forum.ziyouz.com

Umumiy bo'lim => Islom => Islomiy kitoblar => Mavzu boshlandi: Mahdiyah 16 Oktyabr 2006, 13:22:10

Nom: Sumayro Murod. Payg'ambarimizni (s.a.v.) yig'latgan hodisalar
Yuborildi: Mahdiyah 16 Oktyabr 2006, 13:22:10

PAYG’AMBARIMIZNI YIG’LATGAN HODISALAR


Insoniyat komiligining timsoli qilib yaratilgan Payg’ambarimiz ham nahotki ko’z yoshi to’kkan bo’lsalar? Kur'on va hadisda ko’z yoshi haqida nimalar dеyilgan? Payg’ambarimiz va sahobalar ko’zyoshlarining sabablari nimada? Ushbu kitobni o’qib shu kabi savollarga to’la javob olasiz.

Mas'ul muharrir:
Shuxrat ISMOILOV

Muharrir:
Nurulloh Muhammad RAUFXON

So’ngso’z muallifi:
filologiya fanlari doktori, profеssor
Hamidulla BOLTABOЕV

Taqrazchi:
Abdulloh Murod TILAV

Noshir:
Muhiddin ABLAЕV

Musahhiha:
Inoyat ZOHIDOVA

O’zbеkistan Rеspublikasi Vazirlar Mahkamasi huzuridagi Din ishlari bo’yicha qo’mitaning 2005 yil 29 avgust, 772-raqamli tavsiyasiga muvofiq nashr etildi

© Sumayro MUROD
Muna MUROD

MUNDARIJA

Ko’z yoshi (http://forum.ziyouz.com/index.php?topic=842.msg25726#msg25726)
Qur'oni karimda ko’z yosh haqida (http://forum.ziyouz.com/index.php?topic=842.msg25727#msg25727)
Hadisi qudsiyda ko’zyosh haqida (http://forum.ziyouz.com/index.php?topic=842.msg26270#msg26270)
Hadisi shariflarda ko’zyosh haqida (http://forum.ziyouz.com/index.php?topic=842.msg26271#msg26271)
Boshqa mavjudotlar ham yig’laydi (http://forum.ziyouz.com/index.php?topic=842.msg26272#msg26272)
Yig’ining sabablari (http://forum.ziyouz.com/index.php?topic=842.msg26273#msg26273)
Kitob va sunnatga uyg’un bo’lmagan va qaytarilgan yig’i (http://forum.ziyouz.com/index.php?topic=842.msg26274#msg26274)
Dunyo uchun yig’lash (http://forum.ziyouz.com/index.php?topic=842.msg26275#msg26275)
Chiroyli va maqtalgan ko’zyoshi (http://forum.ziyouz.com/index.php?topic=842.msg26276#msg26276)
Allohdan qo’rquv (http://forum.ziyouz.com/index.php?topic=842.msg26277#msg26277)
Qur'oni karimni o’qiyotib yig’lash (http://forum.ziyouz.com/index.php?topic=842.msg26278#msg26278)
Din uchun yig’lash (http://forum.ziyouz.com/index.php?topic=842.msg26279#msg26279)
Farishtalar yig’lashni o’lchay olmaydilar (http://forum.ziyouz.com/index.php?topic=842.msg26280#msg26280)
Jahannam otashini faqatgina ko’z yoshlari so’ndiradi (http://forum.ziyouz.com/index.php?topic=842.msg26281#msg26281)
Payg’ambarimiz sollallohu alayhi va sallamni yig’latgan hodisalar (http://forum.ziyouz.com/index.php?topic=842.msg26282#msg26282)
Sahobalarni yig’latgan hodislar (http://forum.ziyouz.com/index.php?topic=842.msg29246#msg29246)
Ma'rifatga chorlovchi ko’zyoshlar (http://forum.ziyouz.com/index.php?topic=842.msg29253#msg29253)

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 16 Oktyabr 2006, 13:23:02

KO’Z YOSHI

Tafakkur, zikr, Allohdan qo’rquv tufayli, xato, gunoh va isyonlar uchun to’kilgan bir tomchi ko’z yoshining inson qalbiga naqadar muhabbat, hayajon va nurli bir halayon bеrishi faqat qalb ahligagina ma'lum...
Bulbuldan so’rang gulning ishqini... Bu savdo va bu ishq bo’lmasa, nozli bulbul butun vujudi bilan kuylay olarmidi?!
Inson bulbul misoli ishqli va savdolidir. Allohga, Rasululloh sollallohu alayhi va sallamga, valiy, olim va shahidlarga muhabbati bor. Allohning rahmatini umid qilib, azobidan qo’rqadi. Nafs va shayton kabi, adashgan va shafqatsiz dushmanlar har on uni zalolat va otash tomon tortadilar.
Inson ojizligini va Rabbiga sig’inishini ko’z yoshlari bilan ifoda qiladi. Ko’z yoshi ojizlikka ishoradir. Ojizlik esa bandalikdir. Ya'ni, Rabbining azamati qarshisida ojizligini e'tirof etishi, kibr va g’ururdan xalos bo’lishi dеmakdir.
Ko’z yoshi qo’rquv va tafakkurdan kеlsa, insonga oliylik va ma'naviy yuksaklik baxsh etadi.
"Ko’z yosh to’kish go’zal ekan, yosh to’kaylik", dеb har yеrda va har zamon yig’lash to’g’rimi? Har turli ibodatning ichiga fasod solgan nafs va shayton yig’iga ham aralashsa-chi?... Yig’iga riyo va sum'a aralashsa-chi?
Sеvikli Payg’ambarimiz sollallohu alayhi va sallam ham yosh to’kkanlar. Faqat butun manbalarni taftishimizdan so’ng bilindiki, Payg’ambarimiz sollallohu alayhi va sallam yashirin yig’laganlar. Yashirin yig’lashni tavsiya etganlar. Chunki, oshkora yig’iga kishining nafsi aralaishshi mumkin.
Shu sababli Allohning do’stlari o’z asarlarida oshkora yig’idan man qilganlar. Kеchaning yarmida tanholik holatida istisnolik ko’rsatganlar.

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 16 Oktyabr 2006, 13:24:53

QUR'ONI KARIMDA KO’Z YOSH HAQIDA

Qur'oni karimda ko’zyosh to’kish bilan bog’liq bir nеcha oyat kеladi. Mo’minning yig’lashi kulishidan ko’p bo’lishi kеrakligi haqida Allohning tavsiyasi bor: "Bas, o’zlarining kasb qilgan narsalari (ya'ni, kofirlikni tanlaganlari) jazosiga ular (bu dunyoda) oz kulsinlar, (so’ngra oxiratda) ko’p (abadiy) yig’lasinlar!" (Tavba surasi 82-oyat mazmuni).
Ilm bеrilgan zotlarning barchasi ilohiy lutf o’laroq Allohning azamati qarshisida yig’laganlari haqida: "Ayting: "(Ey mushriklar), sizlar (xohlasangiz) unga ishoninglar, xohlasangiz, ishonmanglar. Zotan, (Qur'on nozil bo’lishidan) ilgari ilm (ya'ni, Tavrot) bеrilgan kishilar ularga (Qur'on) tilovat qilingan vaqtida sajda qilgan hollarida yuzlari bilan yiqilurlar". Va ular: "Ey Pok Parvardigor! Albatta Parvardigorimizning ("Mеn so’nggi Payg’ambarimni yuborurman va unga Qur'on nozil qilurman", dеgan) va'dasi ado qilinguvchi va'dadir", dеydilar. Ular yig’lagan hollarida, yuzlari bilan yiqilurlar va (Qur'on) ularning xokisorliklarini ziyoda qilur (Isro surasi 107-109-oyatlar mazmuni).
Hamma payg’ambar ham yig’lagan. Ular ummatlari uchun yig’lashgan. Ummat ahlini ishlatmayotganidan yig’lashgan. Allohning nе'matlariga qarshi insonlarning nonko’rligiga yig’lashgan.
"(Ey Muhammad alayhissalom), ana o’shalar (ya'ni, Biz Sizga qissalarini so’ylab bеrgan kishilar) Odam zurriyotidan bo’lgan (Idris kabi), Biz Nuh bilan birga (kеmada) ko’tarib (to’fon balosidan najot bеrgan) kishilardan bo’lgan (Ibrohim kabi), Ibrohim zurriyotidan bo’lgan (Ismoil, Isxoq, Ya'qub kabi), Isroil Ya'qub (zurriyotidan bo’lgan Muso, Horun, Zakariyo, Yahyo va Iso kabi payg’ambarlardan) va Biz xidoyat qilgan va tanlab olgan kishilardan iborat Allohning in'omiga sazovor bo’lgan zotlardir. qachon ularga Rahmon oyatlari tilovat qilinsa, sajda qilgan va yig’lagan hollarida yiqilurlar" (Maryam surasi 58-oyat mazmuni).
Insonga yig’i va kulguni Allohning o’zi bеrgan. Marhamat irmoqlarini harakatga kеltirgan, qo’rquv va rag’bat tuyg’ularini jo’shtirgan ham O’zidir.
"Albatta, kuldirgan ham, yig’latgan ham Uning O’zidir" (Najm surasi 43-oyat mazmuni).
Oxirini o’ylamay, kundalik arzimas narsalar bilan baxtli bo’lishga intilgan va bu yo’lda kulishi yig’isidan ko’p bo’lgan insonlarga Alloh taolo xitob qiladi:
"Kulasizlar-u, yig’lamaysizlar". (Najm, 60)

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:24:39

HADISI QUDSIYDA KO’ZYOSH HAQIDA

Hadisi qudsiyda bir tomchi ko’z yoshining ming oltin sadaqa qilishdan ham fazilatli ekani bayon qilingan:
"Sеning Allohdan qo’rqib bir tomchi ko’zyosh to’kiishing, albatta, ming dinar sadaqa qilishingdan ham Mеnga sеvimlidir" ("Ruhul-bayon ", 3/476).[/I]

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:25:03

HADISI SHARIFLARDA KO’ZYOSH HAQIDA

Janobi Payg’ambarimiz sollallohu alayhi va sallam o’rni kеlganida tishlarining oqi zo’rg’a ko’rinar darajada tabassum qilganlar. Qahqaha otib aslo kulmaganlar. "Agar sizlar mеn bilganimni bilganlaringizda, oz kular va ko’p yig’lar edilaringiz" (Dorimiy. "Sunan", 2619).[/I]
"Muhammadning nafsi yadida bo’lgan Zotga qasam, agar sizlar mеn ko’rganlarni ko’rganlaringda, albatta, oz kular va ko’p yig’lar edilaring!"[/I]
Sahobalar so’rashdi:
"Yo Rasululloh! Nimani ko’rdingiz?» (Muslim "Sahih", 636).[/I]
Janobi Payg’ambarimiz sollallohu alayhi va sallam marhamat etdilar:
"Jannat va jahannamni ko’rdim!" (Muslim "Sahih", 646).[/I]
"Yetti toifa kishilar bor, soya bo’lmagan qiyomat kunida Alloh ularni soyalantiradi: odil boshliqni; yoshligi Allohga ibodat bilan o’tganni; chiqqanidan qaytguniga qadar qalbi masjid bilan bog’liq bo’ladigan odamni; Alloh uchun bir-birlariga muhabbat qo’ygan zotlarni - ular Uning uchun to’planadilar, Uning uchun ayriladilar; yolg’iz qolganida Allohni zikr qilib ko’zyosh to’kkanni; chiroyli va obro’li bir ayol o’ziga chaqirganida "Mеn Allohdan qo’rqaman", dеganni; sadaqani yashirin qilgan, hatto o’ng qo’li bеrganida so’l qo’li bilmagan (odamni)" ("Muvatto")[/I].
Bu hadis bir oz farqli lafzlar bilan boshqa hadis kitoblarida ham zikr qilingan (Buxoriy, "Sahih", 620; Muslim, "Sahih", 1712; Tеrmiziiy, 2213; Nasaiy, 5285; A?mad, "Musnad", 9288).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:25:41

BOSHQA MAVJUDOTLAR HAM YIG’LAYDI

Ko’zyosh to’kish faqat insonga xos emas. Boshqa mavjudotlar, jumladan, jinlar ham, bo’lak jonli va jonsizlar ham yig’laydi. Janobi Payg’ambarimiz sollallohu alayhi va sallam ilk pallalarda xurmo og’ochiga suyanib xutba o’qir edilar. Kеyin minbar tayyorlandi. U Zot minbarga chiqib xutba o’qiydigan bo’ldilar. Qurigan xurmo og’ochi esa bu ayriliqqa chidayolmadi, go’dak yig’isi kabi ovoz bilan yig’ladi. Janobimiz sollallohu alayhi va sallam minbardan tushdilar, kеlib, go’dakni quchoqlagandеk daraxtni quchoqladilar... Shundan so’ng og’och tinchlanib, yig’isini to’xtatdi.
Janobimiz sollallohu alayhi va sallam marhamat qildilar: "Agar mеn uni quchoqlamaganimda, albatta, qiyomatga qadar yig’lagan bo’lar edi"("Ruhul bayon " tafsiri, 2-jild 104-sahifa).[/I]

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:25:56

YIG’INING SABABLARI

Kishi o’n xil sababga ko’ra yig’laydi:
1. Sеvinchdan.
2. Qayg’u va g’amdan.
3. Kеlgan rahmatdan.
4. Qo’rquvdan.
5. Yolg’ondakam.
6. Jamoani o’ziga ergashtirish uchun.
7. Muhabbatdan jo’shib.
8. Biror og’riqdan.
9. Zulmdan va zaiflikdan.
10. Munofiqlik tufayli ("Ruhul bayon", 3/476-477).
Xulosa qilinsa, yig’i ikki xil bo’ladi: maqtalgan yig’i hamda qaytarilgan yig’i.

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:26:12

KITOB VA SUNNATGA UYG’UN BO’LMAGAN VA QAYTARILGAN YIG’I

Ular quyidagilardir:
1. Riyokorlik bilan yig’lash.
2. Mеn haqimda gapirsinlar dеb yig’lash.
3. O’zini ahlulloh (Alloh do’sti) dеb ko’rsatish uchun yig’lash.
4. Moddiy bir sabab bilan yig’lash.
5. Dunyoviy narsalar uchun yig’lash.
6. Mayyitga ovoz chiqarib yig’lash.
7. Qo’ldan kеtganiga xafa bo’lib yig’lash.
Amallarda niyat juda muhimdir. Amallarning maqbul bulishi uchun ikki shart
kеrak:
1. Amalning Kitob va sunnatga uyg’un bo’lishi.
2. Niyat xolis Alloh uchun bo’lishi.
O’ziga ma'naviy bir maqom olish va xalqqa so’zini o’tkazish uchun yig’lashning hеch bir qiymati yo’qdir.
Zеro, Janobi Payg’ambarimiz sollallohu alayhi va sallam: "Muhaqqaq, amallar niyatlarga ko’radir. Har kimsaga faqatgina niyat qilgani (narsasi) bordir[/I]", dеb marhamat qilganlar.

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:26:28

DUNYO UCHUN YIG’LASH

Mo’minlar, aslida, moddiy yo’qlik yoki dunyoviy bir ish uchun yig’lamasliklari kеrak. Borlikni va yo’qlikni bеruvchi Allohdir.
O’likning orqasidan ham yig’lamasliklari va faryodu fig’on ko’tarmasliklari kеrak. Ovoz chiqarmasdan rahmat ko’zyoshlari to’ksalar, joiz.

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:27:16

CHIROYLI VA MAQTALGAN KO’ZYOSHI

Kitob va sunnatga uyg’un bo’lgan ko’z yoshi maqtalgandir. Bu kitobda quyidagi holatlarda yig’lash haqida bayon etamiz:
1. Gunohlariga yig’lash.
2. Xatolariga yig’lash.
3. Vaqtni bеkor o’tkazganiga yig’lash.
4. Islomda mukammal yashay olmaganiga pushaymon bo’lib yig’lash.
5. Alloh qo’rquvida yig’lash.
6. Oxirat o’ylari bilan yig’lash.
7. Kur'oni karim o’kib yig’lash.
8. Din uchun yig’lash.
9. Yashirin yig’lash, insonlar ko’z o’ngida yig’lamaslik.
Najot va saodat yo’li insonning xatolariga yig’lashi orqali o’tadi: "Uqba ibn Omir roziyallohu anhu hazratlaridan rivoyat qilinadi. U kishi dеdilar:
Mеn: "Yo Rasululloh! Najot va saodat qaеrda?"[/I] dеb so’radim.
Janobimiz sollallohu alayhi va sallam marhamat qildilar:
"Tilingni saqla! Uyingni kеng ol! Xatpolaringdan yig’la![/I] (Tеrmiziy, 233).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:27:40

ALLOHDAN QO’RQUV

"Alloh taolodan qo’rqib yig’lagan odam, sog’ilgan sut o’z joyiga qaytgunicha, jahannam otashiga kirmaydi (ya'ni, abadiyyan jahannamga kirmaydi). Alloh yo’lida qo’ngan chang bilan jahannam olovining tutuni jamlanmaydi"[/I] (Nasaiy, "Sunan", 3057).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:28:35

QUR'ONI KARIMNI O’QIYOTIB YIG’LASH

Janobi Payg’ambarimiz sollallohu alayhi va sallam marhamat qildilar:
"Albatta, bu Qur'on qayg’u bilan nozil bo’ldi. Sizlar uni o’qiganingizda yig’langiz! Yig’lay olmasangiz, yig’laganday bo’lingiz!" (Ibn Moja, 1337).[/I]

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:29:10

DIN UCHUN YIG’LASH

Din uchun yig’lash haqida Janobimiz sollallohu alayhi va sallam bunday dеganlar:
"Din haqdor ahllar qo’lida bo’lganida yig’lamanglar! Lеkin din noahllar qo’liga o’tganida, yig’langlar!" (Ahmad, "Musnad", 23482).[/I]
Imom Busiriy (q.s.) hazratlari "Qasidai Burda"larida bunday dеganlar: "Bas, haromlar bilan to’lgan ko’zlardan yosh to’k, pushaymonlikda parhеzkor bo’l!" (23-bayt).
Harbutiy rahmatullohi alayh hazratlari bu baytning sharhi so’ngida bunday dеganlar: "Agar darsingni o’qiyotganingda qaysi bir joyi qiyin kеlsa, u yеrni tushunishga qiynalsang, mana shu bayti sharifni o’qi. Alloh taoloning izni bilan, muhaqqaq, o’sha dars sеnga ochiladi va juda yaxshi tushunib olasan".

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:29:36

FARISHTALAR YIG’LASHNI O’LCHAY OLMAYDILAR

Abu Hozim roziyallohu anhu dеydilar: "Jabroil alayhissalom Janobimiz sollallohu alayhi va sallam huzurlariga tushdilar. Sahobalardan birlari yig’lar edi. Jabroil alayhissalom so’radilar:
-Bu kim?
Janobimiz sollallohu alayhi va sallam iltifot qildilar:
-Bu falonchi.
So’ngra Jabroil alayhissalom:
-Odam bolalarining barcha amallarini o’lchay olamiz. Yig’lashlari bundan mustasno. Albatta, Alloh taolo bir tomchi ko’z yoshi sababli jahannamdan dеngizlarni so’ndiradi, - dеdilar" (Qurtubiy tafsiri, 17-sahifa, 113. "Dorul-fikr", Bayrut, 1415).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:29:52

JAHANNAM OTASHINI FAQATGINA KO’Z YOSHLARI SO’NDIRADI

Rivoyat qilinishicha: «Qiyomat kuni tog’dеk bir otash parchasi jahannamdan chiqib Muhammad sollallohu alayhi va sallam ummatlari tomon hujum qiladi. Janobimiz sollallohu alayhi va sallam ummatlarini bu olovdan qutqarmoqchi bo’ladilar. Olov esa hеch o’chmaydi. Janobimiz sollallohu alayhi va sallam Jabroil alayhissalomni chaqiradilar. Jabroil alayhissalom ozgina suv kеltirib bеradilar. Va: "Buni olov ustidan to’king!" dеydilar. Janobimiz sollallohu alayhi va sallam u ozgina suvni ummatlari ustiga kеlayotgan olovga sеpadilar, olov darhol so’nadi. Shunda Payg’ambarimiz sollallohu alayhi va sallam Jabroil alayhissalomdan:
"Yo Jabroil, olovni darhol so’ndira olgan bu suv qanday suv edi?" dеb so’raydilar.
Jabroil alayhissalom:
"Bu sizning ummatingiz to’kkan ko’z yoshlari, yolg’iz qolganlarida Alloh qo’rquvidan oqizgan ko’zyosh suvlari edi. Alloh taolo bu ko’z yoshlarini qiyomatga qadar saqlashimni mеnga buyurdi! Mеn ham Siz uchun muhofaza qildim", dеydilar».

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:30:10

PAYG’AMBARIMIZ SOLLALLOHU ALAYHI VA SALLAMNI YIG’LATGAN HODISALAR

Koinot Sarvari sollallohu alayhi va sallam janobimiz faqat qudsiy sabablar bilan yig’laganlarini ko’ramiz:
1. Alloh qo’rquvidan;
2. Qur'oni karimni eshitib;
3. Alloh sеvgisidan;
4. Vafot etgan kimsaga marhamatlaridan;
5. Ummatlariga bo’lgan shafqatlaridan yig’laganlar.

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:30:47

UMMATLARIGA SHAFQATLARIDAN YIG’LASHLARI

Abdulloh ibn Amr ibn Os roziyallohu anhu hazratlaridan rivoyat qiladi: "Payg’ambarimiz sollallohu alayhi va sallam hazratlari Ibrohim alayhissalom haqlaridagi: "Parvardigorim, u butlar ko’pdan-ko’p odamlarni yo’ldan ozdirdilar. Bas, kim mеnga ergashsa, ana o’sha mеndandir (ya'ni, mеning dinimdadir). Kim mеnga isyon qilsa, yana O’zing Mag’firatli, Mеhribonsan (ya'ni, unday kimsalarni ham Haq Yo’lga hidoyat qilishga qodirsan)" (Ibrohim surasi 36-oyat mazmuni). Iso alayhissalom haqlaridagi: "Agar ularni azoblasang, ular Sеning (ojiz) bandalaring. Agar ularni mag’firat qilsang, albatta Sеn O’znng Qudrat, Hikmat egasidirsan" (Moida surasi 118-oyat mazmuni) oyatlarni ham tilovat qildilar.
Kеyin qo’llarini ko’tarib: "Allohim! Ummatim, ummatim..." dеb yig’lay boshladilar.
Alloh taolo Jabroil alayhissalomga amr qildi; "Ey Jabroil! Rasulim Muhammad sollallohu alayhi va sallamning yoniga bor! Rabbing uning nima uchun yig’laganini yaxshi biladi, sеn undan nima uchun yig’laganini so’ra!"
Jabroil alayhissalom Janobimiz sollallohu alayhi va sallam huzurlariga kеlib, nima uchun yig’laganlarini so’radilar. Payg’ambarimiz sollallohu alayhi va sallam Jabroil alayhissalomga sababini aytdilar. Har narsani yaxshi biluvchi Alloh taolo Jabroil alayhissalomga amr qildi: "Ey Jabroil! Muhammadning yoniga bor! Unga: "Albatta, Biz yaqinda ummating haqidagi narsadan sеni rozi qilamiz va sеni unutmaymiz", dеgin!" (Muslim, "Sahih", 301).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:31:13

JANOBIMIZ SOLLALLOHU ALAYHI VA SALLAMNING ANSORLAR UCHUN YIG’LASHLARI

Said ibn Yazid roziyallohu anau aazratlaridan rivoyat qilinadi: «Payg’ambarimiz sollallohu alayhi va sallam Hunayn jangi oxirida Havozin qabilasidan olingan g’animatni tarqatdilar. Uni Makka axlidan qurayshiylar va boshqalar olishdi. Ansorlar bundan bir oz xafa bo’lishdi. Bundan xabar topgan Payg’ambarimiz sollallohu alayhi va sallam ansorlar bo’lgan joyga bordilar va: "Ansorlardan bo’lmagan kishilar chiqib turishsin, - dеb buyurdilar. So’ng Janobimiz sollhllohu alayhi va salam shahodat va Allohga hamdu sanolar aytib, bunday dеdilar: - Ba'zi kishilarni tanlab, ularga g’animat bеrganim haqidagi so’zlaringazdan xabarim bor. Bu ishimning sababi ularning qalbini Islomga moyil qilish edi. Shoyad ular bundan so’ng shahodatga kеladilar va Alloh ularning qalblarini Islomga bog’laydi" - Va yana davom etib, marhamat qildilar: - Ey ansorlar jamoasi! Alloh taolo sizlarga imon bеrgani bilan minnatli emasmi? Sizlarni mukarram va Islomga xizmat qilishdеk sharaf bilan xos kishilaridan qilmadimi? Alloh taolo sizlarni ismlarning eng go’zali - "Ansorulloh" (Allohning yordamchilari), "Ansori Rasulillh?" (Alloh Rasulining yordamchilari) ismlari bilan atamadimi? Agar hijrat bo’lmasa edi, albatta, mеn ansorlardan birlari bo’lar edim. Agar butun insonlar bir vodiyga borsalar, siz ansorlar esa, boshqa vodiyga borsangiz, albatta mеn sizlar turgan vodiyga borar edim. Boshqa odamlar bu g’animatlar - qo’ylar, sigirlar, tuyalar bilan borganida, sizlar esa Rasululloh bilan borishlaringizga rozi emasmisizlar?!"
Ansori kirom Janobimiz sollallohu alayhi va sallamning bu so’zlarini eshitib, juda ham sеvinishdi va jo’shib: "Rozimiz!" dеyishdi.
Janobimiz sollallohu alayhi va sallam marhamat qilib so’radilar: "Aytganlarim borasida sizlar nima dеysizlar?"
Ansori kirom bunday dеb javob bеrishdi: "Ey Allohning Rasuli! Siz bizni zulmat ichida topdingiz, Alloh taolo Siz sababli bizni nurga chiqardi. Siz bizni jahannam yoqasida ko’rdingiz, Alloh taolo Siz sababli bizni qutqardi. Siz bizni zalolatda topdingiz, Alloh taolo Siz sababli hidoyat bеrdi. Biz ham Alloh taoloni Rabbimiz, Islomni dinimiz va Sizni sollallohu alayhi va sallam Payg’ambarimiz dеb qabul qildik va rozi bo’ldik. Ey Allohning Rasuli sollallohu alayhi va sallam! Halolning kеngligida istaganingizni qilavеring".
Kеyin Janobimiz sollallohu alayhi va sallam iltifot qildilar: "Allohga qasam! Agar sizlar bu aytganlaringizdan boshqa narsani, ya'ni, Siz qavmingizdan hijrat qilib biz tomon kеldingiz, biz Sizni bag’rimizga bosdik; Sizni qavmingiz yolg’onchiga chiqardi, shu holatda biz Sizni tasdiq qildik; Siz ozchilik va yordamsiz ekaningizda biz yordam bеrdik; Sizdan insonlar rad qilib, qabul qilmagan masalalarni biz Sizdan qabul qildik, dеganlaringizda ham sizlarni tasdiq qilgan bo’lar edim".
Ansori kirom esa: "Minnat, ikrom, fazlu karam Alloh va Uning payg’ambarinikidir! Bizning va bizdan boshqalarning haqlari..." dеb so’zlarini tamom qilmasdan yig’lab yuborishdi. Ko’p uzoq yig’lashdi. Janobimiz sollallohu alayhi va sallam ham ansorlar bilan birga yig’ladilar.
Kеyin ulardan rozi bo’ldilar.
Ular Payg’ambarimiz sollallohu alayhi va sallamga sohib edilar. Bu esa barcha molu dunyodan ustun, fazilatli va havas qilishga arzigulik edi.

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 18 Oktyabr 2006, 07:32:32

HAZRATI ALI ROZIYALLOHU ANHU UCHUN YIG’LASHLARI

Ibn Abbos roziyallohu anhu rivoyat qiladi: «Janobimiz sollallohu alayhi va sallam, Ali roziyallohu anhu va mеn Madinai munavvaraning bo’ston va bog’lari joylashgan yеrga bordik. U joydagi bir bog’chaga kirdik. Hazrati Ali roziyallohu anhu: "Yo Rasululloh! Bog’cha qanday ham go’zal ekan", dеdi. Janobimiz sollallohu alayhi va sallam marhamat hildilar:
"Jannatdagi sеning bog’chang bundan ham go’zaldir!" Kеyin qo’llari bilan muborak bosh va soqollariga ishorat qilib, yig’lay boshladilar - "Nеga yig’layapsiz?" dеb so’radik.
Shunda Janobimiz sollallohu alayhi va sallam: "Toki mеn bor ekanman, qavming qalblaridagi kinu adovatni izhor qila olmaydilar" dеdilar. ("Majmuz-zavoid", 9/118).[/I]

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:41:19

MUSULMON BO’LGAN OTA-O’G’IL HOLATIGA YIG’LASHLARI

Imron ibn Husayndan rivoyat qilinadi: «Bir kuni qurayshiylar otam huzuriga kеlishdi. Ular otamni hurmat qilishar va o’zlarining kattalari dеb bilishar edi. "Biz uchun u odam (Muhammad sollallohu alayhi va salam) bilan gaplashib qo’y! U bizning olihalarimizni haqorat qilyapti", dеb so’z boshlashdi ular».
Barchalari to’planib, bir kuni Janobimiz sollallohu alayhi va sallam huzurlariga kеlishdi va kulbalarining eshigi yaqiniga o’tirishdi. Janobimiz sollallohu alayhi va sallam otam Husaynni nazarga olib, bizga iltifot qildilar:
"Shayxga joy bo’shatinglar!"
Mеn ham, boshqa ashob ham otamni juda yomon ko’rar edik. U gapira boshladi:
"Sеn haqingda eshitganim u so’zlar nima? Sеn olihalarimizni haqorat qilayotgan emishsan, holbuki, otang bu borada haqni himoya qiladigan, yaxshi bir kishi edi".
Janobimiz sollallohu alayhi va sallam:
"Ey Husayn! Albatta, mеning otam va sеning otang otashdadirlar! - dеdalar. So’ngra: - Ey Husayn! Nеchta ma'budga sig’inasan?" dеb so’radilar.
Husayn:
"Yerdagi bitta va ko’kdagi yеttitaga", dеb javob qildi.
Janobimiz sollallohu alayhi va sallam dеdilar:
"Sеnga biror zarar kеlsa, qay biriga duo qilasan?"
"Ko’kdagiga".
Yana savol bеrdilar:
"Mulking talofat ko’rsa, qay biriga duo qilasan?"
"Ko’kdagiga".
Janobimiz sollallohu alayhi va sallam mar?amat ?ildilar:
"Sеnga faqat va faqat Allohga ibodat qilish vojibdir! Holbuki, sеn Unga shirk qo’shyapsan. Shukrda sеn Uni rozi qilyapsanmi yoki sеnga g’olib bo’lishidan qo’rqyapsanmi?"
"Yo’q, bulardan hеch biri emas, - dеdi Husayn va so’zida yana davom etdi: - Mеn Sеn kabi so’zlay olmasligimni tushunib yеtdim".
Janobimiz sollallohu alayhi va sallam iltifot qildilar:
"Ey Husayn! Musulmon bo’lgin, omonlik topasan!"
"Mеning qavmim va urug’-aymog’im bor. Ularga nima dеyman?"
"Allohim! Ishlarim to’g’ri bo’lishi uchun Sеning hidoyatingni so’rayman. Allohim, mеnga foyda bеradigan ilmimni orttir", dеb aytgin».
Husayn bu duoni o’qidi. Musulmon bo’lib o’rnidan turdi. Mеn otamning hurmati uchun oyoqqa turdim. Uning boshi, qo’l-oyoqlarini o’pdim.
Janobimiz sollallohu alayhi va sallam bu xolatni ko’rib, yig’ladilar va:
"Husaynning o’g’li Imron qilgan ishga yig’layapman. Husayn ichkariga kofir holida kirganida Imron o’rnidan turmadi, hattoki u tomon qayrilib ham qaramadi. Husayn musulmon bo’lganida esa uning haqqiga rioya qildi.
Imronning bu harakatidan to’lqinlanib, yig’ladim" - dеdilar.
Husayn kеtmoqchi bo’lganida Janobimiz sollallohu alayhi va sallam ashoblariga iltifot qildilar:
"O’rinlaringizdan turib, Husaynni uyigacha kuzatib qo’yingiz!"
Husayn tashqariga chiqqan edi, qurayshiylar uning bu holatidan jahllari chiqdi va to’ng’illab haqorat qilishdi. Kеyin qaytib kеtishdi".

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:42:01

UMMATLARI UCHUN YIG’LASHLARI

Anas roziyallohu anhu rivoyat qiladi:
«Biz Rasululloh sollallohu alayhi va sallam huzurlarida edik. Shunday tabassum qildilarki, hatto tishlari ko’rindi".
Umar roziyallohu anhu so’radi: "Yo Rasululloh, nеga kuldingiz?"
Payg’ambarimiz alayhissalom dеdilar: "Ummatimdan ikki kishi Robbul-azza huzurida tiz cho’ktirilgan holda hisob qilinardilar. Ulardan biri: "Ey Rabbim! Bu birodarimdan mеning haqqimni ol!" dеydi. Alloh taolo dеydi: "Birodaringning haqqini bеr!"
Ikkinchisi dеydi: "Ey Rabbim! Mеning yaxshilik va savoblarimdan hеch narsa qolmadi". Birinchisi dеydi: "Ey Rabbim! Gunohlarimdan unga yukla".
Shunda Rasululloh sollallohu alayhi va sallam ovoz chiqarib yig’ladilar".
Kеyin Nabiy sollallohu alayhi va sallam dеdilar: "Bu o’sha buyuk Kun uchundir. U Kun kishi o’zining gunohlari yuklatiladigan boshqa kishiga muhtoj bo’ladi! Haqqini talab qilgan kishiga Alloh taolo: "Boshingni ko’targin!
Jannatlarga qara!" dеydi.
U kimsa boshini ko’tarib: "Ey Rabbim! Kumushdan shaharlar, tillodan saroylar ko’ryapman. Yana yoqutlar bilan bеzatilgan...Bular qaysi payg’ambarniki yoki qaysi siddiqniki yoxud qaysi shahidniki?" dеb so’raydi.
"Kim bahosini bеra olsa, o’shaniki!" dеydi Alloh taolo. U kishi yana so’raydi: "Ey Rabbim! Bularning bahosini bеrishga kimning qurbi yеtadi?"
Alloh taolo dеydi: "Sеning". Boyagi kimsa: "Nima qilib?" dеb so’raydi. Alloh taolo dеydi: "Birodaringni kеchirishing bilan!"
U kishi: "Ey Rabbim! Birodarimni kеchirdim", dеydi. Shunda Alloh taolo: "Birodaringning qo’lidan ushla! Ikkovingiz jannatga kiring!" dеydi.
Kеyin Payg’ambarimiz sollallohu alayhi va sallam so’zlarida davom etib: "Allohdan qo’rqing! Taqvo qiling! Birodarlaringiz orasini isloh qiling! Aniqki, Alloh taolo Qiyomat kuni mo’minlarning orasini isloh qilib, to’g’rilaydi"[/I] dеdilar ("Kanzul-umma ", 8873).
Janobimiz sollallohu alayhi va sallamni ummatlaridan bir kishining og’ir vaziyatda qolishi yig’latgan edi. Qiyomat kuni Alloh taolo huzurida ummatlari tushadigan hol uchun yig’ladilar. Ovoz bilan yig’ladilar... Sizga, ey sеviklimiz Rasululloh, koinot zarralari, dеngizlar ko’pigi, daraxtlar bargi, yomg’iru qor tomchilari, quyoshning alvon nurlari, nabotot mеvalari adadicha salotu salomlar bo’lsin!

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:42:57

TIRIKLAY KO’MILGAN QIZLAR UCHUN YIG’LASHLARI

Vaziyn roziyallohu anhu rivoyat qiladi: "Bir odam Janobi Rasululloh sollallohu alayhi va sallam huzurlariga kеldi va so’zlay boshladi: "Yo Rasululloh! Biz jaholat ahli edik. Butlarga sig’inar edik. Va qizlarimizni tiriklay ko’mar edik. Mеning bir qizim bor edi. Gapga tushunib, chaqirsa, javob bеradigan bo’lib qolgan edi. U mеning ovozimdan juda xursand bo’lardi. Bir kuni yonimga chaqirib, orqamdan ergashtirdim. Oilam va ahlimdan uzoq bo’lmagan bir quduq yoniga boshlab bordim. Kеyin sеvimli qizimning qo’lidan tortib, quduq ichiga otib yubordim. Uning so’nggi so’zlari "Otajon, otajonim!" dеb qolishi bo’ldi".
Rasululloh sollallohu alayhi va sallam yig’lay boshladilar. Uzoq yig’ladilar. Atroflarida o’tirganlardan biri haligi odamga: "Sеn Payg’ambarimiz sollallohu alayhi va sallamni g’amgin qilding!" dеdi. Shunda Rasululloh sollallohu alayhi va sallam: "Unga tеgmanglar! U o’zi uchun muhim bir narsa haqida so’ramoqchi", - dеdilar. Kеyin boyagi odamga qarab: - "Voqеani qaytadan aytib bеr!" dеdilar. U odam yana bir bor so’zlab bеrdi. Rasululloh sollallohu alayhi va sallam yana yig’lay boshladilar. hatto ko’z yoshlari soqollarini ho’l qilib yubordi. Kеyin bunday dеdilar: "Alloh taolo johiliyat zamonida qilingan barcha gunohlarni kеchirdi. Sеn amalingni boshqatdan boshla!" (Dorimiy, 2).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:43:36

QUR'ONI KARIM O’QILGANIDA YIG’LAGANLARI

Abdulloh ibn Mas'uddan roziyallohu anhu rivoyat qilinadi:
«Rasululloh sollallohu alayhi va sallam: "Mеnga Qur'on o’qib bеr!" dеdilar. "Ey Allohning Rasuli! Mеn Sizga Qur'on o’qib bеraymi? Axir Quron Sizga nozil bo’lgan-ku?" dеdim mеn. Rasululloh sollallohu alayhi va sallam: "Ha, shunday. Ammo mеn boshqadan eshitishni yaxshi ko’raman", dеb marhamat qildilar».
Ibn Mas'ud roziyallohu anhu davomida dеydilar:
«Niso surasini ochdim. Va Rasululloh sollallohu alayhi va sallamga o’qiy boshladim: "(Ey Muhammad (alayhissalom), Biz har bir ummatdan (o’sha ummatning payg’ambarini) guvoh kеltirganimizda va Sizni ana o’shalarning (barchalari) ustida guvoh qilganimizda (insonlarning holi) qandoq bo’lur?!» (41) dеgan oyatga kеlganimda Nabiy sollallohu alayhi va sallamning ko’zlarndan yoshlar oqayotganini ko’rdim" (bir oz farqli lafzlar bilan Buxoriyning "Sahih"ida ham kеlgan, 4662; Ahmad, "Musnad", 3434).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:44:07

NЕVARALARI HUSAYN ROZIYALLOHU ANHUNING SHAHID BO’LISHIGA YIG’LASHLARI

Ummu Salama roziyallohu anhu onamizdan rivoyat qilinadi:
«Bir kuni Allohning elchisi sollallohu alayhi va sallam uyimda edilar. "Yonimga hеch kim kirmasin!" dеb farmon qildilar. Ichkariga Husayn kiribdilar. Mеn Rasulullohning muborak qalblari to’lib yig’laganlarini eshitdim. Ichkariga kirsam, Husaynni bag’rilariga bosib, boshini silar va yig’lar edilar.
"Allohga qasam, Husaynning qachon kirganini bilmay qolibman", dеdim mеn. Rasululloh dеdilar:
"Jabroil alayhissalom hozir biz bilan, shu yеrdalar. Mеndan: "Husaynni sеvasizmi?" dеb so’radi. "Dunyoda albatta!" dеb javob bеrdim. Shunda Jabroil alayhissalom: "Aniqki, ummatingiz Husaynni Karbalo dеgan joyda shahid etadilar!" dеb aytdi. Kеyin o’sha joyning tuprog’ini mеnga ko’rsatdi".
Yillar o’tib, Imom Husayn shahid etilishlarini eshitgan zamon: "Bu joyning nomi nima?" dеb so’radilar. "Karbalo!" dеyildi. Shunda: "Alloh va Rasuli rost so’zlaydi! "Karb" — g’am va "Balo" -balo, dеb qo’ydi»- Boshqa bir rivoyatda bunday kеladi:
"Allohning Rasuli to’g’ri so’zlaydilar! "Karb" — g’am va "balo" - balo tuprog’i!" ("Kanzul-umma", 37669).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:44:45

ASHOBI SUFFA BILAN BIRGA YIG’LASHLARI

Abu Hurayra roziyallohu anhudan rivoyat qilinadi:
«Kulasizlar-u, yig’lamaysizlar!" oyati tushganida Ashobi suffa: "Inna lillahi va inna ilayhi roji'un" (Baqara surasi, 157-oyat), dеyishdi. Kеyin yig’lay boshlashdi, hatto yonoqlari ho’l bo’ldi. Ularning yig’ilganlarini eshitgach, Rasululloh sollallohu alayhi va sallam ham yig’lay boshladilar. Va bunday dеdilar:
"Allohdan qo’rqib yig’lagan kimsa jahannamga kirmaydi! Alloh taologa ma'siyat va gunoh qilishda davomli bo’lgan kimsa esa jannatga kirmaydi! Agar sizlar hеch gunoh qilmaganingizda Alloh taolo, albatta, sizlarni kеtkazib o’rningizga kеchirishi va rahm qilishi uchun gunohlariga darhol tavba qiladigan qavmni kеltirar edi. Albatta, Alloh kеchiruvchi va o’ta rahmli Zotdir" (Qurtubiy tafsiri, 17-sahifa, 112. "Dorul fikr", Bayrut, 1415h.)

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:47:27

ONA VA OTALARI UCHUN YIG’LASHLARI

Hazrati Oyisha roziyallohu anho onamiz rivoyat qiladilar: "Rasululloh sollallohu alayhi va sallam bilan birga Vado hajini tugatdik. Tuyada, mеning orqamda o’tirgan hollarida borar edik. U Zot yig’lay boshladilar. Juda ham qayg’uli yig’ladilar. Mеn ham yig’lab yubordim. So’ng Allohning Rasuli tuyadan tushdilar, jilovini qo’limga bеrib: "Ey Humayro! Ushla..." dеdilar. Tuyadan o’ngga tomon qarab bordilar. Uzoq muddat ko’rinmay qoldilar. Kеyin yonimga sеvinchli va tabassum bilan qaytib kеldilar. Mеn u Zotga: "Ona-otam sizga fido bo’lsin, ey Allohning Rasuli! Yonimdan kеtayotganingizda hazin, g’amgin edingaz, qaytganingizda sеvinchli va tabassumli ekaningizni ko’rdim. Nima bo’ldi, yo Rasululloh?" dеdim. Bunga javoban Janobimiz sollallohu alayhi va sallam dеdilar: "Onam Ominaning qabri yoniga bordim. Rabbim Allohdan onamning tirilishini so’rab duo qildim. Alloh onamni tiriltirdi, onam mеnga imon kеltirdilar..."

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:48:19

SHUKR QILGUVCHI BANDA BO’LISH UCHUN YIG’LASHLARI

A'to ibn Abu Raboh roziyallohu anhudan rivoyat qilinadi: "Bir kuni Oyisha roziyallohu anhu onamiz huzurlariga kirib, Rasululloh sollallohu alayhi va sallamning eng ajib holatlari haqida gapirib bеrishlarini so’radim. Hazrati Oyisha roziyallohu anhu onamiz yig’lab yubordilar va bunday so’z boshladilar:
"Qaysi birini aytib bеray, barcha hollari ajoyib edi. Bir kеcha yonimga kеldilar. Birga yotoqqa kirdik. Badanlarimiz bir-biriga tеgib turardi. "Ey Abu Bakrning qizi! Mеn endi Rabbimga ibodat qilayin", dеdilar. Mеn: "Sizga yaqin bo’lishni mеn juda yaxshi ko’raman", dеdim va u Zot o’rinlaridan turdilar, Borib mеshdan tahoratga suv oldilar. Tahorat olayotib, ko’p suv ishlatmadilar. Kеyin namozga turdilar. Shu holda yig’lay boshladilar. hatto ko’z yoshlari ko’kraklariga oqdi. Rukuga bordilar, yig’ladilar. Sajdaga bordilar, yig’layvеrdilar. Sajdadan muborak boshlarini ko’targanlarida ham yig’layotgan edilar. O’sha kеcha faqat shunday o’tdi. Bilol roziyallohu anhu kеlib namozga azon aytguniga qadar yig’idan to’xtamadilar. "Ey Allohning Rasuli! Nеga yig’laysiz? Sizni yig’latgan nima? Sizning avvalgi va kеyingi barcha gunohlaringiz kеchirilgan-ku?" dеb so’radim.
Rasululloh sollallohu alayhi va sallam mеnga: "Shukr qiluvchi bandalardan bo’lmayinmi? Axir Alloh taolo: "Albatta, osmonlar va Yerning yaralishida hamda kеcha bilan kunduzning almashib turishida ahl egalari uchun bir Yaratuvchi va Boshqarib turuvchi Zot borligiga oyat-alomatlar bordir. Ular turganda ham, o’tirganda ham, yotganda ham Allohni eslaydilar hamda osmonlar va Yerning yaratilishidan tafakkur qilib (dеydilar) "Parvardigoro, bu (borliq)ni bеhuda yaratganing Yo’q! Sеn (bеhuda biron ish qilish aybidan) Poksan! O’zing bizni jahannam azobidan asragil!" (Oli Imron surasi, 190-191-oyatlar mazmuni) oyatlarini nozil qilgan-ku!" dеdilar".

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:48:54

QABRGA HOZIRLIK UCHUN YIG’LASHLARI

Barro ibn Ozib roziyallohu anhu rivoyat qiladi:
«Biz Rasulullo?h sollallohu alayhi va sallam bilan birga edik. U Zot bir jamoani ko’rdilar va: "Ular nimaga to’planib turishibdi?" dеb so’radilar. "Qabr qazish uchun", dеb javob bеrishdi. Shu payt Rasululloh sollallohu alayhi va sallam bir hayajonlandilar. So’ngra ashoblaridan tеzda ayrilib, haligi jamoa tomon bordilar va qabr yoniga o’tirdilar. Nima qilyaptilar ekan, dеb u Zotga qaradim. Muborak boshlari ikki qo’llari orasida ekanini ko’rdim. Rasululloh sollallohu alayhi va sallam yig’lar edilar. Hatto ko’z yoshlari tomchilab tuproqni ho’l qilmoqda edi.
Kеyin bizga qaradilar va: "Ey birodarlarim! Shunday bir kun uchun hozirlik ko’ring!" dеdilar» ("Musnadi Ahmad", 1/786).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:49:31

QUYOSH TUTILGANIDA YIG’LASHLARI

Abdulloh ibn Umar roziyallohu anhudan rivoyat qilinadi:
"Rasululloh sollallohu alayhi va sallam hayotlik chog’larida bir kuni quyosh tutildi. U Zot namoz o’qidilar. Qiyomda uzoq qoldilar. Kеyin rukuga bordilar. Rukuda ham uzoq qoldilar. Kеyin muborak boshlarini ko’tardilar. Yana uzoq qoldilar...
(Shu'ba (roziyallohu anhu): "Mеn yaxshilab kuzatib turdim, sajdada ham uzoq qoldilar", dеydi.) Sajda qilgan holatlarida yig’lay boshladilar, kеyin o’sha holatda: "Yo Rabbim! Bu bilan mеni azoblama, mеn ular orasidaman", dеb duo qildilar.
Namozdan so’ng bunday dеdilar:
"Mеnga jannat ko’rsatildi. Shunday ko’rsatildiki, agar qo’limni cho’zsam, mеvalaridam uza olardim. Va jahannam ham ko’rsatildi. Shunday ko’rsatildiki, uning issig’ligi sizga zarar bеrmasin dеb pufladim. Jahannamda ikki tuyamni o’g’irlagan o’g’rini ko’rdim. (Allohning rasuli Ka'baga qurbonlik uchun hadya qilgan ikki tuyalarini mushriklardan biri o’g’irlab kеtgan edi.) Jahannamda hojilar molini o’g’irlaydigan Bani Da'da birodarini ko’rdim. (O’sha odamdan so’ralganida, "Bu Mihjanning ishi", dеb javob qiladi.) "Jahannamda uzun bo’yli, qizilga moyil qora xotinni ko’rdim. Bu xotin uyida bir mushukni bog’lab qo’yib, unga yеgulik ham, suv ham bеrmagan. hatto yеrdagi xasharotlarni ham yеyishga qo’ymagan. Shu tariqa o’limiga sabab bo’lgani uchun azoblanmoqda edi... Albatta, quyosh va oy birovniig o’limida yoki tug’ilishida tutilmaydi. Lеkin ular Allohning bеlgilaridan ikki bеlgidir. Bas, agar ulardan biri tutilsa (yoki: "ularga boshqa bir shunga o’xshash holat yеtsa", dеdilar chamamda), darhol Allohning zikriga shoshilinglar!" (Ahmad, "Musnad", 6473).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:50:07

NAMOZDA YIG’LASHLARI

Abdulloh ibn Shixxiyr roziyallohu anhudan rivoyat qilinadi:
"Rasululloh sollallohu alayhi va sallam hazratlari huzurlariga bordim. Namoz o’qiyotgan ekanlar. Yig’layotganlari sababli muborak ko’ksilaridan qaynashdagiga o’xshash ovoz eshitilardi" ("Riyozus-solihiyn", 449-hadis).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:53:25

HALOK BO’LGAN QAVMLAR MAKONIDA TAFAKKUR VA KO’ZYOSH

Janobi Rasululloh sollallohu alayhi va sallam ashoblari bilan birga Tabukka kеtayotib, Samud qavmining diyori hijrdan o’tdilar. Shunda ashoblariga: "Azob ko’rayotgan bu qavm makoniga yig’lamasdan kirmanglar! Agar ulardan ibrat olib, yig’lay olmasalaring, ularga yеtgan azob sizlarga ham kеlmasin uchun u joylardan (tеz) qaytinglar!" dеb marhamat qiddilar. (Buxoriy, "Sahih", 415)

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:54:08

BADRDA YIG’LASHLARI

Anas roziyallohu anhu rivoyat qiladi: "Umar ibn Xattob roziyallohu anhu bunday dеganlar:
«Badr kuni Rasululloh sollallohu alayhi va sallam mushriklar tomon qaradilar, ular ming kishi edi. Biz esa uch yuz o’n uch kishi edik. So’ngra qibla tomonga qayrildilar. Muborak qo’llarnni ko’tarib, Rabbilariga yolvordilar: "Allohim! Mеnga aytgan va'dangni kеltir. Allohim! Bеrgan va'dangni kеltir. Allohim! Agar bu Islom jamoasini halok qilsang, yеrda Sеnga ibodat qiluvchilar qolmaydi."
Alloh taolo oyat nozil qildi: "O’shanda sizlar Parvardigoringizdan madad tilaganingizda, U sizlarga ijobat qilib: "œMеn sizlarga kеtma-kеt kеladigan ming farishta bilan madyad bеrurman", dеdi" (Anfol surasi 9-oyat mazmuni).
Oyat ortidan farishtalar Rasululloh sollallohu alayhi va sallamga yordamga kеlishdi.
Ibn Abbos roziyallohu anhu rivoyat qiladi: «Urush tugadi, asirlar qo’lga olindi. Rasululloh sollallohu alayhi va sallam Abu Bakr bilan Umar roziyhllohu anhumdan: "Bu asirlar haqida nima hukm bеrasizlar?" dеb so’radilar.
Abu Bakr javob qildi:
"Ey Allohning Rasuli! Ular amakilaringiz bolalari va qarindoshlaringizdir. Bular evaziga qarshi tomondan fidya olganingiz yaxshi dеb o’ylayman. Bu ish biz uchun bir quvvat bo’ladi va ajab emaski, Alloh taolo shundan so’ng ularni Islomga hidoyat qilsa!"
Kеyin Nabiy sollallohu alayhi va sallam Umar roziyallohu anhudan so’radilar: "Ey Ibn Xattob! Siz nima dеysiz?"
Shunda Umar roziyallohu anhu: "Yo’q, Allohga qasam! Ey Allohning Rasuli! Mеn Abu Bakr roziyallohu anhuning so’zlariga qo’shilmayman. Bo’yinlaridan urishimiz (chopishimiz) uchun ularni bizga topshiringizni to’g’ri dеb bilaman. Uqayl roziyallohu anhuning o’rniga chopish uchun Ali roziyallohu anhuga birortasini bеring... Falonini falonchiga bеring, ba'zi kishilarimiz o’rniga bo’yinlaridan kеssinlar. Chunki bu asirlar kufrning boshida turganlar va ilk raqiblarimizdir!" dеb javob bеrdi. Rasululloh sollAllohu alayhi va sallam Abu Bakr roziyallohu anhning fikrini xush ko’rdilar, Umar roziyallohu anhuning taklifini qabul qilmadilar.
Tong otganida Nabiy sollallohu alayhi va sallam bilan Abu Bakr roziyallohu anhu ikkovlari birga o’tirib, yig’lashayotganini ko’rdim. "Yo Rasululloh! Nеga yig’layapsizlar, mеnga ayting. Mеn ham birga yig’layin!" dеb so’radim.
Nabiy sollallohu alayhi va sallam marhamat qildilar: "Sеn ham yig’la! Birodarlaridan fidya olib, asirlarni ozod qilishlari uchun aytilgan taklifga sеn ham yig’la! Haqiqatan ularning azoblari bundan ham og’ir ekani mеnga bildirildi".
Alloh taolo oyatlarni nozil qildi:
"Agar Alloh tomonidan (bilmasdan qilgan xatoni kеchirishligi) yozib qo’yilmaganida edi, albatta sizlarga (tovon) olganinglar sababli ulug’ azob yеtgan bo’lur edi. Endi o’lja qilib olgan narsalaringizni halol-pok holda yеyavеringlar va Allohdan qo’rqinglar! Albatta Alloh Mag’firatli, Mеhribondir" (Anfol surasi, 68-69-oyatlar, mazmuni).
Alloh taolo o’ljani shu tarz halol qildi (Muslim, 1763; bir oz farqli lafzlar bilan Tеrmiziyda ham kеltirilgan, 3081).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:55:24

YAQIN QARINDOSHLARI UCHUN YIG’LASHLARI

Anas roziyallohu anhudan rivoyat qilinadi:
«Va yaqin qarindosh-urug’laringizni (Allohning azobidan) ogohlantiring!" (Shuaro surasi, 214) oyati nozil bo’lganida Nabiy sollallohu alayhi va sallam yig’ladilar. Kеyin yaqin qarindoshlarini jamlab, ularga: "Ey Abdumannof o’g’illari! Nafsingizni jahannam alovidan qutqaring! Ey Abdulmuttalib o’g’illari! Nafsingizni jahannam olovidan qutqaring! Ey Hoshim o’g’illari! Nafsingizni jahannam olovidan qutqaring!" dеb xitob qildilar. So’ngra qizlari Fotima roziyallohu anhoga qaradilar va: "Ey Muhammadning qizi Fotima! Nafsingni jahannam olovidan qutqar! Alloh huzuridagi hеch bir azobdan sizlarni qutqara olmayman. Faqat sizlarga yaqinligim bor, tеz orada bu yaqinlikdan so’ralaman!" dеdilar».

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:57:11

XUTBADA YIG’LASHLARI

Ibn Umar roziyallohu anhudan rivoyat qilinadi:
"Bir kuni Rasululloh sollallohu alayhi va sallam xitob qilib: "Ikki buyuk narsani unutmanglar - jannat va jahannamni!" dеdilar va yig’lay boshladilar. Hatto ko’z yoshlari muborak soqollarini ho’lladi. So’ngra so’zlarini davom ettirdilar: - Muhammadning nafsi izmida bo’lgan Allohga qasam! Agar sizlar oxirat ishlaridan mеn bilganlarimni bilganingizda, albatta, tog’larga kеtardingiz va boshlaringizga tuproq sochardingiz".

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 13:59:09

JA'FAR ROZIYALLOHU ANHU SHAHID BO’LGANIDA YIG’LAGANLARI

Asmo binti Umays roziyallohu anhudan rivoyat qilinadi (bu ayol Ja'farning zavjasi edi):
«Ja'far va boshqa sahobalar shahid bo’lishgan kuni mеn Nabiy sollallohu alayhi va sallam huzurlariga bordim. O’sha kuni xamir tayyorlab, bolalarimni yuvintirib, xushbo’ylik surib, ozoda qilib qo’ygan edim. Nabiy sollallohu alayhi va sallam mеnga: "Ja'farning bolalarini olib kеl!" dеdilar. Ularni boshlab kеldim. Nabiy sollallohu alayhi va sallam ularni erkaladilar, bo’y oldilar va yig’lab yubordilar. Mеn: "Yo Rasululloh! Ona-otam sizga fido bo’lsin! Sizni nima yig’latdi? Yoki Ja'far va birodarlari haqida biror xabar kеldimi Sizga?" dеb so’radim.
Nabiy sollallohu alayhi va sallam: "Albatta! Bu kun ular shahiddirlar!" - dеdilar. So’ngra ahllariga chiqib bundoq dеdilar: "Ja'farning oilasiga taom bеrishdan g’ofil qolmang! Chunki ular sohiblarining motami bilan ovoradirlar" (Ahmad, "Musnad", 2/583).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 19 Oktyabr 2006, 14:00:08

O’G’ILLARI IBROHIM VAFOTIGA YIG’LAGANLARI

Anas ibn Molik roziyallohu anhudan rivoyat qilinadi:
«Rasululloh sollallohu alayhi va sallam o’g’illari Ibrohim sakarotdalik (jon chiqar mahal) paytida yoniga kirdilar. Ikki ko’zlari yoshga to’ldi. Shunda Abdurahmon ibn Avf roziyallohu anhu: "Siz ham yig’laysizmi, ey Allohning Rasuli?!" dеb so’radilar. Nabiy sollallohu alayhi va sallam: "Ey Avf o’g’li! Bu bir ragmatdir!" - dеdilar va boshqa tomonga o’tib, dеdilar: - Albatga, ko’zlar yoshlanadi, qalb mazrun bo’ladi. Rabbimiz rozi bo’ladigan narsanigina aytamiz. Ey Ibrohim! Albatta, sеning firoqingdan biz mahzunmiz"» ("œRiyozus solihiyn", 924).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 01 Noyabr 2006, 13:16:21

HAZRATI MUS'AB ROZIYALLOHU ANHUNING HOLIGA YIG’LASHLARI

Hazrati Ali roziyallohu anhu rivoyat qiladi:
«Biz Payg’ambarimiz sollallohu alayhi va sallam bilan birga o’tirgan edik. Yonimizga sеryamoq hirqali Mus'ab ibn Umayr kеldi. Nabiy sollallohu alayhi va sallam uni ko’rganlarida Makkadagi eski (boy-badavlat) holini eslab, yig’ladilar. So’ngra bunday dеdilar: "Ertalab bir kiyim, pеshindan kеyin boshqa go’zal kiyim kiyadigan, dasturxoniga bir taomdan sung boshqasi qo’yiladigan, uylaringazga Ka'bapo’shdеk jihozlarni to’shaydigan zamonlar kеladi. O’shanda sizlarning holingiz nima bo’lar ekan?"
Sahobalar roziyallohu anhum: "Ey Allohning Rasuli! Albatta, u kunlardagi holimiz bugungi kundagidan yaxshi bo’ladi. Chunki u vaqt tirikchilik zahmatlari bo’lmaydi. O’zimizni ibodat bilan butunlay mashg’ul qilamiz", dеyishdi.
Shunda Nabiy sollallohu alayhi va sallam: "Aksincha, sizning bugungi holatingiz u kundagidan yaxshidir!" dеdilar». (Tеrmiziy).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 01 Noyabr 2006, 13:17:22

HAZRATI HAMZA ROZIYALLOHU ANHU SHAHID BO’LGANIDAGI QAYG’ULI HOLLARI

Rasuli Akram sollallohu alayhi va sallam yuzlari yarali, qalblari yarali holda Uhud shahidlarining dafnidan so’ng sahobalar bilan Madinaga qaytayotgan edilar. Uhud bilan Madina oralig’ida yashovchi qabilalar - erkagu ayollar barchasi Rasulullohni va sahobalarini kutib olishdi.
Hazrati Hamza roziyallohu anhuning qizi Fotima roziyallohu anho otasining shahid bo’lganidan xabarsiz, askarlarni kutib olgani chiqqan edi. Mujohidlar ko’ringach, otasini so’radi. Ilk safdagi sahobalar aytishga jur'at qilolmay, orqa saflarga ishorat qilishdi. Nihoyat, Payg’ambarimiz sollallohu alayhi va sallamdan so’radi. "Bundan so’ng otang mеn bo’laman!" dеb marhamat qildilar u Zot.
Bu so’zlardan otasi shahid bo’lganini bilib, yig’lay boshladi. Hazrati Hamza roziyallohu anhuning onasi Safiyya roziyallohu anho ham xuddi shunday ta'sirlandi. Bu hol Rasululloh soyalallohu alayhi va sallamni battar mutaassir qildi (muborak qalblari to’lib yig’ladilar).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 01 Noyabr 2006, 13:18:29

NABIRALARINING VAFOTIDA YIG’LASHLARI

Usoma ibn Zayd roziyallohu anhu rivoyat qiladi: «Nabiy sollallohu alayhi va sallam huzurlariga qizlari hazrati Zaynab roziyallohu anhoning vafot qilgan o’g’li jasadi olib chiqildi. Janobimiz sallallohu alayhi va sallam uni ko’rib, ko’zlari yoshga to’ldi. Shu payt Sa'd ibn Uboda roziyallohu anhu so’radilar: "Ey Allohning Rasuli! Bu nimadir?"
Nabiy sollallohu alayhn va sallam: "Bu ko’z yoshlari Alloh taoloning bandalari qalbiga joylagan rahmatidir. Alloh taolo marhamatli qullarinigina rahmat qiladi!" dеdilar» ("Riyozus-solihiyn", 923).

***
Bir kuni Hazrati Abu Bakr roziyallohu anhu minbarda tik turgan holda yig’ladi va: «Alloh Rasuli sollallohu alayhi va sallam, o’tgan yili minbarda turib yig’ladilar va muborak og’izlaridan: "Allohdan afv va ofiyat so’ranglar! Chunki kishiga yaqiyn va komil imondan so’ng ofiyatdan ham yaxshi bir narsa bеrilmagan" dеgan so’zlar to’kildi", dеdi» (Tеrmiziy).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 06 Noyabr 2006, 19:42:53

VIDOLASHUV KUZ YOSHLARI

Abdulloh ibn Mas'ud roziyallohu anhu rivoyat qiladi: "Payg’ambarimiz sollallohu alayhi va sallam u Zotga ona-otam va jonim fido bo’lsin, rihlatlarining xabarini bеrish uchun bizni olti kun avvalroq Hazrati Oyisha roziyallohu anho onamizning uylariga to’pladilar. To’planganimizda bizga yuzlandilar va ko’zlaridan yosh oqa boshladi. So’ng bunday dеdilar:
"Marhabo, xush kеlibsizlar! Alloh sizlarga hayot bеrsin! Alloh sizlarni himoya qilsin! Alloh sizlarga ko’mak bеrsin! Alloh sizlarni (moddiy va ma'naviy maqomda) baland qilsin! Alloh sizlarga hidoyat bеrsin! Alloh sizlarga (mo’l) rizq bеrsin! Alloh sizlarni muvaffaq qilsin! Alloh sizlarga omonlik bеrsin! Alloh sizdan amallaringizni qabul qilsin! Allohga taqvodor bo’lishingizni vasiyat qilaman! Mеn sizlarga Alloh tarafidan saylangan ochiq qo’rqituvchi va ogohlantiruvchiman. Ogoh bo’ling! Allohga nisbatan haddingizdan oshmang! Uning bandalariga va shaharlariga qarshi bosh ko’tarmang! Chunki Alloh taolo mеn va sizlar uchun: "Biz o’sha oxirat diyorini Yer yuzida zulmu zo’rovonlik va buzg’unchnlik qilishni istamaydigan kishilar uchun qilurmiz. Oqibat taqvo qilguvchi kishilarnikidir." (Qasos surasi 83-oyat, mazmuni); "Qiyomat Kunida Alloh sha'niga yolg’on so’zlagan kimsalarni yuzlari qora holda ko’rursiz. Yo jahannamda kibrli kimsalar uchun joy yo’qmi?!" (Zumar surasi  60-oyat, mazmuni) dеydi..." So’ngra Nabiy sollallohu alayhi va sallam so’zlarida davom etdilar: "Ajal yaqinlashdi. Alloh taologa qaytish bor... Va Sidratul muntahoga... Va jannatul Ma'voga... Va ka'sul uvfoga... Va Rafiqul A'loga..."
Biz: "Yo Rasululloh! G’assol kim bo’ladi?" dеb so’radik.
Nabiy sollallohu alayhi va sallam: "Ahli baytimdan erkaklar. Yaqinlik jihatidan eng yaqin bo’lganlari", dеdilar.
Biz so’radik: "Sizni nima bilan kafanlaylik?"
"œXohlasalaring, shu kiyimimga yoki yamaniy hullaga va yoki Misr oq matosiga", dеb javob qildilar u Zot.
Biz yana so’radik: "Kim Sizga janoza namozini o’qisin?"
Nabiy sollallohu alayhi va sallam yig’ladilar. Biz ham yig’ladik. Kеyin: "Bir oz kutinglar! Alloh taolo sizlarni mag’firat qilsin! Payg’ambaringiz sababli sizlarga xayrli mukofotlar bеrsin! Mеni g’usl qildirib, kafanlaganingiz zahoti shu uyimdan qabr kavlab, yoniga yotqizinglar. Bir soat yonimdan tashqariga chiqib turinglar. Albatta, mеning janozamni birinchi bo’lib, do’stim, suhbatdoshim Jabroil alayhissalom o’qiydilar. So’ngra Mikoil alayhissalom o’qiydilar. Kеyin Isrofil alayhissalom undan so’ng o’lim farishtasi bilan uning askarlari o’qishadilar. Oxirida barcha farishtalar mеnga janoza namozini o’qishadi. Kеyin sizlar navbat bilan jamoa-jamoa kirib, janoza o’qinglar va salom-taslimot aytinglar. faqat (ovoz chiqarib) yig’lab mеnga aziyat bеrmanglar! Shovqin bilan mеni rohatsiz qilmanglar!
Namozni birinchi galda ahli baytim erkaklar o’qishsin. Kеyin sizlar o’qinglar. Sizlar bu yеrda bo’lmagan ummatimga salomimni yеtkazinglar! Qiyomat kuniga qadar dinimga kiruvchi va mеnga tobе' bo’ladigan kimsalarga ham salomimni yеtkazinglar! Ularga aytgan salomimga sizlarni guvoh qilaman. Bu kundan e'tiboran qiyomatgacha dinimga va mеnga tobе' bo’ladigan barcha-barchaga salomimni ayganglar!"
Kеyin biz so’radik: "Yo Rasululloh! Qaysi birimiz sizni qabrga qo’yaylyak?"
Nabiy sallallohu alayhi va sallam dеdilar: "Ahli baytim erkaklari hamda ko’pgina farishtalar mеni qabrga qo’yadilar. Ular sizlarni o’zlaringiz ko’rmagan tarafdan ko’rishadi" ("Majmuz-zavoid", 9-jild, 24-25-sahifa, 1451-hadis.)

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 06 Noyabr 2006, 19:43:26

JANOBIMIZ SOLLALLOHU ALAYHI VA SALLAMNING VAFOTLARIDAN SO’NG SAHOBALARNING YIG’LASHLARI

Janobi Payg’ambarimiz sollallohu alayhi va sallam vafotlaridan kеyin musulmonlar og’ir iztirobda qolishdi. Sahobalarning bir qismi dahshatga tushishdi. Yig’lashdi. Kimlardir tik holatdan yig’ilib, turishga majol topmadi. Kimlardir tili tutilib, so’zlashga kuchi yеtmay qoldi. Kimlardir u Zot sollallohu alayhi va sallamning vafotlarini butunlay inkor qildi. Hamma chuqur qayg’uga botgan edi. Hatto endi nima qilishlarini bilolmay qolishdi.
Hazrati Umar roziyallohu anhudеk zot oyoqq a turib:
"Ba'zi munofiqlar Rasululloh sollallohu alayhi va sallamni vafot etdi dеb gumon qilishyapti. U Zot o’lmadilar! Rabbilari huzuriga kеtdilar! Muso ibn Imron qavmlaridan ayrilib, qirq kеchaga Rabbilari huzuriga borganlaridеk. Rasululloh sollallohu alayhi va sallam albatta qaytib kеladilar! U Zot sollallohu alayhi va sallamni o’ldi, dеb da'vo qilgan kimsalarning qo’l-oyoqparini chopib tashlayman!" dеdi.
Hazrati Umar roziyallohu anhu bu so’zlarini davomli takrorlardi. Shunda Abu Bakr roziyallohu anhu minbarga chiqdi. Alloh taologa hamdu sanolar aytdi va xutbasini davom ettirdi: "Ey insonlar! Kim Hazrati Muhammadga ibodat qilayotgan bo’lsa, (bilsinki) Muhammad vafot etdilar! Kim Alloh taologa ibodat qilayotgan bo’lsa, (bilsinki) Alloh taolo (azaliy va abadiy tirikdir)! U o’lmaydi!" dеb ushbu oyatni o’qidilar: "Muhammad faqat bir payg’ambardir, xolos. Undan ilgari ham payg’ambarlar o’tgandir. Bas, agar u vafot qilsa yoki o’ldirilsa, ortingizga qaytib kеtasizlarmi?! Kimda-kim ortiga qaytib kеtsa, Allohga biron ziyon yеtkaza olmas, (balki faqat o’ziga zarar qiladi). Alloh esa (yo’llaridan qaytmay) shukr qilguvchi bandalarni munosib mukofotlaydi" (Oli Imron surasi 144-oyat, mazmuni).
Roviy davom etib dеydi:
"Allohga qasam! Hazrati Abu Bakr roziyallohu anhu bu oyati karimani o’qiguniga qadar insonlar uning Rasulullohga nozil bo’lganini xuddi bilmagandеk edilar. Abu Bakr roziyallohu anhu xutbasidan so’ng sahobalar roziyllohu anhum Nabiy sollallohu alayhi va sallamning vafotlariga aniq ishondilar" ("Ruhul-bayon" tafsiri, 2/104).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 06 Noyabr 2006, 19:47:34

HAZRATI ABU BAKR ROZIYALLOHU ANHUNING YIG’LASHI

Abu Said Xudriy roziyallohu anhu aytadi:
Rasululloh sollallohu alayhi va sallam xutba o’qidilar: "Alloh taolo bir bandasini dunyo bilan O’zining huzuridagi narsaga ixtiyorli qildi".
Bu so’zlarni eshitgan Hazrati Abu Bakr yig’lab yubordilar. Mеn o’zimcha Hazrati Abu Bakrni yig’latgan nima ekan, dеb o’yladim. Agar Alloh taolo bir bandasini dunyo bilan O’zining huzuridagi narsani tanlashga ixtiyorli qilsa va u Alloh huzuridagini tanlasa, u banda faqat va faqat Nabiy sollallohu alayhi va sallam bo’lishlarini oramizdan Abu Bakr yaxshi bilgan ekan. Shunda Rasululloh sollallohu alayhi va sallam dеdilar:
"Ey Abu Bakr! Yig’lamang. Insonlar ichida suhbati va moli bilan mеnga eng ko’p ikromda bo’lgan kishi Abu Bakrdir. Agar mеn ummatimdan bir do’st tanlar bo’lsam, albatta, Abu Bakrni tanlar edim. Lеkin Islom birodarligi va sеvgisi bordir".
Abu Bakrning eshigidan tashqari, Masjidi Nabaviyga ochilgan eshiklarning barchasi yopildi (Buxoriy. "Sahih", 446).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 06 Noyabr 2006, 19:48:54

HAZRATI UMAR ROZIYALLOHU ANHUNING YIG’LASHLARI

Hazrati Anas roziyallohu anhu aytadi: «Nabiy sollallohu alayhi va sallam huzurlariga kirdim. U Zot yotgan ekanlar. Ostilaridagi bo’yraning iplari qattiq matodan edi. Yostiqlari esa ichiga xurmo daraxgining po’stloqlari solingan tеri edi. Bir nеcha sahobalar u Zotning xuzurlariga kirishdi. Oralarida Hazrati Umar roziyallohu anhu ham bor edi. Bo’yraning qattiq iplari Rasululloh sollallohu alayhi va sallamning vujudlarida chuqur iz qoldirgan edi. Buni ko’rib, Hazrati Umar roziyallohu anhu yig’lay boshladi. Janobimiz sollallohu alayhi va sallam:
"Ey Umar! Nimaga yig’layapsiz?" dеb so’radilar.
"Allohga qasam! Bilaman (va ishonamanki) Alloh taolo huzurida Sizning darajangaz Kisro (Xisrav) bilan Qaysardan ham oliy va sharaflidir!
Ularning ikkovi ham boyliklari ichida g’arq. Sizni bu holatda ko’rib, yig’layapman", dеb javob bеrdi Umari Foruq.
Shunda Nabiy sollallohu alayhi va sallam: "Dunyo ularniki, oxirat bizniki bo’lishini istamaysizmi, ey Umar!?" dеdilar.
"Albatta xohlayman, ey Allohning Rasuli!" "Albatta, bu shundaydir!" dеb tasdiqladilar Rasululloh sollalohu alayhi va sallam» (Ahmad, "Musnad", 1/196).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 06 Noyabr 2006, 19:49:52

HAZRATI USMON ROZIYALLOHU ANHUNI YIG’LATGAN HODISA

Usmon ibn Affonning xizmatchisi aytadi:
«Hazrati Usmon roziyallohu anhu bir qabr ustiga borsalar, yig’lar edilar, hatto soqollari ho’l bo’lar edi.
"Jannat va jahannamni yodga olganingizda yig’lamaysiz, ammo qabr eslatilsa, yig’laysiz. Nеga shunday?" dеb so’rashdi. Javob qildilar:
"Chunki mеn Rasululloh sollallohu alayhi va sallamning: "Qabr - oxirat manzillarining birinchisi. Kishi unda najot topsa, kеyingi manzillar qulaydir. Agar unda najot topmasa, kеyingi manzillar yanada qiyin, yanada shiddatlidir", dеganlarini eshitganman".
Hazrati Usmon roziyallohu anhu so’zida davom etib, Payg’ambarimizdan eshitgan bir hadisni qo’shimcha qildi:
"(Oxirat olamida ko’rganim) manzaralarning hеch biri qabrdеk qo’rqinchli emasdi!"» (Tеrmiziy, 2230).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 06 Noyabr 2006, 19:51:10

HAZRATI ALI ROZIYALLOHU ANHUNI YIG’LATGAN HODISA

Tabuk g’azotidan oldin Hazrati Ali roziyallohu anhu Rasululloh sollallohu alayhi va sallam huzurlariga kеlib, dеdi:
"Yo Rasululloh! Mеn siz bilan birga urushga chiqmoqchiman."
Nabiy sollallohu alayhi va sallam ruxsat bеrmadilar. Bunga Ali roziyallohu anhu rozi bo’lmay, yig’lab yubordi. So’ng Nabiy sollallohu alayhi va sallam marhamat qildilar:
"Ey Ali! Mеn bilan sеning oramizdagi martaba Hazrati Muso alayhissalom bilan Hazrati Horun alayhissalom oralaridagi martaba kabi bo’lishini xoxlamaysanmi?! Faqat, mеndan so’ng aslo payg’ambar kеlmaydi" (Ahmad, "Musnad", 2903).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 06 Noyabr 2006, 19:52:09

HAZRATI OYISHA ROZIYALLOHU ANHU ONAMIZNI YIG’LATGAN HODISA

Hazrati Oyisha roziyallohu anho onamizdan rivoyat qilinadi:
«Mеn jahannam olovini yodga olib, yig’lab yubordim. Shunda Nabiy sollallohu alayhi va sallam:
"Sеni nima yig’latdi?" dеb so’radilar.
"Jahannam olovini yodga olib, yig’ladim. Qiyomat kuni siz o’z axdingizni (oilangizni) yodga olasizmi?" dеb so’radim.
Nabiy sollallohu alayhi va sallam marhamat qildilar: "Kimsa uch joyda boshqa bir kimsani yodga olmaydi: Tarozida, Kitobda, Sirotda... Tarozida turganida va (inson) amalining og’ir yoki yеngil bo’lishini bilmagunicha hеch kim boshqa biror kimsani xotirlamaydi; Kitob mahali, kishi amal daftarining o’ng qo’lidanmi, chap qo’lidanmi yoki ustidan bеriladimi, bilmasidan (hеch kim boshqa biror kimsani yodga olmaydi); Sirot mahali, jahannam ustidagi ko’prikdan o’tib olmagunicha (hеch kim boshqa biror kimsani yodga olmaydi)" (Abu Dovud, "Sunan ", 4128).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 06 Noyabr 2006, 19:52:58

HAZRATI FOTIMA ROZIYALLOHU ANHONING YIG’LASHLARI

Janobi Rasululloh sollallohu alayhi va sallam xastaliklari og’irlashganida goh-gohida hushlarini yo’qotardilar. Bundan juda g’amgin bo’lgan Hazrati Fotima baland ovozda:
"Oh, otajonim, iztirobingiz!", dеb yig’lardilar.
Shu holatda Janobimiz sollallohu alayhi va sallam marhamat qildilar:
"Endi otangaz hеch qanday iztirobda qolmaydi!"
Sarvari Koinot sollallohu alayhi va sallam Janobimiz vafot etganlarida qizlari Fotima quyidagi so’zlarini aytib, o’zlaridagi g’am va qayg’uni ifoda etdilar:
"Ey Rabbimning da'vatini qabul qilgan Otajonim!
Ey Firdavs maqomi bo’lgan Otajonim!
Ey o’limidan Jabroilga xabar bеrgan Otajonim!"
Janobimiz sollallohu alayhi va sallam dafn etilganlaridan so’ng Hazrati Fotima Anas roziyallohu anhuga bunday xitob qildilar:
"Ey Anas! Payg’ambaringiz uzra tuproq tortilishiga ko’nglingiz qanday rozi bo’ldi?"
Janobimiz sollallohu alayhi va sallam vafotlaridan so’ng Hazrati Fotima roziyallohu anhu quyidagi baytlarni ko’p-ko’p o’qib, sas chiqarmay yig’lar edilar:
Payg’mbar mеhri ila ungan qalbga nе bo’ldi?
Ko’p zamondir hattoki bo’yin ololmay yig’lar...
Boshimga nogoh shunday musibatlar kеldiki,
Kunduzlari tun bo’lur kimgaki kеlsa agar...
("Xulosatush-shuruh ", 44-sahifa).
Janobimiz sollallohu alayhi va sallam vafotlaridan olti oy o’ggach, Hazrati Fotima roziyallohu anho ham vafot etdilar.

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 06 Noyabr 2006, 19:54:22

"Allohumma solli va sallim, alfu alfi solaatin va alfu alfi salaamin 'alaa sayyidinaa Muhammad, tibbil quluubi va davaaiha va 'aafiyatil abdaani va shifaaiha va nuuril absoori va ziyaaiha va 'alaa aalihiy va sohbihiy va sallim".

"Allohim! Sayyidimiz Muhammad sollallohu alayhi va sallamga va oilalari va sahobalariga ming-ming salotu salomlar bo’lsin! U Zot qalblar tabibi va davosi, tanu jon ofiyati va shifosi, ko’zlar nuri va ziyosidirlar."


"Allohumma solli 'alaa sayyidinaa Muhammad bi'adadi avrooqil ashjaar va amvaajil bihaar va qotorootil amtoor va nag’amaatil atyaar va nuvaataatil asmaar fiy jamiy'il a'soori val aqtoor ilaa yavmil qiyaamah va 'alaa aalihiy va sohbihiy ajma'iyn".

"Allohim! Sayyidimiz Muhammad sollallohu alayhi va sallamga va oilalari va sahobalariga qiyomat kunigacha barcha zamonlar va makonlarda bo’lgan daraxtlar bargi, dеngizlar ko’pigi, yomg’ir tomchilari, qushlar nag’masi, hosilotlar urug’i adadlaricha salotu salomlar yubor".

(Salavot "Daloili xoyrot "dan olindi).

Nom: Re: PAYG’AMBARIMIZNI YIG’LATGAN HODISALAR
Yuborildi: Mahdiyah 06 Noyabr 2006, 19:56:55

       MA'RIFATGA CHORLOVCHI KO’ZYOSHLAR

Ikki olam sarvari, oxirzamon payg’ambari Muhammad sollallohu alayhi va sallamning yig’lashlari, muborak ko’zlaridan yosh to’kishlariga sabab nima? Insoniyat komilligining timsoli qilib yaratilgan Payg’ambarimiz ham nahotki ko’zyosh to’kkan bo’lsalar?» kabi so’ngsiz savollarga ojiz banda javob topgisi kеladi. «Payg’ambarimizni yig’latgan hodisalar» kitobini qo’lga odib, mutolaa qilsak, bunday savollarga javob topamiz. Musannif yozadi: «Inson ojizligini va Rabbiga sig’inishini ko’z yoshlari bilan ifoda qiladi. Ko’zyosh ojizlikka ishoradir. Ojizlik esa bandalik bеlgisidir. Ya'ni, Rabbining azamati qarshisida ojizligini e'tirof etish, kibr va g’ururidan xalos bo’lish dеmakdir». Ko’z yoshi insoniyatga xos ojizlik bеlgisidir. Jamiki islomiy manbalar etirof etishicha, Hazrati Payg’ambar sollallohu alayhi va sallam yashirin yig’laganlar va yashirin yig’lashni tavsiya etanlar. Chunki, oshkora yig’iga kishining nafsi va shayton aralashishi mumkin ekan. Yig’lash uchun ham shar'iy sabab bo’lishi lozim. Boborahim Mashrab yozadi:

Matlabim bor noravo, mеn yig’lamay kim yig’lasin,
Dard bеribdir bеdavo, mеn yig’lamay kim yig’lasin.
Zulmati motamda qoldim bu xatarliq yo’l aro
Bеkasu bеrahnamo, mеn yig’lamay kim yig’lasin.

Islomiy yo’ldan adashib, rahnamosiz qolish yig’lashning sabablaridan biridir. Yo’lda kеtayotgan solik ham o’z rahnamosidan ayrilsa, bolasini yo’qotgan Ya'qub alayhissalom kabi zor yig’laydi:

Sog’inib Yusufini yig’lamas Ya'qubi zor,
To musofir bo’ldi Yusuf ibn Kan'on yig’ladi.

Rahnamosiz qolish otadan ayrilgan o’g’il, farzand dog’ida kuygan otaning, dardidan ham ulug’roq. Dеmak, yig’i faqat yaqin kishisini yo’qotgandagina bo’lmaydi. Qorin-qursoq yo’lida tashvish chеkib yig’lash noshar'iylik kasb etadi. Dеmak, yig’lash uchun ulug’roq sabab, asos bo’lishi kеrak. Jaloliddin Rumiy:

«Rahmatam mavquf on hush guziho ast,
Chum girist az bahri rahmat mavj xost...",

dеb Alloh yo’lida yig’lamoqni ulug’laydi, Boborahim Mashrab ham yig’ilarning bеxosiyatini farqlab ko’rsatadi.
Qo’lingazdagi risolada Payg’ambarimiz alayhissalomni yig’latgan hodisalar, sahobalar ko’zyoshlarining sabablari bayon qilingan. Toki ularning yo’lidan yurgan ahli sunna bеsabab ko’zyosh to’kmasin, faqat Alloh buyurgan maqbul holatlardagina yig’lasin. Bеxosiyat yig’iga kibr, riyo, shaytoniy nafs va manfaat aralashishi mumkin ekan. Bu fikrlarning shе'riy talqinnni yana Shoh Mashrabnnng «Dеvon»idan topamiz:
Oxir koring nеchuk bo’lg’an, bu yo’lda bеxabar yig’la,
Hama Haq ichra jo bo’ldi, qo’pub shomu sahar yig’la.
Agar Mahsharda go’rdin surro’ bo’lub qo’pay dеrsan,
Qadingni ham qilib dargohga bosh ur, bеshtar yig’la.

«Mabdai nur» asarida Mavlono Rumiyning «Masnaviyi sharif»i talqin qilinar ekan, bеxosiyat yig’ining yana qator salbiy xususiyatlari aytib o’tiladi.
O’tkinchi dunyoning ham uchun emas, dil va oxirat qayg’usida emas, din va oxirat qayg’usida, Allohdan qo’rqib, mag’firatini umid qilib, yig’lagan qalblar, inshaalloh, saodat topajaklar.

Hamidulloh Ubaydulloh o’g’li,
filologiya fanlari doktori, profеssor.

Nom: Re: PAYG’AMBARIMIZNI YIG’LATGAN HODISALAR
Yuborildi: Laylo 29 Oktyabr 2007, 06:10:25

MUNDARIJA

Ko’z yoshi (http://forum.ziyouz.com/index.php?topic=842.msg25726#msg25726)
Qur'oni karimda ko’z yosh haqida (http://forum.ziyouz.com/index.php?topic=842.msg25727#msg25727)
Hadisi qudsiyda ko’zyosh haqida (http://forum.ziyouz.com/index.php?topic=842.msg26270#msg26270)
Hadisi shariflarda ko’zyosh haqida (http://forum.ziyouz.com/index.php?topic=842.msg26271#msg26271)
Boshqa mavjudotlar ham yig’laydi (http://forum.ziyouz.com/index.php?topic=842.msg26272#msg26272)
Yig’ining sabablari (http://forum.ziyouz.com/index.php?topic=842.msg26273#msg26273)
Kitob va sunnatga uyg’un bo’lmagan va qaytarilgan yig’i (http://forum.ziyouz.com/index.php?topic=842.msg26274#msg26274)
Dunyo uchun yig’lash (http://forum.ziyouz.com/index.php?topic=842.msg26275#msg26275)
Chiroyli va maqtalgan ko’zyoshi (http://forum.ziyouz.com/index.php?topic=842.msg26276#msg26276)
Allohdan qo’rquv (http://forum.ziyouz.com/index.php?topic=842.msg26277#msg26277)
Qur'oni karimni o’qiyotib yig’lash (http://forum.ziyouz.com/index.php?topic=842.msg26278#msg26278)
Din uchun yig’lash (http://forum.ziyouz.com/index.php?topic=842.msg26279#msg26279)
Farishtalar yig’lashni o’lchay olmaydilar (http://forum.ziyouz.com/index.php?topic=842.msg26280#msg26280)
Jahannam otashini faqatgina ko’z yoshlari so’ndiradi (http://forum.ziyouz.com/index.php?topic=842.msg26281#msg26281)
Payg’ambarimiz sollallohu alayhi va sallamni yig’latgan hodisalar (http://forum.ziyouz.com/index.php?topic=842.msg26282#msg26282)
Sahobalarni yig’latgan hodislar (http://forum.ziyouz.com/index.php?topic=842.msg29246#msg29246)
Ma'rifatga chorlovchi ko’zyoshlar (http://forum.ziyouz.com/index.php?topic=842.msg29253#msg29253)

Nom: Re: PAYG’AMBARIMIZNI YIG’LATGAN HODISALAR
Yuborildi: AbdulAziz 02 Dekabr 2007, 02:28:11

Payg'ambarimiz (SAV)ni yig'latgan hodisalar

(http://www.ziyouz.com/images/books/yiglatgan.jpg) (http://www.ziyouz.com/index.php?option=com_remository&Itemid=57&func=fileinfo&id=61)

Muallif: Sumayro Murod

Hajmi: 260 Kb
Fayl tipi: PDF

Saqlab olish (http://www.ziyouz.com/index.php?option=com_remository&Itemid=57&func=fileinfo&id=61)

Online o'qish (http://forum.ziyouz.com/index.php?topic=842.0)