Assalomu alaykum!
Men bu mavzuga anchadan buyon javob bermay yurgan edim. Sababi yaqinda a'zo bo'lib, Forum menga bergan yoki men Forumga bergan(!) narsalarni sanash qiyin edi!
Lekin bugun shu mavzuga javob berishga ahd qildim. Chunki bugun Ziyouz.com Forumiga a'zo bo'lganimga
77 kun bo'ldi.
Menga Forum quyidagilarni berdi:
1. "Dunyoda har bir daqiqani ilm olish, ziyo izlash uchun saflash lozim. Bekorchidan xudo bezor! Qilayotgan har bir ishing kimgadir foyda keltirsin. O'shanda sen ham foyda olasan" degan aqidani o'rgandim
2.
77 kunlik a'zolik muddatim davomida
77 dan ortiq do'stlar orttirdim. Ham vertual, ham real.
3. O'zim o'rganmagan, bilmagan, eshitmagan, ko'rmagan, o'qimagan....xullas bilimim ancha oshdi. Ilm o'rgandim!
4. Ahloq-odob, islom, iymon, tarbiya kabi masalalarda oqsoq joylarimni to'ldirdim. Gapimni har doim "Assalomu alaykum" so'zi bilan boshlaydigan bo'ldim.
5. Turli xil: dolzarb, muammoviy, qiziqarli, zarur - mavzular bo'yicha fikr almashdim. Qolganlarning ham fikri qanaqaligini, boshqa insonlarning dunyoqarishini o'rgandim. Buning asosi yana ilmga(!) borib taqaladi.
6. Hayotiy tajribali birodarlarimizning hayot falsafasi bilan yo'g'rilgan fikrlar ummonida suzdim va o'z yo'nalishimni saodat sohili tomon o'zgartirdim. Qirg'oqqa qachon yetaman: bu yolg'iz Allohga ayon.
7. Moderatorlik "mansab"iga ega bo'ldim.
Forumning barcha a'zolariga o'z minnatdorchiligimni bildiraman.
Administratordan tortib
Newbie larga: hamma-hammaga!
Alloh o'ylagan barcha ezgu niyatlaringizni ijobat qilsin!
Hurmat bilan....