O'zbek shoirlarining ajoyib sherlari  ( 238852 marta o'qilgan) Chop etish

1 ... 48 49 50 51 52 53 54 B


Muhammad Amin  20 Yanvar 2008, 02:07:39

Munosib

Ey gul, jigarim qoni uzoringg’a munosib,
Yuz porali ko’ksum dag’I xoringg’a munosib.

Sarf aylama har bexabara la’li qadising,
To qahru g’azab meni zoringg’a munosib.

Tun sog’arida sharbati bedorlig’ ichsang,
Mastonalig’ ul chashmi xumoringg’a munosib.

To qildi muattar xati rayhoni sahargoh,
Xushholligim husni bahoringg’a munosib.

Man’ etma tarahhum etibon, yor, yo’lungdin,
Ashkim yo’l aro man’I g’uvoringg’a munosib.

Dil manzarini pok etibon muntazir o’ldum,
Bo’lg’oymu ekin tab’I gulzoringg’a munosib?

Rashk otashini, Vaysiy, bugun ayla mukarrar,
Yuz sen kabi devona nigoringg’a munosib.

Qayd etilgan


Muhammad Amin  20 Yanvar 2008, 02:08:02

Kokulung

Bo’lmasaydi to parishonlig’da zebo kokuling,
Qilmag’aydim shona chog’ida tamosho kokuling.

O’rmasam erdim olib ilgimga ul mashshotni,
Qilmag’ay erdi meni olamga rasvo kokuling.

Yo xaridor o’lmasam erdim junun bozorida,
Solmag’aydi boshima yuz rangli savdo kokuling.

Huxni ruxsoring to’yo ko’rgan edim qadr tuni,
Qilmasaydi yuzlaring ustida g’avg’o kokuling.

Qolmag’aydim norasolar ta’nayi pinhonig’a,
Etmasaydi sirrimi elga huvaydo kokuling.

Qo’nmasaydi moh ruxsoringg’a ko’nglumning qushi,
Tushmagaydi tori to bo’ynumga yaldo kokuling.

Osmasayding jon olur vaqtinda zulfing dor etib,
Bo’lmag’aydi muncha Vaysiyga mujallo kokuling.

Qayd etilgan


Muhammad Amin  20 Yanvar 2008, 02:08:21

Mendin o'rgandi

Ki bulbul nola, afg’on aylamakni mendin o’rgandi,
Vujudin sham’I so’zon aylamakni mendin o’rgandi.

Borib sahroga, qon bag’rimdin izhor ayladim bir kun,
Falak bag’rin qizil qon aylamakni mendin o’rgandi.

Shafaq xun bo’lg’usi, dil, yor mehri gar nihon bo’lsa,
Samo gulguni domon aylamakni mendin o’rgandi.

Ko’rub abro’ hiloling, jon fido qildim jamolingga,
Ul oy husniga qurbon aylamakni mendin o’rgandi.

Fig’onkim, g’am tarog’I xasta ko’nglum resh-resh etti,
Sanam zulfin parishon aylamakni mendin o’rgandi.

Seni izlarman andoqkim, quyosh diydorin izlarda,
Kezib tun-kun, shitobon aylamakni mendin o’rgandi.

Qanoat qildi Vaysiy, topti dildin gavhari nazmin,
Sadaf ham durri g’alton aylamakni mendin o’rgandi.


Qayd etilgan


Muhammad Amin  20 Yanvar 2008, 02:08:47

Chiston

Ul na gumbazdur: eshigi, tuynugidin yo’q nishon,
Necha gulgunpo’sh qizlar manzil aylabdur makon.
Sindurub gumbazni, qizlar holidin olsam xabar,
Yuzlarida parda tortig’liq, turarlar bag’ri qon.


Qayd etilgan


Muhammad Amin  20 Yanvar 2008, 02:10:38

Oshiq bo'lmisham

Bir pari paykar sumanbar yora oshiq bo`lmisham,
La'li dilkash, so`zi xush dildora oshiq bo`lmisham.

Maddi ohim ko`kdadur, sorug` yuzumda ashki ol,
Ul qaddi ra'no, yuzi gulnora oshiq bo`lmisham.

Qilm gulqanding ila za'fim ilojin, e hakim,
menki, gulbargi shakar guftora oshiq bo`lmisham.

Nolau afg`on ertarman qumridek bulbul kabi,
Na ushunkim, sarvigulruxsora oshiq bo`lmisham

Lablaringdin to ko`rinshim xush-xush inju tishlaring,
La'li birla ul duri shahvora oshiq bo`lmisham.

Do`stlar ko`nglum olon zulfi musulmonkush erur,
Kofiredur, kokuli zunnora oshiq bo`lmisham.

O`zni qutqarmoq uchun yeldim-yugurdim har sari,
Oh vovayloki, bora-bora oshiq bo`lmisham.

Manzilu ko`yu, aloyiq bandidin ozodman
To tariqi `hojai Ahrora oshiq bo`lmisham.

Baski, sargardon, quyun yanglig` yugurmakdur ishim,
Ishq vodisiga man ovora oshiq bo`lmisham.

Vaysiydin xush istamaklik yo`q munosib ne uchun?
Bir pari paykar sumanbar yora oshiq bo`lmisham.


Qayd etilgan


Muhammad Amin  20 Yanvar 2008, 02:11:21

Ikkinchi ilova. Sherlar mavzusi.

Uvaysiy

Uvaysiyman
Ko’ngul dog’ o’ldi...
Sog’indim
Qabul etkil
Chiqib ishq o’ti...
Munosib
Kokuling
Mendin o’rgandi
Chiston
Oshiq bo'misham

Qayd etilgan


JeeS  22 Noyabr 2010, 00:08:44

Ayt ey xasta bulbulim,
O`shga qachon yetamiz.
Yashil bog`lar sarg`aydi,
Mayiz bo`ldi gujumlar.
Ox voy muncha yo`l og`ir.
Ulkan soat o`rtasida,
Madorim yuq yurmoqqa.
Qashqirlar davrasida,
Sudralaman turmoqqa.
Shunda qolib ketsamgar,
Netamiz abadiyat oralab.
O`shga qachon yetamiz?
Yashil bog`lar bag`ridan,
Begim o`shim ko`rindi.
Sulton o`shim ko`rindi.

Erta so`ngan shoir Shavkat Raxmon...

Qayd etilgan


Muhammad Yusuf  28 Iyun 2011, 07:32:39

Tole yo'qki jomimg'a balolig' bo'ldi
Ne ishniki ayladim xatolig' bo'ldi
O'z yurtni qo'yub, Hind sori yuzlandim
Yo Rab netayin, ne yuz qarolig' bo'ldi.

Zahiriddin Muhammad Bobur.

Qayd etilgan


Muhammad Yusuf  29 Iyun 2011, 18:55:09

Tuproq to'shagida yotgan ko'p ko'rdim
Yer qaro bag'riga botgan ko'p ko'rdim
Yo'qlik olamiga ko'z tashlaganda
Kelmagan ko'p ko'rdim, ketgan ko'p ko'rdim.

Ko'nglim oppoq, na kek va ne kiynam bor
Dushmanim ko'p, valekin men hammaga yor
Mevali daraxtman, har bir o'tkinchi
Tosh otib o'tsa ham menga bo'lmas or.

Necha yil ilm hunar payida bo'ldik
Necha yil zar zevar payida bo'ldik
Olam sirlaridan bo'lganda ogoh
Bari ishni tashlab , qalandar bo'ldik.

    Pahlavon Mahmud.


Qayd etilgan


Muhammad Sanjar  07 Dekabr 2011, 01:04:29

GO'ZAL O'TKINCHI

Ko'klam yomg'irining bir parchasini
Ko'm-ko'k barg o'ziga qilgandi sirg'a.
Oydinda tovlanar, tong yeli uni
Tinmay tebratardi barg bilan birga.

Lekin oftob chiqib qizdirgan sari
Bug'lanib, oxiri yo'q bo'ldi, tomchi.
Sen ham shu bargdagi tomchi singari
Hamroh bo'lolmading, go'zal o'tkinchi!

(Pirimqul Qodirov "Uch ildiz" romanidan)

Qayd etilgan