1409-1449-YILLAR — Movarounnahrda Mirzo Ulug‘bek hukmronligi davrida Buxoro vohasining janubi-sharqiy chegarasiga yondoshgan Somonjuq dashtiga suv chiqarilib yangi yerlar o‘zlashtirildi.

1409-YIL — Shohrux Samarqandan Hirotga qaytish oldida Mirzo Ulug‘bekni Movarounnahr va Turkistonga hokim qilib tayinlaydi.

1409-YIL 25-APREL — Shohrux Mirzo Amudaryodan o‘tib, Samarqand sari yurish qiladi va jangsiz shaharni egallashga muvaffaq bo‘ladi.

1409-YIL BAHOR — Movarounnahrda vaziyat yanada keskinlashadi. Amir Xudaydod O‘ratepa va Shohruxiya shaharlarini osongina qo‘lga kiritib, Samarqand tomonga askar tortadi. Sheroz yaqinida Zarafshon daryosi bo‘yida sodir bo‘lgan jangda Xalil Sulton qo‘shini mag‘lubiyatga uchradi, o‘zi esa asirga olinadi.

1410-YIL — Shayx Nuriddin, Muhammad Jahongir, Amin Abulxoliq hamda oq o‘rdalik xonzodalardan Chingiz O‘g‘lonlar ittifoq tuzib, temuriylarga qarshi isyon ko‘taradi.

1410-YIL 20-APREL — Samarqand yaqinida Qizilrabot mavzeida isyonkor ittifoqchilar bilan Mirzo Ulug‘bek va Shohmaliklarning qo‘shinlari o‘rtasida jang bo‘ladi. Jangda Ulug‘bek mag‘lubiyatga uchrab Kalifga tomon qochadi.

1410-YIL YOZ — Shohrux isyonni bostirish uchun katta kuch bilan Samarqandga yetib keladi. Shayx Nuriddin isyoni bostirilgach, Sirdaryoning o‘ng sohilida joylashgan shaharlar: Toshkent, Yassi, Sabron, Sayram, Yangi yana Temuriylar davlati tarkibiga qo‘shib olinadi va bu o‘lkalarni idora qilish Ulug‘bekning zimmasiga yuklanadi.

1412-YIL — Shohrux Shohmalikni Samarqanddan olib ketishga majbur bo‘ladi. Shundan so‘ng batamom Movarounnahr va Turkistonni boshqarish Ulug‘bek qo‘liga o‘tadi.

1413-YIL — Shohrux tomonidan Xorazm Oltin O‘rda xonlari tasaruffidan qaytarib olingach, Ulug‘bek davlatining g‘arbiy va janubiy chegaralarining havfsizligi muqumlashgan bo‘lsa-da, ammo uning shimoliy-g‘arbiy va shimoliy-sharqiy tomonlari xavotirli edi.

1414-1492-YILLAR — O‘z davrining buyuk mutaffkkiri, fan va adabiyotning turli masalalarga oid 99 ta kitob yozgan va XV asr adabiyotida mavjud bo‘lgan deyarli barcha janrlarda asarlar yaratgan Abdurahmon Jomiyning yashab ijod etgan yillari.

1414-YIL — Shohrux Mirzo Iskandar bo‘ysunmagani uchun suyurg‘oldan mahrum qilishi.

1414-YIL — Ulug‘bek Farg‘onaga yurish qiladi. Ulug‘bekning qo‘shiniga bas kelishga ko‘zi yetmagan Farg‘ona hokimi Amirak Ahmad jangsiz Andijon va Axsini topshirib, Koshg‘arga qochadi.

1415-YIL — Shohrux Mirzo Boyqaro bo‘ysunmagani uchun suyurg‘oldan mahrum qilishi.

1415-YIL BAHOR — Ulug‘bek Farg‘ona ustiga ikkinchi marta yurish qiladi. Farg‘ona va Koshg‘ar Ulug‘bek tasarrufiga o‘tadi.

1417-YIL — Ulug‘bekning farmoni bilan Buxoroda madrasa qurildi.

1417-1420-YILLAR — Mirzo Ulug‘bekning farmoni bilan Samarqandda madrasa qurilishi.

1418-YIL — Ardasher boshliq Shohrux elchilari Xitoyda bo‘lishi.

1419-YIL — 1418-yilda Xitoyga borgan Ardasher boshliq Shohrux elchilariga javoban Li-Do va Jong-Fu Samarqand va Hirotga elchi bo‘lib kelishlari.

1420-YIL — Samarqanddagi Mirzo Ulug‘bek madrasasi ochilgan. Bu madrasa 50 hujrali bo‘lgan. Har bir hujra uch xonaga: qaznoq ( omborxona), yotoqxona va darsxonalarga bo‘lingan. Madrasada 100 dan ortiq talaba istiqomat qilgan va ta’lim olgan. Ulug‘bek madrasasida birinchi darsni o‘z davrining yetakchi mudarrisi Shamsiddin Muhammad Havofiy o‘qigan.

1420-1422-YILLAR — Shohrux va Ulug‘bek 530 nafardan iborat elchilar karvonini Xitoyga jo‘natadilar. Shohruh elchilariga Shodixoji bilan Amir Ko‘kcha, Ulug‘bek elchilariga Sultonshoh bilan Muhammad baxshi boshchilik qiladilar. G‘iyosuddin naqqosh kotib etib tayinlanadi. Temuriylarning elchilari ikki yildan ortiqroq Xitoyda bo‘lib, o‘z vatanlariga qaytib keladilar.