Menga bir so`z aytgin demayman,
Bir umrga qaytgin demayman.
Bir ko`rmoqqa zor-zor yig`layman,
Xudo haqqi juda sog`indim...

Ma'yus kuzlarimdan yoshlar oqar
Suymaganim suykalib boqar
Oh zorlarim eshigingiz qoqar
Hudo haqi, sizni sog'indim...

Men esa
Oshig`ing sening —
Eng g`arib.
Tundan so`z
Qarz olib,
Tongga tutguvchi.
Sening yonimda ham
Seni axtarib,
Sening yoningda ham
Seni kutguvchi.

Ista,
Tiz cho`kaman
Hozir oldingda.
Sevdim,
Sevganimdan
Uyalmoq nechun.
Barcha farishtalar
Sening qalbingda
Ijarada turgan
Qizlar men uchun!..

Biz baxtli bo`lamiz
Xudo xohlasa,
Xudo xohlamasa,
Uchrasharmidik?!

Ketding, ketding, sen ketding,
Orqangda qoldim hayron.
To'xtamay oqmoqda umr,
Yuragim tilka, vayron.

Nahot, bekor o`tdi
gulday umrimning
ming yilga tatirlik oltin choqlari,
nahot biror ruhni uyg`otolmadi
shoir yuragimning qaldiroqlari?!
   

Ichkilik kekkaygan boshni qilur xam,
Maydan yechilmagan biror tugun kam.
Bir qultum may ichgan bo'lsaydi shayton,
Ming sajda qilardi odamga ul ham.

Men yo'qsil na bo'lub uni suyibmen?!
Uning-chun yonibmen, yonib-kuyubmen.
Boshimni zo'r ishga berib qo'yubmen,
Men suyub"¦men suyub"¦kimni suyubmen?
Men suygan "suyukli" shunchalar go'zal,
Oydan-da go'zaldir, kundan-da go'zal!!!"

Lahza-lahza chiqdimu, chekdim yo'lida intizor,
Keldi jon og'zimg'ayu ul sho'xi badxo' kelmadi.

Ikkimiz uchun ham yolg'iz shu oftob,
Ikkimiz uchun ham yagona zamin.
Men ham sening uchun bitmadim kitob,
Sen ham shuhratimni etmassan ta'min.

Kimga nima kerak? Nechun soxta shon?
Nechun mangulikdan behuda talab?
Axir ikkimiz ham so'ng manzil tomon
Ketmasmiz dunyoning yukin orqalab.

Bizni uchrashtirar bir kun tasodif,
O'shal tasodifni kutib yashayman.
Umrimning eng go'zal hush lahzalarin,
Og`rinib ichimga yutib yashayman.