gazetxonlar bilan aloqa va mintaqa bo‘limi mudiri, O‘zbekiston Respublikasida xizmat ko‘rsatgan madaniyat xodimi:
— Nazarimda, avvalo har bir jurnalist o‘z yurti, Vatanini e’zozlash, qadriga yeta olish hissi bilan yashashi lozim. Keng va teran mushohadali, chuqur bilimli, o‘tkir nafas egasi bo‘lish istagi bizni sira tark etmasligi kerak, deb o‘ylayman. Nega? Chunki Vatan g‘ururi, Vatan mehri hissi bilan yonmasak, egallagan bilim doiramizni hamisha, har qadamda yangilab, boyitib bormasak, hayotimizda har jabhada, har onda bo‘layotgan o‘zgarishlar, islohotlarni qanday qilib anglab olishimiz mumkin? Emin-erkin hayotimizga rahna solishga urinayotgan har qanday kuchlarga o‘z aql-zakovatimiz bilan zarba bermasak, ona diyorimizni nechog‘li ardoqlab, sevib-suyganimiz, shu vatan farzandi ekanimizni izhor etib, g‘ururlanmasak, o‘zgalarga qay yo‘sinda yordam bera olamiz? Fikrimcha, bugungi kunda jurnalist oldidagi muhim vazifa u nafaqat tevarak-atrofidagi, balki chet ellardagi voqea-hodisalardan boxabar bo‘lishi lozim. Tili uzun, qalami o‘tkir, ma’naviyati boy bo‘lishi uchun esa tinimsiz izlanishi kerak. Ana shu faoliyat jurnalist bilimi, aqli bilan uyg‘unlashsa, u o‘quvchisi — xalqining ishonchini oqlay olsa, ana o‘shanda vatanparvar degan tushuncha ko‘ngilga osongina jo bo‘ladi.
Habib TEMIROV, «Qishloq hayoti» gazetasi bosh muharriri birinchi o‘rinbosari:
— Hozir jurnalist oldida turgan birlamchi vazifa o‘zining bilimi, dunyoqarashini tinimsiz kengaytirish, professional mahoratini, saviyasini muttasil oshirishdan iborat. Toki shu narsa bo‘lmas ekan, balandparvoz gaplar, dabdabali shior va da’vatlar bir pul. Bugun biz «axborot urushlari» davrida yashayapmiz. Nechog‘lik vahimali tuyulmasin, bu — ayni haqiqat. Jahon axborot maydoni zamonaviy kommunikatsiya texnologiyalari tufayli sarhadsiz, chegarasiz, yagona hudud bo‘lib qoldi.
Internet tarmog‘i orqali tarqalayotgan axborotlar, yer yuzining istalgan burchagidagi manzilga, xonadonga kirib bormoqda. Uning yo‘liga hech qanaqa to‘siq qo‘yib bo‘lmaydi. Ana shundan foydalangan ayrim siyosat arboblari buyuk davlatchilik iddaolarini yangi kuch, yangi to‘lqin bilan avj oldirmoqdalar. Davlatlarni, xalqlarni o‘z «ta’sir va manfaat doirasiga» kiritish uchun, oddiy qilib aytganda, qaramlikda, «axborot mustamlakasida» tutish maqsadida, jamoatchilik ongi, shuuri, fikrini o‘zlari istagan yo‘nalishda shakllantirishga urinmoqdalar. Aniqrog‘i, axborot maydonida hukmronlik uchun ayovsiz kurash bormoqda. Bu kurash davomida turli tomondan bo‘layotgan va muttasil bo‘lajak axborot xurujlariga dosh berish, munosib javob qaytarish uchun ham aql, yuksak saviya, yuqori darajadagi bilim, mahorat, hozirjavoblik, qat’iyat suv va havoday zarur. Shunga erishsak, ayni paytda rostgo‘ylik, mustahkam iymon, pok vijdonga asoslangan aniq fuqarolik pozitsiyasini egallasak, yuragimizda Vatanga cheksiz muhabbat va sadoqat, milliy g‘urur va oriyat jo‘sh ursa, chindan ham hech qachon, hech kimga qaram ham, hech kimdan kam ham bo‘lmaymiz.
Inobat NORMURODOVA, «O‘zbekiston» telekanali «Siyosat» studiyasining katta muharriri:
— Jurnalistning bugungi kundagi asosiy vazifasi — vaziyatga haqqoniy baho berish. Bo‘layotgan voqealarga xolisona yondashish, qo‘l urayotgan mavzusini chuqur va mukammal o‘rganish. So‘zda mas’ullik hissini unutmaslik!
Bugungi shiddatkor davr mulohazakor bo‘lishni ham talab etadi. Jurnalist xomxatala fikrlarga asoslanmasligi, tezkorlikka intilib, xolislikdan yiroqlashmasligi shart. Bundan tashqari ommadan, odamlardan bir qadam ilgari yurmog‘i lozim.
Andijon voqealari bizni yana bir bor sinovdan o‘tkazdi. Ayrim xorij OAV bu haqda shoshma-shosharlik bilan axborotlar tarqatdi. Axir, jurnalist hukm chiqarmasligi, balki manbalarni tahlil qilib, fikr bildirishi lozim.
Abdusamat RAHIMOV, «Ma‘rifat» gazetasi bosh muharriri birinchi o‘rinbosari, O‘zbekiston Respublikasida xizmat ko‘rsatgan jurnalist:
— Jurnalist oldidagi mas’uliyat, vazifa ham, agar u biror bir mamlakatga, jamiyatga mansub yoki kengroq olsak o‘z vataniga ega bo‘lsa, unda yashayotgan insonlar maqsad-muddaolari bilan mushtarak keladi. Uning kasbi nuqtai nazaridan amalga oshiradigan har bir ishi yurtining ertaga bugundan ko‘ra go‘zal, to‘kis va mustahkam bo‘lishiga xizmat qiladi. Qachonki, jurnalist bu yo‘ldan og‘sa, maydalashib ketadi, o‘z tayanch nuqtasini yo‘qotadi. Muallaq holatdagi narsa esa faqatgina xohish-irodasiz, tashqi ta’sir izmida harakatlanadi.
Ma’ruf OTAXONOV, «Ovozi tojik» gazetasi bo‘lim muharriri, O‘zbekiston Respublikasida xizmat ko‘rsatgan jurnalist:
— Mustaqillik davrida qo‘lga kiritilgan siyosiy, ijtimoiy, iqtisodiy yutuqlarimiz salmog‘i asrlarga teng. Mening nazarimda, ana shu yutuqlarga yo‘l ochgan Istiqlol g‘oyalarini xalq ongiga singdirish eng muhim vazifadir. Bu ulug‘vor vazifani bajarilishi jurnalistdan analitik bilim, mahorat va iste’dod talab qiladi, jurnalistni Haq va Haqiqat tomonida bo‘lishini taqozo etadi. Haqiqat esa, Istiqloldan oziqlanadi.
Yuragi pok, ya’ni qalbi haq tomondagi jurnalist istiqloldan ilhom oladi, hamisha haqiqatni yozadi, xalq bilan birga, Vatan ardog‘ida bo‘ladi. Hech vaqt birovlarning musiqasiga ham o‘ynamaydi, sotilmaydi.
Sharofiddin TO‘LAGANOV, «O‘zbekiston» radiokanali «Rejalashtirish va tahlil» guruhi rahbari, siyosiy sharhlovchi:
— Hamkasblarimizdan biri aytganidek, bugungi dunyoni yadro jamodonidagi tugmachani bosish bilan emas, balki radio mikrofoni tugmachasini bosish bilan o‘zgartirib yuborish mumkin. Shu sababli ham, o‘zbek jurnalistlari oldida to‘g‘ri so‘zni, haqiqatni yetkazishdek muhim vazifa turibdi.
Matbuot sahifalarida o‘qigan edim, «Ulkan iste’dodlar ko‘pincha bir-biriga do‘st emas, raqib bo‘ladilar». Men o‘zini iste’dodli deb bilgan jurnalistlar bir-biriga raqib bo‘lishini xohlayman. Hozir jurnalistlarning bir gazetadan ikkinchisiga o‘tib ketishi odatiy holga aylandi. Aslida esa jurnalistning boshqa jamoaga o‘tib ketishi katta sensatsiya bo‘lishi kerak.
Jurnalist xolis, jasoratli va doimo bedor bo‘lishi, faqat haqiqat tomonda turishi kerak. Eskicha ish uslublaridan voz kechadigan vaqt keldi. Eng katta kamchiligimiz yangiliklarning muhimini nomuhimidan ajrata olish malakasi shakllanmaganidir...
Toshpo‘lat XOLIQOV, «Turkiston» gazetasi muxbiri:
— Jurnalist ro‘y berayotgan voqea va hodisalarga xolis yondashishi, ulardan o‘z manfaat yoki ayrim guruhlar foydasi uchun mos keladigan nuqtalarni izlamasligi kerak. Aslida xolislik jurnalistikaning asosiy qonunlaridan biri sanaladi. Afsuski, bugunga kelib, jurnalist uchun suv va havodek zarur bo‘lgan ushbu xususiyat ba’zi hamkasblarimizda yetishmayapti. Jurnalist uchun xolislikning naqadar katta ahamiyatga ega ekanligi tajribadan ma’lum. Uzoqqa bormaylik, Andijon voqealarida jurnalistning noxolisligi qanday holatlarni keltirib chiqarishi ro‘y-rost ko‘rindi. Qolaversa, u o‘z fikri va so‘ziga ega bo‘lishi kerak. Ijodkor uchun birovlar manfaati yo‘lida qaram, birovlar qo‘lida qurol bo‘lishdan ko‘ra ayanchliroq holat bo‘lmasa kerak.
Nozimjon MO‘MINOV, «Yoshlar» telekanali «Davr» direksiyasi muharriri:
— Bugun jurnalistlar oldida turgan eng muhim vazifa, menimcha, jamiyatda ro‘y berayotgan yangilanishlar, demokratik o‘zgarishlarning odamlar ongiga tezroq yetib borishi uchun kurashish. Bu oson emas, albatta. Chunki, bunga ta’kidlayverish bilan emas, balki o‘z chiqishlarimizdagi jasorat va dadillik orqali erishishimizga to‘g‘ri keladi.
Yana bir muhim jihat — har qanday holatda ham vijdonga sodiqlik kerak. Zero, so‘zi bilan ishi bir bo‘lgan jurnalistgina odamlarning ishonchiga sazovor bo‘la oladi.
Eng muhimi — ayrim nosog‘lom kuchlar o‘z manfaati yo‘lida yurtimizga turli tomondan informatsion xurujlar yog‘dirib turgan bugungi tahlikali zamonda vaziyatni to‘g‘ri mushohada qila oladigan va Vatan manfaatlarini eng birinchi o‘ringa qo‘ya oladigan jurnalistlar juda-juda zarur.
Zayniddin MAMADALIYEV tayyorladi.
-
Jurnalist;
urnalistikamizning ahvoli og'ir. Menimcha endi jurnalistlarni yoshlar ichidan topmasak qarilarini miyasi zaharlanib bulgan. ???
??? ??? ???? ???
-
Bunyod;
Siz uylagan darajada emas, bu tanadan vos kechib meva kutushdek gap. Mohiyat biz yoshlardan boshkacha ishlashni takozo etadi xolos. Ayniksa, hozirgi xalkaro siyosiy tanglik paytida. Yunus Boronov va Botir Gafurovlardan urnak oling.
-
jadid:
???"Hozirgi matbuotimiz "sarg`ayib" bormoqda..."
"Sarg`yib bormoqda"?!... "Hikoyalashib" bormoqda desangiz tog`riroq bo`larmidi? Qaysi gazetani olmang, hammasida hikoya bor.
Bir paytlari "7x7" degan gazeta bor edi. Huddi "Darakchi"ga o`xshab mulohazlai maqolalar, xabarlar, qiziqarli rivoyatlar bo`lar edi. Kecha shu gazetdan olgandim, futbol bilan bog`liq bir maqola chiqqan ekan, shuni o`qigin deyishgan edi. Oldim, manga kerakli maqola oxirgi betida ekan. Keyin boshqa shaifalarni ham bir qarab chiqsam, gazeta boshidan oxiriga qadar hikoya, hikoya va yan bir bor hikoya... (Nima balo, hamma yozuvchi bo`lib ketayptimi deb o`ylab qolasan). Bironta ham xabar, mulohazali maqola (menga kerakligidan boshqa, futbol haqida maqola edi) va shunga o'xshash malumot yo`q. Gazeta "tamom" bo`pti...
Huddio shunday holatni ko`plab gazetalarimizda kuzatishimiz mumkin. >:(
Shuni sarg`ayish deyiladimi?.... ???
-
Mana bu maqola - http://forum.ziyouz.com/index.php?topic=247.msg17668#msg17668 - ushbu mavzuga ham aloqador deb o'ylayman.
-
Mana bu maqola - http://forum.ziyouz.com/index.php?topic=247.msg17668#msg17668 - ushbu mavzuga ham aloqador deb o'ylayman.
Siz jurnalist emasmisiz, mabodo?;)
-
Mana bu maqola - http://forum.ziyouz.com/index.php?topic=247.msg17668#msg17668 - ushbu mavzuga ham aloqador deb o'ylayman.
Siz jurnalist emasmisiz, mabodo?;)
Jurnalist emasman, ammo bu sohaga qiziqishim yo'q emas.
-
O'zbek jurnalistikasining bugungi ahvoli haqida gap ketganda beixtiyor mavzuni Istiqlolga taqashadi. Istiqlol saba so'z erkinligi berildi deya-deya bot-bot ta'kidlab charchamaymiz...
So'z erkinlig berilgan ekan, nega matbuotda saviyali, o'tkir syujetli, tanqidiy materiallar ko'payish o'rniga tobora tanqis bo'lib bormoqda....
Ayniqsa, yosh jurnalistlarimiz yengil-yelpi mavzularga o'ralashib qolayotgani, sariq matbuot quchog'iga o'zini otayotgani achinarli emasmi? Hullas, kim uchundir rosa "chaynalgan", kim uchundir ahmaiyatli mazkur mavzuda keling suhbatlashaylik...
Bugungi saviyamiz qay darajada? Uni oshirish uchun qanday takliflar berasiz? Yomg'irdan keyingi qo'ziqorin kabi ko'paygan gazetalarimiz orasida diqqatga sazovor bo'lganlari bormi? Hullas, bahsga marhabo !!!
-
Assalomu alaykum!
Kecha o'zbek matbutida yana bir o'zgarish yuz berdi: "Hurriyat" gazetasida 4 yil bosh muharrir vazifasini bajaruvchi lavozimida ishlagan Ismat Xudoyorov ishdan bo'shatildi. Uning o'rniga sobiq "O'zbekiston ovozi" gazetasi bosh muharririning o'rinbosari Abdurasul Jumaqulov bosh muharrir vazifasini bajaruvchi bo'ldi.
Ismat Hudyorov esa "Fidokor" gazetasiga bosh muharrir o'rinbosari lavozimiga tayinlandi.
-
Bu o'zgarish "hurriyat" ning nufuziga hissa qo'shsa bo'lgani... Bugun "Hurriyat" gazetaini yirtib pista solib sotishayotganini ko'rdim. Pistachining qo'lida esa "Hordiq" - berilib o'qiyapti. Buni qanday izohlash mumkin. Saviyaning ommaviy pasayishi fojea emasmi? 60-70 yillardagi eng quyi qatlam - masaln dehqonlar ham surishtirsang hech bo'lmasa "Sovet O'zbekistoni" gazetasini oqib turishganini aytishadi. Bugungi zamondoshlar "Hordiq" bilan "Darakchi"ni esalashadimi? Bu gazetalarni yosh avlodga namuna qilib ko'rsatishadimi?... Shu kunning buyuk yozuvchilaridan biri ham ana shunday gazeta chiqarishda bosh-qosh bo'lib kelyapti. Albatta, buni sir tutadi. Moliyaviy ko'magi ostida gazeta gurkiramoqda. Lekin, tan olmaydi-ki, uning ko'magi ostida kuchaygan gazetani o'qigan gazetxon ertaga uning chuqur mazmunli asalrini o'qishga o'zida hoxish sezmaydi. Buyog'dan jiddiy asarlar yaratib, boshqa tomondan o'zi ularni o'ldirmayaptimi?
-
Ey, birodar Xurriyat gazetsini men xam qo'limga ushlab ko'rmaganman, shu yoshimga kirib, Balki meni saviyam pastdir, sizlarnikidan, O'sha Xordiqlar, Darakchilar qo'limga tushub qolsa o'qiyman.
Menga Xurriyatni boshqa gazetalardan ustun tomonlarini aytingchi. Uni ozgina tanqidchi fikrlarimi. Bu fikrlarni aftubuslar, choyxonalarda, borinki 3 kishi yig'ilgan joyda eshitishingiz mumkin.
-
Hurmatli gayrat17 fikrlaringizda jon bor. Bu degani men ham qo'shilaman degani emas. Hurriyat haqida mulohazalaringiz o'zgarishi uchun gazetani olib o'qishni, hech bo'lmasa saytiga tashrif buyurishingizni tavsiya qilardim: www.hurriyat.uz
-
"Hurriyat" - O'zbekistonda tashkil etilgan yagona mustaqil gazeta (1996). O'z paytida unga mashhur jurnalistlar Karim Bahriyev, Xurshid Do'stmuhammad muharrirlik qilgan.
Dastlab tashkil etilgan judayam shov-shuvlarga sabab bo'lgan maqolalari bilan tanilgan.
Unda o'sga paytgacha mustaqil o'zbek matbuotida yoritilmagan bir qancha mavzular, tanqidlar o'rin olgan edi.
Esimda bor, 2001 yili Matbuotchilar, 32 ga ishga kelganimda hamma gazetalarni 3-etajda maxsus senzorlar o'qib berishardi. Ular pechat qo'ygandan so'nggina "Sharq" gazetani bosardi. U yerda juda injiq, qari kishilar gazetalarni o'qib chiqishardi va e'tirozlarini bildirib, ko'pincha maqolalarni olib tashlashardi.
"Hurriyat"chilar esa yagona gazeta sifatida sahifalarini ularga o'qitishmas edi.
Shuning uchun ham yaxshigina tanqidlar, muammoli maqolalar gazetada ko'p berilardi. Mualliflar boshqa joyda chiqarishmagan maqolalarini aynan "Hurriyat"ga olib kelishardi. "Hurriyat" haqiqiy ma'noda erkin fikr minbariga aylangan edi. Keyinchalik ham bunaqa muammoli, tanqidiy, xolis materiallar berib borildi, lekin oxirgi yillardan bunday maqolalar soni ham kamaydi.
Lekin, baribir hozirda "Hurriyat" o'zbek ziyolilarining sevimli gazetasi sifatida e'tirof etiladi.
-
Shu o'rinda ta'kidlash kerak-ki, keyinchalik maydonga chiqqan va "Hurriyat" bilan munosib raqobatchi bo'lishga ahd qilgan "Mohiyat" ning paydo bo'lishi ham matbuotimizda harna quvonsa arzirlik hodisa edi. Lekin, gazetaning 2000 dan sal oshadigan tirajda bosilishi bu quvonchning hech nimaga arzimasligidan dalolat. sababi-ki, qanchalik jiddiy, "tosh bosadigan" maqolar bilan sahifani to'ldirgan bilan, uni o'qiydigan auditoriya bo'lmasa - bu havoga azon aytish bilan barobar.
-
Abdulaziz, Karim Baxriev kim bo'lgan, shu xaqda ozgina mz'lumot bering, yaxshi jurmalist deb eshtiganman, maqolalaridan bo'lsa, o'qisak. :D
Keyin manimchi Silar Xurrayatda ishlaysizlar shekilli. Reklamani hidi kelyapti :D
-
Карим Бахриев родилсс в 1962 году в Ургутском районе Самаркандской области.
Вс‹сшее образование получил на факультете русской филологии Самаркандского государственного университета и на факультете журналистики Московского государственного университета.
А аботал в газетах «Узбекистон адабиёти ва саньати», «Маьрифат», в журнале «Хужалик ва хукук». Бс‹л основателем и первс‹м главнс‹м редактором независимой газетс‹ «Hurriyat». В 1990-1995 годах, будучи народнс‹м депутатом Узбекистана, работал в парламенте странс‹. Ас‹не — заместитель директора международной организаяии «Internews-Uzbekiston».
Карим Бахриев свлсетсс автором книг стихов «Осколки чаши терпенис», «Молитва», научно-популсрнс‹х книг «Демократис и права человека», «Лрава, обсзанности и ответственность журналиста», «Лравовс‹е основс‹ дестельности СМИ». Ааписал много критических и аналитических статьей длс прессс‹ в годс‹ узбекской демократии в 1985-1992 годах.
Статьи Карима Бахриева опубликованс‹ в Австрии, Германии, США, а также во многих странах САГ. В 2004 году в Англии и А оссии опубликована его книга "œA Speech on Freedom of Speech" на английском, русском и узбекском сзс‹ках.
В его переводе опубликованс‹ философские произведенис Ллатона, Вольтера, Монтенс, Ласкалс, Вовенарга, Ларошфуко, Лабрюйера, новеллс‹ Дино Буяяати, Джованни Лапини, Коррадо Алваро, Марчелло Вентури, книги стихов «Темур Давомата», «А омиза А авшана», книга А.Автарханова «Империс Кремлс».
Karim Bahriyev she'rlaridan: http://www.navoigarden.com/Karim%20Bahriev.htm
Бахриев К. Х. Слово о свободе слова: http://www.library.cjes.ru/online/?b_id=513
PS. Mening "Hurriyat" gazetasiga aloqam yo'q. U yerda ishlamayman, avval ham ishlamaganman.
-
Meni ham Hurriyat gazetasiga aloqam yo'q. Tog'ri, jurnalistman. lekin, hozir bu sohadan biroz chekingan holda ta'lim sohasida ishlayapman.
-
Dilmurod Sayyid va Hayrulla Hamidovni qalami o'tkir jurnalistlar qatoriga kiritish mumkin.
Ikkala muallif uchun xos xususiyat shundaki, ularning ikkalasi ham gazeta tashkil etgan (Dilmurod Sayyid: "Advokat Press", Xayrulla Hamidov: "Odamlar orasida"), lekin qisqa muddatda ikkala gazeta ham yopilgan.
-
Xayrullo Hamidovning "Navro'z" radiosi shaarlik dasturida chiqishini hark uni eshitaman. Lekin, hissiyot olamida o'qilayotgan sh'erlar ba'zida shu qadar g'aliz jumlalarga to'lib ketgan-ki... Ba'zi so'zlar takror-takror ishlatiladi. sh'eriyat qonunlari iblan yozilganida edi, naqadar zo'r bo'lur edi. Muallif havaskor ekanligi sezilib turadi. Undan ko'ra Yasaviy "Hikmat"larini o'qiganlarida naqadar yaxshi bo'lardi.
-
Siz hozirda qaysi gazeta yoki jurnal faoiliyatini ijobiy baholay olasiz va nega?
-
Siz hozirda qaysi gazeta yoki jurnal faoiliyatini ijobiy baholay olasiz va nega?
"Chempion" gazetasini ijobiy baholagan bo'lardim, qisqa vaqt ichida ancha ommalashib ulgurdi. Dolzarb bo'lgan mavzular haqida ko'plab mulohazaga chorlovchi maqolalar chop etilyapti(Alloh davomli qilsin).
-
Siz hozirda qaysi gazeta yoki jurnal faoiliyatini ijobiy baholay olasiz va nega?
Assalam aleykum .Hozirda matbuot juda rivojlangan. Gazeta va jurnallar orqali juda ham ko'p ma'lumotlar olsangiz bo'ladi. Lekin men Ko'zni yumgin , ko'zga aylansin ko'ngil shiori ostida chiqadigan Ko'ngil ko'chalari gazetasi faoliyatini alohida takidlab o'tmoqchiman. Bu gazeta har payshanba kuni chop etiladi. Ilk bor o'qigan kunimdan boshlab gazetaning hech bir sonini o'tkazib yubormayman. Chunki Ko'ngil ko'chalarida bitta ham oldi qochti maqolani topmaysiz. Gazetada ko'proq islomiy,hozirgi kundagi eng dolzarb bo'lgan muomolar haqidagi mavzular o'rin olgan.Ayniqsa gazetaning bir nechta sonida turli hil mavzular yoritilgan O'zbekiston ibo-hayo orolida deb nomlangan maqola katta e'tiborga molik.
-
O'zbekiston jurnalisitikasida umuman bo'lmagan yoki keyingi vaqtlarda yot bo'lib ketayotgan yo'nalish va janrlar:
- Yangi jurnalistika
- Gonzo-jurnalistika
- Restoran jurnalistikasi
- Jurnalist tekshiruvi (rassledovanie)
- Fiziologik ocherk
- Fosh qiluvchi jurnalistika....
Masalan, oddiygina, bugungi kunda Uzb.da jurnalist tekshiruvi yo'nalishidan kimlarni ayta olasiz degan savolga javob topishda 50/50ham, pomosh zalayam, do'stimga tilpon ham yordam berolmaydi...
Bir kunmas bir kun bo'p qolar bizadayam....