Bugungi kun mulohazalari

[Margilanets]

AbdulAziz:

17.01.2006. Bu kun ham har doimgidek o'tdi.
Ertalab yana qor yog'di. Lekin tushlikka kelib oftob tig'ida qorlar ham erib ketdi...
Ertalabdan turib o'z yumushlarimni bitirdim.
Tushlikka "Polyanka"dan somsa olib kelib yedim-da, narsalarni ko'targancha, metroga otlandim.
Amir Temur bekatida tushib Alisher Navoiy kutubxonasiga kirdim. O'tgan safar tugatolmaganim Habibullo Qodiriyning "Otam haqida" kitobini mutolaa qildim. "O'tkan kunlar" va Abdullo Qodiriyning hayotlari haqida judayam qiziq ma'lumotlarga ega bo'ldim. Orada TVdagilar kelib, intervyu ham olishdi.
Keyin ishxonaga keldim. Internetdagi xabarlarga javob bera boshlayapman...

[Margilanets]

Behzodbek:

18.01.2006. Assalomu alaykum,

Abdulazizning kundalik yozadigan odati bor edi. Shu ishini forumdayam boshlabdi-da.
Men ham bugungi kunim haqida ozgina yozsam.

Bugun 4-imtihonimizni topshirishimiz kerak edi. Uncha tayyor emasdim. Shuning uchun kecha kechasi ikkilargacha kitob o'qidim, so'ng uxlab ertalab oltilarda turdim. Soat 9.00 da imtihon boshlanadi, "Political Theory" (Siyosat nazariyasi) fanidan. 8 larda uydan chiqib, metroga otlandim. Metroda kursdoshim, Assam shtatilik Mizini uchratib qoldim, so'ng birga kollejga ketdik.

Imtihonni, nazarimda yaxshi yozdim. 12 da imtihondan chiqdik, so'ng yana Mizi bilan ortga qaytdik. Bugun kvartirada men navbatchi edim, kelib ovqat pishirdim. So'ng 20-yanvardagi imtihonga tayyorlanish uchun yana kitob o'qishga tushdim. 18 larda internetga o'tirib ishlay boshladim. Hozir soat 19.11, haligacha internetda ishlayapman. Hozir chiqib ovqat qilishim kerak, kech bo'lib qoldi.

Sizlar ham yozib turinglar, bu rosayam qiziq.

[Margilanets]

Maknuna:

19/01/2006. Assalomu alaykum!
Man hozir ertalabda azgina voqt topib internetga kirdim. Hozir hunar o'rganishga boraman. Kechagi ko'ylakni oxiriga yetkazib qo'yish kerak. Asta-sekin tikuvchilik hunari sirlarini o'zlashtirib borvomman.

Soat 16.00 larda uyga yo'l olaman. Tezda oshxonaga kirib, kechki ovqatga urinaman. Oyimla o'zim qilaman, desalar ham ularni ishlatkim kelmaydi

Kechki dasturxonni tuzab ovqatlanamiz, yana ro'zg'or yumushlari, soat 20.00 largacha shunday ishlar bilan band bo'laman. Keyin kitob mutolaa qilaman...

[Margilanets]

AbdulAziz:

20/01/2006. Man ham kecha uyda navbatchi edim. Talabaning eng sevimli ovqatlaridan biri - mastava bilan do'stlarimni siyladim.

Behzodbek, atta qanaqa ovqatalar qilaypsilar? Anu rasmda ko'rganimde boshqacha ovqatlarmi yo o'zimiziz ovqatlarimizdanmi?
Qozon, o'chaq bormi?

[Margilanets]

Behzodbek:

20/01/2006. Assalomu alaykum.

Ovqatlar, asosan, o'zimizning o'zbekcha taomlar bo'ladi. Lekin bitta-ikkita hindcha taomlar ham o'rgandim Masalan, bular guruchni ko'p yeyishadi. Quruq guruchni qaynatishib, yana alohida unga qo'shib yegani sho'rvaga o'xshash suyuqroq narsa qilinadi. Shu yam yaxshi narsa ekan. Tayyorlash oson, to'yimli.

Ovqatni gazda qilamiz. Lekin Hindiston O'zbekiston kabi gazlashtirilmagan. Gaz balonlarini sotib olamiz.

Rasmda ko'rganing bir turk okamizning uylari, mehmonga borgandik. Hindcha, turkcha, o'zbekchaga o'xshash taomlar pishirishgan ekan.

Aytgancha, bugun oxirgi imtihonimni topshirdim. Xudoga shukur, qutuldik.

[Margilanets]

AbdulAziz:

Va alaykum assalom!
Hindlarning eng sevimli ovqati qanaqa?
Retseptni bersang, keyingi safargi navbatchiligimda bir urinib ko'rardim.

[Margilanets]

Behzodbek;

Hindlarning eng sevimli taomi menimcha, odamiga qarab har-xil bo'lsa kerak. Masalan, kollejimda talabalar asosan Cho'le Bature degan taom olishadi. Men uchun ham tuzukrog'i shu. Asosan, no'xotdan iborat, yoniga bizning qatlamalarga o'xshash yog'li non qo'shib beradi.
Lekin uni qanday tayyorlashni bilmayman. Yana menga eng yoqqan taomi Shourma degan taom bo'ldi. Uni Dehlining faqat bir joyida qilishadi, Jamia Millia Islamia Universiteti yaqinida musulmonlar qilishadi. Haqiqatdan ham shirin taom ekan. Xamirga g'o'sht qiymasini o'rab pishirishadi. Lekin u bizdagi somsalarga o'xshmaydi, ajoyib narsa. Har zamonda yegani borib turamiz.

eh, baribier O'zbekiston taomlarini juda sog'indim, ayniqsa, nonni sog'indim. Bu yerdagi nonlarni agar O'zbekistonda bo'lsa, hech kim yemasa kerak. Yaqinda bir oshnamiz uyga turklarning nonini olib keldi. Xuddi O'zbekistonning uy nonini yeganday maza qildim.

[Margilanets]

Maknuna:

23/01/2006. Dam olish kunlarini juda yaxshi o'tkazdim.
Bu kunda uy yumushlaridan ortib ikkita kitobni mutolaa qildim. Juda zo'r kitoblar ekan.
Biri Ahmad Lutfiyning "Saodat asri qissalari" degan kitobi, afsuski, bu kitobning 2-3-qismlari manda yo'q ekan, birinchi qismiyam juda go'zal ekan, o'qib mazza qildim.
Ikkinchi kitobim, "Oylik hilol taqvimi" juda zo'r maqolalari bor ekan.
Boshqalarga ham tavsiya etaman.

[Margilanets]

AbdulAziz:

23/01/2006. Assalomu alaykum!
Men ham dam olish kunlarini juda maroq bilan o'tkazdim.

Shanba kuni do'stimiz - Alihon ning tug'ilgan kunlari ekan. Ular bizni Toshkentdagi marg'ilonliklar choyxonasiga taklif qildilar. U yerda do'stlar bilan rosa maza qildik, suhbatlar, hangomalar... O'zimizning devzira guruchlardan juda qoyillatib osh damlab berishdi. Xuddi uydagidek maza qilib tanavvul qildik.



Yakshanba kuni esa ishxonadagi yoshlar bir bo'lib Chimyonga chiqdik. Qorli tog' bag'rida o'ynab rosa maza qildik.
Chimyon tog'iga qor juda yaxshi yog'gan, baxtimizga havo ham sovuq emas, oftob charaqlab chiqqan.
Chang'i, chanalarda uchib rosa huzur qiladi, odam. Ayniqsa, chanada 2-3 kmga sirpanishning gashti boshqacha bo'lar ekan. Eng zo'ri toqqa plyonka bilan ko'tarilib, shu bilan sirpanish maza ekan.
Tabiatning go'zalligiga qarab ko'z to'ymaydi. Archa tagida, qor ustida o'tirib, tamaddi qilishning ham o'z gashti bor ekan.

Xullasi kalom, Chimyonda maroqli hordiq chiqarish mumkin ekan. Sizlarga ham tavsiya qilaman.

[Margilanets]

Maknuna:

Ha, maza qib dam obsizlar.
Albatta toqqa chiqqanda odam baribir boshqacha bo'ladi. Toza havoda maza qib dam olishdan zo'ri yo'q.

AbdulAziz, Chimyonga chiqish harakatlari qancha ekan. Bizayam yaqinda chiqmoqchi edik?
   

[Margilanets]

AbdulAziz:

Ha, silagayam tavsiya qilaman, maza qilib dam opkelasila.

Maksim Gorkiydan to'g'ri Chimyomgayam marshrutka, taksilar bor, lekin qimmat ekan. Eng yaxshi usul 800 so'mga marshrutkada G'azalkentgacha borib, u yerdan taksida (1000-1500 so'm) Chimyonga borish mumkin.

U yerda chanalar soati 1000-1500, iloji bo'lsa o'zilar bilan ovoganilar yaxshi. Yoki bo'lmasa, qattiq selofandan ham qopcha yasab, shunda ham sirpansa juda zo'r bo'larkan. Buniyam o'zilar bilan opketseylar bo'ladi. Chunki bunaqa plyonkalarning ijara narhi ham soatiga 1000 so'mdan.

Tushlikka u yerda ovqatlanish qimmatga tushadi. Shuning uchun sumkaga tuslik uchun zarur mahsulotlarni solib olish kerak. U yerda qor ustida maza qilib tanavvul qilish mumkin.

[Margilanets]

Maknuna:

26.01.2006. Kecha kechqurun yog'ishni boshlagan qor bugun ertalab tindi.
Butun shahar oqlikka burkandi.
Bunaqa ko'p qor hali yog'magan edi.
Daraxtlar o'zlarini zo'rg'a ko'tarib turishibdi...

[Margilanets]

AbdulAziz:

27.01.2006. Hali veri shaharda bunaqa katta qorni ko'rmagandim (tog'da ko'rganman).
Dushanba kundan beri yog'ayotgan qor qalinligi bugu 45-50 sm gacha yetdi. Atrof hamma yoq oppoq.

Transport qatnovi juda sekin. Mashinalar qor ustida 30-40 tezlikda yurisha olyapti xolos. Vodiy bilan Toshkentni bog'lovchi yo'l ham yopilganiga 3 kundan oshdi.

Ko'chada yoshroq bolalarga "ish" topilgan. Bechora qizlarni qor bilan siylashgani siylashgan.

Qor esa haliham yog'moqda. Oqlikka burkangan tabiatni tomosha qilib to'ymaydi, kishi.

[Margilanets]

Feruza:

28.01.2006. Maktabdan chiqib kutubxonaga keldim. Odatda bu mening eng yaxshi ko'rgan paytim, chunki ertaga maktab yo'qda! Bemalol o'tirib kitob o'qishga vaqtim bo'ladi.
Bizda hech qanaqa qor yo'q. Hatto yomg'ir yog'sammi-yog'masammi deb o'tiribdi. Sizlarning qor haqidagi postlaringiz havasimni keltirayapti.

[Margilanets]

AbdulAziz:

30.01.2006. Dam olish kunlari juda maroqli o'tdi.

Va nihoyat shanba kuni qor to'xtadi, lekin undan qolgan oqlikka burkangan tabiat hamon o'z go'zalligini yo'qotmagan. Tomlardan osilib turgan muzlarga qarab go'zallikdan bir xursand bo'lasan, bir qo'rqasan. Kichik ko'chalarda mashinalar kam yurgani uchun qorlar hali erimagan. Katta ko'chalarda esa qorlar erib suv va loy bilan qorishib ketgan.

Bugun ertalabdan ishga keldim. Darsni o'tib bo'lganimdan so'ng, endi o'zim darsga ketdim. Bugungi dars juda zo'r bo'ldi. Ayniqsa psixologiya darsida juda maza qilib o'tirdim.