Birinchi tavsiya.
Kalimayi tavhidning fazilati.
Abu Hurayradan r.a. rivoyat qilinadi:"Aytdimki:"Yo,Rasululloh, Qiyomat kuni shafoatingiz nasib etadigan eng baxtli inson kim bo'ladi?" Rasululloh s.a.v. marhamat qildilar:"Ey, Abu Hurayra, sizning hadisga bo'lgan ishtiyoqingizdan xabardorligim uchun ham sizdan avval hech kim bu savolni bermasligini bilgan edim. Qiyomat kuni shafoatim ila eng mas'ud kishi ixlos bilan va chin ko'ngildan "La ilaha illalloh",degan kimsadir".
(Imom Buxoriy rivoyati)

Uboda ibn Sobitdan r.a. rivoyat qilinishicha, Rasululloh s.a.v. marhamat etdilar:"Kim yolg'iz Allohdan boshqa iloh yo'qligiga, Muhammad Uning bandasi va rasuli ekanligiga, Iyso a.s. Allohning bandasi va rasuli bo'lib, hazrati Maryamga Alloh tomonidan yuborilgan ruh va kalima ekanligiga, jannat va jahannam xaqligiga shahodat keltirsa, Alloh taolo ushbu amal uchun uni jannatga doxil qilur".
(Imom Buxoriy, Muslim va Termiziy rivoyatlari.)

Ba'zi rivoyatlarda:"JAnnatning sakkiz eshigining qay biridan hohlasa..." ilovasi ham mavjud.
Imom Muslimdan rivoyat qilingan boshqa bir hadisda:"Kim Allohdan boshqa iloh yo'qligiga, Muhammad Uning rasuli ekanligiga shahodat qilsa, ALloh unga do'zaxni harom qilur.

Ikkinchi tavsiya.
Yolg'iz Allohdan najot kutishlik fazilati.

Ibn Abbosdan r.a. rivoyat qilinadi:"Bir kuni Hazrati Muhammad s.a.v.ning yonlarida edim. Menga marhamat qildilar:"Ey,o'g'lim!Men senga bir qancha so'zlar o'rgataman:Allohga nazar qilki,U ham senga nazar solsin,Uni qarshingda topgaysan. Bir narsa tilaganingda yolg'iz Allohdan tila. Yordam talabida bo'lsang, Allohdan yordam ista. Shuning bilgilki,butun xalq senga foyda keltirish uchun birlashsa ham, faqat Alloh senga taqdir qilgan miqdorda foyda yetkazishadi va agar butun xalq senga zarar yetkazish uchun birlashsa ham, faqat Alloh taqdir etganchalik zarar yetkazishlar mumkin. Qalamlar ko'tarilgan, sahifalar qurigan".
(Imom Tremiziy, Ahmad ibn Hanbal rivoyatlari)

Boshqa bir rivoyatda esa shunday marhamat qiladilar:"Allohga nazar solki, qarshingda ko'rgaysan.Allohning farog'at oningda tanigilki, U seni qiyinchilik vaqtingda tanigay. Shuni bilgilki, boshingga tushmog'i nasib etmagan narsaning senga tegishi imkonsizdir. Va boshingga tushishi taqdir etilgan narsaning kelmasligi mumkin emas. Bilki, yordam va g'alaba sabr qilishlik bilan bo'ladi. Shodlik qayg'u bilan birgadir. Tabglik va qiyinchilik rsa yengillik bilan birga bo'ladi".

Uchinchi tavsiya.
Ilm tahsil etishning fazilati.

Qubaysa ibn Muhorik r.a. rivoyat qiladilar:"Rasulullohning s.a.v. yonlariga kelgan edim. Menga:
- Ey, QUbaysa, sizni bu yerga keltirgan narsa nima?
Men:
- Yoshim bir joyga borib qoldi, suyaklarim noziklashdi, Alloh menga foyda keltiradigan narsalarni o'rgating, deb xuzuringizga keldim.
Bunga javoban Rasululloh s.a.v.marhamat etdilar:
- Ey, Qubaysa, biron toshga, daraxtga, yohud tuproq uyumiga duch kelganingizda ular mutlaqo sizga istig'for aytishadi. Ey Qubaysa, bomdod namozidan keyin, uch marta "Subhanallohi-l-A'ziym va bihamdihi", deb ayting. Shunda ko'r bo'lib qolishlikda, juzzom xastaligidan va falajdan omonda bo'lasiz. Yana shunday duo qiling:"Allohumma inni as'aluka va afid alayya min rohmatika va anzil alayya min barokatik".
Ya'ni, "Ey Allohim, men Sening xuzuringdan istaymanki, menga lutfingdan ado etgaysan.Menga rahmatingdan yuborgaysan.Ustimga barokotingni nozil qilgaysan.
(Imom Termiziy va Ahmad ibn Hanbal rivoyatlari)
Rasululloh s.a.v.ning ushbu tavsiyalari ilm o'rganishga azm qilgan kishining fazilatiga dalolatdir.

Abu Dardodan r.a. rivoyat qilingan hadisi sharifda esa shunday marhamat qiladilar:"Kim ilm o'rganish uchun yo'lga otlansa, Alloh taolo unga jannat yo'lini osonlashtiradi. Malaklar ilm tolibining amalidan xushnud bo'lganlaridan qanotlarini yozadilar. Yerdagi va samodagi barcha mavjudotlar va hatto baliqlar ham ilmli kishiga istig'for keltirib, unga Allohdan avf tilaydilar. Olimning obiddan ustunligini misoli to'lion oyning boshqa yulduzlardan ustunligi kabidir. Shubhasiz, olimlar Payg'ambarlarning merosxo'rlaridir. Muhaqaqki, Payg'ambarlar o'zlaridan keyin na bir dinor, na bir dirham qoldirurlar. Ular faqat ilmni meros qoldiradilar. Kim uni olsa, o'ziga juda ulug' bir ulush olgan bo'lur".
(Abu Dovud, termiziy, Ibn Moja, Ibn Xibbon va Byahaqiy rivoyatlari)

Shuningdek, bu xususda Safvon bin Assaldan r.a. shunday hadis naql qilingan:"Rasululloh s.a.v.ning xuzurlariga borgan edim. U zot masjidda qizil xirqada edilar.
- Yo Rasululloh s.a.v. men ilm istab keldim,-dedim.
Bunga javoban marhamat qildilar:
- Ilm tolibiga marhabo, muhaqqaqki, ilm tolibiga farishtalar qanotlarini yozadilar, keyin u ilm tolibi istagan narsaga bo'lgan sevgi  va muhabbatlaridan bir-birlariga singgan holda dunyo samosiga tushadilar".
(Ahmad ibn Hanbal,Tabaroniy, Ibn Hibbon, Hakim rivoyatlari)

To'rtinchi tavsiya.
Tang ahvolda qolgan kimsalarga yordam qo'lini uzatishning fazilati.

Abdulloh ibn Umardan r.a. rivoyat qilinishicha Rasululloh s.a.v. marhamat qiladilar:"Musulmon musulmonga birodardir.Unga zulm qilmaydi, uni boshqalarga taslim ham etmaydi. Kim bir birodarining xojatiga yetishsa, Alloh ham uning xojatiga yetishgay. Kim bir musulmonni g'amdan halos etsa, Alloh ham uni Qiyomatda g'amdan xalos etadi. Kim bir musulmonni ixota qilsa, Alloh ham uni Qiyomat kunida ihota qilur."
(Imom Buxoriy, Muslim rivoyatlari)

Yana bu xususda Abu Hurayradan r.a. Rasululloh s.a.v.ning ushbu hadislari rivoyat qilinadi:"Kim bir mo'minning dunyo azoblaridan bir azobdan tin olishiga imkon bersa, Alloh taolo ham uni Qiyomat kunida azoblaridan bir azobdan tin oldiradi. Kim qiyinchilikda qolgan bir kimsaga yordam qo'lini cho'zsa, Alloh ham unga dunyo ham oxiratda ihota etadi. Banda birodarining yordamida bo'lgan muddatida Alloh ham u bandaning yordamida bo'lur. Kim ilm talabida yo'lga chiqsa Alloh unga jannat yo'lini osonlashtirgay.Hech bir jamoat yo'qki, Alloh uylaridan bir uyda Allohning kitobini o'qimoq va oralarida o'rganib tadqiq etmoq uchun jam bo'lsalar-u, ustlariga xazina tushmagan, ularni rahmat qoplab, malaklar o'rab olmagan bo'lsin va Alloh taolo ularni O'z xuzuridagilarga xabar bermagan bo'lsin. Kim amalni orqaga sursa, nasli uni oldinga o'tkazishni tezlashtira olmaydi".
(Imom Muslim rivoyati)

Beshinchi tavsiya.
Allohga sajda qilishning fazilati.

Ma'dan ibn Abu Talha r.a. naql qiladilar:"Rasulullohning s.a.v. mavlosi Savbonni uchratdim va unga shunday dedim:
- Amal qilganimda Alloh meni jannatiga qo'yadigan bir ishni ayting. (Boshqa bir rivoyatda "Alloh yahshi ko'radigan amalni ayting" deyiladi.)
Bunga javoban u biroz sukut saqlab turdi, keyin men takror so'radim, yana sukut saqladi, keyin uchinchi marta so'radim, u shunday dedi:
- Men bu xaqda Rasulullohdan s.a.v. so'ragan edim, menga shunday javob qildilar:"ko'p sajda qilishga harakat qiling. Chunki Allohga qilgan har bir sajdangiz uchun Alloh sizni bir daraja ko'taradi, sizdan bir xatolikni o'chiradi".
(Imom Muslim,Termiziy, Nasaiy,Ibn Moja)

Uboda ibn Sobitning r.a. Rasululloh s.a.v.dan shu hadisni eshitgan rivoyat qilinadi:"Allohga sajda qilgan hech bir banda yo'qki, Alloh bu sajda tufayli unga bir hasana yozib, undan bir gunohni o'chirmagan bo'lasin va sajda tufayli uni bir daraja ko'tarmagan bo'lsin. Shu sababdan ko'p sajda qiling".
Ibn Moja.

Shuningdek, bu xususda Huzayfadan r.a. Rasulullohning s.a.v. shunday marhamat qilganlari naql qilinadi:"Alloh uchun bandasining yuzini yerga qo'yib sajda qilgan holatidan sevimliroq hech bir holati yo'qdir".
Tabaroniy,"Al-Avsat".

Oltinchi tavsiya.
Sadaqaning fazilati.

Ka'b ibn Ujradan rivoyat qilinishicha, Rasululloh s.a.v. marhamat etdilar:
- Ey Ka'b, harom yo'l bilan ozuqlanib o'sgan na qon, na go'sht jannatga kirmas, u jahannamga loyiqdir. Ey Ka'b, insonlar tongda ikki holtda chiqadilar, biri bordirki, nafsining qullik zanjirini parchalab, bu sabab ila uni ozod etib chiqadi, boshqasi esa, uni bog'lab chiqadi.
Ey Ka'b, namoz yaqinlikdir, ro'za qalqondir, sadaqa esa go'yoki, gardning porloq toshdan qoib ketgani kabi xatolarni o'chirar".
Ibni Xibbon rivoyati.

Muoz ibn Jabaldan r.a. naql qilinishicha:"Rasululloh s.a.v. bilan birga safarda edik, u zot shunday dedilar:
- Ey, Muoz, sizga xayr eshiklarini ko'rsataymi?
Men bo'lsam:
- Ha, ko'rsating yo Rasululloh s.a.v.,-dedim.
rasululloh s.a.v. marhamat qildilar:
- Roza zirhdir, sadaqa esa suv otashni o'chirgandek xatolarni o'chirar".
Imom Termiziy rivoyati.

"Shubhasiz, sadaqa o'z egasidan qabrlarning otashini o'chiradi. Faqat va faqat mo'min qiyomat kunida sadaqasining soyasidan soya topadi".
Tabaroniy, Bayhaqiy rivoyatlari.

Maymuna binti Sa'd shunday rivoyat qiladi:"Yo, Rasululloh s.a.v., bizga sadaqa haqida tushuntiring", dedim. U zot marhamat qildilar:"Shubhasiz, sadaqa Alloh rizosi uchun bo'lib, u savobini Allohdan kutgan bandani otashdan to'sadi".
Tabaroniy rivoyati.

Yettinchi tavsiya.
Ikki rakat choshgoh namozi va oyda uchun kun ro'za tutishning fazilati.

Abu Hurayradan r.a. rivoyat qilinadi:"Mening habibim s.a.v. menga har oyda uch kun ro'za tutishimni, ikki rakat choshgoh namozini ado etishimni va uyqudan avval vitr namozini o'qishligimni tavsiya etdilar".
Imom Buxoriy, Muslim, Tremiziy, Abu Dovud, Nasaiy rivoyatlari.

Ibni Xuzaymaning kitobida esa bu hadis shu tarzda naql qilinadi:"Mening Habibim s.a.v. tark etmaganim uch narsani tavsiya qildilar:Vitr namozini o'qimasdan uxlamasligimni, ikki rakat choshgoh namozini qoldirmasligimni,chunki choshgoh namozi Allohga intilganlarning namozidir, har oyda uch kun ro'za tutishligimni".

Abdulloh ibn Amr ibn Osdan r.a. rivoyat qilinadi, Rasululloh s.a.v. shunday marhamat qilinadi:"har oyda uch kun ro'za tutmoqlik butun yil davomida ro'za tutish demakdir".
Imom Buxoriy, Muslim rivoyati.

Abu Zarrdan r.a. qivboyat qilinishicha, Rasuli Akram s.a.v. marhamat qiladilar:"Har bir tasbeh bir sadaqadir,har bir tahmid bir sadaqadir, har bir takbir bir sadaqadir. Yahshilikka buyurmoq bir sadaqadir. Yomonlikdan qaytarmoq bir sadaqadir. Choshgoh vaqtidagi namoz ham bunga bir badaldir".
Imom Muslim rivoyati.

Yana Abu Zarradan r.a. rivoyat qilinadi:"Rasululloh s.a.v. shunday marhamat qiladilar:"KIm har oyda uch kun ro'za tutsa, bu bir yil ro'za tutganga tengdir.
Alloh taolo  ham O'z Kitobida bu hukmni tasdiqlab marhamat qiladi:"Kim bir hasana keltirsa, unga o'n misli bordir".
"An'om surasi", 160-oyat mazmuni.
Shu sababdan bir kun o'n kunga to'g'ri keladi".
Imom Termiziy, Nasaiy, Ibn Moja, Ibni Xuzayma, Ahmad ibn Hanbal.

Abdulloh ibn Amrda r.a. rivoyat qilinadi:"Bir kishi Rasululloh s.a.v.dan ro'za haqida so'ragan edi. Rasululloh s.a.v. marhamat qildilar:"Har oyning o'n uchunchi, o'n to'rtinchi va o'n beshinchi kunlari ro'za tuting".
Tabaroniy rivoyati,"Al-Avsat."

Jarir r.a. Rasulullohdan s.a.v. bu hadisi sharifni rivoyat qiladi:"Har oyda uch kun ro'za tutmoqlik bir yil ro'za tutish demakdir. Har oyning 13,14 va 15 tongi Ayyomu-l-Biyddir".
Nasaiy va Bayhaqiy rivoyatlari.

Sakkizinchi tavsiya.
Tasbih namozi.

Tobe'inlardan Ikrima sahobiy Ibn Abbosdan rivoyat qiladi:"Rasululloh s.a.v. shunday marhamat qildilar:"Ey,Abdumutallibning o'g'li Abbos, sizga bir narsa beraymi? Sizga bir narsa baxsh etaymi?Sizga bir narsa tuhfa qilaymi? Sizga o'n gunohdan mag'firat ettirguvchi xislatni bildiraymi? Buni bajrganingizda, ALloh sizning avvalgi va keyingi, eski va yangi, hoh bilib qilganingiz, hoh bilmay qilganingiz, hoh katta, hoh kichik, yashirin va ochiq bo'lsin, mag'firat qiladi. O'sha o'n xislat to'rt rakat namoz o'qimog'ingizdir. Har rakatda Fotiha surasini o'qiysiz, birinchi rakatning qiroatini tugatgach, qiyomda turib,"Subhallohi val-hamdulillahi va la' ila'ha illallohu vallohu akbar", deb o'n besh marta aytasiz, keyin ruku'ga borasiz, ruku'da bu duoni o'n marta zikr qilasiz, keyin boshingizni ruku'dan ko'tarib, yana o'n marta aytasiz, keyin sajdaga borasiz va sajdada ham o'n marta aytasiz,keyin boshingizni sajdadan ko'tarib yana o'n marta zikr qilasiz, keyin yana sajdaga borib o'n marta zikr qilasiz, keyin yana boshingiz ko'tarib o'n marta o'qiysiz. Bularning bari bir rakatda 75 marotabadir. Buni to'rt rakatda ado etasiz. Agar bu amalni har kuni bajarishga kuchingiz yetsa har kuni qiling. Agar kuchingiz yetmasa, har jum'ada qiling. Agar qila olmasangiz bir oyda bir marta qiling. Agar buni ham qila olmasangiz bir yilda bir marta qiling. Agar buni ham bajarolmasangiz umringiz davomida bir marta bo'lsa ham bajaring".
Abu Dovud, Ibn Moja, Ibn Huzayfa.

Tasbih namozi deb atalmish ushbu namozning fazilati g'oyatda ulug'dir. Ey musulmon birodarim, qo'lingdan kelganicha bunga ahamiyat ber. Alloh bizni va seni bu xayrda muvaffaq aylasin.
Ba'zi olimlar, masalan, Ibn Taymiya tasbih namozining rivoyat tarzini zaif ko'rishgan. Ibn Abbos naql qilgan hadis hasan hadis shartlariga yaqindir. Imom Zahabiy bu xususda hech narsa demagan. Abu Mansur ad-Daylamiy "Musnad-ul Firdavs"da:"Tasbih namozi isnod jihatidan eng sog'lom va eng mashhur namozdir", degan bo'lsa,Bayhaqiy:"Abdulloh ibn Muborak bu namozni o'qir edi. Solih kishilar buni bir-birlariga naql etardilar", deb aytgan. Abdulloh ibn Muborakdan avval yashab o'tgan Abdulaziz ibn Abu Dovud:"Kim jannatni hohlasa tasbih namozida davom etsin", degan.  Abu Hamid, Al-Juvayniy, Al-G'azzoliy va boshqalar ushbu namozni mustahab ekanligini ma'lum qilganlar.

To'qqizinchi tavsiya.
ALlohdan mag'firat va ofiyat tilamoqlikni fazilati.

Abul Fazl Abbos bin Abdumutallib r.a. naql qiladi:"Yo Rasululloh s.a.v. menga Allohdan istashim uchun bir narsa o'rgating", dedim.
"Allohdan ofiyat tilang", deb marhamat etdilar.
Bir nech kundan keyin yana:"Ey,Rasululloh s.a.v. menga Allohdan istashim uchun bir narsa o'rgating", dedim. Menga shunday marhamat qildilar:"Ey,Abbos, ey payg'ambarning amakisi, Allohdan dunyo va oxiratda ofiyat tilang".
Imom Termiziy rivoyati.

Aziz birodarim. Endi quyida Rasululloh s.a.v. ashoblariga o'rgatgan ba'zi duolarni keltiramiz.
Ibni Umardan r.a. shunday rivoyat qilinadi:"Rasululloh s.a.v. ashoblariga ushbu kalimalar bilan duo qilmasdan majlisdan kamdan-kam turar edilar:"Allohim biz bilan Senga nisbatan isyonlarning orasida to'siq bo'lguvchi taqvoyingdan, bizni jannatingga tekazuvchi toatingdan va bizga dunyo musibatlarini osonlashtiruvchi yaqin sobit iymondan bizlarga taqsim ayla. Bizni yashatganing muddatgacha quloqlarimizdan, ko'zlarimizdan va quvvatlarimizdan bizlarni foydalantir. Bularni o'limimizga qadar barqaror ayla. Qasosimizni faqat bizlarga zulm etganlarga qarshi qil. Dinimizni musibatli qilma, dunyo uchun g'am chekishlikdan va dunyo uchun ilmni vosita qilishlikdan bizni asra. Marhamatsizlarni bizning ustimizga musallat etma".
Imom Termiziy rivoyati.

Abu Hurayra r.a. Rasulullohdan s.a.v. usbu hadisni rivoyat qiladilar:"Kimki og'ir va g'amgin damlarida Alloh taolo duosini qabul qilishini  hohlasa, farog'atli damlarida ham ko'p duo qilsin".
Imom Termiziy rivoyati.

Abdulloh ibn Mas'uddan r.a. rivoyat qilinishicha, Rasululloh s.a.v. shunday marhamat etdilar:"Ey, Allohim, men Sendan hidoyat, taqvo, iffat va boylik tilayman".
Imom Muslim rivoyati.

Toriq ibn Ashyam al-Ashjoiy r.a. aytadi:"Bir kishi musulmon bo'lganida Rasululloh s.a.v. unga namoz o'qishlikni o'rgatar, keyin ushbu so'zlar bilan duo qilishni buyurar edilar:"Allohim meni mag'firat qil, menga marhamat ayla, meni hidoyatga yetkaz, menga ofiyat ber va meni rizqlantir".
Imom Muslim rivoyati.

Imom Msulimdan rivoyat qilingan bishqa bir hadisdaToriqning r.a. Rasululloh s.a.v. dan shuni eshitgani naql qilinadi:"Bir kishi kelib Rasulullohga s.a.v. dedi:"Yo Rasululloh, Rabbimdan bir narsa tilaganimda qanday tilayin?"
U Zot marhamat qildilar:"
Shunday deng:"Allohim, meni mag'firat qil, menga marhamat ayla, menga ofiyat ato et va meni rizqlantir". Mana shularning bari sizning dunyo va oxiratingizni ta'minlaydi".

Abu Hurayradan r.a. rivoyat qilinishicha:"Rasululloh s.a.v. marhamat etdilar:"Allohim ustida turganim ishimni xatolardan muhofaza etguvchisi bo'lgan dinimni men uchun isloh qil. Ichida rizqlanayotganim dunyoyimni ham men uchun isloh qil. Ichida oxirgi borar joyim, qaytishim bo'lgan oxiratimni ham men uchun isloh qil. Men uchun barcha yahshiliklarda hayotni barqaror ayla. O'limni esa menga har qanday yomonliklardan uzoq holda oson ayla".
Imom Muslim.

Abu Imoma r.a. shunday dedi:"Rasululloh s.a.v. shunday duo qildilarki, biz uni yodlab ololmadik. Shuning uchun:"Yo Rasululloh s.a.v. shunday duo qildingiz-u, biz ulardan hech nima eslab qololmadik,-dedik.
Rasululloh s.a.v shunday marhamat etdilar:
- Sizga bularning barisini o'zida jamlagan narsani duoni o'rgataymi? SHunday deysiz:"Allohim, Sendan Payg'ambaring Muhammad s.a.v. tilagan xayrli narsalarni Sendan tilayman. Payg'ambaring Muhammad a.s. sharridan Senga sig'ingan yomonliklardan Senga sig'inaman. Oxir qaytish Sengadir. Allohdan boshqa quvvat va mone' yo'qdir".
Imom Termiziy rivoyati.