Inson qalbi bilan hazillashmang Siz ...  ( 10663 marta o'qilgan) Chop etish

1 B


Kumushbibi  16 Iyun 2006, 22:10:21

Inson qalbi bilan hazillashmang Siz,
Unda ona yashar, yashaydi Vatan.
Uni jo'n narsa deb o'ylamang hargiz,
Hayhot! Qo'zg'almasin bu Qalb daf'atan!...


Abdulla Oripov

Qayd etilgan


Kumushbibi  16 Iyun 2006, 22:10:39

Koinot gultoji insondir azal,
Undadir eng oliy, tafakkur amal.
Hatto u tubanlik ichra ham tanho,
Yo falak, ijoding buncha mukammal.

Abdulla Oripov

Qayd etilgan


Kumushbibi  16 Iyun 2006, 22:10:59

Qancha-qancha sir yashar har kimning bisotida.
Shul sabab ul INSONDIR, shul sabab u ZOT erur..

Abdulla Oripov

Qayd etilgan


Kumushbibi  16 Iyun 2006, 22:11:17

Olamda ko'p narsa kamyob bir qadar,
Ne-ne tuyg'ular ham kamyobdir, alhol,
Men derdim: sof qalbni uchratgan safar,
Darhol o'rab oling atrofin, darhol.
Abdulla Oripov

Qayd etilgan


Kumushbibi  16 Iyun 2006, 22:11:38

Inson zoti, sening nedan kaming bor edi?
Senga tangri bergandi-ku tafakkur, imon.
Zamin, havo, - bari senda barqaror edi,
Nechun dildan insof hissin aylading gumdon?
Axir sen it emasding-ku, belanib loyga
Bir-biringni g'ajisang to suyak talashib.
Samimiyat qayda edi, tafakkur qayda.
Lug'atingda gar bu so'zlar yotdi qalashib,
Hasad, ig'vo qaydan kirdi sho'rlik kallangga,
Qaydan seni chulg'ab oldi xudbinlik, kufr.

Abdulla Oripov

Qayd etilgan


Kumushbibi  16 Iyun 2006, 22:12:01

Qalb shunday ummonki, uning bag'rida
Dahshatli dolg'alar silsilasi bor.
Qalb shunday zaminki, otash qa'rida
Vulqonlar otguvchi zilzilasi bor.

U bir sayyoradir. yerdek shafaqgun,
U bir olamdirki, bilmas nihoya.
Uni mehvaridan chiqarmoq uchun
Atom jangi emas, bir so'z kifoya.

Erkin Vohidov

Qayd etilgan


Kumushbibi  16 Iyun 2006, 22:12:35

Qalbim- dara

Guvillagan sado kelar bir yondan,

Qalbim-yara

Og'rinadi zardoblaru giryondan.



Qalbim-ozod

Atrofimda panjaralar-bandiman.

Qalbim-faryod

Ovozini yutgan elning dardiman.



Qalbim-qilich

Zanglab yotar Amir Temur qinida.

Qalbim notinch-

Qanotlari qayrilgan qush-inida.



Qalbim ummon

Oqib yotar Shahriyorning she'rlari,

Qalbim o'rmon

Kezar erkning momotaloq sherlari.



Qalbim bu Man-

Shoh hukmila otilgan-otilmagan.

Qalbim Vatan-

Qayta-qayta sotilgan"¦

Sotilmagan!



Jahongir Mamatov

Qayd etilgan


Mohinur  17 Iyun 2006, 12:08:19

Qalbning qizil gulxani

Qalbing qizil gulxani so'ldi,
Kultepada qolmadi bir cho'g',
Bu qiz bilan ishim yo'q endi,
Bu qizning men bilan ishi yo'q...

Endi menga ikki dunyo bir,
Sig'mam na yer, na osmoniga.
Tomga chiqib ketarman endi,
Men ham qizg'aldoqlar yoniga.

Hey, yulduzlar yurtida chaman,
Bulutman deb yurgan tutunlar
Ko'ksim yonib ketmoqda yomon.
Mendan nariroqdan o'tinglar!

Qalbda sevgi gulshani so'ldi,
Qoldi faqat lovullagan cho'g'.
Bu qiz bilan ishim yo'q endi,
Bu qizning men bilan ishi yo'q...

Kel yuragim, bag'rimni o'yib,
Sevgimni suvlarga otamiz.
Maysalarga boshimni qo'yib,
Kapalak yopinib yotamiz.

(Muxammad Yusuf)

Qayd etilgan


Mohinur  17 Iyun 2006, 12:08:41

Men bu so‘zni qanchalar kutdim,
Uni kutib, so‘ldi gullarim.
Shu so‘zni deb o‘zni unutdim,
O‘tib ketdi yoshlik yillarim.

O‘zingmisan? Ishonmayapman,
Jim yashashdan oxir toldingmi?
Sen o‘zingga o‘xshamayapsan,
Yo chindanam sevib qoldingmi?

Nega qarab turibsan osmon,
Boshimdan gul yog‘ib bersan-chi!?
Yuzlarimdan o‘pmaysanmi oy,
Bulutdan baxt sog‘ib bersan-chi!?

Oqaverdi suvdek yillarim,
Hatto o‘ylab ko‘rmabman bir oz.
Shu so‘zni deb o‘tibdi umrim,
Shu so‘zni deb yashabman xolos.
Men bu so‘zni qanchalar kutdim"¦

Behzod Fazliddin

Qayd etilgan