Demak, quyoshning g‘arbdan chiqishi ramziy ma’noda oxirgi lahzada - jon chiqar chog‘ida o‘zga olamdan porlaydigan haqiqat quyoshining chiqishiga muqobil ekan. Zero, undan keyin faqat o‘limgina qoladi. Mo‘minning joni yengil, yumshoq olinadi. Kofirning ruhi esa qattiq sug‘irib olinadi. Axir xushbo‘y shamol ham mo‘minlarning jonini avaylab, ohista olmasmidi?! So‘ng ayollari ustiga xuddi eshaklardek sakraydigan fojiru kofir kimsalarga Qiyomat qoyim keladi va ularning joni qattiq, alamli sug‘irib olinadi. Alloh taolodan dunyoyu oxirat salomatligini so‘raymiz! Amiyn!

Ya’juj va Ma’jujlar

Iso alayhissalom tushib, Dajjolni o‘ldirganlaridan so‘ng, Ya’juj va Ma’jujlar chiqadi. Musulmonlar hali Iso alayhissalom hukmi ostida rohat qilib yashamagan bo‘ladi.

Biz bu davrni har bir kishi boshidan kechiradigan o‘lim oldidagi tetiklikka, uning naqadar qisqaligiga qiyosladik. Ya’ni, musulmonlar ozgina muddat Iso hukmi ostida yashaydilar. Ya’juj va Ma’jujlarning chiqishi esa inson jismini halok qiluvchi fano omillarining hujumiga ramziy bir ishoraga o‘xshaydi. Zero, xuddi Ya’juj va Ma’jujlar kabi bu fano omillari hujumini hech kim qaytarishga qodir bo‘lmaydi. Ya’ni, Ya’juj va Ma’jujlarni to‘xtatishdan hatto Iso hamda uning ashoblari ham ojiz bo‘ladilar. O‘lim soati yaqinlashgan vaqtda fano omillarini hech kim to‘xtatib qola olmaydi. Endi Iso alayhissalomning duosi bilan Ya’juj va Ma’jujlarning o‘ldirilishiga kelsak, bu ham o‘lim oldidagi tetiklikka ramzdir. Vallohu a’lam!

Dobbatul arz chiqishining siri

Dobba quyosh mag‘ribdan bosh ko‘tarib, tavba eshigi berkitilganidan so‘ng chiqadi. "œOdamlar bizning oyatlarimizga ishonmas edilar", deb gapiradi. Mo‘minning yuzini yana-da yorishtirib, kofirning burniga belgi qo‘yadi. Hamma bir dasturxon atrofida jamlanib, kim mo‘min va kim kofir ekani bilib olinadi. Bu o‘lim to‘shagida yotgan kishiga farishtalarning xabar keltirishiga o‘xshaydi. Maloikalar mo‘minga jannat xushxabarini beradi, joni uzilayotgan kofirni do‘zax bilan qo‘rqitadilar!

«(Ey Muhammad), bu zolimlarni o‘lim girdobida qolgan, o‘lim farishtalari qo‘llarini cho‘zib: «Jonlaringizni beringiz! Bu kun - Alloh sha’niga nohaq gaplarni aytganingiz va Uning oyatlaridan yuz o‘girib kibru havo qilganingiz sababli xorlik azobi bilan jazolanadigan kuningizdir», deb turgan paytda bir ko‘rsangiz edi» (An’om, 93).

«Agar farishtalar kofir kimsalarning yuz va ketlariga urib jonlarini olayotgan va: «Do‘zax azobini totingiz! Bunga sabab o‘zlaringiz qilgan amallaringizdir, zero Alloh hargiz bandalariga zulm qiluvchi emasdir», deyayotgan paytini ko‘rsangiz edi» (Anfol, 50).

Endi mo‘minlar haqida

«Ular (shirk va isyondan) pok bo‘lgan hollarida, farishtalar ularning jonlarini olar ekanlar: «Sizlarga tinchlik-omonlik bo‘lgay. (Endi) qilib o‘tgan amallaringiz sababli jannatga kiringiz», derlar» (Nahl, 32).

Dobbaning chiqishi ana shunday o‘lim sir-asrorlariga va olamning umri tugayotganiga ishora qiluvchi alomatdir.

So‘ng abadiy hayot boshlanadi. Alloh taolodan bizni ham fazlu karami ila haq yo‘lga hidoyatlanganlar qatorida qilishini so‘raymiz. Amiyn!

Odamlarni mashriqdan mag‘ribga to‘playdigan olov

O‘lim to‘shagida yotgan kishining joni sug‘irilib o‘zining sharqiy olami — dunyo olamidan g‘arbiy olami — oxirat olamiga o‘tkaziladi. Ruh quyoshi bizga nisbatan mana shu yerda botadi, oxirat olamiga nisbatan esa chiqadi...

So‘ngso‘z

Qiyomat shartlari va ularning sir-asrorlari haqida Alloh izni bilan baholi qudrat bilgan-tushunganlarimni bayon etdik.

Alloh taolodan ushbu amalimizni qabul etishini va uni xolis karim yuzi uchun qilishini so‘raymiz.

Risoladagi qalam adashgan, toyilgan o‘rinlarni Uning O‘zi kechirsin!

Bizni mana shunga yo‘llab qo‘ygan Allohga hamdlar bo‘lsin! Zero, o‘zimizcha hech qachon uni topa olmasdik!

Albatta, Parvardigorimiz rasullari faqat haqni keltirganlar!

Assalomu alaykum va rahmatullohi va barakatuh!

MUNDARIJA

Muqaddima
Qiyomat yaqin qoldi
Qiyomatning yaqin qolgani haqida xabar beruvchi zikrlar
Qiyomatning ulkan shartlari
Mahdiyning chiqishi to‘g‘risidagi hadislar
Kutilayotgan g‘aybiy yomonlik
Dajjol hozir hayotmi?
Ibn Sayyod Masih Dajjolmi?!
Dajjolning ota-onasi qanday ko‘rinishda bo‘ladi?
Dajjolning jin-shayton  yoki insu jin hosilasi ekaniga dalillar
Iso alayhissalomning tushishlari
Iso alayhissalomning tushishlari haqidagi hadislar
Iso alayhissalom sifatlari
Iso alayhissalom yerda qancha muddat turadilar va so‘ng qaerga dafn etiladi?
Ya’juj va Ma’jujning chiqishi
Zulqarnayn kim? Ya’juj va Ma’jujlar kimlar?
Zulqarnayn qurgan to‘g‘on ochilganmi? Ya’juj va Ma’jujlar tashqariga chiqdimi?
Quyoshning g‘arbdan chiqishi
Dobbatul arz
Xushbo‘y shamol
Olovning chiqishi
Zamon yaqinlashuvi
Uch marta yerning yorilishi
Surga nafxa urilishi
Qiyomat qoyimning yaqinligi
Qiyomat qachon?
Qiyomat alomatlarining sirlari haqida
Insonning o‘zi kichik bir olam
Inson — borliq ruhi
Qiyomatning ulkan alomatlari zamiridagi sir-asrorlar
Iso alayhissalom tushishlari siri
Dajjol chiqishining siri
Quyoshning mag‘ribdan chiqishi siri
Ya’juj va Ma’jujlar
Dobbatul arz chiqishining siri
Endi mo‘minlar haqida
Odamlarni mashriqdan mag‘ribga to‘playdigan olov
So‘ngso‘z

Qiyomat alomatlari



Muallif: Muhammad Salamat Jabar

Hajmi: 391 Kb
Fayl tipi: pdf, zip

Saqlab olish

Online o'qish