Assalomu alaykum!
Bugun hayotimdagi eng bahtli kunlarimdan biri. Allohni karami keng Zot ekanligiga yana bir marta guvoh bo’ldim. Anchadan beri ishxonamdagi bir qiz bilan din haqida tortishamiz, Musulmon farzandi bo’lishlariga qaramay nomozhon va hijobli qizlarga munosabatlari yaxshimas edi, man bilan doim shu mavzuda bahslashardilar. Alhamdulilllah, shu bugun shu opam oldimga kelib mandan ularga namozni o’rgatishimni so’radilar. Hich bo’lmaganda bomdodni boshlamoqchi ekanliklarini aytdilar. Man uchun bu katta baht, hursandligimdan yig’lab yuboray dedim, chunki namoz va hijobga qarshi gaplarni ulardan ko’p eshitgandim. Alloh iymon bergani rost bo’lsin! Bu man uchun Ramazon oyida shaytonlar zanjirband qilinishiga yaqqol bir misol bo’ldi! Bizlarni to’g’ri yo’lga boshlagan Alloh taologa hamdlar bo’lsin!
