Agar Alloh bir qavmga boylikni va taraqqiyotni iroda qilsa, ularga tejamkorlikni va qanoatni beradi. Agar Alloh bir qavmga "œkesmoqni" iroda qilsa, ularga xiyonat eshigini ochib qo’yadi.
(Ahmad ibn Hanbal rivoyati)

***

To’rt narsani qaytarib bo’lmaydi: aytilgan so’zni, o’tgan ishni, otilgan o’qni, kechgan umrni.
Salomatlik uch narsadadir: Xudoning bergan umriga rozi bo’lish, din shartlarini bajarish, birovning diliga ozor berishdan uzoq bo’lish.

Said Ibn Jobir (r.a.) aytadi:
"œBir inson hayoti mobaynida ko’p yaxshiliklar qildi, ammo umri tugab, Allohga ro’baro bo’lganida o’sha yaxshiliklarni nomai a’molida ko’rmaydi. Keyin: "œYo Parvardigoro, mening yaxshiliklarim qani?", deb Allohdan so’raydi. Alloh aytadi: "œSen barcha yaxshiliklaringni o’zing g’iybat qilgan odamlarga topshirib qo’yding".

***

Hazrati Solih Mariy bir kuni: "œKimki eshikni astoydil taqillataversa, ertami-kech o’sha eshik baribir ochiladi", dedi. Shunda bir ayol so’radi: "œDemak, Alloh ham eshigini berkitib qo’yar ekanda". "œOfarin",-dedi Hazrati Solih,- hech kimning aqli yetmagan narsaga bir zaifning aqli yetdi".

Hazrati Ali Murtazo (r.a.) deydi: "œYaxshilikni bilmaydiganga ham yaxshilik qilgin, negaki qiyomat kunida amallar tarozusida bu yaxshilikning vazni yaxshilikni biladigan kishiga qilgan yaxshiligingdan ortiqroq bo’lur".

***

Bir ayol imom Lays ibn Sa’d huzuriga bir kichikkina idish ko’tarib keldi va: "œErimning tobi yoq, ozgina asal bersangiz", dedi. Imom hizmatkorlarga meshga asal solib berishni buyurdi. Kimdir so’radi: "œAxir bu ayol kichkina mesh olib keldi-ku, siz esa meshga solib berayabsiz?"
Lays ibn Sa’d javob qildi:
"œU holatiga yarasha idish olib keldi, men o’z martabamga yarasha beryapman".

Hazrati Usmondan (r.a.) rivoyat qilinadi:
"œKim dunyoni tark qilsa, Alloh Taolo uni suyadi, kim gunohlarni qoldirsa, uni moliaklar suyadi, kim musulmonlardan tama’ qilmasa, ular uni yaxshi ko’radilar".

***

Hazrati Alidan (r.a.) rivoyat qilinadi:
"œDunyo ne’matidan Islom ne’mati senga kifoya qiladi. Mashg’ulotdan toat mashg’uloti senga kifoya qiladi. Ibrat olishda o’limdan ibrat olish senga kifoya qiladi".

Hazrati Hurayradan (r.a.) rivoyat qilinadi:
Nabiy sallallohu alayhi vasallam dedilar:
"œUch narsa najot toptiruvchidir, uch narsa halokatga olib boruvchidir, uch narsa darajot va uch narsa kafforatdir.
Najot toptiruvchi narsalar: maxfiy va oshkora Alloh Taolodan qo’rqish, kambag’allikda ham, boylikdan ham tejash; rozilikda va g’azabda adolat qilish.
Halokatga olib boruvchi narsalar: o’ta baxtli bo’lish, nafs-havoga ergashish; o’ziga bino qo’yish.
Darajotlar esa: salom berishni yoyish; ovqat tarqatish; odamlar uxlab yotganda namoz o’qish
Kafforatlar esa: sovuq kechalarda tahoratni mukammal olish; jamoat namozlarida qatnashish; keyingi namozni kutib turish"

Jabroil alayhissalom dedilar:
"œEy Muhammad (sallallohi alayhi vasallam), qanday yashasangiz yashang, baribir vafot etasiz. Kimni yahshi ko’rsangiz ko’ring, undan ajralasiz. Nima qilsangiz qiling, qilganingizga yarashasini olasiz".

***

Nabiy sallallohi alayhi vasallam dedilar:
"œUch toifa odamlarni Alloh hech soya bo’lmagan kunda o’z Arshining soyasiga oladi: qiyin vaqtlarda (ya’ni, kasal payti, urush chog’ida, yaqin kishisini yo’qotganida) tahorat oluvchi kishini; qorong’ulikda masjidlarga boruvchi odamni; ochni to’ydiruvchilarni".

Ibrohim alayhissalomdan so’raldi:
"œNima uchun Alloh sizni o’ziga do’st tutdi?"
Javob qildilar:
"œUch narsa uchun: Allohning amrini boshqaning amridan ko’ra ixtiyor qildim; Alloh menga taklif qilgan narsaga ahamiyat berdim; ertalab ham; kechqurun ham mehmonsiz ovqatlanmadim".

***

Ba’zi hakimlardan rivoyat qilinadi:
"œKim-da kim Allohdan yaqinroq valiyim bor deb hisoblasa, Rabbini bilishi qiyin bo’ladi. Hamda kimki nafsidan ham ashaddiyroq dushmani bor deb o’ylasa, o’zini bila olmaydi".

Abu Bakr siddiqdan (r.a.) Alloh taoloning quyidagi oyati haqida rivoyat qilinadi:
"œQuruqlikda va dengizda fasod zohir bo’ldi" oyatidagi quruqlik tildir, dengiz esa qalbdir. Agar til fasod bo’lsa, unga nafslar yig’laydi, agar qalb fasod bo’lsa, unga moilaklar yig’laydi".

Nabiy alayhissalom aytdilar:
"œAhmoqning alomati to’rtdir:
-O’tgan gunohlarni unutish. Vaholanki, ular Alloh Taolo huzurida saqlangandir.
-O’tgan yaxshiliklarni zikr qilish. Afsuski, ular qabul bo’ldimi yoki rad etildimi — bilmaydi.
-Mol-dunyoda o’zidan yuqoriga qarash.
-Dinda o’zidan yuqoriga qarash.
Saodatlikning alomatlari ham to’rtdir:
-O’tgan gunohlarni eslash.
-O’tgan yaxshiliklarni unutish.
-Dinda o’zidan yuqoridagi odamga qarash.
-Mol-dunyoda o’zidan quyiga boqish".

Nabiy (s.a.v.) dedilar:
"œOn nafar odamning namozini Alloh Taolo hech ham qabul qilmaydi:
1.Qiroat qilmasdan yolg’iz namoz o’quvchi kishining.
2.Zakotini ado etmaydigan kishining.
3.Qavm yaxshi ko’rmasa ham, imomlik qilaveradigan kishining.
4.Qochoq qulning.
5.Surunkasiga ichkilik ichadigan kishining.
6.Ayol uxlashga yotganda eri unga darg’azab bo’lsa.
7.Yopinchiqsiz namoz o’qigan ozod ayolning
8.Ribo eguvchi (sudxo’r) kishining.
9.Zolim rahbarning.
10.Namozi buziq va munkar ishlardan qaytmaydigan kishining. Bunday odamning namozi kishini battar Allohdan uzoqlashtiradi".