Muallif Mavzu: XXI asr she'riyati: Nafosat Sodiqova  ( 3070 marta o'qilgan)

0 Foydalanuvchilar va 1 Mehmon ushbu mavzuni kuzatishmoqda.

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
XXI asr she'riyati: Nafosat Sodiqova
« : 30 Iyul 2008, 12:12:49 »
XXI asr she'riyati:

Nafosat Sodiqova




QALDIRG‘OCH

Qanotlari qoshlarimday go‘zal qushim,
Kel, bir xonish ayla, bo‘lsin dardga davo.
Shu kichkina vujudingda ne yashirin,
Ilhomimga qo‘shib imkon bergin sado!

Qaldirg‘ochim, qanotlaring qayrilmasin,
Sen  oshiyon qurgan ayvon, tinch, farovon.
Derazamni ochib qo‘ydim, sayrab uchgin,
Xonadonim sen birla fayzli, charog‘on.

Chug‘ur-chug‘ur tillaringda pur ma’nolar,
Tong saharda sadoyingdan uyg‘onurman.
Turli xil uy, bisyor guldor xonalar bor,
Lekin seni men ulardan qizg‘onaman.

Qanotlari qiz qoshiday go‘zal qushim,
Aslo mening xonadonim tark etmagin.
Erta tongda so‘ylab beray ko‘rgan tushim,
Biznikidan, qaldirg‘ochim, hech ketmagin.

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: XXI asr she'riyati: Nafosat Sodiqova
« Javob #1 : 30 Iyul 2008, 12:21:14 »
QASAM

Achchiq xotiralar bo‘ldi-ku tilak,
Og‘ir ayriliqqa ko‘ndi bu yurak,
Nima bo‘lsa hamki tan olish kerak,
Sevdim, sevayapman, sevaman seni.

O‘tkinchi havasga berildik goho,
Boshga sinovlarni soldi bu Dunyo.
Dilim to‘la nafrat bo‘lsa ham ammo,
Sevdim, sevayapman, sevaman seni.

Har on xayolingsiz o‘tmaydi vaqtim,
Seni o‘ylasam, bas, ortadi zavqim.
Bilmam, armonimmi va yoki baxtim,
Sevdim, sevayapman, sevaman seni.

Bu qanday tuyg‘uki, seni o‘ylasam,
Pinhona o‘rtanib noming kuylasam.
Kecham ham bugunim, ertamdan qasam,
Sevdim, sevayapman, sevaman seni.

shoir

  • Moderator
  • Mega Member
  • *****
  • Rahmat
  • -aytdi: 2814
  • -oldi: 761
  • Xabarlar: 10773
  • Shoiru she'ru shuur
Re: XXI asr she'riyati: Nafosat Sodiqova
« Javob #2 : 30 Iyul 2008, 12:21:53 »
TUSHLARINGGA KIRAMANMI HECH

Tushlaringga kiramanmi hech?
Har kechada shuni o‘ylayman.
Seni ko‘proq yaxshi ko‘rsin deb,
Ko‘zlarimni tarbiyalayman.

Senga maftun go‘zallar bisyor,
Menda esa devona yurak,
Aytgin, sendan o‘zga kimim bor,
Baxt, iqboling — yagona tilak.

Muhabbatning tashrifi bugun,
Achchiq sog‘inch soldi vujudga.
Yuragimdan o‘rlaydi tutun,
Asir bo‘ldim ishq nomli yurtga.

Sen kashf etib dilim dunyosin,
Va so‘ng dilga payvandlading, jon.
Tushlarimning so‘rab ro‘yosin,
Seni o‘ylab yumaman  mujgon.

Goho tunlar tushlarimda sen,
Seni o‘ylab bedorman goh kech.
So‘yla, uxlab qolganingda men
Tushlaringga kiramanmi hech?..

"Yoshlik" jurnalidan olindi.

 

Tursunoy Sodiqova. Dunyo buyuk uquvxonadur

Muallif AbdulAzizBo'lim Axloq-odobga oid kitoblar

Javoblar: 37
Ko'rilgan: 31303
So'nggi javob 02 Mart 2010, 12:11:21
muallifi Ansora
XXI asr she'riyati: Asror Mo‘min

Muallif shoirBo'lim She'riyat

Javoblar: 4
Ko'rilgan: 3312
So'nggi javob 01 Avgust 2008, 11:02:48
muallifi shoir
XXI asr she'riyati: Musallambonu

Muallif shoirBo'lim She'riyat

Javoblar: 5
Ko'rilgan: 3886
So'nggi javob 29 Iyul 2008, 11:57:30
muallifi shoir
XXI asr she'riyati: Baxtiyor Bobonov

Muallif shoirBo'lim She'riyat

Javoblar: 4
Ko'rilgan: 3061
So'nggi javob 29 Iyul 2008, 12:03:52
muallifi shoir
XXI asr she'riyati: Muqaddas Salomova

Muallif shoirBo'lim She'riyat

Javoblar: 2
Ko'rilgan: 2844
So'nggi javob 29 Iyul 2008, 12:06:55
muallifi shoir