ФИНАЛ: ҚАТАР - ИРОҚ
Қатар ва Ироқ термасининг 23 ёшгача бўлган аъзоларидан ташкил топган жамоалари энди 15 декабр саот 17:00 да «Ал Гаррафа» майдонида бўладиган финалда баҳс олиб борадилар. Иккала жамоа ҳам финалга лойиқ ўйин кўрсатдилар. Ироқ термаси ўйинда ягона голни уриб Жанубий Кореяликлар устидан ғалаба қозонган бўлса, мезбонлар Эронликлар дарвозасига 2та жавобсиз гол йўллаб рақибларига ҳеч қандай имконият қолдирмадилар.
Чорак финалда терма жамоамизни қийинчилик билан бўлсада мағлубиятга учратган Ироқликлар 24-минутда Самир Мужбелнинг голи эвазига ҳисобда олдингга чиқиб олди. Команда капитани очиқ қолган дарвозага зарба берди, лекин деярли дарвоза чизиғида турган ҳимоячи тўпни қайтарди. Аммо қайтган тўпни Мужбел боши билан дарвозанинг очиқ томонига йўллаб тўпни Кореяликлар дарвозасига жойлаб қўйди. Ўйиннинг қолган дақиқаларида Жанубий кореялик футболчилар Ироқликлар дарвозаси томон тинимсиз ҳужум уюштирдилар, лекин бу ҳужумларнинг биронтасини гол билан якунлай олишмади. Ироқ ҳимоячилари эса ўша куни бехато ҳаракат қилишди ва шу тариқа улар Финалга биринчи бўлиб йўлланмани қўлгакиритишди.
Қатар футболчилари эса биринчи бўлимнинг 28-дақиқасида «экс чемпион» Эронликлар дарвозасига тўп киритдилар. Гол муаллифи Себастиан Куинтано бўлди. У Эронлик ҳимоячиларга «Офф-сайд» чизиғида қандай ўйнаш кераклиги борасида дарс берди десак адашмаган бўламиз. Айнан шундай вазиятда Куинтанони Эронлик ҳимоячилар сунъий ўйиндан ташқари ҳолатга туширмоқчи бўлдилар, лекин ҳимоячилар бу ерда хатога йўл қўйишди ва Куинтано бундай имкониятни қўлдан чиқармади. Иккинчи голни эса ўйинда жуда фаол қатнашган Англия Премиерлигаси футболчиси Хусайн Ёсир томонидан 74-минутда киргизилди. У чамаси 20 метрлардан берган зарбаси ҳимоячига тегиб йўналишини ўзгартирди ва тўғри бориб дарвозага тушди. Бу ерда Эронлик дарвозабон ҳарчанд ҳаракат қилмасин тўпнинг йўлига ғов бўла олмади. Шундай қилиб Осиё ўйинлари тарихида Қатар термаси биринчи марта финалга йўл олди.
14 декабр, Пайшанба
3-ўрин учун: ЖАНУБИЙ КОРЕЯ — ЭРОН ИР
«Ал Гаррафа» майдони 19:30 да
15 декабр, Жума
Финал: ҚАТАР — ИРОҚ
«Ал Гаррафа» майдони 17:00 да
Изоҳ: Барча соатлар Тошкент вақти билан кўрсатилган.
