Bakalashkadan nimalar qilsa bo'ladi?

[lolo]

Бакалашкадан нималар қилса бўлади?

1. Тагини бигиз билан тешилса, лейка.
2. Усти кесиб ташланса, гул учун тувак.
3. Усти кесиб ташланса қаламдон.
4. Сочиқ билан ўраб тикиб қўйилса, ёзда сувни муздек сақлайдиган идиш.
5. Ҳар хил йўллар билан кесиш ва қопқоқларидан фойдаланиш орқали турли декоратив безаклар.
6. Қопқоғи ёпилган бир неча бакалашкаларни бирлаштирилиб боғланса, болалар учун чўкишдан сақлайдиган сув баллони, кичик қайиқчалар.
7. Таги кесиб ташланса, воронка.
8. Болалар учун боулинг ўйини. (Ичига тош, шағал, қум, сув солиб турли оғирликда ясаш мумкин).
9. Усти кесилса ва тўнтарилса, кичик кўчатлар учун митти иссиқхона (теплица).
10. Ости кесиб олинса, дирилдоқ (холодес) тайёрлаш учун идишча.
11. Кичикларидан безакли печенье тайёрлашда хамир кескич.
12. Усти ва тагини кесиб ташлаб ёйилса, ёзувлар (эълонлар) устини ёпиш учун пленка.
13. Худди шу йўл билан ёзув пленкаси (слайд).
14. Қопқоқларидан ҳисоб чўти.
15. Икки хил рангли қопқоқларидан шашка доначалари.
16. Ярмини тўнтариб ерга кўмган ҳолда болалар майдончаси учун чегара.
17. Мих, винт, шуруп, танга каби майда нарсалар сақланадиган идиш.
18. Гуруч, мош, шакар каби озиқ-овқат маҳсулотлари сақланадиган идиш.
19. Болалар қумда ўйнаши учун челакча ва идишчалар.
20. Ичига сув солиб бир нечтасини бирлаштириб осиб қўйилса, боксёрлар учун нок.
21. Турли рангли қопқоқларидан мунчоққа ўхшаш болалар ўйинчоқлари.
22. Устини кесиб ташлаб тагидан мошдек тешиклар тешилса, олхўри, гилос, олча, қулупнай ювадиган идиш.
23. Ичига сув солиб бошқа сувли идишга тўнтариб маҳкамланса, товуқларни сув билан таъминлайдиган автоматик қурилма.
24. Бир нечтасининг ўртасидан тешиб сим ўтказилса ва тортиб осиб қўйилса, қопқоқларини отиб узоқдан пойлаш (мерганлик) ўйини.
25. Тагини бигиз билан бир неча жойдан тешиб сув чиқадиган кранга маҳкамланса, фаввора.
26. Бир нечтасини сув тўлдирилган ҳолда бирлаштириш орқали, осилиб чиқиладиган дор ёки турник тагига хавфсизлик тўшаги.
27. Ости ва устини қирқиб ташлаб, кейин пленкасидан турли шакллар кесилса, деворга нақшлар чизиш учун трафарет.
28. Устини кесиб ташлаб ичини шишапахта ёки қипиқ билан тўлдирилса, сув кранларини қишда музлашдан сақлайдиган мослама.
29. Усти кесилиб бирор устунга маҳкамлаб қўйилса, теннис тўплари солиб қўйиладиган идишча.
30. Устидан кесиб ташланса бўёқ идиши.

[lolo]

31. Усти кесиб ташланиб, бўй бараварида ерга кўмилса, гольф ўйини чуқурчаси.
32. Катта сиғимлисидан (5 литр) ахлат қутиси.
33. Қовурға суяги синганларга пуфлаш машғулоти учун қўлланма.
34. Ярим литр сиғимлисидан болаларни ваннада чўмилтираётганда овутиш учун ўйинчоқ.
35. Икки тарафидан кесиб ташланса, қишда сув қувурларини музлашдан сақлаш учун ўраш материали.
36. Икки тарафидан кесиб ташланса, деразадаги дарз ва тешикларни вақтинча беркитиш учун ишлатиш мумкин (ёпиштиргич ёрдамида).
37. Бироз пастидан кесилиб, остидан тешикчалар очилса, совун идиши.
38. Майда қийқимларга кесиб ташлаб, кейин оловда озгина эритиб бир-бириги ёпиштирилса, газ плита, раковина, унитаздаги қийин кетадиган кирларни тозалайдиган қирғич.
39. Тагидан бир-иккита тешик тешилса, олча, гилос каби меваларни солиб сиқиш орқали шарбат тайёрлаш.
40. Биттасининг усти кесиб ташланади, остидан бир-иккита нўхатдек тешик тешилади. Иккинчисига сув тўлдириб эзиш учун ишлатилади (бакалашка тагини озгина олов тафтида тутсак кичраяди). Шафтоли, ўрик, олхўри, тарвуз каби мевалардан шарбат олиш учун.
41. Фтор кислотасини сақлаш учун идиш (чунки уни шиша идишда сақлаб бўлмайди).
42. Ичига тупроқ солиб, данак ёки уруғ ён томонига тақаб экилса, ўсишини кузатиш мумкин (ботаника дарси лаборатория машғулоти учун)
43. 0,5 литр, 1 литр, 1,5 ва 2 литрлиларини сув билан тўлдириб паллали тарози тошлари (мос равишда 0,5 кг, 1 кг, 1,5 кг, 2 кг) сифатида қўллаш.
44. Катта сиғимлисидан (5 литр) кичик аквариум.
45. Ичига сув тўлдирилса, ҳаво бўшлиғи силжишидан қиялик ўлчов асбоби.
46. Кесиб ёйилса, болалар учун турли ҳайвон ниқоблари. 5 литрлисидан бошга кийилдиган ниқоб ҳам қилиш мумкин.
47. Ярим литрлисининг қопқоғида кичик тешиклар тешилса, туздон.
48. Ҳожатхонада тозаланиш учун обдаста сифатида.
49. Альбастр сувоқ билан розетка ўрнатиладиган ғоваклар ясаш учун.
50. Қопқоғиини қирқиб калит учун брелок.
51. Қопқоғини ўртасидан тешиб темир стержен ўтказиб болалар машина ўйинчоқлари учун ғилдирак.
52. Беш литрлисининг қопқоғини стул ёки стол оёқлари остига таглик (гиламга зарар бермаслик учун).
53. Ток баргларини консервалаш учун идиш.

Yana nimalar yasash mukin?

irmoq.uz

[Zamiraxon]

Mana buni qilsa ham bo'larkan

[siddiqa]

Mana buni qilsa ham bo'larkan

       ibrat ........shukr

[ZUBAIR]

Baklashkani belidan qirqib, uzun yog'ochga qotirib, uzum, anjir uzardik (bir vaqtlar =) )

[BaÑ…tiyor]

Uni ichimlik suvi idishi sifatida ham ishlatsa bo'ladi !

[Mashhura]

Baklashkani belidan qirqib, uzun yog'ochga qotirib, uzum, anjir uzardik (bir vaqtlar =) )

biz olma uzardik

[Rabella]

 
Bugun o`zimcha nimadirla yasagim kelib internetga qidiruv bersam, shunaqa zo`r narsala chiqib keldi..
Ayniqsa bakalashkadan yasalgan bu uyni  ko`rib qoil qoldim.. 

[Rabella]

[Mufazzala]

 

Biz baklajkalarga yozda tomat, pomidor sousi, murabbo yopardik.
Lekin rossayam ekonomichniy narsada bu baklajka, o'ylab topganlar baraka topsin.

[Mahdiyah]

Bakalashkaniyam uvol qilishmabdi qoyil. O'rnak olsak bo'larkan. Qolversa g'ishtdan ancha arzonga tushadi  

[Mahdiyah]

Baklashkani belidan qirqib, uzun yog'ochga qotirib, uzum, anjir uzardik (bir vaqtlar =) )

Biz ham buvimnikida baland anjir daraxtidan anjir terardik, juda qiziq edi. Har terganimda 1 tog'ora to'lardi.
Afsus shu anjirni bir necha yil avval xovlini kir qilib tashlayabdi dib qirqib tashashdi, rosa achindim.
Barakali anjir edi...

[Mahdiyah]

kashelyok qilishibdi bakalashkadan

[Mahdiyah]

[azizbek_mx]

Biz kichikligimizda boklajkani qornidan bir nechta teshib, qopqog'ini örniga shlang ulab fontan qilardik, tepasidan sakrab sakrab chömilardik. Zör vaqtla edi öshanda