Gunoh ariga o'hshaydi, og'zi asal kabi totli, ninasi esa zaharlidir.
Ballon

Sukut -- insonning eng harir libosidir.
Hazrati Umar r. a.

Sizga uzatilgan hamma qo'lni tutavermang, chunki inson niqobidagi necha shaytonlar bor.
Jaloliddin Rumiy

Bilishini biladigan odamga ergashing, bilishini bilmaganni ogohlantiring, bilmasligini biladiganga o'rgating, bilmasligini bilmagandan qoching.
Konfutsiy

Ey, ALLOH! Eng shafqatsiz zarba o'zimga, o'zimdan bo'lganini his qildim, lekin juda kech.
Muhammad Nurulloh Saydo al-Jazoriy

Kuchga tayanmagan adolat ojiz, adolatga tayanmagan kuch zolimdir.
Paskal

Huzayfa Mar’ashiy deydi: "œTo’rtta narsa bor: ikki ko’z, til, havoyi nafs va qalb. Bas, ko’zlaringni qarash halol bo’lmagan narsadan saqla. Tilingni qalbingga xilof bo’lgan narsani gapirishdan tiy. Qalbingni unda musulmonlarning birortasiga nisbatan kin va illat bo’lishidan ehtiyot qil. Havoyingni biror narsani istashidan saqla. Mana shu to’rt xislat senda bo’lmasa, boshinga tuproq sochilsin".

"œSalaflar xulqi" kitobidan

Abu Hurayra o’lim to’shagida yotib yig’lar edilar. Odamlar nega yig’layotganini so’rashganida u zot javob berdilar: "œNajot uzoqlashdi, zod (ozuqa) oz, oldimda o’tish qiyin bo’lgan katta to’siq turibdi. Undan o’tib, yo jannatga, yo do’zaxga tushish bor".

"œSalaflar xulqi" kitobidan

Abu Hanifa toshloq yo’lidan borayotgan edi, qarshisida bir ho’kkiz kelaverdi. Abu Hanifa yo’ldan chetlandi. Buni ko’rib turganlar dedilarki: "œYo Imom! Bu parhez nimadandir?"
"œMening aqlim bor, uning shoxi!" dedi Imom.

Hasan aytadi: "œIbn Muborak Kufada ekanida bizga "œManosik" kitobini o’qib berayotgan edi. Bir gapga kelganda to’xtadi. Kitobning o’sha joyida: "œAbdulloh aytdi va biz uni olamiz", deb yozilgan edi. "œBu so’zni kim yozdi?"deb so’radi. Men: "œYozgan odam yozganda", dedim. Shunda Abdulloh ibn Muborak qo’li bilan haligini ishqalab o’chirib tashladi va: "œMen kim bo’libman-u so’zimni yozishsa", dedi".

"œSalaflar xulqi" kitobidan

To’g’ri so’zlik namunasi

Hazrati Bilol Habashiyning (r.a.) huzuriga bir tanishi kelib, bir qizning uyiga sovchilikka borishini iltimos qildi. Uz ot tanishining so’zini qaytara olmasdan, qizning uyiga bordilar. Ota-onasining oldiga kirib:
-Men Bilol ibn Rabohman. Bu yigit mening do’stim bo’ladi. Unga qizingizni so’rab keldim. Ammo shuni aytishim kerakki, do’stim din va ahloq jihatidan yaxshi odam deb aytolmayman. Shuni bilib qo’ying. Qizingizni shunga qarab berasiz, - dedilar.
Qizning ota-onasi:
-Unday bo’lsa nega sovchi bo’lib keldingiz? — deb so’rashdi.
-Yolg’on so’zlay omayman. Alloh qiyomatda mendan so’raydi, - deb javob berdilar Hazrati Bilol.

Shoir Sadriddin Salimdan eshitganlarim

Bandasi Allohning marhamatini chin dildan his etsa, faqat ziyoda bo’ladi, e’zozda bo’ladi. Unga barcha imkonlar eshigi ochiladi.

Alloh tavbani buyurdi, tavbamizni qabul etmasa edi, buyurmas edi.

Alloh bandasining ibodatiga zor emas. Ammo temir zanglagani kabi, insonning qalbini ham zang qoplaydi. Alloh qalbimizni ana shu zangdan poklash uchun ibodatni buyurdi.
Dunyoda sabab yoq, voqea yoki fojia bor. Ularni nimadir atash kerak bo’lsa, biz "œsabab" deb ataymiz.
Aslida-chi, Qonun bor, Azd bor, Inson bor, Adolat bor.

Ba’zan nohaqlikni ko’rib, besabrlik qilamiz: jazosini bugun, hozir bersin deymiz. Yoq, xalqda vaqt bilan bog’liq "œkosa to’lguncha" degan gap bor. Vaqti-soati yetib, Alloh shunday uradiki"¦

Orzu-havas yaxshi narsa, ammo uni to’g’ri yo’naltira bilmasangiz, har ikki dunyoda majruh qiladi.

(Taqvim kitobchasidan)

Dinda ko’z-ko’z qilish qalbni qotiradi va adovatni keltirib chiqaradi.
Imom Shofe’iy

Barcha yomonliklar bir uyda bo’lib, uyning kaliti dunyoni yaxshi ko’rishdir. Barcha yaxshiliklar bir binoda bo’lib, uning kaliti zuhd (dunyoni sevmaslik) dir. Dunyoga muhabbat qo’yma, shuncha oily darajaga erishasan.
Fuzayl ibn Iyoz