Hazrati Umar roziallohu anhu deydilarki:
"œMen qancha do’stlarni ko’rdim, lekin tilni saqlashdan afzalroq do’st ko’rmadim
Qancha qancha liboslarni ko’rdim, lekin taqvodan afzal libosni ko’rmadim.
Ne-ne mollarni ko’rdim, lekin qanoatdan afzal molni ko’rmadim.
Qancha yaxshiliklarni ko’rdim, lekin nasihatdan yaxshiroq yaxshilikni ko’rmadim.
Qanchadan-qancha taomlarni ko’rdim, lekin sabrdan lazzatliroq taomni ko’rmadim".
"œXutobul-minbariya" (Minbar xutbalari) kitobidan

Umar roziyallohu anhu aytdilar: "Alloh taolo albatta olti narsani olti narsaning ichiga berkitdi:
1-roziligini - ibodatga;
2-g'azabini - osiylikka;
3-ismu a'zamini - Qur'oni karimga;
4-Qadr kechasini - Ramazon oyiga;
5-o'rta (asr) namozini - besh vaqt namoz ichiga;
6-qiyomatni - kunlar ichiga ."

Xatoni tark etish uni tavba bilan tuzatishdan ko’ra yaxshiroqdir

Kunduzi uxlasam, raiyatimdan bexabar qolaman, kechasi uxlasam, Rabbim berajak nasibadan mahrum bo’laman.

Ilm olinglar, ilm olish uchun sakinat va halimlikni o’rganinglar.

 
"Allohning molidan o'zim uchun halol deb bilganlarim shulardir: Yozlik va qishlik ikki kiyim-boshim, haj va umraga borishim uchun bir ustlik ko'ylagim, qurayshlik oddiy bir odamning yeydigan taomidan farqsiz taomim(va bu taomim ularnikidan ko'p ham emas, oz ham). Alloh nomiga qasam ichib aytamanki, bular ham men uchun qanchalik harom yo halolligini bilmayman".
Umar ibn Xattob r.a.

"Ochko'zlik-kambag'allik, qanoat-boylikdir. Kimning ko'zi odamlarning mol-mulkida bo'lmasa, ularga muhtoj bo'lmagay".
Umar ibn Xattob r.a.

"Amallarning afzali farzlarni ado etmoq,Alloh harom qilgan ishlardan taqvo qilmoq va Alloh taolo huzuridagi narsalar xususida niyatni xolis qilmoqdir".

Tavbangning to'g'ri bo'lishi gunohingni bilish bilan, amalingning to'g'ri bo'lishi mag'rurlikdan voz kechishing bilan, shukringning to'g'ri bo'lishi kamchiligingni bilishing bilandir.

Yolg'on qasam ichishni yengil sanama, uning sababidan Alloh seni halok qilur.