<<Qizil Rawaqtiki Chüsh>> Nezmiliridin!

<<Qizil Rawaqtiki Chüsh>> Nezmiliridin!
Uyghurche (esliy terjime)


Öz waqtida beg – ghojamlar tolghan saray,

Ghurbet bésip, quruq sölet dalan boldi

Bir chaghlarda bezme, meshrep qaynighan jay,

Güller tozup, del - derexler xazan boldi.

Zer torusqa ömüchükler baghlidi tor,

Gül penjirler ot - giyagha ashyan boldi.

Upa – englik, xushpuraqning ne hajiti?

Qiraw qondi, chachqa qériliq ayan boldi.

Kéche tupraq ara kirse murda, bügün __

Ashiq – meshuq hujra ara pinhan boldi.

Sanduq – sanduq altun – kümüsh saqlighanlar,

Köz achqiche gadayliship weyran boldi.

Ömri qisqa dep özgidin ah urghanlar,

Kélip özi u alemge rawan boldi.

Atisidin qattiq tenbih alghan zatlar,

Éhtimalim qilmishliri esyan boldi.

Baywetchidin özige jor izdigenler,

Tapqan jayi xünük chala meydan boldi.

Tajisini kichik körüp keymigenler,

Kiyip qowuq yatqan yéri zindan boldi.

Axsham téxi jul – jul tondin ghingshighan’gha,

Bügün beglik chapinimu yaman boldi.

Biri texttin chüshse yene biri chiqti,

Aqiwette manga yat yurt makan boldi.

Qoyghine bu epsanini, henniwasi __

Bashqilargha axir toyluq chapan boldi.