Ясан тусан қилиш ва юзни очиб юриш фаҳш ва фасодга ундовчи асосий омилдир

Агар аёл киши бегона эркаклар олдида ясаниб, зийнатларини кўрсатиб юрадиган бўлса, унинг юзидан аёллик таровати кетади, ҳаёси йўқолади ва инсонлар наздида унинг заррача ҳам қадр-қиммати қолмайди. Бу қилмиши унинг жоҳиллигига, иймони заифлигига ва ҳимматининг паст эканига далолат қилади. Бундай аёл очилиб, ясан-тусан қилиб юриши билан Аллоҳ таоло неъмат қилиб берган ўраниб юриш ва ҳаёни яхши кўриш табиатидан ва мукаррам қилиб қўйган инсонийлик мартабасидан ҳам пастроқ даражага тушиб кетган бўлади.

Умуман олганда, очилиб, кўчаларда ясаниб юриш - Ислом душманлари даъво қилаётганларидек - маданият ҳам, ҳуррият ҳам эмас. Бу нарса ижтимоий-руҳий қулаш ва бузилиш ҳамда фаҳш ва фасод ишларга бўлган чақириқнинг бир кўриниши, холос.

Аёлларнинг очилиб-сочилиб юришлари соғлом одоб-ахлоқ меъёрларига ҳам зид амалдир. Ҳатто соғлом фитрат-табиат ҳам бунга рози бўлмайди. Бундай тубан ишлар (яъни, очилиб-сочилиб юриш) фақатгина хулқ-атвори бузуқ, ҳаёсиз, жоҳил аёлларга хос бўлган «фазилат»дир. Чунки ақлли, иффатли ва ўзини ҳурмат қиладиган аёлнинг кўча-кўйда, бозорларда ва ҳар-хил жамоат жойларида ўзининг фитнали ва зийнат бўлган аврат жойларини уялмасдан бегона эркакларга кўз-кўз қилиб юриши тасаввурга ҳам сиғмайдиган ҳолатдир.

Аксарият аёллар мана шундай тубан ҳолатда кўчага чиқиш билан кишиларнинг олқишига сазовор бўламан деб ўйлайдилар. Бу ҳам шубҳасиз нотўғри эътиқоддир. Бу турдаги аёлларга ҳам битта саволимиз бор:

- Сиз «олқишларига сазовор бўламан» деб қандай кишиларни назарда тутяпсиз?       

  Агар бенамоз, динсиз, фосиқ ва ифлос одамларни назарда тутаётган бўлсангиз, гапингиз қисман тўғри. Сиз уларнинг олқишига эришасиз. Лекин шу билан бирга «ана у жойини қара», «фалон жойи ундоқ эканми» каби иззат нафсингизга тегадиган гапларидан ҳам бенасиб қолмайсиз. Агар шунга рози бўлсангиз, марҳамат!

Энди, агар тақволи мўмин кишиларнинг ҳурматига эришиш мақсадида бу ишларга қўл ураётган бўлсангиз, билингки, қаттиқ адашибсиз. Чунки Аллоҳдан қўрқадиган мусулмон эркаклар ясаниб-очилиб юрадиган аёлларга нисбатан мутлақо бошқача мавқеда турадилар.

Яхши инсонлар ҳеч қачон бундай аёлларга нисбатан хайрихоҳлик билдирмаганлар. Аксинча, унга нафрат кўзи билан қараб, улардан жирканадилар. Бундай аёллар уларнинг назарида улуғворлик сифатлари ва хулқ-атворларини йўқотган бузуқ аёл рамзи ўлароқ гавдаланиб қолаверади.

Қайси бир оқила, ўз қадрига етадиган аёл ўзи учун буларнинг ҳаммасига рози бўлади?! Бундай паст даражага тушиб қолишга уни нима мажбур қилаяпти?! Ахир мўмина аёл бошқалардан ақли ва ҳаёси билан ажралиб туриши керак-ку!

Эй шайтон гапига кириб, ясан-тусан қулига айланган аёл! Аллоҳдан қўрқинг, гуноҳларингизни кечиришини сўраб Аллоҳга чин дилдан тавба қилинг. Ҳали фурсат бор, уни ғанимат билинг. Бундай қабиҳ ишлардан тўхтаб, ўзингиз учун фойдали бўлган ишларга ҳарис бўлинг, эртага қайтиб борадиган жойингиз ҳақида тафаккур қилинг. Бир кун келиб зулматли, даҳшатли қабрда ёлғиз ўзингиз ётасиз. Ундан кейин эса Аллоҳ азза ва жалла ҳузурида ҳисоб-китоб учун ёлғиз ўзингиз турасиз.

«Уларнинг барчаси Қиёмат Кунида ёлғиз ҳолда У Зотнинг ҳузурига келгувчидир». (Марям: 95)

Қиёматда бўладиган ҳолатларни; ҳисоб-китоб, амалларнинг тарозига қўйилиши, Аллоҳ таолога осий бўлган кимсаларга ҳозирлаб қўйилган жаҳаннам азобларини эсланг. Кўча-кўйда ясаниб, бегона эркаклар олдида юзингизни очиб, қоматингизни кўрсатиб юришдек қабих ишларга қўл уришдан олдин мана шу нарсалар ҳақида бир ўйлаб кўринг. Мен сизни яна бир бор ишонтириб айтаманки, қаршингизда турган Қиёмат даҳшатларининг биронтасига тоқатингиз етмайди. Жаҳаннам азоби ҳақида эса гапирмаса ҳам бўлади. Ўзингизга раҳмингиз келсин. Бундай ишларга энди қайта қўл ура кўрманг. Юизнгизда тавба эшиклари ёпилиб қолмасдан ва жасадингиз узра тупроқ тортилмасдан олдин Аллоҳга ҳақиқий тавба қилишга шошилинг! Зеро, Аллоҳ таоло тавбаларни қабул қилгувчи, Меҳрибондир.

Баъзи эркакларга бир оғиз сўз

Кўпчилик муслима аёлларнинг ясан-тусан бобида ҳатто динсиз аёллар хавас қиладиган даражада илгарилаб кетишида эркакларнинг  ҳам ҳиссалари кам эмас. Чунки, аёлларнинг бу даражада ўзгариб кетишларига ягона сабаб эркакларнинг ўз аёлларига нисбатан эътиборсизлиги, совуққонлиги, уларни бегона эркаклардан қизғаниш керак деган нарсани аллақачон унутиб, муқаддас динларини писанд қилмай, эркаклик ғурурларини йўқотиб қўйганлари ҳамда билиб туриб уларни бундай ҳаёсизликлардан қайтармаётганларидир.

Афсуски, баъзи эркакларда фақат «эркак» деган ном қолган, холос. Ўз қадрларини билмайдиган, қўл остидагиларни муҳофаза қила олмайдиган ва Аллоҳнинг омонати бўлган аёлларни чиройли бошқара олмайдиган бундай эркакларнинг ҳолига вой бўлсин!

Расулуллоҳ  соллаллоҳу алайҳи ва саллам айтганлар:

«Аллоҳ таоло бирор раъийят устига бош қилиб қўйган қайси бир бошлиқ ўз қўл остидагиларга нисбатан эътиборсиз бўлган ҳолда вафот этар экан, Аллоҳ унга жаннатни ҳаром қилур».

Эй, эркаклар, сизлар ўз раъийятингизга етарлича эътибор бермадингиз, омонатни зое қилдингиз, хатарли ишга қўл урдингиз. Сизлар фақат ўзларингизни ҳалок қилмоқдасизлар. Лекин буни сира сезмаяпсизлар. Тўғрироғи тушунишни хоҳламаяпсизлар. Ахир ақлларингизни ишлатмайсизларми?! Шояд шунда Парвардигорингизга тавба қилиб, устингизда омонат бўлган аёлларингизни муҳофаза қилсангиз!

Пайғамбар соллаллоҳу алайҳи ва салламга, у кишининг аҳли-оилаларига, саҳобаларига ва уларга яхшилик билан эргашган барча кишиларга Аллоҳнинг салоту саломи бўлсин!

Сўзимиз охирида Бутун Оламлар Парвардигори Аллоҳга ҳамдлар айтамиз!

Maнба

Assalomu alekum, Allox sizdan u dunyoyi bu dunyo rozi bo'lsin, juda savob ish qilin, ushbu mavzuni ochibsiz. Shoyat, xali xijobga kirmagan "muslima" opa-singillar insofga kirishsa, Robbimdan ularga xidoyat tilab qolamiz, Inshaalox!
Bizni "muslima"da xam shunga o'xshash mavzu ochilgan, juda ajoyib!

HIJOBGA KIRMOQCHI BO'LGAN MUSLIMALARGA MASLAHATLARIM

Hijobning naqadar muhimligini siz allaqachon anglab yetdingiz.
Hijobsiz qo’ygan qadamingiz o’zingiz va o’zgalar uchun katta zararligini bilasiz. Ammo hijobga kirishga kelganda esa haliyam ikkilanmoqdasiz. Hijobga kirmay desangiz - iymon halovatini sog`ingan qalbingiz ochiq-sochiq kiyimlarda taskin topolmayapti, kiray desangiz - ming hil sabablar yo`lingizga to`g`anoq bo’lmoqda. Hijobdan keyingi qiyinchilik va mashaqqatga to’la hayotingizni tasavvur qilganingiz sari hijobni kiyish u yoqda tursin, hatto u haqda eshitgingiz ham kelmaydi. Mana shunday ikki o’t orasida yashamoqdasiz. Aslidachi? Aslida ham hijobga kirish shu qadar og`ir ishmi? Hijobda yashash mashaqatmi?

 Yaqindagina hijobga kirgan inson sifatida shuni aytishim mumkinki, hijobga kirishdan ham, hijobda yashashdan ham unga kirish oldidagi ikkilanishlar, ikki o’t orasida yashash qiyinroq ekan. Hijobga kirgach esa sizni qiynagan ming xil savollar va ikkilanishlar barham topadi, elkangizdan og`ir yuk tushib, hijobgamas, blki orom uyiga kirgandek o`zingizni yngil his qilasiz. “Yo tavba. bu shu qadar oson ish ekanu, men bo’lsam shuncha qiynaldima”, - deysiz. Ishonmaysizmi? Keling unda bir urinib ko’ramiz.

1. Avvalombor ishni hijobga kirishingizga qarshilik qilayotgan sabablar ro’yxatini tuzishdan boshlaymiz. Erinmasdan har bir bahona va sabablarni bir boshidan yozib chiqing va ularga yichim izlang. Shunda bazi sabablar hatto ro’yhatga yozishga ham arzimas darajada ekanligini o’zingiz ham anglab yetasiz. O`ylab qarasangiz, arziydigan, katta sabablar bir-ikkitadan oshmas ekan. Shundaymi?
Qanchalik katta bo’lmasin, ularga ham echim bor, albatta. Siz esa o’sha yichimlar ustida o’ylang, boshqalardan ham maslahat va yordam so’rang.

2. Imkon qadar hijobli qizlar davrasida yurishga intiling, agar hijobli dugonalaringiz bo’lmasa, ko’chada o’rangan qizlarni ko’rsangiz ham borib ular bilan do’stlashing, yoki islom markazlari, masjidlarga borib bo’lsa ham ular bilan uchrashing. Tortinmang, odatda bunday qizlar juda xushmuomala bo’lib, sizga yordam berishni xush ko’rishadi. Internetda bo’lganingizda ham ularni rasmlarini tomosha qiling, ya`ni kozingizni koniktiring. Chunki biz ozimizni zamonaviy hisoblab, ochiq va tor kiyimlar kiyishga o’rganib qolganmiz, keng va yopiq liboslar na ko’zimizga yoqadi, na ko’nglimizga. Ammo sinchiklab qarasangiz, yopiq kiyimlar ham go’zallikda ochiqlaridan o’tsa-o’tadiki, aslo qolishmaydi. Turli xil hijob o’rash uslublarini qarab chiqsangiz, har biri betakror va oziga hosligini korasiz.

3. Ham feli chiroyli, ham hijobni farosat bilan oraydigan nozik didli go’zal ayollarga koproq qarang. Shunda “hijoblining axvoli shumi”, - deydiganlar toifasidan bo`lmaysiz. Hijobga kirganingizdan keyin siz ham shu ayollar toyifasidan bolishga intiling. Ro’moli osilgan, yelkasi oqqanlardan bo’lmang. To`gri, hijob ayol go`zaligini va ziynatlarini berkitish uchun mo`ljallangan, ammo go`zallikni ham did va farosat bilan berkitish mumkin. Hijob ham islomiy hayotning bir korinishi. "Nega bu ayol ro’mol o’rab yuribdi?" - degan savolni orqasidan keladigan; "Musulmon bo’lgani uchun, muslimalar odatda shunday qilishadi"... kabi ko’plab javoblar orqali islomni oz bolsada taniy boshlashadi. Hali islomni bilmaydigan qancha odamlar bor, yaqinda menga horijlik tanishlarim: "hijob oraganingdan keyin sochingni haftada nechi marta yuvadigan bolding? Har holda kamaytirgan bo’lsang kerak, axir sochingni kirligini ro’molda hech kim ko’rmaydiku?” - deyishdi.
Naqadar axmoqona savol, ammo o’tmishda g’arbning podshosi umrida bir marta cho’milgan bir paytda musulmonlar bir kunda 5 marta tahorat olganini, hech qachon g`usulsiz junub holda yurmaganligini va yurmasligini bilmagan kishilardan bundan ham bema’niroq savollar chiqishi ham mumkin. Bunday savollardan xafa bo’lmang. Siz ularga Islom poklik dini ekanligini, hijob kir va nopok sochlarni bekitish uchun emas, balki tozalik va poklikdan yaraqlab turgan sochlarini chang va g`uborlardan, oftob tig`idan, qish izg`irinidan, yomon ko’zlardan asrash bilan birga bu g`ozal pokiza sochlar o`z jilosi bilan o`zgalarni hayollarini bo`lmasligi uchun o`ralishini tushuntiring. Va imkon qafar amal bilan so’zingizni quvvatlang.

4. Agar yilkasi ochiq kiyimlarda o’sgan bo’sangiz, asta-sekin kalta bosada, engi bor koftalarga o’ting, shortik va kalta yubkalaringizni uzaytiring. Mobodo yubkada yurishni yomon ko’rsangiz, shimda yuring. Oyoqlaringizni yopishga harakat qiling. Shu yo’l bilan sekin-sekin yopiq kiyinishga o’rganasiz. Boshida tor bo’lsada, yopiq kiyining.

5. Yopiq kiyimga organgach, sekin ro’mollar va chiroyli sharflar sotib oling va ro’molda yurishni uyda mashq qiling. O’zingizga qulay va yarashadigan uslublarni o’rganing. Ko’nikma hosil qilish uchun avval uyda va hovlida o’rab yuring. Keyin sekin-sekin, Insha Alloh, silliqina hijobga o’tib olasiz.

6. Boshida ozingizga yoqqan zamonaviy kiyimlar, masalan, tizzagacha keladigan klassik uslubda tikilgan kostuym-shim va xushbichim yubka-kofta degandek, ilgari kiyingan uslubizga yaqin kiyimlardan boshlang. Chunki birdan keng arabcha abayalarni kiyish o’rganmagan nafslarga og`ir keladi. Zamonaviy qilib tikilgan uzun yeng va etakli liboslaringizni endi ko’chada ham kiyishni boshlang. Bir qancha muddatdan keyin ilgari oyoqlaringiz yopilsa yuragingiz siqilgan bolsa, endi oyog`ingiz korinsa hijolat cheka boshlaysiz.

7. Zamonaviy va yopiq libosga ham konikib qoldingiz. Endi uning rangiga mos romol tanlaysiz va chiroyli qilib o’raysiz. Ana bo’ldi ,siz endi Alloh nozik hilqat vakilalariga munosib korgan eng g`ozal libosdasiz. Ko’rdingizmi bu qanchalar oson ekan?
-“Ha, kiyishku oson, ammo uni asrash qiyinda”, - deysizmi?
Yo`q bu ham siz o`ylaganchalik qiyin ish emas, faqat ba`zi bir nozik jihatlariga e’tibor qaratsangiz bas.

 Ammo hijob sizga juda yarashdi! Ana endi ko`chaga chiqsangiz ham shu libosda chiqing. Har xil qarashlar, gap sozlar deysizmi? Nahotki shugina sabab bilan sizga qanchalar yarashgan hijobingizni echsangiz? Yo`g`a, bu o’rinda kalta koylak va elkasiz, tor liboslarda mahalladan o’tgan davringizni eslang... Mahalla-ko’yning: “voy bu, bu qizning koylagi bormi-yoqmi?” - qabilidagi pichinglarini esladingizmi? O’shanda ularning gapidan jahlingiz chiqqan bolsada: “bu modani tushunmagan odamlarga qosa nimalar demaydi” - deya mag`rur ketaverardingiz. Huddi o’sha uslubni endi bu o`rinda qo’llang. “Allohning buyruqlarini bilmagan va hijobning naqadar g`ozalligini anglamaganlarga qolsa ular nimalar deyishmaydi?!”

8. - "Mahalla - koy mayliya, ota-onam va boshqa yaqinlarimga ham yoqmadi bu uslubda kiyinishim", - deysizmi? Unda sizga bir savol.
Ilgari kiygan kiyimlaringizni hammasi barcha yaqinlaringizga birdek yoqqanmi? Y`oq, albatta, bunday bo’lishi mumkin emas. O’sha kiyimlaringiz yoki o’ta torligi, yoki juda kalta va ochiqligi bilan, yoki g`alati uslubi bilan juda bo’lmasa, narxi bilan yaqinlaringizni sal bo’lsada noroziligini o`yg`otgan. “Sizga yoqmasa ham, menga yoqadi” qabilida yaqinlaringizga yoqmagan kiyimingizni yaxshi ko’rib kiyishda davom etgansiz. Bu o`rinda ham hijobni sizni egningizda sobit qolishi uchun sizdan birgina harakat kerak. Siz uni ham ilgargi zamonaviy libosingizni qanchalar yaxshi korgan bolsangiz, buni ham shunchalik seving va himoya qiling! Osongina egningizdan tushib ketishiga yo`l qoymang! “Sizga yoqmasa ham bu libos menga va barcha mo`minlarga, eng asosiysi - Allohga yoqadi” - deya oling! Yaqinlaringizga esa xushmuomalalik bilan tushuntiring va ularga ham hidoyat so’rab duo qiling.

9. - Shahrimizda, mahallamizda, oilamizda hech kim hijob kiymagan, bir o`zim...
Men sizni juda yaxshi tushunaman. Demak siz islom nuri yoritmagan joylarda va bu nurdan bebahra odamlar orasida yasharkansiz. Islomdan qatra nur bolib kirib bormaysizmi o`sha manzillarga. Odamlar hamma joyda birinchi bolish uchun astoidil harakat qiladi, nega siz bu g`ozal yo’lda birinchi bo’lishni istamaysiz? Bir ozingizga shuncha savob, ularni birma-bir yig`ib olsangizchi!

10. Hijobni kiygach, uni kiyishingizga qarshi bo’lgan odamlardan uzoqroq yurishga harakat qiling, chunki ular tezda sizda hijobni yechish istagini uyg`otib qo’yishlari mumkin. Hech bo’lmaganda, hijobga organib qolguningizcha ulardan uzoqroq bo’ling.

11. Hijobni kiygach, mobodo uni yechish istagi tug`ilib qosa, xuddi uni kiyishni qanday orqaga cho’zgan bolsangiz, shunday “ertaga, indinga echaman” deb, nafsizni aldab turing, shunda sekin-sekin organib qolasiz va butun umr hijobda yurgandek u bilan qadrdon bolib qolasiz, InshaAlloh!

12. Hijobdaligingizda tez-tez sizni ta’qib qiladigan nigohlarni: "G`alati kiyinganim uchun menga qarashyapti" deb emas, balki: "Ular mendan islomni organishmoqda, ibrat olsihmoqda" deb sharh qiling. Shunda sizni “bular nega buncha baqrayishadi” - degan fikrlar g`azablantirmaydi.

13. Hijob kiyganingizdan keyin bolayotgan har bir ezgu ishga "Alloh meni hijob kiyganim uchun taqdirlayapti" degan o`yda boling. Shunda hijobga va boshqa Allohning farzlariga majburiyat deb emas, balki mehr bilan qaraysiz, ularni sevib bajarasiz.

14. “Hijob kiysam uni qilomayman, buni qilomayman” deb og`rinmang, hijob kiyish bilan hamma narsadan kechish shartmas, bazi bir odatlaringiz islomga zid bo`lsa-yu, uni birdaniga toxtaolmasangiz, sekin-sekin toxtating, ammo hijobni echmang u odatingiz uchun. Masalan, men raqsni, sportni, ashulani judayam yaxshi koraman. Yashirmay aytamanki, boshida menga bo’yanish, yasanish, raqs, musiqa, soch kesish va hokazolar mumkinmas hijobga kirsang, desalar: "Ma hijobingni, ol, manga hech keragi yo`q”, degan bolardim. Islomga zid odatlaringizni sekin-sekin kamaytiring yoki o’shanga oxshashiga ozgartiring. Masalan, men stadionda va sport klubida shug`ullanishni hovliga kochirdim. Boshida kunda bir soat raqs bilan shugullangan bosam keyin 20 minut, 10, haftada bir hozir raqssizam juda yaxshi yashayapman. Musiqani esa sekin rep, hip-hopdan mazmunli ashulalarga, keyin diniy ashulalarga, keyin nashidlarga, hozir esa mp3 imda quron suralari qogan holos. Boyanish, o’zingizga qarashni ham uyingizga kelganda maromiga etkizib qiling, juda xohlasangiz eski modniy kiyimlaringizni ham kiyavering. Uyingizda o`zingizga yoqqandek, qulay va gozal liboslarni bemalol kiyavering (bahonada uyingizni va uyda o’tirishni ham yaxshi korib qolas).

15. Eng asosiysi, unutmang, hijob - bu oddiy kiyim! Uni kiygach, undan qandaydir bir ilohiy tuyg`ularni kutmang. “Hijob kiydim, endi eng mustahkam imonni qo’lga kiritdim”, deya mag`rurlanib ketmang. O`zini musulmon sanagan, ammo hali hijobgacha yetib kelmagan muslimalarga past nazar bilan qaramang va ularni dillariga ozor beradigan gaplar bilan tanbeh bermang. Imon qalbda boladi. Imonni hijob kiyib ham topolmay otib ketganlar qancha. Hijob hech kimga imon bermaydi, u borini himoya qiladi halos. Imonni kuchaytirguvchi taqvoni hijobni kiygach ham mustahkam ushlashga harakat qiling. Ilm olishga va unga amal qilishga harakar qiling, yo`qsa hijob kiygan eksponatdan farqingiz qolmaydi. Hijob jamiyatdagi ko’p kasalliklarini oldini oluvchi bir himoya vositasi. Uni kiyish bilan farishta, yechish bilan fohisha bolib qolmaysiz. Ammo uni kiyib taqvoyingizni yanada mukammal qilishingiz, yechish bilan fahshga yo`l ochishingiz mumkin. Shuni bilingki, hijob bu jannatga kafolat emas, ammo hijobsiz ham jannat kafolatlangan emas.

16. "Men namozni namoz oqish istagi paydo bo’lsa o`qiyman", yoki: "Menda hijobga kirish istagi paydo bo`lmagan", deb ko’p aytishadi. Bu kabi so`zlar bilan o`zingizni aldamang, amallarni paysalga solmang. Bilingki, bu istakni kelishini kutib otirish - g`irt axmoqlik!
Chunki siz bu istakni butun umr kutsangiz ham kelmasligi mumkin. Qayerdan bilasiz, balki u sizni birinchi bo’lib qadam tashlashingizni kutayotgandir? Hech kim yo’lidan oltin chiqib qolishini kutib otirmaydi, vaholanki tilladan bo’lgan ziynatlarni topib olganlar ko’p. Xuddi shunay siz ham noma`lum tuyg`ularni kutib umringizni g`aflatda o’tikizmang.
Hech kormagan, yemagan, mazasini totmagan notanish ovqatni nomini aytsa egingiz keladimi? Yoq, sizga bu nomlar kompyuter, stol, stul kabi oddiy narsa nomidek eshitiladi. Ammo kabob, osh, manti, chuchvara kabi sizga tanish nomlar aytilsa-chi? Ishtahalaringiz ochilib, yegingiz keladi. Nega? Chunki siz ularni bilasiz, yegansiz, mazzasini totgansiz. Xuddi shunday namozning lazzatini angalsh uchun uni oqish kerak, hijobni esa o’rab ko’rish kerak. Undan keyin ham lazzat eshiklari ochilmasa, darrov orqaga qaytmasdan eshik oldida turing. Qayta-qayta taqqilating eshikni. Niyatingiz holis bosa, Insha Alloh, u eshiklar ochiladi.

Va shu o’rinda boshqalarga ham maslahatim: "Hijobli bo’la turib unday qildi, bunday qildii" kabi gaplarga chek qoying! Odamlarni hijoblilardan maksimal narsalarni kutishi qizlarni hijob kiyishga jur’atsiz qilib qo’yadi. Tushuning, u ham oddiy bir odam, u ham barcha singari xato qilishi mumkin. Kecha yarim yalong`och yurgan qiz bugun shu joygacha etib kelipti, shunisiga rahmat deng. "Hijobliyam shunaqa bo’larkanmi", deb uni hijobini echishiga sababchi bolgandan kora, unga yordam bering, qolingizdan kelsa. Bo`lmasa - jim boling, ammo zinhor-bazinhor uni izza qilmang. Juda xunuk ish bo’lsa, sekingina o’ziga ayting, chioyli tushuntiring.

Siz, hijob kiymoqchi bogan opam yoki singlim, bunaqa gaplarga ahamiyat bermang. Siz tog`ri yo’ldasiz, ketavering undan hech narsaga qaramay. Bilmaganingizni sekin-sekin organib olasiz. Hech kim mukammal emas.

17. Hijob kiygandan keyin ayb ish qilib qoygandek ovozingiz sinq, boyningiz egik yurmang! Hijob kiyishdan uyalmang! Podiyumda ketayotgan modellarga bir qarang, egninga nimani ossalar ham “mashhur kutere falonchini liboslarini namoyish qilyapman” deb mag`rur yuraverishadi. Oliy moda, avangard deya aqlga sig`maydigan kiyimlarni kiyib chiqaverishadi. Bu libos haqiqatda juda go`zal va betakrorligiga shu qadar qat`iy ishonch bilan yurishgani tufayl ham bugun ko’pchilik moda orqasidan chopmoqda. Nega endi ular bir ojiz bandani kiy degan istagini ikkilanmay amalga oshirsayu, biz esa kuch va qudrat egasi bo’lgan Alloh taolaning buyrug`ini aybdordek ikkilanib, amalga oshiramiz? Hijob Oliy Zotning buyrug`i bolib, aslida u oliy moda! Qachonki biz bunga ishonib, qat’iy qadam tashlashni boshlar ekanmiz, ana shundagina dunyo modasi ortimizdan chopadi!

manba:http://www.ayol.uz

O‘RANISH VA ISLOM

Islomda ayollarga buyurilgan shar’iy shartlardan biri avrat joylarini berkitishdir.
Islom dini kelishidan avval arab ayollari boshlariga bir ro‘mol tashlab olishardi. Faqat ikki uchini yelkalaridan orqaga osiltirib, gardanlari va ko‘ksilarni ochiq qoldirishardi. Ayollar kesilgan (yirtilgan) ko‘ylaklar kiyib, son va boldirlarini namoyish etardilar. Ayolning onalik viqorini saqlaydigan tasattur yo‘q hisobi edi. U davr ayollarida erkakdan chekinish, tortinish degan narsalar yo‘q edi. Ayni zamonda hojatxonalar uylardan tashqarida bo‘lardi. Ayollar tun qorong‘usida hojatga borishganida hur yoki joriya ekani farqlanmaganligidan yo‘lda shilqimliklar bo‘lib turardi.

Ayollar uylaridan bezanib, kiyinib chiqishar, yaxshi-yomon erkaklar bilan aralashib o‘tirib, suhbatlashishardi. Madinai Munavvarada hijob oyati tushgunga qadar bu iflos odat davom etdi.

Rasululloh (s.a.v.) tasatturning foydasi va zarurligini bilganlari holda, bu xususga aloqador oyati karima endirilishini kutayotganlari uchun o‘zlaricha bir nima demasdilar.

Haqiqatan, musulmon ayollarga o‘ranish amri hijriy 4-yilda (milodiy 624) zulqa’da oyida farz qilindi.

Tasattur oyati nozil bo‘lishi bilan Payg‘ambarimiz ashobga yetkazdilar. Sahobalar tasattur amrini uyidagi ayollarga aytdilar va musulmon ayollar gazmollardan yopinchiq qildilar.

U davrda ayollar tasatturga amal qilishgani, ya’ni, qanday o‘ranishganini hazrati Oysha onamiz shunday hikoya qiladilar:

“Vallohi, men Allohning kitobi Qur’onning tasdiqi va uning indirilishiga iymon jihatidan ansor ayollaridan fazilatliroqlarini ko‘rmadim. «Nur» surasidagi o‘ranish haqidagi oyat tushishi bilan erkaklar ayollariga borib, Alloh yuborgan oyatlarni o‘qiy boshladilar. Har qaysisi bu amrlarni zavjasiga, qiziga, singlisiga va barcha yaqinlariga o‘qishardi. Ayollarning hech biri istisno etilmaslik sharti bilan Allohning Qur’ondagi amriga muvofiq jundan va paxtadan tayyorlangan yopinchiqlarga o‘randilar. Va shu holda Rasulullohning (s.a.v.) orqalarida tong namozini o‘qidilar.

Qur’onda Rasulullohga (s.a.v.) xitoban: “Ey payg‘ambar, juftlaringizga, qizlaringizga va mo‘minlarning ayollariga ayting, ustlariga yopinchiqlarini o‘rasinlar! Mana shu ularning (cho‘ri emas, balki ozod ayollar ekanliklari) tanilib, ozorlanmasliklari uchun eng yaqin (vositadir). Alloh mag‘firatli va mehribon bo‘lgan zotdir». (Ahzob surasi, 59-oyat).

O‘ranishga doir ilohiy amrlarni ko‘rib chiqsak:
“Mo‘minalarga ham ayting, ko‘zlarini (nomahram erkaklardan) quyi tutsinlar. Va avratlarini (zinodan) saqlasinlar! hamda ko‘rinib turadigan boshqa ziynatlarini ko‘rsatmasinlar* va ro‘mollarini ko‘kraklari uzra tushirib olsinlar!...” (Nur surasi, 31-oyat).

“O‘z uylaringizda qaror topinglar, (ko‘chaga chiqqanlaringizda esa) ilgari jaholiyat (davri) yasanishidek yasanmangizlar...” (Ahzob surasi, 33-oyat).

Bu oyati karimalarga ko‘ra balog‘atga yetgan musulmon ayolning o‘ranishi farzdir. Buni inkor etgan mutlaq kofir bo‘ladi. Bir kun o‘ranarman degan ayol gunohkor bo‘ladi, lekin kofir bo‘lmaydi.

Avvalo shuni yaxshilab tushunib olish kerakki, Islomda o‘ranish faqat foydasi uchun emas, eng avval Allohning amri bo‘lgani va uning rizosini qozonish uchun farz qilingan. O‘ranishning faqatgina, yolg‘iz foyda ma’nosini dinimiz ma’qullamaydi. O‘ranishdan murod Alloh roziligi bo‘lmog‘i kerak. Aslida insonning yashashidan va barcha ibodatlaridan murod ham Rizoi Boriydir, ya’ni, Alloh rizoligidir. Namoz, ro‘za, zakot ham turli foydalar uchun ado etilmaydi, agar ibodatlar Alloh rizosidan tashqari maqsadlarni ko‘zlab qilinsa, maqbul emas. Ibodatlarimizni yolg‘iz Alloh rizoligi uchun ado etsak , Alloh kutilmagan joydan ne’matlar yuborib mukofotlantiradi. Ayollar ham Alloh uchun kiyinib, yashasalar, ham bu dunyoda, ham oxiratda mukofotlarini ko‘radilar, inshoalloh.

“Ma’naviy foyda” deb ta’riflaganimiz, Alloh rizosi uchun kiyinish va boshqa ibodatlarning ado etilishi hech tugamaydigan jannatga erishtiradi. Janobi Haqqa bir odim yaqinlashsak, u bizga o‘n odim yaqinlashadi. Bir yaxshilik qilsak, Rabbimiz bizga o‘n yaxshilik qiladi. Amallarimizning haqiqiy mukofotini abadiy dunyoda ko‘rishimiz shubhasiz.

Yopinchiqning yana bir foydasi – ayolni erkaklarning yomon nazari, zararli energiyasidan saqlaydi. Amerikalik bir shifokor mutaxassis g‘arblik ochiq-sochiq ayollarni teri va tanalari borasida tadqiqot o‘tkazgan. Tadqiqotchi ovro‘palik va amriqolik ayollarning yosh bo‘lishlariga qaramasdan yuzlarida joziba kamayib, ajinlar ko‘payganini, bo‘yoqlari to‘kilgan mashina kapotlarini takror bo‘yagandek bo‘lib, go‘zallashish o‘rniga, aksincha battar buzilganlarini kuzatgan. Amriqolik teri mutaxassisi Sharq musulmon ayollari borasidagi tadqiqoti natijasi tamoman teskariligini, masalan, 70 yoshli musulmon ayolning 35-40 yoshdagi ayolday badanida tirish yo‘qligini va yuzi g‘oyatda nurli ekanini ko‘rdi. Tadqiqotchilarning aniqlashicha, G‘arb ayollaridagi teri raki musulmon o‘lkalardagi ayollarda yo‘q darajada. Tadqiqotchi buning sababini shunday tushuntiradi: “Mashina faralaridan taralgan nurlar pashsha va quyonni qanday behuzur qilsa, erkaklar ko‘zidagi elektromagnit to‘lqinlari – alfa, betta va gamma nurlar ham ayollarning badaniga salbiy ta’sir ko‘rsatadi”.

Tadqiqotchi Sharq jamiyatidagi musulmon ayollarning yuz terilari keksa bo‘lishiga qaramasdan uncha burishmaganiga va terisida saraton (rak) kasalliklari deyarli yo‘qligiga tasattur sabab ekaniga, u ayollar tanini quyoshning zararli nurlariga va erkaklarning elektromagnit to‘lqinlariga to‘yingan nazarlariga to‘siq bo‘lib xizmat qilishiga va bu hikmatli ekaniga qanoat hosil qilibdi.

"Ayollarga xos masalalar" kitobidan.

Hijobsiz muslimaning 10 bahonasi


Barcha hamdu-sano cheksiz qudrat va Hikmat egasi bo`lmish Allohga loyiqdir.

Allohning rizosi va jannati sari yo`lni o`rgatgan Payg`ambarga salavotu salomlar bo`lsin.

Bu yo'l - yagona to`g`ri yo`l bo`lib, har tarafdan sharaf, olijanoblik va oliy hulqlar bilan yuksalgan, hamda poklik, hayo va iffat libosi bilan ziynatlangandir. Undan Odam avlodining ikki toifasi - erkak va ayollar - dunyo va ohiratdagi barqaror va baht-saodatli hayot uchun qadam qo`yganlar.

Mana shuning uchun har qanday nuqsonu-kamchilikdan pok Mehribon Yaratuvchimiz O`zining ayol bandalariga ularning nomusini, iffatini himoya qilish uchun, iymonlarining izhor-alomati o`laroq hijob kiymoqqa buyurdi. Shu bilan birga, Allohning buyrug`idan uzoqlashgan va Uning haq yo`lidan yuz o`girgan jamiyatlar (ular hoh musulmonlar bo`lsin, hoh nomusulmonlar) asl morhiyatlari bilan fasod jamiyatlaridir, hamda isloh va baht-saodatli hayotga qaytishga muhtojdirlar.

Bu jamiyatlar to`g`ri yo`ldan naqadar uzoqlashgani, va bu uzoqlashuvning hayotdagi yaqqol ko`rinishlaridan biri shuki, - ayollar nafaqat ro`mollarini tashlab, lozimlarini echib tashlaganli, balki tanalarining hatto avrat bo`lmish a`zolarini ham ochiq namoyishining tobora avj olishidir.

Musulmon jamiyatlarda ham, garchi Islomiy hijob keng tarqalayotgan bo`lsa-da, bu muammo mavjudligini ham afsus bilan tan olish kerak.

Shunday ekan, bunday tubanlikning sabablari qaerda?

Nima uchun o`zini musulmon sanagan, namoz o`qib, ro`za tutadigan ko`pgina opa-singillarimiz hijob kiymayotirlar?

Biz bu savol bilan ayollarning turli guruhlariga murojaat etdik. Olgan javoblarimizni o`rganib chiqib, ularda eng ko`p uchraydigan quyidagi 10 asosiy sababni aniqladik. Ozgina tahlil natijasida bu sabablar, aniqrog`i "uzr"larning aslida zaifligi, uzr o`rniga o`tmasligi va shunchaki bahonaligi ma`lum bo`ldi.

Bir necha satrlarda biz bilan birga bo`ling, muhtarama singlim, keling, mazkur uzrlar bilan birma-bir tanishib chiqaylik-da, so`ngra ularga Qur`on va hadisdan javob izlab ko`raylik.

1-uzr: "Men hali hijobga (uning farz, shartligiga) ishonib yetganimcha yo`q".

Biz bu singlimizga ikkita savol qo`yamiz.

Birinchi savol: Singlimiz haqiqatan ham Islomning haqligini tan oladimi?

Javob, tabiiyki, ijobiy bo`ladi. U tan oladi, chunki u "Allohdan o`zga iloh yo`q" deya Islom aqidasini qabul qilganligini e`lon qilsa, so`ngra "Muhammad rasululloh" deb Payg`ambar sollallohu alayhi va sallam keltirgan habarlar barchasi Allohning huzuridan kelgan buyruqlar ekanligini tan olgan.

Shunday ekan, u Islomning iymon-e`tiqod sistemasi va hayotdagi amallarni boshqarish majmuasi ekanligini e`tirof etgan.

Ikkinchi: Endi hijobni Islom qonunining (shariatning) bir bo`lagi va bajarilishi zarur deb e`tiqod qiladimi?

Agar singlimiz sofdil va niyatida xolis bo`lsa, va mazkur masaladan haqiqatni topish maqsadi bo`lsa, singlimizdan tabiiyki tasdiq javobini olamiz.

Siz Uning ilohligiga iymon keltirgan Alloh taolo o`z kitobida hijobga buyurgan, va siz Payg`ambarligiga iymon keltirgan Muhammad alayhis-salom o`z sunnatida hijobga buyurganlar.

Agar bir kishi Islomni haq deb, o`zini musulmon sanasa-yu, ammo Alloh va Payg`ambarning buyruqlarini bajarmasa, u kishi haqida nima deyish mumkin? Mingn afsuski, Alloh taolo oyatida


"Alloh va Uning payg`ambariga o`rtalarida hukm chiqarish uchun chorlangan vaqtlarida, mo`minlarning so`zi «Eshitdik va bo`yinsundik», (demoqdir). Ana o`shalargina najot topguvchilardir" (Nur:51) degan mo`minlarning qatorida sanalmaydilar.

Xulosa: Bu singlimiz Islomni haq deb bilsa, nega uning buyruqlarini ham haq deb bilmaydi?

2-uzr: "Men hijobning farzligini bilaman, ammo onam(otam) unga qarshi, agar onamga(otamga) itoat qilmasam, meni oq qilishi mumkin, ota-onga oq bo`lish ulkan gunoh emasmi?"

Bu uzrga Allohning eng mahbub bandasi qisqa va hikmatga to`la so`zlar bilan javob beradi: "Yaratuvchiga osiylikda yaralmishga bo`ysinish yo`q." (Imom Ahmad rivoyati)

Islomda ota-onaning, hususan, onaning o`rni buyuk va hurmatlangandir. Darhaqiqat, Alloh taolo buni ko`p oyatlarda eng buyuk amal - Allohning yolg`iz O`ziga ibodat qilish - bilan birga yonma-yon buyurdi. Alloh aytadi:


 "Allohga bandalik qilinglar va Unga hech narsani sherik qilmanglar! Va ota-onangizga yahshilik qilingiz!" (Niso:36)

Ota-onaga itoat qilish biron chegara bilan cheklanmagan, magar Allohga gunohkor bo`linadigan o`rindagina itoat qilinmaydi. Alloh taolo aytadi:



"Agar ular (ya`ni ota-onang) seni o`zing bilmagan narsalarni Menga sherik qilishga zo`rlasalar, u holda ularga itoat etma!" (Luqmon:15)

Gunohda ularga itoat etmaslik aslida ota-onaga yahshilik qilishga zid emas. Shuning uchun oyatning davomida aytiladi:


"Ularga (garchi kofir bo`lsalar-da), dunyoda yahshi muomalada bo`lgin va o`zing menga ijobat- tavba qilgan kishilarning yo`liga ergashgin!" (Luqmon:15)

Xulosa: Qanday qilib onangizga itoat qilib, sizni ham onangizni ham yaratgan Allohga gunohkor bo`la olasiz?

3-uzr: "Kasbim, egallagan lavozimim islomiy liboslar kiyishga imkoniyat bermaydi".

Bu singlimiz - ikki toifadan biriga mansubdir: birinchi toifa - xolis va samimiy muslimalar, ikkinchi toifa - mansab va lavozimga erishish uchun hijobni "zamonaviy" moda, kosmetika va boshqa joziba vositalari qatorida ko`rishni istovchi makkoralar.

Avval xolis va samimiy muslimaga javob beramiz: - Muslima ayol uyidan islomiy hijob shartlariga rioya etmasdan chiqishi mumkin emasligini, va bu shartlarni har bir muslima bilmog`i shart ekanini bilasizmi? Modomiki, siz zarur dunyoviy ilm va ma`lumotlarga ega bo`lar ekansiz, Allohning g`azabidan va o`limdan keyingi azoblardan halos etuvchi ma`lumotlarga nima uchun ega bo`lmaysiz?!

Alloh taolo aytadi:


"Agar bilmaydigan bo`lsangizlar, ahli ilmlaridan so`ranglar!" (Nahl:43).

Hijobga oid ma`lumotlarni ahli ilmlardan talab qiling. Uydan chiqishga zarurat tug`ilganda, buni Alloh rozi bo`ladigan va Shaytonga aldanmaydigan qilib bajaring.

Bunga sabab shuki, atrofda sizning ko`chaga pardoz-andoz bilan "chiroyli bo`lib" chiqishingizdan vujudga keladigan axloqiy buzuqliklar sizning ko`chadan ko`zlagan ehtiyojingizdan bir necha barobar kattaroqdir. Muslima singlim, agar siz o`z niyatingizda xolis bo`lsangiz, sizga yordam beruvchi minglab yahshilik qo`llarini topasiz, sizning ahvolingizni Allohning O`zi yengillatadi.

Alloh taolo aytadi:


"Kim Allohdan qo`rqsa, U zot uning uchun chiqar yo`lni (paydo) qilur. Va uni o`zi o`ylamagan tomondan rizqlantirur". (Taloq:2-3)

Makkoraga esa aytar so`zimiz: Mansab va lavozim degan narsalar Alloh taoloning hohishi bilan nasib bo`ladi, yasan-tusanlar va "zamonga qarash" bilan emas. Alloh va Payg`ambarga itoat qilish va Islomning pokiza amriga bo`ysinish - hayotda erishiladigan lavozimlarning eng oliysidir. Allohning so`zlariga quloq tuting:


"Albatta sizlarning Alloh nazdidagi eng hurmatlirog`ingiz taqvodorrog`ingizdir" (Hujurot:13).

Xulosa: Kasbu-kor va barcha ishlaringizni Allohning roziligi va jannat yo`lida bajaring. Dunyo ahli qiymatli sanab yurgan o`tkinchi matolarni haqiqiy bahosini biling.

4-uzr: "Issiq kunlarda shundoq ham zo`rg`a chidayman-u, endi yana hijobga qanday chidash mumkin!"

Alloh shunday misol keltiradi:


"Ayting: "Agar ular anglay olsalar, jahannam otashi yanada issiqroqir!" (Tavba:81)

Dunyodagi issiq bilan do`zahning otashini qanday taqqoslay olardingiz? Bilingki, singlim, Shayton sizni o`zining zaif arqonlari bilan o`rab dunyoning issig`idan ohirat oloviga tortmoqda.

O`zingizni qutqaring, bilingki, quyosh - baxtsizlik emas, balki ne`matdir. U siz zo`rg`a chidayotgan jazirama issiqdan necha barobar qattiqroq issiqni - ohiratning taftini esga solib turar ekan, uning qadri-qiymati, aksincha, yana-da oshadi.

Allohning buyruqlariga qayting, dunyoning qulayliklarini do`zah azobidan qutulish yo`lida qurbon eting. Bu azob haqida Alloh aytadi:



"Ular u joyda (jahannam o`tidan orom beradigan) biron salqinni va biron ichimlikni topmaslar! Faqat qaynoq suv va yiringnigina (toturlar)!" (Naba: 24-25)

Xulosa: Jannat atrofi mehnat va nafs yoqtirmagan narsalar bilan, do`zah esa vasvasalar, shahvat va nafs xohlagan narsalar bilan o`ralgan.

5-uzr: "Hijobni bir kiyib, ma`lum vaqtdan keyin baribir uni echib yubormasligimga ko`zim yetmaydi. Axir ko`p ayollar shunaqa qilayaptilar-ku!"

Bu singlimizga shunday deymiz: Agar sizdagi mantiq durust bo`lsa, va uni hammaga qo`llanilsa, u holda qancha-qancha odamlar dinidan butunlay voz kechishi lozim bo`lardi! Ba`zi birovlar namozni tashlagani uchun, namozni tashlasag-u, ba`zilar ro`za tutmagani uchun ro`za tutmasak va h.k.

Shayton sizni adashtirish uchun qanday yo`l topganini ko`ring!

Alloh taolo garchi kichik bo`lsa-da, ammo bardavom bo`lgan ihtiyoriy amalni hush ko`radi. Endi farz bo'lgan hijob ibodati haqida nima deyish mumkin?! Payg'ambar alayhis-salom aytadi: "Alloh uchun eng suyukli amal - kichik va bardavomidir".

Nima uchun hijobni tashlaganlarning sabablarini ulardan tiyilish uchun izlamadingiz? Nima uchun siz hijobni tashlamaslik sabablarini ularda mustahkam turish uchun izlamadingiz? Bu sabablar ichida Payg`ambar alayhis-salom duo qilganiday, dinda sobit qilishni Allohdan duo qilish. Bundan tashqari, namoz va sabr vositasida Allohdan madad olish bor.


"Sabr va salot (namoz o`qish) bilan madad so`ranglar. Albatta u og`ir ishdir. Magar o`zlarining Parvardigorlariga ro`baro` bo`lishlarini va shubhasiz, unga qaytajaklarini biladigan shikastanafs zotlarga (og`ir emasdir)" (Baqara:45-46).

Haq va to'g'ri yo`lda sobit turishning yana bir vositasi - Islom ahkomlariga to`liq amal qilishdir, hijob esa - aynan o`sha ahkomlardan sanaladi.


"Agar ular qilingan pand-nasihatlarga amal qilganlarida, o`zlari uchun yahshiroq va iymonlarini mustahkam qilguvchiroq ish bo`lur edi" (Niso:66.)

Xulosa: Agar siz hidoyatda mustahkam turib, iymon lazzatini bir tatib ko`rganingizda, Allohning amrini bir bajarib, bir tashlamaysiz.

6-uzr: Agar hijobga kirsam, hech kim menga uylanmaydi.

Avvalo, sizning "ochiq" va hammaga namoyish bo'lib, Allohning g`azabiga uchrashingizni orzu qiladigan yigit muslima uchun er bo`lishga yaramaydi.

U - Alloh saqlashga buyurgan narsani saqlamaydi, himoya qilishga buyurgan narsani himoya qilmaydi. Ayniqsa sizni do`zah so`qmoqlaridan jannat yo`liga chiqishingiz uchun mutlaqo hech narsa qilmaydi.

Ikkinchidan, Allohga osiylik va uning g`azabini keltiruvchi vaziyat asosiga qurilgan honadon - vaqti kelib, dunyo va ohiratning mashaqqat va baxtsizliklari uyiga aylanadi.

Alloh taoloning qonuni shunday:


"Bas, sizlarga Men tarafdan hidoyat kelganida kim Mening hidoyatimga ergashsa, yo`ldan ozmas va baxtsiz bo`lmas. Kim Mening eslatmamdan yuz o`girsa, bas, albatta uning uchun tang – baxtsiz hayot bo`lur va Biz uni qiyomat kunida ko`r holda tiriltirurmiz" (Toha:123-124)

Oila - hayot quvonchlaridan biridir. Bu quvonchni Alloh o`zi hohlaganiga beradi. Hijobga kirgan qanchadan-qancha ayollar bor, oilali, hijobga kirmagan qanchadan-qancha ayollar bor, oilasiz! Agar kimdir "hijobsiz yurishim bilan baxt-saodatga (ya`ni oila qurishga) erishaman" deb sanasa, bilsinki, yahshilikka yahshilik yo`llari bilan erishiladi, gunoh va osiylik yo`llari esa hech qachon baxtli oqibatga olib borgan emas. Islomdagi buyuk qoida: "Vositalar maqsadga muvofiqdir".

Xulosa: Gunoh va ma`siyatga asoslangan nikohda yaxshilik yo`q.

7-uzr: Bir ayolni Alloh go`zal qilib yaratgan bo`lsa, nega u go`zalligini yashirishi lozim?Axir Qur`onda aytilgan-ku: "Parvardigoringizning ne`mati haqida bo`lsa, (kishilarga doimo) so`zlang!" (Zuho:11)

Rostdan ham shundaymi? Bu singlimiz Allohning oyatlaridan yoqqanini o`z ray`icha talqin qilib, yoqmaganini, ortga tashlar ekan. Aks holda nega mana bu oyatlarni olmayapti:


"Mo`minlarga ayting, ko`zlarini (nomahram ayollarga tikishdan) to`ssinlar va avratlarini (haromdan) saqlasinlar! Mana shu ular uchun eng toza (yo`ldir). Albatta Alloh ular qilayotgan hunarlardan habardordir. Mo`minalarga ham ayting, ko`zlarini (nomahram erkaklarga tikishdan) to`ssinlar va avratlarini (haromdan) saqlasinlar! Hamda ko`rinib turgandan boshqa zeb-ziynatlarini (ya`ni ustlaridagi liboslaridan boshqa zeb-ziynatlarini nomahramlarga) ko`rsatmasinlar va ko`kraklarini ro`mollari bilan to`ssinlar! (Nur:30-31)



"Ey payg`ambar, juftlaringizga, qizlaringizga va mo`minlarning ayollariga ayting, ustlariga yopinchiqlarini o`rasinlar! Mana shu ularning (cho`ri emas, balki ozod ayollar ekanliklari) tanilib, ozorlanmasliklari uchun eng yaqin (vositadir). Alloh mag`firatli va mehribon bo`lgan zotdir" (Ahzob:59)

Bu da’voingiz bilan, ey singlim, siz o`zingiz uchun yangi shariatni paydo qilmoqdasiz, ya`ni, Alloh man` etgan ishlarni halol qilib (musima uchun ko`chaga yasan-tusan qilib chiqish (tabarruj) va hijobsiz (sufur) man` etilgandir), buyurganini bekor qilmoqdasiz.

Alloh taolo bizga bergan ulkan fazlu-marhamat - bu iymon va hidoyatdir. Hijob esa - hidoyatning bir bo`lagidir. Endi nega siz shunday ne`matni bayon qilmaysiz?

Xulosa: Ayol kishi uchun hijobdan ulkanroq yana qanday ne`mat bor ekan?

8-uzr: Men hijob farz ekanligini bilaman, ammo unga Allohning o`zi hidoyat qilsa, shunda kiraman.

Biz bu singlimizga ushbu savolni beramiz: Alloh hidoyat etmog`i uchun siz nima qilasiz? Ma`lumki, Alloh taolo barcha ishlar uchun sabablarni yaratgan. Shuning uchun bemor tuzalishi uchun dori iste`mol qiladi, musofir manziliga etishi uchun markabiga minadi va h.k.

Singlimiz hidoyatga erishmoq uchun haqiqatan zarur sabablarni ro`yobga chiqardimi? Masalan, Allohdan


"Bizlarni to'g'ri yo'lga yo'llagaysan" (Fotiha:6) deb xolis so`radimi, ahir Alloh bandaning so`raganini berguvchi-ku?

Ixlosli muslimalar jamiyatini o`zingizga lozim tuting - zero ular ayol kishining hidoyatga sabab bo`lguvchi eng kuchli omillardan biridir - toki Alloh sizni haq yo`liga, taqvo va amali solihlarga yo`llasin.

Muslima Allohning buyruqlariga inobat qilib, farzu-vojiblariga amal qilmog`i kerak, hijob esa o`sha farzlarning biridir.

Xulosa: Agar bu singlimiz hidoyatga erishish niyatida holis bo`lsa, kerakli sabablarni qoim etmog`i lozim.