Ibodat ucholmay qanotin izlar,
Sabr esa pymol, oyoq ostida "¦
Sadoqatlar qadriga yig’lar,
Riyo hokim Ihlos ustida.

Fasod g’olib, urar qahqaha,
Nafs adashgan, yo’llari egri"¦
Halol ojiz, harom hukumron,
Oydek yuzlar Haqqa teskari"¦

         Kubro

* * *
Berganin oz dema, Haq holing bilar,
Demak, shundan ortig'i ko'plik qilar.
Agarchi tashnasan, bir kosa suv bas,
Qilmag'il daryoni yutmoqni havas.

Ko'p yemak odam-u molni ne qildi,
Odam orttirdi dard, ho'kiz so'yildi.
Dema nafsim:U yahshi yo bu yahshi,
Neni ravo ko'rsa Razzoq - shu yahshi.

Fozil Zohid.

Pand...

Nafsni jilovingga olmoq bo'lsang gar,
Qorning to'ymasidan taomga to'ygil.
Gullarni hidlashdan to'hta, birodar,
Qabr kavlashni ham o'rganib qo'ygil.

Ajal o'qi aniq, bir kun yetgusi,
Shoshmasdan, hotirjam halok etgusi,
Otang, onang bor - erta ketgusi...
Qabr kavlashni ham o'rganib qo'ygil!

Bitgan gulzorlaring so'lar ertaga,,
Umr kosasi ham to'lar ertaga,
Baland minoralar qular ertaga,
Qabr kavlashni ham o'rganib qo'ygil.

Birov horma demas, tolsang yugurib,
Yordam ham berolmas ahvoling ko'rib,
Mard bo'l-da o'rningdan bir sapchib turib,
Qabr kavlashni ham o'rganib qo'ygil.

Mayli, ko'chat ekkin ertani o'ylab,
Mayli, hosilni ham totgil yolg'izlab,
Lek qolmayin desang qabrda bo'zlab,
Qabr kavlashni ham o'rganib qo'ygil.

Ko'rding, dosh berolmas ming-minglab tuzum,
Bir shamol uchirdi barisin yuzin,
Elga suv chiqargan mahaling bir zum,
Qabr kavlashni ham o'rganib qo'ygil.

Duolar tilagan qo'llaring ila,
Elaklar elagan qo'llaring ila,
Ayoling silagan qo'llaring ila,
Qabr kavlashni ham o'rganib qo'ygil.

Otang yer chopganda qarashib yubor,
Uning yuragidan yo'qolsin g'ubor,
Shunda ham birodar, aytaman takror,
Qabr kavlashni ham o'rganib qo'ygil!!!

Hayrulloh.

Hamma mehmon.

Bu dunyoga hamma mehmon, yo'qdir aning mezboni,
Mo'minlarga dunyo qafas. bo'lmasrohat makoni.
Ozuqa ol Ohiratga, ishlat aql va ongni,
Har bosgan qadaming hatar, yaqin ajal o'pqoni.

Bu dunyoga hamma mehmon sinalmoqqa kelganmiz,
Savob-gunoh ilinjida, "tijoratga" kelganmiz.
Mo'minlarga dunyo qafas, bo'lmas rohat makoni,
Bu dunyoga hamma mehmon sinalmoqqa kelganmiz.

Zuhra.

Bilmam...

Yer bag'rida ul tanlar qolgan,
Aqlga ne hikmatlar solgan,
O'ylab o'yga yetolmay tolgan,
Ul tan qayon ketarin bilmam.

Fir'avnu Namrudlar berin,
Tanlar uchun bichmishlar zarin,
Ko'rib, solgin ibrat nazarin,
Kafanli tan qolarin bilmam.

Sahiy qo'lli Hotamitoy bo'l,
Obi Rahmat chashmasiga to'l,
Hech bo'lmasa to'lin oyday bo'l,
Netay, qay kun ketarin bilmam.

Lola Azimova.

* * *

Besh illat bor qalbni aylagay barbod,
O'zni asramasang duch kelgay balo.
Ko'p yeyish, ko'pdeyish, hamda yalqovlik,
Behuda kulmoqqa bo'lmoq mubtalo.

Yana noshukrlik ko'p og'ir illat,
Yuzni qilgay haloyiq aro qora.
Iloho, bulardan asra bandangni,
Ojizlar dardiga aylagin chora.

A'molim mezonga qo'yar chog'ingda,
Gunohlarim kechir, etma oshkora,
Qalbni yoritguvchi besh fazilat bor,
Kim unga muyassar, Alloh bo'lur yur.

Oz yemoq, tafakkur aylamoq ko'proq,
"Ixlos"ni ixlosa-la o'qimoq bisyor.
Olimlar suhbatin mudom istamoq,
Istig'for aytmqolik yana har sahar.

Iloho, bularga esh et qalbimni,
Zikringda saharlar aylagil bedor.
Mosuvo etmagil ma'rifatingdan,
Toki jamolingga bo'lay muyassar.

Abdug'ani hoji Sulaymon.

Vaqt g'animat.
12yoshli Go'zlahonning ijodi...

G'animatdir yoru do'stlaring,
G'animatdir ota ham onang,
Omonatdir molu davlating,
Vaqt g'animat inson shuni bil...

Qashshoq bo'lib qolar ekan boy,
Yomonlarning holi bo'lar voy,
Ibodating kechiktirmay qil,
Vaqt g'animat inson shuni bil...

Bu yoshgina singlimizni haqqiga duoda bo'ling.

Uyg'onur...

Uyg'onur har inson irqi, millati,
Jinsi uning qanday bo'lsa ham.
Zero,Alloh bergan aql ne'matin,
Qo'l narsani topar,ko'z ko'rmasa ham.

Iymon -  bu ishonish ko'rib turgandek,
Mukammal idrokla aniq his qilish.
Yorqin fikr bialn Alloh aytgandek,
Oyat-alomatlar egasini tanish.

Osmonlar va yerning yaratilishi,
Almashib turishi kecha kunduzning.
Hokazo borliq- bu Allohning ishi,
Dalili isboti Iymonimizning.

Muqarrar bo'lgandek o'lim har jonga,
Qiyomat muqarrar erur shubhasiz.
Bunday ishonch hosdir ahli iymonga,
Muqarrar qaytadan tirilmoqlik ham.

Shunga binoan ey, aziz birodar,
Atrofga boqaylik, tafakkur bilan.
Ko'rasiz zarrayu koinot qadar,
Barpo qilinganin tadabbur bilan.

Abdulhakim.

Ibodat qil...

Mol-dunyoga ko'ngil berma, omonat,
Umring bo'yi quraverma imorat.
Barchasining hisobi bor, qiyomat,
G'animatsan, ibodat qil,ibodat.

Davlat bersa, miskinlarga nazar qil,
Harom harish kelsa, undan hazar qil.
Umring tugar, borar joying mozor, bil,
G'animatsan, ibodat qil, ibodat.

Musofirsan, joning tanda omonat,
Ohiratda yashay desang farog'at.
Bu damalrni g'animat bil, g'animat,
G'animatsan, ibodat qil, ibodat.

Jannat yuzin ko'raydesang kamtar bo'l,
Takabburlar ALloh sari topmas yo'l.
Najot senga ibodatdan qilgil mo'l,
G'animatsan,ibodat qil, ibodat.

Mohidil.

Panjara.

Maboda ochiqda duch kelib qolsa,
Sherga musht ko'tarib o'ynay olar kim?
Panjara ichida turgan holida,
U qarab turadi odamlarga jim.

G'iybatchi dastidan jahli chiqsa-da,
Sherdayin g'azabga berlmas inson.
Buzmay, deb o'zgalar tinchin u boqar,
Iymon panjarasin ortidan shu on.