Friday 12/03/2004 1:34:19pm
Ismi sharifingiz: AbdulAziz
Mamlakat/shahringiz: Uzbekistan
E-mailingiz:
[email protected]Web sahifangiz:
http://ziyo-uz.land.ruFikr-mulohazalaringiz: Assalomu alaykum!
Tashqarida qor yog`moqda. Birinchi qor... Oynadan tashqariga qarab, bundayin takrorlanmas holatdan zavq olaman. Samodan oppoq dur yog`iladi. Shu paytda hayol og`ushiga cho`maman. Bu yilgi birinchi qor hayolotda meni allaqayerlarga chorlaydi. Sizda ham shu holat bo`lsa kerak-a? Tashqariga chiqaman. Yog`ayotgan qorni maroq ila tomosha qilaman. Go`zal holat!.. Hali qish bo`lishiga ishonib-ishonmay hamon bo`y chiqarayotgan maysalar o`z bag`riga oppoq libosni kiyadi. Qor shiddat bilan yog`moqda. Hali hammayoqni o`z rangiga bo`yaydi. Qor parchalari allaqayerlardan uchib menga qo`na boshlaydi... Qorga qaraysan-u, qalbingni ham qor o`z rangiga bo`yaydi. Hammayoqda oqlik. Tabiat ham, inson tabiati ham...
Aziz do`stim, sizni ham ushbu unutilmas, hissiyotli damlar bilan tabriklayman. Birinchi qor qalbingizni o`z rangiga bo`yasin, ko`nglingiz shu beg`ubor qorlar kabi zilol bo`lsin! Ushbu damda qilayotgan barcha ezgu orzu-niyatingizni Allohim o`z dargohida qabul qilsin! Mana shu yog`ayotgan o`ynoqi qor parchalari qalbingizdagi barcha yomon hislarni yuvib ketsin!
Mana shu ayyomda do`stlaringizni, yaqinlaringizni unutmang, ularni ham yangilanish,soflikka burkangan birinchi qor bilan tabriklab qo`ying.
Yana bir bor Birinchi qor bilan tabriklayman.
http://ziyo-uz.land.ruToshkent, 2004 yil, 3 dekabr, soat 14:02
Sizlarga doimo baxtu saodat, ofiyat tilab