Oldinlari Olloh yo'lida bandasini sevish degan tushunchasini hech

ham aqlimga sig'dirib anglay olmasdim.Yuqoridagi muhaddis

insoning o'z jufti haloliga bo'lgan tuyg'ularini o'qib aslida bu

nimaligini baholi qudrat tushunganday bo'lyapman.

Menimcha Olloh yo'lida sevmoqlik bu ikki insoning Ollohga

bo'lgan muhabbatining birlashishidir. VaAllohu a'lam.

Bu mening hozirgina anglagan narsam. Olloh barchamizni chiroyli,

ibratli hayot yo'lli bilan siylasin.......

бир мумтоз шоиримизнинг
"Мухаббатсиз одам-одам смасдир,
Гар одамсан мухаббат ихтиёр ст."  деган сатрлари бор.

 
Avvalo shunaqa juftga munosip bulishni Allohdan suriman

Assalamu alaykum varohmatulloh
Masha Alloh judayam ta'sirli yig'latvoradigan hikoyekan, ayniqsa ohiri.

Manda kurinmadi yozuvla uqiyolmadim. boshqa yerda bormi shu yozilganla chaplaship ketipti. juda kup mavzula shunday bub ketkan.

Assalomu alaykum.

Iltimos kimdur shu mavzuni to'g'irlab bera oladimi?

МУҲАББАТНИНГ ТАСДИҒИ
   Қайси биримиздан “Сен Муҳаммад саллаллоҳу алайҳи ва салламни яхши кўрасанми?” деб сўраса, деярли ҳаммамиз “Ҳа” деб жавоб берамиз. Бироқ ҳақиқатан пайғамбаримиз саллаллоҳу алайҳи ва салламни яхши кўрамизми? Агар яхши кўрсак, муҳаббатимизнинг исботи борми?
   Пайғамбар саллаллоҳу алайҳи ва саллам айтадилар:
   “Муҳаббатнинг тасдиғи уч хислатдадир:
-   ҳабибининг сўзини бошқанинг сўзидан афзал кўрмоқ;
-   ҳабибининг суҳбатини бошқанинг суҳбатидан афзал кўрмоқ;
-   ҳабибининг розилигини бошқанинг розилигидан афзал кўрмоқ”.
Ҳотамул-Асом раҳматуллоҳи алайҳи айтади:
“Ким Пайғамбар саллаллоҳу алайҳи ва салламни яхши кўришни даъво қилсаю, фақир ва мискинларни ёқтирмаса, даъвоси ёлғон”.
Иброҳим ибн Адҳам раҳматуллоҳи алайҳи айтади:
“Расулуллоҳ саллаллоҳу алайҳи ва салламни яхши кўраман деб даъво қиласизлару, суннат ва одатларини тарк қиласиз”. (Асқалоний. “Мунаббиҳот”)
Ибратланарли даражадаги ҳақиқий муҳаббат саҳобаларда бўлган.
Ривоят қилинишича Уҳуд жангида бир ансория аёлнинг отаси, акаси ва эри шаҳид бўлдилар. Аёлга бу ҳақда хабар бердилар. Шунда ансория аёл сўради:
-   Расулуллоҳ саллаллоҳу алайҳи ва салламга нима бўлди?
-   Алҳамдулиллоҳки, у зот омонликда, – дедилар.
-   Кўрсатинглар-чи, мен бир кўрай. – Аёлга Расулуллоҳ саллаллоҳу алайҳи ва салламни кўрсатдилар. Шунда аёл қалбининг тубидан ҳайқириб юборди: - Эй Аллоҳнинг расули! Сиз омон бўлсангиз, мен учун ҳар қандай мусибат ҳам писанд эмас!

Ҳусанбой СОТВОЛДИЕВ
Улуғбек қори ЙЎЛДОШЕВ

АВВАЛ МАЖОЗ
   Ҳазрат Алишер Навоийнинг бир қитъаси бор:
Мажоздин манга мақсуд эрур ҳақиқий ишқ,
Нединки, аҳли ҳақиқатқа бу тариқат эрур.

Мажоздин чу ҳақиқатқа йўл топар ошиқ,
Қилур мажозни нафйи улки, беҳақиқат эрур.
Бундан англанадики, ҳақиқий ишқ Аллоҳ таолога бўлган муҳаббат эрур. Бироқ банда ҳақиқий ишққа мажозий ишқ орқали борур.
Банда қалбида Аллоҳни севишга лойиқ муҳаббатни шакллантириш учун ўзи каби бир бандани севишига тўғри келади. Ахир, кўзи билан кўриб турган гўзалликка ошиқ бўла олмаган инсон қандай қилиб бирдан кўзи билан кўрмаган Тангрисига ҳақиқий муҳаббат соҳиби бўлсин. Ҳаётда оддийгина бошланган севгининг энг олий даражаси ишқ дейилади.
Ривоят қилибдиларки, Зулайҳо Юсуф алайҳис саломни шунчалик қаттиқ севган эдики, шу ишқ йўлида бор молу мулкини, ҳатто гўзаллигини ҳам йўқотди. Унинг етмишта туяга юк бўладиган инжу ва жавоҳирлари бор эди. Бебаҳо зарларини ҳазрат Юсуфга бўлган ишқи йўлида сарф этди. Бирор кимса «Мен бугун Юсуфни кўрдим!» — деса, унга қимматли маржонларидан бирини берарди. Шу тариқа, совға қилиб тарқатиб ҳеч бир нарсаси қолмади.
Ҳар нарсани «Юсуф!» деб чақирарди. Унга бўлган чексиз ишқи туфайли «Юсуф» калимасидан бошқа ҳамма сўзларни унутганди. Бош кўтариб кўкка қараса, юлдузлар маржондай тизилиб, «Юсуф» исмини ёзгандай бўлиб кўринардилар.
Ниҳоят, йиллар ўтиб вақти-соати етиб Зулайҳо. Юсуф алайҳис саломнинг висолига етганидан кейин, ўзини ул зотдан олиб қоча бошлади. Тоат-ибодатга берилиб, узлат қилди. Энди бу ишқ - ҳақиқий ишқ Аллоҳга қаратилган эди.
Юсуф уни тунда ётоққа даъват этса, у висол онини кундузга сурар, кундуз даъват этса, тунга сурар эди. Охири Юсуф алайҳис салом бунинг сирини сўраганида  шундай жавоб берди:
- Эй Юсуф, мен сени Аллоҳни танимасдан олдин севгандим. Лекин уни танигандан кейин унга бўлган муҳаббатдан бошқасига ўрин қолмади. Аллоҳга бўлган бу муҳаббатимга бошқани шерик қила олмайман.
   
Улуғбек қори Йўлдошев