Odamni tanitgan til bilan qo’ldir.
Yo’lidan chalg’itgan o’ng bilan so’ldir.
Dunyoda hikmat ko’p, ibratli bo’lgin
Kemtiging ko’rsang gar, tek turmay to’ldir.

Omonulloh Mutal

Rostingni aytolsang o’zingga foyda,
Halovat bo’lmaydi yolg’on bor joyda.
Ming ishlov bersangda spool chinnimas,
Chunki uning asli ishlangan loydan.

Omonulloh Mutal

Loy mushtlab turgan anavi kulol,
Qilsaydi aql ila chuqurroq hayol.
Hech qachon bunchalar tepkilamasdi,
Ota tuprog'idan yasarkan sopol.

Umar Xayyom

KO’ZLAR

Qancha nafis edi uning nigohi,
Suzilib boqqanda u goh-gohi —
O’ylardim go‘zallik bilan ko‘zlarning
Azaldan o‘qilgan mangu nikohi...

Maqsud Shayxzoda

YAXSHILAR QADRI

Do‘stlar, yaxshilarni avaylab saqlang!
«Salom» degan so‘zning salmog‘in oqlang.
O’lganda yuz soat yig‘lab turgandan, -
Uni tirigida bir soat yo‘qlang!

Maqsud Shayxzoda

Ikki narsa og‘ir ko‘ngaimga asli,
Ikki narsa uchun yo‘q menda bardosh:
Biri - dushmanimning shodon qahqahasi,
Biri - do‘st ko‘zida miltillagan yosh.

Asqad Muxtor

Hayot shunday mo'jizaki:
Qancha jabrin tortsang oz.
O'lim esa uning uchun
Arzimas bojdir, xolos.

Asqad Muxtor

Qadrlasang insonligingni,
Vafo qilsang o‘zingga o‘zing,
Faqat-faqat shunda men bilan
To‘gri kelur taqdir - yulduzing.

Saida Zunnunova

Ko‘ngil - yo‘l bo‘yida o‘sgan bir eman,
Tuyg‘u - buloq aytar shan rivoyatlar.
Turfa xil qurolu turfa qo‘l bilan
Tanasiga yozuq erur dastxatlar.

Ibraim Yusupov

- Tog‘ning qora toshi, yig‘laysan nega?
Sen kimdan xafasan - dil-bag‘ring garyon?
- E voh, hozirgina toshdillar bunda
Haqiqatni qildi rosa toshbo‘ron...

Ibraim Yusupov