Savol: Aqiqa qurbonligining hukmi nima?

Javob: Aqiqa qurbonligini so‘yish mubohdir.

Savol: Aqiqa qurbonligi qachon so‘yiladi?

Javob: Aqiqa qukrbonligi bolaning tug‘ilgan kunidan voyaga yetgunicha so‘yilishi mumkin. Lekin yettinchi kuni so‘yilishi fazilatliroqdir. Tug‘ilganidan keyin yettinchi kuni bolaga ism qo‘yilib, sochi olinadi, kesilgan soch og‘irligi miqdoricha kambag‘allarga oltin yoki kumush sadaqa qilib berish mustahabdir.

Savol: Aqiqa qurbonligining go‘shtidan sohibi yeyishi mumkinmi?

Javob: Aqiqa qurbonligining go‘shtidan sohibi yeya olishi boshqalarga yedirishi va sadaqa qilib tarqatishi ham mumkin.

Hadyi qurbonligi

Savol: Hadyi qurbonligi deb nimaga aytiladi?

Javob: Hajga bog‘liq bo‘lib, Makkani o‘rab olgan Haram mintaqasida so‘yilgan qurbonlikka aytiladi.

Savol: Vojib bo‘lgan hadyining muhimlari qaysilar?

Javob: Vojib bo‘lgan hadyining muhimlari shulardir: 1. shukr hadiysi, 2. jazo hadiysi.

Savol: Shukr hadiysi deb nimaga aytiladi?

Javob: Tamattu’ yoki qiron hajiga niyat qilganlarning so‘yishlari vojib bo‘lgan qurbonlikka aytiladi?

Savol: Jazo hadyisi deb nimaga aytiladi?

Javob: Sababsiz haj vojiblaridan birining tark qilinishi yoki vaqtida qilinmaganligi yoki ehrom ta’qiqlaridan birining buzilishi sababli vojib bo‘lgan qurbonlikka aytiladi.

Savol: Hadyi qurbonligi qaerda so‘yiladi?

Javob: Hadyi qurbonligi Haram o‘lkasi hududida so‘yiladi. Biroq shukr hadyini Minoda so‘yilishi sunnatdir.

Savol: Hadyi qurbonligi qachon so‘yiladi?

Javob: Jazo hadyisi har doim so‘yilishi mumkin. Shukr hadyisining hayit kunlarida so‘yilishi vojibdir. Abu Yusuf va Imomi Muhammadga ko‘ra shukr hadyini hayit kunlarida so‘yilishi vojib emas, sunnatdir.

Savol: Hadyi qurbonligidan egasi ham yeyishi joizmi?

Javob: Shukr hadyisidan egasi yeyishi joiz, lekin jazo hadyisidan yeyishi joiz emas.