ФК ИнтернационалеКарийб 1 асрдан купрок тарихига эга булган Италия футболида факат икки жамоа бор-ки, бу жамоалар бирор марта хам «А» - Сериядан пастга тушиб кетмаганлар. Бу Италия футболининг икки гранд жамоалари «Интернационале» ва «Ювентус» дир.
Куйида мен Италиянинг 13 карра чемпиони, Милан шахрини химоя килувчи «Интернационале» жамоаси хакида хикоя килмокчи эдим.
«Интер» (Интернационале) футбол клуби 20 асрнинг бошида «Милан» футбол клуби бошкарувидаги ички низолар натижасида бунёд этилганди. Милан шахри бош жамоасида факат италиялик уйинчилар туп суриши мумкин эди. Жамоа бошкаруви эса ака-ука Кампериолар кулида эди. Бошкарув услубидан норози булган жамоанинг 45 аъзоси Джованни Парамитьотти бошчилигида клубни тарк этдилар ва янги жамоа тузишга ахд килдилар.
Шундай килиб, 1908 йилнинг 9 март куни янги футбол клубига асос солинди ва «Интернационале» деб номланди. Клуб бундай номланишига асосий сабаб, жамоа уйинчилари турли давлатлардан йигилган эди. «Интер»нинг биринчи жамоа сардори Манктл хам швейцариялик эди. Жамоа миллий рамзи сифатида олтин ранг, кора ва кук рангларни танлади. Парамитьотти томонидан яратилган бу проект уз ютукларини куп куттирмади.
«Интер» биринчи марта Италия чемпионлигини 1910 йилда кулга киритди. Жамоанинг уша пайтдаги сардори Вирджилио Фоссати орадан куп вакт утмай Биринчи Жахон уруши даврида халок булди. Аммо унинг иштирокисиз хам 1920 йилда иккинчи марта «Скудетто» сохибига айланди.
1930 йилларга келиб Италияда хокимият тепасига Бенитто Муссолини бошчилигидаги фашистлар келади. Бу пайтда "Интернационале" бошка давлатларда хам жуда машхур булиб улгурган эди. Фашистлар сиёсати таъсирида "Интер" уз номини узгартиришга ва формасини алмаштиришга мажбур булди. Клуб "Амброзина" деб атала бошлади (Амброзина - Миланнинг Авлиё рухонийси номи). Унинг янги формаси ок рангда булиб, кизил хоч тасвири туширилган эди. Шунга карамай мухлислар устидан "Интер"нинг кук-кора формаси тушмади, стадионларда "Форца Интер" ("Яшасин Интер!") деган хайкириклар тухтамайди. 1932 йилдагина икки номни бирлаштиришга рухсат беришди. Энди жамоа "Амброзина - Интер" деб атала бошлади. Шу даврларда "Интер" узининг учинчи "Скудетто"сига эга булади. 1945 йилнинг октябрига келибгина (фашистлар диктатураси кулатилгач) клуб узининг аввалги номига эга булади.
Уша даврларнинг энг машхур уйинчиларидан бири, шубхасиз Джузеппе Меацадир. У "Интер" таркибида 224 майдонга тушиб, ракиблар дарвозасини 248 марта ишгол килган. Милан Джузеппе Меаца ни хеч качон унутмаса керак. Хозирги кунда "Интер" уз уй уйинларини утказадиган стадион унинг номи билан аталади.
"Интер" учун 1964-1965 йиллар жуда омадли келди. Бу йилларда клуб канча хохласа шунча кубокларни кулга киритди. 1964 йил Чемпионлар Лигаси финалида "Интер" Мадриднинг "Реал" жамоасини 3-1 хисобида маглубиятга учратиб, Европа чемпионлар лигаси кубогини кулга киритади. Бунгача "Интер" Ливерпулнинг "Эвертон"ини, Белграднинг "Партизан"ини, Дордмунднинг "Боруссия"сини маглубиятга учратган эди. Шу йилнинг узида уч уйин хисобида Аргентинанинг "Индепенденте" клубини маглубиятга учратиб Китъалараро кубокни хам кулга киритади.
1965 йилда энг эсда коларли уйинлардан бири бу Милан дербиси булди. Биринчи уйинда "Милан"га 0-3 хисобида уйинни бой бериб, жавоб учрашувида 5-2 хисобида ажойиб галабани кулга киритди. Бундан ташкари Чемпионлар лигаси ярим финалида "Ливерпуль"га мехмонда 3-1 хисобида маглубиятга учраб, жавоб учрашувида 3-0 хисобида маглубият аламини олди ва финалга йул олди. Финалда Португалиянинг "Бенфика"си 1-0 хисобида маглуб этилди ва каторасига иккинчи марта Чемпионлар кубоги Миланга йул олди. Китъалараро кубок учун учрашувда "Интер" яна "Индепенденте" карши кураш олиб борди. Бу сафар икки уйин голибни аниклашга кифоя килди. Биринчи уйин уйда 3-0 хисобида якунланди, жавоб учрашуви эса 0-0 хисоби билан уз якунига етди. Натижада "Интер" яна каторасига иккинчи марта Китъалараро кубок сохибига айланди.
Афсуски, охирги йилларда "Интер"дан омад анча юз угириб турибди. Хар йили жадвалнинг юкори кисмини хеч кимга бермай келади, лекин охирги турларда курсатилган ишончсиз уйинлар хисобига "Скудетто"дан махрум булиб коляпти. Клуб охирги марта 1989 йилда "Скудетто" сохиби булишган эди.
1990 йилларда "Интер" таркибида Лотар Маттеус, Юрген Клинсман, Серена, Иван Саморано, Денис Бергкамп, Игорь Шалимов каби юлдузлар туп суришди. Шу юлдузлар саъй харакати эвазига 1994 йилда УЕФА кубоги сохиби булишди.
1997 йилда "Интер" Европа майдонларида яна яркиради. УЕФА кубогининг ярим финалида Москванинг "Спартак" жамоаси икки уйин натижасига кура маглуб этилди. Финалда "Интер" "Лацио" билан учрашди. Уйин тулик "Интер" устунлигида утди ва хисоб хам ушанга яраша 3-0. Гол муаллифлари Саморано, Занетти ва Рональдо. Италия А-сериясида факатгина охирги турда Ювентусга 1-0 хисобида бой берилган очколар эвазига иккинчи уринни эгаллади.
2000 йилда Италия Кубоги финалида "Интер" Римнинг "Лацио" клуби билан учрашди ва маглубиятга учради. Ушбу уйинда Рональдо огир жарохат олади ва икки йилга футболдан кетишга мажбур булади.
Inter (Italiya)
2002 йилда мавсум давомида Интер биринчи уринни хеч кимга бермай келади, аммо чемпионатнинг охирги турида Римда "Олимпико" стадионида "Лацио" дан маглубиятга учрайди ва натижада 3 урин билан кифояланади. УЕФА кубогида эса ярим финалгача етиб боради. Ярим финалда Голландиянинг "Феенорд"ига икки уйин натижасига кура маглубиятга учрайди.
2003 йилги мавсумда хам биринчи даврада "Интер" биринчи уринни хеч кимга бермади, аммо иккинчи даврада купгина жарохатлар ва ишончсиз уйинлар эвазига яна иккинчи уринни эгаллади. Чемпионлар Лигаси ярим финалида "Милан" га икки уйин хисобига кура маглубиятга учради. Тугрироги мехмонда 0-0 хисоби кайд этилди, уйда эса 1-1. "Милан" мехмонда урилган гол хисобига финалга чикди.
2004 йилги мавсумда эса "Интер" умуман буш уйин курсатди. Стадион трибуналарида хаттоки "Галварслар, ечинглар бизни футболкаларни" мазмунидаги баннерлар хам пайдо булди. Шундай сунг клуб уйинчилари Кук-кора рангни шарманда килмаслик учун мехмон формасида мавсумни тугатишга мажбур булишди...
Roberto Manchini
2005 йилги мавсумни Роберто Манчини бошчилигида бошлаган «Интер» яна скудеттони кулдан чикарди, чемпионлар лигасида эса 1/4 финалгача етиб борди ва хамшахарлари томонидан тухтатиб колинди. Бирок, «Италия Кубоги»ни кулга киритишди. Бу кубок бошка кубокларга йул очиб беради деган умиддамиз.