So'rovnoma

O'zbekistonda  2010-yilda bo'ladigon oliy liga musobaqalarida  quydagi jamoalaridan qaysi bireni g'olib bo'lishene istardigiz

NASAF FC
3 (33.3%)
NEFTCHI FC
0 (0%)
ANDIJON FC
2 (22.2%)
OLMALIQ FC
0 (0%)
LOKAMATIV FC
0 (0%)
bularmas
4 (44.4%)

Foydalanuvchilar ovoz berdi: 7

So'rovnoma tugadi: 12 Dekabr 2009, 13:57:33

Muallif Mavzu: O'ZBEKISTON OLIY LIGASI  ( 122172 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

muxbir

  • Super Member
  • ******
  • Rahmat
  • -aytdi: 30
  • -oldi: 43
  • Xabarlar: 2127
  • Jins: Erkak
  • Correspondent
O'ZBEKISTON OLIY LIGASI
« : 16 Iyun 2006, 17:27:22 »
OLIY LIGA. 12-TUR.

Natijalar bilan tanishing:

TRAKTOR - METALLURG 1:1 (0:1)
Gollar: Toshmatov, 89 - Murzoyev, 32

SHO'RTAN - NEFTCHI 1:2 (1:1)
Gollar: Xasanov, 30 - Otaqo'ziyev, 26; Kovalenko, 47

TO'PALANG - SAMARQAND-DINAMO 1:0 (1:0)
Gol: Bozorov, 43

SO'G'IYONA - MASH'AL 0:1 (0:1)
Gol: Vaniyev, 30

ANDIJON - BUXORO 1:1 (0:0)
Gollar: Haydarov, 90+3 - Holiqov, 56

PAXTAKOR-XORAZM 1:0 (1:0)
Gol: Kapadze, 4

NASAF - QIZILQUM 1:0 (1:0)
Gol: Alekperov, 4

LOKOMOTIV - NAVBAHOR 2:1 (0:1)
Gollar: Bozorov, 49; Idiatullin, 56 - Atoyev, 40

Original post by Otabek
Xabarlar ummonida biz bilan birga...

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #1 : 22 Avgust 2006, 12:00:10 »
"Paxtakor": chempionlik sari yana bir qadam


Futbol bo'yicha O'zbekiston XV milliy chempionatining oliy ligasida ishtirok etayotgan jamoalar yigirmanchi tur uchrashuvlarini o'tkazdi. Unda sovrinli o'rinlar uchun kurashayotgan jamoalar g'alaba qozondi. Lekin ularga navbatdagi uch ochkoni qo'lga kiritish oson bo'lgani yo'q.

Joriy mavsumda ham chempionlikka asosiy da'vogar hisoblangan Toshkentning "Paxtakor" jamoasi o'z maydonida "Qizilqum" /Zarafshon/ futbolchilarini qabul qildi. Mezbonlar uchrashuvni odatdagidek, keskin hujumlar bilan boshladi. Natijada birinchi bo'limning o'rtalarida Zaynidin Tojiyev zarafshonliklar posbonini ikki marotaba o'z darvozasidan to'p olib chiqishga majbur qildi.

Garchi "Paxtakor" muxlislari mezbonlarning yirik hisobdagi g'alabasidan umid qilgan bo'lsa-da, uchrashuvning qolgan qismida "Qizilqum" futbolchilari peshqadamga jiddiy qarshilik ko'rsatdi. Ayniqsa, Muxtor Qurbonov uchrashuvning 28-daqiqasida "Paxtakor" darvozasiga gol kiritib, hisobdagi farqni qisqartirgach, Igor Shkvirin shogirdlari vaziyatni tenglashtirish ilinjida keskin hujumlar uyushtirishga zo'r berdi. Biroq, uchrashuvni 2:1 hisobida o'z foydasiga hal qilgan poytaxtliklar navbatdagi chempionlik sari yana bir qadam tashladi.

"Paxtakor" bilan raqobatlashishga urinayotgan Farg'onaning "Neftchi" va Qarshining "Nasaf" jamoalari ham muvaffaqiyatli odimini davom ettirmoqda. O'z maydonida "Metallurg" /Bekobod/ jamoasiga qarshi to'p surgan "Neftchi" futbolchilari yagona gol evaziga mavsumdagi 15-g'alabasini nishonladi. Muvaffaqiyatni ta'minlagan golga Anvar Berdiyev mualliflik qildi.

"Nasaf" esa G'uzorda "Sho'rtan" jamoasi bilan bellashdi. Mazkur o'yin qarshiliklar uchun omadli boshlandi. Birinchi bo'limda Bahrom Hakimov shogirdlari Zafar Xolmurodov va Vitaliy Alikperov tomonidan kiritilgan gollar evaztiga 2:0 hisobida oldinga chiqib oldi. Lekin "Sho'rtan"ning mohir futbolchisi Muhammad Inog'omov ikkita gol kiritib, hisobni tenglashtirdi.

"Nasaf" vakillariga g'alaba to'pini kiritish uchun yarim soat kerak bo'ldi. Nihoyat, uchrashuv yakunlanishiga yetti daqiqa qolganida Xurshid Uzoqboyev "Sho'rtan" darvozasini ishg'ol qilib, jamoasiga qimmatli uch ochkoni keltirdi – 3:2.

Yigirmanchi turning qolgan uchrashuvlarida quyidagi natijalar qayd etildi: "Traktor" /Toshkent/ – "Samarqand-Dinamo" /Samarqand/ 2:1, "To'polang" /Sariosiyo/ – "Navbahor-Namangan" /Namangan / 1:1, "Lokomotiv" /Toshkent/ – "Mash'al" /Muborak/ 2:3, "So'g'diyona" /Jizzax/ – "Buxoro" /Buxoro/ 2:0, "Andijon" /Andijon/ – "Xorazm" /Urganch/ 7:1.

Musobaqa jadvalida 55 ochko jamg'argan "Paxtakor" futbolchilari peshqadamlik qilmoqda. Chempionat yakunlanishiga o'n tur qolgan pallada paxtakorchilar eng yaqin ta'qibchilari – "Neftchi" va "Nasaf" futbolchilarini to'qqiz ochkoga ortda qoldirmoqda. Shuning uchun ham muxlisu mutaxassislarning aksariyati "Paxtakor" bu yil ham chempionlikni qo'lga kiritadi, degan fikrda.

Chempionatning kumush medali uchun kurash so'nggi turgacha qizg'in davom etadigan ko'rinadi. Chunki 46 tadan ochko jamg'argan "Neftchi" va

"Nasaf" jamoalari har bir turda faqat g'alaba ilinjida maydonga tushishga va bir-birining ochko yo'qotishini kutishga majbur.

Hozircha, biror marotaba g'alaba nashidasini surmasdan uch ochko bilan so'nggi pog'onada turgan "Xorazm" futbolchilarining kelasi mavsumni quyi ligada boshlashiga hech kim shubha qilmayotgan bo'lsa, "Sho'rtan", "Metallurg" va "So'g'diyona" jamoalarida oliy ligada qolish imkoniyati bor.

To'purarlar bahsida raqiblar darvozasini 14 marotaba ishg'ol qilgan "Traktor" hujumchisi Pavel Solomin yetakchilik qilmoqda. Uning eng yaqin ta'qibchilari – Nosir Otaqo'ziyev /"Neftchi"/ va Vitaliy Alikperov /"Nasaf"/ hisobida 13 tadan gol bor.
Harakatsiz odam dunyoning oyoqlari ostida ezilur. (Abdurauf Fitrat)

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #2 : 23 Avgust 2006, 13:19:31 »
Oliy liga yo'llanmalari uchun kurash qizg'in pallaga kirdi


Futbol bo'yicha O'zbekiston XV milliy chempionatining birinchi ligasida sovrinli o'rinlar va oliy ligada ishtirok etish huquqini beradigan yo'llanmalar uchun kurash yanada qizg'in pallaga kirdi, xabar beradi UzA.

Yigirma uchinchi tur bellashuvlari peshqadam jamoalar - "Olmaliq kon-metallurgiya kombinati" /Olmaliq/ va "Mash'al-2" /Muborak/ jamoalari uchun omadsiz keldi. Musobaqa jadvalini boshqarib kelayotgan olmaliqlik futbolchilar safar uchrashuvida autsayder jamoalardan biri - "Shayxontohur"ga /Toshkent/ imkoniyatni boy berdi. Poytaxtliklarga qimmatli uch ochko keltirgan golni 83-daqiqada G'.O'rinov kiritdi.

Shuningdek, "Mash'al" futbolchilari ham safardan quruq qaytdi. Chirchiqda "Kimyogar" bilan kuch sinashgan muboraklik charm to'p ustalari 1:3 hisobida mag'lubiyatga uchratdi. G'olib jamoa gollari A.Hoshimov, J.Do'stmatov va B.Yo'ldoshev hisobiga yozilgan bo'lsa, mehmonlarning yagona javob to'piga F.Musayev mualliflik qildi.

Ikki peshqadamning ochko yo'qotishidan uchinchi va to'rtinchi o'rinda turgan jamoalar - "Quruvchi" /Toshkent/ va "Vobkent" /Vobkent/ unumli foydalandi. Birinchi ligada ilk marotaba ishtirok etayotgan poytaxtliklar o'z maydonida "Zarafshon" /Navoiy/ jamoasini 3:2 hisobida dog'da qoldirdi. Biroq "Quruvchi" futbolchilariga g'alaba qozonish oson bo'lgani yo'q.

Dastlab, toshkentlik R.Teshaboyev hisobni ochgan bo'lsa-da, ikkinchi bo'limda "Zarafshon" a'zolari - F.Boboqulov va V.Shodiyev bittadan gol kiritdi. Lekin navoiylik futbolchilarga raqib maydonidan ochko olib qaytish nasib qilmadi. So'nggi daqiqagacha kurashgan "Quruvchi" vakillari - R.Teshaboyev hamda R.Inog'omov uchrashuv yakunlanishiga besh daqiqa qolganida "Zarafshon" posbonini yana ikki marta o'z darovozasidan to'p olib chiqishga majbur qildi. Mazkur g'alaba poytaxtliklarni musobaqa jadvalida birinchi pog'onaga ko'tardi.

"Vobkent" jamoasi esa safar uchrashuvidan uch ochko bilan qaytdi. Joriy mavsumni muvaffaqiyatli boshlagan Kosonsoyning "Kosonsoy-zakovat" jamoasi o'z maydonida vobkentliklarga yetarlicha qarshilik ko'rsatolmadi. Mehmon jamoa vakillari – SH.Fayziyev, I.Hamdamov hamda X.Rahimov tomonidan kiritilgan gollar "Vobkent"ga 3:0 hisobida g'alaba keltirdi.

Yigirma uchinchi turning qolgan uchrashuvlarida quyidagi natijalar qayd etildi: "O'zDongJu" /Andijon/ - "Sho'rchi-Lochin" /Sho'rchi/ 2:1, "Sementchi" /Quvasoy/ - "Surxon" /Termiz/ 5:0, "Shahrixon" /Shahrixon/ -"Xazorasp" /Xazorasp/ 2:1, "NBU-Osiyo" /Toshkent/ - "Qo'qon-1912" /Qo'qon/ 3:2, "Sirdaryo" /Guliston/ - "G'allakor" /G'allaorol/ 0:4, "Oq tepa" /Toshkent/ - "Miyonkol" /Kattaqo'rg'on/ 3:2.

Musobaqa jadvalida 47 ochko jamg'argan "Quruvchi" jamoasi peshqadamlik qilmoqda. Keyingi o'rinlarni egallab turgan "Olmaliq kon-metallurgiya kombinati" jamoasi hisobida qirq olti, "Vobkent"da esa qirq besh ochko bor. "Mash'al-2", "Sementchi", "G'allakor" va "NBU-Osiyo" jamoalari ham sovrinli o'rinlar va yo'llanmalar uchun kurashni davom ettirmoqda.

Quyi pog'onaga tushib qolgan "Surxon" va "Miyonkol" jamoalari esa birinchi ligadagi joyini saqlab qolishga harakat qilmoqda.

To'purarlar bahsida raqiblar darvozasiga 21 ta gol kiritgan "Vobkent" hujumchisi Ilhom Hamdamov peshqadamlik qilmoqda. Uning eng yaqin ta'qibchisi Ulug'bek O'tarov /"Xazorasp"/ hisobida 17 ta gol bor.

Harakatsiz odam dunyoning oyoqlari ostida ezilur. (Abdurauf Fitrat)

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #3 : 05 Sentyabr 2006, 13:09:00 »
BIRINCHI LIGADA 26-TUR YAKUNLANDI         
   
 

"Miyonkol"-OTMK uchrashuvi bilan O'zbekiston Birinchi ligasi jamoalari 26-tur baxslarini yakunlashdi. Olmaliqning tog' metallurgiya kombinati jamoasi Samarqandda, Muborakning "Mash'al-2" klubi Andijonda, Toshkentning "Quruvchi" futbol klubi esa Namanganda kichik hisobdagi g'alabani qo'lga kiritdi.
Turnir yetakchilari safarda bir hil natijali g'alabani nishonlaganliklari ham e'tiborga molikdir. Yuqoridagi uch jamoa 1:0 hisobida zafar quchib, galdagi uch ochkoni o'z hisoblariga yozib qo'yishdi.

Turning eng yirik natijasi poytaxtda "Shayhontohur" va "Surxon" o'rtasidagi baxsda qayd etildi. O'zbekiston yoshlar terma jamoasidan bir necha vakil to'p suradigan mazkur jamoa a'zolari bir vaqtlar Oliy ligada elitlar safida to'p surgan Surxondaryo viloyati sharafini himoya qiluvchi "Surxon" darvozasiga javobsiz 7 ta gol urishdi.

"Vobkent" ham ushbu turni yirik g'alaba bilan o'tkazdi. "Sirdaryo" jamoasi mehmoni bo'lgan buxoroliklar 0:4 hisobida raqiblaridan ustun kelishdi.

Chirchiqning "Kimyogar" jamoasi esa "Shahrixon" maydonida qiyinchilik bilan g'alabaga erishdi. Birinchi bo'limni 0:3 hisobidagi yirik natija bilan yakunlagan Toshkent viloyati jamoasi ikkinchi bo'limda  raqibiga erkin harakat qilish uchun sharoit yaratib berdi va natijada o'yin 3:4 hisobida yakunlandi.

Natijalar bilan tanishing:

SEMENTCHI - ZARAFSHON NSZ 4:1 (3:1)
UZDONGJU - MASH'AL-2 0:1 (0:0)
KOSONSOY-ZAKOVAT - QURUVCHI 0:1 (0:1)
SHAHRIXON - KIMYOGAR 3:4 (0:3)
NBU-OSIYO - SHO'RCHI-LOCHIN 1:0 (1:0)
SHAYHONTOHUR - SURXON 7:0 (3:0)
OQTEPA - XAZORASP 1:1 (0:1)
SIRDARYO - VOBKENT 0:4 (0:2)
MIYONKOL - OTMK 0:1
G'ALLAKOR - QO'QON 1912 3:1 (1:0)   
 
Harakatsiz odam dunyoning oyoqlari ostida ezilur. (Abdurauf Fitrat)

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #4 : 06 Sentyabr 2006, 16:35:13 »
CHEMPIONAT VA KUBOK TAQVIMIGA O'ZGARTIRISHLAR KIRITILDI



O'zbekiston terma jamoasining Osiyo chempionati saralash baxslarida ishtirok etishi munosabati bilan O'zbekiston chempionati va Kubogi baxslari taqvimiga o'zgartirishlar kiritildi. Terma jamoalarning xalqaro arenalarda muvaffaqiyatli ishtirok etishi, xalqaro o'yinlarga muvaffaqiyatli tayyorgarlik ko'rishini to'la ta'minlash maqsadida ana shu mazmundagi farmoyish O'zbekiston Futbol Federatsiyasi Bosh kotibi Sardor Rahmatullayev tomonidan imzolandi.





Farmoyishga ko'ra, 22-turda o'tkazilishi kerak bo'lgan quyidagi uchrashuvlarning o'tkazilish sanasi kechiktirildi:

"Andijon"-"Nasaf" 21-sentabr;
"Metallurg"-"Samarqand-Dinamo" 20-sentabr;
"Neftchi"-"Navbahor" uchrashuvlari 4 oktabr kuni o'tkaziladi.

23-turda esa yagona o'zgarish bor: "Nasaf"-"So'g'diyona" o'yini 23 dan 25 sentabrga ko'chirildi.

25-turda o'zgarishlar talaygina:

"Andijon"-"So'g'diyona" va "Nasaf"-"To'palang" baxslari 23 dan 25 sentabrga;
"Buxoro"-"Metallurg" uchrashuvi 23 dan 24 sentabrga ko'chirildi.

28-turda esa, ikkita o'zgarish bor:
"Neftchi"-"Paxtakor", "Mash'al"-"Buxoro" bellashuvlari 23 dan 21 oktabrga ko'chirildi.

Kubok o'yinlaridagi o'zgarishlar esa, quyidagicha:

1/4 final baxslari doirasidagi "Mash'al"-"Buxoro" uchrashuvi 20-sentabrga;
1/2 final o'yinlari dasturidan o'rin olgan "Mash'al"-"Buxoro" juftligi g'olibi hamda "Neftchi" o'rtasidagi bellashuv 4 dan 26 oktabrga ko'chirildi.
 
 
Harakatsiz odam dunyoning oyoqlari ostida ezilur. (Abdurauf Fitrat)

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #5 : 07 Sentyabr 2006, 16:26:00 »
OSTONADAGI O'YINLAR AFISHASI:



23-ТУР. 

9 сентябрь, шанба

ХОРАЗМ - ТЎПАЛАНГ
ҚИЗИЛҚУМ - ЛОКОМОТИВ
НАСАФ - СЎҒДИЁНА

10 сентябрь, якшанба

САМАРҚАНД-Д - ШЎРТАН 
БУХОРО - ТРАКТОР
НАВБАҲОР-Н - МЕТАЛЛУРГ
МАШЪАЛ - НЕФТЧИ 

11 сентябрь, душанба

ПАХТАКОР - АНДИЖОН
Harakatsiz odam dunyoning oyoqlari ostida ezilur. (Abdurauf Fitrat)

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #6 : 12 Sentyabr 2006, 12:19:29 »
OLIY LIGA .23-TUR NATIJALARI:





XORAZM-TO'PALANG 0:4 (0:1)
Gollar: Toirov, 41; Mirzayev, 48; Vostrikov, 64; Shomurodov, 88

QIZILQUM - LOKOMOTIV 1:0 (0:0)
Gol: Kritinin, 55

SAMARQAND-DINAMO - SHO'RTAN 4:1 (2:0)
Gollar: Nasimov, 4, 54; Xabibullin, 17; Hamdoryev, 71 - Taran, 87

BUXORO-TRAKTOR 0:3 (0:3)
Gollar: Solomin, 17; Mansurov, 27; Ibragimov, 45+1

NAVBAHOR-METALLURG 2:1 (2:1)
Gollar: Mirzoyev, 12; Agbo, 32 - Sherg'oziyev, 45+2

NASAF-SO'G'DIYONA 4:2 (2:0)
Gollar: Xolmurodov, 12, 67; Alekperov, 38; Berdiyev, 64 - O'rozov, 74; Yoqubov, 82

MASH'AL-NEFTCHI 1:0 (0:0)
Gol: Murzoyev, 87

PAXTAKOR-ANDIJON 6:1 (1:1)
Gollar: Ixeroume, 29, 49; Jeparov, 57, 90+4; Tojiyev, 74; 79

Harakatsiz odam dunyoning oyoqlari ostida ezilur. (Abdurauf Fitrat)

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #7 : 15 Sentyabr 2006, 13:36:36 »
BIRINCHI LIGADA INTRIGA KUCHAYDI: OTMK 3-O'RINDA, "VOBKENT" ESA YANGI PESHQADAM!         




O’zbekiston birinchi ligasining 28-tur baxslari o’z yakuniga yetdi. Qo’qon 1912 jamoasi ushbu turda Navoiyga “Zarafshon NSZ” maydoniga tashrif buyurmadi va natijada mezbonlarga texnik g’alaba yozildi. Qo’qonliklarning bu qilmishi esa, jazosiz qolmaydi.




Turning yana bir e’tiborli voqeasi Muborakda yuz berdi. Oliy liga yo’llanmasi uchun da’vogar Olmaliqning OTMK jamoasi g’alaba qozona turib, maydon egalariga yutqazib qo’yishdi.

Kattaqo’rg’onning “Miyonqol” jamoasi esa kutilmaganda safardan yirik hisobdagi g’alaba bilan qaytdi. “Xazorasp” o’z uyida autsayderdan javobsiz 4 ta to’p o’tkazib yubordi.

Oliy liga da’vogarlaridan yana biri Toshkentning “Quruvchi” jamoasi o’z uyida poytaxtning yana bir vakili NBU-Osiyo jamoasini yirik 5:0 hisobida yer tishlatdi.

Turning barcha natijalari bilan tanishing:

MASH’AL-2 – OTMK 2:1 (0:1)
ZARAFSHON NSZ – QO’QON 1912  +:-

VOBKENT – G’ALLAOROL 1:0 (0:0)

XAZORASP – MIYONKOL 0:4 (0:2)
SURXON – SIRDARYO 3:1 (2:0)
SHO’RCHI-LOCHIN – OQTEPA 1:1 (0:0)
KIMYOGAR – SHAYHONTOHUR 1:0 (0:0)
QURUVCHI – NBU OSIYO 5:0 (3:0)

SEMENTCHI – SHAHRIXON 4:0 (3:0)
UZDONGJU – KOSONSOY-ZAKOVAT 1:1 (0:0)

 
Harakatsiz odam dunyoning oyoqlari ostida ezilur. (Abdurauf Fitrat)

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #8 : 27 Sentyabr 2006, 10:03:18 »
Joriy mavsumda “Paxtakor” futbolchilari ketma-ket uchrashuvlarda g‘alaba qozonmoqda





Futbol bo‘yicha O‘zbekiston XV milliy chempionatining oliy ligasi bellashuvlari yakunlanishiga besh tur qoldi. Har bir o‘tkazilgan uchrashuv Toshkentning “Paxtakor” jamoasini navbatdagi chempionlik sari yaqinlashtirmoqda.

Joriy mavsumda chempionlik unvonini himoya qilayotgan “Paxtakor” futbolchilari ketma-ket yirik hisobda g‘alaba qozonmoqda. Bu gal ular o‘z maydonida poytaxtning yana bir vakili - “Lokomotiv”ni mag‘lubiyatga uchratdi.

“Lokomotiv” futbolchilari mezbonlar bilan atigi 15 daqiqa tengma-teng o‘ynadi. Uchrashuvning 14-daqiqasida “Paxtakor” yarim himoyachisi Vyacheslav Ponomaryov hisobni ochgach, oradan bir daqiqa o‘tib, “Lokomotiv”ning braziliyalik legioneri Everton Kavalkante hisobni tenglashtirdi. Biroq, qolgan vaqt mobaynida faqat “Lokomotiv” darvozasi ishg‘ol qilindi. Keyingi turlarda raqiblar darvozasini ketma-ket nishonga olayotgan “Paxtakor”ning nigeriyalik legioneri Ixeruome Uche uchta, Server Jeparov ikkita va Temur Kopadze bitta gol kiritib, jamoasining 7:1 hisobdagi yirik g‘alabasini ta’minladi.

Oltin medal uchun kurashda “Paxtakor”ni ta’qib qilayotgan Qarshining “Nasaf” jamoasi o‘z maydonida “To‘polang” /Sariosiyo/ futbolchilari ustidan zafar quchdi. Biroq, qarshiliklarga uch ochko olish oson bo‘lmadi. Garchi mezbonlar Zafar Xolmurodov va Vitaliy Alikperov tomonidan kiritilgan gollar evaziga ikki to‘p farqi bilan hisobda oldinga chiqib olgan bo‘lsa-da, o‘yin yakunlanishiga o‘n ikki daqiqa qolganida Bahriddin Vahobov hamda Umid Abdurahmonov “Nasaf” darvozasiga gol urib, hisobni tenglashtirdi.

O‘z maydonidagi uchrashuvda ochko yo‘qotishni istamagan qarshilik charm to‘p ustalari qolgan daqiqalarda hujumni kuchaytirdi. Nihoyat, o‘yin yakunlanishiga besh daqiqa qolganida Vali Keldiyev aniq zarba yo‘llab, “Nasaf”ga 3:2 hisobida g‘alaba keltirdi.

“Paxtakor” va “Nasaf” bilan raqobatlashayotgan Farg‘onaning “Neftchi” jamoasi safardan uch ochko bilan qaytdi. Urganchda autsayder - “Xorazm” bilan kuch sinashgan Yuriy Sarkisyan shogirdlari 8:2 hisobida g‘alaba qozondi. Mezbonlar darvozasiga kiritilgan gollardan beshtasi Nosir Otaqo‘ziyev hisobiga yozilgan bo‘lsa, Akmal Xolmatov, Mansur Saidov va Nodir Qo‘ziboyev bittadan golga mualliflik qildi. “Xorazm”ning ikki javob to‘pini Sarvar Ibodullayev kiritdi.

Mazkur bellashuvdan so‘ng “Xorazm” jamoasi oliy ligani muddatidan oldin tark etishi aniq bo‘ldi.

Yigirma beshinchi turning qolgan uchrashuvlarida quyidagi natijalar qayd etildi: “Andijon” /Andijon/ - “So‘g‘diyona” /Jizzax/ 2:0, “Buxoro” /Buxoro/ - “Metallurg” /Bekobod/ 0:0 , “Navbahor-Namangan” /Namangan/ - “Sho‘rtan” /G‘uzor/ 3:2, “Mash’al” /Muborak/ - “Samarqand-Dinamo” /Samarqand/ 4:1, “Qizilqum” /Zarafshon/ - “Traktor” /Toshkent/ 2:3 .

Musobaqa jadvalida 67 ochko jamg‘argan “Paxtakor” peshqadamlik qilmoqda. Agar paxtakorchilar qolgan beshta uchrashuvdan uchtasini o‘z foydasiga hal qilsa yana chempionat oltin medaliga sazovor bo‘ladi. “Paxtakor”dan olti ochko ortda qolayotgan “Nasaf” futbolchilari kumush medalni qo‘lga kiritishga yaqin turibdi. Chunki uchinchi o‘rinda turgan “Neftchi” jamoasi bir uchrashuv kam o‘tkazgan holda “Nasaf”dan olti ochkoga ortda.

Xali g‘alaba nashidasini surmagan “Xorazm” jamoasi kelasi mavsumni quyi ligada boshlashi aniq. Xavfli hududda turgan “Sho‘rtan”, “Metallurg” va “So‘g‘diyona” futbolchilari oliy ligada qolish uchun kurashmoqda.

To‘purarlar bahsida raqiblar darvozasini 18 marotaba aniq nishonga olgan “Neftchi” hujumchisi Nosir Otaqo‘ziyev peshqadamlik qilmoqda. Uning eng yaqin ta’qibchisi Server Jeparov /“Paxtakor”/ hisobida 17 ta gol bor. Keyingi o‘rinlarda qayd etilgan paxtakorchi Ixeruome Uche va “Nasaf” vakili Vitaliy Alikperov o‘n oltitadan gol urgan.


Harakatsiz odam dunyoning oyoqlari ostida ezilur. (Abdurauf Fitrat)

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #9 : 27 Sentyabr 2006, 10:05:20 »
OLIY LIGA. 25-TUR



Qarshining "Nasaf" klubi o'z maydonida Sariosiyoning "To'palang" jamoasini qiyinchilik bilan mag'lubiyatga uchratdi. 25-turni shuningdek, peshqadam "Paxtakor" hamda "Nasaf"ni izma-iz ta'qib qilib kelayotgan Farg'onaning "Neftchi" jamoasi ham safarda yirik hisobdagi g'alabani qo'lga kiritdi.
Darvoqe, o'zining yettinchi chempionlik unvoni sari olg'a qadam tashlayotgan Toshkentning "Paxtakor" klubi poytaxt derbisiga mezbonlik qildi va "Lokomotiv"ni chilparchin qilib tashladi. O'zbekiston terma jamoasi a'zosi Server Jeparov o'yinda dublga erishgan bo'lsa, Ravshan Haydarov jamoasining nigeriyalik futbolchisi Uche Ixeroume het trikni qayd etdi. Chempion safidagi qolgan gollar Timur Kapadze hamda hamda Vyacheslav Ponomoryovlarning hisoblariga yozildi. Timur Jo'rayevni shu kuni "Lokomotiv"dan braziliyalik Everton Doschades dog'da qoldirishga erishdi.

"Xorazm" chempionat to'purarlariga imkoniyatlar ummonini taqdim etishda davom etmoqda. Mavsumni g'alabasiz o'tkazayotgan yaqqol autsayder o'z uyida Farg'onaning "Neftchi" jamoasidan 8 ta gol o'tkazib yubordi. Gollarning 5 tasi O'zbekiston terma jamoasining a'zosi, chempionat to'purarlaridan biri Nosir Otaqo'ziyev hisobiga yozildi.

Muborakning "Mash'al" klubi esa o'z uyida "Samarqand-Dinamo"ni Shuhrat Mirholdirshoyev va Rustam Qodirovlarning dubli evaziga yer tishlatdi.

Natijalar quyidagicha ko'rinishga ega:

QIZILQUM-TRAKTOR 2:3 (0:2)
Gollar: Davletov, 50; Baranov, 64 - Solomin, 19, 90+3, Mo'minjonov, 45

XORAZM - NEFTCHI 2:8 (1:4)
Gollar: Ibodullayev, 40, 65 - Xolmatov, 21; Otaqo'ziyev, 27, 32, 39, 56, 63; Saidov, 87; Qo'ziboyev, 88

BUXORO - METALLURG 0:0

MASH'AL - SAMARQAND-DINAMO 4:1 (3:0)
Gollar: Mirholdirshoyev, 8, 82; Qodirov, 37, 42 - Isroilov, 60

NASAF - TO'PALANG 3:2 (1:0)
Gollar: Xolmurodov, 45; Alekperov, 51; Keldiyev, 85 - Vahobov, 78; Abdurahmonov, 83

ANDIJON - SO'G'DIYONA 2:0 (0:0)
Gollar: Hamidullayev, 57; Hoshimov, 88

NAVBAHOR - SHO'RTAN 3:2 (1:0)
Gollar: Mirzoyev, 37; Agbo, 65; Nazarov, 69 - Taran, 74, 80

PAXTAKOR - LOKOMOTIV 7:1 (3:1)
Gollar: Ponomoryov, 14; Ixeroume, 21, 52, 75; Jeparov, 35-pen, 83; Kapadze, 90 - Everton, 15

 
Harakatsiz odam dunyoning oyoqlari ostida ezilur. (Abdurauf Fitrat)

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #10 : 05 Oktyabr 2006, 11:40:50 »
Vodiy derbisi "Nefcthi"ni ikkinchi o'ringa olib chiqdi     




Kecha  Farg'onadagi "Farg'ona" stadionida 22-turning qoldirlgan so'nggi  "Neftchi" - "Navbahor" uchrashuvi bo'lib o'tdi. Ushbu uchrashuvdagi har qanday g'alaba jamoaning ikkinchi o'ringa olib chiqishini to'g'ri anglab yetgan, Yuriy Vazgenovich Sarkisyan shogirdlari o'yinnig ilk daqiqalaridanoq bor e'tiborlarini hujumga qaratishdi. Lekin birinchi bo'limda omad jamoadan yuz o'girdi. Iikkinchi  bo'limda murabbiylaridan yetarlicha ko'rasatmalarni olib tushgan maydon egalar 60-daqiqada Nasim Shoimov tomonidan kiritlgan yagona gol evaziga kichik hisobda g'alaba qozondilar.

Ushbu g'alabadan so'ng  "Neftchi" 61ochko  jamg'argan xolda o'zaro o'yinlarda erishilgan natija tufayli turni jadvalida ikkinchi o'ringa ko'tarilib oldilar.


4-oktabr 22-turning qoldirilgan uchrashuvi
«Neftchi» - «Navbahor-N» 1:0 (0:0)
Gol: N.Shoimov 60
Ogohlantirishlar:I.Kovalnkoо 85, I.Akramov 90+1 – Sh.Jo’rayev, M.Fozilov 40, Ya.Krushelnitskiy 43  A.Sultonov 70
Hakamlar: R.Saidov 8,5,R.Ilyasov 8,0, A.Hotamov 9,0
Nazoratchi: A.Kovalenko
Farg’ona « Farg’ona ». 12000 

O'rinbosarlar:  2:1 (1:1)

 
Harakatsiz odam dunyoning oyoqlari ostida ezilur. (Abdurauf Fitrat)

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #11 : 18 Oktyabr 2006, 09:42:56 »
«Paxtakor»: chempionlikka bir qadam




 Futbol bo‘yicha O‘zbekiston XV milliy chempionatining oliy ligasida o‘tkazilgan yigirma yettinchi tur uchrashuvlarida qayd etilgan natijalar medallar taqdirini deyarli hal qildi. Ketma-ket beshinchi marotaba chempionlik unvonini qo‘lga kiritishga yaqin turgan Toshkentning «Paxtakor» jamoasi navbatdagi uch ochkoni qo‘lga kiritdi.

Paxtakorchilar bu gal o‘z maydonida poytaxtning yana bir vakili - «Traktor» jamoasi bilan kuch sinashdi. Dastlabki daqiqalardan hujumga zo‘r bergan mezbonlar birinchi bo‘limdayoq uchrashuv taqdirini o‘z foydasiga hal qildi. Tanaffusgacha Temur Kopadze va Zayniddin Tojiyev bittadan gol urib, jamoasini ikki to‘p farqi bilan oldinga olib chiqdi.

O‘yinning ikkinchi yarmida «Traktor» hujumchisi Karlen Abramov Temur Jo‘rayev qo‘riqlayotgan darvozani aniq nishonga olib, hisobdagi farqni bittaga qisqartirdi. «Paxtakor» futbolchilari so‘nggi daqiqada yana keskin hujum uyushtirdi va nigeriyalik legioner Ixeruome Uche mehmonlar darvozasini ishg‘ol qilib, jamoaning 3:1 hisobidagi g‘alabasini ta’minladi.

Turning markaziy uchrashuvi Qarshida bo‘ldi. Kumush medal uchun kurashayotgan «Nasaf» /Qarshi/ va «Neftchi» /Farg‘ona/ jamoalari o‘rtasidagi bahs ko‘plab muxlisu mutaxassislar e’tiborini jalb qildi. Chempionat yakunlanishiga uch tur qolganida har ikki jamoa bir xil ochko jamg‘argani bois ikkinchi o‘rin taqdiri aynan Qarshidagi uchrashuvda hal bo‘lishi kutilgandi. Shuning uchun har ikki tomon vakillari faqat g‘alaba uchun to‘p surdi.

Keskin va murosasiz kurashlarga boy bo‘lgan uchrashuvda omad mehmonlar tomonida bo‘ldi. «Neftchi» yarim himoyachisi Mansur Saidov bellashuvning ikkinchi yarmida «Nasaf» darvozasiga bir juft gol kiritib jamoasining g‘alabasiga ulkan hissa qo‘shdi. O‘z maydonida asosiy raqibiga yengilishni istamagan qarshilik futbolchilar so‘nggi daqiqagacha kurashdi va 89-daqiqada Dilshod Mavlonov hakam tomonidan belgilangan penaltini aniq bajarib, hisobdagi farqni bittaga qisqartirdi. Qolgan vaqt mobaynida Yuriy Sarkisyan shogirdlari ustunlikni saqlab qoldi va bellashuv 2:1 hisobida farg‘onaliklar foydasiga hal bo‘ldi.

Yigirma yettinchi turning qolgan bellashuvlarida quyidagi natijalar qayd etildi: «Andijon» /Andijon/ - «To‘polang» /Sariosiyo/ 3:1, «So‘g‘diyona» /Jizzax/ - «Lokomotiv» /Toshkent/ 1:1, «Mash’al» /Muborak/ - «Sho‘rtan» /G‘uzor/ 2:0, «Xorazm» /Urganch/ - «Samarqand-Dinamo» /Samarqand/ 0:4, «Buxoro» /Buxoro/ - «Navbahor-Namangan» /Namangan/ 2:1, «Qizilqum» /Zarafshon/ - «Metallurg» /Bekobod/ 5:0.

Musobaqa jadvalida 73 ochko bilan peshqadamlik qilayotgan «Paxtakor» navbatdagi chempionlik unvonini qo‘lga kiritishga juda yaqin turibdi. Agar paxtakorchilar 21 oktabr kuni o‘tkaziladigan 28-tur bahsida Farg‘onada «Neftchi»ga yirik hisobda mag‘lubiyatga uchramasa, muddatidan oldin oltin medalga sazovor bo‘ladi.

Asosiy raqobatchi - «Nasaf»ni mag‘lubiyatga uchratib, qarshiliklardan uch ochkoga o‘zib ketgan «Neftchi» futbolchilari esa qolgan turlarda oradagi farqni ushlab qolish va kumush medalni qo‘lga kiritishga harakat qiladi. 61 ochko bilan uchinchi o‘rinda qayd etilgan «Nasaf» bir pog‘ona ko‘tarilish uchun qolgan barcha uchrashuvlarda g‘alaba qozonib, «Neftchi»ning ko‘proq ochko yo‘qotishini kutishga majbur.

So‘nggi pog‘onada turgan «Xorazm» futbolchilari joriy chempionatni g‘alabasiz yakunlashga yaqin turgan bo‘lsa, «Metallurg», «Sho‘rtan» va «So‘g‘diyona» jamoalari oliy ligadagi joyini saqlab qolish uchun kurashmoqda.

To‘purarlar bahsida raqiblar darvozasiga 19 ta to‘p kiritgan «Neftchi» hujumchisi Nosir Otaqo‘ziyev peshqadamlik qilmoqda. Uning eng yaqin ta’qibchisi Pavel Solomin /«Traktor»/ hisobida 18 ta, paxtakorchilardan Server Jeparov va Ixeruome Ucheda 17 tadan gol bor.

Harakatsiz odam dunyoning oyoqlari ostida ezilur. (Abdurauf Fitrat)

Robiya

  • Mega Member
  • *******
  • Rahmat
  • -aytdi: 770
  • -oldi: 2058
  • Xabarlar: 7634
  • Jins: Ayol
  • Tilim ila dilimni bir qil, Ilohim
    • Haqiqiy o'zbekona forum
Re: O'ZBEKISTON OLIY LIGASI
« Javob #12 : 19 Oktyabr 2006, 12:58:43 »
"Buxoro" jamoasi g'alabasi aytish kerakki sensatsiya bo'ldi, lekin bu biz buxoroliklar uchun juda quvonarli.Navbahor Buxorodan ancha kuchli jamoa.
 Quyi ligada ham buxoroliklar yaxshi natijani qayd etishyapti."Vobkent" ham Oliy ligaga chiqadigan bo'lsa, u holda "Buxoro" da haqiqiy bayram boshlanadi.Ilonim shunday bo'lsin.
«...Shoyadki, yoqtirmagan narsangiz siz uchun yaxshi bo'lsa. Va shoyadki, yoqtirgan narsangiz siz uchun yomon bo'lsa. Alloh biladir, siz bilmassiz» («Baqara», 216)

watson

  • Sr. Member
  • ****
  • Rahmat
  • -aytdi: 0
  • -oldi: 5
  • Xabarlar: 356
  • Jins: Erkak
  • ollohu akbar!!!!!!!
Re: O'ZBEKISTON OLIY LIGASI
« Javob #13 : 25 Oktyabr 2006, 00:34:29 »
Shoxjahon tabriklayman 4empionlik bilan!!! :)
hudo halasa neft4i keyingi turlarda galaba qozonsa 2-URIN BIZIKI!!! :)
æèçí òàêàÿ ïðîñòàÿ øòóêà à ëþäû ïðèêëàäèâàþò ìàêñèìóì óñèëèé ÷òîáû åå èñïîðòèòü

Shoxjahon12

  • Moderator
  • Super Member
  • *****
  • Rahmat
  • -aytdi: 706
  • -oldi: 1044
  • Xabarlar: 2373
  • Jins: Erkak
Re: O'ZBEKISTON OLIY LIGASI
« Javob #14 : 25 Oktyabr 2006, 11:40:49 »


Toshkentning “Paxtakor” klubi yakshanba kuni Farg’onaning “Neftchi”si bilan 1:1 hisobida durang o’ynab, milliy chempionat tugashiga ikki tur qolganda chempionlikni qo’lga kiritdi. Qizig’i shundaki, ayrim axborot vositalari (“Sport-ekspress”) bu o’yinni negadir “Paxtakor” bilan Bokuning “Neftchi” jamoasi o’rtasidagi musobaqa deb atadi.
O'sha shovvozlarga O'zbekiston milly chempionatida Bokuning "Neftchi" jamoasi nima qilib yuribdi, deging keladi.
 
Nima bo’lganda ham, bu  “Paxtakor”ning g’alabasi ahamiitini pasaytirmaydi. Faqat Osiyo chempionlar ligasida ham shunday muvaffaqiyatli qatnashsa, futbol ishqibozlarining bir quvonchiga o’n quvonch qo’shilar edi.
Harakatsiz odam dunyoning oyoqlari ostida ezilur. (Abdurauf Fitrat)

 

UKRAINA OLIY LIGASI

Muallif Shoxjahon12Bo'lim Futbol

Javoblar: 11
Ko'rilgan: 6038
So'nggi javob 14 Aprel 2010, 16:30:47
muallifi Shoxjahon12
O'ZBEKISTON OLIY LIGASIGA OID SO'ROVNOMA

Muallif Shoxjahon12Bo'lim Futbol

Javoblar: 12
Ko'rilgan: 8218
So'nggi javob 21 Fevral 2007, 09:48:47
muallifi Shoxjahon12
Qaysi O'zbekiston TV kanalini tomosha qilasiz?

Muallif maknunaBo'lim Madaniyat

Javoblar: 62
Ko'rilgan: 35735
So'nggi javob 13 Fevral 2015, 22:20:08
muallifi Math13
O'zbekiston Ramzlari

Muallif AbdusalomBo'lim Intellekt

Javoblar: 1
Ko'rilgan: 8754
So'nggi javob 09 Sentyabr 2006, 07:17:58
muallifi Abdusalom
ANGLIYA PRIMER-LIGASI

Muallif Shoxjahon12Bo'lim Futbol

Javoblar: 336
Ko'rilgan: 111741
So'nggi javob 16 Sentyabr 2012, 15:38:01
muallifi Wonder