Muallif Mavzu: kiyinish madaniyati  ( 7739 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

okahon.8800

  • Jr. Member
  • **
  • Rahmat
  • -aytdi: 0
  • -oldi: 4
  • Xabarlar: 89
kiyinish madaniyati
« : 17 Noyabr 2015, 14:14:36 »
KIYINISH MADANIYATI.
Qadimdan har bir millat va elatning urf odati, manaviy dunyoqarashini ustida aks ettirib turadigan o’ziga hos kiyinish uslublari bo’lgan.  Libos insonning avratini yopadigan va insonga yarashimlik ziynat bo’ladigan kiyim bo’lishligi kerak.
Libos Alloh taoloning insoniyatga bergan ulug’ ne'matlardan biridir.
Qur'oni karimda marhamat qilinadi:
“Ey, Odam bolalari, batahqiq, sizlarga avratlaringizni to'sadigan libos va ziynat libosini nozil qildik. Taqvo libosi, ana o'sha yaxshidir. Ana o'shalar Allohning oyat-belgilaridir. Shoyadki eslasalar”(A'rof, 20).
Muqaddas islom dinimiz ta’limotlarida kiyinish odobiga aloida ahamiyyat qaratilgan. Kiyinish madaniyyati  arzimagan narsa emas, balki bu juda ham etiborga sazovor ishlardandir. Zero, o’ziga va o’zgalarga xurmati bor or-nomuslik har qanday inson, o'zining obro'sini saqlaydigan, boshqalarning nafratini qo'zitmaydigan bo'lib kiyinadi.
Hikoya qilishlaricha  Umar roziyallohu anhuning oldilariga bir ayol eridan shikoyat qilib keldi. U:“Men erimdan talog'imni so'rayapman,u  esa talog'imni bermayapti, erimdan ajralmoqchiman, u bilan yashashni istamayman”, - dedi. Umar roziyallohu anhu uning erini chaqirtirdilar. U kelgandan keyin: Buni hammomga olib borib,yaxshilab hammom qildirib,yaxshi kiyimlarni kiyintiringlar, uning soch soqoliga ziynat beringlar”, - dedilar. Ular shunday qilishdi. Ayol hali o'sha masjidda o'tirardi. U sahobiyni olib kelishganida,Umar roziyallohu anhu u kishiga qarata: “Ey sahobiy, ayoling sendan shikoyat bilan kelgan:buning javobini berarkansan, rozimisan? – deganlarida, ayol erkakka qaradi va: “Bu kim ey Umar?” -dedi. Umar roziyallohu anhu:“Bu sening ering”, - dedilar. Ayol: “Eh, mening shunday erim bor ekan, men bundan aslo ajralmayman”, deb uylariga ravona bo'lishgan ekan.
Kiyim olib kiyishga imkoniyati bo’la turib, juda ham o’ngib eskirib , yuvilmaganidan hidlanib ketgan yirtiq yamoqda kiyimni kiyib yurishlik musulmon insonga yarashmaydigan holatlardan biridir. Zero hadisi sharifalarda
Payg'ambar sollallohu alayhi vasallam bir kuni sahobalar bilan o'tirganlarida birodam kirib keldi. Ust kiyimi kir edi, kiyimiga kamroq eьtibor bergan edi. Shunda Rasululloh sahobalarini chaqirib: “Tezda pul yig'inglar, yordam qilinglar, bu birodarimizni chiroyli kiyintirib qo'yaylik”, - dedilar. Bu gapni eshitgan sahobiy: “Ey Rasullulloh, men o'zimga kiyim sotib olishga qodirman”, - deganda. Rasuli akram sollallohu alayhi vasallam: “Alloh taolo bir bandaga bir ne'mat bergandan keyin, uni asarini ko'rinib turishini yaxshi ko'radi”,- dedilar.
Bugungi kunda ayrim yoshlarimiz “ommaviy madaniyat” ning ta’siriga tushib qolganliklari hech kimga sir emas. Ko‘pincha ayrim yoshlar o‘zimizning milliy va diniy qadriyatlarimizni ifoda etadigan liboslarimiz o’rniga chet el urf odatlariga xos, milliyligimizga mutlaqo zid bo’lgan kiyimlarni kiyishlikni afzal ko’rmoqdalar. Masalan qizlarning ayrim azolarini bo’rtib bilinib tursin uchun chiqarilgan fudbolka, shim va yupkalar. Yoki o’gil bolalar kiyayotgan sintetik matodan ishlangan tor shim va shunga oxshash liboslar bunga yaqqolmisol bo’la oladi.
Biz o’zbek o’glonlarimiz har qanday holatda ham milliyligimizni unutmagan holda, o’zimizga yarashimlik liboslarni kiyishimiz darkor.
SALMON FORISIY JOME MASJIDI IMOM XATIBI RAHIMOV ILHOMJON
VAHM MASJIDI IMOM XATIBI SAIDUMAROV UMARXON

MirzoMuhammad

  • Full Member
  • ***
  • Rahmat
  • -aytdi: 3
  • -oldi: 28
  • Xabarlar: 246
  • Jins: Erkak
  • رب زدني علماً
Javob: kiyinish madaniyati
« Javob #1 : 11 Aprel 2016, 11:26:24 »
Табиийки, «оммавий маданият» деган ниқоб остида ахлоқий бузуқлик ва зўравонлик, индивидуализм, эгоцентризм ғояларини тарқатиш, керак бўлса, шунинг ҳисобидан бойлик орттириш, бошқа халқларнинг неча минг йиллик анъана ва қадриятлари, турмуш тарзининг маънавий негизларига беписандлик, уларни қўпоришга қаратилган хатарли таҳдидлар одамни ташвишга солмай қўймайди.

Ислом КАРИМОВ

ОММАВИЙ МАДАНИЯТ ВА ЁШЛАР ТАРБИЯСИ
Ҳозирги кунда миллий қадриятларимизга таҳдид солаётган “Оммавий  маданият” кўпчиликни ташвишга солмоқда.замонавий тараққиёт ва илҳор технология билан ҳамнафас бўлишлик  қувонарли  ҳол.  Бироқ,  глобаллашув жараёнларида  турли  ғоялар  кураши,  ахборот  хуружлари, мафкуравий  тазйиқларнинг  тобора  авж  олаётгани ташвишланарли ҳолатдур. Бугун  арзимасдек  туюлган  кичик  хабар  ҳам  эртага ёшларнинг  ҳаётига  катта  салбий  таъсир қилмоқда.
Аслида, ”Оммавий  маданият”  соясида  кириб  келаётган  ахлоқсизлик, беҳаёлик, зўравонлик  ва  бузуқлик  каби  ёмон  иллатлар  дунёдаги  ҳеч  бир  халқнинг  миллий  маданиятига ҳам, умумбашарий  қадриятларига  ҳам  мос  келмайди. Фикримизни далил учун бундан атиги юз йиллар аввалги тарихга назар ташласак кифоя. Ўша даврдаги ҳар қандай миллат ва элатнинг маданиятига қаранг – ҳеч қайси миллатда бунчалик очиқ-сочиқ кийнишни кўрмайсиз.
Айниқса  бизнинг  заминимизда  туғилиб  ўсган,  жаҳон  маданияти  ва цивилизациясига  ўз  ҳиссаларини  қўшган  Имом-ал  Бухорий, Ал-Хоразмий, Аҳмад  Фарғоний, Абу  Райҳон  Беруний,  Ибн Сино, Мирзо Улуғбек  ва  бошқа  кўплаб  буюк  зотларнинг авлодлари ҳеч қачон инсоний фитратга мос келмайдиган шаҳвоний туёғуларга эргашмасликлари керак.
Зеро, халқимизнинг маънавиятларига  йўғрилган ор-номус, уят  ва  андиша, шарму-ҳаё каби  тушунчалар бизнинг соф қонимизда мавж урмоқда. Уларни нобуд қилишлик бутун миллатимиз маънавиятига хиёнат бўлур. Айниқса, кексаларга  ҳурмат, ота-онага эҳтиром, мардлик  ва  жасурлик  сингари  туйғуларимиз  узоқ  ўтмишдан бугунги  кунгача  ўз  кўрку  тароватини,  миллийлигимизни  кўрсатиб  турадиган қадрият  ва  урф-одатларимиз бутун  дунё  халқларига ибрат бўлган. Шу маънавиятимиз замиридаги юксак инсоний ғоялар бугунги кунда ҳам бутун Ғарб халқлари томонидан эътироф этилмоқда.
Бизнинг маънавиятимизга мос келмайдиган ахлоқсизликни тарғиб қилувчи “Оммавий маданият”  бугун ёшларнинг тарбиясига, ахлоқига салбий таъсир кўрсатаётгани эса ачинарли ҳол. Негаки, ёмон иллатлар ҳамма вақт   юқумли бўлган. Уларни юқтирмаслик учун кучли мафкуравий иммунитет керак бўлади. Бундай иммунитетни ҳосил қилишда энг аввало тарихий онг, тарихий хотира ва қадриятларга бўлган ҳурматни шакллантириш лозим. Бу борада Президентимиз  И.Каримовнинг қуйидаги фикрларини келтириш мақсадга мувофиқ:
“Биз халқимизнинг дунёда хеч кимдан кам бўлмаслиги, фарзандларимизнинг биздан кўра кучли, билимли доно ва албатта бахтли бўлиб яшаши учун бор куч ва имкониятларимизни сафарбар этаётган эканмиз, бу борада маънавий тарбия масаласи, ҳеч шубҳасиз, беқиёс аҳамият касб этади. Агар биз бу масалада ҳушёрлик ва сезгирлигимизни, қатъият ва масъулиятимизни йўқотсак, бу ўта муҳим ишни ўз ҳолига, ўзибўларчиликка ташлаб қўядиган бўлсак, муқаддас қадриятларимизга йўғрилган ва улардан озиқланган маънавиятимиздан, тарихий хотирамиздан айрилиб, охир- оқибатда ўзимиз интилган умумбашарий тараққиёт йўлидан четга чиқиб қолишимиз мумкин”.
(Фикр.Уз сайти мақолаларидан фойдаланилди)

Иномиддин Сулаймонов. Икром ҳожи жоме масжиди мутаваллиси. Асака
Нима камиб қоларди бу дунёга келмасам.
Келдиму, не фойда бор дунё сирин билмасам.
Илмлар уммонида бир умр чўмилмасам
Нега келдим дунёга илм талаб қилмасам.

 

Kiyinish madaniyati

Muallif MargilanetsBo'lim Madaniyat

Javoblar: 128
Ko'rilgan: 70049
So'nggi javob 27 Aprel 2012, 17:00:25
muallifi Ansora
Bilim olish madaniyati

Muallif shoirBo'lim Madaniyat

Javoblar: 26
Ko'rilgan: 22867
So'nggi javob 21 Iyun 2009, 19:17:45
muallifi Abdullah_Hayrullah
So'zlashish madaniyati

Muallif FoniyBo'lim Madaniyat

Javoblar: 24
Ko'rilgan: 31281
So'nggi javob 16 May 2018, 02:26:50
muallifi AbdurRohman
Axloqning bir bo‘lagi yoxud mobil telefondan foydalanish madaniyati

Muallif Ulugbek-UzBo'lim Madaniyat

Javoblar: 8
Ko'rilgan: 8175
So'nggi javob 19 Sentyabr 2008, 21:48:39
muallifi Mr.Twister
O'zbek madaniyati haqida yangi blog

Muallif uzbekguyBo'lim Madaniyat

Javoblar: 1
Ko'rilgan: 5708
So'nggi javob 22 Oktyabr 2008, 22:47:19
muallifi ZUBAIR