Muallif Mavzu: Bugungi kun mulohazalari  ( 934117 marta o'qilgan)

0 Foydalanuvchilar va 4 Mehmonlar ushbu mavzuni kuzatishmoqda.

Margilanets

  • Hero Member
  • *****
  • Rahmat
  • -aytdi: 38
  • -oldi: 9
  • Xabarlar: 775
  • Jins: Erkak
  • Husanbek Marg'iloniy
Re: Kunni qanday o'tkazdingiz?
« Javob #105 : 06 Sentyabr 2006, 07:12:14 »
AbdulAziz:

23.04.2006. Tun...
Sokin oqshom!
Falakda yulduzlar tantana qiladi.
Men esa yo'ldaman.
Yulduzlarga termulaman, ularning ham qayg'ulari, g'amlari bormikin?
Yo'q, men ularga xavas qilaman.
Nega shunday katta va bahaybat yulduzlar bizga kichkina bo'lib ko'rinishadi.
Nega unda mashhur kishilarni yulduz deyishadi?
Axir yulduzlarlar bor malohatini ko'rsatmaydilar-ku!
Ana, bitta yulduz, o'zini tashlab yubordi...
Bir zumda yo'qoldi qoldi u...
Inson hayoti ham shunaqa.
Bir marta charaqlaydi, yana bir marta so'nadi...
Yulduzlar mangu yonmaydi.
Xotira qoladi dunyoda mangu.
Kimningdir kimga qilgan arzimas yaxshiligi qoladi.
Shularni o'ylab ketayapman.
Yo'llar tugamaydi... Yuraverasan, yuraverasan, ba'zan aylanib-aylanaib yana eski yo'lingga tushasan.
Iloyim yo'llarimiz bevaqt tugamasin...
Kishilar kimning yomonligidan qo`rqib qochsa, o`sha odam eng yomon odamdir. Hadisi sharifdan.
Iloyim, shunday bo`lib qolishidan saqlasin!

Margilanets

  • Hero Member
  • *****
  • Rahmat
  • -aytdi: 38
  • -oldi: 9
  • Xabarlar: 775
  • Jins: Erkak
  • Husanbek Marg'iloniy
Re: Kunni qanday o'tkazdingiz?
« Javob #106 : 06 Sentyabr 2006, 07:12:50 »
Abdulaziz:

24.04.2006. Ertalabdan kayfiyatim judayam a'lo bo'ldi. Ertalabda uyga telefon qilish fikri keldi. Negadir rosa band bo'ldi.
Bir narsani sezdim, yaxshi xabar.
Telefon qildim.
- Suyunchi, bering, Davronbek, jiyanli bo'ldiz, - bu kelinoyimning gapi.
- Ha, bilgandek telefon qildim-da.
- Qalay o'g'ilmi-qizmi?
- Yana bitta to'polonchi o'g'lon.
Keyin ayajonim bilan gaplashdim. Ularni yana bir nabira bilan qutladim.
- Opam, o'zlari yaxshimi? Chaqaloqni ko'rdingizmi?
- Ha, ko'rdim, judayam shirincha!
- Ha, umri bilan bergan bo'lsin!
- Yana bitta sho'x askar qo'shilibdi-da-a?
- Ha, nimasini aytasan. Mana yana bitta askar telefonga navbat kutib turibdi.
Opamning o'gillari Otabek:
- Tog'aa, qalesiz?
- Rahmat, yaxshimisian? Bog'chaga bormadingmi?
- immm, yo', qaqa obkelassimi?
- Ha, qaqami? Opkelaman...
- Cheling (keling demoqchi).
Keyin dadamlar, buvamlar bilan gaplashaman. Hammaning yuzida tabassum.
O'ta yaxshi kayfiyat ila yana ishga sho'ng'iyman.
Kishilar kimning yomonligidan qo`rqib qochsa, o`sha odam eng yomon odamdir. Hadisi sharifdan.
Iloyim, shunday bo`lib qolishidan saqlasin!

Margilanets

  • Hero Member
  • *****
  • Rahmat
  • -aytdi: 38
  • -oldi: 9
  • Xabarlar: 775
  • Jins: Erkak
  • Husanbek Marg'iloniy
Re: Kunni qanday o'tkazdingiz?
« Javob #107 : 06 Sentyabr 2006, 07:13:29 »
AbdulAziz:

26.04.2006. Ertalabdan negadir kayfiyatim yaxshi bo'lmadi. Ishxonada ham qo'lim ishga bormadi. Dars ham qilgim kelmaydi...
Faqat qo'shiq eshitdim. Kamoliddin Rahmatovning lirik qo'shiqlari. Judayam dardli qo'shiqlar...
Uzoqdan termulib suygandan ko'ra,
Alamlar o'tida kuygandan ko'ra,
Jonimni azobga qo'ygandan ko'ra,
Yurganim yaxshidir sizni sog'inib.

Ushbu qo'shiqni tinglang: Kamoliddin Rahmatov - Sizni sog'inib...
Judayam zo'r qo'shiq ekan, shu. Qayta-qayta eshitdim.
Shu payt Marg'ilondan singlim telefon qiladi. Kayfiyat judayam ko'tarildi. Opamning yangi mehmonlariga ism qo'shishibdi: Diyorbek. Davronbekka juda o'xshaydi-a? :)
Singlim bilan maza qilib gaplashdim. Keyin ammam kelgan ekanlar uyga. Ular bilan gaplashdim. Xullas kayfiyat judayam ko'tarildi.
Agar yaxshi kayfiyatda ishlasang, hammasi zo'r kechadi. Ancha-muncha yumushlarimni bajarib yubordim.
Haliyam o'sha kayfiyatda yuribman. Singlimdan aylanay...
Kishilar kimning yomonligidan qo`rqib qochsa, o`sha odam eng yomon odamdir. Hadisi sharifdan.
Iloyim, shunday bo`lib qolishidan saqlasin!

Margilanets

  • Hero Member
  • *****
  • Rahmat
  • -aytdi: 38
  • -oldi: 9
  • Xabarlar: 775
  • Jins: Erkak
  • Husanbek Marg'iloniy
Re: Kunni qanday o'tkazdingiz?
« Javob #108 : 06 Sentyabr 2006, 07:14:10 »
Abdulaziz:

05.05.2006. Ertalab uyqudan turib... birinchi aytadigan Allohga shukronalar. Meni turgizgani uchun, hali rizqim borligi uchun. Tirikligim, nafas olayotganim uchun shukronalar aytaman.
Insonning umri bir nafaslik vaqtchalik ham emas. Kecha ko'rgan insoningni har doim ham ertaga ko'ravermas ekansan.
Biz yettovlon edik. Doim birga edik. Bittamiz horijga ketdi o'qishni davom ettirgani, bittamiz, vatanga. Yana birimiz esa... kechagina birga kulishib, gaplashib o'tirgan do'stimiz... rizqi tugagan ekan... ertalab uyg'onmadi. Navbatdagi hazillardan biri deb o'yladik... Qani edi shunday bo'lib chiqsa... yo'q hammasi haqiqat edi... do'stimiz Muhammad Alihon foniy dunyoga safar qoilgan edi.
Inna lillahi va inna ilayhi rojiun.
Allohim uning joylari jannatda bo'lsin!

Ertalab turaman-u, shularni o'yladim. Inson g'animat ekan...
Kishilar kimning yomonligidan qo`rqib qochsa, o`sha odam eng yomon odamdir. Hadisi sharifdan.
Iloyim, shunday bo`lib qolishidan saqlasin!

Margilanets

  • Hero Member
  • *****
  • Rahmat
  • -aytdi: 38
  • -oldi: 9
  • Xabarlar: 775
  • Jins: Erkak
  • Husanbek Marg'iloniy
Re: Kunni qanday o'tkazdingiz?
« Javob #109 : 06 Sentyabr 2006, 07:14:28 »
maknuna:

11.05.2006. Hayotning har lahzasi go'zal,
Umrning har dami g'animat.

G'animat umrimimizning go'zal lahzalari daftarlarda qolib ketmoqda.
Har bir o'tkazayotgan kunimiz, lahzalarimiz suvdek oqib bormoqda.
Shunday paytlarda savol tug'iladi:
Nimaga ulgivommizu, nimaga yo'q...
Kishilar kimning yomonligidan qo`rqib qochsa, o`sha odam eng yomon odamdir. Hadisi sharifdan.
Iloyim, shunday bo`lib qolishidan saqlasin!

Margilanets

  • Hero Member
  • *****
  • Rahmat
  • -aytdi: 38
  • -oldi: 9
  • Xabarlar: 775
  • Jins: Erkak
  • Husanbek Marg'iloniy
Re: Kunni qanday o'tkazdingiz?
« Javob #110 : 06 Sentyabr 2006, 07:15:05 »
Feruza:

16.05.2006. Yana bir bor Assalomu alaykum.
KEcha maktabga kelsam, ko'pchilik o'g'il bolalar sochini oldiribdi (kal). Hayron bo'ldim, hammasi bir kunda-ya deb taajublandim. ???Keyin bilsam, maktabimizning beysbol komandasi shtat miqyosiga chiqish o'yinini yutushganini nishonlab, hamma guruh a'zolari va trener o'qituvchilar shunaqa qilishgan ekan. (Agar yutsak, sochimizni oldiramiz deb shart qo'yishgan ekan :D)
Ishqilib, agar bizning OHS ga tashrif buyurib, bunaqa holatga guvoh bo'lsangiz, hayron bo'lib yurmang. ;D
Kishilar kimning yomonligidan qo`rqib qochsa, o`sha odam eng yomon odamdir. Hadisi sharifdan.
Iloyim, shunday bo`lib qolishidan saqlasin!

Margilanets

  • Hero Member
  • *****
  • Rahmat
  • -aytdi: 38
  • -oldi: 9
  • Xabarlar: 775
  • Jins: Erkak
  • Husanbek Marg'iloniy
Re: Kunni qanday o'tkazdingiz?
« Javob #111 : 06 Sentyabr 2006, 07:15:22 »
Ozoda:

17.05.2006. Kecha kunim ajoyib o'tdi, ertalabdan ko'tarinki kayfiyatda uyg'ongandim. CHunki kecha men uchun eng aziz, eng mehribon ZOT-Onajonimni tavallud ayyomi edi...Kech tushishini intiqib kutdim, Uyga tel qilishga, onajonimni tug'ilgan kunlari bilan muborakbod etishga, ovozlarini eshitishga sabrim chidamasdi!!!
VA nihoyat tun...telefonni olib tel. cartasini raqamlarni terar ekanman yuragim vujudimni yorib chiqay derdi.... Juda xursand edim...Tel ham baxtga qarshi ulanavermadi, yoki band yoki svyaz yaxshi emas bo'lardi... Havotirlana boshladim, nahot tusha olmasam, nahot tel qila olmasam??? Yuq...va nihoyat...Tel go'shagi ko'tarilib singlimni "Eshitaman! ALLO?" degan ovozi eshitildi!!! Xursandchiligimdan bo'yim osmongacha bo'lib ketdi )))
Onajonimni ovozi qanchalar shirin a??? Ularni shunchalar sog'inibmanki...bu hattoki tassavurimdan ham ulkanroq kuchliroq SOG"INCH edi!! Ular bilan uzoq gaplashardim..
"Bolajonim, qizalog'im, erkatoyim, ona qizim" degan erkalashlarini eshitar ekanman, beihtiyor ko'zlarimga yosh keldi. Lekin buni bildirmaslikka harakat qilardim...Onaizorim..."Asal qizim, yig'lamagin" dedilar. Voajab!!Ahir yig'layotganimni qayerdan bildilar??? Ona yuragi, qalbi hamma narsani sezadi degan gapga ishondim...
-Ayajon, sizni yaxshi ko'raman, juda juda....
-BIz ham seni jonimizdan ortiq ko'ramis, erkatoyim...Nasib bo'lsa oz qoldi, diydoringa nasib bo'lsa to'yamiz, Allohim nasib etsin, InshAlloh...
Kishilar kimning yomonligidan qo`rqib qochsa, o`sha odam eng yomon odamdir. Hadisi sharifdan.
Iloyim, shunday bo`lib qolishidan saqlasin!

Margilanets

  • Hero Member
  • *****
  • Rahmat
  • -aytdi: 38
  • -oldi: 9
  • Xabarlar: 775
  • Jins: Erkak
  • Husanbek Marg'iloniy
Re: Kunni qanday o'tkazdingiz?
« Javob #112 : 06 Sentyabr 2006, 07:16:09 »
AbdulAziz:

20.05.2006. Assalomu alaykum!
Dilshodbek, o'tgan haftada man sizlarning yurtingizda bo'ldim. Judayam go'zal joylar ekan.
Baxmal tig'larida joylashgan so'lim Novqa qishlog'ida ikki kun kun mehmon bo'ldik.
Haqiqatda u yerlarni bekorga Baxcmal deyishmas ekan. Baxmalga kirar ekanmiz, lolaqizg'aldoq va turli gullar bilan tabiat tomonidan bezatilgan Allohning buyuk qudratiga guvoh bo'ldik. Xuddi tabiat o'z go'zalliklarini gilam qilib to'shab qo'ygandek.
Havoga esa ta'riflash uchun so'z yetmaydi. Shaharning bo'g'iq va siqiq havosidan bezor bo'lgan tanamiz toza havo nimaligini his eta boshladi.
Biz tushgan qishloq tog' yonbag'rida, daraxtlar juda ham ko'p bir maskanda ekan.
Qushlar, ayniqsa, bulbullarning sayrashlarini eshitib juda maza qiladi, odam. Qishloqda tong otishi judayam go'zal bo'larkan. Bomdod namozidan keyin tashqariga chiqib tabiatni kuzatib orom olasiz. Toza havo (biroz sovuqroq), qushlarning sayrashlari, tovuqlarning qichqirishlari, Mayin shabada, qimirlab salom berayotgan daraxtlar...

Tog' odamlari esa judayam samimiy, mehmondo'st ekanlar. "E, keling mehmon, dimog'ing'iz chag'ma, damnigana juribsizma?" deya shirin shevalarida hol so'rashlari manga juda yoqdi.
Novqa qishlog'idagilarning muqaddas joylaridan biri Beshpanja bulog'i ekan. Hali bunaqa katta buloqni ko'rmagan edim. Xuddi 5 panjadan chiqayotgandek, buloq suvi qaynab toshlar orasidan sizib chiqayapti. Ana mo'jiza-yu mana mo'jiza. Buloqdagi baliqlar ham insonni hayratga soladi. Novqaga kelib qolgan odam, o'zini jannatning bir bog'chalarida deb tasavvur qiladi, qalin darxtzor bo'ylab yuraversangiz toqqa chiqib ketasiz.

Avvaliga mezbon, bizni toqqa chiqa olmasangiz kerak, charchab qolasizlar, deb bizga ishonishmadi. Ertasi kuni hurjunlarni ko'targancha toqqa ravona bo'ldik. Pastdan ko'rinishda unchalik baland bo'lmagan toqqa ko'tarilishimiz bilan yuksalikni his qila boshladik. Haqiqatda tog' juda baland ekan. Ayniqsa tikkaligi bizni biroz qiynadi. Emgalab bo'lsa-da maqsadga erishishga harakat qildik.
Yo'lboshlovchimiz bizni tog' cho'qqisida lolazorni ko'rsatishga va'da bergan edik. Ko'tarilyapmiz, ko'tarilyapmiz. Kitoblarda o'qiganim lolazorlarni ko'rish istagi manga qo'shimcha kuch bag'ishlardi. Kichik-kichik cho'qqilardan 3-4 tasini ham oshib bo'ldik, lekin qani lolazor? Yo'q, lolalarni bizdan oldingiz ziyoratchilar yulib ketishgan. Nachora hamma umid eng katta cho'qqidan. Hatto novqalik do'stimiz Azizbek ham ushbu ko'tarilishda umrida birinchi marta bunday yuksaklikka chiqayotgandi. Yuksaklikdan qishloq endi kartadagidek kichkina bo'lib ko'rinardi. Biz yana ko'tarilayapmiz. Lekin hali veri lolazordan darak yo'q.
Bizni burgut va qirg'iylar nazorat qilib borishmoqda. Uzoqdan bo'rining uvillashi ham eshitiladi. Ana cho'qqiga ozgina qoldi. Tog' juda tikka, ozgina noto'gri harakat ham fojeaga olib borishi mumkin. Allohdan yordam so'rab yana ko'tarildik...
Cho'qqiga ham yetdik... Tog' cho'qqisida lolazor! Tabiatning go'zalligini qarang! Biz maqsadga erishdik. Lolalardan terayapman-u, qaniydo ayajonim shu yerda bo'pqolsalar deyman, lolalarni olaman-u, bir quchoq qilib ularga sovg'a qilaman. Qanchalik xursand bo'lishlarini tasavvur qilolsangiz edi... Cho'qqida turib uyga telefon qilaman...

Chiqishga chiqib oldik-ku, endi tushish juda qiyin ekan, sarbonimiz Bo'rivoydan farqli o'laroquning akasi Obidjon bizni tikka yo'ldan olib tushsa bo'ladimi, zo'rg'a tushib oldik. Endi biz boshqa qishloqda edik. Tog'dan qishloqqacha ham ancha masofa ekan. Bo'rivoyning "Heyla, qishloq ko'rindi" degani ham naqd 5 km ekan. Piyoda bordik. O'tloqlarda kezib, tabiatning go'zalliklarini tomasha qilib, Mog'ol qishlog'iga kirib qolganimizni ham bilmay qolibmiz. Mog'oldan Novqagacha 8 km.lar bor. Shuncha piyoda yurgan uyog'iga ham piyoda ketishni taklif qildim. Ayni muddao bo'ldi. Yo'l bo'yidagi dalalar oralab Novqaga ham kirib oldik.

Erasi kuni ertalab esa, yana so'lim Baxmalni tark etib, tutun to'la shaharga yo'l oldik...
Kishilar kimning yomonligidan qo`rqib qochsa, o`sha odam eng yomon odamdir. Hadisi sharifdan.
Iloyim, shunday bo`lib qolishidan saqlasin!

Margilanets

  • Hero Member
  • *****
  • Rahmat
  • -aytdi: 38
  • -oldi: 9
  • Xabarlar: 775
  • Jins: Erkak
  • Husanbek Marg'iloniy
Re: Kunni qanday o'tkazdingiz?
« Javob #113 : 06 Sentyabr 2006, 07:16:45 »
AbdulAziz:

04.06.2006. Assalomu alaykum!
Mana sessiya ham boshlandi. Yana yugur-yugur, qog'zovozlik, domlalarning o'zlarini taroziga solishlari...
Bir domlamiz bor. Oliy ta'lim menejmenti fanidan o'tadilar. Test savollarini ko'rib, siqilib qoladi, odam. Masalan,
Savol: Pedagog malakasini oshirishning nechta xususiyati bor?
a) 3
b) 4
v) 5
Aslida millionta xususiyati bo'lishi mumkin. Lekin kitobda (kitobni ham yozganlar shu domlaga o'xshaganlar bo'lsa kerak) nechat yozilgan bo'lsa domullo shuni qabul qiladilar.

Mayli, sessiyani topshirish boshlandi. Hozir ham ikkita bahoni qo'ydirgani borishim kerak.

Kecha do'stimiz Yorqin magistrlik dissertasiyasini himoya qildilar. Borib, rosa suv quymoqchi bo'ldim-u, lekin shogirdlari orasida hijolat bo'lmasin deb boshidan ozgina suv quydim xolos.
Eng qizig'i kecvhqurun uyga kelganimizda bo'ldi. Yorqinni muzdek suv bilan rosa cho'miltirayotganimizda mani ham qo'shib yuvib yuborishsa bo'ladimi?

Shunaqa gaplar, sessiyaning tezroq tugashini intizorlik bilan kutayapman, domlalarga esa Yaratgandan insof tilayman.
Kishilar kimning yomonligidan qo`rqib qochsa, o`sha odam eng yomon odamdir. Hadisi sharifdan.
Iloyim, shunday bo`lib qolishidan saqlasin!

Munira xonim

  • Mega Member
  • *******
  • Rahmat
  • -aytdi: 430
  • -oldi: 1300
  • Xabarlar: 4853
  • Jins: Ayol
  • Arsh arkida sulton O'zi...Beaybu benuqson O'zi...
Re: Bugungi kun mulohazalari
« Javob #114 : 08 Sentyabr 2006, 10:21:56 »
Assalamu alaykum!
Bizni Muborak Ramazon iyiga yana bir kun yaqinlashtirgan,
ushbu Hajjul Masakiyn, muborak Juma kuni barchagizga qutlug' bo'lsin!
Barchangizga Allohning Rahmatlari bo'lsin!
U balki mendirman, balki sizdirsiz,
Balki biz tanimas g'arib bir olam.
Nima bo'lganda ham suyganim yolg'iz -
Joynamoz ustida o'tirgan odam!

Umarbek

  • Jr. Member
  • **
  • Rahmat
  • -aytdi: 0
  • -oldi: 2
  • Xabarlar: 66
  • Jins: Erkak
  • Umarbek
    • yoq
Re: Bugungi kun mulohazalari
« Javob #115 : 09 Sentyabr 2006, 01:30:55 »
 Assalomu alaykum aziz forumdoshlar,
Barchalaringizni jonim qulida bulgan zotga qasamki,
ko'zimda yosh bilan muborak juma kuni bilan tabriklayman.
Allohim ushbu kun kabi har bir kunimizni muborak qilsin hamda
har birlarimizni qalblarimizdan iymon nuri aslo so'nmasin.
Allohning avfiga muhtoj
Umarbek

Feruzabegim

  • Hero Member
  • *****
  • Rahmat
  • -aytdi: 1
  • -oldi: 0
  • Xabarlar: 816
  • Vatanni sevmoq iymondandir!
Re: Bugungi kun mulohazalari
« Javob #116 : 10 Sentyabr 2006, 22:51:18 »
Assalomu alaykum aziz forumdoshlar,
Barchalaringizni jonim qulida bulgan zotga qasamki,
ko'zimda yosh bilan muborak juma kuni bilan tabriklayman.
Allohim ushbu kun kabi har bir kunimizni muborak qilsin hamda
har birlarimizni qalblarimizdan iymon nuri aslo so'nmasin.


O'zingizga ham muborak bo'lsin!
Qushday uchib quchog'ingdan, dunyo ko'rdim
Ko'rib, ko'rib topganlarim sog'inch bo'ldi.
Qancha olis ketsam shuncha, qadring bildim,
Aylanayin qora qoshu-ko'zindan-ey, o'zingdan qo'ymasin xalqim o'zingdan!

Nodi

  • Super Member
  • ******
  • Rahmat
  • -aytdi: 0
  • -oldi: 29
  • Xabarlar: 1805
  • Jins: Ayol
  • Nodira Shomurodova
Re: Bugungi kun mulohazalari
« Javob #117 : 14 Sentyabr 2006, 19:58:06 »
Qarshingizda yuzini husnbuzar qoplagan birorta yigit bilan qiz o‘tirib oladi-da, lablarini bosib, tishidagi plombasini sug‘urib olmagunicha so‘rishib ketaveradi.
Dahshat! Ularga qarab turib, butun umrga pushting ku­yib ketsa ham, ajabalanadigan joyi yo‘q. Ular odamgarchilikdan shunchalar yiroqki, dorishunos bo‘lganimda bunaqa yigit-qizni quritib, talqon qilib tuyib, homilaga qarshi dori sifatida foydalanishga tavsiya etardim.
Atrofdagilar ularning bu xunuk qiliqlarini ko‘ra-bila turib, o‘zlarini ko‘rmaslikka olishadi. Kar yoki ko‘r odamday hech kim miq etmaydi. Shu topda ularning mushugini pisht deydigan biror mard odam topilmaydi, go‘yo bu odatiy holday. Men esa bunga chiday olmadim. Jahlim chiqib, jinim qo‘zidi va ularni tartibga chaqirdim:
— Jamoat joyida, shuncha odam orasida bu qanaqa qiliq? Uyat emasmi? Bunday qiliqni qaerdan o‘rgandinglar? Odamlarga o‘xshab to‘g‘ri o‘tirsanglar bo‘lmaydimi?
Vagondagi hech kimdan sado chiqmadi. Hech kim bilan hech kimning hech qanday ishi yo‘qday, yana hech kim miq etmadi.
Faqat bir militsiya xodimi kelib, meni navbatdagi bekatda poezddan tushirdi va tashqariga olib chiqib qo‘ygach, dedi:
— Sizdek keksa odamga metroda yurish yarashmaydi. Yaxshisi, taksida keting!..
Qornimga emas, qadrimga yig‘layman, deganlaridek, bor chaqalarimni jamlab zo‘rg‘a sotib olgan “jeton”im bekor ketganiga juda-juda achindim. Rosa alam qildi. Cho‘ntagimda xemiri yo‘g‘u taksida ketishga balo bormi? Jahlim chiqqan holda shahd bilan piyoda uyga jo‘nadim. Nima ham derdim, ayb o‘zimda, tilimni tiyganimda-ku, bu ko‘rgulik yo‘q edi. Rivoyat qilishlaricha, bir xonadonda bir kishi uch kun mehmon bo‘lib, safari qarib ketishga mezmondan ruxsat so‘rabdi. Shunda mezbon: “Yana bir kun qoling!” — debdi-yu, o‘ylab qarasa, uyida hech vaqosi qolmagan...
Mehmon esa: “Qo‘ymadingiz, qo‘ymadingiz-da, mayli, qolsam qolaveraman-da, bir kun ming kun bo‘larmidi? Otimni qaerga bog‘lay?” — desa, mezbon: “Tilimga bog‘lang, tilimga!” degan ekan. “Til yugurigi boshga” deganlari shudir-da!...

Husanboy TOJIMATOV
www.hurriyat.uz
Qachonlardir Biz albatta BAXTLI bo'lamiz!

Munira xonim

  • Mega Member
  • *******
  • Rahmat
  • -aytdi: 430
  • -oldi: 1300
  • Xabarlar: 4853
  • Jins: Ayol
  • Arsh arkida sulton O'zi...Beaybu benuqson O'zi...
Re: Bugungi kun mulohazalari
« Javob #118 : 03 Oktyabr 2006, 20:19:01 »
Assalamu alaykum.
Men bir necha kun oldin qalbimni og'ritgan bir hodisani, hodisani emas fojeani aytib, szilarni hukmingizga havola qilmoqchiman.Hulosalaringiz va mulohazalringizni bildirasiz, deb umid qilaman.
Ramazonning birinchi kunidan boshlab bolalar "Ramazon" aytib kela boshlashdi. Yangi uyga ko'chib o'tganim uchun u yerdagilarni hali yahshi tanimayman. Shuning uchun eshikni ochib bolalarga har hil shirinliklardan berdim. Hursand bo'ldim. Bolalar ham Ramzonni bilib hursand bo'lib sevinganlaridan yayrab yurishibdi, deb o'yladim. Ikkinchi kuni, uchinchi kuni ham bu ish takrorlandi. To'rtinchi kuni bolalar bilan suhbatlashib qoldim. Biri 11-12, biri esa 10 yoshlarda.Yonimda o'zimni bolalarim ham bor. Ularga:"Har kuni kelaverish to'g'ri emas, qariyalarni va bemorlarni bezovta qilish yahshi emas. O'zi ro'za tutasizlarmi",- dedim.
Shunda haligi bolalarni yoshi kattasi:"Ro'zani uyida ovqati yo'qlar tutadi",-desa bo'ladimi. Ikkinchisi esa:"Men Ramazonni yomon ko'raman",-dedi. Bilasizmi o'sha paytdagi holimni so'z bilan izohlay olmayman. Boshimga  bir narsa qulagandek bo'ldi. Ko'zimga achchiq yosh keldi. Bolalarim hayron,ularni ikkita kattasi ro'za tutadi. Shuning uchun bir menga bir ularga qarashardi.
Ularga qarab:"Ramazonni yomon ko'rsangiz nega Ramzon aytib odamlardan narsa so'rab yuribsiz",-deim. Boshqa so'z topolmadim. Yoshgina bu bolalardab bunday gaplar chiqishi tushimga ham kirmagan edi. Ularga unday deyish gunohligini, Ro'za tutish bizni yaratgan Allohning buyurigi, deya tushuntirdim,lekin ular buni tushunmagandek, bu qisqa hayotlari davomida bunday so'zlarni birinchi bor shitayotgandek, hayron bo'lib menga qarashardi....
SHundan buyon o'zimga kela olmayman.SHumi bizni kelajagimizni holi...
Shumi hali meni farzandlarim ko'chada birga o'ynaydigan bolalarni tarbiyasi....
Shularni o'ylasam qo'rqib ketaman...
U balki mendirman, balki sizdirsiz,
Balki biz tanimas g'arib bir olam.
Nima bo'lganda ham suyganim yolg'iz -
Joynamoz ustida o'tirgan odam!

AbdulAziz

  • Forum Administratori
  • Mega Member
  • *******
  • Rahmat
  • -aytdi: 6942
  • -oldi: 12023
  • Xabarlar: 20359
  • Jins: Erkak
  • Sevelim, sevilelim. Yunus Emre
    • Ziyo Uz
Re: Bugungi kun mulohazalari
« Javob #119 : 04 Oktyabr 2006, 05:26:40 »
Assalamu alaykum!
Haqiqatda judayam achinarli holat.
Bu bolalarda ro'za haqida noto'g'ri kayfiyat qayerdan paydo bo'ldi ekan?
Bola o'zicha fikr yuritmaydi. U atrofdan, ayniqsa ota-onasida fikr o'g'irlaydi.
Demak, o'sha begunoh bolalarning ota-onasi ularga mana shu kayfiyatni singdirgan. Ular, agar ro'za tutsa ham Alloh buyurgani uchun emas, balki sog'lik uchun yoxud ko'cha-kuyda birov so'rab qolsa... yoinki kechki iftorlik dasturxonida hijolat bo'lib qolmaslik uchun...
Endi Ramazon aytish marosimiga kelsak, masalan Marg'ilonda bunaqa marosim deyarli yo'q, unaqa Ramazon qo'shiqlarini ko'proq bizda lo'lilar aytib kelishadi, ular ham har kuni emas, onda-sonda kelib turishadi. Lekin qo'shni bolalarni shirinlik bilan siylash amali bor. Bunda ham haligidek o'zlari so'rab kelishmaydi.
Ramazon tirikchilik manbai emas. Uni qandaydir ko'ngilxushlik yoki oz-moz pul ishlash manbai qilib olish ham yaxshi emas. Balki ota-bobolarimizdan qolib ketgan bir udum-da, deyuvchilar ham topilar. Lekin uning boshi qayerda? Biron kitobda qilinglar degan hukm bormi?
Ilm o'rganish - Allohdan qo'rqish, uni talab qilish - ibodat, izlash - jihod, bilmaganga o'rgatish - sadaqa, uni o'z ahliga o'rgatish - Allohga qurbatdir. Ilm - tanholikda hamroh, hilvatda - do'st, to'g'ri yo'l ko'rsatuvchi - dalil, begonlar oldida - eng sodiq do'st, Jannat yo'lining minorasidir.
Hazrati Umar ibn Hattob r.a.

 

Bugungi kun tarixi

Muallif muxbirBo'lim Yangiliklar

Javoblar: 199
Ko'rilgan: 100334
So'nggi javob 27 Iyun 2013, 14:24:35
muallifi Muhammad Sanjar
Bugungi kunda tilimizning saviyasi qanday darajada???

Muallif MuattarBo'lim Umumiy

Javoblar: 19
Ko'rilgan: 10847
So'nggi javob 01 Dekabr 2009, 21:53:56
muallifi Shokir63
Bugungi kun...

Muallif MuslimаBo'lim Oila va jamiyat

Javoblar: 135
Ko'rilgan: 47971
So'nggi javob 04 Aprel 2013, 03:47:55
muallifi Fayzulloh
"Bugungi kun" muammosi

Muallif ChustiyBo'lim Oila va jamiyat

Javoblar: 81
Ko'rilgan: 36216
So'nggi javob 26 Iyun 2014, 20:49:10
muallifi Абдурроҳман
Bugungi Kunim Hissasi

Muallif JaviKBo'lim Forumchilar blogi

Javoblar: 77
Ko'rilgan: 22928
So'nggi javob 26 Aprel 2013, 12:04:23
muallifi Muxsiya