So'rovnoma

O'zbek estradasining hozirgi holati haqida nima deya olasiz?

Yaxshi
2 (5.3%)
O'rtacha
4 (10.5%)
Yomon
9 (23.7%)
O'ta achinarli
17 (44.7%)
Men umuman estradaga qiziqmayman
6 (15.8%)

Foydalanuvchilar ovoz berdi: 37

Muallif Mavzu: O'zbek estradasi halokat yoqasidami?..  ( 40710 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: O'zbek estradasi halokat yoqasidami?..
« Javob #45 : 04 Iyul 2006, 06:42:57 »
Uztermbek:

Ha-a... bunaqa 'kosa tagi nimkosa' qabilidagi qo'shiqlar o'zi yangi emas... Lekin hozir rosa urchtishayapti... Tohir Sodiqovning bitta qo'shig'ini eslang(ajab, shu qo'shiqning musiqasi menga yoqadi...): "Jala quysin ertagacha... u qolsin yonimda... ertalab meniki bo'lib uyg'onsin..." Keyin shu ashulani setorachilar aytib chiqishdi ;D

Lekin, 'tan olib' aytish kerak, bu Shohrux deganlari ham: "unda-bunda.. yana bir nima.. mani baxtim ota-onada" ham deb qo'yadi :)) Buzib aytsa ham, yaxshi gaplari yo'q emas...

U kungina marshrutkada ketayotib, Manzura Yo'ldoshevaning shu paytgacha ham yoqtirmaganim bir nag'masining so'zlariga e'tibor berib qoldim. U aytdi:

Nega yonimga kelmiysan?
Axir men seni hohliyman.... :o

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: O'zbek estradasi halokat yoqasidami?..
« Javob #46 : 04 Iyul 2006, 06:43:10 »
Shoir:

Kecha yana radioda bir qo'shiq eshitib qoldim. Qiz bola aytayapti. Kimligini bilmadim. Yangi chiqqanlaridan:
"Onangga ayt, menga tezroq sovchi yuborsin.
Vasling istab ortiq sabrim qolmadi..."

Astag'firulloh. Qiz bola ham shunaqa deb ashula aytadimi? O'zbek qiziya? Qani o'zbekona hayo ibo? Uyalish?

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: O'zbek estradasi halokat yoqasidami?..
« Javob #47 : 04 Iyul 2006, 06:43:21 »
* * *

Bir qo‘shiqchi singlimizning telemuxbir bilan qilgan suhbatlari kishini taajjubga soldi. Singlimiz san’at cho‘qqisini ko‘zlab, shaharga kelibdilar. Erlari bilan ajralishibdilar. Uch yoshli farzandlari qishloqda, onalari tarbiyasida ekan. «Uyga borsam, bolam meni tanimaydi», deb kuldilar. (Aqlli ona bunday holda yig‘lashi kerakmasmi?)Yana dedilarki, ustoz qo‘shiqchi opalaridan «oilamni nima qilay?» deb so‘ragan ekanlar, «sen san’atni o‘yla», degan «dono» nasihatni quloqqa olibdilar.
Hech kim «avvalo ona bo‘ling», demabdi.
Hozir «uyga borsam bolam tanimaydi», deb kulyaptilar.
Keyinchi, yillar o‘tib yig‘lamaydilarmikin?
Ikki tuyaqush oila qurib, ko‘payish ilinjida tuxum qo‘yarkanlaru, og‘irliklari tufayli uni sindirib, keyin fig‘on chekarkanlar. Oxiri ular dono tuyaqushdan maslahat olmoq uchun necha kunu necha tun yo‘l bosib, sahroning narigi chetiga boribdilarda:
— Bizga yordam bering, bizdan ham nasl qolsin, — deb yalinishibdi.
Ularning iztiroblarini tinglagan dono tuyaqush:
— Nasl qoldirish uchun faqat istak-xohishning o‘zi kifoya qilmaydi. Bu oson ish emas, mashaqqatni yengishingiz lozim bo‘ladi, — debdi
— qanday mashaqqatligini ayting, biz hammasiga tayyormiz, — deyishibdi ikki tuyaqush.
— Unday bo‘lsa, diqqat bilan tinglangu, yodingizga muhrlang: nasl qoldirishning eng muhim sharti — yurak taftidir. qo‘ygan tuxumingizga faqat yuragingizning haroratigina jon bera oladi. Shuning uchun unga eng qadrli, eng aziz narsaday munosabatda bo‘ling va ehtiyotlang.
Er-xotin tuyaqush bu maslahatga amal qilishibdi. Tuxum qo‘yilgach, har qanday rohatdan voz kechib, faqat uning uchun parvona bo‘lishibdi. Ochlik, suvsizlikka ham chidashibdi. Oqibat ulug‘ mukofotga erishishibdi — tuxum yorilib, jajji tuyaqushning boshchasi ko‘rinibdi...
Ashulachi singlimizga Xudo ovoz beribdi, farzand ham beribdi-yu, yuragiga harorat bermabdi-da, attang...

Tohir Malik

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: O'zbek estradasi halokat yoqasidami?..
« Javob #48 : 04 Iyul 2006, 06:43:38 »
AbdulAziz:

Ba’zi insonlar san’at, pul yo’lida insonlikni unutadilar. Oilani unutadilar.

Yangi insonlar, yangiz xushtorlar…, sahna, olqishlar, stadion, konsert zallari, uchrashuvlar, gazeta, jurnal, radio, TV…

Bularning hammasi ularga har doimgidek tuyuladi. Ertaga ham shun zaylda davom etadigandek… Lekin ertaga ularni kim eshitadi, kim chorlaydi, o’ziga, shuni o’ylashmaydi. Yoshlikda o’ynab qol deyishadi, tavsiya etishadi. Yoshlari o’tib, endi pardoz vositalari ham pand bermaydigan holga kelganlarida endi ular yoshlarga ustozlik qiladilar, san’atda cho’qqiga erishish asrorlarini o’rgatadilar. Eng yomoni – dono maslahaygo’yga aylanishadi…
Qarib qartayganlarida esa farzandsiz…uysiz, joysiz, qariyalar uyidan yoki pastqam kulbalardan joy olishadi…

Ziyo

  • Super Member
  • ******
  • Rahmat
  • -aytdi: 0
  • -oldi: 24
  • Xabarlar: 1328
Re: O'zbek estradasi halokat yoqasidami?..
« Javob #49 : 04 Iyul 2006, 06:44:03 »
Shoir:

O'zim unchalik shou-biznesga qiziqmayman.
Lekin kecha bir narsani eshitib qoldim: Yulduz Usmonova xorazmlik qizlarning sha'niga yaxshi gap aytmaganmish.
Keyin Ozoda Nursaidova bunga javob qilganmish?
Sizlar nima deysizlar?

MaxCmd

  • Full Member
  • ***
  • Rahmat
  • -aytdi: 0
  • -oldi: 10
  • Xabarlar: 142
  • Jins: Erkak
Re: O'zbek estradasi halokat yoqasidami?..
« Javob #50 : 18 Iyul 2006, 14:02:01 »
Menimcha, so`rovda yuqoridagi 3 variantni o`chirib tashlash kerak!  :D

Abdusalom

  • Super Member
  • ******
  • Rahmat
  • -aytdi: 620
  • -oldi: 61
  • Xabarlar: 1023
  • Jins: Erkak
  • Salomlarim sizlarga!!!
Re: O'zbek estradasi halokat yoqasidami?..
« Javob #51 : 18 Iyul 2006, 14:48:58 »
Menimcha, so`rovda yuqoridagi 3 variantni o`chirib tashlash kerak!  :D

Faqat bitta variant qolsa ham mayliga!  ;)
Tun bo`yi bemorga yig`lab bir odam,
Tongda o`lib qoldi, bemorchi bardam.
Qanchalar chopqir ot jon taslim etdi,
Cho`loq eshak esa manzilga yetdi.

Mas'ud

  • Full Member
  • ***
  • Rahmat
  • -aytdi: 254
  • -oldi: 437
  • Xabarlar: 221
  • Jins: Erkak
Re: O'zbek estradasi halokat yoqasidami?..
« Javob #52 : 02 Avgust 2006, 11:19:37 »
[quote ]
Savol: O'zbek estradasining hozirgi holati haqida nima deya olasiz?  :D
[/quote]

O'ta achinarli holatda...

_Otabek_

  • Full Member
  • ***
  • Rahmat
  • -aytdi: 14
  • -oldi: 7
  • Xabarlar: 114
Re: O'zbek estradasi halokat yoqasidami?..
« Javob #53 : 18 Sentyabr 2006, 09:21:07 »
Булбулнинг эркаги сайрайди

Биз фақат жанг майдонларидагина жасорат кўрсатилади, деб ўйлаймиз. Аслида ҳаётнинг ўзи инсон учун жасорат майдонидир. Абдулла Қаҳҳор 61 йиллик ҳаёти давомида ноҳақликка қарши исён кўтариб ўтган жасоратли, ҳалол инсон, бетакрор адиб бўлган...

 

Темирчи Абдуқаҳҳорнинг зеҳнли ўғли Абдулла адабиётнинг сеҳрли оламига кириб келгунича бутун водий қишлоқларида оиласи билан ризқини териб юрди. ХХ асрнинг фожиаларини ҳам ўз кўзи билан кўрди. Ўша давр воқеалари ичида яшади. 1923 йили матбуотда илк асари босилди. Қўқон педтехникумида, Ўрта Осиё давлат университетида ўқиш, турли нашларда ишлаш жараёнида шўро мустамлакачилигининг қабиҳона сиёсатини англаб етди. Натижадаги атрофидаги маслакдошлари билан “Ботир гапчилар” дея аталган шўроларга қарши ташкилотга аъзо бўлди. У устозлари ва теварагидаги дўстларининг отилгани, қамалганидан хулоса чиқариб, тинчгина ёзувчилигини қилиб юрса бўларди. Аммо Қаҳҳорнинг ўзи ҳам 1935-37 йилларда нақ қамоқхона остонасидан қайтган инсон эди.

Тинч, жўшқин ва зарбдорона меҳнат авж оляпти, дейилган 1955-1968 йилларда ҳам у гоҳ пахтакорнинг оғир меҳнатини, гоҳ адабиётда, санъатда бўлаётган қинғирликларни фош этди. Газета-журналларда ёзаётган мақолалари, учрашув, тадбирларда сўзлаган оташин нутқлари “тепадагилар”га ёқмаётганини биларди. Бироқ, Қаҳҳор “честь” берадиган, “лаббай” дея эгилиб таъзим қиладиган оддий аскар эмас, балки, “фикрлайдиган инсон” эди.

 
1965 йили Абдулла Қаҳҳор Низомий номли Тошкент давлат педагогика институтида бир мавзуни кўтариб чиққан. Ўшанда айтилган гаплар бугунги радиомаҳмадоналар ва бетайин қўшиқчилар учун яхшигина танбеҳдир:

 

“...Жуда бой, чиройли тилимиз бор. Бу тилда ифода этиб бўлмайдиган фикр, туйғу йўқ!.. Афсуски, Радиода кўпинча халқ билан мана шу бой, чиройли, пурқудрат тилда гаплашмайдилар. Одамлар борки, бисотидаги бир ҳовуч сўзни айлантириб, ойлигини олаверади, ўқиш, ўрганиш билан ўзбек тилининг имкониятидан тўлароқ фойдаланишни истамайди ёки бунга фаросати етишмайди. Мана шу одамларнинг дангасалиги, фаросатсизлиги, чаламулла “олим”ларнинг илмий фаолияти оқибатида шундоқ бир тил  вужудга келганки, на муомалада, на суҳбатда, на оилада ҳеч ким бу тилда гапирмайди...

 

Бу тилни фақат микрофон кўтаради, бунга фақат микрофон тоқат қилади... Бизнинг матбуот ва радио тили нима учун кундан-кунга халқ тилидан узоқлашиб боряпти? Нима учун тилимизнинг қонун-қоидалари бузиляпти? Нима учун кўча ҳаракати қоидасини бузган кишига милиция ҳуштак чалади-ю, бутун бир тилни бузаётганларга ҳеч ким ҳуштак чалмайди?... 

 

Кейинги вақтларда ашула жанрининг ғоявий-бадиий савияси ҳам тобора пастлашиб кетяпти. Радио ва телевидениедан берилаётган кўп ашулаларнинг матни хароб, композиторлар бу матнларни қайси гўрдан топганига ҳайрон қоласан киши:

 

...Бир кўнглим олма деди,

Бир кўнглим ол деди.

Қўлим ҳеч бир қайтмаган...

 

Нима гап ўзи? Шу ҳам шеърми? Шу ҳам ашулами?...

 

Бу чаласавод одамнинг қоғоз тирнаб қилган машқи қаёқдан композиторнинг қўлига тушди-ю, бунинг нимаси мусиқа ёзишга илҳом берди экан?

 

Классикларда ҳам, халқ адабиётида ҳам, ҳаётда ҳам одатан йигитлар яхши кўрган қизларини мақташар эди: кўзинг ундоқ, ўзинг бундоқ, дейишар эди. Ҳозирги кўп ашулаларда қизлар ўзларини ўзлари мақташади: у ёғим бундоқ, бу ёғим бундоқ дейишади...

 

Ташаббус эркакдан бўлиши керак, булбулнинг ҳам эркаги сайрайди-ку, дейдиган одам йўқ!..”

 

Қаҳҳор юқоридаги гапларни пединститутда айтганида, эшитиб ўтирганлардан айримлари адибнинг овозини магнитофонга ёзиб олган. Мавзу ниҳоятда долзарб бўлганидан ўша тасма кўпайтириб тарқатилган экан. Каата шов-шувга айланган учрашув ва унда билдирилган фикрдагн сўнг Абдулла акани телерадиоқўмитага таклиф этишди. Шунда адиб дилидагини яна тилига чиқариб, бевосита у ерда ишловчиларга танбеҳ берди. Олдинги айтган гаплари мансабдорларга ёқмаганини таъкидлаб, шунда-да, ўз фикрида қолган, ҳақ сўзни айтганди.

 

“Ўзларингга маълум, мансабдор икки тоифа бўлади: бир тоифаси ўз ўрнига мувофиқ, муносиб билими, қобилияти билан ҳар ишга қодир. Бу тоифа мансабдор ишни ишонч билан олиб боради. Танқид эшитса, бунинг мағзини чақишга, танқидни чуқурроқ тушунишга ҳаракат қилади-ю, бундан хулоса чиқариб, ўзининг раҳна жойига дарров чим босади. Бундай мансабдорларнинг ўзи ҳам хурсанд, иши ҳам “мих”дай, одамлар ҳам мамнун. Бошқа бир тоифа мансабдор ўз ўрнига мувофиқ эмас, муносиб ҳам эмас, шунинг учун сир очилиб қолишидан ҳамиша хавотирда: осмонда чумчуқ пир этса, юраги шув этади. Анчайин танқидий шабада буларга бўрон бўлиб, столини кўтариб кетаётгандай туюладию столини қучоқлаб йиғлайди: вой-дод, фалончи ака, мени ушланг, йиқиламан, дейди”.

 

Раҳбарлар фаолиятига баҳо бериб ўтгач, пединститутда айтиб ўтган фикрларини бевосита ашулани “айлантириб” ётган телерадиоқўмита ходимларига билдирди.

 

“...Ашула айтиш, ашула тинглаш буткул ихтиёрий нарса: хоҳлаган одам айтади, хоҳламаган айтмайди, хоҳлаган эшитади, хоҳламаган эшитмайди. Тўғри, баъзан ашулачига пул бериб, ойлик берибайттириш мумкин, лекин ўз қадрини билган киши хоҳламаган ашуласини пул берсангиз ҳам эшитмайди...

 

Радио ва телевидениеда бериладиган кўп ашулаларнинг матни ниҳоятда хароб. Хусусан, муҳаббат тўғрисидаги ашулалар муҳаббатдан одамнинг ихлосини қайтаради... Баъзи ашулаларда шоирнинг ёри бузуқ бўлади: ҳаммага ўпич берадию, шоирга ўпич бермайди...”

 

Хуллас, Қаҳҳор жим туролмасди. Негаки, 1962 йилда шов-шув бўлган ўша учрашувдан уч йил олдин у шундай ёзганди:

 

â€œКўнгилга хуш келмайдиган, ёғланмаган эски араванинг ғийқиллашига ўхшаш шу ашулани эшитишга объектив равишда бўлса ҳам мажбур қилиш деган нима сўз ўзи?.. Товуши бўлмаган одам ўзича ашуа айтиб юбориши мумкин. Майли, айтсин, лекин унинг ашуласини ёзиб олиб, радиога бериш ҳеч кимнинг хаёлмга келмайди. Буни ёзиб, радиога бериш машинистгагина керакли бўлган паровознинг гудогини ёзиб олиб, радиога бершидай бемаъни иш бўлар эди”.

 

Умид Бекмуҳаммад.

“Даракчи”, 07.09.2006

Foniy

  • Moderator
  • Hero Member
  • *****
  • Rahmat
  • -aytdi: 603
  • -oldi: 501
  • Xabarlar: 622
  • Jins: Erkak
  • Har bir ezgu amal sadaqadir.(Hadisdan)
Re: O'zbek estradasi halokat yoqasidami?..
« Javob #54 : 24 Sentyabr 2006, 20:58:15 »
Assalomu alaykum!
Afsus..., ming bor afsus, san'atimizni jar yoqasiga olib kelib qo'yishdi.., ta'riflashga til ojiz, esiz san'at qarg'alar qo'liga o'tib ketdi?!. bu albatta bulbullar uchun tegishli emas! Nachora, OAV qayerga qarashayapti?!. Zamonaviylik deymiz, zamonaviylik degani - bu o'zlikni, milliylikni yo'qotish degani emas-ku axir!?.Nega buning uchun OAV jon koyitgisi kelmaydi?Bunday holat uchun kim sababchi?..
Yaxshilikka buyuringlar, agar o`zlaring yaxshilik qila olmasalaring ham. Yomonlikdan qaytaringlar, agarchi uning hammasidan o`zlaring chetlana olmasalaring ham!(Hadisdan)

shoir

  • Mega Member
  • *******
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: O'zbek estradasi halokat yoqasidami?..
« Javob #55 : 01 Oktyabr 2006, 06:30:17 »
“HE... BRATISHKA, QALAYSAN?”

Yoki bugungi sotilayotgan daftarlarning ahvoliga nazar
Yangi o‘quv yili arafasida zarurat tufayli Toshkentga borishga to‘g‘ri keldi. “Qo‘yliq” buyum bozori tashqarisidagi maydonchada “Maktab bozori” tashkil etilibdi. G‘oyat aqlli tadbir bo‘libdi. Kuniga bozorga kelib ketuvchi minglab, ehtimol o‘n minglab xaridorlar maktabga boradigan bolalari uchun uyga qaytayotib shu yerning o‘zidayoq maktabga zarur narsalarni xarid qilinyapti.
Rang-barang bezatilgan kitob-daftaru qalam-ruchkalarni va boshqa yuzlab nomdagi o‘quv buyumlarini olmasangiz ham qiziqib tomosha qilasiz.
Mening e’tiborimni tortgan narsalar judayam chiroyli ishlangan umumiy daftarlar bo‘ldi. Muqovasi chet elda chiqarilgan jurnal yoki otkritkani eslatadi. Asosan o‘zimizda, Turkiya va Rossiyada ishlab chiqarilganlari ham bor ekan. “O‘zbekistonda ishlab chiqarilgan” deb yozilgan umumiy daftarlar muqovasi asosan biz kuniga televizorda bir necha marotaba ko‘radigan yoki radiodan ovozini eshitib turuvchi estrada yulduzlarining suratlari bilan bezatilgan. Eng qizig‘i, muqovaning 4-sahifasida siz ushbu estrada qo‘shiqchisini yaxshi tasavvur qilishingiz uchun uning bitta qo‘shig‘i matni ham berilibdi. Jumladan, Sardor Rahimxon, Shohruh va Shahzoda, Sharof Muqimov, Rayxon, yana Shahzoda, Shoxrux...
Hammasi esimga kelmadi. Estrada osmonida paydo bo‘lgan, men bilgan va hali bilmagan yulduzlar ham ko‘p ekan degan fikr o‘tdi miyamdan.
Ajab emaski, bugun maktabda o‘qiyotgan talabalar orasidan 4-5 yil o‘tib, muqovadagi qo‘shiqlar ta’sirida o‘nlab, balki yuzlab yulduzlar chiqsa.
Sizga ma’lum bo‘lsa kerak, biz qo‘shiqni, ayniqsa, estrada kuyiga jo‘r bo‘lib kuylanayotgan qo‘shiqni ting­layotganimizda qo‘shiq ma’nosiga ko‘p-da e’tibor beravermaymiz. Bizni ko‘proq musiqa va kuylanayotgan qo‘shiq ohangi jalb etadi. Mana endi umumiy daftar sotib olib, uning muqovasidagi matndan qo‘shiqning nima haqdaligini bemalol o‘qib olish, o‘quvchilar esa uni yodlab olib xirgoyi (darsda emas, albatta, tanaffusda) qilishlari mumkin.
O‘sha kuni bozorda sotilayotgan umumiy daftar muqovasining so‘nggi betida yuqorida nomlari keltirilgan xonandalarning “Ishonmasman”, “Kim, ayt”, “Netay”,  “Yodingdami?” va boshqa qo‘shiqlari berilgan.
Ayrimlari lotin, ba’zilari kirill alifbosida chop etilgan matnlarning shriftlari shu qadar turli-tumanki, birini lupa bilan o‘qish mumkin bo‘lsa, boshqa birini ko‘zoynaksiz bemalol o‘qisa bo‘ladi.
Ko‘zoynaksiz o‘qisa bo‘ladigan matnlardan biri Rayhonaning “Yodingdami?” deb nomlangan qo‘shig‘i edi. Garchi, qo‘shiqchining nomi lotincha harflar bilan yozilgan bo‘lsa-da, qo‘shiq matni kirill alifbosida yozilgan.
Qiziqib o‘qiy boshladim:
“Ming afsus hamma aytgan
                  suzlaring
aldab meni sozligicha
                  qoldi umrbod
shahlo kuzlaring
xayotimni kildilar barbod
Shildiragan tinik
                            bulokdan men
Seni deb chankoq bosmadim
Aldamagin desalar
                      yonib karamadim
                  kuloq osmadim
Yodingdami, tunlarimda
                       oy bulib mening
Yodingdami, yularimni
                      yoritmokchi yeding
Yodingdami, kunduzinda
                          bulib kuyoshim
Yodingdami, jamolimda
                 xop tuymokchi yeding”


Men to‘rtta verguldan boshqa tinish belgisini topa olmagan, o‘zbekcha h, o‘, q, e harflarining daragi ham bo‘lmagan, imloviy va grammatik xatolar to‘lib ketgan matn bosilgan ushbu daftarni o‘zini bilgan odam maktab ostonasidan ham olib o‘tmasligi kerak deb hisoblayman. Qo‘shiqning mazmuni haqida gapirish esa ezmalik bo‘ladi, xolos.
Xonanda Shoxrux ijro etgan qo‘shiq matnini o‘qib ko‘rdim.
Siz ham bir o‘qib ko‘ring:

“He Sarvar bratishka qaleysan?
O baratan tinchmi?
O’y salom qani???
Sekin-sekin de oka...”


Xullas, qo‘shiqning qolgan qismida ham bundan aqlliroq (mazmunliroq) gap topa olmaysiz.
Bu umumiy daftarlarni ishlab chiqarganlar nima uchun aynan shu qo‘shiqlarni muqovada chop etishgani meni xo‘p o‘ylantirdi. Ammo biror jo‘yali sabab topolmadim.
So‘nggi yillarda ma’naviyat haqida gapiraverib, ushbu so‘zning ham siyqasini chiqarib yubordigov. Ma’naviyat tushunchasini har kim o‘zicha talqin etib, tushuntiradi, izoh beradi. Ammo, negadir hech kim ma’naviyat so‘zining o‘zagi “ma’no” so‘zi ekaniga e’tibor berganini eshitganim yoki o‘qiganim yo‘q. Ehtimol, ma’naviyatni yuksaltirishga xizmat qiluvchi qo‘shiqlardagi ma’nosizlik, boshqacha aytganda bema’nilikning sababi shudir.
Yuqorida umumiy daftarlarning o‘zimizdan tashqari Rossiya va Turkiyada ishlab chiqarilganini ta’kidlab o‘tgan edim. Rossiyada ishlab chiqarilgan daftarlar muqovasida tabiat manzaralari, sportchilar, texnika vositalari — asosan avtomobillar aks etgan bo‘lsa, Turkiyadan keltirilgan umumiy daftarlarda asosan artistlar — Hollivud yulduzlari va o‘zimizning estrada qo‘shiqchilarimizning suratlari bosilgan. Turkiyada tayyorlangan ana shunday umumiy daftarlardan birining muqovasida qo‘shiqchi va akrtisa Britni Spirs surati bosilganki, uni o‘quvchilar odam anatomiyasi darsida ko‘rgazmali qo‘llanma sifatida foydalanishsa ham bo‘ladi.
Maktab bozorida 12 varaqli oddiy o‘quvchilar daftarlari ham sotilayotgan edi. Negadir bu daftarlar Rossiyada, Belorus va Qozog‘istonda ishlab chiqarilgan, o‘zimizda chiqarilgan 12 varaqli daftarni ko‘zim tushmadim. Chetdan keltirilgan o‘quvchilar daftarlarining muqovasi maktab nomi va raqami, sinf o‘quvchisining ismi, familiyasi fan nomi yoziladigan tarzda tayyorlangan bo‘lib, muqovaning 4-betida xal­qaro o‘lchov birliklari va karra-karra jadvali berilgan.
Bizning maktablarimizda bu ma’lumotlarga ehtiyoj yo‘qmikin?
Yaqinda bir oshxonada ovqatlanib o‘tirib, qo‘shni stoldagi to‘rtta xo‘randaning yegan ovqati haqini hisoblay olmay, 2 ta hamkasb dugonasini yordamga chaqirgan ofitsant qizning ahvoli yodimga tushdi. O‘rta maktabda o‘qib yurganida “men matematik bo‘larmidim” degan xayolda na ko‘paytirish jadvalini, na qo‘shish, ayirish va bo‘lish amallarini o‘rganmagan ofitsant qiz o‘shanda maktabda tuzukroq o‘qimaganiga ich-ichidan afsuslanganiga mening imonim komil edi. Ammo, so‘ngi pushaymondan foyda yo‘q-da!
Xullas, bu haqda gapiraman desam, gap keltiraman desam, misol ko‘p. Gapni qisqa qilib aytadigan bo‘lsam, qilayotgan ayrim ishlarimiz, gapirayotgan gaplarimizga har doim mos emasday, nazarimda.

Murod JO‘RA
www.hurriyat.uz

Mahdiyah

  • HIDOYAT ALLOHDAN...
  • Global Moderator
  • Mega Member
  • *****
  • Rahmat
  • -aytdi: 5209
  • -oldi: 4920
  • Xabarlar: 4369
  • Jins: Ayol
  • Allohim! O'zingdan o'zgaga muxtoj qilmagin...
Re: O'zbek estradasi halokat yoqasidami?..
« Javob #56 : 03 Oktyabr 2006, 20:08:21 »
Borgan sari bemaza hopizlar ko'payib ketmoqda.
Bitta misol INDI .
Radiolardagi ta'rifni eshitib yoqamni ushliman.
"Go'zal, shirin ovoz sohibasi INDI" mish...
Bunaqa hopizlar qanchayu ularga ta'rif beruvchi paxtachilar qancha........

Foniy

  • Moderator
  • Hero Member
  • *****
  • Rahmat
  • -aytdi: 603
  • -oldi: 501
  • Xabarlar: 622
  • Jins: Erkak
  • Har bir ezgu amal sadaqadir.(Hadisdan)
Re: O'zbek estradasi halokat yoqasidami?..
« Javob #57 : 08 Oktyabr 2006, 11:28:44 »
Assalomu alaykum!
siz  bularni tanqid qivosmi endi bu postlariz  bilan a?  yaxshigina g'iybat qiladigan mavzuni ochibsiz?
Man tanqidni o'zizdan boshlashni maslahat berardim. shulani  erinmasdan  ko'rib chiqib   kamchliklarini  ko'rishga so'zlarini  yodlashga  qanaqa vaqt topdiz.Shu  TV Markaz deganini keling siz ko'rmang eshitmang .o'shanda bunaqa bekorchi gaplarni gapirishga...
man bu gapim bilan  G'iybat qilmaslikni tarafdoriman.
Hidoyt Allohdan
P.S. Oldin ozimiz amal qip qoyelik
Kwl janob(xonim), biz bu yerda faqat o'zimizni o'ylamasligimiz kerak-ku axir, men ko'rmayapman, nima qilishsa qilishaverishsin deb ketaverish kerakmi, axir bular yoshlarimizning ongini buzishmayapti?!. Faqat o'zimizni o'ylash... bu yaxshi emas, albatta...
Yaxshilikka buyuringlar, agar o`zlaring yaxshilik qila olmasalaring ham. Yomonlikdan qaytaringlar, agarchi uning hammasidan o`zlaring chetlana olmasalaring ham!(Hadisdan)

Farida

  • Hero Member
  • *****
  • Rahmat
  • -aytdi: 0
  • -oldi: 16
  • Xabarlar: 715
  • Jins: Ayol
Re: O'zbek estradasi halokat yoqasidami?..
« Javob #58 : 07 Yanvar 2007, 02:34:00 »
haqiqatda ham hozirgi estradamiz juda ayanchli ahvolga kelib qoldi.
har kuni yangi qo'shiqchi chiqib o'zini reklama qiladi.
qayerdan pul olib, shuncha harajatga klip qivotti bular, chunmayapman.
bir jurnalda o'qishimcha eng arzon klip olish uchun (o'zbekistonda) 2000 $ ketar ekan.

kanishka

  • Newbie
  • *
  • Rahmat
  • -aytdi: 0
  • -oldi: 1
  • Xabarlar: 17
  • Jins: Erkak
    • kurtlarvadisi-pusu.com
Re: O'zbek estradasi halokat yoqasidami?..
« Javob #59 : 10 Mart 2007, 13:59:31 »
siz  bularni tanqid qivosmi endi bu postlariz  bilan a?  yaxshigina g'iybat qiladigan mavzuni ochibsiz?
Man tanqidni o'zizdan boshlashni maslahat berardim. shulani  erinmasdan  ko'rib chiqib   kamchliklarini  ko'rishga so'zlarini  yodlashga  qanaqa vaqt topdiz.Shu  TV Markaz deganini keling siz ko'rmang eshitmang .o'shanda bunaqa bekorchi gaplarni gapirishga...
man bu gapim bilan  G'iybat qilmaslikni tarafdoriman.
Hidoyt Allohdan
P.S. Oldin ozimiz amal qip qoyelik


Uhla o`zbegim !

Sovet davridan qolgan bemalollik , e`tiborsizlik bir kun boshimizga yetadi .

Azdan az, cokdan cok gider.

 

Online o'zbek kino va kliplari

Muallif AbdulAzizBo'lim Kino olami

Javoblar: 18
Ko'rilgan: 22069
So'nggi javob 20 Dekabr 2008, 02:04:39
muallifi ORIF
O'zbek adabiyotining eng sara asarlari

Muallif AbdulAzizBo'lim Madaniyat

Javoblar: 19
Ko'rilgan: 25189
So'nggi javob 06 Avgust 2008, 11:06:15
muallifi The_Alchemist
O'zbek qiziqchiligi

Muallif _Otabek_Bo'lim Madaniyat

Javoblar: 49
Ko'rilgan: 30913
So'nggi javob 09 Iyul 2011, 05:51:29
muallifi Lu`lu`
Sobir Mirvaliyev. O'zbek adiblari

Muallif AbdusalomBo'lim Adabiyotshunoslik

Javoblar: 124
Ko'rilgan: 97474
So'nggi javob 24 Avgust 2008, 03:46:37
muallifi AbdulAziz
O'zbek sheriyati va xazinalari

Muallif KumushbibiBo'lim She'riyat

Javoblar: 53
Ko'rilgan: 32846
So'nggi javob 21 Iyun 2010, 07:45:35
muallifi shirin_a