Islomiy she'riyat  ( 309966 marta o'qilgan) Chop etish

1 ... 3 4 5 6 7 8 9 10 11 12 13 ... 89 B


Munira xonim  02 Iyul 2006, 09:37:16

Ostonada kuz.
Fursat g'animatdir,shitobing qolar,
Bu yo'lda adashma,javobing qolar.

Umr ustunlari qulagan kunda,
Ortingda zor yig'lab ahbobing qolar.

Ko'ngilkulbasida parvona bo'lib,
Misqollab yiqqaning savobing qolar.

Istig'foring qo'yma,gunohlaring yuv,
Sajda qilib qurgan mehrobing qolar.

Libossiz kelgansan yorug' olamga,
Kulolga bir siqim turobing qolar.

Sarlavha izlagil - ostonada kuz,
Yozgil,nuri iymon - kitobing qolar.
Bahodir Qiron,Farg'ona.

Qayd etilgan


Munira xonim  02 Iyul 2006, 09:50:03

Payg'ambar yo'li.
Oddiy bola bo'lgan Rasululloh ham,
yetim qalbi goho zardobga to'lgan.
...Bir oylik yo'ldanoq g'animlarga g'am,
qo'rquv tushib, dili sarg'ayib so'lgan.
Unga salom aytgan hatto toshlar ham,
Alloh quvvat bersa,inson qudratli,
shijoat bergadir Yaratgan Egam,
Yo'qsa qaydan olmish bunday shiddatni?!
Mo'minga ham berar sunnati sabab,
hurmati sababdir me'roji iqbol,
mo'minga ham berar keskirlik,shiddat,
o'zga yo'lga sarflab goh aylar uvol.
Darralar tagida sabr atdi Imom,
Belini bog'ladi karomat qo'li,
"Misli yulduzlardir Ashobi Kirom,
Ergashgan topadi Haqiqat yo'lin".

Yo'ldosh Eshbek.

Qayd etilgan


Munira xonim  04 Iyul 2006, 15:48:29

Saqlagin.
Qiyomat Kun oftobidan saqlagin,
bu dunyoda dil hobidan saqlagin,
ikki dunyo yahshiligin ato qil,
ikki dunyo azobidan saqlagin.
Amal qildir O'zing rizo bo'lgulik,
Qiyomat Kun yahshi jazo bo'lgulik,
ko'ksimizni yumshat,Egam, muloyim,
tirilganda uzviy a'zo bo'lgulik.
Qanoatga muvaffaq qil - munosib,
shafoatga musharraf qil - munosib,
bu dunyoda miskinlarning g'amin yeb,
u dunyoda musharraf qil - munosib.
Va'dang haqdir,Odildirsan muqarrar,
bandang ojiz,amallari ko'p zarar,
Senga oson - bizga oson qil Egam,
jon berarda bilingaymish amallar.
Ikki dunyo halolingdan ayurma,
nuru ziyo-zilolingdan ayurma,
mo'minlarga, Yo'ldoshga ham rahm qil,
Mehribonsan,Visolingdan ayurma,
Jamil, Baqo, jamolingdan ayurma!

Yo'ldosh Eshbek.

Qayd etilgan


Munira xonim  12 Iyul 2006, 08:33:02

Sen...
Bir havo o'ylabman nvoday sizgin,
tor yo'lda hor ekanman Senga zor,
ammo qayoqdadir ko'rinmas tizgin,
ammo Sendan boshqa mening kimim bor?
Bir navo o'ylabman havoday mayin,
gul atri misoli muattar ifor,
ko'ngilning qay tori tortilgan sayin,
kuydim - Sendan boshqa mening kimim bor?
Yo'l istab yuribman, yo'lda ekanman,
chiqajak joyi bo'lsa hamki g'or,
qorong'u... gul debman, tilsa tikonlar,
suydim - SEndan boshqa meninh kimim bor?
Bir qultum suv istab, bir qultum najot,
meni qurshaganday ulkan bir g'ubor,
ammo tushlarimda topilmas hayot,
ayo, Sendan boshqa mening kimim bor?
Qadrdon turtadi, turtadi bir yot...
g'alati hazilga o'hshagan asror,
turinib-surtinib o'tgummi ozod,
ozod Sendan boshqa mening kimim bor?
Men qanday yashadim, bungacha omon,
shu'laga suyangan ulkan tun bedor,
ko'ksimda hayqiriq uhlaydi hamon,
hamon Sendan boshqa mening kimim bor?!
Yo'ldosh Eshbek.

Qayd etilgan


Munira xonim  12 Iyul 2006, 08:38:20

Baht...
Nimadir baht - anglarmanmi men,
balki omad, balki shodlikdir,
baht ma'nisin qirg'oqlari ko'p,
qirrasi ko'p, turli otliqdir.
Tashbish desang... bahtiyorman ho'p,
bardosh desang, ko'pmas bardoshim,
musibatim... bahrlarim to'p-to'p,
bari o'tar - ko'zdagi yoshim -
bahtmi, o'tar,u sevinch,g'ammi?
O'zing va'da qilgan baht Bahtdir,
Diydor uchun ikki olamni,
vasila qil shu baht abaddir.
Yo'ldosh Eshbek.

Qayd etilgan


Munira xonim  14 Iyul 2006, 09:05:55

Foniy dunyodan.
Men o'tib ketaman izim yashagay,
hayotim samari, sezim yashagay,
nohaqlik bo'roni aro yalangto'sh,
jafokash bir sulton, to'zim yashagay.
Vatandosh jigarim bahti ham kulsin,
baht o'zi g'amgindir,inson shod qilsin,
insonni - Egasi shod etar har vaqt,
baht - Boriyni bilmoq,har kim yod qilsin.
Har kun yod qilsin-u, o'zin shod qilsin,
va shaksiz do'st dilin u obod qilsin,
yahshi amal bilan aylasin qamal,
yomonlik qo'rg'inin shunday mot qilsin.
Ibodat hartidir tilni uyg'otmoq,
mardlarnind qadridir elni uyg'otmoq,
toatning bosh sharti g'ofillik emas,
ko'ngilning dardidir dilni uyg'otmoq.
Ey,ko'ngil, uyg'ongin,nahor o'tmoqda,
yoz o'tdi, qish o'tdi, bahor o'tmoqda,
sajada qil, bir nazar bo'lsa ajabmas,
mehrni bo'g'olmay ne dor o'tmoqda!
Yo'ldosh Eshbek.

Qayd etilgan


azizaxon  14 Iyul 2006, 14:04:03

Assalomu alaykum .


KATTALARGA NASIHAT.

Yaraqlagan  uylaring chang bo'lsa ham siqilma ,
Ro'zg'oringda bir narsa kam bo'lsa ham siqilma.
Yo'qchilikdan kunda bir jang bo'lsa ham siqilma ,
O'g'ling yeb o'rga ketar qizing yeb qirga  ketar.

Chaynayotgan noningni bolamga deb o'lasan ,
Katta bo'lgach gap bilan bir siltasa  so'lasan .
Bino  qo'yma , siylama ,pupalama ko'rasan ,
O'g'ling yeb o'rga ketar qizing yeb qirga  ketar.

Qariganda  g'alvani ko'tarolmas yuraging ,
Qani ota -onalar suyanchig'ing tiraging.
Yotib qolsang og'risang  kimga bo'lar keraging ,
O'g'ling yeb o'rga ketar  qizing yeb qirga .



Qayd etilgan


mubashshir  15 Iyul 2006, 10:47:06

Dinu diyonatdan bo'lmagin yiroq,
Yo'lingni yoritar u mangu chiroq,
Amallaring uchun jannatni olsang,
Ne'mat bormi yana undan yahshiroq.
Abduvali Abduqayyum o'g'li, Andijon.

Qayd etilgan


Munira xonim  19 Iyul 2006, 07:38:19

Ibodat.
Nafsning shashti bosilgay ro'za bilan,
Qaddi basti bosilgay ro'za bilan,
tez-tez ro'zador bo'l,nobakor nafsning,
morday qadi bosilgay ro'za bilan.
Roza - tan zakoti, holing salomat,
Zakot - kafforotdir, moling salomat,
beva - bechorayu, yetim- yesirga,
haqdorga ato et, joning salomat.
Hajni ihtiyor qil, qodirsan agar,
Ota-onangni haj qildir muqarrar,
topgan moling halol bo'lsin har qachon,
harom bo'lsa yo'llaringda bor ajdar!
Namoz ibodatning podshosi erur,
barcha yahshilikni peshvosi erur,
unda haj, savm, me'roj, jannat kaliti,
dilning tahorati, ifshosi erur.

Yo'ldosh Eshbek.

Qayd etilgan


Abu Muslim  22 Iyul 2006, 03:56:47

Hayrullah Hamidovning serlarini (yangilari bilan) va sherlariga ishlangan klipni yuklab olish uchun ma'rifat markaziga o'tinglar

http://www.islom.uz

undan tashqari boshqalarning sherlari ham, bor

Qayd etilgan