Keling, gapni ularning shirinkalomligiyu hushmuomalaligidan boshlay qolaylik. Vodiyda «Muomalani marg‘ilonlikdan o‘rgan» degan kalom bejiz kezib yurmaydi. Magarkim, shoiru fuzalolarimiz ta’rif bergan «so‘zi bol» rost bo‘lsa, bu faqat marg‘ilonliklar... To‘y-to‘ychiqdagi, izdihomlardagi muomala, chaqqon xizmatu mulozamatni ko‘rsangiz, ming beg‘am bo‘ling «Balli, otangga rahmat» deya, albatta, ko‘nglingizdan o‘tkazasiz. Dilkashlar esa bu tasannoni har gal inkishof etadilar.
Pirsiddiq majmuasi O‘zidan ulug‘ni, xeshu aqraboni ulug‘lash borasiga kelsak, marg‘ilonliklarning «lar» maxsus qo‘shimchasi bor: «dadamlar, buvamlar, ukamlar... keldilar, ketdilar». Birorta urug‘-aymoq, birorta mehmon, hatto suhbatning yo‘q ishtirokchisi ham «lar» bilan siylanmay qolmaydi.
Tilavoldi Jo'rayev, jurnalist