Umumiy bo'lim > Rasululloh SAV va sahobalar

Abdulloh ibn Mas'ud hikmatlari

(1/2) > >>

Muslimaxon:
Abdulloh ibn Mas’ud (vafoti h. 32) - Islomga ilk kirganlarning oltinchisi, buyuk faqih, mufassir, muhaddis va mujtahidlardan, 840 hadis rivoyat qilgan.
Ilmni fursat bo‘lganda o‘rganaverish kerak. Chunki ilm zarur bo‘lgan paytda fursat topilmaydi.

Gunoh qilish ilmning barakasini yo‘qotadi, uni unutishga olib keladi.

Bugun sizlar havoyi nafslar ilmga tobe’ zamonda yashayapsiz. Hali shunday zamonlar keladiki, unda ilm havoyi nafslarga tobe’ bo‘ladi.

Muslimaxon:
Ilm ko‘p rivoyat qilish bilan emas, ko‘p taqvo qilish bilan bo‘ladi.

Ilm ko‘tarilmasidan uni o‘rganinglar. Ilm olimlarning vafoti tufayli ko‘tariladi. Jonim qo‘lida bo‘lgan Zotga qasamki, Alloh yo‘lida shahid bo‘lgan kishilar (Qiyomat kunida) olimlarga berilgan karomat-darajalarni ko‘rib: «Koshki bizni ham Alloh olim qilib tiriltirsa», deb orzu qiladilar. Zero, hech kim olim bo‘lib tug‘ilmaydi. Ilm o‘rganish, ta’lim olish bilan egallanadi.

Alloh taolo Islomdan nasiba olgan kishini Islomdan benasib kishi kabi qilib qo‘ymaydi.

Muslimaxon:
Namoz o‘qimagan odamning dini yo‘qdir.

Banda iymon cho‘qqisiga chiqmagunicha, uning haqiqatiga yetisholmaydi. Musulmon kambag‘allikni boylikdan, pasayishni yuksalishdan afzal ko‘rmagunicha va uni maqtagan hamda yomonlagan kishilarni bir xilda ko‘rmagunicha iymon cho‘qqisiga chiqa olmaydi.

Bir kishiga «Allohdan qo‘rq», deyilganida, u: «Sen o‘zingni bil», deb javob qilsa, shu ish Alloh nazdidagi katta gunohlardan biridir.

Muslimaxon:
Allohga itoat qilib, isyon etmaslik, Uni eslash va unutmaslik, Unga doimo shukr qilib, kufrga ketmaslik - haqiqiy taqvodir.
 
Dunyoning musaffoligi ketgan, oqavasi qolgan. O’lim musulmon uchun sovg‘adir.
 
Bir millatda ishonchli kishilar ozaysa, dinini sotib dunyo yig‘uvchilar ko‘paysa, u millat orasida fitna bolalaydi.

Muslimaxon:
Bu dunyoda moli omonat, o‘zi mehmon bo‘lmagan biron kimsa yo‘q. Mehmon degan doimo keladi va ketadi, omonat esa egasiga berilishi kerak.
 
Ham dunyo, ham oxirat uchun harakat qilmagan odamni xushlamayman.
 
Kim tong ottirsa, u mehmondir. Moli yalang‘ochdir. Mehmon jo‘nab ketadi, yalang‘ochlik ortiga qaytadi.

Navigation

[0] Message Index

[#] Next page