Muallif Mavzu: HAROMGA BOQMANG HALOLIZGA KO’Z TEGADI.  ( 2238 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

okahon.8800

  • Full Member
  • ***
  • Rahmat
  • -aytdi: 0
  • -oldi: 4
  • Xabarlar: 114
HAROMGA BOQMANG HALOLIZGA KO’Z TEGADI.
« : 14 Oktyabr 2015, 14:32:33 »

HAROMGA BOQMANG HALOLIZGA KO’Z TEGADI.

Ikki ko’z olloh taoloning  insonga ato etgan eng ulug’ nematlaridan biri hisoblanadi. U bilan inson borliqdagi ajoyibotlarni tamosha qilib zavq oladi. Ko’rishlik ne’matidan maxrum bo’lgan inson “qaninidi bu yoruq olamni bir bora korsam” - degan orzu bilan yashaydi. Ming afsuslar bo’lsinki ko’zni nomahramlardan saqlashlik juda qiyin ishlardan biridir.
Alloh taolo mo’min musulmonlarni o’zlariga nomaxram bo’lganlarga shaxvat nazari bilan qarashdan qaytargan. Quroni karimda
قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ (30) وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ
Ey Muhammad (sav) mo'minlarga ayting, ko'zlarini tiysinlar va farjlarini saqlasinlar. Ana shu ular uchun pokdir. Albatta, Alloh nima hunar qilayotganlaridan xabardordir. Mo'minalarga ayting: «Ko'zlarini tiysinlar, farjlarini saqlasinlar ….( Nur surasi 30)
Ibni Javziy (rh) aytadilar: “Sizning ko’zingiz Ollohning ulkan nemati, bu ne’matida Olloh taologa osiy bo’lmang”. Darhaqiqat bunday nematni bergan zot qiyomat kunida bu bergan ne’mati borasida albatta so’raydi. Olloh taolo Quroni Karimda:
إن السمع و البصر و الفؤاد كل أولئك كان عنه مسؤولا
Albatta quloq ko’z va qalb, ularning barchasi qiyomat kunida so’ralguvchidirlar.
عن أبي هريرة رضي الله عنه قال قال رسول الله صلى الله عليه و سلم : لكل بن آدم حظه من الزنا فالعينان تزنيان وزناهما النظر واليدان تزنيان وزناهما البطش والرجلان تزنيان وزناهما المشي والفم يزني وزناه القبل والقلب يهم أو يتمنى ويصدق ذلك الفرج أو يكذبه

Abu hurayra roziyallohu anhudan rivoyat qilingan hadisi sharifda Payg’ambarimiz sollollohu alayhi vasallam aytadilar: “Har bir odam bolasini zinodan nasibasi bordir, bas ikki ko’z zino qiladi ularning zinosi qarashlik. Ikki qo’l zino qiladi ularning zinosi ushlashlik. Ikki oyoq zino qiladi ularning zinosi yurib borishlik. Lab zino qiladi uning zinosi o’pishlik. Qalb zinoni o’ylaydi yoki orzu qiladi, farj esa yo uni tasdiq qiladi (ro’yobga chiqaradi) yoki yolg’onga chiqaradi”. Imom Buxoriy va Muslim rivoyati.
Hadisi sharifaga etibor qilsak, Payg’ambarimiz (sav) ikki kozni zinosi deb boshladilar. Chunki qo’l oyoq va boshqa azolarni zinoga yetaklaydigan ham ikki koz hisoblanadi. Agar ikki koz qaramaganda yoki ko’rmaganda qo’l ushlamagan oyoq esa yurib bormagan bo’lar edi.
Har bir gunohning jazosi uning jinsidan boladi. Shuningdek zinonig jazosi ham.
Qadimda bir zargarning din-u diyonatlik, iffatlik ayoli bo’lib, bir kuni zargar do’konidan uyiga qaytib kelsa ayoli yiglab o’tirgan ekan. Zargar hayron bo’lib ayolidan,
-nima uchun yeg’layapsiz? -deb so’rasa ayoli  ? Necha yillab uyimizga suv toshib beradigan hizmatkorimiz bugun ham suvni olib kelgan edi, men uyni darvozadan suvni olmoqchi bo’lgan edim qo’limni ushlab oldi. Hayotimda biror bir nomaxram erkak kishini qo’li menga tegmagan edi.  Siz bugun qanday yomon ishga qo’l urdingiz?
Zargarni rangi oqarib,dod degancha otirib qoldi va do’konidagi voqeani aytib berdi. Do’konimga bir ayol kelib, mendan bir juft bilak uzuk harid qilgan edi, men uning qo’llarini ushlab bilakuzukni taqib qo’yganimning jazosini Ollohim menga qaytaribdi- degan ekan.
Bu dunyo qaytar dunyo, har kim o’zgani ayoliga badnazarlik bilan qaraydigan bo’lsak, uni ham ham ayoliga badnazarlik ila qarovchilar ham topiladi.  Shuning uchun “ haromga boqmang - halolizga ko’z tegadi” deya bejizga aytishmas ekan.
Xabarlarda   من زنى زني به ولو بحيطان داره Kim zino qilsa uni ham zinosini qiladilar garchi devoliga ishqab bo’lsa ham- deyiladi.Olloh taolo barchalarimizni badnazarlikdan o’zi saqlasin.

SALMON FORISIY JOME MASJIDI IMOM XATIBI RAHIMOV ILHOMJON.
VAHM MASJIDI IMOM XATIBI SAIDUMAROV UMARXON