Bu network marketingni iqtisodchi sifatida tahlil qiladigan bo'lsam, hozirgi kunda biz bozor iqtisodiyotiga asoslangan iqtisodiy tizimda yashayapmiz. Bu nima degani? Siz ishlab chiqaruvchisiz, siz mahsulotingizni tannarxi va foydangizni qo'shib, bozor narxini belgilab, bozorga borasiz. Endi men o'sha siz ishlab chiqargan mahsulotingizni sotib olmoqchiman. Men ham o'zimni daromadimni xarajatlarimga taqsimlab, mazkur mahsulotga kerakli qismini olib kelganman. Qarayman, sizdagi mahsulotni mendagi pul bilan olib bo'lmaydi. Sekin boshqa sotuvchiga boraman, u ham mahsulotining tez sotilishini istaydi, menga o'zim xohlagandek, narxga beradi. To'g'ri, hech bo'lmaganda, meni va sotuvchining o'rtasidagi mos keluvchi narxga kesishish nuqtasi paydo bo'ladi. Siz esa noiloj talabga qarab, taklifingizni moslashtirasiz. Bu tizimni afzalligi ko'p. Bu haqida ko'p o'qiganmiz, ko'ramiz va amal qilamiz.
Endi Quest.Net kabi tarmoq marketinglariga keladigan bo'lsak, bu yerda tamoman boshqacha siyosat, boshqacha yo'nalish (iqtisodiy tomondan). Bu shundoq bozor iqtisodiyotini sekingina majburiy iqtisodiyotga almashtirib qo'ymoqda. Hamma narsasini majburlab sotishadi. Sotib olmasangiz a'zo bo'lolmaysiz, yana birovlarga majburlab sotmasangiz, foyda ololmaysiz. Mayli edi mahsulotlari yaxshi bo'lsa, yoki bizga kerakli foydali bo'lsa . . . Afsuski, bo'lmag'ur narsalar hammasi. Qayoqdagi tilla soatlaru taqinchoqlar, biobirbalo minerallar, yana it ham qaramaydigan narsalar. Bu mahsulotlar aslida bozorga haqiqiy raqoqatga qo'yilsa, hech kim olmaydigan mahsulotlar bo'lgani uchun shundayin qallob yo'lni tanlashgan.
Qaniydi, hech bo'lmasa, smartfonlar, KPKlar, notebooklar, PClar, Apple mahsulotlari (Apple mahsulotlari fanatiman, shunchun yozganimga hayron qolmanglar!
) ni arzon narxga berishsa, shunda balkim, uzimga uxshagan ikki kishini topib, narsasini olgan bo'lar edim
Bu fikrlar albatta meni Quest.Netdagilarni uzoq kuzatganligim va albatta ular bilan yuzma yuz suzlashish natijasida yuzaga kelgan. Allohga hamdlar bo'lsinki, ularning zarracha foydalik tarafini ko'rmaganim uchun a'zo bo'lmaganman.