Tuyuqlar  ( 25378 marta o'qilgan) Chop etish

1 2 3 4 5 B


shoir  17 Iyun 2008, 17:00:04

Ey ko'ngul,bu kecha ul oy sori bor,
Oh o'tin yorutmakim, ag'yori bor.
Tuxmi mehr etkim muhabbat bog'ida,
Dard barg ochti-yu g'am kelturdi bor.

Yusuf Amiriy

Qayd etilgan


shoir  17 Iyun 2008, 17:01:20

Bodasiz betobmen bu kecha men,
La'ling istab emdi jondin kechamen.
Sohili maqsadg'a yetgaymanmu deb,
Ko'z yoshim daryosida suv kechamen.

Yusuf Amiriy

Qayd etilgan


shoir  17 Iyun 2008, 17:02:42

Jilva aylab sakraturda sarkash ot,
Noz o'qin javlon etib jonimg'a ot.
Itlaring xaylig'a xizmat ayladim,
Qo'ydilar ahli vafo deb manga ot.

Yusuf Amiriy

Qayd etilgan


shoir  17 Iyun 2008, 17:03:25

Dilrabo, hajring o'tida yonamen,
O'rtanib vasling tilarman yona men.
Ka'ba azmidin manga san muddao,
Bo'lmasang,albatta,andin yonamen.

Yusuf Amiriy

Qayd etilgan


shoir  17 Iyun 2008, 17:03:33

Hamnishin ag'yor to ul yoradur,
Ko'kragim hasrat o'qidin yoradur.
May bila soqiy himoyat bo'lmasa,
Shahnayi hijron yurakni yoradur.

Yusuf Amiriy

Qayd etilgan


shoir  17 Iyun 2008, 17:05:49

Sham' yanglig' yonadur boshimda o't,
Ko'z yoshimdin yer yuzinda undi o't.
Qon yoshim qildi yo'lungni lolazor,
Muncha taqsir ayladim, qonimdan o't.

Yusuf Amiriy

Qayd etilgan


shoir  17 Iyun 2008, 17:06:21

G'am yuki to qomatim yo qilmadi,
Ohim o'tig'a falak yoqilmadi,
Qilmadi rahmi manga,xud o'zgaga,
Bilmadimkim qildimu yo qilmadi.

Ogahiy

Qayd etilgan


shoir  17 Iyun 2008, 17:06:40

Do'stlar, hamrohlig' aylab boringiz,
Tund xo' yorim qoshig'a boringiz,
Bir kecha bazmimg'a kelturmoq uchun
Bosh oyoqig'a qo'yub yolboringiz.

Ogahiy

Qayd etilgan


shoir  17 Iyun 2008, 17:07:07

Dard zahri soldi chinlar qoshima,
Kelmadi holim so'rarg'a qoshima,
G'am yukin chekmakda, ey dil,chobak o'l,
Hargiz ushbu ishda boshing qoshima.

Ogahiy

Qayd etilgan


shoir  17 Iyun 2008, 17:07:22

Chehrasining garchi muhraq nori bor,
Bergusi doim niholi nori bor,
Sig'mog'un bazmim aro, ey muddaiy,
Telmurib turma bu yerda,nori bor.

Ogahiy

Qayd etilgan