Inson bilim tufayligina barhayotdir. Bilim, tafakkur inson hayoti, barhayotligi negizidir.
GEGEL

* * *

O‘z kuchini ko‘z-ko‘z qilgan, aslida ojizligini namoyon qiladi.
Robindranat TXAKUR

Davron elining jismida ham jon bo‘lg‘il,
Ham jonlarg‘a moyai darmon bo‘lg‘il.
Alisher NAVOIY

* * *

Bilim ham hunar ol, qadrla uni,
Bilim-la hunar ham qadrlar seni.
Yusuf Xos HOJIB

Yoshlik o‘tib borayotganini hech kim sezmaydi, ammo uning o‘tib ketganini hamma his qiladi.
SENEKA

* * *

Hech bir ishni ertaga surma, chunki u ish sendan keyin osonlashib qolmaydi.
Jan POL`

Insonning fazilati favqulodda jasoratlar bilan emas, balki uning kundalik ishlari bilan o‘lchanadi.
Blez PASKAL

* * *

Kamol ahli aro, albatta, topg‘ay izzatu oliy,
Har qaysi kasbida har kimsakim qildi hunar ixlos.
OGAHIY

Do‘stlar fikridin va dushmanlar makridin beparvolig‘ joiz ermas va bu ish nadomatdin o‘zga natija bermas.
Alisher NAVOIY

* * *

Ta’limga ehtiyoj har bir kishida mujassam; xalq nafas olish uchun havoni qanchalik ardoqlasa va izlasa, ta’limni ham shu qadar e’zozlaydi va izlaydi.
Lev TOLSTOY

Kimning xulq-atvori, fe’li yaxshi bo‘lsa,
U tilagini topadi, oyu kun unga kulib boqadi.
Yusuf Xos HOJIB

* * *

Mamlakat tafakkuri butun mamlakat demakdir.
Onore de BALZAK

Maktab, o‘z sistemasida mujassamlangan asosiy predmet va printsiplariga ko‘ra, xalqlar va davlatlar turmushi hamda taqdirini belgilashda bag‘oyat buyuk kuchdir.
Dmitriy MENDELEYEV

* * *

Kelajak bundan buyon ikki xil toifa kishilar: aqliy fikr kishisi va mehnat kishisi qo‘lidadir. Aslida ular bir butunlikni tashkil etadi, zero fikrlash mehnat qilish demakdir.
Viktor GYUGO

Vatanni uning ulkanligi uchun emas, balki o‘zlariniki ekanligi uchun sevadilar.
SENEKA

* * *

O‘zgalar topgan nafosatni sen o‘zing uchun topsang, uni bilib qadriga yetsang — axir, bu ham yaratishdan kam emas-ku?
Iogann GYOTE

Og‘izga kelganni demak nodon ishi,
Olig‘a kelganni yemak hayvon ishi.
Alisher NAVOIY


Bilimsiz kishilarning ko‘ngli xurofotga moyil bo‘ladi.
Abu Rayhon BERUNIY

Donishmandlik bizga hayot so‘qmoqlarida ulug‘ saodatni hozirlab, in’om etuvchi vositadir.
Ibn Sino


Saxiylik — bu (biror narsani) boshqa kishiga hech qanday yomonlikni niyat qilmay va tamagirlikni o‘ylamay hamda shu narsaning qaytarilishiga umid bog‘lamay tuhfa qilishdir.
Majid XAVOFIY