Muallif Mavzu: Rasululloh Sallollohu alayhi va sallamga SOG`INCHNOMA  ( 2169 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

Akrombek

  • Newbie
  • *
  • Rahmat
  • -aytdi: 1
  • -oldi: 17
  • Xabarlar: 32
  • Jins: Erkak
  • Seni topdim Allohim! Sendan ayirma!
Xayollarim yetaklaydi ming yillardan nariga,
Nigohlarimsanchiladi o`n to`rt asr qa'riga,
Quloqlarim tutaman tarix tutgan na'raga -
Siz saodat elchisi, Ya Rasuli Muhammad! (SAV)
***
Ko`zlarimiz ummonidan ko`zyoshimiz toshib chiqdi,
Chin izhorlar yuragimiz tublaridan jo`shib chiqdi.
So`zlaringiz bu olamga quyoshday nur sochib chiqdi,
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Rahmon Alloh barchadan eng ko`p suygan Payg`ambar,
Parvardigor rahmatini mudom tuygan Payg`ambar,
O`zi qolib ummat uchun yonib-kuygan Payg`ambar,
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Intiqdirmiz ahli ummat nurlar yog`gan chehrangizga,
Suhbatingiz ololsaydik jam bo`lib tegrangizda,
Soyabon bo`lolsaydik sahroda yelkangizga,
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Butun olam havas qilgay Abu Bakr (r.a.) baxtiga,
Endi kim ham chiqa olgay hazrat Usmon (r.a.) taxtiga!
Chaqmoqlar ham tiz cho`kkan Umaringiz (r.a.) shahdiga,
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Hazrat Ali (r.a.) ahdiga azim tog`lar tan bergan,
As'hob ikki olamning eng ulug` baxtin ko`rgan,
Diydoringiz yog`dusini tushlarimizga so`rgan
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Poyingizni olgan Makka, beshak-shubha eng ulug`,
Madinaning har qarichi muborak hamda qutlug`,
Ul ravzangiz ilohiy ifor-u nurga to`lug`,
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Dilimizga esayapti buyuk orzu sabolari,
Jami ummat aslida shafoat gadolari,
Har lahzani to`ldirib gunohkor dil duolari,
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Umidvorlik zulmat ichra yonib turgan shamga o`xshar,
Har qancha ibodating juda ham oz, kamga o`xshar,
Kim najot bergay bizga kelsa ul chog`i Mahshar,
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Yuzimizning nurlariga kibr parda tortib qo`ydi,
Nafs yelkaga sanoqsiz gunohlarni ortib qo`ydi,
Qasovat-u qurumlarni, axir, kim ham artib qo`ydi?
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Vaqt qilichi kesib borar umrimiz tomirlarin,
Biz esa yutayapmiz jaholat ko`mirlarin,
To`liq ado qilolmay Siz Hazratning amrlarin...
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Afsus kuzi yuraklarga to`kib tashladi xazon,
Imonimiz atrofin qurshab olganday to`zon,
Tobora olislashib borayapti najot - azon,
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Ilohiy Ishq kavsariga butun insoniyat tashna,
Qay yurakda ochilarkan halovat degan chashma?
Butun vujud limmo-lim to`lib iltijo - yoshga,
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).

Tushlarimiz vodiysida axtarurmiz biz Sizni,
Ko`ra olsak zora deb Sevgiga to`la yuzni...
Afv eting boshi egik gunohkor ummatingizni,
Qalbimizni sog`inchingiz o`rtayapti, Muhammad (SAV),
Hayajondan ruhimiz titrayapti, Muhammad (SAV).
Ummatning gunohkori yozdi.



Tanhodirman... Senga talpindim... Ishqingda meni fano ayla...

 

Rasululloh(sollalohu alayhi va sallam)gagina berilgan besh xislat

Muallif FoniyBo'lim Rasululloh SAV va sahobalar

Javoblar: 5
Ko'rilgan: 7101
So'nggi javob 04 Sentyabr 2007, 15:19:24
muallifi Foniy
Rasululloh sollallohu alayhi va sallam bilan tanishaylik

Muallif ibnUyaynaBo'lim Rasululloh SAV va sahobalar

Javoblar: 10
Ko'rilgan: 6216
So'nggi javob Kecha 11:08:10
muallifi MirzoMuhammad
Ahmad Muhammad. Rasululloh (s.a.v.) qaytarganlar

Muallif MuslimaxonBo'lim Islomiy kitoblar

Javoblar: 72
Ko'rilgan: 31728
So'nggi javob 02 Dekabr 2007, 02:30:54
muallifi AbdulAziz
Rasuli Akram sollallohu alayhi vassallam haqlarida hadislar

Muallif MahdiyahBo'lim Rasululloh SAV va sahobalar

Javoblar: 106
Ko'rilgan: 53809
So'nggi javob 23 Noyabr 2016, 15:58:38
muallifi MirzoMuhammad
Rasululloh SAV aytgan hikoyatlar

Muallif AbdulAzizBo'lim Rasululloh SAV va sahobalar

Javoblar: 18
Ko'rilgan: 9044
So'nggi javob 09 Iyun 2009, 22:48:21
muallifi AbdulAziz