O’ttiz oltinchi tavsiya.
Qo’shniga izzat ikrom ko’rsatish bayonida.

Abu Zarr r.a. rivoyat qiladilar:"Rasululloh sav shunday marhamat etdilar:"Ey, Abu Zarr, sho’rva pishirganingizda suvini ko’proq quying va qo’shnilaringizga xabar oling".
Imom Muslim.

Yana Abu Zar r.a. shunday deydi:"Sodiq do’stim menga shuni tavsiya etdilar va aytdilar:"Sho’rva pishirganingizda suvini ko’proq qiling, keyin qo’shnilaringizdan xabar oling va ularga muvofiq ravishda sho’rvadan solib bering".

Abu Hurayradan r.a. rivoyat qilinadi:"Rasululloh sav marhamat etdilar:"Rasululloh sav marhamat etdilar:"Kim Allohga va oxiratga iymon keltirgan bo’lsa, musofirga izzat ikrom ko’rsatsin, kim Allohga va oxirat kuniga iymon keltirgan bo’lsa, yahshi so’z so’zlasin yoki sukut saqlasin.
Imom Buxoriy, Muslim.

O’ttiz yettinchi tavsiya.
Kambag’allarni yahshi kp’rishlik bayonida.

Abu Zarr r.a. aytadi:"Sodiq do’stim menga yetti narsani tavsiya qildilar:Kambag’allarni yahshi ko’rishimni, ularga yaqin bo’lishimni, mendan past bo’lganlarga qarashimni, o’zimdan yuqori bo’lganlarga qaramasligimni, menga aziyat yetkazgan bo’lsa-da, qarindoshimni ziyorat qilishimni, "œla’ havla vala’ quvvata illa’ billah", kalimasini ko’p takrorlashimni, achchiq bo’lsa hamhaqiqatni gapirishimni, insonlardan hech narsa istamasligimni".
Ahmad ibn Hanbal, Tabaroniy.

O’ttiz sakkizinchi  tavsiya.
Kambag’allik va boylik bayoni.

Abu Zarr r.a. Rasululloh sav unga shunday marhamat qilganlarini aytadi:"Ey, Abu Zarr, molning ko’pligini boylik hisoblaysanmi?" Men:"Ha, Yo,Rasululloh sav", dedim. U kishi:"Molning kamligini kambag’allik nishonasi deb bilasizmi", dedilar. Men:"Ha, yo, Rasululloh sav", dedim. U zot shunday marhamat qildilar:"Boylik aslida qalb va ko’ngil boyligidir. Kambag’allik esa qalb va ko’ngil kambag’lligidir. Kim qalban boy bo’lsa dunyoda ducha kelgan narsalari unga zarar yetkaza olmas. Kim qalban kambag’l bo’lsa, dunyodan ortiq uni boy qiladigan narsa yo’qdir va dunyoning xasisligi uning nafsiga zarar yetkazishi mumkin".
Ibn Hibbon.

O’ttiz to’qqizinchi tavsiya.
Allohdan qo’rqishlik bayoni.

Abu Zarr r.a. naql qiladi:"Rasulullohga sav aytdim:"Yo Rasululloh sav, menga bir tavsiya bering". Shunday marhamat qildilar:"Allohdan qo’rqing,zero, bu barcha ishlarning boshidir". Men:"Yo Rasululloh sav, yana biron tavsiya bering", dedim. "œQur’on o’qing, chunki bu sizga dunyoda nurdir,samoda esa biriktirilgan sarmoyadir".
Ibn Hibbon rivoyati.

Qirqinchi tavsiya.
Qur’on o’qishlik fazilati.

Abu Umoma al-Bohiliydan r.a. rivoyat qilinishicha,u Rasulullohning sav shunday deganlarini eshitdim:"Qur’on o’qingiz, zero, Qur’on qiyomat kunida Qur’on ahliga shafoat qiladi. Baqara va Oli Imron suralarini o’qing, zero, bu ikkisi qiyomat kunida ikki bulut kabi yoki saf tortgan qush galasi kabi ashobini muhofaza qilishga keladi. Baqara surasini o’qing, zero, uni qo’lga kiritish barakotdir, tark etish zarardir. Unga sehr qiluvchilarning kuchi yetmaydi".
Imom Muslim.

Abdulloh ibn Amr ibn Osdan r.a. rivoyat qilinishicha,Rasululloh sav marhamat etgalar:"Qur’on ashobiga:"O’qi, yuksal, dunyoda to’g’ri o’qiganingdek o’qi, sening maqoming eng oxirgi o’qigan oyatingga qadardir",deyiladi".
Imom Termiziy, Abu Dovud,Ibn Moja,Ibn Hibbon.

Qirq birinchi tavsiya.
Xayrli amallar bayoni.

Anas ibn Molik ra rivoyat qiladi:"Tamim qabilasidan bir kishi Rasulullohning sav xuzurlariga keldi va:"Yo Rasululloh sav, mening ko’p tuyalarim bor, mol-mulk va do’stlarim bor. Menga nima qilishimni, xayr yo’lida qanday sarflashimni ayting", dedi. Rasululloh sav marhamat qildilar:"Molingizdan zakotni chiqarasiz, zero, bu sizni poklaydigan bir poklovchidir. Qarindoshlaringiz bilan munosabatingizni davom ettirasiz, kambag’al qo’shni va tilanchilarning haqqiga rioya qilasiz".
Ahmad ibn Hanbal. "œMusnad".

Qirq ikkinchi tavsiya.
G’amdan va qarzdan xalos bo’lish uchun duo.

Abu Said al-Xudriy r.a. aytadi:"Bi rsafar Rasululloh sav masjidga brogan edilar. Qarasalar, ansordan Abu Umoma degan kishi masjidda o’tirgan ekan.Unga:"Ey Abu Umoma, nima bo’ldi, namoz vaqti bo’lmasa ham masjidda o’tiribsiz. Nima gap?"dedilar. U:"yo Rasululloh sav, qarz va g’am-alamlar yoqamni qo’yib yubormayapti", dedi. Rasululloh sav:"Sizga bir duo o’rgataymi? Agar uni o’qisangiz, Alloh taolo g’amingizni ketkazadi, qarzdan xalos etadi", dedilar. U:"Ayting, yo Rasululloh sav", dedi. U kishi shunday marhamat qildilar:"Tongda va oqshomga chiqqaningizda shunday deng:"Allohumma a’uzu bika minal hammi val huzni va a’uzu bika minal buhli val jubni va a’uzu bika min g’alabatid-dayni va qahrirrija;li". Abu Umoma shunday deydi:"Men shunday qildim,Alloh taolo menga g’am-anduh va qarzdan xalos bo’lishimni nasib etdi".
Abu Dovud.

Qirq uchinchi tavsiya.
Uyqudan avval o’qiladigan duo.

Abu Umora al-Baro ibn Ozib r.a. rivoyat qilishicha, Rasululloh sav shunday marhamat etganlar:"Ey, falonchi, uyquga yotishdan oldin shunday deng:"Allohumma aslamtu nafsi ilayka va vajjahtu vajhi ilayka va favaddtu amri ilayka va alja’tu zahri ilayka va rohmatan ilayka la’ malja’a va la’ manja’ minka illa ilayka a’mantu bi kitabika allaziy anzalta va nabiyyaka allaziy arsalta fainnaka in kittu min laylatika mittu a’lal fitrati va in asbahtu asbahtu xoyron".
Imom Buxoriy, Muslim.

Abu Said al-Xudriydan r.a. naql qilinishicha, Rasululloh sav shunday marhamat etganlar:"Kim yotig’iga kirgan paytida:"Astag’firulloha allaziy la’ ila’ha illa’hu al Hayyul Qayyuma va atubu ilayh", desa, gunohlari dengiz ko’pigi, daraxt berglari, qum uyumining zarralari va dunyo kunlarning adadicha bo’lsa ham, kechiriladi".
Imom Termiziy.

Anas ibn Molik r.a. rivoyat qiladi:"Rasululloh sav shunday marhamt qiladilar:"Kim yotog’iga kirganida:"Alhamdulillahillaziy kafa’ni val hamdulillahillaziy manna alayya fa afzala", desa, butun maxluqotning maqtovi ila hamd aytgan bo’ladi".
Bayhaqiy.

Qirq to’rtinchi tavsiya.
Uyqusiz kishi o’qiydigan duo.

Zayd ibn Sobit r.a. shunday deydi:"Rasulullohga sav uyqusizligimdan shikoyat qildim. U kishi marhamat qildilar:"Shunday deng:"Allohumma g’aratin-nujumu va hada’atil uyuni va anta Hayyun Qayyumun la’ ta’xuzuka sinatun va la’ navmun ya’ Hayyu ya Qayyumu ahdi layli va anim ayni". Zayd ibn Sobit shunday deydi:"Men bu duoni o’qidim va Alloh taolo Mandan bu dardni zoil etdi".
Ibn Sunniy rivoyati.

Yana Rasululloh sav Xolid ibn Valid uyqusizlik dardiga chalinganida, unga shunday duo qilishlikni o’rgatganlar:"Allohumma Rabbas-samavatis-sab’i vama azallat. Va Rabbil — arzina vama’ akallat va Rabbash-shayatina vama’ adallat. Kun li ja’ran min sharri xalqika kullihim jaim’an an yafruta alyya ahadun min hum av an yatg’a, Azza ja’ruka va Jalla sana’uka".
Imom Termiziy, Tabaroniy.

Qirq beshinchi tavsiya.
Eng fazilatli inson.

Abu Said al-Xudriy r.a. naql qiladi:"bir kishi:"Yo Rasululloh, insonlarning qay biri fazilatliroqdir?", dedi. Marhamat etdilarki:"Mo’min bo’lgan, joni va moli bilan Alloh yo’lida jiddu jahd etgan kishidir". U kishi:"Undan keyin kim?",dedi. "œVodiylardan bir vodiyga chekinib, Robbiga yuzlanib ibodat qilgan kishidir", deya marhamat qildilar".
Imom Buxoriy,Muslim.