Nabiy sallallohi alayhi vassallamdan rivoyat qilinadi:
"œKichkina gunohlar qilinaversa, katta gunohlarga aylanadi. Katta gunohlar esa, istig’for aytish bilan mag’firat qilinadi".

Ibrohim alayhissalomni mehmonlarning otasi, deb atashardi. U kishining uylarida to‘rt eshik bor edi, qaysi eshikdan biror kishi kelarkin, deb qarab o‘tirardilar.
Ikrima

Rohat topish uchun qalb ALlohni iqror qilib, hamma narsa Undan ekanligini bilishi lozim.

Mol-mulkni behuda isrof qilish kufroni ne’matdur. O’ylamasdan boyligini sarflash to‘liq tanazzulga olib keladi.
Abulqosim az-Zamaxshariy

Ichadigan suvingni aniq ichasan, yeydigan ne'matingni aniq yeysan, rizqing tugamaguncha o'lmaysan.

Niyatlarga ko‘ra qancha-qancha ishlar ulug‘ bo‘ladi, yana qancha-qancha katta ishlar niyatlarga ko‘ra arzimasga aylanadi.
Abdulloh ibn Muborak

Ilm Allohniki, har bir narsani bilguvchi Udir. Hamma narsani bilaman deguvchi esa johildir.

Muhammad Kamol.

Rasululloh sallallohu alayhi va sallam:
Odamlardan chetga chiqib, xilvatda zohidlik qilishni;
Marhumlar sha’niga mubolag’a bilan madhiya va marsiya aytishni;
Ummatlarning turli nazr-niyoz qilishlarini;
Bir uyda yakka uxlashni;
Har qanday mast qiluvchi va bo’shashtiruvchi narsalar (ya’ni, giyohvandlikni);
Janglarda ayollarni va norasidalarni qatl qilishni;
Soch va soqolning oqlarini yulib tashlashni;
Safardan o’z uyiga kechasi bemahal kirib kelishni;
Ikki kishining o’rtasini beijozat yorib, oralariga suqulib kirib o’tirishni;
Ummatlarini birovlarni yanglashtirishdan;
Oltin va kumush idishlarda ovqat yeyish yoki ichimlik ichish;
Qabriston ustida namoz o’qishni;
Sabir (aloe) kabi zaharli giyohlarni ko’p iste’mol qilib, hoh inson, hoh, hayvonlarning o’lib ketishini;
Mahluqlarning yuziga tamg’a bosmoqni va yuziga urmoqni;
Otaning ismini aytib chaqirishni, undan oldinda va yuqorida o’tirishni;
Ko’p savol so’rashni, molni zoe qilishni va asossiz gaplarni og’izdan-og’izga naql qilib yurishni man etganlar.

Rasululloh shu qadar ohista gapirar edilarki, so'zlarini sanashni istagan odam sanay olardi (Buhoriy rivoyati)

Inson zohirida qanchalik go'zal hulqli bo'lsa ham, bila turib vijdonsiz va badaxloq kimsalar bilan do'st tutingan bo'lsa, ahloqsizlikda o'shalar bilan barobar hisoblanadi.  (Imom Shofeiy)