Sevib o`qigan asaringizning eng ta'sirli qismi

[AbdulAziz]

— Бу бизнинг кенжа сингил бслади, Турсун ошна. Олтинчи синфда сқийди. Ўзисм аълочи.
— Ҳа-а. Содиқовнинг синфиданмисан?
— Ҳа.
— Қалай, дам олишлар схши стсптими?
— Ксриб турибсиз-ку.
— Йсқ, иш қийин смасми дейман?
— Иш бслади-ю, осон бсладими, муаллим.
— Ҳа снди, дам олиш вақтлари ота-оналарга ёрдам бериш ҳам керак-да.
— Бир дам олишда смас, йил — сн икки ой шундай. Даҳо уст-бошлари кир Сорага тикилди.
"Ана, бслажак чала-чулпа халқ! Сони бор-у, салмоғи йсқ халқ! Бу халқ ҳали восга етмасданоқ пачоқ бслиб қолади".

* * *

Чол-кампирлар сзи емай-сзи ичмай, сизларни сқитади. Шулар сқиб келиб, турмушимизни схшиласин, еримизга қарасин, дейди. Сизлар сса тайёрига — шаҳарга чопасизлар.
Бу азалдан бор гап. Уккағарлар сқиб, битталаб шаҳарга қочади. Оқибат, қишлоқларимиз аввал қандай бслса, шундайлигача қолиб кетади!

Тоғай Муроднинг «Момо Ер қсшиғи» қиссасидан.

[Muvahhid]

Imom G'azzoliy o'zining, "O'limdan so'ng" nomli kitobida shunday yozadi:

"Ey inson! Birorta ibodatni kichkina deb bilma. Chunki, Alloh taolo O'z roziligini toati ichiga yashirgan. Qayerdan bilasan, balki sen haqir sanayotgan ibodatda Allohning roziligi bordir. Mayli, u bir yaxshi so'z yoki yaxshi niyat yoxud shunga o'xshash ibodatlar bo'lsin!"

[yoqutxon]

 

"Halok bo'lgan qahramonlar so'zlashadi"..... kitobining har bir bettini juda qattiq ta'sirlanib o'qiganman. Anchagacha o'zimga ham kelolmay yurganman. O'sha  kitobni o'qiganimdan so'ng bugungi kunga , tinchligimizga ming bora shukur keltirib, uning qadriga yanada ko'proq yetishni boshlaganman. Bu kitobda 2 jahon urushida halok bo'lgan insonlarning hayotlaridagi ohirgi o'lim oldidan yozgan xatlari chop etilgan mana shu xatlardan birini ruschadan tarjima qildim.
" Men uchun qorong'u , daxshatli daqiqalar yaqinlashmoqda.Sog' joyim qolmadi- qo'llarim, oyoqlarim.....Lekin oh faryodsiz bu dunyoni tarj etayapman. 22 yoshda jon berish naqadar qo'rqinchli.Ehh qanchalar shunchalar yashagim kelyaptiki!Barcha bizdan keyingi insonlar tinchligi, Vatanim tinchligi uchun jon berayapman. Gulla yashna, go'zal bo'lgin hayot biz uchun ham....... Pasha . Yanvar 1944-yil"
 

[Zamiraxon]

 

                                                    

"Albatta, sizlar uchun chorva mollarida ham ibrat bordir. Biz sizlarni ularning qornidagi sut bilan sug‘orurmiz, yana sizlar uchun ularda (yunglaridan kiyim to‘qish, minish kabi) ko‘p foydalar bordir. Shuningdek ular (ning go‘sht-yog‘lari) dan yeysizlar" («Mu’minun», 21).
Oyatda insonlarning hayvonlardan oladigan foydalari haqida gapirilganda, "Qornidagi sut bilan sug‘orurmiz" deyilgan. Tasavvur qiling, sigirning qornida yegan ovqati, ichgan suvi, tomirlarida aylanayotgan qoni, ichki a’zolari bo‘ladi. Shuncha aralash narsalar ichidan mazali, vitamin va oqsillarga to‘la oppoq sutning ajralib chiqishi Allohning mo‘jizasi emasmi? Alloh taoloning cheksiz ilmiga yana bir isbot: bu oppoq rangdagi sigir sutining manbai yashil o‘tlar, qurigan sariq, jigar rangdagi yem-xashaklardir.
Allohning sut beruvchi hayvonlar jismini yaratishdagi cheksiz qudrati dag‘al hashak va yashil rangdagi o‘tlardan suyuq va oppoq ne’mat — sut chiqishida ham namoyon bo‘ladi.

Hayvonot olami sababli bahramand bo‘linayotgan ne’matlardan yana biri, o‘zi kichik, lekin energetik quvvati kuchli bo‘lgan tuxumdir. Tadqiqotchilarning fikriga ko‘ra, bir kunda bitta tuxum iste’mol qiluvchi kishilar boshqalarga nisbatan ateroskleroz bilan kasallanmas ekanlar. Inson tanasiga bir kunda 300 mg. xolesterin kerak, ana shunda asab tolalari yaxshi ishlar ekan. Bitta tuxumda 70 mg. xolesterin bor. Bundan tashqari tuxumda xotira va aql yuritish faoliyatini mustahkamlovchi xolin moddasi mavjud ekan.
Inson uchun ana shunday muhim vitamin va minerallar manbai bo‘lgan tuxumning bizlarga yetib kelishida o‘ziga xos mo‘jiza bor. Hech qanday aqli bo‘lmagan tovuq xar kuni tuxum qo‘yadi va qo‘ygan tuxumini extiyotkorlik bilan bosib yotadi. Tuxum ichidagi suyuqlik qanday qilib uning qobig‘i atrofida to‘plangani yoki hech qanday teshigi bo‘lmagani holda qobiq ichida qanday qilib suyuqlik paydo bo‘lganini o‘ylash Allohning yaratish san’atiga bo‘lgan hayratni oshiradi.

"Qur'on axloqiga ko'ra mo'minning 24 soati"

[yoqutxon]

 

Aynni kunlarda o'qiyotgan "Rasullulloh sallollohu alayhi vassalam" kitobidan.Oisha r.a hali yosh qizaloq bo'lgan paytlarda.......
"Rasululloh SAW Tabuk yoki Haybar urushidan qaytib keldilar. Uyning tokchasida parda bor edi. Shamol turdi va pardaning bir tarafini ko'tarib, Oishaning o'yinchoq qizlarini ochdi. Shunda u zot
"Bu nima yo Oisha?"- dedilar.
"Qizlarim"- dedim
Ularning orasida quroqdan qilingan ikki qanotli otni ko'rdilar va
"Ularning orasida ko'rayotganim mana bu narsa nima?"- dedilar.
"Ot"-dedim.
"Uning ustidagi mana bu narsa nima?"-dedilar.
"Ikkita qanot"-dedim.
"Otning ikkita qanoti bo'ladimi?"-dedilar.
"Sulaymoning qanotli otlari bo'lganligi haqida eshitmaganmisiz?"- dedim
Bas, u zot kuldilar  va hattoki , men oziq  tishlarini ko'rdim"
Abu Dovud rivoyat qilgan.
p/s nimagadir mana shu hadisni o'qiganimda yig'lab yubordim..........

[albatros]

*        *        *

Bu eshikdan kirib kelganida hech vaqosi yo'q edi.
Bir parcha matoga o'rab beshikka soldilar.
O'sdi.Ulg'aydi.Mol dunyo topdi.Antiqa jihozlar oldi.Uy soldi.Bir qavatli.Ikki qavatli.Uch qavatli...Mashina oldi. "Volga", "Neksiya", "Mersedes", "Yaguar" ...Dacha qurdi.Saunasi bilan.Basseyni bilan.Massajxonasi bilan.Maishat qildi...
Birovga yaxshi ko'rindi.Birovga yomon ko'rindi...
U eshikka kirib ketayotganida hech vaqosi yo'q edi.
Bir parcha matoga o'rab "beshik"ka soldilarda, so'ngi manzilga eltib qo'ydilar.

*      *      *

Xonadoningizda keksa odam bormi? Baxtli ekansiz! Dunyo tashvishlaridan to'yib ketsangiz, shularni ziyorat qiling:hayot abadiy emasligini o'ylab taskin topasiz.
Xonadoningizda go'dak bormi? Siz ham baxtli ekansiz...Dunyo tashvishlaridan to'yib ketsangizda, go'dakni bag'ringizga bosing:hayot abadiy ekanligi ni o'ylab taskin topasiz.

*      *      *

Odam hamma narsaga to'yishi mumkin: Boylikka...Amalga...Shon - shuhratga...Xudoning o'zi kechirsinku, hatto... hayotga ham...Qarib churiganida "omonatingni ola qol, yaratgan Egam", deydiganlar chin dildan gapiradi...
Odam hamma narsaga to'yishi mumkin.Faqat bir narsaga - Mehrga to'ymaydi.Bu masalada shohu gado barobar.
Holbuki, dunyoda bundan arzon narsa yo'q.Bir og'iz shirin so'z, bir chimdim Mehr kimni o'ldiribdi! Biz esa shuni ham bir - birimizdan ayaymiz ...

O'.Hoshimov " Daftar hoshiyasidagi bitiklar"

[Bechora_Bandang_]

Biz ko‘rib turgan bu olamga «Koinot kitobi» deyiladi. har sahifasi, har satri, har bir harfi juda ko‘p
ma’nolarga to‘la kitob. Inson u kitobdan bir so‘z, bir jumla. Ammo aqlli, ongli, shuurli jumla. Ilm,
iroda, qudrat, eshitish, ko‘rish kabi sifatlar taqilgan jumla. Ham o‘zini, hamda boshqa yozuvlarni
sinchiklab o‘qiy oladigan jumla. Yozilgan kitobni tomosha qiladigan, undagi sirlarni kashf etishni
istagan g‘ayratli va maroqli jumla. Ana shu jumla haqiqatni topmoqchi bo‘lsa, eng avval o‘zinig
«jumla» ekanini «yozilganini» bilishi kerak, boshqa yozuvlarni ham shunday baholashi lozim. O‘zi ham
ichida yozilgan kitobning satrlari orasida yo‘qolib ketmasligi darkor! Undagi ilm bir Olimdan, hikmat
bir Hakimdan, qudrat bir Qodirdan kelganini anglamog‘i shart. Aks holda inson dunyo hayotining
muammolari va iztiroblari ostida ezilib, qorishiqlik va g‘ala-g‘ovur ichida sarson-sargardon bo‘lib yuraverdi..
                                                                                       
                 
                                                                                                                         Alouddin Bashar (Haqiqat nima?)

[albatros]

"Тутинган" ўғил
(Бир дўстимнинг иқрори)

Амал курсисида ўтирганингда ким энг кўп товонингни яласа, курсудан тушганингда ўша биринчи бўлиб, сендан юз ўгиради, деганлари қанчалик тўғри эканига ўзим ишонч ҳосил қилдим.
Бир қадрдоним бор эди. Кунора қўнғироқ қилиб, ҳафтага келиб турар, шифохонага тушиб қолсам, “овора бўлманг”, дейишимга қарамай ҳаммадан аввал етиб борар, таътил пайтида Ўзбекистоннинг қайси бурчагига дам олмай, топиб борар, “бир чўқимгина” ош қилмаса, кўнгли жойига тушмас эди… Буниси ҳам майли, икки гапнинг бирида “мен сизни отам деганман, сиз менинг отамсиз”, деб, Худони ўртага солиб қасам ичарди…
Мансабим жиндай ўзгарган эди, “боламни” йўқотиб қўйдим. Суриштирсам бошқа ота излаб юрган экан…

Ўткир Ҳошимов
"Дафтар ҳошиясидаги битиклар" китобидан