Muallif Mavzu: Mahmud Yo’ldoshev she'rlaridan  ( 30877 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #75 : 13 Mart 2008, 10:43:55 »
* * *
Men baribir olovparastman,
Qalbimda bor olovning tafti.
Siyqalanar tepamda osmon,
Ardoqlaydi quyoshning kafti.

Muk tushaman “Ollohu akbar”,
Xitoblarim tunda muallaq.
Tangri menga yetkargin xabar,
Tangri qavmi — biz qadimiy xalq.

O‘z tarixin izlab topmagan,
Beruniyning ko‘z yoshimiz biz.
Enasoyda tosh bo‘lib qotgan,
Ming Samandar, Chin, Shoshimiz biz.
 
Jahon ahli qovushsa hamdam,
Tarix qa’rin titkilasa bot,
Bizsiz u ham bosmaydi qadam,
Ha, turkiylar mangu barhayot.
12.04.97

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #76 : 13 Mart 2008, 10:44:02 »
* * *

Nega daraxtlarga jon berding, Samo,
Nega barglarini bo‘yading yashil.
Nega insonlarga aytib alvido,
Umrbod ketmoqni aylading tashkil.

Qon bilan jonimga joylashib olgan,
Sening bu tuhfang-ku mendagi hayot.
Ming bor tomirlarga bog‘lanib qolgan,
Meni odam qilgan ushbu hissiyot.

Ipsiz muhr bilan bog‘lading meni,
Dunyo lazzatlari atalmish dardga.
Igna ham bermaysan ketmoqlik kuni,
Azroil chekarmish imzoni shartga.

Men nega haqsizman, huquqim ham yo‘q,
Kechir, kechir, demoq buyurgan sharting.
Ollohim kechirgin sendan ko‘nglim to‘q,
Asli in’om erur har bitta darding.

Muk tushib poyingga yig‘lamoq uchun,
Seni izlayverdim, yugurib yeldim.
Uyqudan tug‘ olib sen tomon har tun,
Zulmat makoningga va oxir kelgum.
07—08. 04. 2002

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #77 : 13 Mart 2008, 10:44:09 »
* * *
Ongim mukammaldir, sig‘indim unga,
Xohish ishtiyoqim — shayton vasvasi.
Sig‘inmam bu olam, dunyo-yu dunga,
Tanam emasdir-ku  ko‘nglim buddasi.

Namozda yukundim onggim oldida,
Tiz cho‘kib topindim senga tafakkur.
Dunyo lazzatlari ortda qoldi-da,
Ilk bor sig‘inchlarga keltirdim kufur.

Dunyo makkasiyu madinasi men,
Men o‘zim Ollohning sevgan farzandi.
Machitu cherkovu ehromu sanam...
Hammasiga men, men-ku arzanda.

Ikki ko‘z olamni ko‘rmoqlik uchun,
Ikki quloq olamdan xabar oladi.
Tanamni to‘qqiz bor ushbular bugun
Sig‘inch va sog‘inchga olib boradi.

Dunyo tafakkurdan olarkan saboq,
Demak men tafakkur farzandi azal.
Dinu payg‘ambarlar bo‘lolmas guvoh,
Birgina Ollohni aytaman go‘zal.
20-21. 03.2002.

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #78 : 13 Mart 2008, 10:44:56 »
* * *
O‘zim bu dunyoning o‘zagi, xilqat
Yuragim Ka’bayu, ko‘zlarim ummon.
Basharlar yonimda falakdir faqat,
Men na shoirmanu va na chin dehqon.

Qiyomat kelmasdan yelkamdan olib,
Quvvayi hofizam tutar savolga.
Qil ko‘prik — vijdondan o‘tolmay qolib,
Dil seni bukmayin o‘xshatib dolga.

Kimdir koinotga ot qo‘yadi zap,
Men-chi... yuragimga yetmaydi kuchim.
Foyda, haq, nohaqdan ketganida gap,
Yuragim to‘la qon, yo‘qdir bir yechim.

Manglay ajinlarim, o‘tmish tarixi,
Yurak tomirimga qonlarday bitgan.
Faqat bashar onggi uning tazkiri,
Varag‘u sahfalar o‘qilmay qotgan.

Ezgu haqiqatga umidvor yashab,
Jonli bu hayotning buyuk misoli,
Seni tangri tanib qilaman tavob,
Tabiat — hayotning yakka Xudosi.

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #79 : 13 Mart 2008, 10:45:01 »
* * *
O‘z ruhimga o‘zim sig‘indim,
Shakkokligim yo‘l bermadi, voh.
Sajdani ham omonat bildim,
Olloh o‘zing eng qodir guvoh.

Zardo‘sht so‘zi ezgu niyatim,
Fikrlarim tarqoqdir faqat.
Zakiy bo‘ldi amaliyotim,
Bila turib qildilar tuhmat.

Men nidoni tark etmadim hech,
Yolg‘on aytib yolvorgan bo‘ldim.
Aybim bitta: yig‘lab erta kech,
Zar, zaqqumga limmo-lim to‘ldim.

Birdan ruhim ingradi shunda,
Sajda qil deb ovoz chiqardi.
Ziyosi yo‘q qorong‘i tunda,
Shart to‘kildi dilimning dardi.
01.07.2004

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #80 : 13 Mart 2008, 10:45:08 »
* * *
So‘z agar aqldan tikmayin alam,
Qalamga olinsa sinsin u qalam.
Xusrav Dehlaviy
Qalam olib yozmoq bo‘ldim navolarni,
Umr bo‘yi izlab keldim donolarni,
O‘z qalbingni izla dedi har bir olim,
Rozi bo‘ldim lek topmadim davolarni.

Har kimsaga ergashmoq bu oson ekan,
Ergashuvla o‘zin topmas olim degan,
Bir kun o‘zim oyog‘imdan oldim o‘zim,
O‘z yo‘lingdan borgin, dedim, Olloh bergan.

Ilk qadamim dadil chiqmay shubhalandim,
Sekin-asta donolardan madad oldim,
Hali-hamon yo‘l paypaslab bormoq ishim,
Katta yo‘lga chiqqanimni bilmay qoldim.

Atrof, jahon nodonlarga ochiq kitob,
O‘qimaydi hech bir kishi aylab shitob,
Kun varag‘in yirtib otdim men ham tinmay,
Vaqt qahriga berolmadim men ham bir tob.

Umrim cho‘g‘in his etibman oltmish yoshda,
Go‘zallikni qiyos qildim qalam qoshga,
Yoshlik, deya yo‘qotganim izlamadim,
Chidab berdim kulfat tushsa aziz boshga.

Umr o‘zi biz izlagan baxt ekan bir,
Yashab undan lazzat oldim biri kamdir,
Bu olamning birkamligin bilgan kunim,
Umrim mag‘zin bilgan onim o‘shal damdir.
Bolalarim yig‘lab-yig‘lab vido qilgay,
Men darveshni silsilada bo‘g‘in bilgay,
Mendan qolgan nasihatga quloq tutsa,
Ularning ham umrlari ravon bo‘lgay.
22—24.02.2005.

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #81 : 13 Mart 2008, 10:45:15 »
* * *
Qatra suvda qayd etilgay
Qiyomatning qiymati.
Payti kelsa sayd otilgay,
Bu taqdirning qismati.

Falak, sayyod tuzog‘ida
Chiqmagan jondan umid.
Hayot kechmish bu bog‘ida,
Bir butun dondan umid.

Boshi berk o‘rmon ichinda,
Men na saydu sayyodman.
Bu omonat qatra jonda,
Na unut va na yodman.

Qo‘ysa tarix oxir qadam,
Do‘zax yuzini dod qil.
Men kabi mushfiq bir odam
Jannatiy, deb obod qil.
29.12.2003.

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #82 : 13 Mart 2008, 10:45:20 »
* * *
Hayot mujassamdir bir tomchi suvda,
O‘shal biz izlagan mukammal hayot.
Qanchalik quvmaylik ul hayot quv-a
Bizni aldab chorlar so‘ngsiz sayohat.

Dashtda tegirmon ham qolmaydi suvsiz,
Hayot o‘z sarobin berib turadi.
Tinmayin tug‘ilar go‘daklar chuvsiz,
Onaning hislari javlon uradi.

Sassiq alafning ham hidi yoqimtoy,
Qay bir darrandayu parranda uchun.
Har kuni sayr qilar osmondagi oy,
Yuraklar o‘t olar tegsa bir uchqun.

Aslida bu uchqun ilohiy bir kuch,
Shul sabab olovga sig‘indi bobom.
Ammo aytgin menga xayol nega puch,
Ne sabab bo‘shliqqa xayollar hamdam?

Bu yolg‘on hayotni Sino davolab,
Davosin topmadi ingradi nido.
Balki sen bilarsan zino nomli lab,
E, meni kechirgin, kechirgin, samo.
3.III. 96

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #83 : 13 Mart 2008, 10:45:26 »
* * *
Hayqirib dunyodan o‘tdi zamonlar,
Odam izlayverdi o‘zini o‘zi.
Tiz cho‘kib tavallo qilgan u damlar,
Osmonda ko‘rindi Tangrining ko‘zi.

Hali Tangri so‘zi topilmagan payt,
Odam ishonchini uzmadi undan
Osmonga iltijo qilaverdi? Ayt ...
Va ilk bor xabarlar keldi ilk dindan.

Qorong‘u dahshatga soldi bobomni,
O‘shal payt yukindi u qora tunga.
Qalbiga sig‘magan bu dahshat g‘amni,
Aytmoq istar edi tanish odamga.

Yupatmoq istagan topildi shaxslar,
U iloj topmadi oqqan ko‘z yoshga.
Buddalar, balballar, shomon, payg‘ambar...
Yo‘q, bobom ishondi yakka quyoshga.

Hamon izlab kelar Ollohni odam,
Mening ham qaynalar ko‘pirib qonim.
Jannat, jahannamga aylanar xonam,
Tangriga ayonku ishonch, iymonim.
23. 12. 2000

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #84 : 13 Mart 2008, 10:45:32 »

* * *
Har qalay o‘t yoqib taft berdi falak,
Tog‘larni yig‘latib suv berdi aziz,
Daraxtlar ko‘kartdi, biz qildik kallak,
Yana vahshiylikni tan olmadik biz.

Shunda tars yorildi zamin qit’aga,
Qit’alar bosh olib ketdi bir-birdan,
Dunyoga to‘ymadik, ayladik ta’ma,
Voqif bo‘lmoq bo‘ldik ilohiy sirdan.

Dunyo ko‘zin ochdi, ma’danlar berdi,
Daraxtlar gulladi, pishdi holvalar.
Biz to‘ymay o‘rgandik zeru zabarni,
Dunyoni to‘ldirdi bitmas g‘alvalar.

Shunda ayon bo‘ldi qodir iroda,
Rost chiqdi tepada bitilgan taqdir,
Belgilab qo‘yildi yotmoq tor joyda,
Kengga keng-ku ushbu tor joy ham axir.
27.07. 2002

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #85 : 13 Mart 2008, 10:46:05 »
* * *
Ko‘zlarimdan halqa-halqa yosh to‘kib
Sodiq do‘st izladim, izladim sarson.
Oxir oqibatda ko‘z yoshga cho‘kib,
Dunyoning lutfidan kulaman hayron.
Gado o‘z holidan qilmaydi hazar,
Uning sodiq do‘sti — yakka ishonchi.
Men gado, holimdan kulaman zahar,
Tanamdan joy olgan dunyo quvonchi.

Bu dunyo dashtidan baxt izlamadim,
Balki, shundan erur hurlik holatim.
O‘zimga o‘zligim doim hamdamim,
Do‘st, deb adashganda yondim betinim.

Mayu mayxonalar hamroh tutishdi,
Dunyoni xo‘p kezdim, ochildi ko‘zim.
Ayoqim ichinda fikrim yetishdi,
Anglab yetganim shu — do‘stim men o‘zim.
25.04.07

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #86 : 13 Mart 2008, 10:46:11 »
* * *
Tunda tuynuk ochilib birdan,
Kirib keldi bir toza havo.
Kutar edim men uni har dam,
Dardlarimga bo‘lar deb davo.

Dardlar nomin izladim chunon,
Qayratimga lol qoldi quyun.
Ko‘zlarimga lov quyuldi qon,
Adolatni unutdim junun.

Birdan omad chap berdi shunda,
Quyuq g‘amdan chaqnadi ko‘zim.
Qora xona tim qora tunda,
Bildim aniq dushmanim o‘zim.

Men izlagan molu mulk, davlat,
Qalbimdagi bir siqim adam.
Yuragimda ungan  adolat,
O‘z ustimdan qilgan g‘alabam.
18.02.07

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #87 : 13 Mart 2008, 10:46:22 »
* * *
Dunyo, deb tamshandim, shirin ekan u.
Lazzat jozibasi tinmayin tortdi.
Meni maftun qildi dunyoning ko‘rki,
Ko‘rdim, mana shundan tashvishim ortdi.

Birin shirin dedim, birini go‘zal,
Biri tashvishlardan meni asradi.
O‘zimni yupatdim: “Taqdiri azal,
Ko‘rib turiptiku, dunyo sarvari.”

Ollohim, sen menga ixtiyor berib,
Arqonim bog‘ini uzunroq qo‘yding.
Ixtiyor, so‘ziga andarmon bo‘lib,
Gunoh tuzog‘iga oyog‘im qo‘ydim.

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #88 : 13 Mart 2008, 10:46:29 »
* * *
Men afsona izlab yashadim,
Afsonalar ichida doim.
Afsonadan uzilgan kunim,
Afsonalar yitdi muloyim.

Chor atrofga boqdim ishonmay,
Dev, parilar kutdim samodan.
Jilg‘alardan suv ichdim qonmay,
Qanot kutdim tunlar Xudodan.

Bolalarday beg‘ubor osmon
Gumbaziga tikildim, zora,
Yulduzlardan terib bir hamyon,
Bechoraga aylasam chora.

Buvijonlar nevaralarga,
Ertaklarni kuylangiz tinmay.
Yetib kelgan ertaklar bizga,
Qullik hissi neligin bilmay.

Men ham aziz buvijonimdan,
Afsonalar eshitdim mudom.
Vatanimni sevib jonimdan,
Ertaklarda yashayman hamon.

Oh, ertakmas ekan bu hayot,
Har puchmog‘i sirotdan qaltis.
Ertaklarda uchgan bo‘ G‘irot,
Bu hayotda ucholmas olis.

Shuning uchun nabiralarni,
Hayotdan ko‘p uzmang bibilar.
Menga o‘xshab bu ertaklarni,
Zada aytib yurmasin ular.

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: Mahmud Yo’ldoshev she'rlaridan
« Javob #89 : 13 Mart 2008, 10:46:35 »
* * *
Men tushlarga inonmayman,
Inonmayman ro‘yoga.
Ro‘yolarni kuylab tinmay,
Sig‘may qoldim dunyoga.

Ro‘yo ekan muhabbat ham,
Ro‘yo ekan va’dalar.
Sevaman deb ichsam qasam,
Sevmaslar mendan kular.

Dunyo o‘zi tushmi asli,
Balki bizlar uyquda.
Yuragimda yorning ismi,
Yonarmanku behuda.

Kel, muhabbat tushlarimdan,
Uyg‘otib ol jonginam.
Men ham kechib ro‘yolardan,
Sen bilan bo‘lay sanam.
08.08.96

 

Mahmud As'ad Jo'shon. Haqiqiy sevgi

Muallif DoniyorBo'lim Islomiy kitoblar

Javoblar: 67
Ko'rilgan: 43530
So'nggi javob 02 Dekabr 2007, 02:02:40
muallifi AbdulAziz
Mahmud As'ad Jo'shon. Ramazon va taqvo

Muallif NaqshbandiyBo'lim Islomiy kitoblar

Javoblar: 283
Ko'rilgan: 102167
So'nggi javob 02 Dekabr 2007, 02:00:12
muallifi AbdulAziz
Behzod Fazliddin she'rlaridan

Muallif shoirBo'lim She'riyat

Javoblar: 39
Ko'rilgan: 20810
So'nggi javob 23 Sentyabr 2007, 17:33:02
muallifi shoir
Guljamol Asqarova she'rlaridan

Muallif shoirBo'lim She'riyat

Javoblar: 51
Ko'rilgan: 37015
So'nggi javob 19 Noyabr 2007, 13:38:24
muallifi Muslimа
Pahlavon Mahmud

Muallif shoirBo'lim Sharq mumtoz she'riyati

Javoblar: 1
Ko'rilgan: 18135
So'nggi javob 30 Iyun 2008, 17:03:41
muallifi shoir