Бу мавзуда хар бир ўзбек учун бирдек кадрли бўлган кизикчилик санъати хакида сўз юритамиз.
- Бугун у кай ахволда?
- Сизнингча, эстрадамизнинг бу йўналиши яхши ривожланиб боряптими?
- Кандай камчиликлар бор?
- У ёки бу артист хакида шахсий фикрларингиз.
- Хорижий, масалан Россия юмористларидан бизнинг санъаткорларимиз кай тарафлама ажралиб туришади?
- Хозирда кизикчиларимиз ижтимоий муаммоларни кўтариб чикишяптими?
- Qiziqchilik san'atining hozirgi ahvolini yaxshi deb bo'lmaydi
- Ha, rivojlanyapti, lekin o'sish yo'q, deyarli.
- Ortiqcha bachkanalik va o'ta nozik intim kulgi
- Hojiboy Tojiboyevni hurmat qilaman.
- To'g'risi, Rossiyanikini yaxshi bilmayman.
- Ha, lekin har doim ham emas.
Rasululloh sallolohi alayhi vasallam birovlarni kuldirish uchun yolg'on gapirgan kishi haqida qatti qgapirganlar, ularga vayl bo'lsin, vayl bo'lsin, vayl bo'lsin deganlar. Har bir ohiratini o'ylaydigan kishi vaqtini behuda-asli hayotda yo'q bo'lgan kulguga emas, balki haqiqiy real hayotga qanday taqsimlashni bilishi kerak, hazilning ham samimiy va hayotiy bo'lganlarigina ma'qul, qolganlariga esa sarvari koinot Rasululloh salallohi alayhi vasallam aytganlaridek vayl bo'lsin!
Iqtibos: muslimasubh board=liter thread=1147061008 post=1147132873Rasululloh sallolohi alayhi vasallam birovlarni kuldirish uchun yolg'on gapirgan kishi haqida qatti qgapirganlar, ularga vayl bo'lsin, vayl bo'lsin, vayl bo'lsin deganlar. Har bir ohiratini o'ylaydigan kishi vaqtini behuda-asli hayotda yo'q bo'lgan kulguga emas, balki haqiqiy real hayotga qanday taqsimlashni bilishi kerak, hazilning ham samimiy va hayotiy bo'lganlarigina ma'qul, qolganlariga esa sarvari koinot Rasululloh salallohi alayhi vasallam aytganlaridek vayl bo'lsin!
Haq gap.
Assalamu alaykum!
Islomda kulgu butkul ma'n etilmagan, birodarlar, dinni keng tushunaylik.
Biroyning ustidan kulish, har xil nag'malar ta'qiqlangan.
Lekin haq gapni kulgu bilan gapirish aslo man qilinmagan.
Shunga ham e'tibor qilinglar.
Mirzabek Holmedov haqidagi maqolani kiritishga harakat qilayapman. Muallif: Maqsud Jonixonov.
Qiziqchilik nima?
Dunyoda kulishni yoqtirmaydigan odam bo‘lmasa kerak. Umrida hazil qilmagan, do‘stlari, xullas kim bilandir hech qursa latifa aytishmagan odam bor desalar ishonmasdim. Negaki, kulgu ham tabiatning boshqa ne’matlari qatori Yaratgan tomonidan bandasiga berilgan ziynatlardan biridir. Kulguni ziynat deyishimizning boisi bor, kulgan odam beg‘ubor bo‘ladi, yasharadi, qalbi tozaradi. Ko‘p hollarda bitmay kelayotgan ishlar bir og‘iz latifa yoki shirin kulgu bilan ijobiy tomonga hal bo‘lganini eshitganmiz.
Kulish hammaning qo‘lidan keladi, ammo kuldirishchi? Bu mashaqqat. Buni shu sohaning (aslida qiziqchilik soha ham emas) ichida yurgan, odamlarni kuldiraman deb tunu kun so‘z qidirayotgan kishilargina yaxshi biladi. Biz qiziqchini ko‘rsak, beixtiyor kula boshlaymiz, yuzimizga tabassum yuguradi. Nega? Chunki, qiziqchini ko‘rgan odam xayolida darhol uning gaplari, sahnadagi yurish-turishlari gavdalanadi. Ammo sahna boshqa, hayot boshqa. Qiziqchi ana shu sahnaga o‘z-o‘zidan chiqib olmaydi. Bungacha qanchadan-qancha dovon bor. Bu dovonlardan o‘ta olish esa har kimga ham nasib etavermaydi. San’atning bu turida ham ustozlar, pirlar bor.
Gap ustozlar haqida ketar ekan, biz bu jihatdan ancha kambag‘almiz. Chunki bizda qiziqchi ustozlar barmoq bilan sanarli. To‘g‘ri askiyachilikda dong taratgan ustozlar ko‘p, ammo qiziqchilik bilan askiyachilik o‘rtasidagi farq osmonu yer qadar. O‘zbek qiziqchilik san’atiga Muhiddin qiziq Darveshov asos solgan desak aslo yanglishmaymiz. Sodda ko‘rinishli, dunyoning eng chekkasiga ham olib borib har qanday ajnabiy kiyimlarni ustiga ilib qo‘ysa ham o‘zbekligi shundoq bilinib turuvchi bu inson (u kishining joylari jannatda bo‘lsin) o‘zining kuldirish yo‘li bilan ajralib turardi. U oddiy latifani ham xuddi o‘zi guvoh bo‘lgan kishidek gapirar, harakatlari, do‘ppini qiyshaytirib kiyib olishlarining o‘zi ham uning o‘ziga xosligidan darak berardi. Muhiddin akaning latifalari shunchaki kulish uchun emas, balki hayotdagi muammolarni qamrab olganligi bilan ham ahamiyatli va zalvorlidir. Uning bunday kulgulari qancha zahmatlar, mashaqqatlar olib kelmadi, deysiz? Demak, qiziqchilik ham, unga munosib bo‘lish ham oson emas ekan. Shu bilan birga zahmatlarga chidab, kulgu ulashishda davom etish ham baxt.
Odamlarni kuldirishdan ko‘ra yig‘latish oson, deyishadi. Demak, kuldirish ham san’at. Kulgu bilan faqat bir odamning ko‘ngliga yorug‘lik olib kirish emas, balki uning ma’naviy qiyofasini shakllantirish ham mumkin. Shu ma’noda ustoz Muhiddin qiziqdan keyin o‘zbek qiziqchilik san’ati darajasini yanada keng targ‘ib etib, unga yangicha usullar olib kirayotganlar ham ko‘payganini ta’kidlash joiz. Ularning oldingi safida rahmatli Rustam qiziq Hamroqulov turardi. Undan keyin Hojiboy Tojiboev, Mirzabek Xolmedov, Abdulla Akbarov, Obid Asomov, marhum Sobit Asomov, To‘xtamurod Azizov, Abdurahmon Siddiqov, Anvar Ne’madaliev, Botir va O‘tkir Muhammadxo‘jaevlar, Zokir Ochildiev, Ortiq Sultonov va boshqa...lar turadi. Bularning har biri haqida alohida gap aytish mumkin. Nomlari sanab o‘tilgan qiziqchilarimiz Muhiddin qiziq haqida aytilgan fikrlarimizga qay darajada mos yoki mos emas, bunga baho berish muxlislarga havola. Lekin unutmasligimiz kerakki, qiziqchining ustozi degan gap har doim ham mantiqqa to‘g‘ri kelmaydi. Chunki birovga sen odamlarni bunday qilib kuldirasan, unday qilib kuldirasan, degan bilan kuldirishga ishtiyoqmandning badanida bo‘lmasa, hammasi zoe. Zotan, qiziqchilik kasb ham emas, hunar ham. Qiziqchilarimizning o‘zlari xo‘p topib aytishgan: "œXudo bermagan bo‘lsa eshak bozoriga dallol ham bo‘lolmaysan". Qiziqchilik qon bilan kirmasa boshqasi bekor. Har holda bu bizning fikrimiz.
Yana bir gap yuradi: "œKim qiziqchi? O‘z ovoziga, o‘z qiyofasiga  o‘z yo‘liga ega bo‘lgan san’atkor  qiziqchi".
Biz esa ushbu kitobimizda katta san’atimizda ana shunday, o‘zining takrorlanmas yo‘lini, o‘rnini, ovozini topgan ajoyib so‘z ustasi, kino va teatr aktyori, O‘zbekistonda xizmat ko‘rsatgan artist Mirzabek Xolmedov haqida, uning sahnadagi va sahnadan tashqaridagi hayoti xususida so‘z yuritmoqchimiz.
"œMen kim  oddiy bir masxaraboz..."
Uning ko‘zlari faqat sahnada kulib turadi. Boshqa paytda esa jiddiy boqadi. U o‘ta istarali inson. Bir marta suhbatlashgan odam uning gaplarini yana qo‘msayveradi. Uning bo‘y basti emas, iqtidori rosa baland. Shu bois muxlislari ko‘p. Uni yaxshi ko‘radilar, ardoqlaydilar, qo‘msaydilar. Ammo u hamma o‘ylagandek qiziqchi emas  inson. Bizdan farqi kuldirish uchun yig‘laydi, tinimsiz izlanadi, hayotning ikir-chikirlariga o‘ralashib qolib, insoniyligini yo‘qotib borayotganlarni hajv etadi. Ota-ona, qarindosh-urug‘, jigarbandlar to‘g‘risida jo‘shib-jo‘shib dardli monologlar o‘qiydi.
Bolalik yoxud kichik artist
Bir odam quduq qaziyotsa, uning iltimosi bilan tuproqni chelakda tortib olayotgan sherigi so‘rabdi:
 Usta nima uchun quduq qazasiz?
ÂOta-bobom qazigan, men ham qaziyman-da!
ÂAgar ular bu kasb bilan shug‘ullanishmaganda, siz nima qilardingiz?
ÂUnisini bilmadim-u, lekin baribir quduq qazardim, shekilli.
ÂNima uchun endi?
ÂChunki bu taqdir, axir odamlar suv ichishi uchun kimdir shu ish bilan shug‘ullanishi kerakmi?
Bu gapni nima uchun keltirdik. Kimning qanday odam bo‘lishi taqdiri azaldan.
Mirzabek Xolmedov ham bolaligidanoq boshqalardan ajralib turgan. Har xil latifalar aytib do‘stlarini kuldirib yurgan. Oilada ham u o‘z "œartist"ligini namoyish etavergan. Xo‘sh, bu artistlik nimadan iborat edi. Avvalo shuni aytish kerakki, u katta bir oilada, o‘n farzand orasida o‘sib-ulg‘aygan. Mabodo ota-ona aynan Mirzabekka biror yumush buyursalar, bu ishni bajarish yo uning esidan chiqardi, yoki aka-ukalariga ishonib topshiriqni ado etmas edi. Bundan voqif bo‘lgan ota-ona koyimoqchi bo‘lsalar, u darhol shirin gaplar bilan yoki ajoyib bir latifa aytib ularni kulgu bilan yengardi. Mana shunaqa holat ko‘p bora takrorlangani sabab u "œartist" nomiga sazovo? bo‘lgan...
So‘ng...
...So‘ng u ulg‘aydi. Ichida nedir borligini anglab yetdi. "œArtist" tayyorlaydigan o‘qishga kirmoqchi bo‘ldi. Har gal yiqilaverdi. Ammo ta’kidlashni istardik, u o‘qishga kirishga no‘noq bo‘lsa-da, hayot maktabida obdon saboq olgan edi. U o‘qiganlardan ham ko‘ra o‘n chandon ortiq iste’dodga ega edi. Yaxshi niyat yerda qolmas ekan, u baribir talaba bo‘ldi. San’at institutida boshqalar to‘rt yil o‘qigan bo‘lsa, u rosa sakkiz yil o‘qidi. Bunga sabab Mirzabek talabalik chog‘idanoq to‘ylarning "œgul"iga aylanib ulgurgandi. Uning xaridorlari mo‘l edi, ammo aksariyat to‘ylar dars paytiga to‘g‘ri kelardi. Shunday paytlarda Mirzabekning oldida ikkita muammo paydo bo‘lardi: yo darsni tanlash, yoki to‘yni. U bunday chog‘da hech ikkilanmasdan albatta ikkinchi yo‘lni tanlardi. Chunki dars har kun bor, pul esa...
Bu holat esa uning o‘qishdan bir-ikki bor chetlatilishiga olib keldi. Kursdoshlar uning yonini olib, domlalardan kechirishni so‘rardilar. Albatta mehribonchilikning boisi bor. Boisi shuki, yegan og‘iz uyalar deganlaridek, Mirzabek har gal to‘ydan olgan "œstipendiya"si bilan kursdoshlariga rosa ziyofat berardi. Qarabsizki...
U qiziqchimi, yoki...
Darhaqiqat, u qiziqchimi yoxud boshqa kasb egasimi? Agar qiziqchi bo‘lsa, nega uning chiqishlarida mahzun holat ko‘p. U dardli monologlar ila nechun ko‘ngillarga dard olib kiradi. Bundan nimani anglash mumkin? Bunday savollarning javobi bitta: u san’atkor. San’atkor so‘zini esa keng ma’noda tushunish kerak. To‘g‘ri, bizda artistlar ko‘p, haqiqiy san’atkor esa barmoq bilan sanarli. Mirzabek Xolmedov ham shunday noyob san’atkorlar safiga kiradi.
Odatda biz, serqirra iqtidor sohiblariga nisbatan "œHa, xudo har tomonlama bergan-da" qabilidagi gaplarni ishlatamiz. Aslida ham shunday. Biroq shu o‘rinda yana bir narsani ta’kidlamoq joizki, bundaylar o‘zligini anglab, so‘ng san’at oshyoniga qadam qo‘yadilar. Qachonki, inson o‘zini anglagan taqdirdagina, boshqalarni ham tushunib yetadi. Bu allomalardan qolgan hikmat. Shunday ekan, san’atkor sahnaga chiqishdan oldin jiddiy tayyorlanadi. Tomoshabin oldiga quruq so‘z bilan chiqishdan orlanadi. Har bir gapini ruhan tahlil etgachgina, sahnaga chiqadi. E’tibor bergan bo‘lsangiz, u hammani kulguning eng yuqori cho‘qqisiga olib chiqadi-da, birdan dardli monologlar o‘qiy boshlaydi. Shunda qiziq holat yuzaga keladi: hozirgina qah-qah otib kulayotgan tomoshabin yuzida g‘amginlik zohir bo‘ladi.
Eng muhimi, uning hamma aytadigan gaplari o‘z yuraginiki. Hatto monologu qasidalar muallifi ham uning o‘zi. Kuldira-kuldira yig‘latishiga kelsak, ushbu holat uning ichki "œMYeN"idan darak beradi.
"œKo‘zlarim yo‘lingda"
Yaqinda bir kino muxlis yaxshi gapni aytib qoldi. Bizda o‘zini aktyor deb sanab yurganlar ko‘p, lekin ularning aksariyati soxta rol o‘ynaydi, dedi u. Ba’zi aktyorlarning o‘nlab rollari bor-u, aksariyati esda qolmaydi, ayrim aktyorlar esa birgina roli bilan tomoshabinga ma’qul keladi.
Tomoshabin haq. Mirzabek Xolmedov ana shu ikkinchi toifaga mansub aktyordir. Biz bu o‘rinda u bosh rolni ijro etgan "œKo‘zlarim yo‘lingda" filmi haqida gapirmoqchimiz.
Mirzabek hajviy rollarni qanchalik qotirib o‘ynasa, jiddiy rollarni ham shunchalik maromiga yetkazib talqin etadi. Bunday iqtidor egalari esa kamdan-kam bo‘ladi. Biz ko‘pincha aktyor deganda har qanday rolni o‘ynayverishi mumkin bo‘lgan kishilarni tushunamiz. Lekin har bir obrazni qoyilmaqom qilib yaratadigan iste’dod egasini topish yaratilajak filmlarning muvaffaqiyatini ta’minlovchi eng muhim omil deb o‘ylayman. Aniqroq qilib aytadigan bo‘lsak, aktyorni asarga qarab emas, balki asarni aktyorga moslashtirib yozish kerak. Bu usul jahon kino tajribasida keng tarqalayotgan usullardan biridir. Masalan, "œTerminator" filmi ilk bor ekranlarga chiqqach, u katta shov-shuvlarga sabab bo‘ldi. Va buni o‘zlaricha tahlil qilgan kino stsenariychilar yana qo‘shimcha kino ishlashdi va bu filmning serialar sonini yana ikkitaga ko‘paytirishdi. Chunki bu Arnold Shvartsneggerning ijrochilik qobiliyati bilan bog‘liq. Agar "œTerminator"dagi bosh qahramon roliga Arnoldni emas, Jan Klod Van Dammni taklif etishganida...yo‘q, buni tasavvur qilishning o‘ziyoq bachkanalikka boradi. Jeki Chan uchun ham maxsus stsenariylar yoziladi. Janob Ben bo‘lib tanilgan aktyor uchun esa maxsus kinostsenariychilardan tortib, eng oddiy muxlislargacha har xil obrazlar siymosini yozib berisharkan va mana bu yerini unday, bu yog‘ini bunday o‘ynasangiz, yaxshi bo‘ladi, deyisharkan. Ben esa bu takliflarga hech qachon nopisandlik bilan qaramaydi va shuning uchun ham u dunyoni kuldira oladi. Demak, u haqiqiy qassob.
Taniqli dramaturg Erkin Xushvaqtov bir suhbatimizda shunday degandi: "œMen biror sahna asari yozishdan avval Dilbar Ikromovani ko‘z oldimga keltiraman va uning xatti-harakatlari, fe’l-atvoriga monand qilib asarni yoza boshlayman". Darhaqiqat, biz Erkin Xushvaqtovning aksariyat asarlarida Didbar Ikromovaning bosh rol ijrochisi ekanligini ko‘ramiz va o‘z o‘rnida bundan ko‘nglimiz to‘ladi.
Bu gaplar bilan aytmoqchimizki, Mirzabek Xolmedovga faqat komik aktyor sifatida qarash noo‘rin, unga munosib stsenariylar darkor. U odamlarni kuldirib yurish bilan birga, dardni ham ifoda eta oladigan kuchli aktyordir. Bu gaplarga isbot sifatida "œKo‘zlarim yo‘lingda" filmidagi rolni eslashning o‘zi kifoya.
Sahna va hayot
Mirzabek Xolmedov sahnaga chiqsa tamoman boshqacha odamga aylanadi. U aytadigan har bir og‘iz jumlasini shunday ifodalaydiki, ko‘z o‘ngingizda guyo voqealar jonlanadi. E’tibor bering, uning latifalari ortida albatta biror bir muammo yotadi. Va ijrochi bu muammoni shunchalik ustamonlik bilan yetkazadiki, qoyil qolmay ilojingiz yo‘q. Uning bir dasturida shunday joy bor. Mirzabek mayda-chuyda muammolardan ko‘z ochib, gapni keyingi paytlarda eommunal xizmat haqi oshib borayotganligi, hamma narsaga o‘lchagich asboblar o‘rnatilayotganligiga taqaydi-aa, shunday deydi: "œYaxshiyam hojatxonaga o‘lchagich o‘rnatishmagan, yo‘qsa..." Uch nuqtadan keyingi gap aytilsa, aytilmasa biz kulamiz. Dastlab bu gap bachkanaday tuyuladi, ammo keyin o‘ylab qarasangiz, bu so‘zning toshi nihoyatda og‘ir...
Sahna muqaddas joy. Unga chiqish oson emas va har kimga ham nasib etavermaydi. Chiqdingmi, chiqa oldingmi endi unga munosib bo‘lish darkor. Ana shu haqiqatni unutmagan Mirzabek Xolmedov mana necha yillardan buyon muxlislar ko‘nglini xushnud etib kelmoqda. Men har gal bir narsaga amin bo‘lamanki, Mirzabek qachon kontsert qo‘ysa, zal albatta tomoshabin bilan to‘ladi. Chunki u kontsert davomida hech kimni zeriktirmaydi. Latifa aytib bo‘lgach, qo‘shiq ijro etadi, keyin raqsga tushadi. Bularning barchasi zamirida tomoshabinga tabassum ulashish yotadi.
Mirzabek sahnaga chiqish uchun hayotdan ko‘p narsani oladi. U o‘ta jiddiy inson. Kundalik hayotdagi shu jiddiylik unga sahnad? topib gapirish uchun asqotadi. Mashoyixlar shunday degan ekan:"œAgar sen bu hayotning ustidan kulishni o‘rganmasang, hayot umring oxirigacha sening ustingdan kulib o‘tadi". Rostdan ham shunga o‘rganish va ko‘nikish kerak, shekilli. Har qanday qiziqchi o‘z dasturlarida mana shu haqiqatni ko‘rsata olsa, uni haqiqiy qobiliyat egasi deyishimiz mumkin. Buning uchun esa hayotda nihoyatda sinchkov bo‘lish talab etiladi. Mirzabekda shu narsa bor. Demak, hayot hamma narsaga ustoz deganlari shu o‘rinda yana bir bor esga tushadi. Abu Abdulloh Rudakiy aytganlaridek:
Har kimsa hayotdan olmasa ta’lim,
Unga o‘rgatolmas hech bir muallim.
Mirzabek va uning teatri
Biz ijodkorlarni, shoir va yozuvchilarni yaxshi ko‘ramiz. Ko‘cha-ko‘yda ko‘rib qolsak, salom berib ko‘rishishga, iloji bo‘lsa dastxat olishga harakat qilamiz. Nega shunday? Chunki, ular sizu bizning dilimizdagini topib, o‘rniga qo‘yib aytadigan kishilardir. Bundoq olib qarasak, bu gaplar hammamizning dilimizda bo‘ladi, biroq hamma gap uni qay darajada ifodalay olishga borib taqalashini hisobga oladigan bo‘lsak, bu ijodkorlik qobiliyatiga mos ish ekanligini anglab yetamiz. Demak, ijodkor bo‘lish, san’atkor sifatida e’tirof etilish ham Alloh tomonidan berilgan ulug‘ tuhfadir. Bunga shukur etmoq lozim. Shu ma’noda "œMirzo" teatri ham tomoshabinning diliga mos tushadigan tomoshalarni ko‘rsatish uchun tashkil etilgan yaxshi jamoadir. Mana bir necha yildan buyon bu teatr baholiqudrat o‘zining dasturlarini namoyish etib kelmoqda.
Ochig‘ini aytish kerak, "œMirzo" teatrining har galgi dasturga puxta tayyorgarlik ko‘rgani tomosha paytida bilinadi. Voqealarda "œyarq" etib turadigan xarakter bor. Agar biz "œMirzo" teatrining asoschisi Mirzabek Xolmedovni daryoga o‘xshatsak, uning suvini Valijon Shamsiev va Shukrullo Isroilovlar tashkil etadi. Mirzabekni daryoga qiyoslaganimizning boisi shuki, u nihoyatda jo‘shqin, o‘zini o‘ziga sig‘dira olmaydigan san’atkordir. Shu bois uning "œsuvlari" ham ana shu daryoga monand ravishda ijod qilishga intilmoqdalar.
Boshda aytilganidek, bizda iqtidorli aktyorlar ko‘p, ammo ularni joy-joyiga quyadigan va qobiliyatlarini to‘liq aks ettiradigan asar kam. "œMirzo" teatrida esa bunday muammo yo‘q. Valijonning ham, Shukrullo-yu Ma’murjonning ham, hattoki Oybekjonning (Mirzabek Xolmedovnina o‘g‘li) ham o‘z o‘rni va roli bor. Biz bugun "œMirzo" teatri deganda ana shunday o‘ziga xos ijodiy jamoani tushunamiz.
Valijonning "œotaxon" obrazini qoyillatgani, Shukrulloning dev yoki doim ovqat deb tamshanib yuradigan obrazlarni talqin etishi biz uchun qadrli bo‘lib qolgan. Bularning barchasi "œMirzo" teatrining dunyoga kelishi bilan bog‘liq. Agar shu teatr bo‘lmaganda, ehtimol Valini ham, devni ham va hattoki Mirzabekning o‘zini ham bunchalik kashf etmagan bo‘larmidik...
Qo‘shiqchilik nima?
O‘zbek qo‘shiqchilik san’atining o‘ziga xos buyuk tarixi bor. Xalqimiz orasidan shunday ulug‘ san’atkorlar yetishib chiqishganki, ularning har biri haqida alohida asar yozsa bo‘ladi.
Qo‘shiqchilarimizni, mumtoz ashulalarimizni, nolasi olamni buzadigan navolarni aytmaysizmi? Eh-he, bularning bari saltanat. San’atning bu qasrida hoqonlik darajasiga erishgan ne-ne hofizlarimiz o‘tib ketmadilar?! Shukurki, bugungi kunda ham ularning munosib davomchilari, izdoshlari bor. Biz bu o‘rinda ularni sanamoqchi emasmiz. Gap shundaki, bugun yetishib chiqayotgan yosh xonandalar ulug‘ ustozlar yo‘lini munosib davom ettirayaptilarmi?
Tan olib aytish kerakki, yoshlarimizning hammasini ham yomonotliqqa chiqarib bo‘lmaydi. Ular orasida salohiyati bilan ajralib turadigan, yaxshi qo‘shiqlar yaratayotganlar ko‘p. Buni hech kim inkor etolmaydi. Biroq, shundaylar ham borki, ularning ba’zan nima deyayotganlariga tushunmaysan, kishi. Mirzabek Xolmedov ana shunday saviyasi past, bachkana qo‘shiq va qo‘shiqchilar haqida ko‘p tanqidiy fikrlarni aytadi. Va bu holat uning kuyunchakligidan darak beradi. Mirzabek Xolmedov barcha fidoyi san’atkorlar, asl qo‘shiqning qadriga yetuvchilar qatori toza ashulalar, ma’naviy boy xonishlar dunyoga kelishining tarafdori. Shuning uchun ham u yutuqlardan quvonib, kamchiliklardan noliydi.
Endi uning o‘ziga kelsak, Mirzabekda shirin ovoz bor. U she’r o‘qiganda ko‘nglillar yayraydi, monologlar o‘qisa shuurimiz bahra oladi, qo‘shiq aytsa dil zavqlanadi. Lekin keyingi paytlarda uning ijodida yengil-elpi qo‘shiqlar ham ko‘rinib qoldi. Bu esa uning qiziqchiligiga borib taqalsa ehtimoldan xoli emas. Ammo ovozni hurmat qilib yaxshi qo‘shiqlar aytsa bo‘ladi-ku!
Boshlovchi
U ko‘p narsaning boshlovchisi. To‘yni boshlab, mehmonlarni xushnud etadi. Kontsertni boshlab tomoshabinlarni xursand qiladi. Ichida ilmog‘i bor latifani boshlab o‘ziga tashvish orttiradi. Demak, kimlarningdir nazdida oson tuyuluvchi boshlovchilik qilish ham qiyin ekan.
Kamina ham to‘ylarda boshlovchilik, o‘rtakashlik qilib yurardim. "œSizning monologlaringizni to‘ylarda aytaman, sizga havas qilaman" deya Mirzabek akadan duo ham olganman. Bir kuni kelin-kuyovning to‘yida bazmning o‘rtalariga borib, onalar haqidagi monologni o‘qidim. Va tugatib bo‘lgach, nihoyatda xijolat bo‘ldim. Chunki kuyovning onasi meni chetga tortib, shunday dedi: "œUka rahmat, to‘yni yaxshi olib borarkansiz, biroq, men tirikman-ku, nega o‘lganlar haqida she’r o‘qiysiz?.." Men ayolga hech narsa demadim, deyolmadim va bunga hojat ham yo‘q edi. Shu-shu bir haqiqatni yana bir bor tan oldim. Chumchuq so‘ysa ham qassob so‘yin deganlari bejiz emas ekan.
Ko‘ngil ovlovchi
San’at keng tushuncha. Ana shu kenglikni his qila olgan odam haqiqiy san’atkordir. San’atkorlar orasida serqirra qobiliyati bilan ajralib turuvchilar kam. Men o‘zining boy ijodiy salohiyati bilan millionlab dillarni xushnud aylagan ana shunday san’atkorlar haqida o‘ylasam, ko‘z o‘ngimda Yunus Rajabiy, Ma’murjon Uzoqov, Jo‘raxon Sultonov, Komiljon Otaniyozov, Turg‘un Alimatov, Tamaraxonim, Hamza Umarov, Muhiddin Darveshov, Sherali Jo‘raev, Yodgor Sa’diev gavdalanadi. Mirzabek Xolmedov ham ana shu san’atkorlar qatorida. Bugun uning muxlislari har bir viloyatda istagancha topiladi. Unga taqlid qiluvchilarning adog‘i yo‘q. Bu bejiz emas, albatta. San’atkor xalqini qanchalik yaxshi ko‘rsa, odamlar ham uni ardoqlaydilar.
Mirzabek Xolmedov Buxoroga borsa, buxorocha gapiradi, ?amarqandga borsa tojikcha qo‘shiq aytadi. Xorazmga borsa bu yerning qiyin va shirin shevasida boplab latifa aytadi. Boshqa kuni esa Qoraqalpog‘istonga borib kontsertiga tushsangiz, ie, qoraqalpoqlarda ham Mirzaga o‘xshagan qiziqchi chiqibdimi, deysiz. Xullas u qaerga borsa, o‘sha joyning tiliga monand chiqish qilishga harakat qiladi. Odamlarning dardini his qila va ayta oladi. Shuning uchun bo‘lsa kerak, yurtimizning istalgan joyiga borib u haqda gap ochsangiz, mahalliy xalq Mirzabek bizning viloyatdan deyishadi. Aslida esa u Toshkent — poytaxtning farzandi. Poytaxtimiz Toshkent — O‘zbekistonniki, uning farzandlari ham.
Mirzabek Xolmedov shuningdek, qo‘shni respublikalarga borsa ham, ularning ichagini uzadigan darajada kuldira oladi. Zotan u qozoqcha, qirg‘izcha, turkmancha, tojikcha, ruscha, hattoki hindlarga o‘xshab qotirib rol ijro etadi va qo‘shiqlarni aytadi. Ularning kiyimini kiysa, o‘sha millat vakillaridan ajratish amrimahol. Ayniqsa uning Nikulinga o‘xshashi bu fikrimizga yaqqol misol. Ha, u hammaning ko‘nglini ovlashga harakat qiladi. Axir bundan ham qutlug‘ istak bormi dunyoda?!
Yaxshilikka undovchi
Ota-onasi tarbiyalay olmay bolas? noto‘g‘ri yo‘llarga kirib ketgan oilalarni ko‘rsam achinaman. Negaki, bolani to‘g‘ri yo‘lga boshlash, unga munosib tarbiya berish har kimning ham qo‘lidan keladigan ish emas ekan.
Shunday san’atkorlar borki, ularning ijodidan zavqlanib, sarmast bo‘lib, bundan o‘ziga to‘g‘ri yo‘l topib olgan odamlar hayotda nihoyatda ko‘p uchraydi. Bu holat esa san’atkorga ulkan mas’uliyat bag‘ishlaydi. Yaqinda bir kishi shunday deb qoldi: "œMen Palonchi Pismadonchievaning (kimligini istihola yuzasidan keltirmadik) qo‘shiqlarini sevib tinglardim, hurmat qilardim. Ammo yaqinda uning radio orqali berilgan suhbatini eshitdim-u, hayf senga san’atkorlik dedim".
Muxlisning bu gapida jon bor. Bizda san’atkorning ijodi bilan birga shaxsi ham muhim ahamiyatga molik. Shuning uchun bo‘lsa kerak, ular haqida tarqalgan har qanday gap tezda ovoza bo‘ladi.
Endi hikoyamiz qahramoni Mirzabekka qaytadigan bo‘lsak, u qaerda gapirmasin, odobni, tomoshabin hurmatini joyiga qo‘yadi. Chiqishlarida odamlarni bir-biriga mehribon bo‘lishlarini istab shirin istaklar bildiradi. Yonib-ko‘yib monolog aytishlarida ham ota-onaga mehr, aka-ukalar o‘rtasida oqibat uzilmasin, degan niyat bor. Bu niyat hammamizni yorug‘likka yetaklovchi, ezgulikka undovchi kuchdir. Shu kuch yo‘qolmasin hech qachon!
Hidoyat sari
Xalqimizda qazisan, qartasan, asli-naslingga tortasan, degan naql bor. Bu bejiz aytilgan hikmat emas ekan. Inson azaldan o‘zligini anglashga odatlangan. Mirzabek Xolmedovning dasturlarini astoydil kuzatsangiz, uning har bir so‘zi zamirida kishilarni to‘g‘ri yo‘lga boshlash turadi. Bu g‘oya xoh uning latifasida, xoh monologlarida yoki qo‘shiqlarida bo‘lsin, baribir ustunlik qilaveradi. Yaqinda bir san’atsevar ayol shunday deb qoldi: "œMen qiziqchilarimizning bachkanalashib borayotganiga qarab turib, ularning o‘zlari aytayotgan gapidan uyalmasmikan, deb o‘ylayman, nega ular sof qahqaha ulashishdan yiroqlashmoqdalar, nega ularning aksariyati uyatli so‘zlarni aytishadi" deb qoldi va misol uchun deya Mirzabek Xolmedovning ism-sharifini aytdi. Men esa bu gapni izohlash uchun Mirzabek akadan emas, boshqa qiziqchi Ortiq Sultonovdan iltimos qildim. "œBekor aytibdi, o‘sha ayol,-dedi Ortiq aka,-bundaylar sizning oldingizda shunday deyishadi-yu, aslida Mirzabek akami, yoki boshqa qiziqchiningmi shunday so‘zlarini eshitish uchun kontsertga kiradi. Va eng muhimi, shunday chiqishlarimizni ular bizdan ko‘ra yaxshi eslab qolishadi".
Kamina Ortiq Sultonovning bu fikriga qo‘shilish qo‘shilmaslikni ham bilmadim-u, lekin hozir ko‘cha-kuyda, jamoat transportlarida yoshlarning bir-birlariga murojaat qilib gapirishlarini eshitsangiz, po‘st tashlab yuborasiz. Negaki ular shunaqa "œchiroyli" so‘zlarni ishlatishadiki, eng ko‘p ishlatadigani: "œj....b". Ana shu gapni aytishmasa, ularning ko‘ngli tinchimaydi. Endi shunday gaplarni eshitishga ko‘nikkan quloq qiziqchilarimizning yengil-elpi gapini eshitishi ham kerak-da. Qolaversa, odamzotning kamchiligi uning yuziga aytilib, uyaltirilmasa, u hech qachon bu qusurlarini yo‘qotmaydi. Shu bois ham qiziqchilarning chiqishlaridagi so‘zlarni bachkanalikka yo‘ymaslik kerak. Chunki qiziqchilarning chiqishlari hayotdan olinadi.
Keyingi paytlarda e’tibor bersangiz, Mirzabekning dasturlarida kishilarni ezgulikka undash yanada ko‘chaydi. Men bu o‘rinda uning Fozil qori Yosin qori o‘g‘li bilan hamkorlikda chiqargan audio kassetasini nazarda tutayapman. Aslida odamlarni pokizalikka da’vat etish uchun kishining ma’naviy haqqi bo‘lish kerak. Shu ma’noda aytadigan bo‘lsak, Mirzabek Xolmedovning mashhur qori bilan hidoyat yo‘lida chiqargan kassetalari maqbul yo‘ldir. Bu kassetadagi hikoyatlarni, rivoyatlarni, diyonat borasidagi hikmatlarni Fozil qori lafzida eshitganlarning oxirat haqida o‘ylashlari begumon va o‘zlarining qusurlarini yo‘qotib borishlari aniq. Shu ulug‘ so‘zlarga hamohang holda Mirzabek ijrosida yangragan qo‘shiqlar esa sizu bizning dilimizdagi istaklardir.
Mirzabekning ana shu holatlarini kuzata turib biz, bekorga insonning asliga qaytishi haqidagi naqlni eslamagandik.
"œEl netib topg‘ay menikim..."
Mir Alisher Navoiyning shunday so‘zlari bor: "œEl netib topg‘ay menikim, men o‘zimni topmasam". Darhaqiqat, o‘zligini anglamagan inson boshqalarni, o‘zganing ko‘nglini qaerdan ham tushunsin? Mirzabek Xolmedov ham avval o‘zini, keyin muxlislarini topgan. U nihoyatda jiddiy inson. U bilan boshqa joyda ro‘baro‘ bo‘lgan kishi, nahotki shu odam hammani kuldira olsa, degan fikrga keladi. Qizig‘i shundaki, Mirzabek Xolmedovni qiziqchi desalar xafa bo‘ladi. "œMen kino va teatr aktyoriman", deydi. Yana qolaversa, "œJiddiy fikrlaydigan odamgina qiziqchilik qila oladi" deb qo‘shimcha qiladi qahramonimiz.
Mirzabek Xolmedovning ichki dunyosi uning qo‘shiqlarida ham mujassam:
Men kim, oddiy bir masxaraboz,
Kuldiraman juda ham soz.
Kulmang, do‘stlarim siz bir nafas,
Men ham odam, masxaraboz emas...
Ha, u hamma qatori oddiy odam, ayni paytda hammadan nimasi bilandir ajralib turuvchi "œnooddiy" odam. Uning san’atkorligi, muxlislariga manzur bo‘la olishi aynan ana shu "œnooddiy"ligida...
http://ziyo-uz.narod.ru/Articles/mirzabek.htm
Mirzabek Holmedovning sahnada o'zini tutishi, oretiqcha naynishi manga yoqmiydi.
Ichki oilaviy munosabatlarni ochiqdan ochiq gapirish va kalaka qilish manimcha to'g'ri kemiydi.
Shunaqa uyat gaplarni gapirib turib, yana islomiy masala qilishi, maslahat berishi esa umuman kayfiyatimni tushirib yuboradi.
Sizlar qanday fikrdasizlar?
Iqtibos: maknuna board=liter thread=1147061008 post=1148456160Mirzabek Holmedovning sahnada o'zini tutishi, oretiqcha naynishi manga yoqmiydi.
Ichki oilaviy munosabatlarni ochiqdan ochiq gapirish va kalaka qilish manimcha to'g'ri kemiydi.
Shunaqa uyat gaplarni gapirib turib, yana islomiy masala qilishi, maslahat berishi esa umuman kayfiyatimni tushirib yuboradi.
Sizlar qanday fikrdasizlar?
MANIMCHA MIRZABEK HOLMEDOVNING 10 YILLIK TO'YIDAGI KONSERTI JUDA YAXSHI BO'LGAN EDI.
TO'G'RI U KO'P OILAVIY NARSALARNI HAZIL MA'NOSIDA OCHIQDAN OYDIN GAPIRADI.
LEKIN BU BOR NARSALAR.
MANIMCHA BU NARSALARNI GAPIRIB ODAMLARNI QAYSIDUR MA'NODA MANA SHU NARSALARGA E'TIBORLIROQ BO'LISHINI UNDIDI.
UMUMAN OLGANDA MANGA KO'PROQ HOJIBOY TOJIBOEV JUDA YOQADI.
U INSON HAMMA NARSANI HAYOTDAN GAPIRADILAR. HAMAMSI BOR GAPLAR VA JUDA QIZIQ.
UMUMAN OLGANDA BIZNI QIZIQCHILAR YOMON EMAS.
LEKIN ULARNI SANOQLI DEB BILAMAN.
MASALAN ROSSIYADA QIZIQCHILAR JUDA KO'P.
DEMAK MAVZULAR FIKRLAR HAM KO'P.
BIZDA HAM HAQIQIY AYNAN HOJIBOY TOJIBOEVGA O'XSHAGAN QIZIQCHILARIMIZ KO'P BOSA YAXSHI BO'LADI ALBATTA.
P.S. "HANDALAK" HAM YOMON EMAS :)
Shoir, maqola uchun katta rahmat sizga. Muallifning ba'zi fikrlariga o'zimning munosabatimni bildirib o'tsam...Iqtibosqiziqchilik bilan askiyachilik o‘rtasidagi farq osmonu yer qadar. O‘zbek qiziqchilik san’atiga Muhiddin qiziq Darveshov asos solgan desak aslo yanglishmaymiz. Sodda ko‘rinishli, dunyoning eng chekkasiga ham olib borib har qanday ajnabiy kiyimlarni ustiga ilib qo‘ysa ham o‘zbekligi shundoq bilinib turuvchi bu inson (u kishining joylari jannatda bo‘lsin) o‘zining kuldirish yo‘li bilan ajralib turardi. U oddiy latifani ham xuddi o‘zi guvoh bo‘lgan kishidek gapirar, harakatlari, do‘ppini qiyshaytirib kiyib olishlarining o‘zi ham uning o‘ziga xosligidan darak berardi. Muhiddin akaning latifalari shunchaki kulish uchun emas, balki hayotdagi muammolarni qamrab olganligi bilan ham ahamiyatli va zalvorlidir.
Juda to'gri aytilgan gap. Rahmatli M. Darveshov juda ajoyib san'atkor va yaxshi ta'rif berilibdi u kishiga.
Darhaqiqat, "œKo‘zlarim yo‘lingda" filmidagi roli qoyilmaqom bajarilgan, aytgan qo'shig'i esa shunchalik yaxshiki, eshitsam badanim jimirlab ketadi.
Bu fikr bilan qo'shila olmayman, garchi bu sohada bilimlarim juda oz bo'lsa ham. Menimcha, bu o'rinda aktyorni to'g'ri tanlash muhimroq. Aktyor uchun asar yozish... tasavvur qila omayapman.
G'oyat to'g'ri aytilgan gap, bu fikrga bilan ko'pchilik qio'shilsa kerak.
Oshg'ich xulosa....Iqtiboshozir ko‘cha-kuyda, jamoat transportlarida yoshlarning bir-birlariga murojaat qilib gapirishlarini eshitsangiz, po‘st tashlab yuborasiz. Negaki ular shunaqa "œchiroyli" so‘zlarni ishlatishadiki, eng ko‘p ishlatadigani: "œj....b". Ana shu gapni aytishmasa, ularning ko‘ngli tinchimaydi. Endi shunday gaplarni eshitishga ko‘nikkan quloq qiziqchilarimizning yengil-elpi gapini eshitishi ham kerak-da. Qolaversa, odamzotning kamchiligi uning yuziga aytilib, uyaltirilmasa, u hech qachon bu qusurlarini yo‘qotmaydi. Shu bois ham qiziqchilarning chiqishlaridagi so‘zlarni bachkanalikka yo‘ymaslik kerak.
Ana xolos... Demak, marhamat, TV, radio va boshqa vositalar orqali chiqib, ko'chaki "durdona" so'zlardan iqtibos keltiraveraylik unda... Muallifning Xolmedov "oq fotiha" sini olgani ko'rinib turibdi...
Ezgulikka undashiga kelsak, bu yaxshi, lekin haligidaga beparda, oila davrasida eshitish rosa noqulay hazillarni aytib yuruvchi odam birdaniga "so'fi" bo'lib chiqsa g'alati-da.
Gaplaringizga qo'shjilaman, Otabek!
Men maqolani shuning uchun ham ilova qilgan edim.
Maknunaning fikrlarida ham jon bor. Kuldirarkanman deb og'ziga nimani kelsa gapiraverish ham yaxshi odamning ishi emas.
hamma o'zining ishini qilsa yaxshi bo'lardi.
Kuldirarkanman deb his-tuyg'ularimiz, e'tiqodimiz ustidan kulishlari umuman to'g'ri kelmaydi.
* * *
Hozirgi kunda ayrim odamlarning qiziqchilik yoki askiyachilikka ishqibozliklari ancha ortdi. Buning sababi ham iymonning sustligidan kelib chiqadi. qiziqchilik qilayotganlar, ularning behayo va ahmaqona gaplariga, qiliqlariga kulayotganlar Alloh tomonidan masxara harom etilganini bilarmikinlar? Agar hazil latif bo‘lsa, birovning hamiyatiga tegmasa, eng muhimi - hayo pardasi bilan himoyalangan bo‘lsa, ehtimol qabul qilish mumkindir. Ammo avratni o‘rtaga qo‘yib yoki xotinning o‘ynash bilan yotganini aytib kuldirishga intilish - na qadar gunoh ekanini belgilay olmasmiz-ku, ammo naq ahmoqlikning o‘zi ekanini dangal ayta olamiz.
Ilgarigi zamonlarda ham askiya va qiziqchilik bo‘lgan. Ammo, birinchidan, beparda gaplar aytishdan tiyilishgan, ikkinchidan, davrada ayollar, bolalar bo‘lmagan. Hozir turli yig‘inlar yoki «kontsertlar»da erkaklardan ko‘proq ayollar o‘tirishadi. Behayo va beparda gaplardan miriqib-miriqib kuladilar. Bu bema’niliklar tez-tez televizorda ham namoyish qilib turiladi. Televizor qarshisida ota - qiz yoki qaynota - kelin ham o‘tirganini, bu gaplar ularni nomusdan yondirib yuboray deyayotganini ular o‘ylab ham ko‘rishmaydi. Bizni bir narsa ajablantiradi: behayolikni kasb qilib olgan «qiziqchi» yoki «askiyachi»lar befarosatmilar yoki ularning gaplaridan huzurlanayotganlar, ayniqsa kulgidan ko‘zlari yoshlanayotgan ayollar telbamilar? Ehtimol shunday tamoshalarga falon so‘m pul sarf qilib ahli ayoli, qizi, kelini bilan birga kelgan oila boshliqlari ahmoqdirlar? Bugun bema’ni kulgidan yoshlanayotgan ko‘zlari vaqti kelib qiyomat kunidagi azoblardan yoshlanmasa edi... Unda kech bo‘ladi...
Tohir Malik
* * *
Yangi yil arafasida telemuxbir ixlosmandlarini quvontirish uchun ayrim «qiziqchi»larning uyiga mehmon sifatida borib, gurung qildi. Garchi telemuxbir ularni «el sevgan san’atkorlar», deb ta’riflagan bo‘lsa-da, biz bu fikrga qo‘shilmaymiz, ya’ni ularning qiliqlarini «san’at» deb baholay olmaymiz. Hatto tom ma’nodagi «qiziqchi» deya ham olmaymizkim, shu bois bu atamani qo‘shtirnoq orasiga olishga majbur bo‘ldik. Bir «qiziqchi»ning o‘z onasi oldida behayo, uyatsiz latifalar aytishiga chidash mumkindir. Ikkinchi «qiziqchi»nikida undanda battar bo‘ldi. Davrada «qiziqchi»ning ota-onasi va qaynotasi o‘tiribdi. qishloqdan kelishgan ota-onasi gapga uncha aralashishmaydi. Ayniqsa onasi bema’ni hazillardan uyalib, qimtinib o‘tiribdi. «qiziqchi»ning xotini tug‘ruqxonada ekan. Ana endi elga taniqli bo‘lmish san’atkor - qaynota bilan «qiziqchi» kuyovning begona erkak bilan yotgan ayollar haqidagi latifalarini eshitsangiz... Kamina bu masxarabozlik, nodonlikning bu ko‘rinishining nima bilan tugashini bilish uchun toqat bilan kuzatdim. Bir narsani aniqlay olmadim: nodonlikda uloq qaynotada ketdimi yoinki kuyov boladami?
Tohir Malik
Iqtibos: shoir board=liter thread=1147061008 post=1148971399* * *Judayam to'g'ri fikrlar...
Hozirgi kunda ayrim odamlarning qiziqchilik yoki askiyachilikka ishqibozliklari ancha ortdi. Buning sababi ham iymonning sustligidan kelib chiqadi. qiziqchilik qilayotganlar, ularning behayo va ahmaqona gaplariga, qiliqlariga kulayotganlar Alloh tomonidan masxara harom etilganini bilarmikinlar? Agar hazil latif bo‘lsa, birovning hamiyatiga tegmasa, eng muhimi - hayo pardasi bilan himoyalangan bo‘lsa, ehtimol qabul qilish mumkindir. Ammo avratni o‘rtaga qo‘yib yoki xotinning o‘ynash bilan yotganini aytib kuldirishga intilish - na qadar gunoh ekanini belgilay olmasmiz-ku, ammo naq ahmoqlikning o‘zi ekanini dangal ayta olamiz.
Ilgarigi zamonlarda ham askiya va qiziqchilik bo‘lgan. Ammo, birinchidan, beparda gaplar aytishdan tiyilishgan, ikkinchidan, davrada ayollar, bolalar bo‘lmagan. Hozir turli yig‘inlar yoki «kontsertlar»da erkaklardan ko‘proq ayollar o‘tirishadi. Behayo va beparda gaplardan miriqib-miriqib kuladilar. Bu bema’niliklar tez-tez televizorda ham namoyish qilib turiladi. Televizor qarshisida ota - qiz yoki qaynota - kelin ham o‘tirganini, bu gaplar ularni nomusdan yondirib yuboray deyayotganini ular o‘ylab ham ko‘rishmaydi. Bizni bir narsa ajablantiradi: behayolikni kasb qilib olgan «qiziqchi» yoki «askiyachi»lar befarosatmilar yoki ularning gaplaridan huzurlanayotganlar, ayniqsa kulgidan ko‘zlari yoshlanayotgan ayollar telbamilar? Ehtimol shunday tamoshalarga falon so‘m pul sarf qilib ahli ayoli, qizi, kelini bilan birga kelgan oila boshliqlari ahmoqdirlar? Bugun bema’ni kulgidan yoshlanayotgan ko‘zlari vaqti kelib qiyomat kunidagi azoblardan yoshlanmasa edi... Unda kech bo‘ladi...
Tohir Malik
Aslida askiya so’zining ma’nosi arab tilidan, "œzukkolik", "œaqllilik" degan ma’noni bildiradi. Ba’zi bir "œzukkolar"ning qilmishlari bilan esa bu so’z xalqimiz orasida umuman boshqa ma’no kasb etgan. Ko’pchilik askiya deganda milliy pornografik so’z o’yinini tushunadi. Eng achinarlisi bu san’at kechalarimizni bezaydi, eng katta bayramlarimizga "œko’rk" bag’ishlaydi.
Bundaylarni ba’zilar askiyachi deb atasa, ba’zilar "œqiziqchi" deb ataydi. Tarixda xon zamonlarida, balki undan ham oldin, saroyning qiziqchilari bo’lishgan. Ularning vazifasi qiziq-qiziq gaplar bilan xon va fuqaroning ko’nglini ovlash bo’lgan. Odtada qiziqchilar jamiyatdagi konkret bir mavzuni ko’tarib chiqqanlar. Xalqimiz orasida bunday qiziqlar ko’p bo’lgan, hozir ham bor.
Ayrim zamonaviy qiziqchilarning esa og’zilaridan chiqayotgan "œsassiq" gaplarga chidab bo’lmaydi. Sharqda odatda oila siri juda ham maxfiy saqlangan. Ayollar, yosh bolalar bo’lgan davralarda bunday gaplarni gapirishdan istihola qilingan. Hozir-chi? To’ylarda, katta katta marosimlarda, TV, Radioda naynigan qiziqchilarning oila hayotining eng sirli nuqtalarini masxara qilish hollari kuzatiladi
Manimcha hozirgi o`zbek qiziqchiligida ham anchagina kamchilila bor, yo ozligi nima deyishvotganini bilishmidi, yo jorttaga etishadi, ammo hammasi degan gap emas bu.
shunchaki nuqsonla talaygian, qiziqchilik degan gap kimningdir ustidan kulish emasu....
Iqtibos: admin board=liter thread=1147061008 post=1148994874Ayrim zamonaviy qiziqchilarning esa og’zilaridan chiqayotgan "œsassiq" gaplarga chidab bo’lmaydi. Sharqda odatda oila siri juda ham maxfiy saqlangan. Ayollar, yosh bolalar bo’lgan davralarda bunday gaplarni gapirishdan istihola qilingan. Hozir-chi? To’ylarda, katta katta marosimlarda, TV, Radioda naynigan qiziqchilarning oila hayotining eng sirli nuqtalarini masxara qilish hollari kuzatiladiHa, bunaqa lavhalarni TV da berib qolishsa, oila a'zolaringiz bilan umuman ko'rib bo'lmaydi.
Ayniqsa, milliy askiyamizda juda naynishadi. Yana buni kotta san'at darajasiga ko'tarishadi...
Iqtibos: muslimasubh board=liter thread=1147061008 post=1147132873Rasululloh sallolohi alayhi vasallam birovlarni kuldirish uchun yolg'on gapirgan kishi haqida qatti qgapirganlar, ularga vayl bo'lsin, vayl bo'lsin, vayl bo'lsin deganlar. Har bir ohiratini o'ylaydigan kishi vaqtini behuda-asli hayotda yo'q bo'lgan kulguga emas, balki haqiqiy real hayotga qanday taqsimlashni bilishi kerak, hazilning ham samimiy va hayotiy bo'lganlarigina ma'qul, qolganlariga esa sarvari koinot Rasululloh salallohi alayhi vasallam aytganlaridek vayl bo'lsin!
Assalamu alaykum! Gaplaringizga to'la holda qo'shilaman. Men shu qiziqchilarni ham ularni tomosha qilib bachkanadan- bachkana so'lariga kulayotgan kishilarni hech tushunmayman... Ularga Rasululloh s.a.v.ning so'zlarini eslatgim keladi, U muborak zot kulib turgan sahobalarni ko'rib, ularga:" Agar O'LIMNI ko'proq eslaganlaringizda sizlarni bu holda topmasdim", degan ekanlar. Holbuki, ularni bizlardan farqlari ko'p edi. Birinchidan ularni bizdan ko'ra solih amallari juda-judaaa ko'p edi,ikkinchidan ular bizga o'hshab zalga yig'ilib soatlab ko'zlaridan yosh chiqarib kulishmagan.Bu meni shahsiy fikrim albatta. Men qiziqchilikka umuman qarshiman. buni umuman musulmon o'zbeklarni qadimiy ana'nalariga dahli bormikin o'zi. Bilmay soz'lagan bo'lsam va bu bilan ba'zilarni ko'ngliga zarra ozor yetkazgan bo'lsam, ALLOHdan mag'firat, siz azizlardan uzr so'rayman.
Assalamu alaykum Shoir! Sizga bir savolim bor. "Kulgi ziynat, kulgan odam samiymiy bo'ladi, qalbi tozaradi", debsiz. Lekin siz quyidagi hadisi sharifga qanaqa qaraysiz:" Ko'p kulish, ko'p yeyish va ko'p so'zlash qalbni o'ldiradi". Alloh taolo, kimlarnidir aybi, kimlarnidir kamchligini sahnaga chiqib aytganni va buni eshitib ko'zidan yosh chiqqunicha kulgan odamlarni emas, gunohlarini eslab Allohni g'azabiga duchor bo'lib qolishdan qo'rqib ko'zlaridan yosh oqizgan odamlarni sevadi. Bunga sizlarning fikrlaringiz qanday? Kutib qolaman.
1 oyda 2 marta "Xudo" deb sajda qildim uyda hech kim yoq ekan darrov taxorat olib tezlik bn kurtkamni sajda qiladgan joymga tahslab hovliqib namoz boshladim 4 rakat asr namozi tilim aytoytgan b-n xayolim boshqa (xayolda)ollohim gunohlarimni kechir ~! Ollohim gunohimni kechir )ko'zda yosh ....4 rakat asr namoz boshdan oxrgacha yig'ladim negadir yiglashm ham oson bolib qolgan -joynomozga etganm uchun ollohmga yaqin borgandek horsinib yigladim ollohimga etshganday boldimmi...farosatsiz g'ayri din kasbdoshlarm ovqatlanshga ketgan edi shundan foydalanb namoz o'qib oldim ..farosatli-o'ziga bino qo'ygan manman hudbin nafsini tiyolmaydigan yana o'zini musulmon man deydgan mani yo'ldan ozdiradgan uzbekdan farosatsizlarim yahsi i netga kelaman sizlar borsizlar yozmasam ham sizlarning yozganlaringizni o'qib sizlardek muslim-muslima ukalarm borligiga xursandligimdan ko'zmga yosh keladi ..o'lmay qishlogimga borsam maschidga borsam huddi Ollohimning uyga kirgandek bolar edim -Ollohimga etganimga xursanligmdan to'yib to'yib yig'laryman Ollohim shu kunlarga etkazsin
Kimki o'z nafsini xo'r tutsa, Olloh uning qadrini oshiradi.Kimki o'z nafsini izzat qilsa,Olloh bandalar orasida uni ho'r qiladi.
Olloh aytgan ekan;Sizlarni dunyo xayoti aldab qo'ymasin va xargiz sizlarni Olloh barcha gunohlarni kechirib yubooraveradi deb aldaguvchi Shayton aldab qo'ymasin
(tohir Malik -Shaytanatdan)
Assalamu alaykum Abdukarim aka! Alloh sizdan rozi bo'lsin, hayrli niyatlaringizga yetkazsin.Ikki dunyo saodatiga erishtirsin.Shayton va shaytonnusha odamlardan Allohning O'zi himoyasida asrasin. Amiyn Ya Robbil A'lamiyn.
Iqtibos: mubashshir board=liter thread=1147061008 post=1150099635Assalamu alaykum Shoir! Sizga bir savolim bor. "Kulgi ziynat, kulgan odam samiymiy bo'ladi, qalbi tozaradi", debsiz. Lekin siz quyidagi hadisi sharifga qanaqa qaraysiz:" Ko'p kulish, ko'p yeyish va ko'p so'zlash qalbni o'ldiradi". Alloh taolo, kimlarnidir aybi, kimlarnidir kamchligini sahnaga chiqib aytganni va buni eshitib ko'zidan yosh chiqqunicha kulgan odamlarni emas, gunohlarini eslab Allohni g'azabiga duchor bo'lib qolishdan qo'rqib ko'zlaridan yosh oqizgan odamlarni sevadi. Bunga sizlarning fikrlaringiz qanday? Kutib qolaman.Gapingizda jon bor Mubashshir!
Lekin hadisda ko'p kulgan odamning vasfi kelyapti.
Kulishning ham albatta chegarasi. Bor. Qattiq kulish, birovning ustidan, kamchiligidan kulish, albatta to'g'ri kelmaydi.
Kelin bu degani kulmang degani emas. Payg'ambarimiz Muhammad SAV ham kulganlar. Kezi kelganda hazillashganlar ham.
Iqtibos: Abdulkarim board=liter thread=1147061008 post=11501028841 oyda 2 marta "Xudo" deb sajda qildim uyda hech kim yoq ekan darrov taxorat olib tezlik bn kurtkamni sajda qiladgan joymga tahslab hovliqib namoz boshladim 4 rakat asr namozi tilim aytoytgan b-n xayolim boshqa (xayolda)ollohim gunohlarimni kechir ~! Ollohim gunohimni kechir )ko'zda yosh ....4 rakat asr namoz boshdan oxrgacha yig'ladim negadir yiglashm ham oson bolib qolgan -joynomozga etganm uchun ollohmga yaqin borgandek horsinib yigladim ollohimga etshganday boldimmi...farosatsiz g'ayri din kasbdoshlarm ovqatlanshga ketgan edi shundan foydalanb namoz o'qib oldim ..farosatli-o'ziga bino qo'ygan manman hudbin nafsini tiyolmaydigan yana o'zini musulmon man deydgan mani yo'ldan ozdiradgan uzbekdan farosatsizlarim yahsi i netga kelaman sizlar borsizlar yozmasam ham sizlarning yozganlaringizni o'qib sizlardek muslim-muslima ukalarm borligiga xursandligimdan ko'zmga yosh keladi ..o'lmay qishlogimga borsam maschidga borsam huddi Ollohimning uyga kirgandek bolar edim -Ollohimga etganimga xursanligmdan to'yib to'yib yig'laryman Ollohim shu kunlarga etkazsinJuda ham dildan yozilgan fikrlar.
Kimki o'z nafsini xo'r tutsa, Olloh uning qadrini oshiradi.Kimki o'z nafsini izzat qilsa,Olloh bandalar orasida uni ho'r qiladi.
Olloh aytgan ekan;Sizlarni dunyo xayoti aldab qo'ymasin va xargiz sizlarni Olloh barcha gunohlarni kechirib yubooraveradi deb aldaguvchi Shayton aldab qo'ymasin
(tohir Malik -Shaytanatdan)
Alloh muborak qilsin!
Iqtibos: assalom board=liter thread=1147061008 post=1150114785Gapingizda jon bor Mubashshir!
Lekin hadisda ko'p kulgan odamning vasfi kelyapti.
Kulishning ham albatta chegarasi. Bor. Qattiq kulish, birovning ustidan, kamchiligidan kulish, albatta to'g'ri kelmaydi.
Kelin bu degani kulmang degani emas. Payg'ambarimiz Muhammad SAV ham kulganlar. Kezi kelganda hazillashganlar ham.
Assalamu alaykum. Gaplaringiz to'g'ri,bu hadisda ko'p kulgan kishilar haqida so'z ketgan va Muhammad s.a.v. ham kulganlar, hazillashganlar buni inkor qilmayman, lekin Rasululloh s.a.v. faqat jilmayganlar ularni eng qattiq kulganlarida tishlarini oqi ko'ringan, bu haqida juda ko'p kitoblarda kelgan. hadisi sharifda vasfi kelgan ko'p kulgan kishilar bizni oramizda juda-juda ko'p.Chunki hozir zalga to'planib qiziqchilarni bachkana so'zlarini tinglab soatlab kulishadi odamlar. bu sizningcha ko'p kulgan emasmi? Keyin men kulgan odamni qalbi tozaradi degan fikrga qo'shilmayman,chunki agar qalb kulish bilan tozaradigan bo'lganida Rasululloh s.a.v. bu haqda aytgan bo'lardilar. U zot insonlarni ochiq yuz va hushhulq bo'lishga chaqiradilar, buning uchun esa zalga to'planib erkak-u ayol ovozini boricha chinqirib kulishi shart emas,shunday emasmi?
Mirza i shotirlarini chorsida oyog'idan osish kere, shunda boshqalaga urne bularmidi.
Uzi hammayoni bulg'atkani etmagande, "zapchas" iniyam sahnaga opchiqvotti, qovn.
Mirza i shotirlarini chorsida oyog'idan osish kere, shunda boshqalaga urne bularmidi.:)))) endi buyog'e ota o'g'il bulkande:))))
Uzi hammayoni bulg'atkani etmagande, "zapchas" iniyam sahnaga opchiqvotti, qovn.
:asl3:Mirza i shotirlarini chorsida oyog'idan osish kere, shunda boshqalaga urne bularmidi.
Uzi hammayoni bulg'atkani etmagande, "zapchas" iniyam sahnaga opchiqvotti, qovn.
Sofdil aka sal shafqat qilin :D
To'g'ri Mirzabek Xolmedov ancha bachkanalshib ketdi,lekin mana shunaqa bachkanalikka o'chlar ham ko'p-da hozir :( Talabga yarasha taklif degande.Agar hamma sizga o'xshab fikrlaganda bularni konsertiga hech kim tushmasdi va bu qiziqchilarimizga katta saboq bo'lardi ;)
Men xali hanuz Xojiboy Tojiboyevni konsertlarini ko'rsam mazza qilaman.Raxmatli qiziqchimiz bir o'zlari bemalol sahnada bir,bir yarim soat odamlarni kuldirar edilar.Mana shu inson bizning xaqiqiy qiziqchilarimizdan edilar.Afsuski ularni o'rinlarini bosa oladigan biron kimsani men ko'rmayapman :(
Hikmat tomonida yoritse Lu Lu hola gapirganlaride, shulaga o'xhap qomaganimga shukr qilaman.Луълуъ холангиз хикматни бошкача чунаркан, сиз айтаётган "хикмат" бошка. Уларга ухшаб колмаслик масаласини сса уларни скиндан таниб-айтсез срашади,Софдил